ଉପକୂଳ ଓଡିଶା

ଶିବିରରେ ସୀମିତ ସ୍ବାସ୍ଥ୍ୟ ସେବା

କାଳିଆପାଣି,୭।୧(ଡି.ଏନ.ଏ) କେନ୍ଦ୍ର ଓ ରାଜ୍ୟ ସରକାର ଲୋକଙ୍କ ସ୍ବାସ୍ଥ୍ୟକୁ ଦୃଷ୍ଟିରେ ରଖି କୋଟିକୋଟି ଟଙ୍କା ବ୍ୟୟ କରୁଛନ୍ତି। ବିଶେଷ କରି ଖଣି ଓ କାରଖାନା ଥିବା ଅଞ୍ଚଳରେ ରୋଗୀଙ୍କ ସଂଖ୍ୟା ବଢୁଥିବାରୁ ଅଧିକରୁ ଅଧିକ ସ୍ବାସ୍ଥ୍ୟକେନ୍ଦ୍ର ଖୋଲିବା, ଡାକ୍ତର, ସ୍ବାସ୍ଥ୍ୟକର୍ମୀ ନିଯୁକ୍ତ କରିବା ସହ ସ୍ବାସ୍ଥ୍ୟ ଶିବିର କରି ସେବା ଯୋଗାଇବା ପାଇଁ ପଦକ୍ଷେପ ନେବାକୁ ଜିଲା ସ୍ବାସ୍ଥ୍ୟ ମୁଖ୍ୟାଳୟକୁ ସରକାର ନିର୍ଦ୍ଦେଶ ଦେଇଛନ୍ତି। ଏପରିସ୍ଥଳେ ସୁକିନ୍ଦା କ୍ରୋମ ଖଣି ଅଞ୍ଚଳରେ ଏହାର ବ୍ୟତିକ୍ରମ ଦେଖାଯାଇଛି। ସୁକିନ୍ଦା ବ୍ଲକରେ ୨୫ ପଞ୍ଚାୟତ ଥିବା ବେଳେ ରାଁସୋଳ, କାଳିଆପାଣି, ଚିଙ୍ଗୁଡ଼ିପାଳ, କଂସ ପରି ୪ଟି ଆଦିବାସୀ ବହୁଳ ପଞ୍ଚାୟତରେ ୯ଟି ଖଣି ରହିଛି। ଏହି ଖଣି ଅଞ୍ଚଳର ୪ ପଞ୍ଚାୟତରେ ଆଦିବାସୀ ଓ ଅନଗ୍ରସର ଲୋକ ୯୫ ପ୍ରତିଶତ ରହିଛନ୍ତି। ୯ଟି ଖଣି ରହିଥିଲେ ବି ସମସ୍ତ ଖଣିରେ ୪ଟି ପଞ୍ଚାୟତର ୨୭ରୁ ୩୦ ପ୍ରତିଶତ ଲୋକ ପ୍ରତ୍ୟେକ୍ଷ ଓ ପରୋକ୍ଷ ଭାବେ କର୍ମ ନିଯୁକ୍ତି ପାଇଛନ୍ତି। ଆନୁମାନିକ ୫୭ବର୍ଷରୁ ଊର୍ଦ୍ଧ୍ୱ ହେବ ଖଣି ଖୋଳା ଚାଲିଥିବାରୁ ଦିନକୁ ଦିନ ପାନୀୟ ଜଳ ସଙ୍କଟ ବଢି ଚାଲିଛି। ଫଳରେ ଏହି ଅଞ୍ଚଳର ଲୋକେ ବିଭିନ୍ନ ରୋଗରେ ଆକ୍ରାନ୍ତ ହୋଇ ଚାଲିଛନ୍ତି। ବହୁ ଲୋକ କ୍ୟାନସର, କିଡନୀ, ହୃଦରୋଗରେ ମୃତ୍ୟୁବରଣ କରୁଥିବା ଜଣାପଡ଼ିଛି। ଖଣି ଲିଜଧାରୀମାନେ କୋଟିକୋଟି ଟଙ୍କା ଲାଭ କରୁଥିବା ବେଳେ ବର୍ଷକୁ ଥରେ ଦୁଇଥର ସ୍ବାସ୍ଥ୍ୟ ଶିବିର କରି ହାତଗଣତି କିଛି ଲୋକଙ୍କ ସ୍ବାସ୍ଥ୍ୟ ପରୀକ୍ଷା କରି ନିଜର କର୍ତ୍ତବ୍ୟ ସାରିଦେଉଥିବା ବେଳେ ଜିଲା ସ୍ବାସ୍ଥ୍ୟ ମୁଖ୍ୟାଳୟରେ ସ୍ବାସ୍ଥ୍ୟ ଶିବିର ହେଉଥିବା ରେକର୍ଡଭୁକ୍ତ କରୁଛନ୍ତି। ଏହିପରି ୫୦ବର୍ଷରୁ ଊର୍ଦ୍ଧ୍ୱ କମ୍ପାନୀ ଲୋକଙ୍କୁ କେବଳ ନାମକୁ ମାତ୍ର ସ୍ବାସ୍ଥ୍ୟ ଶିବିର କରି ସେବା ଯୋଗାଇ ଦେଉଥିବା ବେଳେ ଟାଟା କମ୍ପାନୀ ନିଜ କର୍ମଚାରୀଙ୍କ ପାଇଁ ଏକ ସ୍ବାସ୍ଥ୍ୟକେନ୍ଦ୍ର ଖୋଲିଛି। ସେଠାକୁ ସ୍ଥାନୀୟ ଲୋକେ ସ୍ବାସ୍ଥ୍ୟ ପରୀକ୍ଷା କରିବାକୁ ଗଲେ ୪୦ଟଙ୍କା ଦେଇ ସେମାନେ କେବଳ ଡାକ୍ତର ପରାମର୍ଶ କରିଥାନ୍ତି। ମାତ୍ର ସେଠାରେ ତାଙ୍କୁ ଚିକିତ୍ସା ମିଳେ ନାହିଁ। ସେହିପରି ଜିନ୍ଦଲ, ବାଲେଶ୍ୱର ଆଲଏଜ, ଇମ୍ଫା, ବିସି ମହାନ୍ତି, ମିଶ୍ରିଲାଲ, ଇଡକଲ ଓ ଫାକର କମ୍ପାନୀ ନିଜ କର୍ମଚାରୀଙ୍କୁ ସ୍ବାସ୍ଥ୍ୟ ସେବା ଯୋଗାଇ ଦେବାକୁ ଟାଟା ମେଡିକା ଉପରେ ନିର୍ଭର କରୁଛନ୍ତି। ଏପରିସ୍ଥଳେ ସେମାନେ ସାଧାରଣ ଲୋକଙ୍କ କଥା କ’ଣ ବୁଝୁଥିବେ ତାହା ସ୍ପଷ୍ଟ ଅନୁମେୟ। ଖଣି ଅଞ୍ଚଳର ଦେଓଗାଁ ଓ କାଳିଆପାଣିଠାରେ ସ୍ବାସ୍ଥ୍ୟକେନ୍ଦ୍ର ଖୋଲିବା ସହ ଜଣେ ଡାକ୍ତର ସେଠାରେ ୩ଦିନ ଉପସ୍ଥିତ ରହିବେ ବୋଲି ସ୍ବାସ୍ଥ୍ୟମନ୍ତ୍ରୀ ପ୍ରତାପ ଜେନା ନଗଡ଼ା ଗସ୍ତରେ ଆସିଥିବା ବେଳେ କହିଥିଲେ। ମାତ୍ର ତାହା ଅଦ୍ୟାବଧି ଶୁଭାରମ୍ଭ ହୋଇପାରି ନାହିଁ। ସ୍ବାସ୍ଥ୍ୟସେବା ପାଇବାକୁ ଖଣି ଅଞ୍ଚଳରୁ ଲୋକେ ୨୬ କି.ମି. ଦୂରରେ ଥିବା ସୁକିନ୍ଦା ଡାକ୍ତରଖାନା, ୧୨ କି.ମି. କୁହିକା ଓ ୨୫ କି.ମି. ଢେଙ୍କାନାଳ ଜିଲାର ଭୁବନ ଡାକ୍ତରଖାନାକୁ ଯାଉଛନ୍ତି। ସ୍ଥାନୀୟ ବିଧାୟକ ନଗଡ଼ା ଶିଶୁ ମୃତ୍ୟୁ ଘଟଣା ସମୟରେ ସେଠାରେ ଏକ ଡାକ୍ତରଖାନା ନିର୍ମାଣ କରିବାକୁ ଦାବି କରୁଥିବା ବେଳେ ଏବେ ସେନେଇ କୌଣସି ଚର୍ଚ୍ଚା ମଧ୍ୟ ହେଉନାହିଁ। ଯାହାକି ଉଦ୍‌ବେଗର ବିଷୟ ବୋଲି ସାଧାରଣ ଲୋକେ ପ୍ରକାଶ କରିଛନ୍ତି। ଏ ନେଇ ଜିଲା ସ୍ବାସ୍ଥ୍ୟ ମୁଖ୍ୟ ଫଣୀନ୍ଦ୍ର ପାଣିଗ୍ରାହୀଙ୍କୁ ପଚାରିବାରେ, କାଳିଆପାଣିରେ ଡାକ୍ତରଖାନା ଖୋଲିବା ନେଇ କୌଣସି ଲିଖିତ ନିର୍ଦ୍ଦେଶ ନାହିଁ ବୋଲି କହିଥିଲେ।
All Right Reserved By

ଉପକୂଳ ଓଡିଶା

ବସ ଧକ୍କାରେ ବାଇକ ଆରୋହୀଙ୍କ ମୃତ୍ୟୁ

ବସ ଧକ୍କାରେ ବାଇକ ଆରୋହୀଙ୍କ ମୃତ୍ୟୁ

ଯାଜପୁର ଅଫିସ, ୧୩।୧୨: ଯାଜପୁର ଜିଲା ୨୦ ନମ୍ବର ଜାତୀୟ ରାଜପଥର ଜହ୍ନାଛକ ନିକଟରେ ଗୁରବାର ଅପରାହ୍ନ ୧ଟା ସମୟରେ ଏକ ଯାତ୍ରୀବାହୀ ବସ ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି। 

ଛେଳି ଚୋରକୁ କାବୁ କରି ନିର୍ଧୁମ ଛେଚିଲେ ଗ୍ରାମବାସୀ

ଛେଳି ଚୋରକୁ କାବୁ କରି ନିର୍ଧୁମ ଛେଚିଲେ ଗ୍ରାମବାସୀ

ନିଶ୍ଚିନ୍ତକୋଇଲି,୧୩।୧୨(ସ୍ବ.ପ୍ର.): ନିଶ୍ଚିନ୍ତକୋଇଲି ଥାନା ଅଧୀନ ବୁହାଳ ଗ୍ରାମରେ ବୁଧବାର ଛେଳି ଚୋରି କରିବାକୁ ଉଦ୍ୟମ କରୁଥିବା ଜଣେ ଯୁବକଙ୍କୁ ଗ୍ରାମବାସୀ କାବୁ କରିଥିଲେ। ପରେ ତାଙ୍କୁ ଏକ ଆମ୍ବ ଗଛରେ ବାନ୍ଧି ମାଡ଼ ମାରିଥିବା ଜଣାପଡ଼ିଛି। ଯୁବକଜଣଙ୍କ ହେଲେ କେନ୍ଦ୍ରାପଡ଼ାର ମିଟୁ ଦାସ(୨୮)। ବୁଧବାର ସକାଳେ ମିଟୁଙ୍କୁ ଥାନାକୁ ହସ୍ତାନ୍ତର କରାଯାଇଛି।

ରାଜନଗରରେ ଗଡ଼ିଲା ନିଯୁକ୍ତି ରଥ

ରାଜନଗରରେ ଗଡ଼ିଲା ନିଯୁକ୍ତି ରଥ

ରାଜନଗର,୧୩।୧୨(ଡି.ଏନ୍‌.ଏ.): ରାଜନଗର ବ୍ଲକରେ ଆସନ୍ତା ୧୫ ତାରିଖ ଶନିବାର ନିଯୁକ୍ତି ମେଳା ଅନୁଷ୍ଠିତ ହେବ। ଏଥିରେ ଅଞ୍ଚଳର ବେକାରୀ ଯୁବତୀଯୁବକ ଅଂଶଗ୍ରହଣ କରି ବିଭିନ୍ନ ରାଷ୍ଟ୍ରାୟତ୍ତ କମ୍ପାନୀରେ ଯୋଗଦେଇପାରିବେ।

ଟ୍ରାନ୍ସଫର୍ମର ଫାଟି ୩ ଗୁରୁତର

ଟ୍ରାନ୍ସଫର୍ମର ଫାଟି ୩ ଗୁରୁତର

ଯାଜପୁର ଅଫିସ, ୧୩।୧୨: ଯାଜପୁର ରୋଡ ଦଳାଛକସ୍ଥିତ ଏକ ୩୩ କେଭି ଟ୍ରାନ୍ସଫର୍ମର ଗୁରୁବାର ପୂର୍ବାହ୍ନ ୯ଟାରେ ଫାଟିଯିବାରୁ ୩ ଜଣ ଗୁରୁତର ଆହତ ହୋଇଛନ୍ତି।

ବରିଷ୍ଠ ନାଗରିକଙ୍କୁ କମ୍ବଳ ବଣ୍ଟନ

ବରିଷ୍ଠ ନାଗରିକଙ୍କୁ କମ୍ବଳ ବଣ୍ଟନ

ବୋଲଗଡ଼,୧୩ା୧୨(ଡି.ଏନ.ଏ.)-ବୋଲଗଡ଼ ବ୍ଲକ ଗୋପାଳପୁର ପଞ୍ଚାୟତସ୍ଥ ଦେଉଳିଠାରେ ବୁଧବାର ୧୦୫ ବରିଷ୍ଠ ନାଗରିକଙ୍କୁ କ୍ଲବ ରେଡ୍‌ରୋଜ୍‌ ସୌଜନ୍ୟରୁ କମ୍ବଳ ବଣ୍ଟନ କରାଯାଇଛି।

ରାସ୍ତା ଅବସ୍ଥା ଶୋଚନୀୟ, ମରାମତି ଦାବି

ରାସ୍ତା ଅବସ୍ଥା ଶୋଚନୀୟ, ମରାମତି ଦାବି

ବୋଲଗଡ଼,୧୩ା୧୨(ଡି.ଏନ.ଏ.)-ବୋଲଗଡ଼ ବ୍ଲକ ଅସରଳା ଦଳ ପଞ୍ଚାୟତସ୍ଥ ପୁଆଣିଆ ଗ୍ରାମର ଦାସସାହିକୁ ପ୍ରବେଶ କରିଥିବା ରାସ୍ତାଟି ଶୋଚନୀୟ ହୋଇପଡିଛି । ସାହି ମୁଣ୍ଡରେ ଥିବା ଡ୍ରେନ ଉପରେ ସମ୍ପୂର୍ଣ୍ଣ ଢାଙ୍କୁଣି ବ୍ୟବସ୍ଥା ନାହଁି। 

ଛାତ୍ରୀମାନଙ୍କ ଆମତ୍ସୁରକ୍ଷା ତାଲିମ ଶିବିର ଉଦ୍‌ଯାପିତ

ଛାତ୍ରୀମାନଙ୍କ ଆମତ୍ସୁରକ୍ଷା ତାଲିମ ଶିବିର ଉଦ୍‌ଯାପିତ

ରଣପୁର,୧୩ା୧୨(ସ୍ବ.ପ୍ର.)-ନୟାଗଡ଼ ଜିଲା ରଣପୁର ବ୍ଲକ ମୟୁରଝାଲିଆ ପଞ୍ଚାୟତସ୍ଥ ଅର୍ଜ୍ଜୁନ ରାଉତ ସ୍ମାରକୀ ମହାବିଦ୍ୟାଳୟରେ ଚାଲିଥିବା ଛାତ୍ରୀମାନଙ୍କ ପାଇଁ ଆମତ୍ସୁରକ୍ଷା ତାଲିମ ଶିବିର ବୁଧବାର ଉଦ୍‌ଯାପିତ ହୋଇଯାଇଛି।

୧୪ରୁ ଧନୁପୂଜା ମହୋତ୍ସବ,ଲାଖବିନ୍ଧା ପ୍ରତିଯୋଗିତା

୧୪ରୁ ଧନୁପୂଜା ମହୋତ୍ସବ,ଲାଖବିନ୍ଧା ପ୍ରତିଯୋଗିତା

ଖଣ୍ଡପଡ଼ା,୧୩ା୧୨(ସ୍ବ.ପ୍ର.)-ଶ୍ରୀନୀଳମାଧବ ଜୀଉଙ୍କ ଆଦ୍ୟ ସେବକ ଶବର ରାଜା ବିଶ୍ୱାବସୁଙ୍କ ଗଡ଼ ଭାବେ ଭାପୁର ବ୍ଲକ୍‌ ଅନ୍ତର୍ଗତ କାଳିଆପଲ୍ଲୀ ଗ୍ରାମ ପରିଚିତ। ଧାନଚେଙ୍ଗଡ଼ା ପଞ୍ଚାୟତସ୍ଥ ଏହି ଗ୍ରାମରେ ପ୍ରତିବର୍ଷ ଧନୁ ସଂକ୍ରାନ୍ତିରେ ଧନୁପୂଜା ମହୋତ୍ସବ ପାଳନ କରାଯାଉଛି। 

ମରି ପଡ଼ୁଛନ୍ତି କାଉ, କୁକୁଡା : ରକ୍ତ ନମୁନା ସଂଗ୍ରହ

ମରି ପଡ଼ୁଛନ୍ତି କାଉ, କୁକୁଡା : ରକ୍ତ ନମୁନା ସଂଗ୍ରହ

କୃଷ୍ଣପ୍ରସାଦ,୧୨ା୧୨(ଡି.ଏନ.ଏ.)-କୃଷ୍ଣପ୍ରସାଦ ବ୍ଲକ୍‌ରେ ବର୍ତ୍ତମାନ ଶହ ଶହ କାଉ ଓ କୁକୁଡ଼ାଙ୍କ ମୃତ୍ୟୁ ଘଟୁଥିବା ଜଣାପଡ଼ିଛି। ଏକ ସପ୍ତାହ ଧରି ଏଠାରେ କୁକୁଡାଗୁଡ଼ିକ ମରି ପଡ଼ୁଥିବା ଯୋଗୁ ବ୍ୟବସାୟୀମାନେ ଏବେ ମୁଣ୍ଡରେ ହାତଦେଇ ବସିଛନ୍ତି। 

ଗୋଟିଏ ପଞ୍ଚାୟତରେ କଂଗ୍ରେସର ସମାନ୍ତରାଳ ବୈଠକ

ଗୋଟିଏ ପଞ୍ଚାୟତରେ କଂଗ୍ରେସର ସମାନ୍ତରାଳ ବୈଠକ

ନିଶ୍ଚିନ୍ତକୋଇଲି,୧୨।୧୨(ସ୍ବ.ପ୍ର.)-ମାହାଙ୍ଗା ନିର୍ବାଚନମଣ୍ଡଳୀରେ କଂଗ୍ରେସ ଗୋଷ୍ଠୀ କନ୍ଦଳ ପଦାରେ ପଡିଛି । 

ସ୍ବାସ୍ଥ୍ୟ, ପରିମଳ, ରାଶନକାର୍ଡ ବଣ୍ଟନ ଉପରେ ଗୁରୁତ୍ୱ

ରାଜନଗର,୧୨।୧୨(ଡିଏନଏ)-ବୁଧବାର ରାଜନଗର ବ୍ଳକ କାର୍ଯ୍ୟାଳୟର ସଦ୍‌ଭାବନା କକ୍ଷରେ ୭ମ ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି ।

ଗୋଜବାୟାଣୀ ପୀଠରେ ବିଜୟଙ୍କୁ ସମ୍ବର୍ଦ୍ଧନା

ଗୋଜବାୟାଣୀ ପୀଠରେ ବିଜୟଙ୍କୁ ସମ୍ବର୍ଦ୍ଧନା

ମାର୍ଶାଘାଇ,୧୨।୧୨(ଡିଏନଏ)-ବରିଷ୍ଠ ନେତା ବିଜୟ ମହାପାତ୍ରଙ୍କୁ ବୁଧବାର ମାର୍ଶାଘାଇ ବ୍ଲକ ଦଶିପୁର ପଞ୍ଚାୟତର ଗୋଜବାୟାଣୀ ପୀଠରେ  ତାଙ୍କ ସମର୍ଥକମାନଙ୍କ ତରଫରୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି ।