ଅନଗୁଳ-ଢେଙ୍କାନାଳ

ଛୁରି ଭୁସି ହତ୍ୟା, ଅଭିଯୁକ୍ତ ଗିରଫ

ଛୁରି ଭୁସି ହତ୍ୟା, ଅଭିଯୁକ୍ତ ଗିରଫ

ବଇଣ୍ଡା, ୩।୧(ଡି.ଏନ.ଏ.)-ଆଠମଲ୍ଲିକ ବ୍ଲକ ଠାକୁରଗଡ ଥାନା ବନ୍ତୁଲୁ ଗ୍ରାମରେ ମଙ୍ଗଳବାର ରାତିରେ ହଣ୍ଡପା ଥାନା ଜାମ୍ବୁନାଳୀ ଗ୍ରାମର ଅଭିରାମ ବେହେରା(୩୫)ଙ୍କୁ ପେଡିପଥର ଗ୍ରାମର ତାଙ୍କ ସମ୍ପର୍କୀୟ ପୁତୁରା ପିଙ୍କୁ ବେହେରା(୨୫) ଛୁରି ଭୁସି ହତ୍ୟା କରିଛନ୍ତି। ଏ ନେଇ ଅଭିରାମଙ୍କ ପ୍ରଥମ ସ୍ତ୍ରୀ କବିତା ବେହେରା ବୁଧବାର ଥାନାରେ ଅଭିଯୋଗ କରିଛନ୍ତି। ପୋଲିସ ଏ ସଂକ୍ରାନ୍ତରେ ନଂ. ୨/୧୮ ଦଫା ୩୦୨, ୩୪ରେ ଏକ ମାମଲା ରୁଜୁ କରି ଅଭିଯୁକ୍ତ ପିଙ୍କୁଙ୍କୁ ଗିରଫ କରିଛି।
ଠାକୁରଗଡ ଆଇଆଇସି ବବାକ୍ଷ ନାୟକଙ୍କ ସୂତ୍ରରୁ ପ୍ରକାଶ, ବନ୍ତୁଲୁ ଗ୍ରାମରେ ଧରଣୀଧର ସାହୁ ଏକ ଇଟାଭାଟି ନିର୍ମାଣ କରୁଛନ୍ତି। ଅଭିରାମଙ୍କ ପ୍ରଥମ ସ୍ତ୍ରୀ କବିତା, ଦ୍ୱିତୀୟ ସ୍ତ୍ରୀ ସବିତା ଗୋଚ୍ଛାୟତ, ପିଙ୍କୁଙ୍କ ସମେତ ୧୫ ଜଣ ଶ୍ରମିକ ସେଠାରେ କାମ କରୁଛନ୍ତି। ଭାଟି ନିକଟରେ ଏକ ଅସ୍ଥାୟୀ କୁଡିଆ ନିର୍ମାଣ କରି ସପ୍ତାହେ ହେବ ସେମାନେ ଇଟା ନିର୍ମାଣ କରୁଥିଲେ। ତେବେ ଜମିବାଡି ସମସ୍ୟାକୁ ନେଇ ଅଭିରାମ ଓ ପିଙ୍କୁଙ୍କ ମଧ୍ୟରେ ପୂର୍ବରୁ ଗଣ୍ଡଗୋଳ ଲାଗି ରହିଥିଲା। ମଙ୍ଗଳବାର ରାତି ୮ଟାରେ ଉଭୟ ମଦ୍ୟପାନ କରିଥିଲେ। ପରେ ଅଭିରାମ ପିଙ୍କୁଙ୍କୁ ଲୁହାମୁଣ୍ଡା ଗ୍ରାମକୁ ଯିବାକୁ କହିଥିଲେ। ହେଲେ ପିଙ୍କୁ ଯିବାକୁ ମନା କରିବାରୁ ଉଭୟଙ୍କ ମଧ୍ୟରେ ଗଣ୍ଡଗୋଳ ହୋଇଥିଲା। ଅଭିରାମ ନିଆଁ ଜାଳି ସେକି ହେଉଥିବାବେଳେ ପିଙ୍କୁ ଏକ ଛୁରିରେ ଅଭିରାମଙ୍କ ଛାତିକୁ ଭୁସି ଦେଇଥିଲେ। ଘଟଣାସ୍ଥଳରେ ଅଭିରାମ ଗୁରୁତର ହୋଇପଡିଥିଲେ। ତାଙ୍କ ଦୁଇ ସ୍ତ୍ରୀ ଓ ଶ୍ରମିକମାନେ ଅଭିରାମଙ୍କୁ ଆଠମଲ୍ଲିକ ଉପଖଣ୍ଡ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ତାଙ୍କର ମୃତ୍ୟୁ ହୋଇଥିଲା। ପିଙ୍କୁ ଘଟଣାପରେ ତାଙ୍କ ଶ୍ୱଶୁର ଘର ଅଖରକଟା ପଳାଇଯାଇଥିଲେ। ଖବରପାଇ ପୋଲିସ ତାଙ୍କୁ ସେଠାରୁ ଗିରଫ କରିଛି। ଏହାସହ ତାଙ୍କଠାରୁ ହତ୍ୟାକାଣ୍ଡରେ ବ୍ୟବହୃତ ଛୁରି ଜବତ କରିଛି।

All Right Reserved By

Model This Week

ନିକିତା

ଅନଗୁଳ-ଢେଙ୍କାନାଳ

ଲୁଟ୍‌ ଅଭିଯୋଗରେ ୫ ଗିରଫ

ଅନୁଗୋଳ ଅଫିସ,୨୦।୪- ଅନୁଗୋଳ କୁଇଓ ନିକଟରେ ଏକ ଟ୍ରକ୍‌କୁ ଅଟକାଇ କେତେଜଣ ଦୁର୍ବୃତ୍ତ ଟଙ୍କା ଲୁଟିବା ଅଭିଯୋଗରେ ପୋଲିସ ୫ ଅଭିଯୁକ୍ତଙ୍କୁ ଗିରଫ କରି ଗୁରୁବାର କୋର୍ଟଚାଲାଣ କରିଛି।

 ତୁଟୁନି ତାଳଚେର ମେଡିକାଲ କଲେଜ ପରିଚାଳନା ବିବାଦ: ଏମ୍‌ସିଏଲ୍‌-ସରକାର ଦାୟିତ୍ୱ ଠେଲାଠେଲି

ତୁଟୁନି ତାଳଚେର ମେଡିକାଲ କଲେଜ ପରିଚାଳନା ବିବାଦ: ଏମ୍‌ସିଏଲ୍‌-ସରକାର ଦାୟିତ୍ୱ ଠେଲାଠେଲି

ତାଳଚେର,୨୦ା୪- ନିର୍ମାଣର ଶେଷ ପର୍ଯ୍ୟାୟରେ ପହଞ୍ଚିଲାଣି ବହୁ ଚର୍ଚ୍ଚିତ ତାଳଚେର ମେଡିକାଲ କଲେଜ। ଚଳିତବର୍ଷ ଠାରୁ ଏଠାରେ ନାମଲେଖା ସହ ଏହାକୁ କାର୍ଯ୍ୟକ୍ଷମ କରିବାକୁ ଜୋରଦାର ଦାବି ମଧ୍ୟ ଉଠିଲାଣି। ହେଲେ ଏହାର ପରିଚାଳନା ଦାୟିତ୍ୱ କିଏ ତୁଲାଇବ ସେ ନେଇ ଏଯାଏ ସ୍ଥିତି ସ୍ପଷ୍ଟ ହେଉ ନାହିଁ। ଏମ୍‌ଓୟୁ ଅନୁସାରେ ମହାନଦୀ କୋଲ୍‌ ଫିଲଡ୍‌ସ ଲିମିଟେଡ୍‌ (ଏମ୍‌ସିଏଲ୍‌) ଉକ୍ତ ଦାୟିତ୍ୱ ବହନ କରିବା କଥା। କିନ୍ତୁ ଏହି ଖଣି କମ୍ପାନୀ ସେଥିରୁ ପଛଘୁଞ୍ଚା ଦେଇ ସରକାରଙ୍କ ଉପରେ ତାହା ନ୍ୟସ୍ତ କରିବାକୁ ଚାହଁୁଥିବାରୁ ଏ ନେଇ ବିବାଦ ମୁଣ୍ଡ ଟେକିଛି। ଫଳରେ ଚଳିତବର୍ଷ ମହାନଦୀ ଇନଷ୍ଟିଚ୍ୟୁଟ ଅଫ୍‌ ମେଡିକାଲ ସାଇନ୍ସ ଆଣ୍ଡ ରିସର୍ଚ୍ଚ ସେଣ୍ଟର କାର୍ଯ୍ୟକ୍ଷମ ହେବ କି ନାହିଁ ତାହାକୁ ନେଇ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି।

ଲୁଟିନେଲେ ଗଦିସାମଗ୍ରୀ

ଲୁଟିନେଲେ ଗଦିସାମଗ୍ରୀ

ଢେଙ୍କାନାଳ ଅଫିସ,୨୦।୪- ଢେଙ୍କାନାଳ ସଦର ଥାନା ଗୋବିନ୍ଦପୁର ଫାଣ୍ଡି ଅଞ୍ଚଳରେ ପୁଣିଥରେ ରାଜପଥ ଲୁଟେରା ଗ୍ୟାଙ୍ଗ୍‌ ସକ୍ରିୟ ହୋଇଛନ୍ତି। ବୁଧବାର ବିଳମ୍ବିତ ରାତିରେ ଏକ ମିନି ପିକ୍‌ଅପ୍‌ ଭ୍ୟାନ୍‌ର ଚାଳକ ଏବଂ ହେଲ୍‌ପରଙ୍କୁ ଭୟଭୀତ କରାଇ ୪ ଜଣ ଦୁର୍ବୃତ୍ତ ଗଦି ସାମଗ୍ରୀ, ମୋବାଇଲ ଫୋନ୍‌, ଆଧାରକାର୍ଡ ସହ ନଗଦ ୨ହଜାର ଟଙ୍କା ଲୁଟି ନେଇଛନ୍ତି। ଏ ସମ୍ପର୍କରେ ଜଗତପୁର ଅଞ୍ଚଳର ଡ୍ରାଇଭର ଲିପକ କୁମାର ଘଡେଇ ଗୁରୁବାର ଅଭିଯୋଗ କରିଛନ୍ତି।

ଏଟିଏମ୍‌ ଖାଲି, ଗ୍ରାହକ ଅସନ୍ତୋଷ

ଏଟିଏମ୍‌ ଖାଲି, ଗ୍ରାହକ ଅସନ୍ତୋଷ

ଢେଙ୍କାନାଳ ଅଫିସ,୨୦।୪- ଖାଲିପଡ଼ିଛି ଢେଙ୍କାନାଳ ସହରରେ ଥିବା ଏଟିଏମ୍‌। ଏଥିପାଇଁ ଉପଭୋକ୍ତମାନେ ନାହିଁ ନ ଥିବା ହଇରାଣ ହେଉଛନ୍ତି।

ନାଲ୍‌କୋ ଭଲିବଲ ଟୁର୍ନାମେଣ୍ଟ, ଛେଣ୍ଡିପଦା ବିଜୟୀ

ନାଲ୍‌କୋ ଭଲିବଲ ଟୁର୍ନାମେଣ୍ଟ, ଛେଣ୍ଡିପଦା ବିଜୟୀ

ବଅଁରପାଳ,୨୦।୪(ଡି,ଏନ୍‌.ଏ.): ନାଲକୋ ଦ୍ୱାରା ଆୟୋଜିତ ପେରିଫେରିଆଲ ଭଲିବଲ ଟୁର୍ନାମେଣ୍ଟ ଗୁରୁବାର ରାତ୍ରିରେ ଉଦ୍‌ଯାପିତ ହୋଇଯାଇଛି।

ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର

ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର

ତାଳଚେର ,୨୦।୪(ନି.ପ୍ର)- ତାଳଚେର ବ୍ଲକ ନରହରିପୁର ଉ.ପ୍ରା ବିଦ୍ୟାଳୟ ପରିସରରେ ଶୁକ୍ରବାର ମାଗଣା ସ୍ବାସ୍ଥ୍ୟ ପରୀକ୍ଷା ଶିବିର ଅନୁଷ୍ଠିତ ହୋଇଯାଇଛି।

ଟ୍ରକ ଧକ୍କାରେ ଚାଳକ ଗୁରୁତର

ଟ୍ରକ ଧକ୍କାରେ ଚାଳକ ଗୁରୁତର

ପରଜଙ୍ଗ,୨୦।୪(ଡି.ଏନ୍‌.ଏ.): ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଦଦରାଘାଟି ଠାରେ ଶୁକ୍ରବାର ସକାଳେ ଏକ ଦଶ ଚକିଆ ଟ୍ରକ ଦୁର୍ଘଟଣାରେ ଚାଳକ ଗୁରୁତର ହୋଇଛନ୍ତି। ସେ ହେଲେ ନୟାଗଡ ଜିଲା ବାହାଡ଼ା ଜୁରି ଗ୍ରାମର ଶତ୍ରୁଘ୍ନ ଚୌଧୁରୀ।

ବଳାତ୍କାର ଅଭିଯୁକ୍ତ ଗିରଫ

ପରଜଙ୍ଗ, ୨୦।୪(ଡି.ଏନ.ଏ.)-ଢେଙ୍କାନାଳ ଜିଲା ପରଜଙ୍ଗ ଥାନା ମହାବିରୋଡ ଫାଣ୍ଡି ଅଞ୍ଚଳର ଜନୈକା ସପ୍ତମ ଶ୍ରେଣୀ ଛାତ୍ରୀଙ୍କୁ ବଳାତ୍କାର ମାମଲାରେ ସମ୍ପୃକ୍ତ ଅଭିଯୁକ୍ତ ନରେଶ ସିଂଙ୍କୁ ଗୁରୁବାର ପୋଲିସ ଗିରଫ କରିଛି। ପୋଲିସ ସୂଚନା ଅନୁଯାୟୀ, ନରେଶ ବମ୍ବେ ପଳାଇଯିବାକୁ ମସୁଧା କରୁଥିଲେ। ଏଥିପାଇଁ ସେ ଦଦରାଘାଟି ଫାଣ୍ଡି ଅଧୀନ ୪ନଂ. କଲୋନୀରେ ଥିବା ସମ୍ପର୍କୀୟଙ୍କ ଘରେ ଲୁଚି ରହିଥିଲେ। ତାଙ୍କୁ ସେଠାରୁ ଗିରଫ କରାଯାଇଛି। ଶୁକ୍ରବାର ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯିବ ବୋଲି ଏସ୍‌ଆଇ ଦିଲେଶ୍ୱର ପ୍ରଧାନ ସୂଚନା ଦେଇଛନ୍ତି। ସୂଚନାଯୋଗ୍ୟ, ଗତ ୧୦ ତାରିଖ ରାତିରେ ସମ୍ପୃକ୍ତା ଛାତ୍ରୀଙ୍କୁ ଗାଁ ଦାଣ୍ଡରୁ ଉଠାଇ ନେଇ ନରେଶ ବଳାତ୍କାର କରିଥିବା ଅଭିଯୋଗ ହୋଇଥିଲା। ଏ ସଂକ୍ରାନ୍ତରେ ନଂ. ୭୯/୧୮, ୩୭୬, ୮ ପୋକ୍‌ସୋ ଆକ୍ଟରେ ମାମଲା ରୁଜୁ କରାଯାଇଛି।

ଜିଲାରେ ପଲ୍‌ସ ପୋଲିଓ ଟିକାଦାନ  ୯୭.୧୭%

ଜିଲାରେ ପଲ୍‌ସ ପୋଲିଓ ଟିକାଦାନ ୯୭.୧୭%

ଢେଙ୍କାନାଳ ଅଫିସ,୨୦।୪-ଢେଙ୍କାନାଳ ଜିଲାରେ ୧୫ ତାରିଖରୁ ଆରମ୍ଭ ହୋଇଥିବା ପ୍ରଥମ ପର୍ଯ୍ୟାୟ ପଲ୍‌ସ ପୋଲିଓ ଟିକାକରଣ ଅଭିଯାନ ଶେଷ ହୋଇଛି। ମୋଟ ୯୭.୧୭% ଟିକାକରଣ ହୋଇଛି। ଲକ୍ଷ୍ୟଧାର୍ଯ୍ୟ ହୋଇଥିବା ୧ ଲକ୍ଷ ୧୯ ହଜାର ୭୮ ଶିଶୁଙ୍କ ମଧ୍ୟରୁ ୧ଲକ୍ଷ ୧୫ହଜାର ୬୮୩ଜଣଙ୍କୁ ବୁନ୍ଦା ଦିଆଯାଇଛି। ଏହାର ଦ୍ୱିତୀୟ ପର୍ଯ୍ୟାୟ ମେ’ ୨୦ରୁ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବ। ଏଥିରେ ଶତପ୍ରତିଶତ ଟିକାକରଣ କରିବାକୁ ସିଡିଏମ୍‌ଓ ଡା. ବାସୁଦେବ ବେହେରା ସମସ୍ତଙ୍କ ସହଯୋଗ କାମନା କରିଛନ୍ତି।

ଚନ୍ଦ୍ରଶେଖରଙ୍କ ନୀତି ୨ଘଣ୍ଟା ବିଳମ୍ବ

ଢେଙ୍କାନାଳ ଅଫିସ,୨୦।୪-ଦେବୋତ୍ତର ବିଭାଗର ଅବହେଳା ଯୋଗୁ ମହାପ୍ରଭୁ ଚନ୍ଦ୍ରଶେଖରଙ୍କ ନୀତି ବିଶୃଙ୍ଖଳିତ ହେଉଛି। ବୁଧବାର ମନ୍ଦିର ଝାଡ଼ୁ ନ ହେବା କାରଣରୁ ନୀତି ଦୁଇଘଣ୍ଟା ବିଳମ୍ବିତ ହୋଇଥିଲା। ଫଳରେ ପ୍ରାତଃ ଦର୍ଶନ ପାଇଁ ଅପେକ୍ଷାରତ ଶ୍ରଦ୍ଧାଳୁ ନିରାଶ ହୋଇଥିଲେ। ଏ ନେଇ ବିଳମ୍ବରେ ଖବର ପାଇଥିଲା ଦେବୋତ୍ତର ବିଭାଗ। ଏ ସଂକ୍ରାନ୍ତରେ ଦେବୋତ୍ତର ନିରୀକ୍ଷକ କୁହନ୍ତି, ବୁଧବାର ସକାଳେ ମନ୍ଦିର ସଫାସୁତରା କରିବା ଦାୟିତ୍ୱରେ ଥିବା ଜଣେ ବ୍ୟକ୍ତିଙ୍କ ସମ୍ପର୍କୀୟ ଦୁର୍ଘଟଣାର ଶିକାର ହୋଇଥିଲେ। ତେଣୁ ସେ ଆସିପାରି ନ ଥିଲେ। ଫଳରେ ଭୋର ୫ଟାରେ ହେବାକୁ ଥିବା ନୀତି ପ୍ରାୟ ଦୁଇଘଣ୍ଟା ବିଳମ୍ବରେ ହୋଇଥିଲା। ପରେ ପୂଜାକାର୍ଯ୍ୟ ସ୍ବାଭାବିକ ହୋଇଥିଲା। ଶ୍ରଦ୍ଧାଳୁମାନେ ଭଲଭାବେ ଶ୍ରୀଜୀଉଙ୍କ ଦର୍ଶନ କରିଥିବା ସେ ସୂଚନା ଦେଇଛନ୍ତି।

କପିଳାସ ଚନ୍ଦନଯାତ୍ରାରେ ମହାବିଭ୍ରାଟ:ଡଙ୍ଗାସହ ପାଣିରେ ବୁଡ଼ିଗଲେ ଠାକୁର

ଢେଙ୍କାନାଳ ଅଫିସ, ୨୦।୪-ବ୍ୟବସ୍ଥିତ ହୋଇପାରୁନାହିଁ କପିଳାସ କ୍ଷେତ୍ରାଧିପତି ମହାପ୍ରଭୁ ଶ୍ରୀଚନ୍ଦ୍ରଶେଖରଜୀଉଙ୍କ ନୀତି। ପବିତ୍ର ଚନ୍ଦନଯାତ୍ରା ମଧ୍ୟ ମହାବିଭ୍ରାଟରୁ ବାଦ୍‌ ପଡ଼ିନି। ବୁଧବାର ଏବଂ ଗୁରୁବାର ଚାପ ଖେଳ ସମୟରେ ଡଙ୍ଗାରେ ପାଣି ପଶିଯିବାରୁ ମହାପ୍ରଭୁ ଏବଂ ମା’ ପାର୍ବତୀଙ୍କ ଚଳନ୍ତି ବିଗ୍ରହ ଦୁଇଥର ପାଣିରେ ବୁଡ଼ିଯାଇଥିଲେ। ଏପରି ଅଘଟଣ ଉପସ୍ଥିତ ଭକ୍ତଙ୍କ ଭାବାବେଗକୁ ଗଭୀର ଆଘାତ ଦେଇଛି। ସେବାୟତମାନେ ପାଣି ମଧ୍ୟରୁ ଠାକୁରଙ୍କୁ ଉଦ୍ଧାର କରିବା ପରେ ପୋଖରୀ ନିକଟରେ ଥିବା ପାଣିଘରେ ପୂଜାର୍ଚ୍ଚନା ସମ୍ପନ୍ନ ହୋଇଥିଲା। ହେଲେ ଡଙ୍ଗା ବୁଡ଼ିଯିବା ଘଟଣାକୁ ଦେବୋତ୍ତର ବିଭାଗ ଅତି ହାଲ୍‌କା ଭାବେ ନେଇଛି।

ନାବାଳକଙ୍କ ସନ୍ଦେହଜନକ ମୃତ୍ୟୁ

ଆଠମଲ୍ଲିକ, ୧୯ା୪(ଡି.ଏନ.ଏ.)- ଅନୁଗୋଳ ଜିଲା ଆଠମଲ୍ଲିକ ସହର ୯ ନମ୍ବର ୱାର୍ଡର ରାମେଶ୍ୱରପାଟଣା ବସ୍ତିରେ ଗୁରୁବାର ଶିବଶଙ୍କର ଦନ୍ତା ଓରଫ୍‌ ଶିବୁ (୧୪)ଙ୍କ ସନ୍ଦେହଜନକ ମୃତ୍ୟୁ ହୋଇଥିବା ଜଣାଯାଇଛି।