ଖେଳ |

ଦୀପ୍‌ସାନଙ୍କୁ ଏକଲବ୍ୟ ପୁରସ୍କାର

ଦୀପ୍‌ସାନଙ୍କୁ ଏକଲବ୍ୟ ପୁରସ୍କାର

ଭୁବନେଶ୍ୱର, ୭।୧(ସ୍ପୋଟର୍‌ସ ବ୍ୟୁରୋ)- ରାଜ୍ୟର ଯୁବ କ୍ରୀଡ଼ାବିତ୍‌ଙ୍କୁ ପ୍ରୋତ୍ସାହନ ଉଦ୍ଦେଶ୍ୟରେ ଇଣ୍ଡିଆନ ମେଟାଲ ପବ୍ଲିକ ଚାରିଟେବୁଲ ଟ୍ରଷ୍ଟ (ଇମ୍ପାକ୍ଟ) ପକ୍ଷରୁ ପ୍ରତିବର୍ଷ ପ୍ରଦାନ କରାଯାଉଥିବା ଏକଲବ୍ୟ ପୁରସ୍କାରର ରୌପ୍ୟ ଜୟନ୍ତୀ ଉତ୍ସବ ରବିବାର ଅନୁଷ୍ଠିତ ହୋଇଯାଇଛି। ଭାରତୀୟ ପୁରୁଷ ହକି ଦଳର ନିର୍ଭରଯୋଗ୍ୟ ଡିଫେଣ୍ଡର ତଥା ଯୁବ ଓଡ଼ିଆ ତାରକା ଦୀପ୍‌ସାନ ତିର୍କୀ ଚଳିତ ବର୍ଷ ଲାଗି ଏହି ସମ୍ମାନଜନକ ପୁରସ୍କାର ବିଜୟୀ ହେବାର ସୌଭାଗ୍ୟ ଲାଭ କରିଛନ୍ତି। ସେହିପରି ଦେଶର ଦ୍ରୁତତମ ଧାବକ ଅମୀୟ ମଲିକ ଓ ଭାରତୀୟ ମହିଳା ହକି ଦଳର ପ୍ରମୁଖ ସଦସ୍ୟା ଦୀପ୍‌ଗ୍ରେସ ଏକ୍କାଙ୍କୁ ନିଜର ଉଲ୍ଲେଖନୀୟ ପ୍ରଦର୍ଶନ ଲାଗି ଏହି ଅବସରରେ ସମ୍ମାନିତ କରାଯାଇଥିଲା। ଭାରତୀୟ ବ୍ୟାଡ୍‌ମିଣ୍ଟନ ଦଳର ମୁଖ୍ୟ କୋଚ୍‌ ତଥା ପଦ୍ମଭୂଷଣ ଓ ଦ୍ରୋଣାଚାର୍ଯ୍ୟ ପୁରସ୍କାର ବିଜୟୀ କିମ୍ବଦନ୍ତୀ ସଟ୍‌ଲର ପୂଲେଲା ଗୋପୀଚାନ୍ଦ ସମ୍ମାନିତ ଅତିଥିଭାବେ ଯୋଗଦେଇ ଦୀପ୍‌ସାନଙ୍କୁ ଏକଲବ୍ୟ ଟ୍ରଫି ସମେତ ମାନପତ୍ର ଓ ୫ ଲକ୍ଷ ଟଙ୍କାର ଅର୍ଥରାଶି ପ୍ରଦାନ କରିଥିଲେ। ସେହିପରି ରାଜ୍ୟ କ୍ରୀଡ଼ା ଓ ଯୁବସେବା ମନ୍ତ୍ରୀ ଚନ୍ଦ୍ରସାରଥି ବେହେରା ମୁଖ୍ୟଅତିଥି ଭାବେ ଯୋଗଦେଇ ଅମୀୟ ମଲିକ ଓ ଦୀପ୍‌ଗ୍ରେସ୍‌ଙ୍କୁ ମାନପତ୍ର ସହ ୫୦ ହଜାର ଟଙ୍କାର ଅର୍ଥରାଶି ପ୍ରଦାନ କରି ସମ୍ମାନିତ କରିଥିଲେ। ମହିଳା ହକି ତାରକା ଦୀପ୍‌ଗ୍ରେସ୍‌ ବର୍ତ୍ତମାନ ଜାତୀୟ କ୍ୟାମ୍ପ୍‌ରେ ବ୍ୟସ୍ତ ଥିବାରୁ ତାଙ୍କ ଅନୁପସ୍ଥିତିରେ ଭାଇ ଦୀନେଶ ଏକ୍କା ଏହି ପୁରସ୍କାର ଗ୍ରହଣ କରିଥିଲେ। ପୂର୍ବତନ ଏକଲବ୍ୟ ପୁରସ୍କାର ବିଜେତା ଦେବାଶିଷ ମହାନ୍ତି, ରଶ୍ମୀରଞ୍ଜନ ପରିଡ଼ା, ଓ୍ବିଲିୟମ ଖାଲକୋ, ପ୍ରତିମା ପୁହାଣ, ଅନୁରାଧା ବିଶ୍ୱାଳ, ଲାଜରୁସ ବାର୍ଲା, ରଚିତା ମିସ୍ତ୍ରି, ପଦ୍ମିନୀ ରାଉତଙ୍କୁ ଏହି ଅବସରରେ ସମ୍ମାନିତ କରାଯାଇଥିଲା। ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ବିଜୟ କୁମାର ଶର୍ମା (ରାଜ୍ୟ ଫାୟାର ସର୍ଭିସ ଆଣ୍ଡ୍‌ କମାଣ୍ଡାଣ୍ଟ ଜେନେରାଲ, ହୋମଗାଡର୍‌ସ ଆଣ୍ଡ୍‌ ଡିରେକ୍ଟର ସିଭିଲ ଡିଫେନ୍ସ), ବୈଜୟନ୍ତ ପଣ୍ଡା (ଏମ୍‌ପି), ଅଶୋକ ବେହେରା (କନ୍‌ଭେନର), ଏସ୍‌. ମକ୍‌ବୁଲ ଅଲି (ଜୁରି ମେମ୍ବର) ପ୍ରମୁଖ ଉପସ୍ଥିତ ରହିଥିଲେ।
କ୍ରୀଡ଼ା ପାଇଁ ଭୁବନେଶ୍ୱରର ପରିଚୟ
ଓଡ଼ିଶାରୁ ଅନେକ ହକି ତାରକା ବାହାରିଛନ୍ତି। ଓଡ଼ିଶା ହେଉଛି ହକିର ଏକ ଐତିହାସିକ ପୃଷ୍ଠଭୂମି। ସେହିପରି ରଚିତା ମିସ୍ତ୍ରି, ଦୂତୀ ଚାନ୍ଦ ଓ ଅମିୟ ମଲିକଙ୍କ ପରି ଦେଶର ଦ୍ରୁତତମ ସ୍ପ୍ରିଣ୍ଟରଙ୍କ ଲାଗି ଓଡ଼ିଶା ପୂର୍ବରୁ ପରିଚିତ ଥିଲା। ଏବେ ଏସିଆନ ଆଥ୍‌ଲେଟିକ ଚାମ୍ପିୟନଶିପ୍‌ ଓ ହକି ଓ୍ବାଲର୍‌ଡ ଲିଗ୍‌ ଫାଇନାଲ୍ସ ପରି ବିଶ୍ୱସ୍ତରୀୟ ପ୍ରତିଯୋଗିତାକୁ ସଫଳତାର ସହ ଆୟୋଜନ କରି ଭୁବନେଶ୍ୱର ବର୍ତ୍ତମାନ କ୍ରୀଡ଼ା ପାଇଁ ବିଶ୍ୱରେ ପରିଚିତି ଲାଭ କରିଛି ବୋଲି ଏକଲବ୍ୟ ପୁରସ୍କାର ଉତ୍ସବରେ ସମ୍ମାନିତ ଅତିଥି ଭାବେ ଯୋଗଦେବା ଅବସରରେ ବ୍ୟାଡ୍‌ମିଣ୍ଟନ କିମ୍ବଦନ୍ତୀ ପୂଲେଲା ଗୋପୀଚାନ୍ଦ କହିଛନ୍ତି। ବିଶ୍ୱର ଦ୍ରୁତତମ ଧାବକ ଉସେନ ବୋଲ୍ଟଙ୍କ ଲାଗି ଯେପରି ଜାମାଇକା ପରିଚିତ, କ୍ରିକେଟର ମହେନ୍ଦ୍ର ସିଂ ଧୋନୀଙ୍କ ଲାଗି ଯେଉଁଭଳି ଝାଡ଼ଖଣ୍ଡ ପରିଚିତ ସେହିଭଳି ଭୁବନେଶ୍ୱର କ୍ରୀଡ଼ା ପାଇଁ ସାରା ବିଶ୍ୱରେ ଧୀରେ ଧୀରେ ପରିଚିତ ହେବାରେ ଲାଗିଛି ବୋଲି ଭାରତୀୟ ବ୍ୟାଡ୍‌ମିଣ୍ଟର ମହାନ ତାରକା ଗୋପୀଚାନ୍ଦ ଏହି ଅବସରରେ ପ୍ରକାଶ କରିଥିଲେ। ସେହିଭଳି ଅଲିମ୍ପିକ୍ସରେ ସିନ୍ଧୁ ରୌପ୍ୟ ପଦକ ଜିତିବା ପରେ ଯେଉଁ ଖୁସି ମିଳିଥିଲା ତାହା କୌଣସି ଅର୍ଥ ମାଧ୍ୟମରେ ମିଳିବ ନାହିଁ ବୋଲି ଗୋପୀଚାନ୍ଦ କହିଥିଲେ। ଇମ୍ପାକ୍ଟର ଏଭଳି ପ୍ରୟାସକୁ ପ୍ରଶଂସା କରିବା ସହ କ୍ରୀଡ଼ା ଦ୍ୱାରା କିଭଳି ଶାରୀରିକ ସୁସ୍ଥତା ମିଳେ ତାହା ଉପରେ ଗୋପୀଚାନ୍ଦ ଗୁରୁତ୍ୱ ଆରୋପ କରିଥିଲେ।

All Right Reserved By
I&PR

Model This Week

ସନ୍ତୋଷ

ଖେଳ |

ଡୋପ୍‌ ଟେଷ୍ଟରେ ବିଫଳ ପୂର୍ବତନ ବିଶ୍ୱ ଚାମ୍ପିୟନ୍‌ ସନ୍ତରଣକାରୀ

ଟୋକିଓ,୨୩।୫(ଏଫ୍‌ପି)- ପୂର୍ବତନ ବିଶ୍ୱ ଚାମ୍ପିୟନ୍‌ ସନ୍ତରଣକାରୀ ଜୁନ୍ୟା କୋଗା ଡୋପ୍‌ ଟେଷ୍ଟରେ ବିଫଳ ହୋଇଛନ୍ତି। ତାଙ୍କୁ ଏସିଆନ୍‌ ଗେମ୍ସ ପାଇଁ ବୁଧବାର ଘୋଷିତ ଜାପାନ ଦଳରୁ ବାଦ୍‌ ଦିଆଯାଇଛି।

ଆର୍ସେନାଲ କ୍ଲବର କୋଚ୍‌ ଉନାଇ ଏମରି

ଆର୍ସେନାଲ କ୍ଲବର କୋଚ୍‌ ଉନାଇ ଏମରି

ଲଣ୍ଡନ,୨୩।୫(ଏଏଫ୍‌ପି)- ପ୍ରିମିୟର ଫୁଟ୍‌ବଲ କ୍ଲବ ଆର୍ସେନାଲ ମୁଖ୍ୟ କୋଚ୍‌ ପଦରେ ଉନାଇ ଏମରି ବୁଧବାର ନିଯୁକ୍ତ ହୋଇଛନ୍ତି। ସେ ପୂର୍ବରୁ ପ୍ୟାରିସ ସେଣ୍ଟ ଜର୍ମାନ (ପିଏସ୍‌ଜି) ଦଳର କୋଚିଂ ଦାୟିତ୍ୱରେ ଥିଲେ। ତାଙ୍କ ନେତୃତ୍ୱରେ ପିଏସ୍‌ଜି ଦଳ ଚଳିତ ସିଜନରେ ଘରୋଇ ଲିଗ୍‌ରେ ଚାମ୍ପିୟନ୍‌ ହୋଇଛି।

ଫ୍ରେଞ୍ଚ ଓପନରୁ ଓହରିଲେ ଚୁଙ୍ଗ

ଫ୍ରେଞ୍ଚ ଓପନରୁ ଓହରିଲେ ଚୁଙ୍ଗ

ସେଓଲ,୨୩।୫(ଏଏଫ୍‌ପି)- ଚଳିତ ସିଜନର ଅଷ୍ଟ୍ରେଲିଆନ୍‌ ଓପନ୍‌ ସେମିଫାଇନାଲିଷ୍ଟ ଚୁଙ୍ଗ ହ୍ୟୁନ ଫ୍ରେଞ୍ଚ ଓପନ୍‌ରୁ ଓହରି ଯାଇଛନ୍ତି। ୨୨ ବର୍ଷୀୟ କୋରିଆ ଖେଳାଳି ଗୋଇଠି ଜିନତ ସମସ୍ୟା କାରଣରୁ ଗ୍ରାଣ୍ଡସ୍ଲାମ ଟୁର୍ନାମେଣ୍ଟରେ ନ ଖେଳିବା ପାଇଁ ନିଷ୍ପତ୍ତି ନେଇଛନ୍ତି।

ମାଞ୍ଚେଷ୍ଟର ୟୁନାଇଟେଡ୍‌ ବିତ୍ତଶାଳୀ ଫୁଟ୍‌ବଲ କ୍ଲବ

ମାଞ୍ଚେଷ୍ଟର ୟୁନାଇଟେଡ୍‌ ବିତ୍ତଶାଳୀ ଫୁଟ୍‌ବଲ କ୍ଲବ

ପ୍ୟାରିସ,୨୩।୫(ଏଏଫ୍‌ପି)- ଚଳିତ ଇଂଲିଶ ପ୍ରିମିୟର ଲିଗ୍‌ରେ ୨ୟ ସ୍ଥାନରେ ଅଭିଯାନ ଶେଷ କରିଥିବା ମାଞ୍ଚେଷ୍ଟର ୟୁନାଇଟେଡ୍‌ ବିତ୍ତଶାଳୀ ଫୁଟ୍‌ବଲ କ୍ଲବ ତାଲିକା ଶୀର୍ଷରେ ରହିଛି। କେପିଏମ୍‌ଜି ରିପୋର୍ଟ ମୁତାବକ, ୟୁନାଇଟେଡ୍‌ କ୍ଲବର ମୋଟ ମୂଲ୍ୟରେ ଗତବର୍ଷ ଅପେକ୍ଷା ୫ ପ୍ରତିଶତ ବୃଦ୍ଧି ଘଟିଛି।

ଆର୍ଜେଣ୍ଟିନା ବିଶ୍ୱକପ୍‌ ଦଳରୁ ରୋମେରୋ ବାଦ୍‌

ଆର୍ଜେଣ୍ଟିନା ବିଶ୍ୱକପ୍‌ ଦଳରୁ ରୋମେରୋ ବାଦ୍‌

ବୁଏନ୍ସ ଏରିଜ,୨୩।୫(ଏଏଫ୍‌ପି)- ଆଗାମୀ ବିଶ୍ୱକପ୍‌ ପାଇଁ ଘୋଷିତ ଆର୍ଜେଣ୍ଟିନା ଦଳକୁ ଏକ ଶକ୍ତ ଧକ୍କା ଲାଗିଛି। ଦଳର ଗୋଲ୍‌କିପର ସେର୍ଗିଓ ରୋମେରୋ ଆହତ ସମସ୍ୟା କାରଣରୁ ଟୁର୍ନାମେଣ୍ଟରୁ ବାଦ୍‌ ପଡ଼ିଛନ୍ତି। ତେବେ ତାଙ୍କ ଆଣ୍ଠୁରେ ଆଘାତ ଲାଗିଛି।

ସାମୟିକ ଭାବେ ପଦ ଛାଡ଼ିଲେ ଷ୍ଟ୍ରାସ୍‌

ସାମୟିକ ଭାବେ ପଦ ଛାଡ଼ିଲେ ଷ୍ଟ୍ରାସ୍‌

ଲଣ୍ଡନ,୨୩।୫(ଏଏଫ୍‌ପି)- ଇଂଲଣ୍ଡ କ୍ରିକେଟ୍‌ ନିର୍ଦ୍ଦେଶକ ଆଣ୍ଡ୍ରୁ ଷ୍ଟ୍ରାସ୍‌ ସାମୟିକ ଭାବେ ନିଜ ପଦ ତ୍ୟାଗ କରିଛନ୍ତି। ତାଙ୍କ ସ୍ତ୍ରୀ ରୁଥଙ୍କ ସ୍ବାସ୍ଥ୍ୟ ସମସ୍ୟା କାରଣରୁ ସେ ଛୁଟି ନେଉଥିବା ପ୍ରକାଶ କରିଛନ୍ତି। ତାଙ୍କ ଅନୁପସ୍ଥିତିରେ ଆଣ୍ଡି ଫ୍ଲାଓ୍ବର କାର୍ଯ୍ୟଭାର ସମ୍ଭାଳିବେ।

‘ଅନ୍ୟ ଲିଗ୍‌ରେ ଭାରତୀୟ ଖେଳାଳି ଖେଳିବା ଉଚିତ’

‘ଅନ୍ୟ ଲିଗ୍‌ରେ ଭାରତୀୟ ଖେଳାଳି ଖେଳିବା ଉଚିତ’

ପୁଣେ,୨୩।୫- ଭାରତରେ ବହୁ ପ୍ରତିଭା ସମ୍ପନ୍ନ ଖେଳାଳି ରହିଛନ୍ତି। ସେମାନଙ୍କୁ ଅନ୍ୟ ଦେଶଗୁଡ଼ିକ ଲିଗ୍‌ରେ ଖେଳିବାକୁ ଅନୁମତି ମିଳିବା ଉଚିତ। ଏଭଳି ମନ୍ତବ୍ୟ ଦେଇଛନ୍ତି ବିସ୍ଫୋରକ ଓପନିଂ ବ୍ୟାଟ୍ସମ୍ୟାନ କ୍ରିସ ଗେଲ୍‌।

ଫ୍ରେଞ୍ଚ ଓପନ୍‌ ଯୋଗ୍ୟତା ପର୍ଯ୍ୟାୟରୁ ଅଙ୍କିତା ବାଦ୍‌

ଫ୍ରେଞ୍ଚ ଓପନ୍‌ ଯୋଗ୍ୟତା ପର୍ଯ୍ୟାୟରୁ ଅଙ୍କିତା ବାଦ୍‌

ପ୍ୟାରିସ,୨୩।୫- ଭାରତର ମହିଳା ସିଙ୍ଗଲ୍ସ ଟେନିସ୍‌ ଖେଳାଳି ଅଙ୍କିତା ରାଇନା ଫ୍ରେଞ୍ଚ ଓପନ୍‌ର ଯୋଗ୍ୟତା ପର୍ଯ୍ୟାୟରୁ ମେନ ଇଭେଣ୍ଟକୁ ଉନ୍ନୀତ ହେବାରେ ବିଫଳ ହୋଇଛନ୍ତି।

ଆନ୍ତଃକ୍ଲବ କ୍ରିକେଟ ସିରିଜ ଟାଉନ୍‌ କ୍ଲବ ବିଜୟୀ

ଆନ୍ତଃକ୍ଲବ କ୍ରିକେଟ ସିରିଜ ଟାଉନ୍‌ କ୍ଲବ ବିଜୟୀ

ଭୁବନେଶ୍ୱର, ୨୩।୫(ସ୍ପୋଟର୍‌ସ ବ୍ୟୁରୋ):ଟାଉନ କ୍ଲବ ପଡ଼ିଆରେ ଅନୁଷ୍ଠିତ ଆନ୍ତଃକ୍ଲବ କ୍ରିକେଟ ସିରିଜର ମଙ୍ଗଳବାର ଅନୁଷ୍ଠିତ ମ୍ୟାଚ୍‌ରେ ଆୟୋଜକ ଟାଉନ୍‌ କ୍ଲବ ୪୦ ରନରେ ପୁରୀର ପାୟୋନିୟର କ୍ଲବକୁ ପରାସ୍ତ କରିଛି। ପ୍ରଥମେ ଟସ୍‌ ଜିତି ବ୍ୟାଟିଂ କରିଥିବା ଟାଉନ୍‌ କ୍ଲବ ୩୬.୧ ଓଭରରେ ୧୬୫ ରନ କରି ଅଲ୍‌ଆଉଟ୍‌ ହୋଇଥିଲା। ଦଳ ପକ୍ଷରୁ ରାକେଶ କୁମାର ବେହେରା ସର୍ବାଧିକ ୫୭ ରନ କରିଥିବାବେଳେ ରାକେଶ କୁମାର ବାରିକ ୨୪, ଗିରିଜା ମିଶ୍ର ୨୨ ରନ କରିଥିଲେ। ପ୍ରତିପକ୍ଷ ବୋଲର ଲାଲୁ ମହାନ୍ତି (୩/୩୦), ଭାଗୀରଥି ବେହେରା (୨/୧୮) ପ୍ରଭାବୀ ପ୍ରଦର୍ଶନ କରିଥିଲେ। ଜବାବରେ ପାୟୋନିୟର ଦଳ ଭାଗୀରଥିଙ୍କ ୫୩ ରନ ସତ୍ତ୍ୱେ ୩୩.୩ ଓଭରରେ ୧୨୫ ରନ କରି ସମସ୍ତ ଉଇକେଟ୍‌ ହରାଇଥିଲା। ଅନ୍ୟମାନଙ୍କ ମଧ୍ୟରେ ସୂରଜ ମାର୍ଥା ୨୪ ରନ କରିଥିବାବେଳେ ଟାଉନ୍‌ କ୍ଲବର ସୋନୁ କୁମାର (୩/୧୪), ମାନସ ଦାସ (୩/୧୮) ଓ ବିଶାଳ କର (୩/୨୩) ୩ଟି ଲେଖାଏ ଉଇକେଟ୍‌ ଅକ୍ତିଆର କରିଥିଲେ। ବିଜୟୀ ଦଳର ରାକେଶଙ୍କ ସହ ଅଲ୍‌ରାଉଣ୍ଡ ପ୍ରଦର୍ଶନ କରିଥିବା ଭାଗୀରଥିଙ୍କୁ ଯୁଗ୍ମ ଭାବେ ମ୍ୟାନ୍‌ ଅଫ୍‌ ଦି ମ୍ୟାଚ୍‌ ପୁରସ୍କାର ପ୍ରଦାନ କରାଯାଇଥିଲା। ବରିଷ୍ଠ କୋଚ୍‌ କିଶୋର ମାଣିଆ ଅତିଥି ଭାବେ ଯୋଗଦେଇ ପୁରସ୍କାର ପ୍ରଦାନ କରିଥିଲେ। ଟାଉନ କ୍ଲବ କ୍ରୀଡ଼ା ସମ୍ପାଦକ ମନୋଜ କୁମାର ମହାପାତ୍ରଙ୍କ ସହ ଅନ୍ୟସଦସ୍ୟ ବୃନ୍ଦ ଏହି ଅବସରରେ ଉପସ୍ଥିତ ରହିଥିଲେ। ୪୦ ଓଭର ବିଶିଷ୍ଟ ଏହି ମ୍ୟାଚ୍‌କୁ ସି.ପି. ମହାପାତ୍ର ଓ ପି.କେ. ଜେନା ପରିଚାଳନା କରିଥିଲେ। ସିରିଜର ପରବର୍ତ୍ତୀ ମ୍ୟାଚ୍‌ ଟାଉନ କ୍ଲବ ଓ କିଶୋର କ୍ଲବ ମଧ୍ୟରେ ବୁଧବାର ଖେଳାଯିବ।

ୟୁଏସଏ ସୁଇମିଂ ବିରୋଧରେ ଅଲିମ୍ପିଆନଙ୍କ ମକଦ୍ଦମା

ଲସ୍‌ଆଞ୍ଜେଲସ, ୨୩।୫ (ଏଏଫ୍‌ପି)-ଯୁକ୍ତରାଷ୍ଟ୍ର ଆମେରିକା (ୟୁଏସ୍‌ଏ)ର ଜଣେ ପୂର୍ବତନ ଅଲିମ୍ପିଆନ ଆରିଆନା କୁକୋର୍ସ ସ୍ମିଥ୍‌ ୟୁଏସଏ ସୁଇମିଂ ବିରୋଧରେ ଏକ ମକଦ୍ଦମା କରିଛନ୍ତି। କୋଚ୍‌ଙ୍କ ଦ୍ୱାରା ସେ ଯୌନ ନିର୍ଯାତିତ ହୋଇଥିବା ବିଷୟରେ ଅବଗତ ଥାଇ ମଧ୍ୟ ଦେଶର ସୁଇମିଂ ପରିଚାଳନା ପରିଷଦ ଏହାକୁ ଘଣ୍ଟ ଘୋଡାଇଥିଲା ବୋଲି ସେ ଅଭିଯୋଗ କରିଛନ୍ତି। କୁକର୍ସ ସ୍ମିଥ୍‌ ଲସ୍‌ଆଞ୍ଜେଲସ ନିକଟବର୍ତ୍ତୀ ଅରେଞ୍ଜ କାଉଣ୍ଟି ସୁପରିଅର କୋର୍ଟରେ ଏହି ମକଦ୍ଦମା କରିଛନ୍ତି। ପୂର୍ବତନ ମହିଳା ଅଲିମ୍ପିଆନଙ୍କ କହିବା ଅନୁସାରେ ସେ ବାଲ୍ୟକାଳରୁ ସିଆଟଲ ନିକଟବର୍ତ୍ତୀ ଏକ ସୁଇମିଂ କ୍ଲବରେ ସିନ୍‌ ହଚିସନଙ୍କଠାରୁ କୋଚିଂ ନେଉଥିଲେ। କୁକୋର୍ସ ସ୍ମିଥଙ୍କ ଦାବିକୁ କିନ୍ତୁ ହୁଚିସନ ଅନଲାଇନ୍‌ରେ ଖଣ୍ଡନ କରିଛନ୍ତି। ଏବିଷୟ ଆମେ ପ୍ରଥମେ ଶୁଣିବାକୁ ପାଉଛୁ ବୋଲି ୟୁଏସଏ ସୁଇମିଂ ପକ୍ଷରୁ ସଫେଇ ଦିଆଯାଇଛି। କୁକୋର୍ସ ସ୍ମିଥ୍‌ଙ୍କୁ ବର୍ତ୍ତମାନ ୨୮ବର୍ଷ ବୟସ। ସେ ୨୦୦୯ରେ ରୋମ୍‌ରେ ଅନୁଷ୍ଠିତ ବିଶ୍ୱ ଚାମ୍ପିୟନଶିପ୍‌ରେ ୨୦୦ମିଟର ଓ୍ବାଲର୍‌ଡ ଚାମ୍ପିୟନଶିପ୍‌ ବ୍ୟକ୍ତିଗତ ମିଡ୍‌ଲେ ରେସ୍‌ ଜିତିଥିଲେ। କୁକୋର୍ସ ସ୍ମିଥ୍‌ ୟୁଏସଏ ସୁଇମିଂ, ପୂର୍ବତନ ୟୁଏସ୍‌ଏ ନ୍ୟାଶନାଲ ଟିମ୍‌ ଡାଇରେକ୍ଟର ମାର୍କ ସ୍କୁବର୍ଟ ସିଆଟଲ ନିକଟବର୍ତ୍ତୀ ହୁଚସନଙ୍କ ପୂର୍ବତନ କ୍ଲବ କିଙ୍ଗ ଆକ୍ୱାଟିକ୍‌ କ୍ଲବ ବିରୋଧରେ ମକଦ୍ଦମା କରିଛନ୍ତି।

ଶୃଙ୍ଖଳା କମିଟିର ସାମ୍‌ନା କରିବେ ରିନା, କାନାଭାରୋ

ମିଲାନ, ୨୩।୫ (ଏଏଫ୍‌ପି)- ଇଟାଲୀ ଫୁଟ୍‌ବଲ ମହାସଂଘ (ଏଫ୍‌ଆଇଜିସି) ଶୃଙ୍ଖଳା କମିଟିର ସାମ୍ନା କରିବେ ଫୁଟ୍‌ବଲର ପେପେ ରିନା, ପାଓଲୋ କାନାଭାରୋ ଏବଂ ସାଲ୍‌ଭାଟୋରେ ଆରୋନିକା। ଏହି ୩ ଜଣଙ୍କର ମାଫିଆଙ୍କ ସହିତ ସମ୍ପର୍କ ଥିବା ଅଭିଯୋଗ ହୋଇଛି। ନାପଲ୍ସର ଆଣ୍ଟି-ମାଫିଆ ଡିପାର୍ଟମେଣ୍ଟ ତରଫରୁ ତଦନ୍ତ ଆରମ୍ଭ ହୋଇଛି। ଏହି ୩ ଖେଳାଳିଙ୍କୁ ଶୃଙ୍ଖଳା କମିଟି ଆଗରେ ହାଜର ହେବା ଲାଗି ଇଟାଲୀ ଫୁଟ୍‌ବଲ ମହାସଂଘର ମୁଖ୍ୟ ପ୍ରସିକ୍ୟୁଟର ଜିଉସେପ୍‌ ପେକୋରାରୋ ନିର୍ଦ୍ଦେଶ ଦେଇଛନ୍ତି। ତେବେ ଏଥିପାଇଁ ଦିନ ଧାର୍ଯ୍ୟ ହୋଇନାହିଁ। ଉଭୟ କାନାଭାରୋ ଓ ଆରୋନିକା କିଛି ବର୍ଷ ହେଲା ନାପୋଲି ପାଇଁ ଖେଳୁଛନ୍ତି। ଅନ୍ୟପକ୍ଷରେ ପୂର୍ବତନ ଗୋଲକିପର ରିନା ଏହି ଗ୍ରୀଷ୍ଣଋତୁରେ ନାପୋଲିରୁ ଆସି ଏସି ମିଲାନରେ ଯୋଗ ଦେଇଛନ୍ତି।

ଆଇଓଏସ ସ୍ପୋଟର୍‌ସ ସହିତ ମାନିକା, ମୀରବାଇଙ୍କ ଚୁକ୍ତି

ନୂଆଦିଲ୍ଲୀ, ୨୩।୫ (ପି.ଟି.)-ରାଜ୍ୟଗୋଷ୍ଠୀ କ୍ରୀଡ଼ା ସ୍ବର୍ଣ୍ଣ ପଦକ ବିଜେତା ଟେବୁଲ ଟେନିସ ଷ୍ଟାର ମାନିକା ବାତ୍ରା ଏବଂ ଭାରୋତ୍ତୋଳିକା ମୀରବାଇ ଚାନୁ ସ୍ପୋଟର୍‌ସ ମ୍ୟାନେଜମେଣ୍ଟ କମ୍ପାନୀ ଆଇଓଏସ ସହିତ ଚୁକ୍ତି କରିଛନ୍ତି। ତଦନୁସାରେ ଏହି ସଂସ୍ଥା ଏଣିକି ଖେଳାଳି ଦ୍ୱୟଙ୍କ ଏଣ୍ଡୋର୍ସମେଣ୍ଟ, ଆପିଅରାନ୍‌ସେସ୍‌, ବ୍ରାଣ୍ଡ ପ୍ରୋଫାଇଲିଂ, ପ୍ୟାଟେଣ୍ଟ, ଲାଇସେନ୍‌ସିଂ ଓ ଡିଜିଟାଲ ରାଇଟ୍ସ ଏବଂ ଭିଜିବିଲିଟି ଇନ୍‌ ସୋସିଆଲ ନେଟଓ୍ବର୍କିଙ୍ଗ ସାଇଟ୍ସ ବ୍ୟାପାର ବୁଝାଶୁଝା କରିବ। ପୂର୍ବରୁ ବକ୍ସିଂ ଷ୍ଟାର ଏମସି ମେରୀକମ୍‌ ଓ ବିଜେନ୍ଦର ସିଂ ଏବଂ ବ୍ୟାଡ୍‌ମିଣ୍ଟନ ଷ୍ଟାର ସାଇନା ନେହ୍ବାଲ ଏହି କମ୍ପାନୀ ସହ ଅନୁବନ୍ଧିତ ହୋଇ ସାରିଛନ୍ତି।