ଉପକୂଳ ଓଡିଶା

ନିଯୁକ୍ତି ମେଳାକୁ ଶିଳ୍ପ କମ୍ପାନୀର ବେଖାତିର

ନିଯୁକ୍ତି ମେଳାକୁ ଶିଳ୍ପ କମ୍ପାନୀର ବେଖାତିର
ଯାଜପୁର ଅଫିସ,୮।୧- ରାଜ୍ୟରେ ଦ୍ରୁତ ବିକାଶ ଓ ନିଯୁକ୍ତି ଆଳରେ ରାଜ୍ୟ ସରକାର ଶିଳ୍ପାୟନ ପ୍ରତି ଗୁରୁତ୍ୱାରୋପ କରୁଛନ୍ତି। ହେଲେ ନିଯୁକ୍ତି ମେଳା ଉପରେ କଳିଙ୍ଗନଗର ଶିଳ୍ପାଞ୍ଚଳର କୌଣସି ଶିଳ୍ପ କମ୍ପାନୀ ଆଗ୍ରହ ପ୍ରକାଶ କରୁ ନାହାନ୍ତି। ଫଳସ୍ବରୁପ ଦୀର୍ଘ ୪ବର୍ଷ ପରେ ସୋମବାର ଶିଳ୍ପ ସମୃଦ୍ଧ ଯାଜପୁର ଜିଲାରେ ଆୟୋଜିତ ନିଯୁକ୍ତି ମେଳା ଏକ ପ୍ରକାର ଫସର ଫାଟିଛି। ମେଳାକୁ ଶିଳ୍ପ କମ୍ପାନୀଗୁଡ଼ିକର ବେଖାତିର ମନୋଭାବ ଯୋଗୁ ନିଯୁକ୍ତି ଆଶାରେ ଆସିଥିବା ଶତାଧିକ ଉଚ୍ଚଶିକ୍ଷିତ ଯୁବତୀଯୁବକ ନିରାଶ ହୋଇ ଫେରିବାକୁ ବାଧ୍ୟ ହୋଇଛନ୍ତି। ଶିଳ୍ପ ବହୁଳ ଯାଜପୁର ଜିଲାରେ କମ୍ପାନୀଗୁଡ଼ିକର ଏଭଳି ମନୋଭାବକୁ ବୁଦ୍ଧିଜୀବୀ ମହଲରେ ଘୋର ନିନ୍ଦା କରାଯାଇଛି। ଆଉ ଏହା ଆଗାମୀ ଦିନରେ ଏଅଞ୍ଚଳର ରାଜନୀତିକୁ ବହୁଳ ଭାବରେ ପ୍ରଭାବିତ କରିବ ବୋଲି ଅନେକ ମତପ୍ରକାଶ କରିଛନ୍ତି। ଯାଜପୁର ବ୍ଲକ ଅନ୍ତର୍ଗତ ବରୁଆଁସ୍ଥିତ ସରକାରୀ ଆଇଟିଆଇ ପରିସରରେ ୮ ତାରିଖ ସୋମବାର ଏବଂ ରଗଡ଼ିସ୍ଥିତ ସରକାରୀ ପଲିଟେକ୍‌ନିକ୍‌ କଲେଜଠାରେ ୯ତାରିଖରେ ନିଯୁକ୍ତି ମେଳା ଅନୁଷ୍ଠିତ ହେବ ବୋଲି ଗତ ୨୭ତାରିଖରେ ଜିଲା ପ୍ରଶାସନ ପକ୍ଷରୁ ନିଷ୍ପତ୍ତି ହୋଇଥିଲା। ଏଥିରେ ବିଭିନ୍ନ ନିଯୁକ୍ତିଦାତା ସଂସ୍ଥା, ଶିଳ୍ପାନୁଷ୍ଠାନ ଯୋଗଦେଇ ଯୋଗ୍ୟ ପ୍ରାର୍ଥୀଙ୍କୁ ଚୟନ କରିବେ ବୋଲି ପ୍ରଶାସନ ଘୋଷଣା କରିଥିଲା। ୨୦୧୩ରେ ଯାଜପୁରରୋଡ ରାଜୀବଗାନ୍ଧୀ ଷ୍ଟାଡିୟମରେ ଶେଷଥର ପାଇଁ ନିଯୁକ୍ତି ମେଳା ଆୟୋଜିତ ହୋଇଥିଲା। ଦୀର୍ଘ ୪ବର୍ଷ ପରେ ମେଳାର ଆୟୋଜନ ହେଉଥିବାରୁ ଯାଜପୁର, ଦଶରଥପୁର, ବରୀ, ବିଞ୍ଝାରପୁର, ରସୁଲପୁର ଓ ଯାଜପୁର ପୌରାଞ୍ଚଳର ପ୍ରାୟ ୩ ହଜାର ଯୁବତୀଯୁବକ ସୋମବାର ନିଯୁକ୍ତି ମେଳାକୁ ଆସିଥିଲେ । ଏଥିରେ ୧୦ଟି ତାଲିମ ସଂସ୍ଥା ଏବଂ ୭ଟି ସିକ୍ୟୁରିଟି ସଂସ୍ଥା ଯଥା, ଭାରତ ସିକ୍ୟୁରିଟୀ, ଜି-ଫୋକସ, ଏସଏଲ୍‌ସି ସୁକ୍ୟୁରିଟି, ଗ୍ରୀସ୍‌କୋ ସିକ୍ୟୁରିଟି, ୟୁରିକା ଫୋକସ, ସନ୍‌ସିଡ ଏଗ୍ରୋ ଓ ମେଟ୍ରୋ କେମିକାଲ ଯୋଗ ଦେଇଥିଲେ। ୮୬୫ଜଣ ଯୁବତୀଯୁବକ ବିଭିନ୍ନ ତାଲିମ ପାଇଁ ଚୟନ ହୋଇଥିବାବେଳେ ୨୧୫ଜଣଙ୍କୁ ସିଧାସଳଖ ନିଯୁକ୍ତି ମିଳିଥିଲା । ତେବେ କଳିଙ୍ଗନଗର ଓ ଜାରକା ଇଣ୍ଡଷ୍ଟ୍ରିଆଲ ଇଷ୍ଟେଟର କୌଣସି ଶିଳ୍ପସଂସ୍ଥା ଆସି ନ ଥିବାରୁ ସ୍ନାତକ, ସା୍ନତୋକତ୍ତର, ବିଭିନ୍ନ ବୈଷୟିକ ଡିଗ୍ରୀଧାରୀ ଯୁବତୀଯୁବକଙ୍କୁ କୌଣସି ପ୍ରକାରେ ଚୟନ କରାଯାଇ ନ ଥିଲା। ୧ହଜାରରୁ ଊର୍ଦ୍ଧ୍ୱ ଉଚ୍ଚଶିକ୍ଷିତ ଓ ବୈଷୟିକ ଡିଗ୍ରୀଧାରୀ ଯୁବତୀ ଯୁବକ ମେଳାରେ ପଞ୍ଜିକରଣ କରି ନିଯୁକ୍ତି ପାଇବାକୁ ଆଶା ରଖିଥିଲେ। ନିଯୁକ୍ତି ମେଳାରେ ବିଭିନ୍ନ ଅବ୍ୟବସ୍ଥା ଏବଂ ନିଯୁକ୍ତି ନ ମିଳିବାରୁ ଅସନ୍ତୋଷ ପ୍ରକାଶ କରି ବହୁ ଯୁବତୀଯୁବକ ଫେରିଯାଇଥିଲେ। ମେଳାର ପ୍ରସ୍ତୁତି ବୈଠକରେ ଆଶାୟୀ ପ୍ରାର୍ଥୀଙ୍କୁ ସହାୟତା ପ୍ରଦାନ କରିବେ ବୋଲି ଜିଲା ପ୍ରଶାସନ କର୍ମନିୟୋଜନ ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ। ମେଳା ସ୍ଥଳରେ ପାନୀୟଜଳ, ସ୍ବାସ୍ଥ୍ୟସେବା, ଆଇନଶୃଙ୍ଖଳା, ଅଗ୍ନି ନିର୍ବାପକ ବ୍ୟବସ୍ଥାର ସୁବନ୍ଦୋବସ୍ତ କରିବାକୁ କୁହାଯାଇଥିଲା। ହେଲେ କୌଣସି ବ୍ୟବସ୍ଥା ଠିକ୍‌ଢଙ୍ଗରେ ହୋଇ ପାରି ନ ଥିଲା। କଳିଙ୍ଗନଗର ଶିଳ୍ପାୟନ ଦ୍ୱାରା ଜିଲାରେ ନିଯୁକ୍ତିର ସୁଯୋଗ ସୃଷ୍ଟି ହେବ ବୋଲି ବିଭିନ୍ନ ସଭାସମିତିରେ ବିଧାୟକ, ମନ୍ତ୍ରୀ, ଜିଲା ପ୍ରଶାସନ ପକ୍ଷରୁ କେବଳ ଭାଷଣବାଜି ଚାଲିଥିବା ଏଥିରୁ ସ୍ପଷ୍ଟ ମନେ ହୋଇଛି। କଳିଙ୍ଗନଗରରେ ଘରୋଇ ପୁଞ୍ଜି ନିବେଶରେ ବହୁ ଶିଳ୍ପ କାରଖାନା ଗଢି ଉଠିଛି। ଏବେବି ବହୁ କମ୍ପାନୀ କଳିଙ୍ଗନଗର ମୁହାଁ ହେଉଛନ୍ତି। ମାତ୍ର ସ୍ଥାନୀୟ ଯୁବତୀଯୁବକଙ୍କୁ ଚାକିରି ତ ଦୂରର କଥା, ଅସ୍ଥାୟୀ ଠିକା ସଂସ୍ଥାରେ ବି ଠିକ୍‌ ଭାବେ ନିଯୁକ୍ତି ମିଳୁନାହିଁ। ଅଭିଜ୍ଞତାକୁ ଆଳ କରି ଶିକ୍ଷିତ ଯୁବତୀଯୁବକଙ୍କୁ ବଡ଼ବଡ଼ ଶିଳ୍ପ କମ୍ପାନୀ ଉପେକ୍ଷା କରି ଚାଲିଛନ୍ତି। ଏଠାରେ ଝାଡ଼ଖଣ୍ଡ, ପଶ୍ଚିମବଙ୍ଗ ଆଦି ବାହାର ରାଜ୍ୟର ଲୋକଙ୍କୁ ଅଧିକ ନିଯୁକ୍ତି ମିଳୁଛି। ସେହିପରି ବାହାର ରାଜ୍ୟର ଠିକାସଂସ୍ଥାଙ୍କୁ ମଧ୍ୟ ଅଧିକ ପ୍ରାଧାନ୍ୟ ଦିଆଯାଉଛି। ହେଲେ ସ୍ଥାନୀୟ ବାସିନ୍ଦା ଜମିବାଡି, ଘରଦ୍ୱାରା ହରାଇ କେବଳ ଧୂଳିଧୁଆଁ ଖାଇ ଅକାଳରେ ବିଭିନ୍ନ ରୋଗରେ ପଡ଼ି ମୃତ୍ୟୁବରଣ କରୁଛନ୍ତି। କାଁଭାଁ ବିଭିନ୍ନ ଶ୍ରମିକ ସଂଗଠନ ପକ୍ଷରୁ ସ୍ଥାନୀୟ ନିଯୁକ୍ତିକୁ ନେଇ ଦାବି, ଆନ୍ଦୋଳନ ହେଉଥିଲେ ହେଁ ଲୋକ ପ୍ରତିନିଧିମାନେ ନୀରବ ରହୁଛନ୍ତି । ସବୁଠାରୁ ବିଡମ୍ବନା ବିଷୟ ଯେ, ବିରୋଧୀ ଦଳ ଭୂମିକା ନେଉଥିବା ଭାଜପା ଓ କଂଗ୍ରେସ ନେତାମାନେ ମଧ୍ୟ କମ୍ପାନୀ ପାଖରେ ବିକ୍ରି ହୋଇଯାଇଥିବା ମନେ ହେଉଛି। ତେଣୁ ପ୍ରଶାସନର ନିଯୁକ୍ତି ମେଳାକୁ ବି ଶିଳ୍ପକମ୍ପାନୀଗୁଡ଼ିକ ମାନୁନାହାନ୍ତି । ଏସଂକ୍ରାନ୍ତରେ ଜିଲା ନିୟୋଜନ ଅଧିକାରୀ ଗତିକୃଷ୍ଣ ବେହେରାଙ୍କୁ ପଚାରିବାରେ କଳିଙ୍ଗନଗର ଟାଟା ଷ୍ଟିଲ, ଜିନ୍ଦଲ ଷ୍ଟେନଲେସ ଷ୍ଟିଲ, ଭିସା ଷ୍ଟିଲ ଆଦି କମ୍ପାନୀ କର୍ତ୍ତୃପକ୍ଷଙ୍କୁ ଯୋଗାଯୋଗ କରାଯାଇଥିଲା। ହେଲେ ସେମାନେ ନିଯୁକ୍ତି ନାହିଁ ବୋଲି କହି ମେଳାରେ ଯୋଗଦେଇ ନାହାନ୍ତି ବୋଲି ବେହେରା କହିଛନ୍ତି।
All Right Reserved By

ଉପକୂଳ ଓଡିଶା

୭ ମୃତ ବିଦେଶୀ ପକ୍ଷୀ ଜବତ, ଜଣେ ଗିରଫ

୭ ମୃତ ବିଦେଶୀ ପକ୍ଷୀ ଜବତ, ଜଣେ ଗିରଫ

ଟାଙ୍ଗୀ(ଖୋର୍ଦ୍ଧା),୯ା୧୨(ଡି.ଏନ.ଏ.)-ଚିଲିକା ଉପକୂଳ କାଳୁପଡ଼ାଘାଟ ଜେଟି ନିକଟ ବରୁଣପଡ଼ାର ଗୁନିବସା ନାଳରେ ୭ ମୃତ ବିଦେଶୀ ପକ୍ଷୀ ଜବତ ସହ ଜଣେ ବ୍ୟକ୍ତିଙ୍କୁ ଗିରଫ କରାଯାଇଛି। ରବିବାର ପୂର୍ବାହ୍ନ ୧୧.୩୦ରେ ଟାଙ୍ଗୀ ବନ୍ୟପ୍ରାଣୀ ବିଭାଗ କର୍ମଚାରୀମାନେ ଅଚାନକ ଚଢ଼ାଉ କରି ମୃତ ପକ୍ଷୀ ଜବତ କରିବା ସହ ଜଣେ ଅଭିଯୁକ୍ତଙ୍କୁ ଗିରଫ କରିଥିବା ବନାଞ୍ଚଳ ଅଧିକାରୀ ସୁବାସ ଚନ୍ଦ୍ର ବେହେରା ପ୍ରକାଶ କରିଛନ୍ତି। 

ଅଣତାଲିମପ୍ରାପ୍ତ ଶିକ୍ଷକଙ୍କ କର୍ମଶାଳା: ପ୍ରଯୁକ୍ତିବିଦ୍ୟାର ଜ୍ଞାନକୌଶଳ ଉପରେ ଗୁରୁତ୍ୱ

ଅଣତାଲିମପ୍ରାପ୍ତ ଶିକ୍ଷକଙ୍କ କର୍ମଶାଳା: ପ୍ରଯୁକ୍ତିବିଦ୍ୟାର ଜ୍ଞାନକୌଶଳ ଉପରେ ଗୁରୁତ୍ୱ

କେନ୍ଦ୍ରାପଡ଼ା ଅଫିସ, ୯।୧୨- କେନ୍ଦ୍ରାପଡା ସହରର ଗୋପସ୍ଥିତ ତୁଳସୀ ମହିଳା ମହାବିଦ୍ୟାଳୟରେ ଚାଲିଥିବା ସ୍ବୟଂଶାସିତ ସଂସ୍ଥା ରାଷ୍ଟ୍ରୀୟ ମୁକ୍ତ ବିଦ୍ୟାଳୟର ପ୍ରଶିକ୍ଷଣ କେନ୍ଦ୍ରରେ ଅଣତାଲିମ୍‌ପ୍ରାପ୍ତ କାର୍ଯ୍ୟରତ ଶିକ୍ଷକ କର୍ମଶାଳା ରବିବାରଠାରୁ ଆରମ୍ଭ ହୋଇଛି। 

ନୀଳମାଧବ ମବିଦ୍ୟାଳୟ ପରିଚାଳନା କମିଟି ବୈଠକ : ଅନିୟମିତତା ଅଭିଯୋଗର ସମୀକ୍ଷା କମିଟି ଗଠିତ

ଖଣ୍ଡପଡା,୯ା୧୨(ସ୍ବ.ପ୍ର.)-ଖଣ୍ଡପଡା ବ୍ଳକ ଅନ୍ତର୍ଗତ କଣ୍ଟିଲୋ ନୀଳମାଧବ ମହାବିଦ୍ୟାଳୟ ପରିଚାଳନା କମିଟିର ଏକ ଜରୁରୀ ବୈଠକ ଶନିବାର ମହାବିଦ୍ୟାଳୟ ସଭାଗୃହରେ ଅନୁଷ୍ଠିତ ହୋଇଯାଇଛି ା 

ସ୍କୁଲ ଆସିଲେନି  ଶିକ୍ଷକ,ପିଲାଙ୍କ ଦାୟିତ୍ୱ ନେଲେ ରୋଷେୟା

ସ୍କୁଲ ଆସିଲେନି ଶିକ୍ଷକ,ପିଲାଙ୍କ ଦାୟିତ୍ୱ ନେଲେ ରୋଷେୟା

ନୂଆଗଁା,୯।୧୨(ଡି.ଏନ.ଏ.)-ନୟାଗଡ଼ ଜିଲା ନୂଆଗଁା ବ୍ଳକ୍‌ ଜାକେଡା ପଞ୍ଚାୟତସ୍ଥିତ ବାଡିବାରି ସେବାଶ୍ରମକୁ ଶନିବାର କୌଣସି ଶିକ୍ଷକ ଆସି ନ ଥିବାବେଳେ ରୋଷେୟା ପିଲାଙ୍କ ଦାୟିତ୍ୱ ନେଇଥିବା ଦେଖିବାକୁ ମିଳିଥିଲା ା ଏ ନେଇ ଅଭିଭାବକ ମହଲରେ ଅସନ୍ତୋଷ ପ୍ରକାଶ ପାଇଛି।  

କେରଳରୁ ଫେରିଲା ଓଡିଆ ଶ୍ରମିକଙ୍କ ମୃତଦେହ

କେରଳରୁ ଫେରିଲା ଓଡିଆ ଶ୍ରମିକଙ୍କ ମୃତଦେହ

ବୋଲଗଡ,୯ା୧୨(ଡି.ଏନ.ଏ.)- ଖୋର୍ଦ୍ଧା ଜିଲା ବୋଲଗଡ ବ୍ଲକ ବାଙ୍କୋଇ ପଞ୍ଚାୟତ କନ୍ତାଇଲୋ ଗ୍ରାମର ପଦ୍ମନାଭ ପାଲଟାସିଂହଙ୍କ ମୃତଦେହ ଶନିବାର କେରଳରୁ ଆମ୍ବୁଲାନ୍ସରେ ଆସି ଗ୍ରାମରେ ପହଞ୍ଚତ୍ଛି। ଏକ ଶୋକାକୁଳ ପରିବେଶରେ ଗାଁ ଶ୍ମଶାନରେ ତାଙ୍କ ଶେଷକୃତ୍ୟ ସମ୍ପନ୍ନ ହୋଇଛି। 

କୃଷ୍ଣପ୍ରସାଦରେ କାଉ ମଡକ : ବାର୍ଡଫ୍ଲୁ ଆଶଙ୍କା କରି ଲୋକେ ଭୟଭୀତ

କୃଷ୍ଣପ୍ରସାଦରେ କାଉ ମଡକ : ବାର୍ଡଫ୍ଲୁ ଆଶଙ୍କା କରି ଲୋକେ ଭୟଭୀତ

କୃଷ୍ଣପ୍ରସାଦ,୯ା୧୨ (ଡି.ଏନ.ଏ.)- ପୁରୀ ଜିଲା କୃଷ୍ଣପ୍ରସାଦ ବ୍ଲକରେ କିଛିଦିନ ଧରି କାଉ ମୃତ୍ୟୁ ହେଉଥିବା ଦେଖାଯାଉଛି। ଏହାକୁ ନେଇ ଲୋକେ ବାର୍ଡଫ୍ଲୁ ଆଶଙ୍କା କରି ଭୟଭୀତ ହୋଇପଡିଛନ୍ତି। ବ୍ଲକ ସଦର ସମେତ ମାଲୁଦ, ବୁଦ୍ଧିବର, ଡିଆକୁଦା, ମଲେଶ୍ୱରୀ, ସିଆଳ, ପଥରଗଞ୍ଜ, ଚାରିଛକ, ଚିଲିକା ନୂଆପଡା ଆଦି ଅଞ୍ଚଳରେ କାଉ ମୃତ୍ୟୁ ଘଟୁଛି। କେତେକ କୁକୁଡା ଫାର୍ମରେ ମଧ୍ୟ କୁକୁଡାଙ୍କ ମୃତ୍ୟୁ ଘଟୁଥିବା ଜଣାଯାଇଛି।

ଜିଲାରେ ଏକମାତ୍ର ଶିଳ୍ପ କାରଖାନାରେ ତାଲା : ୪ବର୍ଷ ହେଲା ବନ୍ଦ ପଡ଼ିଛି

ଜିଲାରେ ଏକମାତ୍ର ଶିଳ୍ପ କାରଖାନାରେ ତାଲା : ୪ବର୍ଷ ହେଲା ବନ୍ଦ ପଡ଼ିଛି

ନୟାଗଡ଼ ଅଫିସ,୯ା୧୨- ନୟାଗଡ଼ ଜିଲାରେ ଏକମାତ୍ର ଶିଳ୍ପ ଭାବେ ପରିଗଣିତ ହେଉଥିବା ଚିନିକଳରେ ୨୦୧୪ ମସିହାରୁ ତାଲା ପଡ଼ିଛି। ଏହାକୁ ଖୋଲିବା ନେଇ ନା ଅଛି ରାଜନୈତିକ ଇଚ୍ଛାଶକ୍ତି ନା ପ୍ରଶାସନିକ ଆନ୍ତରିକତା। ଫଳରେ ଲୋକମାନେ ପୂର୍ବଭଳି ରାଜ୍ୟ ବାହାରକୁ ଦାଦନ ଯିବାକୁ ବାଧ୍ୟ ହେଉଛନ୍ତି। ଅନ୍ୟପଟେ କାରଖାନା ସୁରକ୍ଷା ନେଇ କୌଣସି ପଦକ୍ଷେପ ନିଆଯାଉ ନ ଥିବାରୁ କୋଟି କୋଟି ଟଙ୍କାର ଯନ୍ତ୍ରାଂଶ ପଡ଼ି ନଷ୍ଟ ହେଉଛି।

ନୟାଗଡ଼ରେ  କଙ୍ଗାରୁ କୋର୍ଟ: ଜରିମାନା ନ ଦେବାରୁ ପରିବାର ବାସନ୍ଦ

ନୟାଗଡ଼ରେ କଙ୍ଗାରୁ କୋର୍ଟ: ଜରିମାନା ନ ଦେବାରୁ ପରିବାର ବାସନ୍ଦ

ରଣପୁର,୯।୧୨(ସ୍ବ.ପ୍ର.)-ନୟାଗଡ଼ ଜିଲାରେ କଙ୍ଗାରୁ କୋର୍ଟ କରାଯାଇ ଗୋଟିଏ ପରିବାରକୁ ବାସନ୍ଦ କରାଯାଇଛି। ଜରିମାନା ଟଙ୍କା ନ ଦେବାରୁ ଉକ୍ତ ପରିବାରକୁ ଏକଘରକିଆ କରାଯାଇ ଘର ଆଗରେ କଣ୍ଟାବାଡ଼ ପକାଯିବାକୁ ଧମକ ଦିଆଯାଉଥିବା ଥାନାରେ ଅଭିଯୋଗ ହୋଇଛି। ହେଲେ ପୋଲିସ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରୁ ନ ଥିବାରୁ ଅସନ୍ତୋଷ ପ୍ରକାଶ ପାଉଛି। ଏଭଳି ଘଟଣା ଘଟିଛି ରଣପୁର ଥାନା ଦର୍ପନାରାୟଣପୁର ଫାଣ୍ଡି ଅନ୍ତର୍ଗତ ଖତିଆ ପଞ୍ଚାୟତର ଖତିଆ ଗ୍ରାମ ମଠସାହିରେ।  

କଳ୍ପତରୁ ଦାସ ମେମୋରିଆଲ କ୍ରିକେଟ୍‌ ଟୁର୍ନାମେଣ୍ଟ: ପ୍ରି-କ୍ୱାର୍ଟର ମ୍ୟାଚ୍‌ରେ ଆରୁହା ବିଜୟୀ

କଳ୍ପତରୁ ଦାସ ମେମୋରିଆଲ କ୍ରିକେଟ୍‌ ଟୁର୍ନାମେଣ୍ଟ: ପ୍ରି-କ୍ୱାର୍ଟର ମ୍ୟାଚ୍‌ରେ ଆରୁହା ବିଜୟୀ

ଧର୍ମଶାଳା, ୮।୧୨(ଡି.ଏନ୍‌.ଏ.)- ଧର୍ମଶାଳା ନିର୍ବାଚନମଣ୍ଡଳୀର ତରଞ୍ଜିଆସ୍ଥିତ ଖେଳ ପଡ଼ିଆରେ ଆୟୋଜିତ ଚତୁର୍ଥ କଳ୍ପତରୁ ଦାସ ମେମୋରିଆଲ୍‌ କ୍ରିକେଟ୍‌ ଟୁର୍ନାମେଣ୍ଟର ଶନିବାର ୧୩ନଂ ଜୋନ୍‌ର ପ୍ରଥମ ପ୍ରି-କ୍ୱାର୍ଟର ମ୍ୟାଚ ଉଦ୍‌ଘାଟିତ ହୋଇଯାଇଛି। ଯାଜପୁର ଏମ୍‌ପି ରୀତା ତରାଇ, ଧର୍ମଶାଳା ବିଧାୟକ ପ୍ରଣବ କୁମାର ବଳବନ୍ତରାୟ ଓ ଜିଲା ପରିଷଦ ସଭ୍ୟ ନିରଞ୍ଜନ ରାଉତ ଅତିଥି ଭାବେ ଯୋଗଦେଇ ମ୍ୟାଚ୍‌ର ଉଦ୍‌ଘାଟନ କରିଥିଲେ।  

ନବନିର୍ମାଣ କୃଷକ ସଂଗଠନ ପକ୍ଷରୁ ବ୍ଲକ ସମ୍ମୁଖରେ ଅନଶନ

ନବନିର୍ମାଣ କୃଷକ ସଂଗଠନ ପକ୍ଷରୁ ବ୍ଲକ ସମ୍ମୁଖରେ ଅନଶନ

ଧର୍ମଶାଳା, ୮।୧୨(ଡି.ଏନ୍‌.ଏ.)- ରାଜ୍ୟ ନବନିର୍ମାଣ କୃଷକ ସଂଗଠନ ଆହ୍ବାନକ୍ରମେ ପ୍ରାଇସ୍‌ ପ୍ରେଷ୍ଟିଜ ପେନସନ ଦାବିରେ ଶନିବାର ଧର୍ମଶାଳା ବ୍ଲ୍ଳକ କାର୍ଯ୍ୟାଳୟ ସମ୍ମୁଖରେ  ଅନଶନ କରାଯାଇଛି। 

ବେଆଇନ ମୋରମ ଖନନ, ବନବିଭାଗ ପକ୍ଷରୁ ଚଢ଼ାଉ

ବେଆଇନ ମୋରମ ଖନନ, ବନବିଭାଗ ପକ୍ଷରୁ ଚଢ଼ାଉ

ଚଣ୍ଡିଖୋଲ, ୮।୧୨: (ଡି.ଏନ୍‌.ଏ.): ଯାଜପୁର ଜିଲା ଦର୍ପଣ ତହସିଲ ଅଧୀନ ଅଚ୍ୟୁତ ବସନ୍ତ ପାହାଡ଼ରୁ ବେଆଇନ ମୋରମ ଖନନ ଚାଲିଥିଲା। କୌଶସି ସୂତ୍ରରୁ ଖବର ପାଇ ଶନିବାର ବନବିଭାଗ ପକ୍ଷରୁ ଚଢ଼ାଉ କରାଯାଇ ଏକ ଜେସିବି ମେଶିନ ଜବତ କରାଯାଇଛି। 

 ମେଗା ପାନୀୟ ଜଳ ପ୍ରକଳ୍ପ ଶିଳାନ୍ୟାସ କଲେ ମୁଖ୍ୟମନ୍ତ୍ରୀ

ମେଗା ପାନୀୟ ଜଳ ପ୍ରକଳ୍ପ ଶିଳାନ୍ୟାସ କଲେ ମୁଖ୍ୟମନ୍ତ୍ରୀ

କେନ୍ଦ୍ରାପଡା ଅଫିସ/ମହାକାଳପଡ଼ା,୮।୧୨(ଡି.ଏନ୍‌.ଏ.):  କେନ୍ଦ୍ରାପଡା ଜିଲା ମହାକାଳପଡ଼ା ବ୍ଲକ ସରୁମୁହିଁଠାରେ ଏକ ମେଗା ପାନୀୟ ଜଳ ପ୍ରକଳ୍ପ ଶନିବାର ଶିଳାନ୍ୟାସ ହୋଇଯାଇଛି।