Dharitri News
ସମ୍ବଲପୁର

୮ ମାସରେ ଶେଷ ହେଲା ମଦ ବିରୋଧୀ ଆନ୍ଦୋଳନ: ବିଜୟ ଉତ୍ସବ ମନାଇଲେ ଗାଁବାସୀ

୮ ମାସରେ ଶେଷ ହେଲା ମଦ ବିରୋଧୀ ଆନ୍ଦୋଳନ: ବିଜୟ ଉତ୍ସବ ମନାଇଲେ ଗାଁବାସୀ ଝାରସୁଗୁଡା ଅଫିସ, ୮।୧-ମଦଭାଟି ସ୍ଥାନାନ୍ତରକୁ ବିରୋଧ କରି ଗତ ୮ ମାସରୁ ଅଧିକ ସମୟ ହେବ ଝାରସୁଗୁଡା ସଦର ବ୍ଲକ ଶ୍ରୀପୁରା ଗାଁର ମହିଳାମାନେ ଆରମ୍ଭ କରିଥିବା ଶାନ୍ତିପୂର୍ଣ୍ଣ ଆନ୍ଦୋଳନ ରବିବାର ଶେଷ ହୋଇଛି। ମଦଭାଟି ସ୍ଥାନାନ୍ତର ନେଇ ପ୍ରଶାସନ ପକ୍ଷରୁ ମୌଖିକ ପ୍ରତିଶ୍ରୁତି ମିଳିବା ପରେ ଏହି ଆନ୍ଦୋଳନକୁ ସ୍ଥଗିତ ରଖାଯାଇଥିବା ଘୋଷଣା କରାଯାଇଛି। ଗାଁ ଲୋକଙ୍କ ଦୀର୍ଘ ଦିନର ଆନ୍ଦୋଳନ ସଫଳ ହୋଇଥିବା ଖୁସିରେ ସମସ୍ତେ ଏକତ୍ରିତ ହୋଇ ଏକ ବିଜୟ ଉତ୍ସବ ମନାଇଥିଲେ। ବର୍ତ୍ତମାନ ଉକ୍ତ ସ୍ଥାନରେ ମଦଭାଟି କରିବାକୁ କୌଣସି ବ୍ୟକ୍ତିବିଶେଷ ଆବେଦନ କରି ନ ଥିବା ଏବଂ ପୂର୍ବମାଲିକ ମଧ୍ୟ ସେଠାରେ ଆଉ ମଦଭାଟି କରିବାକୁ ଚାହୁଁ ନ ଥିବା ନେଇ ଅବକାରୀ ବିଭାଗ ଗାଁ ଲୋକଙ୍କୁ କହିଛି। ତେଣୁ ସେଠାରେ ଆଉ ମଦଭାଟି ହେବା ସମ୍ଭବ ନୁହେଁ ବୋଲି ଏକ ପ୍ରକାର ନିଶ୍ଚିତ ହେବା ପରେ ଆନ୍ଦୋଳନକାରୀମାନେ ବିଜୟ ଉତ୍ସବ ପାଳନ କରିଥିଲେ। ଭାଟିର ଚୁକ୍ତି ନବୀକରଣ ପାଇଁ ପ୍ରଶାସନ ପକ୍ଷରୁ ନଭେମ୍ବର ୨୦ ତାରିଖରେ ନୋଟିସ୍‌ ଜାରି କରାଯାଇଥିଲା। ହେଲେ ଉକ୍ତ ଭାଟିର ନବୀକରଣକୁ ବିରୋଧ କରି ମହିଳାମାନେ ଗାଁର ୧୧ ଶହରୁ ଅଧିକ ଲୋକଙ୍କ ଦସ୍ତଖତ ସମ୍ବଳିତ ସ୍ମାରକପତ୍ର ଜିଲାପାଳଙ୍କୁ ପ୍ରଦାନ କରିଥିଲେ। ଜିଲାପାଳ ସ୍ମାରକପତ୍ର ଗ୍ରହଣ କରିବା ସହ ଭାଟି ସ୍ଥାନାନ୍ତର କରିବାକୁ ଗାଁ ଲୋକଙ୍କୁ ପ୍ରତିଶ୍ରୁତି ଦେଇଥିଲେ। ଇତି ମଧ୍ୟରେ ଅବକାରୀ ବିଭାଗ ପକ୍ଷରୁ ଗାଁ ଲୋକଙ୍କୁ ଡକାଇ ଏକ ବୈଠକ ହୋଇଥିଲା, ଯେଉଁଥିରେ ଭାଟି ବନ୍ଦ ହେବା ଏବଂ ଆନ୍ଦୋଳନ ପ୍ରତ୍ୟାହାର କରିବାକୁ ଆହ୍ବାନ ଦିଆଯାଇଥିଲା। ଅବକାରୀ ବିଭାଗର ନିର୍ଭର ପ୍ରତିଶ୍ରୁତି ପରେ ଆନ୍ଦୋଳନ ପ୍ରତ୍ୟାହାର ଘୋଷଣା କରାଯାଇଛି। ରବିବାର ଆୟୋଜିତ ବିଜୟ ଉତ୍ସବରେ ସାମାଜିକ କର୍ମୀ ଅନନ୍ତ, ଶ୍ରମିକ ନେତା ରତ୍ନାକର ପ୍ରଧାନ, ପ୍ରଭା ଓରାମ, ତ୍ରିନାଥ ଗୁଆଏ, ସାଧନା ସାମନ୍ତରାୟ, ଶ୍ରୀପୁରା ଗାଁର ପୂର୍ବତନ ଜିଲା ପରିଷଦ ସଦସ୍ୟା ମୀନତି ପାତ୍ର, ମହେଶ୍ୱତା ସେଠ୍‌, ଅଞ୍ଜନା ଷଣ୍ଢ, ଅଜିତ ମାଗର, ସୁକାନ୍ତି ଛତର, ଗୀତା ଷଣ୍ଢ, ତାରାଲତା ପାତ୍ର, ଦେବକାନ୍ତୀ ପୂଜାରୀ, ରାଧିକା ପ୍ରଧାନ, ଉମା ରୋହିଦାସ, ରତନୀ ବାଗ ପ୍ରମୁଖ ଉପସ୍ଥିତ ଥିଲେ। ସୂଚନାଯୋଗ୍ୟ ମଇ ୧୯ ତାରିଖରେ ସଦର ବ୍ଲକ୍‌ ଶ୍ରୀପୁରା ଗାଁ ଲୋକ ମଦଭାଟିକୁ ବିରୋଧ କରି ଆନ୍ଦୋଳନକୁ ଓହ୍ଲଇଥିଲେ। ଅଭିନବ ଉପାୟରେ ମଦକୁ ବିରୋଧ କରି ମଦଭାଟି ସାମ୍ନାରେ ବସିରହି ଶାନ୍ତିପୂର୍ଣ୍ଣ ଭାବେ ମଦୁଆ ଏବଂ ଭାଟିମାଲିକଙ୍କୁ ବାରଣ କରିଥିଲେ। ଗାଁ ଲୋକଙ୍କ ଏଭଳି ଅଭିନବ ବିରୋଧକୁ ବିଭିନ୍ନ ମହଲରୁ ପ୍ରଶଂସା ଏବଂ ସମର୍ଥନ ମଧ୍ୟ ମିଳିଥିଲା। ପ୍ରବଳ ଗ୍ରୀଷ୍ମତାତି, ବର୍ଷାରେ ମଧ୍ୟ ଭାଡିକରି ମହିଳାମାନେ ମଦଭାଟି ସାମ୍ନାରେ ବସି ଶେଷରେ ବିଜୟ ହାସଲ କରିଥିଲେ।

ସମ୍ବଲପୁର

ଭାଜପା ନେତାଙ୍କ ଘରେ ପୋଲିସ ଚଢାଉ

ଭାଜପା ନେତାଙ୍କ ଘରେ ପୋଲିସ ଚଢାଉ

ପଦ୍ମପୁର,୧୯।୨(ଡି.ଏନ୍‌.ଏ.): ବରଗଡ଼ ଜିଲା ବିଜେପୁର ଉପନିର୍ବାଚନ ପୂର୍ବରୁ ପୋଲିସ ପଦ୍ମପୁର ଉପକଣ୍ଠ ମହୁଲପାଲି ଚେକ୍‌ପୋଷ୍ଟରେ ୨ ଦିନ ତଳେ ଏକ କାରରୁ ୪୦ଲକ୍ଷ ୫୦ ହଜାର ଟଙ୍କା ଜବତ କରିଥିଲା। ଭୋଟରଙ୍କୁ ପ୍ରଭାବିତ କରିବା ଉଦ୍ଦେଶ୍ୟ ରଖି ଭାଜପା ସେହି ଟଙ୍କା ନେଉଥିବା ପ୍ରାଥମିକ ତଦନ୍ତରୁ ଜଣାପଡ଼ିଥିଲା। ଏହାପରେ ପୋଲିସ ଯାଞ୍ଚ ପ୍ରକ୍ରିୟା ତ୍ୱରାନ୍ବିତ କରିଛି।

ଘରେ ପଶି ମହିଳାଙ୍କୁ ହତ୍ୟା

ଘରେ ପଶି ମହିଳାଙ୍କୁ ହତ୍ୟା

ଜୁନାଗଡ଼, ୧୯।୨(ସ୍ବ.ପ୍ର.): ଜୁନାଗଡ଼ ଥାନା ଅନ୍ତର୍ଗତ ପ୍ରଗତି ନଗରରେ ରବିବାର ରାତି ୮ଟାରେ ଦୁର୍ବୃତ୍ତ ଘରେ ପଶି ଏକାକୀ ଥିବା ଜଣେ ମହିଳାଙ୍କୁ ହତ୍ୟା କରିଛନ୍ତି। ସେ ହେଲେ ସ୍ଥାନୀୟ ସୋମେଶ୍ୱର ମେହେରଙ୍କ ସ୍ତ୍ରୀ ସୂର୍ଯ୍ୟ ମେହେର(୪୫)।

ବର୍‌ହା ଆକ୍ରମଣରେ ୪ଜଣ ଆହତ

ସିଂଘିଯୁବା, ୧୮।୨(ଡି.ଏନ୍‌.ଏ.) ସୁବର୍ଣ୍ଣପୁର ଜିଲା ବିନିକା ବନ ବିଭାଗ ଅଧୀନ ଅଞ୍ଚଳରେ ବର୍‌ହା ଉପଦ୍ରବ ଦେଖାଦେଇଛି। ଗାଁ ମୁହାଁ ଏହି ବର୍‌ହାମାନେ ଫସଲ ନଷ୍ଟ କରିବା ସହ ଲୋକଙ୍କୁ ଆକ୍ରମଣ କରୁଛନ୍ତି। ଶନିବାର ୪ଜଣ ବର୍‌ହା ଆକ୍ରମଣରେ ଆହତ ହୋଇଛନ୍ତି। ସେମାନେ ହେଲେ ଅନ୍ତର୍ଡା ଗ୍ରାମର ପ୍ରହଲ୍ଲାଦ ସୁନା, ଗୁଲୁଣ୍ଡାର ଚଏତୁ ହରିପାଲ, ସାଧବୀ ଜଗଦଳ ଏବଂ ବିଶାଳପାଲି ଗ୍ରାମର ସତ୍ୟବାନ ପଧାନ। ସେମାନଙ୍କୁ ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି।

କଳାହାଣ୍ଡି ଜିଲାରେ ମାଟ୍ରିକ ପରୀକ୍ଷା ଦେବେ ୨୨୫୦୯ ଛାତ୍ରୀଛାତ୍ର

କଳାହାଣ୍ଡି ଜିଲାରେ ମାଟ୍ରିକ ପରୀକ୍ଷା ଦେବେ ୨୨୫୦୯ ଛାତ୍ରୀଛାତ୍ର

ଭବାନୀପାଟଣା, ୧୮।୨ (ଡି.ଏନ୍‌.ଏ.)-ଆସନ୍ତା ୨୩ ତାରିଖରୁ ମାଟ୍ରିକ ବୋର୍ଡ଼ ପରୀକ୍ଷା ଆରମ୍ଭ ହେଉଛି। କଳାହାଣ୍ଡି ଜିଲାରେ ପରୀକ୍ଷାକୁ ଶାନ୍ତିଶୃଙ୍ଖଳାର ସହ ଆୟୋଜନ କରିବା ପାଇଁ ଜିଲା ପ୍ରଶାସନ ଓ ଜିଲା ଶିକ୍ଷା ବିଭାଗ ପକ୍ଷରୁ ବ୍ୟାପକ ପ୍ରସ୍ତୁତି ଚାଲିଛି। ଜିଲାପାଳ ଅଞ୍ଜନ କୁମାର ମାଣିକଙ୍କ ଅଧ୍ୟକ୍ଷତାରେ ସ୍ଥାନୀୟ ରେଡକ୍ରସ କଲ୍ୟାଣ ମଣ୍ଡପଠାରେ ଶନିବାର ଏକ ବୈଠକ ଅନୁଷ୍ଠିତ ହୋଇଯାଇଛି। ଚଳିତବର୍ଷ ଜିଲାରେ ୨୧,୯୩୭ ଜଣ ରେଗୁଲାର, ୫୭୨ ଜଣ ଏକ୍ସରେଗୁଲାର ଛାତ୍ରୀଛାତ୍ର ମାଟ୍ରିକ ପରୀକ୍ଷା ଦେବେ। ଏହା ବ୍ୟତୀତ ଓଡିଶା ରାଜ୍ୟ ମୁକ୍ତ ସ୍କୁଲ ଜରିଆରେ ୪୫୩ ଜଣ ପରୀକ୍ଷାର୍ଥତ୍ ମାଟ୍ରିକ ପରୀକ୍ଷା ଦେବେ ବୋଲି ଜିଲା ଶିକ୍ଷା ଅଧିକାରୀ ପ୍ରଦୀପ କୁମାର ନାଗ ପ୍ରକାଶ କରିଛନ୍ତି।

ବରଯାତ୍ରୀ ଗାଡ଼ି ଦୁର୍ଘଟଣା: ବର ବାପା, ମାମୁଁ ମୃତ, ବର ସମେତ ୫ଜଣ ଗୁରୁତର

ବରଯାତ୍ରୀ ଗାଡ଼ି ଦୁର୍ଘଟଣା: ବର ବାପା, ମାମୁଁ ମୃତ, ବର ସମେତ ୫ଜଣ ଗୁରୁତର

ଭବାନୀପାଟଣା, ୧୮।୨ (ଡି.ଏନ୍‌.ଏ.)-କଳାହାଣ୍ଡି ଜିଲା ଭବାନୀପାଟଣାରୁ ୧୪ କି.ମି. ଦୂର କର୍ଲାପଡା ଅଭୟାରଣ୍ୟ ଖଇରମାଲ ଗ୍ରାମ ନିକଟରେ ରବିବାର ଭୋର ଏକ ବରଯାତ୍ରୀ ଗାଡ଼ି ଦୁର୍ଘଟଣାଗ୍ରସ୍ତ ହୋଇଛି। ଗାଡ଼ିଟି ଛତିଶଗଡ଼ ରାୟପୁରରୁ ଭବାନୀପାଟଣା ସହରର ଅର୍କାବାହାଲିପଡାକୁ ଆସୁଥିଲା। ଗାଡ଼ିରେ ବସିଥିବା ବର ବାପା, ମାମୁଁଙ୍କର ଘଟଣାସ୍ଥଳରେ ମୃତ୍ୟୁ ଘଟିଛି। ଗାଡ଼ି ଡ୍ରାଇଭର ଓ ବର ସମେତ ୫ଜଣ ଗୁରୁତର ଆହତ ହୋଇଛନ୍ତ। ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।

ରାଜପଥ ପାର୍ଶ୍ୱରେ ଢଳାଯାଉଛି କାରଖାନା ବର୍ଜ୍ୟବସ୍ତୁ

ରାଜପଥ ପାର୍ଶ୍ୱରେ ଢଳାଯାଉଛି କାରଖାନା ବର୍ଜ୍ୟବସ୍ତୁ

କୁଆଁରମୁଣ୍ଡା,୧୭।୨(ଡି.ଏନ୍‌.ଏ.)- ସୁନ୍ଦରଗଡ଼ ଜିଲା କୁଆଁରମୁଣ୍ଡା ବ୍ଲକ ଦେଇ ଯାଇଥିବା ୧୪୩ ନମ୍ବର ଜାତୀୟ ରାଜପଥର ଚାର୍ଡିଛକ ବୁଲାଣୀ ନିକଟରେ କାରଖାନାର ବର୍ଜ୍ୟବସ୍ତୁ ଢଳାଯାଉଛି। ବର୍ଜ୍ୟଜଳ ନିକଟସ୍ଥ ଚାଷଜମି ଓ ଘାସ ପଡିଆରେ ଜମୁଛି। ଗୋରୁ, ଛେଳି, ମେଣ୍ଢା ସେଠାକୁ ଚରିବାକୁ ଯାଇ ନାନାଦି ରୋଗରେ ଆକ୍ରାନ୍ତ ହେଉଛନ୍ତି। ବର୍ଷାରେ ବର୍ଜ୍ୟଜଳ ବୋହିଯାଇ ନିକଟସ୍ଥ ଜଳାଶୟରେ ମିଶୁଛି।

୨୫ ବଛର୍‌ର ବାସଁଦ୍‌ ଜୀବନ୍‌

୨୫ ବଛର୍‌ର ବାସଁଦ୍‌ ଜୀବନ୍‌

ଲୋଇସିଂହା,୧୭।୨(ଡି.ଏନ.ଏ)- କୁଷ୍ଠ ରୋଗ୍‌ ଆର୍‌ ମାରାତ୍ମକ ରୋଗ୍‌ ହେଇ ନାଇଁନ। ଆଏଜ୍‌କାଲି ଚିକିଛା କଲେ ରୋଗ୍‌ ମୂଲୁ ମେଟିଯାଉଛେ। ହେଲେ ସମାଜର କୁସଁସ୍‌କାର ଆର୍‌ ଅଁଧ୍‌ ବିଶୁଆସ ଆଗେ ହାର୍‌ମାନିଛନ୍‌ ଝନେ କୁଷ୍ଠରୋଗ୍‌ରେ ପିଡ଼ିତ୍‌ ବୁର୍‌ଧା। ଗଲା ୨୫ ବଛର ହେଲା ଘର୍‌ଠାନୁ ଦେଢ଼ କି.ମି. ଦୂରିଆ ଜଂଗଲକେ ଲାଗି ଗୁଟେ କ୍ଷେତେ ଏକ୍‌ଲା ରହିଆସୁଛନ୍‌। ରୋଗ୍‌ରେ ପିଡ଼ିତ୍‌ ଥିବାର ବୁର୍‌ଧା ଝନ୍‌କ ସାମାଜିକ୍‌ ବାସଁଦ୍‌ ସଂଗେ ସରକାରୀ ଯୋଜ୍‌ନାରୁ ଭିଲ୍‌ ବାଦ୍‌ ପଡ଼ିଥିବାର ଥାନୀୟ କ୍ରିଷ୍ଣା କିଶୋରୀ ସେବା ସମିତିର ସଭ୍ୟମାନେ ଅଭିଯୋଗ୍‌ କରିଛନ୍‌।

ଠିକାଦାରଙ୍କୁ ଗୁଳିକରି ହତ୍ୟା, ମାଓବାଦୀଙ୍କ ସମ୍ପୃକ୍ତି ସନ୍ଦେହ

ଭବାନୀପାଟଣା,୧୬।୨(ଡି.ଏନ୍‌.ଏ.)- କଳାହାଣ୍ଡି ଜିଲା ବିଜେପୁର ଥାନା ଅନ୍ତର୍ଗତ ପାଜିବାହାଲ ଗ୍ରାମରେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ କାର୍ଯ୍ୟରେ ନିୟୋଜିତ ସ୍ବତନ୍ତ୍ର ଶ୍ରେଣୀ ଠିକାଦାର ଶିବଶଙ୍କର ଦାସ ଓରଫ ବୁନୁ (୫୦)ଙ୍କୁ କେତେକ ବ୍ୟକ୍ତି ଗୁଳିକରି ହତ୍ୟା କରିଛନ୍ତି। ସମ୍ପୃକ୍ତ ଅଞ୍ଚଳ ମାଓବାଦୀ ପ୍ରବଣ ହୋଇଥିବାରୁ ଏହା ମାଓବାଦୀଙ୍କ କାଣ୍ଡ ହୋଇଥିବା ସନ୍ଦେହ କରାଯାଉଛି। ଶୁକ୍ରବାର ଅପରାହ୍ନ ସାଢ଼େ ୧୨ଟାରେ ଠିକାଦାର

ରେଳଧାରଣା କଡ଼ରୁ ଶିଶୁ ଉଦ୍ଧାର

ଝାରସୁଗୁଡ଼ା ଅଫିସ,୧୬।୨- ଝାରସୁଗୁଡ଼ା ଜିଲା କିର୍ମିରା ବ୍ଲକ ଅର୍ଡା ସ୍ଥିତ ଟ୍ରେନ୍‌ ଲାଇନ୍‌ ନିକଟରୁ ଜଣେ ୯ ବର୍ଷୀୟ ଶିଶୁକୁ ଉଦ୍ଧାର କରାଯାଇଛି। ଶିଶୁର ପରିଚୟ ମିଳିପାରି ନାହିଁ। ଗୁରୁତର ଅବସ୍ଥାରେ ଶିଶୁକୁ ଆମ୍ବୁଲାନ୍ସ ଯୋଗେ ଝାରସୁଗୁଡ଼ା ହସ୍ପିଟାଲରେ ଭର୍ତ୍ତି କରାଯାଇଛି। ଶିଶୁଟି କୌଣସି ଚଳନ୍ତା ଟ୍ରେନ୍‌ରୁ ଖସିପଡ଼ିଥିବା ଅନୁମାନ କରାଯାଉଛି। ଶିଶୁର ମୁଣ୍ଡ ଓ ହାତରେ ଗଭୀର କ୍ଷତ ସୃଷ୍ଟି ହୋଇଛି। ତେବେ ଶିଶୁ ଜଣକ

ବୀର ବଜରଙ୍ଗ ଫୁଟବଲ: ଫାଇନାଲରେ କିରାରମା

ବୀର ବଜରଙ୍ଗ ଫୁଟବଲ: ଫାଇନାଲରେ କିରାରମା

ବେଲପାହାଡ଼,୧୬।୨(ଡି.ଏନ୍‌.ଏ.)- ଝାରସୁଗୁଡ଼ା ଜିଲା ବେଲପାହାଡ଼ ପୌରାଞ୍ଚଳ ଯୁରାବଗା ଗ୍ରାମ ବୀର ବଜରଙ୍ଗ କ୍ଲବ ପକ୍ଷରୁ ସବଷ୍ଟେଶନ ଖେଳପଡ଼ିଆରେ ଦୁଇଦିନିଆ ନକ୍‌ଆଉଟ ଫୁଟବଲ ଟୁର୍ନାମେଣ୍ଟ ଆରମ୍ଭ ହୋଇଛି। ଗୁରୁବାର ପୂର୍ବାହ୍ନରେ ଟୁର୍ନାମେଣ୍ଟର ଉଦ୍‌ଘାଟନୀ ସମାରୋହ ଆୟୋଜିତ ହୋଇଥିଲା। ଏଥିରେ ପୌରାଧ୍ୟକ୍ଷ ପର୍ଶୁରାମ ସାହୁ ମୁଖ୍ୟଅତିଥି ଓ ସ୍ଥାନୀୟ କାଉନସିଲର ଦିଲୀପ ଧୁରୁଆ ସମ୍ମାନିତ

ପମ୍ପହାଉସ୍‌ପଡ଼ାରେ ଗଣ୍ଡଗୋଳ, ଯୁବକ ଆହତ

ପମ୍ପହାଉସ୍‌ପଡ଼ାରେ ଗଣ୍ଡଗୋଳ, ଯୁବକ ଆହତ

ଲଖନପୁର,୧୬।୨(ଡି.ଏନ୍‌.ଏ.)- ଝାରସୁଗୁଡ଼ା ଜିଲା ବନହରପାଲି ଥାନା ଇବ୍‌ ଥର୍ମାଲ ପମ୍ପହାଉସ୍‌ପଡ଼ାରେ ବୁଧବାର ରାତି ସାଢ଼େ ୯ଟାରେ ଗଣ୍ଡଗୋଳ ଘଟି ଜଣେ ଯୁବକ ଆହତ ହୋଇଛନ୍ତି। ଆହତ ଯୁବକ ଜଣକ ହେଲେ ଅଶୋକ ସିଂ (୨୦)। ତାଙ୍କ ମୁହଁ ଓ ନାକ ସମେତ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି। ଏନେଇ ଅଶୋକ ଗୁରୁବାର ବନହରପାଲି ଥାନାରେ ଲିଖିତ ଅଭିଯୋଗ କରିଛନ୍ତି। ପୋଲିସ

ବିହାର ପୋଲିସ ଉପରେ ଭରସା ପାଇଲାନି, ନ୍ୟାୟ ପାଇଁ ଓଡ଼ିଶା ପୋଲିସର ଦ୍ୱାରସ୍ଥ

ଝାରସୁଗୁଡ଼ା ଅଫିସ,୧୬।୨- ବିହାର ପୋଲିସ ଉପରେ ଭରସା ପାଇଲାନି। ନ୍ୟାୟ ଆଶାରେ ଓଡ଼ିଶା ପୋଲିସର ଦ୍ୱାରସ୍ଥ ହୋଇଛନ୍ତି ଜଣେ ମହିଳା। ବିହାର ପୋଲିସର ଭାବମୂର୍ତ୍ତି ବିଷୟରେ ଓଡ଼ିଶା ପୋଲିସ ଆଗରେ ବଖାଣିଥିଲେ ସମ୍ପୃକ୍ତ ମହିଳା। ବିହାରର ମୂଳବାସିନ୍ଦା ସଞ୍ଜୟ କୁମାର (୪୫) ନାମକ ଜଣେ ବ୍ୟକ୍ତି ଜଣେ ନାବାଳିକାଙ୍କୁ ଦ୍ୱିତୀୟ ବିବାହ କରିଥିବା ତାଙ୍କ ସ୍ତ୍ରୀ ଝାରସୁଗୁଡ଼ା ଟାଉନଥାନାରେ ଅଭିଯୋଗ