Dharitri News
ଜୀବନଚର୍ଯ୍ୟା |

ଯନ୍ତ୍ରଣା ଉପଶମକାରୀ ଔଷଧ ସୃଷ୍ଟି କରୁଛି ପାର୍କିନ୍‌ସନ ରୋଗ

ଯନ୍ତ୍ରଣା ଉପଶମକାରୀ ଔଷଧ ସୃଷ୍ଟି କରୁଛି ପାର୍କିନ୍‌ସନ ରୋଗ ନୂଆଦିଲ୍ଲୀ: ଯନ୍ତ୍ରଣା ଉପଶମକାରୀ ଔଷଧ ସେବନ ଦ୍ୱାରା ମସ୍ତିଷ୍କ ଉପରେ ନକରାତ୍ମକ ପ୍ରଭାବ ପଡିଥାଏ। ଫଳରେ ଖୁବ୍‌ କମ୍‌ ବୟସରେ ପାର୍କିନସନ୍‌ ରୋଗ ସୃଷ୍ଟି ହୋଇଥାଏ ବୋଲି ସ୍ନାୟୁତତ୍ତ୍ୱ ବିଶେଷଜ୍ଞ ପଦ୍ମଶ୍ରୀ ଡାକ୍ତର ଅଶୋକ ପାଣିଗ୍ରାହୀ କହିଛନ୍ତି। ଆଣ୍ଟି-ଏସିଡିଟି ଔଷଧ ପ୍ୟାନ୍‌-ଡି, ଓମେଜ୍‌-ଡିର ପାର୍ଶ୍ୱପ୍ରତିକ୍ରିୟା ଦ୍ୱାରା ପାର୍କିନସନ୍‌ ରୋଗ କମ୍‌ ବୟସ ବ୍ୟକ୍ତିଙ୍କଠାରେ ଦେଖାଦେଇଥାଏ। ପରିବର୍ତ୍ତିତ ଜୀବନଚର୍ଯ୍ୟାରେ ଭାରତୀୟ ଯୁବପିଢ଼ି କମ୍‌ ବୟସରୁ ଆଣ୍ଟି-ଏସିଡିଟି ଔଷଧ ସେବନ କରିବା ଆରମ୍ଭ କରିଥାନ୍ତି। ପରବର୍ତ୍ତୀ ସମୟରେ ସେମାନଙ୍କଠାରେ ସ୍ନାୟୁଗତ ରୋଗ ହେବାର ଆଶଙ୍କା ଅଧିକ ରହିଥାଏ। ପରିବେଶୀୟ ପ୍ରଦୂଷଣର ପ୍ରଭାବଯୋଗୁ ମାନସିକ ଓ ଶାରୀରିକସ୍ତର ବିଶେଷ ପ୍ରଭାବିତ ହୋଇଥାଏ। ଚିକିତ୍ସକ ରୋଗର ନିଦାନ ସକାଶେ ଯେଉଁ ଔଷଧ ସେବନ କରିବାକୁ ପରାମର୍ଶ ଦେଉଥାନ୍ତି ତାହାର ପାର୍ଶ୍ୱପ୍ରତିକ୍ରିୟା ଯୋଗୁ ମସ୍ତିଷ୍କର ସ୍ନାୟୁ କୋଷ ଉପର ପ୍ରଭାବ ପଡିଥାଏ। ଫଳରେ ସ୍ମରଣ ଶକ୍ତି ହ୍ରାସ ପାଇବାକୁ ଲାଗିଥାଏ। ସମ୍ପୃକ୍ତ ବ୍ୟକ୍ତି ପ୍ରକୃତରେ ନ ଦେଖୁଥିବା ଘଟଣାକୁ ଦେଖିବା ପରି ଅନୁଭବ କରିଥାନ୍ତି। ଏହାକୁ ହାଲୋସିନେସନ୍‌ କୁହାଯାଇଥାଏ। ଔଷଧର ପାର୍ଶ୍ୱପ୍ରତିକ୍ରିୟା ମସ୍ତିଷ୍କର ରେକର୍ଡି ସ୍ନାୟୁ କୋଷିକାକୁ ଅଧିକ ପ୍ରଭାବିତ କରିଥାଏ ବୋଲି ଚିକିତ୍ସକମାନେ ମତପୋଷଣ କରିଛନ୍ତି।

ଜୀବନଚର୍ଯ୍ୟା |

ଖରାଦିନେ ସ୍ବାସ୍ଥ୍ୟପଯୋଗୀ ଫଳ

ଖରାଦିନେ ସ୍ବାସ୍ଥ୍ୟପଯୋଗୀ ଫଳ

ଗ୍ରୀଷ୍ମ ଆସିଲେ ଗାଁରୁ ସହର ସବୁଠାରେ ମିଳେ ଭିନ୍ନ ଭିନ୍ନ ରକମର ଫଳ। ଏହିସବୁ ଫଳରେ ଥାଏ ପ୍ରଚୁର ପରିମାଣରେ ଜଳୀୟ ଅଂଶ। ଯାହା ଆମ ଶରୀର ପାଇଁ ନିତାନ୍ତ ଆବଶ୍ୟକ। ତେବେ କେଉଁସବୁ ଫଳ ଖରାଦିନେ ଆପଣଙ୍କ ଶରୀର ପାଇଁ ଲାଭଦାୟକ ତାହା ଜାଣି ରଖିବା ଜରୁରୀ।

ପ୍ରତିଦିନ ଏଭଳି ୫ ମିନିଟ ମୁହଁରେ ଲଗାନ୍ତୁ ଟମାଟୋ, ଫେରିବ ଚମକ

ପ୍ରତିଦିନ ଏଭଳି ୫ ମିନିଟ ମୁହଁରେ ଲଗାନ୍ତୁ ଟମାଟୋ, ଫେରିବ ଚମକ

କେବଳ ସ୍ବାସ୍ଥ୍ୟଗତ କାରଣକୁ ନେଇ ନୁହେଁ ବରଂ ସୌନ୍ଦର୍ଯ୍ୟ ପାଇଁ ଆମେ ଅନେକ ପ୍ରକାର ପନିପରିବା ଓ ଫଳର ବ୍ୟବହାର କରିଥାଉ। ଏଗୁଡିକୁ ସେବନ କରିବା ସହ ତ୍ୱଚାରେ ଲଗାଇବା ଦ୍ୱାରା ଅନେକ ଲାଭ ମିଳିଥାଏ। ଏହାଦ୍ୱାରା ତ୍ୱଚାରେ ଚମକ ଆସିବା ସହ ଏହାର ରୁକ୍ଷତା ଦୂର ହୋଇଥାଏ। ପ୍ରାକୃତିକ ହୋଇଥିବାରୁ ଏହାର କୌଣସି କୁପ୍ରଭାବ ମଧ୍ୟ ତ୍ୱଚା ଉପରେ ପଡି ନ ଥାଏ। ଏପରି ଏକ ପରିବା ହେଉଛି ଟମାଟୋ। ଏହାକୁ ମୁହଁରେ ଲଗାଇବା ଦ୍ୱାରା ଆପଣ ଆପଣଙ୍କର ଚେହେରା ଚମକାଇପାରିବେ। କିପରି ଆସନ୍ତୁ ଜାଣିବା

ଶିଶୁଙ୍କ ସ୍ମୃତିଶକ୍ତି ବୃଦ୍ଧି କରେ ବ୍ୟାୟାମ

ଶିଶୁଙ୍କ ସ୍ମୃତିଶକ୍ତି ବୃଦ୍ଧି କରେ ବ୍ୟାୟାମ

ଓ୍ବାଶିଂଟନ: ଶାରିରୀକ ବ୍ୟାୟାମ ପ୍ରତି ଶିଶୁଙ୍କୁ ଉତ୍ସାହିତ କରିବା ଉଚିତ୍‌। ଏହା ଦ୍ୱାରା ସେମାନଙ୍କର ସ୍ମୃତି ଶକ୍ତି ବୃଦ୍ଧି ହୋଇଥାଏ ବୋଲି ଗବେଷଣାରୁ ଜଣାପଡିଛି। ବ୍ୟାୟାମ ଶିଶୁଙ୍କ ଏକାଗ୍ରତା ଶକ୍ତି ବଢ଼ାଇଥାଏ। ଏନେଇ ଗବେଷକ ବ୍ୟାୟାମ ପରେ ୧୧ ହଜାର ଶିଶୁଙ୍କୁ ପାଠ ସମ୍ପର୍କିତ ପ୍ରଶ୍ନ କରିଥିଲେ। ଦେଖାଯାଇଥିଲା ସେମାନେ ପ୍ରାୟ ୯୦ ପ୍ରତିଶତ ପର୍ଯ୍ୟନ୍ତ ଠିକ୍‌ ଉତ୍ତର ଦେଇପାରିଛନ୍ତି।

ଖାଲିପେଟରେ ଖାଆନ୍ତୁ ନାହିଁ ଏଭଳି ଖାଦ୍ୟ

ଖାଲିପେଟରେ ଖାଆନ୍ତୁ ନାହିଁ ଏଭଳି ଖାଦ୍ୟ

ସୁସ୍ଥ ଶରୀର ପାଇଁ ଭୋଜନର ଆବଶ୍ୟକତା ରହିଛି। ଏଥିପାଇଁ ଠିକ୍‌ ସମୟରେ ଖାଦ୍ୟ ଗ୍ରହଣ କରିବା ନିହାତି ଆବଶ୍ୟକ। ଏପରିକି କେଉଁ ସମୟରେ କି ପ୍ରକାର ଖାଦ୍ୟ ଖାଉଛନ୍ତି, ସେଥିପାଇଁ ମଧ୍ୟ ସତର୍କ ରହିବା ଉଚିତ। ବିଶେଷକରି ଖାଲିପେଟରେ କିଛି ଖାଦ୍ୟ ଖାଉଥିଲେ ଯତ୍ନବାନ ରୁହନ୍ତୁ। ନଚେତ ଗ୍ୟାସ, ବଦହଜମୀ ପରି ସମସ୍ୟା ଦେଖାଦେଇପାରେ।

ଏକ ତୃତୀୟାଂଶ ମଧୁମେହ ରୋଗୀ ଔଷଧ ସେବନ ପ୍ରତି ବିମୁଖ

ଏକ ତୃତୀୟାଂଶ ମଧୁମେହ ରୋଗୀ ଔଷଧ ସେବନ ପ୍ରତି ବିମୁଖ

ଓ୍ବାଶିଂଟନ: ବିଶ୍ୱରେ ମଧୁମେହ ରୋଗ ଏହାର କାୟା ବିସ୍ତାର ଜାରି ରଖିଛି। ଗବେଷକମାନଙ୍କ ଦ୍ୱାରା ସମ୍ପନ୍ନ ହୋଇଥିବା ଏକ ସର୍ଭେରୁ ଜଣାପଡିଛି ଯେ, ଏକ ତୃତୀୟାଂଶ ମଧୁମେହ ରୋଗୀ ଡାକ୍ତର ଦ୍ୱାରା ପରାମର୍ଶ ଦିଆଯାଇଥିବା ଔଷଧ ସେବନ କରି ନ ଥାନ୍ତି। ଟାଇପ୍‌-୨ ମଧୁମେହ ରୋଗୀଙ୍କୁ ଡାକ୍ତର ପ୍ରାୟତଃ ମେଟାଫର୍ମିନ୍‌,ଗ୍ଲାଇକ୍ଲାଜାଇଡ୍‌ ଓ ପିଓଗ୍ଲିଟାଜୋନ୍‌ ସଂରଚନା ଥିବା ଔଷଧ ସେବନ ପାଇଁ ପରାମର୍ଶ ଦେଇଥାନ୍ତି।

ସ୍ବାସ୍ଥ୍ୟ ପାଇଁ ଲାଭଦାୟକ ତରଭୁଜ

ସ୍ବାସ୍ଥ୍ୟ ପାଇଁ ଲାଭଦାୟକ ତରଭୁଜ

ତରଭୁଜରେ ରହିଛି ଅନେକ ଉପକାରୀ ଗୁଣ। ଖରାଦିନରେ ପ୍ରଚୁର ପରିମାଣରେ ମିଳୁଥିବା ଏହି ଫଳ ଆମକୁ ସୁସ୍ଥ ରଖିବାରେ ବେଶ୍‌ ସହାୟକ ହୋଇଥାଏ।

ସ୍ମାର୍ଟଫୋନ୍‌ ଯୋଗୁ ବଢ଼ୁଛି ଗର୍ଭପାତ ସମସ୍ୟା

ସ୍ମାର୍ଟଫୋନ୍‌ ଯୋଗୁ ବଢ଼ୁଛି ଗର୍ଭପାତ ସମସ୍ୟା

ଟୋକିଓ : ସ୍ମାର୍ଟଫୋନ୍‌ର ବହୁଳ ବ୍ୟବହାର ଯୋଗୁ ଗର୍ଭପାତ ସମସ୍ୟା ବଢ଼ୁଛି ବୋଲି ଗବେଷକ ସୂଚିତ କରିଛନ୍ତି। ସ୍ମାର୍ଟଫୋନ୍‌, ଲ୍ୟାପଟପ୍‌, ବ୍ଲୁଟୁଥ୍‌ ଆଦି ସୂଚନାପ୍ରଯୁକ୍ତି ଉତ୍ପାଦରୁ ବିକିରଣ ହେଉଥିବା ତରଙ୍ଗ ଗର୍ଭ ଉପରେ ନକରାତ୍ମକ ପ୍ରଭାବ ପକାଇଥାଏ।

ବୈବାହିକ ଜୀବନରେ ତ୍ୟାଗ ଗୁରୁତ୍ୱପୂର୍ଣ୍ଣ

ବୈବାହିକ ଜୀବନରେ ତ୍ୟାଗ ଗୁରୁତ୍ୱପୂର୍ଣ୍ଣ

ଓ୍ବାଶିଂଟନ: ବୈବାହିକ ଜୀବନର ସଫଳତା ପାଇଁ ପରସ୍ପର ତଥା ପରିବାର ସକାଶେ ତ୍ୟାଗ ଗୁରୁତ୍ୱପୂର୍ଣ୍ଣ ଭୂମିକା ଗହଣ କରିଥାଏ ବୋଲି ଗବେଷକ ସୂଚିତ କରିଛନ୍ତି। ଲଭ୍‌ ଗ୍ୟାରେଜ୍‌ ଓ ଆରେଞ୍ଜ୍‌ ମ୍ୟାରେଜ୍‌ ମଧ୍ୟରେ କେଉଁଟି ଅଧିକ ସଫଳ ରହିଥାଏ ସେ ନେଇ ଗବେଷକ ସର୍ଭେ କରିଥିଲେ।

 ଜୀବନର ଏକ ତୃତୀୟାଂଶ ସମୟ ନିଦ୍ରାରେ ବିତେ

ଜୀବନର ଏକ ତୃତୀୟାଂଶ ସମୟ ନିଦ୍ରାରେ ବିତେ

ଓ୍ବାଶିଂଟନ: ମଣିଷର ଜୀବନର ଏକ ତୃତୀୟାଂଶ ସମୟ ନିଦ୍ରାରେ ବିତିଥାଏ ବୋଲି ଗବେଷକ ସୂଚିତ କରିଛନ୍ତି। ନିଦ୍ରା ଗଲେ ମସ୍ତିଷ୍କରୁ ଚିନ୍ତା ଦୂର ହୋଇଥାଏ ଓ ମନ ଫୂର୍ତ୍ତି ରହିଥାଏ। ତେବେ ନିଦ୍ରାଗଲେ କିପରି ଚିନ୍ତା ଦୂରେଇ ଯାଉଛି ତାହା ନେଇ ଗବେଷକ ଦୀର୍ଘଦିନ ଧରି ଗବେଷଣା ଜାରି ରଖିଥିଲେ।

ପୁରୁଷଙ୍କ ତୁଳନାରେ ମହିଳା ଅଧିକ ସୁସ୍ଥ

ପୁରୁଷଙ୍କ ତୁଳନାରେ ମହିଳା ଅଧିକ ସୁସ୍ଥ

ଓ୍ବାଶିଂଟନ: ପୁରୁଷଙ୍କ ତୁଳନାରେ ମହିଳାମାନେ ଅଧିକ ସୁସ୍ଥ ଓ ଫୁର୍ତ୍ତିଯୁକ୍ତ ବୋଲି ଗବେଷକ ଏକ ରୋଚକ ତଥ୍ୟ ଉପସ୍ଥାପନ କରିଛନ୍ତି। ମହିଳାଙ୍କ ଶରୀର ଗଠନ ଅନୁସାରେ ସେମାନେ ଶୀଘ୍ର ଅମ୍ଳଜାନ ବିଶ୍ଳେଷଣ କରିବାକୁ ସକ୍ଷମ ହୋଇଥାନ୍ତି।

ପ୍ରସବକାଳୀନ ଅସୁବିଧା ନବଜାତକ ମସ୍ତିଷ୍କରେ ପ୍ରଭାବ ପକାଏ

ପ୍ରସବକାଳୀନ ଅସୁବିଧା ନବଜାତକ ମସ୍ତିଷ୍କରେ ପ୍ରଭାବ ପକାଏ

ଓ୍ବାଶିଂଟନ: ପ୍ରସବ ସମୟରେ ସୃଷ୍ଟି ହେଉଥିବା ବିଭିନ୍ନ ଅସୁବିଧା ଯୋଗୁ ଶିଶୁ ଜନ୍ମରେ ବାଧା ସୃଷ୍ଟି ହୋଇଥାଏ। ଏହାର ପ୍ରଭାବରେ ନବଜାତକର ମସ୍ତିଷ୍କରେ ରାସାୟନିକ ପ୍ରତିକ୍ରିୟା ସୃଷ୍ଟି ହୋଇଥାଏ ବୋଲି ଗବେଷକ କହିଛନ୍ତି।

ପାନମଧୁରୀ ଚା’ ପିଇବାର ଲାଭ

ପାନମଧୁରୀ ଚା’ ପିଇବାର ଲାଭ

ଚା’ ପିଇବାକୁ କାହାକୁ ବା ଭଲ ନଲାଗେ। ଦୈନନ୍ଦିନ ଜୀବନ ଚା’ଠାରୁ ଆରମ୍ଭ ହୁଏ ବୋଲି କହିଲେ ଭୁଲ ମଧ୍ୟ ହେବ ନାହିଁ। ଆଜିକାଲି ଏହା ଭିନ୍ନ ଭିନ୍ନ ସ୍ବାଦରେ ଉପଲବ୍ଧ। କେବଳ ଯେ ସ୍ବାଦ ତାହା ନୁହେଁ ବରଂ ସ୍ବାସ୍ଥ୍ୟଗତ କାରଣକୁ ନେଇ ମଧ୍ୟ ଏହା ବେଶ ଉପାଦେୟ। କେହି ଅଦା ଚା’ ପିଇବାକୁ ଭଲ ପାଆନ୍ତି, ତ କେହି ମସଲା ଟି। ତେବେ କ’ଣ ଆପଣ ଜାଣନ୍ତି ପାନମଧୁରୀ ବ୍ୟବହାର କରି ଚା’ ମଧ୍ୟ ପ୍ରସ୍ତୁତ ହୋଇପାରେ। ଏହା ଦେହ ପାଇଁ ବହୁତ ଲାଭଦାୟକ। ଏହାକୁ ‘ଥାଇମ୍‌ ଟି’ ମଧ୍ୟ କୁହାଯାଏ। ଏହାକୁ ପିଇବା ଦ୍ୱାରା କି ଲାଭ ମିଳିବ ଜାଣନ୍ତୁ।