ଖେଳ |

ଅଷ୍ଟ୍ରେଲିଆ ୪-୦ରେ ଜିତିଲା ଆଶେସ

 ଅଷ୍ଟ୍ରେଲିଆ ୪-୦ରେ ଜିତିଲା ଆଶେସ
ସିଡ୍‌ନୀ, ୮ା୧ (ଏଏଫ୍‌ପି)-ଇଂଲଣ୍ଡ ବିପକ୍ଷ ୫ମ ତଥା ଅନ୍ତିମ ଆଶେସ ଟେଷ୍ଟକୁ ଅଷ୍ଟ୍ରେଲିଆ ଏକ ଇନିଂସ ଓ ୧୨୩ ରନରେ ଜିତିନେଇଛି। ଫଳରେ ୫ ମ୍ୟାଚ ବିଶିଷ୍ଟ ଏହି ସିରିଜରେ ଘରୋଇ ଦଳ ୪-୦ରେ ବିଜୟ ଲାଭ କରିଛି। ଏହି ମ୍ୟାଚରେ ଭ୍ରମଣକାରୀ ଦଳ ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ଯାଇ ୩୪୬ରନ କରିଥିଲା। ଜବାବରେ ଅଷ୍ଟ୍ରେଲିଆ ୭ ଉଇକେଟରେ ୬୪୯ ରନ କରି ଏହାର ପ୍ରଥମ ଇନିଂସ ଘୋଷଣା କରିଥିଲା। ୩୦୩ ରନ ପଛରେ ଥାଇ ଇଂଲଣ୍ଡ ଏହାର ଦ୍ୱିତୀୟ ଇନିଂସ ଖେଳିବାକୁ ଯାଇ ରବିବାର ଚତୁର୍ଥ ଦିବସ ଖେଳ ଶେଷ ସୁଦ୍ଧା ୪ ଉଇକେଟ ବିନିମୟରେ ୯୩ ରନ କରିଥିଲା। ସୋମବାର ଥିଲା ମ୍ୟାଚର ଅନ୍ତିମ ଦିବସ। ଇଂଲଣ୍ଡ ଏହାର ପୂର୍ବଦିନର ଅସମାପ୍ତ ସ୍କୋର ୯୩/୪ରୁ ଖେଳ ଆରମ୍ଭ କରିଥିଲା। ଦଳ ମାତ୍ର ୧୮୦ ରନ କରି ଅଲଆଉଟ ହୋଇଯାଇଥିଲା। ପେଟ ଗୋଳମାଳ ଯୋଗୁ ଅଧିନାୟକ ଜୋ ରୁଟ ମଧ୍ୟାହ୍ନ ଭୋଜନ ବିରତି ପରେ ବ୍ୟାଟିଂ କରିବାରେ ଅସମର୍ଥ ରହିଥିଲେ। ତାଙ୍କୁ ପଡ଼ିଆ ଛାଡ଼ିବାକୁ ହୋଇଥିଲା। ସେତେବେଳେ ସେ ୫୮ରନ କରିଥିଲେ। ଦଳର ଶେଷ ୪ ଉଇକେଟର ଶୀଘ୍ର ପତନ ଘଟିଥିଲା। ଅଷ୍ଟ୍ରେଲିଆର ସଫଳ ବୋଲର ପ୍ୟାଟ୍‌ କୁମିନ୍ସ ୧୭ ଓଭର ବୋଲିଂ କରି ୪ ମେଡେନ ସହ ୩୯ରନ ବିନିମୟରେ ୪ଟି ଉଇକେଟ ଅକ୍ତିଆର କରିଥିଲେ। ସେ ମ୍ୟାନ୍‌ ଅଫ୍‌ ଦି ମ୍ୟାଚ ବିବେଚିତ ହୋଇଥିଲେ। ସେ ଆହୁରି ମଧ୍ୟ ସିରିଜରେ ସବୁଠାରୁ ଅଧିକ ଉଇକେଟ ହାସଲକାରୀ ବୋଲର ବିବେଚିତ ହୋଇଛନ୍ତି। ସେ ସିରିଜରେ ମୋଟ ୨୩ଟି ଉଇକେଟ ଅକ୍ତିଆର କରିଛନ୍ତି। ଅନ୍ୟତମ ସଫଳ ବୋଲର ନାଥାନ ଲିଅନ ତାଙ୍କ ୩୫ ଓଭର ବୋଲିଂରେ ୧୨ ମେଡେନ ସହ ୩ ଉଇକେଟ ହାସଲ କରିଥିଲେ। ଲିଅନ ସିରିଜରେ ୭ମ ଥର ମୋଇନ ଅଲିଙ୍କ ଉଇକେଟ ନେଇଛନ୍ତି। ମୋଇନ ୧୩ ରନ କରି ଖେଳୁଥିବାବେଳେ ସେ ତାଙ୍କୁ ଏଲବିଡବ୍ଲ୍ୟୁ କରିଦେଇଥିଲେ। ଅଷ୍ଟ୍ରେଲିଆ ଅଧିନାୟକ ଷ୍ଟିଭେନ ସ୍ମିଥ୍‌ ପ୍ଲେୟର ଅଫ୍‌ ଦି ସିରିଜ ବିବେଚିତ ହୋଇଥିଲେ। ବ୍ରିସ୍‌ବେନ, ଆଡିଲେଡ୍‌ ଓ ପର୍ଥଠାରେ ଅନୁଷ୍ଠିତ ମ୍ୟାଚରେ ପରାଜୟ ପରେ ଇଂଲଣ୍ଡ ମେଲବୋର୍ନଠାରେ ଅନୁଷ୍ଠିତ ଚତୁର୍ଥ ଟେଷ୍ଟକୁ ଡ୍ର ରଖିଥିଲା। ସଂକ୍ଷିପ୍ତ ସ୍କୋର- ଇଂଲଣ୍ଡ ପ୍ରଥମ ଇନିଂସ: ୩୪୬, ଅଷ୍ଟ୍ରେଲିଆ ପ୍ରଥମ ଇନିଂସ: ୬୪୯/୭ , ଘୋଷଣା। ଇଂଲଣ୍ଡ ଦ୍ୱିତୀୟ ଇନିଂସ: ୮୮.୧ ଓଭରରେ ୧୮୦/ଅଲଆଉଟ (ଜୋ ରୁଟ୍‌-ଅସୁସ୍ଥ ରିଟାୟର୍ଡ ଆଉଟ-୫୮, ଜନ୍ନି ବେୟାରଷ୍ଟୋ-୩୮, ଟମ୍‌ କୁରାନ-୨୩*, ପ୍ୟାଟ୍‌ କୁମିନ୍ସ-୪/୩୯, ନାଥାନ ଲିଅନ-୩/୫୪)।
All Right Reserved By

ଖେଳ |

‘ପାଣ୍ଡ୍ୟା,ରାହୁଲଙ୍କୁ ଖେଳିବାକୁ ଦିଆଯାଉ’

‘ପାଣ୍ଡ୍ୟା,ରାହୁଲଙ୍କୁ ଖେଳିବାକୁ ଦିଆଯାଉ’

ନୂଆଦିଲ୍ଲୀ,୨୦ା୧(ପି.ଟି.)-ତଦନ୍ତ କାର୍ଯ୍ୟ ଶେଷ ନ ହେବା ପର୍ଯ୍ୟନ୍ତ ହାର୍ଦ୍ଦିକ ପାଣ୍ଡ୍ୟା ଓ କେ.ଏଲ୍‌. ରାହୁଲଙ୍କୁ ଖେଳିବା ଲାଗି ଅନୁମତି ଦେବାପାଇଁ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସଭାପତି ସି.କେ. ଖାନ୍ନା ପ୍ରଶାସକ କମିଟି (ସିଓଏ)କୁ ନିବେଦନ କରିଛନ୍ତି। 

ଦକ୍ଷିଣ ଆଫ୍ରିକାକୁ ହରାଇଲା ପାକିସ୍ତାନ

ଦକ୍ଷିଣ ଆଫ୍ରିକାକୁ ହରାଇଲା ପାକିସ୍ତାନ

ପୋର୍ଟ ଏଲିଜାବେଥ୍‌, ୨୦ା୧ (ଏଏଫ୍‌ପି)-ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଅନ୍ତର୍ଜାତୀୟ ଦିନିକିଆ କ୍ରିକେଟ ମ୍ୟାଚକୁ ପାକିସ୍ତାନ ୫ ଉଇକେଟରେ ଜିତିନେଇଛି। 

ୟୁଥ୍‌ ଗେମ୍ସ: ଫୁଟବଲରେ ରୌପ୍ୟ, ହକିରେ ଓଡ଼ିଶାକୁ ବ୍ରୋଞ୍ଜ

ୟୁଥ୍‌ ଗେମ୍ସ: ଫୁଟବଲରେ ରୌପ୍ୟ, ହକିରେ ଓଡ଼ିଶାକୁ ବ୍ରୋଞ୍ଜ

କଟକ ଅଫିସ,୨୦ା୧- ମହାରାଷ୍ଟ୍ରର ପୁଣେଠାରେ ଚାଲିଥିବା ଖେଲୋ ଇଣ୍ଡିଆ ୟୁଥ ଗେମ୍ସର ୧୭ବର୍ଷରୁ କମ୍‌ ମହିଳା ଫୁଟବଲରେ ଓଡ଼ିଶା ରୌପ୍ୟ ଓ ହକିରେ ବ୍ରୋଞ୍ଜ ପଦକ ବିଜୟୀ ହୋଇଛି ।

ଭାରତ ଏ’ର ନେତୃତ୍ୱ ନେବେ ରାହାନେ

ଭାରତ ଏ’ର ନେତୃତ୍ୱ ନେବେ ରାହାନେ

ନୂଆଦିଲ୍ଲୀ, ୨୦ା୧ (ପି.ଟି.)-ଜାନୁୟାରୀ ୨୩ରୁ ଆରମ୍ଭ ହେବାକୁଥିବା ଇଂଲଣ୍ଡ ଲାୟନ୍ସ ବିପକ୍ଷ ଘରୋଇ ସିରିଜର ପ୍ରଥମ ତିନୋଟି ମ୍ୟାଚ୍‌ ପାଇଁ ଅଜିଙ୍କ୍ୟ ରାହାନେଙ୍କୁ ଭାରତ ଏ’ କ୍ରିକେଟ ଦଳର ଅଧିନାୟକ ଭାବେ ମନୋନୀତ କରାଯାଇଛି।

ବୋର୍ଡ ଏକାଦଶ ଦଳରେ ରାଜେଶ

ବୋର୍ଡ ଏକାଦଶ ଦଳରେ ରାଜେଶ

କଟକ ଅଫିସ,୨୦ା୧- ପପୁ ରାୟଙ୍କ ପରେ ଆଉ ଜଣେ ଓଡ଼ିଆ ଯୁବ କ୍ରିକେଟ ପ୍ରତିଭା ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ)ର ବୋର୍ଡ ସଭାପତି ଏକାଦଶ ଦଳରେ ସ୍ଥାନ ପାଇଛନ୍ତି । ଭାରତ ଗସ୍ତରେ ଆସିଥିବା ଲଂଲଣ୍ଡ ଲାୟନ୍ସ ବିପକ୍ଷ ଏକ ୨ ଦିନିଆ ୱାର୍ମଅପ ମ୍ୟାଚ୍‌ ପାଇଁ ଡାହାଣହାତୀ ପେସ ବୋଲର ରାଜେଶ ମହାନ୍ତିଙ୍କୁ ଚୂଡ଼ାନ୍ତ ୧୫ଜଣିଆ ଦଳରେ ସାମିଲ କରାଯାଇଛି । 

ପ୍ରି-କ୍ୱାର୍ଟରରେ ସେରେନା-ହାଲେପ

ପ୍ରି-କ୍ୱାର୍ଟରରେ ସେରେନା-ହାଲେପ

ମେଲବୋର୍ନ,୨୦।୧(ଏଏଫ୍‌ପି)- ଆମେରିକାର ସେରେନା ଓ୍ବିଲିୟମ୍ସ ସିଜନର ପ୍ରଥମ ଗ୍ରାଣ୍ଡସ୍ଲାମ ଅଷ୍ଟ୍ରେଲିଆନ ଓପନ ଟେନିସର ପ୍ରି-କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଶନିବାର ଅନୁଷ୍ଠିତ ୩ୟ ରାଉଣ୍ଡ ମ୍ୟାଚ୍‌ରେ ଓ୍ବିଲିୟମ୍ସ ୬-୨, ୬-୧ ସେଟ୍‌ରେ ୟୁକ୍ରେନର ଡାୟାନା ୟଷ୍ଟ୍ରିମସ୍କାଙ୍କୁ ହରାଇ ଦେଇଛନ୍ତି। 

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା:ସେମିରେ କେନ୍ଦ୍ରୀୟ ବିଦ୍ୟାଳୟ, ଡିପିଏସ୍‌

ଢେଙ୍କାନାଳ ଅଫିସ, ୧୯ା୧-ଢେଙ୍କାନାଳ ଷ୍ଟାଡିୟମରେ ଚାଲିଥିବା  ପୂର୍ଣ୍ଣଚନ୍ଦ୍ର ତ୍ରିପାଠୀ ମେମୋରିଆଲ ଆନ୍ତଃସ୍କୁଲ ଫୁଟବଲ ପ୍ରତିଯୋଗିତା ଶନିବାର ଅନୁଷ୍ଠିତ ୨ କ୍ୱାର୍ଟର ଫାଇନାଲ ମ୍ୟାଚ୍‌ରେ ବିଜୟୀ ହୋଇ କେନ୍ଦ୍ରୀୟ ବିଦ୍ୟାଳୟ ଏବଂ  ଦିଲ୍ଲୀ ପବ୍ଲିକ ସ୍କୁଲ (ଡିପିଏସ୍‌) ସେମିଫାଇନାଲରେ ପ୍ରବେଶ କରିଛନ୍ତି।

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

‘ଛାତ୍ରୀଛାତ୍ର ସମାଜର କର୍ଣ୍ଣଧାର’

ଭୁବନ, ୧୯।୧(ଡି.ଏନ.ଏ.)-ଭୁବନ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ରର ୨୯ତମ ବାର୍ଷିକ କ୍ରୀଡ଼ା ଉତ୍ସବ ଶନିବାର ଉଦ୍‌ଯାପିତ ହୋଇଯାଇଛି। 

ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ: ନାଇକେନସିରା ବିଜୟୀ

ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟ: ନାଇକେନସିରା ବିଜୟୀ

ଦେଓଗାଁ, ୧୯ା୧(ଡି.ଏନ.ଏ.):ବଲାଙ୍ଗୀର ଜିଲା ଦେଓଗାଁ ବ୍ଲକ ଉଡାର ପଞ୍ଚାୟତ ଅନ୍ତର୍ଗତ ଶିରାବାହାଲରେ ଚାଲିଥିବା ଷଷ୍ଠବର୍ଷ ଗ୍ରାମାଞ୍ଚଳ ଫୁଟବଲ ଟୁର୍ନାମେଣ୍ଟର ଶନିବାର ଥିଲା ତୃତୀୟ ଦିବସ ା ଏହି  ଦିବସରେ କୁଲିଆବାହାଲ ଓ ନାଇକେନସିରା ମଧ୍ୟରେ ମ୍ୟାଚ ଅନୁଷ୍ଠିତ ହୋଇଥିଲା। 

ଜଗନ୍ନାଥ କଲେଜର ବାର୍ଷିକ କ୍ରୀଡା :  ସବିତା ବାଳିକା, ରମେଶ ବାଳକ ଚାମ୍ପିୟନ

ଜଗନ୍ନାଥ କଲେଜର ବାର୍ଷିକ କ୍ରୀଡା : ସବିତା ବାଳିକା, ରମେଶ ବାଳକ ଚାମ୍ପିୟନ

ଦେଓଗାଁ, ୧୯ା୧(ଡି.ଏନ.ଏ.):ବଲାଙ୍ଗୀର ଜିଲା ସଦର ବ୍ଲକ ସାହାଜବାହାଲ ଜଗନ୍ନାଥ ଡିଗ୍ରୀ କଲେଜର ବାର୍ଷିକ କ୍ରୀଡା ଶୁକ୍ରବାର  ଉଦଯାପିତ ହୋଇଯାଇଛି ା

ଓଡ଼ିଶା ଟେନିସ ପ୍ରିମିୟର ଲିଗ୍‌: କେନ୍ଦ୍ରାପଡ଼ା-ପୁରୀ ଫାଇନାଲ

ଓଡ଼ିଶା ଟେନିସ ପ୍ରିମିୟର ଲିଗ୍‌: କେନ୍ଦ୍ରାପଡ଼ା-ପୁରୀ ଫାଇନାଲ

ଭୁବନେଶ୍ୱର, ୧୯।୧(କ୍ରୀଡ଼ା ପ୍ରତିନିଧି)- କଳିଙ୍ଗ ଷ୍ଟାଡିୟମରେ ଚାଲିଥିବା ୨ୟ ଓଡ଼ିଶା ଟେନିସ ପ୍ରିମିୟର ଲିଗ୍‌ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଶନିବାର ଅନୁଷ୍ଠିତ ସେମିଫାଇନାଲରେ ସମ୍ବଲପୁର ଶୁଟର୍ସକୁ ହରାଇ କେନ୍ଦ୍ରାପଡ଼ା କଣ୍ଟେଣ୍ଡର୍ସ ଏବଂ ଅନୁଗୋଳ ଏସର୍ସକୁ ହରାଇ ପୁରୀ ଓ୍ବେଭର୍ସ ଫାଇନାଲରେ ପ୍ରବେଶ କରିଛି। 

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ସିପକ୍‌ଟାକ୍ର: ଉତ୍କଳ ରନର୍ସଅପ୍‌

ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ସିପକ୍‌ଟାକ୍ର: ଉତ୍କଳ ରନର୍ସଅପ୍‌

ଭୁବନେଶ୍ୱର, ୧୯।୧(ସ୍ପୋଟର୍‌ସ ବ୍ୟୁରୋ)- ଉତ୍ତରପ୍ରଦେଶ ବରେଲିସ୍ଥିତ ଏମ୍‌.ଜେ.ପି. ରୋହିଲାଖଣ୍ଡ ବିଶ୍ୱବିଦ୍ୟାଳୟ ଆନୁକୂଲ୍ୟରେ ଅନୁଷ୍ଠିତ ସର୍ବଭାରତୀୟ ଆନ୍ତଃ ବିଶ୍ୱବିଦ୍ୟାଳୟ ମହିଳା ସିପକ୍‌ଟାକ୍ର ପ୍ରତିଯୋଗିତାର ଡବଲ୍ସ ଇଭେଣ୍ଟରେ ଓଡ଼ିଶାର ଉତ୍କଳ ବିଶ୍ୱବିଦ୍ୟାଳୟ ରନର୍ସଅପ୍‌ ହୋଇଛି।