ସମ୍ବଲପୁର

ଗାଡି ଚେକିଂ ନାମରେ ବୌଦ୍ଧ ମହୋତ୍ସବକୁ ପୋଲିସର ଅସହଯୋଗ: ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା

 ଗାଡି ଚେକିଂ ନାମରେ ବୌଦ୍ଧ ମହୋତ୍ସବକୁ ପୋଲିସର ଅସହଯୋଗ: ବୁଦ୍ଧିଜୀବୀ ମହଲରେ ତୀବ୍ର ପ୍ରତିକ୍ରିୟା
ବୌଦ୍ଧ,୭।୧(ସ୍ବ.ପ୍ର.)-ବୌଦ୍ଧ ଜିଲା ସ୍ବନକ୍ଷତ୍ର ଦିବସ ଅବସରରେ ଜିଲା ମହୋତ୍ସବ ଦୀର୍ଘ ୫ ଦିନ ଧରି ବହୁ ଆଡମ୍ବର ସହକାରେ ଆୟୋଜିତ ହୋଇଆସୁଛି। ଏହି ମହୋତ୍ସବ ଜିଲାର ସଂସ୍କୃତି, କଳା ଓ ହସ୍ତଶିଳ୍ପର ପ୍ରଚାରପ୍ରସାର ସହିତ ଜିଲାବାସୀଙ୍କ ମଧ୍ୟରେ ଭାଇଚାରାର ବାର୍ତ୍ତା ପ୍ରଦାନ କରିଥାଏ। ମହୋତ୍ସବ ପାଳନ ଜିଲାର ଗୌରବଗାଥା ବହନ କରିଥାଏ। ଯେଉଁଥିରେ ସାମିଲ ହେବା ପାଇଁ ଜିଲାବାସୀ ଅନାଇ ରହିଥାନ୍ତି। ମହୋତ୍ସବକୁ ଦେଖିବା ସହ ସାମିଲ ହେବା ପାଇଁ ପ୍ରତିଦିନ ଜିଲାର ବିଭିନ୍ନ ଅଞ୍ଚଳ ଓ ପଡୋଶୀ ଜିଲାଗୁଡିକରୁ ଲୋକେ ପରିବାର ସହ ବହୁ ସଂଖ୍ୟାରେ ଆସିଥାନ୍ତି। ଜିଲା ସଂସ୍କୃତି ପରିଷଦର ଅଧ୍ୟକ୍ଷ ଖୋଦ ଜିଲାପାଳ ଥିବାବେଳେ ପ୍ରଶାସନ ଦ୍ୱାରା ବ୍ୟବସ୍ଥିତ ଢଙ୍ଗରେ ମହୋତ୍ସବ ଆୟୋଜିତ ହୋଇଥାଏ। ମହୋତ୍ସବର ସୁରକ୍ଷା, ଟ୍ରାଫିକ୍‌ ନିୟନ୍ତ୍ରଣ ଓ ଆଇନଶୃଙ୍ଖଳା ବ୍ୟବସ୍ଥା ପୋଲିସ ପକ୍ଷରୁ ପରିଚାଳନା କରାଯାଇଥାଏ। ଉଦ୍‌ଘାଟନୀ ଦିବସରେ ଅତିଥି ଭାବରେ ଯୋଗଦେଇ ଜିଲାର ଯୁବ ଏସ୍‌ପି ମହୋତ୍ସବ ପାଳନରେ ଜିଲା ପୋଲିସ ପକ୍ଷରୁ ସମସ୍ତ ପ୍ରକାର ସହଯୋଗ କରାଯିବ ବୋଲି ମଞ୍ଚରୁ ଘୋଷଣା କରିଥିଲେ। କିନ୍ତୁ ଚଳିତ ମହୋତ୍ସବ ବହୁ ଆଡମ୍ବର ସହକାରେ ପ୍ରଥମ ତିନିଦିନ ପାଳନ ହେବାପରେ ଚତୁର୍ଥ ଦିନଠାରୁ ଜିଲା ପୋଲିସର ଅସହଯୋଗ ସ୍ପଷ୍ଟ ବାରି ହୋଇପଡିଥିଲା। ବର୍ଷସାରା ନିରବ ରହୁଥିବା ପୋଲିସ ହଠାତ୍‌ ମହୋତ୍ସବର ଚତୁର୍ଥ ଦିବସରେ ଆବଶ୍ୟକତାଠାରୁ ଅଧିକ ଚଳଚଞ୍ଚଳ ହୋଇପଡିଥିଲା। ସନ୍ଧ୍ୟା ହେଉ ହେଉ ମହୋତ୍ସବ ପଡିଆରେ ଜନଗହଳି ବୃଦ୍ଧି ପାଇଆସୁଥିବାବେଳେ ବୌଦ୍ଧ ଥାନା ପକ୍ଷରୁ ମହାନଦୀ ବ୍ରିଜ୍‌ ଛକ,ଏନଏସି ଛକ ଓ ବୁଟୁପାଲି ରାସ୍ତାରେ ହାତୀଶାଳ ଛକଠାରେ ପୋଲିସ ପକ୍ଷରୁ ଗାଡି ଚେକିଂ ଆରମ୍ଭ ହୋଇଥିଲା। ଦୂର ଦୂରାନ୍ତରୁ ମହୋତ୍ସବ ବୁଲିବାକୁ ଆସୁଥିବା ପରିବାରମାନେ କାହା ପାଖରେ ହେଲମେଟ୍‌ ନ ଥିଲା ତ ଆଉ କିଏ ପଡୋଶୀର ଗାଡି ନେଇ ଆସିଥିଲେ। କିନ୍ତୁ ପୋଲିସ ପକ୍ଷରୁ କାହାର ଅନୁରୋଧକୁ ଶୁଣାଯାଇ ନ ଥିଲା। ଗାଡି ଚେକିଂ ନାମରେ ପୋଲିସ ସାଧାରଣଲୋକଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିବା ଅଭିଯୋଗ ହୋଇଥିଲେ ମଧ୍ୟ ଉପର ଅଧିକାରୀଙ୍କ ନିର୍ଦ୍ଦେଶ କହି ଗାଡି ଚେକିଂ କରୁଥିଲେ। ସେମାନେ କାହାର ଅନୁରୋଧକୁ ମଧ୍ୟ ଶୁଣି ନ ଥିଲେ। ଶେଷରେ ଅଭିଯୋଗ ଯାଇ ଜିଲାପାଳଙ୍କ ନିକଟରେ ପହଞ୍ଚିବା ପରେ ତାଙ୍କରି ନିର୍ଦ୍ଦେଶକ୍ରମେ ଉପଜିଲାପାଳ ଏନସି ଜ୍ୟୋତିରଞ୍ଜନ ନାଏକ ପହଞ୍ଚି ଚେକିଂ ନାମରେ ମହେତ୍ସବକୁ ଆସୁଥିବା ଲୋକଙ୍କୁ ହଇରାଣ ନ କରିବାକୁ ଅନୁରୋଧ କରିଥିଲେ। ପୋଲିସ ଅଧିକାରୀମାନେ ଗାଡି ଚେକିଂ ପାଇଁ ଏସ୍‌ପି ନିର୍ଦ୍ଦେଶ ଦେଇଛନ୍ତି କହି ଉପଜିଲାପାଳଙ୍କ ଅନୁରୋଧକୁ ମଧ୍ୟ ଶୁଣି ନ ଥିଲେ। ରାତି ସୁଦ୍ଧା ମହୋତ୍ସବ ଦେଖି ଆସୁଥିବା ଲୋକଙ୍କ ନିକଟରୁ ୩୫୯୦୦ ଟଙ୍କା ଜରିମାନା ବାବଦକୁ ଆଦାୟ କରାଯାଇଥିବା ଜଣାଯାଇଛି। ଅନେକ ଲୋକ ପରିବାର ସହ ଶୀତ କାକରରେ ବର୍ଷକୁ ଥରେ ହେଉଥିବା ମହୋତ୍ସବ ଦେଖିବାକୁ ଆସୁଥିବାବେଳେ ରାତି ପର୍ଯ୍ୟନ୍ତ ପୋଲିସ ଦ୍ୱାରା ହଇରାଣ ହୋଇ ଫେରିଯାଇଥିବା ଅଭିଯୋଗ କରିଛନ୍ତି। ଏହି ଘଟଣାକୁ ସାଧାରଣରେ ପ୍ରତିକ୍ରିୟା ପ୍ରକାଶ ପାଇଛି। ପୋଲିସ ପକ୍ଷରୁ ଗାଡି ଚେକିଂ ଏକ ସ୍ବାଗତଯୋଗ୍ୟେ ପଦକ୍ଷେପ କିନ୍ତୁ ଜିଲା ମହୋତ୍ସବ ଚାଲିଥିବାବେଳେ ପୋଲିସ ପକ୍ଷରୁ ଗାଡି ଚେକିଂ ବୋଧହୁଏ ଆଇନ ନାମରେ ପୋଲିସ ମାନବିକତା ହରାଇଥିବା ସାଧାରଣରେ ଆଲୋଚନା ହେଉଛି। ଏ ସମ୍ପର୍କରେ ଉପଜିଲାପାଳ ଏନସି ଜ୍ୟୋତିରଞ୍ଜନ ନାଏକଙ୍କୁ ପଚାରିବାରୁ ଜିଲାପାଳଙ୍କ ନିର୍ଦ୍ଦେଶ କ୍ରମେ ଘଟଣାସ୍ଥଳକୁ ଯାଇଥିଲି, କିଛି ସମୟ ପରେ ଗାଡି ଚେକିଂ ବନ୍ଦ କରିଥିବା ପ୍ରକାଶ କରିଥିଲେ। ଆହୁରୀ ମଧ୍ୟ ଜିଲା ପରିବହନ ଅଧିକାରୀ ଭାଗିରଥି ନାଏକଙ୍କୁ ପଚାରିବାରୁ ପୋଲିସ ଶନିବାର ୩୫୯୦୦ ଟଙ୍କା ଆଣି କାର୍ଯ୍ୟାଳୟରେ ଡିପୋଜିଟ କରିଥିବା ପ୍ରକାଶ କରିଥିଲେ।
All Right Reserved By

ସମ୍ବଲପୁର

ଡୁକେରମାଲ ବୋଲବମ୍‌ ସଂଘ ପକ୍ଷରୁ ରାମାୟଣ ପରାୟଣ

ଡୁକେରମାଲ ବୋଲବମ୍‌ ସଂଘ ପକ୍ଷରୁ ରାମାୟଣ ପରାୟଣ

କର୍ଲାମୁଣ୍ଡା,୧୮।୮ (ଡି.ଏନ.ଏ.): କର୍ଲାମୁଣ୍ଡା ବ୍ଲକ ସଦର ବଜାରପଡିଆଠାରେ ଶ୍ରାବଣ ପୂର୍ଣ୍ଣିମା ଅବସରରେ ବାବା ଆଖଣ୍ଡଳମଣୀ ବୋଲବମ୍‌ ସଂଘ ଡୁକେରମାଲ ପକ୍ଷରୁ ଶୁକ୍ରବାର କଳସଯାତ୍ରା ହେବା ପରେ  ଶନିବାର ଠାରୁ ରାମାୟଣ ପରାୟଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ବିରାମୁଣ୍ଡାରେ ବୃକ୍ଷ ରୋପଣ କାର୍ଯ୍ୟକ୍ରମ

ବିରାମୁଣ୍ଡାରେ ବୃକ୍ଷ ରୋପଣ କାର୍ଯ୍ୟକ୍ରମ

ଗୁଡଭେଲା,୧୮।୮(ଡି.ଏନ.ଏ.): ବଲାଙ୍ଗୀର ଜିଲା ଗୁଡଭେଲା ବ୍ଳକ ଅନ୍ତର୍ଗତ ବିରାମୁଣ୍ଡା ଗ୍ରାମ ପଞ୍ଚାୟତ ବିଜୁ ଯୁବ ବାହିନୀ ପକ୍ଷରୁ  ସ୍ଥାନୀୟ  ହାଇସ୍କୁଲ ଓ ଗ୍ରାମ ପଞ୍ଚାୟତ ପରିସରରେ ଶନିବାର ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । 

ବିଜ୍ଞାନ ମେଳା- ୨୦୧୮

ବିଜ୍ଞାନ ମେଳା- ୨୦୧୮

ସରଣ୍ଡା,୧୮।୮(ଡି.ଏନ.ଏ.): ବରଗଡ ଜିଲା ଅତାବିରା ବ୍ଲକ ଅନ୍ତର୍ଗତ ପତ୍ରାପାଲି ପଞ୍ଚାୟତ ଉଚ୍ଚବିଦ୍ୟାଳୟ ପରିସରରେ ଶନିବାର ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି । ପ୍ରଧାନଶିକ୍ଷକ ନରେଶ ପ୍ରଧାନଙ୍କ ଦ୍ୱାରା ଏହି ମେଳା ଆରମ୍ଭ କରାଯାଇଥିଲା ।

ଲଗାଣ ବର୍ଷାରେ ଭୁଶୁଡିଲା ଘର, ଅଳ୍ପକେ ବର୍ତ୍ତିଲେ ପରିବାର

ଲଗାଣ ବର୍ଷାରେ ଭୁଶୁଡିଲା ଘର, ଅଳ୍ପକେ ବର୍ତ୍ତିଲେ ପରିବାର

ସିନାପାଲି,୧୮।୮(ଡି.ଏନ.ଏ.): ନୂଆପଡା ଜିଲା ସିନାପାଲି ବ୍ଳକରେ ତିନି ଦିନ ଧରି ଲଗାଣ ବର୍ଷାରେ ଅଞ୍ଚଳର ଅନେକ ଲୋକଙ୍କ ଘର ଭୁଶୁଡିଥିବା ବେଳେ ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି।

ଭାରତୀ କଳାବିକାଶ କେନ୍ଦ୍ର ପକ୍ଷରୁ ଅଟଳଙ୍କୁ ଶ୍ରଦ୍ଧାଞ୍ଜଳି

ବୁର୍ଲା,୧୮।୮(ଡି.ଏନ.ଏ.): ଭାରତରତ୍ନ ତଥା ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ବିୟୋଗରେ ତାଙ୍କ ସ୍ମୃତିଚାଣର ପୂର୍ବକ ଏକ ଶ୍ରଦ୍ଧାଞ୍ଜଳି ସଭା ଭାରତୀ କଳାବିକାଶ କେନ୍ଦ୍ର ପକ୍ଷରୁ ଅନୁଷ୍ଠିତ ହୋଇଯାଇଛି ।

ପାର୍ବତୀଗିରିଙ୍କ ପୁଣ୍ୟତିଥି ସମାରୋହ: ଆତ୍ମୀୟତାରୁ ହିଁ ମିଳେ ଆନନ୍ଦ

ପାର୍ବତୀଗିରିଙ୍କ ପୁଣ୍ୟତିଥି ସମାରୋହ: ଆତ୍ମୀୟତାରୁ ହିଁ ମିଳେ ଆନନ୍ଦ

ବିଜେପୁର,୧୮।୮(ଡି.ଏନ.ଏ.):  ସାଂପ୍ରତିକ କାଳରେ ମଣିଷ କ୍ରମଶଃ ସଂକୀର୍ଣ୍ଣ ମନା ହୋଇଯାଉଛି । ଫଳରେ ସେ ଅଜସ୍ର ଧନ ସମ୍ପତ୍ତିର ଅଧିକାରୀ ହୋଇ ସୁଦ୍ଧା ତାର ମନରେ ନାହିଁ ଆନନ୍ଦ । 

ବାଜପେୟୀଙ୍କ ସମ୍ବଲପୁର ସହ ସମ୍ପର୍କ ବହୁ ପୁରୁଣା

ବାଜପେୟୀଙ୍କ ସମ୍ବଲପୁର ସହ ସମ୍ପର୍କ ବହୁ ପୁରୁଣା

ସମ୍ବଲପୁର, ୧୮।୮ (ବ୍ୟୁରୋ): ରାଷ୍ଟ୍ରୀୟ ସ୍ବୟଂ ସେବକ ସଂଘ ପ୍ରଚାରକ ଭାବେ  ଅଟଳ ବିହାରୀ ବାଜପେୟୀଙ୍କ ସମ୍ବଲପୁର ସହ ସମ୍ପର୍କ ରହିଥିଲା। ସେହି ସମ୍ପର୍କ ଭାରତୀୟ ଜନତା ପାର୍ଟିର ଉତ୍‌ଥାନ କାଳ ପର୍ଯ୍ୟନ୍ତ ବଳବତ୍ତର ରହିଥିଲା। 

ନିମ୍ନମାନର କାମ: ପିଚୁ ଉଠୁଛି

ନିମ୍ନମାନର କାମ: ପିଚୁ ଉଠୁଛି

ସମ୍ବଲପୁର,୧୮।୮(ବ୍ୟୁରୋ): ସମ୍ବଲପୁର ଜିଲା ଯୁଯୁମୁରା ବ୍ଲକର କେସାପାଲିଠାରୁ କୋଳଗଁା ମୁଖ୍ୟମନ୍ତ୍ରୀ ସଡକ ଯୋଜନାରେ କାମ ଚାଲିଛି। ରାସ୍ତା ନିର୍ମାଣରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି।

ଜମିଦାରପଡ଼ାରେ ବିପଦସଙ୍କୁଳ ବିଦ୍ୟୁତ୍‌ ଖୁଣ୍ଟ

ଜମିଦାରପଡ଼ାରେ ବିପଦସଙ୍କୁଳ ବିଦ୍ୟୁତ୍‌ ଖୁଣ୍ଟ

କିର୍ମିରା,୧୮।୮(ଡି.ଏନ୍‌.ଏ.): ଝାରସୁଗୁଡ଼ା ପୌର ପରିଷଦ ୧୨ନଂ ୱାର୍ଡ ଜମିଦାରପଡ଼ା ନୂଆ ଜିଲା ମୁଖ୍ୟ ଚିକିତ୍ସାଳୟ ପଛରେ ଥିବା ଗୋଷ୍ଠୀ ସେବାକେନ୍ଦ୍ର ସମ୍ନାରେ ଏକ ବିଦ୍ୟୁତ ଖୁଣ୍ଟ ଗୋଟିଏ ପଟକୁ ଢଳି ଅତ୍ୟନ୍ତ ବିପଦପୂର୍ଣ୍ଣ ଅବସ୍ଥାରେ ରହିଛି। 

ଜମି, କୋଠା ଜାଲରେ ଛନ୍ଦି ହୋଇଛି ଏଲ୍‌ଏନ୍‌ କଲେଜ

ଜମି, କୋଠା ଜାଲରେ ଛନ୍ଦି ହୋଇଛି ଏଲ୍‌ଏନ୍‌ କଲେଜ

 ଝାରସୁଗୁଡ଼ା ଅଫିସ,୧୮।୮: ୫୦ ବର୍ଷର ଶିକ୍ଷାନୁଷ୍ଠାନ। ଦେଶକୁ ଅନେକ କିଛି ଦେଇଛି। ଶାସକ, ପ୍ରଶାସକ, ବ୍ୟବସାୟୀ, ଶିକ୍ଷାବିତ୍‌ ଭଳି ଅନେକ ପଦ ପଦବୀରେ ଏହାର ଛାତ୍ରୀଛାତ୍ର ଅଧିଷ୍ଠିତ। 

ତର୍କରା ସେତୁ ଅବସ୍ଥା ଜରାଜୀର୍ଣ୍ଣ

ତର୍କରା ସେତୁ ଅବସ୍ଥା ଜରାଜୀର୍ଣ୍ଣ

ରାଉରକେଲା ଅଫିସ,୧୮।୮: ବ୍ରାହ୍ମଣୀ ସେତୁ ପରି ତର୍କରା ସେତୁର ଜରାଜୀର୍ଣ୍ଣ ଅବସ୍ଥା ଲୋକଙ୍କୁ ଚିନ୍ତାରେ ପକାଇଛି। ଏହା ୧୪୩ନଂ ଜାତୀୟ ରାଜପଥର ଅନ୍ୟତମ ଗୁରୁତ୍ୱପୂର୍ଣ୍ଣ ବ୍ରିଜ ହୋଇଥିବା ବେଳେ ଏବେ ଏଥିରେ ବଡ଼ ବଡ଼ ଗର୍ତ୍ତ ସୃଷ୍ଟି ହୋଇଛି। 

ସ୍ବେରେଜ କାମ ଯୋଗୁ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ

ସ୍ବେରେଜ କାମ ଯୋଗୁ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ

ରାଉରକେଲା ଅଫିସ,୧୮।୮ : ହନୁମାନ ବାଟିକା ହକିଛକ ରାସ୍ତାରେ ସ୍ବେରେଜ କାମ ଚାଲିଥିବାରୁ ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡ଼ିଛି। ଦୁଇଥାକିଆ ଏହି ରାସ୍ତାର ଗୋଟିଏ ପାଖ ସର୍ବଦା ବନ୍ଦ ରହୁଥିବାରୁ ଏପରି ଅବସ୍ଥା ଲାଗି ରହିଛି।