ଅନଗୁଳ-ଢେଙ୍କାନାଳ

ଅନୁଗୋଳ ଜିଲାରେ ବଢ଼ୁଛି ଜଙ୍ଗଲ

ଅନୁଗୋଳ ଜିଲାରେ ବଢ଼ୁଛି ଜଙ୍ଗଲ

ବନ୍ତଳା,୩।୧(ଦିନେଶ ଦେହୁରୀ)-ଶିଳ୍ପ, କୋଇଲା ଖଣି ପାଇଁ କଟାହେଉଛି ଜଙ୍ଗଲ। ଜଳସେଚନ, ରେଳଲାଇନ, କୋଲ୍‌ କରିଡର ନିର୍ମାଣ ନିମନ୍ତେ ବ୍ୟବହୃତ ହେଉଛି ବ୍ୟାପକ ଜଙ୍ଗଲ ଜମି। ତଥାପି ଅନୁଗୋଳ ଜିଲାରେ ବଢ଼ୁଛି ଜଙ୍ଗଲ। ୨୦୧୩ରେ ଜିଲାରେ ୩୫ ବର୍ଗ କିଲୋମିଟର ଅଭିବୃଦ୍ଧି ଘଟିଥିବା ବେଳେ ୨୦୧୫ରେ ୨ ବର୍ଗ କି.ମି. ବୃଦ୍ଧି ପାଇଥିବା ଫରେଷ୍ଟ ସର୍ଭେ ଅଫ୍‌ ଇଣ୍ଡିଆ(ଏଫ୍‌ଏସ୍‌ଆଇ) ରିପୋର୍ଟରୁ ଜଣାଯାଇଛି। ପ୍ରତି ୨ ବର୍ଷ ଅନ୍ତରରେ ହେଉଥିବା ଏହି ସର୍ଭେ ଗତବର୍ଷ ଅର୍ଥାତ୍‌ ୨୦୧୭ରେ ମଧ୍ୟ ଏ କ୍ଷେତ୍ରରେ ସମ୍ଭାବନା ସୃଷ୍ଟି କରିଥିବା ପରିବେଶବିତ୍‌ମାନେ ଆଶା ପ୍ରକଟ କରିଛନ୍ତି।
ଶିଳ୍ପ ସମୃଦ୍ଧ ଅନୁଗୋଳ ଜିଲା ପାଇଁ ଆସିଥିବା ଏହି ଖୁସି ଖବର ପଛରେ କିନ୍ତୁ ରହିଛି ବହୁ ଗ୍ରାମବାସୀଙ୍କ ଉଦ୍ୟମ। ଜିଲାର ପ୍ରାୟ ଏକହଜାର ଗ୍ରାମର ଲୋକେ ନିକଟସ୍ଥ ଜଙ୍ଗଲକୁ ସୁରକ୍ଷା ଦେଇ ଆସୁଛନ୍ତି। ୧୯୮୦ରୁ ସେମାନେ ଠେଙ୍ଗାପାଳି କରି ପର୍ଯ୍ୟାୟକ୍ରମେ ଜଗାରଖା କରୁଛନ୍ତି। ସମ୍ପୃକ୍ତ ଗ୍ରାମବାସୀଙ୍କ ଏହି ଉଦ୍ୟମକୁ ରାଜ୍ୟ ସରକାର ଯୁଗ୍ମଜଙ୍ଗଲ ନୀତି ବଳରେ ୧୯୯୪ରେ ସ୍ବୀକୃତି ପ୍ରଦାନ କରିଥିଲେ। ପରବର୍ତ୍ତୀ ସମୟରେ ଏଥିରେ ସହଯୋଗ କରିଥିଲା ବନ ବିଭାଗ। ଜାତୀୟ ବନୀକରଣ ଯୋଜନାରେ ବିଭାଗ ପକ୍ଷରୁ ପ୍ରତ୍ୟେକ ବନଖଣ୍ଡରେ ବନ ଉନ୍ନୟନ ସଂସ୍ଥା ମାଧ୍ୟମରେ ସୁରକ୍ଷା ସମିତି ଗଠନ କରାଯାଇ ବନୀକରଣ କାର୍ଯ୍ୟକୁ ତ୍ୱରାନ୍ବିତ କରାଯାଇଥିଲା। ଜିଲାର ଅନୁଗୋଳ, ଆଠମଲ୍ଲିକ, ସାତକୋଶିଆ ବନଖଣ୍ଡରେ ଏବଂ ଦେବଗଡ଼ ବନଖଣ୍ଡର ପାଲଲହଡ଼ା, ଖମାର ବନାଞ୍ଚଳର ୫ଶହ ଗ୍ରାମରେ ଏହି ଯୋଜନା କାର୍ଯ୍ୟକାରୀ କରାଯାଇଥିଲା। ୨୦୦୨ରୁ ୨୦୦୮ ମଧ୍ୟରେ ଏହି ଯୋଜନାରେ ବନୀକରଣ, ଜଙ୍ଗଲ ଗାଦେଳୀକରଣ, ମୃତ୍ତିକା ସଂରକ୍ଷଣ ଓ ପ୍ରାକୃତିକ ପୁନର୍ଜନନ କାର୍ଯ୍ୟ ହୋଇଥିଲା। ୨୦୦୭ରେ ଜାଇକା (ଜାପାନ ଇଣ୍ଟରନ୍ୟାଶନାଲ କୋଅପରେଶନ ଏଜେନ୍ସି) ଅନୁଦାନରେ ଅନୁଗୋଳ ବନଖଣ୍ଡରେ, ୨୦୦୫ରେ ଖମାର ଓ ପାଲଲହଡ଼ା ବନାଞ୍ଚଳର ୮୦ଟି ଗ୍ରାମରେ ଏବଂ ସାତକୋଶିଆର ୨୦ଟି ଗଁାରେ ଜଙ୍ଗଲ ଅଭିବୃଦ୍ଧି ସହ ଗ୍ରାମର ବିକାଶ କାର୍ଯ୍ୟ ଆରମ୍ଭ କରାଯାଇଥିଲା। ଏଥିରେ ବନସୁରକ୍ଷା ସମିତିର ଦକ୍ଷତା ବୃଦ୍ଧି, ଜଙ୍ଗଲ ଅଭିବୃଦ୍ଧି, ଜୀବନଜୀବିକାର ଉନ୍ନତି, ଗ୍ରାମ ଓ ସ୍ବୟଂସହାୟକ ଗୋଷ୍ଠୀର ବିକାଶ କାର୍ଯ୍ୟ ସହିତ ପରିବେଶ ପର୍ଯ୍ୟଟନ କାର୍ଯ୍ୟକ୍ରମ ହାତକୁ ନିଆଯାଇଥିଲା। ଗ୍ରାମବାସୀଙ୍କ ଦକ୍ଷତା ବୃଦ୍ଧି କରାଯାଇ ବନସୁରକ୍ଷା ସମିତିକୁ ଏକ ଗ୍ରାମ୍ୟସ୍ତରୀୟ ଅନୁଷ୍ଠାନ ଭାବେ ଗଢ଼ାଯାଇଥିବାରୁ ଜିଲାରେ ଜଙ୍ଗଲ ବୃଦ୍ଧି ପାଇଥିବା ଜଙ୍ଗଲପ୍ରେମୀ ସୁଶୀଲ କୁମାର ପ୍ରଧାନ କହିଛନ୍ତି। ଗ୍ରାମବାସୀଙ୍କ ପାଖରେ ରହିଥିବା ପାରମ୍ପରିକ ଜ୍ଞାନକୌଶଳ ସହିତ ସାମୂହିକ ଜଙ୍ଗଲ ରକ୍ଷଣାବେକ୍ଷଣ ଯୋଗୁ ଜିଲାକୁ ଲଗାତର ୩ଥର ବେଷ୍ଟ ବିଜୁ ପଟ୍ଟନାୟକ ପରିବେଶ ପୁରସ୍କାର ମିଳିପାରିଥିବା ପ୍ରଧାନ କହିଛନ୍ତି।
ଏଫ୍‌ଏସ୍‌ଆଇର ୨୦୧୧, ୨୦୧୩ ଏବଂ ୨୦୧୫ ରିପୋର୍ଟ ଅନୁଯାୟୀ, ରାଜ୍ୟରେ ଯଥାକ୍ରମେ ୪୮, ୧୪୪୪ ଏବଂ ୭ବର୍ଗ କି.ମି. ଜଙ୍ଗଲ ବୃଦ୍ଧି ପାଇଛି। ୨୦୧୫ ରିପୋର୍ଟରେ ରାଜ୍ୟର ୩୦ଟି ଜିଲା ମଧ୍ୟରୁ ୧୪ଟିରେ ଜଙ୍ଗଲ ବୃଦ୍ଧି ପାଇଥିବା ବେଳେ ୧୧ଟି ଜିଲାରେ ହ୍ରାସ ପାଇଛି ଏବଂ ୫ଟି ଜିଲାରେ ସ୍ଥିତି ପୂର୍ବବର୍ଷ ଭଳି ସମାନ ରହିଛି। ଅନୁଗୋଳ ଜିଲାର ଭୌଗୋଳିକ ପରିସୀମା ୬୩୭୫ ବର୍ଗ କି.ମି. ମଧ୍ୟରୁ ୨୦୧୫ ରିପୋର୍ଟ ଅନୁଯାୟୀ ଅତି ଘଞ୍ଚ ଜଙ୍ଗଲ ୩୬୨ ବର୍ଗ କି.ମି., ମଧ୍ୟମ ଘଞ୍ଚ ୧୩୫୦ ବର୍ଗ କି.ମି. ଏବଂ ଖୋଲା ୯୯୦ ବର୍ଗ କି.ମି. ସହିତ ବୁଦୁବୁଦିଆ ଜଙ୍ଗଲ ୧୧୭ ବର୍ଗ କି.ମି. ଥିବା ଜଣାଯାଇଛି। ୨୦୧୧ରେ ଜିଲାରେ ୨ବର୍ଗ କି.ମି. ଜଙ୍ଗଲ କମିଥିବା ବେଳେ ୨୦୧୩ ବର୍ଷର ରିପୋର୍ଟରେ ୩୫ ବର୍ଗ କି.ମି. ବୃଦ୍ଧି ପାଇଥିଲା। ୨୦୧୫ ରିପୋର୍ଟରେ ପୁନର୍ବାର ୨ ବର୍ଗ କି.ମି. ବୃଦ୍ଧି ଘଟିଛି। ବର୍ତ୍ତମାନ ଅନୁଗୋଳ ଜିଲାରେ ୨୭୦୪ ବର୍ଗ କି.ମି. ଜଙ୍ଗଲ ରହିଛି, ଯାହାକି ୪୨.୪୨ ପ୍ରତିଶତ ବୋଲି ଆକଳନ କରାଯାଇଛି।
ଏ ବିଷୟରେ ବନ୍ତଳା ରେଞ୍ଜ ଅଧୀନରେ ଥିବା ପୋକତୁଙ୍ଗା ଦେହୁରୀସାହି ବନ ସଂରକ୍ଷଣ ସମିତି ଉପସଭାପତି ମାମି ଦେହୁରୀ କୁହନ୍ତି, ୨୦୦୧ରୁ ସମ୍ପୂର୍ଣ୍ଣ ଉଜୁଡ଼ି ଯାଇଥିବା ଜଙ୍ଗଲକୁ ଚାରା ରୋପଣ କରି ପୁନରୁଦ୍ଧାର କରିଥିଲୁ। ୮୦ ପରିବାର ଠେଙ୍ଗାପାଳି କରି ଜଗାରଖା କରିଥିଲୁ। ଉକ୍ତ ୬୮ ହେକ୍ଟର ଜାଗା ଏବେ ଘଞ୍ଚ ଜଙ୍ଗଲରେ ପରିଣତ ହୋଇଛି। ରିଜର୍ଭ ଜଙ୍ଗଲରୁ ୩୨ ହେକ୍ଟରକୁ ମିଶାଇ ମୋଟ୍‌ ୧୦୦ ହେକ୍ଟର ଜଗାରଖା କରିଛୁ। ଦୁର୍ଗାପୁର ବନସୁରକ୍ଷା ସମିତି ସଦସ୍ୟ ରସାନନ୍ଦ ସାହୁ କୁହନ୍ତି, ୩୫ବର୍ଷ ହେଲା ୨୦୦ ହେକ୍ଟର ଜଙ୍ଗଲକୁ ସୁରକ୍ଷା ଦେଇଛୁ। ଏଥିପାଇଁ ପୁରସ୍କାର ମଧ୍ୟ ମିଳିଛି। ବଳରାମପୁର ବନସୁରକ୍ଷା ସମିତି ସଭାପତି ଦଶରଥ ବିରୁଆ କୁହନ୍ତି, ୩୦ ପରିବାର ୩୦ବର୍ଷ ହେଲା ୧୦୦ ହେକ୍ଟର ଜାଗାରେ ଜଙ୍ଗଲ କରିଛୁ। ସମସ୍ତେ ଠେଙ୍ଗାପାଳି କରି ଜଗୁଛୁ। କୌଶିତଇଳା ବନସୁରକ୍ଷା ସମିତିର ସଭ୍ୟା ସୁବର୍ଣ୍ଣ ଦେହୁରୀ କୁହନ୍ତି, ୪୦୦ ହେକ୍ଟର ଜଙ୍ଗଲର ଜଗାରଖା କରୁଛୁ। ପ୍ରତିଦିନ ୪ଜଣ ଠେଙ୍ଗା ଧରି ସୁରକ୍ଷା ଦେଉଛୁ।

All Right Reserved By

ଅନଗୁଳ-ଢେଙ୍କାନାଳ

ନାଲ୍‌କୋ ବହୁମୁଖୀ ସମବାୟ  ସମିତି ପକ୍ଷରୁ ଉପହାର ବଣ୍ଟନ

ନାଲ୍‌କୋ ବହୁମୁଖୀ ସମବାୟ ସମିତି ପକ୍ଷରୁ ଉପହାର ବଣ୍ଟନ

ବଅଁରପାଳ, ୨୧ା୬(ଡି.ଏନ.ଏ.)- ନାଲ୍‌କୋ ବହୁମୁଖୀ ସମବାୟ ସମିତି ତରଫରୁ ଏହାର ଗ୍ରାହକମାନଙ୍କୁ ବୁଧବାର ବିଭିନ୍ନ ଉପହାର ପ୍ରଦାନ କରାଯାଇଛି। ସମିତିର ୨ ବର୍ଷର ଲାଭାଂଶରୁ ଏହି ଉପହାର ଦିଆଯାଇଛି।

ମାଉଳି କ୍ଲବର ନୂତନ କର୍ମକର୍ତ୍ତା ଚୟନ

ମାଧପୁର, ୨୧।୬- ଆଠମଲ୍ଲିକ ବ୍ଲକ କନ୍ଧପଡ଼ା ପଞ୍ଚାୟତ ବେଲାଦୁଲା ଗ୍ରାମର ମା’ ମାଉଳି କ୍ଲବର ନୂତନ କର୍ମକର୍ତ୍ତା ଚୟନ କରାଯାଇଛି। ସଭାପତି ଭାବେ ଇଶ୍ୱର ମେହର, ଉପସଭାପତି ଭୁବନେଶ୍ୱର ମେହର, ସମ୍ପାଦକ ଭୁବନ ମେହର, ସହ ସମ୍ପାଦକ ଅକ୍ରୁର ମେହରଙ୍କୁ ଚୟନ କରାଯାଇଥିଲା। ଏହାସହ କ୍ଲବର ସମସ୍ତ ସଭ୍ୟ ଓ କର୍ମକର୍ତ୍ତାଙ୍କୁ ଉପଦେଷ୍ଟା ମଣ୍ଡଳୀ ଅଭିନନ୍ଦନ ଜଣାଇଥିଲେ।

ପଞ୍ଚାୟତ କାର୍ଯ୍ୟାଳୟ ପାଇଁ ଭୂମିପୂଜା

ପଞ୍ଚାୟତ କାର୍ଯ୍ୟାଳୟ ପାଇଁ ଭୂମିପୂଜା

ବଅଁରପାଳ, ୨୧ା୬(ଡି.ଏନ.ଏ.)- ବଅଁରପାଳରେ ଏକ ନୂତନ ପଞ୍ଚାୟତ କାର୍ଯ୍ୟାଳୟ ଓ ଏକ କମ୍ୟୁନିଟି ସେଣ୍ଟର ନିର୍ମାଣ ପାଇଁ ବୁଧବାର ଭୂମି ପୂଜା କରାଯାଇଛି। ଏଥିରେ ଅନୁଗୋଳ ବିଧାୟକ ରଜନୀକାନ୍ତ ସିଂ ମୁଖ୍ୟଅତିଥି ଭାବେ ଯୋଗ ଦେଇଥିଲେ।

ଆହାତ ବ୍ୟକ୍ତିଙ୍କ ମୃତ୍ୟୁ

ବଇଣ୍ଡା,୨୧।୬(ଡି.ଏନ.ଏ.)- ବୁଧବାର ହଣ୍ଡପା ଥାନା ଉରୁକୁଳା ନିକଟରେ ଘଟିଥିବା ଅଟୋ-ବାଇକ ମୁହାଁମୁହିଁ ଧକ୍କାରେ ଆହାତ ହୋଇଥିବା କିଶୋରନଗର ଥାନା ତୁରୁଡ଼ା ଗ୍ରାମର ବିଭତ୍ସ୍ୟ ସାହୁ(୬୦)ଙ୍କ ଗୁରୁବାର ଚିକିତ୍ସିତ ଅବସ୍ଥାରେ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ମୃତ୍ୟୁ ଘଟିଛି। ତାଙ୍କୁ ଗୁରୁତର ଅବସ୍ଥାରେ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା।

ମାଂସ ନ ଦେବାରୁ ଯୁବକଙ୍କୁ ଆକ୍ରମଣ, ଜଣେ ଗିରଫ

ବଇଣ୍ଡା,୨୧।୬(ଡି.ଏନ.ଏ.)- ଠାକୁରଗଡ଼ ଥାନା ଠାକୁରଗଡ଼ ଲକ୍ଷ୍ମୀବଜାର ଅଞ୍ଚଳରେ ମାଂସ ଦୋକାନ ଦେଇଥିବା ପପୁ କରସୀଙ୍କୁ ଠାକୁରଗଡ଼ ଗ୍ରାମର ବୁଲୁ ଦଳେଇ ଏକ ଲୁହା ପାତିଆରେ ଆକ୍ରମଣ କରିଥିବା ଅଭିଯୋଗ ହୋଇଛି।

ସାତକୋଶିଆରେ ପହଞ୍ଚିଲା ମହାବଳ ବାଘ

ସାତକୋଶିଆରେ ପହଞ୍ଚିଲା ମହାବଳ ବାଘ

ବନ୍ତଳା,୨୧।୬(ଡି.ଏନ.ଏ.)- ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟକୁ ଗୁରୁବାର ଅପରାହ୍ନରେ ନୂଆଅତିଥି ଭାବରେ ମଧ୍ୟପ୍ରଦେଶ ଅଧୀନ କାହ୍ନାରୁ ମହାବଳ ବାଘ ଆସି ପହଞ୍ଚିଛି।

ଜଳୁଛି ସହର: ୪୧ରୁ ଖସୁନି ପାରଦ

ଜଳୁଛି ସହର: ୪୧ରୁ ଖସୁନି ପାରଦ

ଢେଙ୍କାନାଳ ଅଫିସ୍‌, ୨୧ା୬- ସାରା ରାଜ୍ୟରେ ଜାରି ରହିଛି ପ୍ରଚଣ୍ଡ ଗ୍ରୀଷ୍ମପ୍ରବାହ। ଏଥିରୁ ବାଦ୍‌ ପଡ଼ିନି ଶିଳ୍ପ ସମୃଦ୍ଧ ଢେଙ୍କାନାଳ ଜିଲା। ଗ୍ରାମାଞ୍ଚଳଠାରୁ ଆରମ୍ଭ କରି ସହରାଞ୍ଚଳ ଯାଏ ସବୁଠି ହାହାକାର ପରିସ୍ଥିତି ସୃଷ୍ଟି ହୋଇଛି। ଗତ ୩ଦିନ ହେଲା ସହରର ପାରଦ ୪୧ ଡିଗ୍ରୀ ତଳକୁ ଖସୁନାହିଁ। ସକାଳ ୮ଟାରୁ ଗରମ ପବନ ସାଙ୍ଗକୁ ତାପମାତ୍ରା କ୍ରମାଗତ ଭାବେ ବଡୁଛି। ୧୦ଟା ପରେ ସହରର ପ୍ରମୁଖ ରାସ୍ତାଘାଟ ଜନଶୂନ୍ୟ ହୋଇପଡ଼ୁଛି। ତତଲା ଝାଞ୍ଜି ପବନରେ ଲୋକମାନେ ମୁହଁରେ ଗାମୁଛା ଗୁଡ଼ାଇ ଦୁଇ ଚକିଆ ଯାନରେ ଯିବା ଆସିବା କରୁଛନ୍ତି। ଖରାବେଳେ ପଦାକୁ ବାହାରିବା ଏକ ରକମର ଅସମ୍ଭବ ହୋଇପଡୁଛି। ସନ୍ଧ୍ୟା ପରେ ମଧ୍ୟ ତତଲା ପବନର ତ୍ରାହି ମିଳୁନାହିଁ। ଦିନେ ଦୁଇଦିନ ମଧ୍ୟରେ ଢେଙ୍କାନାଳରେ କାଳବୈଶାଖୀ ସହ ବର୍ଷା ହେବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଥିବାବେଳେ ଏହା ଭୁଲ ପ୍ରମାଣିତ ହୋଇଛି।

ବେଆଇନ ପଥରଖଣି ଉପରେ ଚଢ଼ାଉ: କମ୍ପ୍ରେଶର, ଟ୍ରାକ୍ଟର, ହିଟାଚି ଜବତ

ରାସୋଳ, ୨୧ା୬(ଡି.ଏନ୍‌.ଏ.)- ହିନ୍ଦୋଳ ବ୍ଲକ ରାସୋଳ ଥାନା ଅଞ୍ଚଳରେ ବଢ଼ିଚାଲିଛି ବେଆଇନ ପଥରଖଣି। ରାତି ଅଧିଆ ବ୍ଲାଷ୍ଟିଂ କରି କଳାମୁଗୁନି ପଥର ଚାଲାଣ କରାଯାଉଛି। ଏଥିରେ ପଥର ମାଫିଆମାନେ ଲାଭ ପାଉଥିବାବେଳେ ଲକ୍ଷାଧିକ ଟଙ୍କାର ରାଜସ୍ବ ହାନି ହେଉଛି। କାରନ୍ଦା, ବଦାଳୋ ଅଞ୍ଚଳରେ ଥିବା ପଥରଖଣିରେ ବୁଧବାର ତହସିଲ ପ୍ରଶାସନ ପକ୍ଷରୁ ଚଢ଼ାଉ କରାଯାଇ ୨ଟି କମ୍ପେଶର, ୨ ଟ୍ରାକ୍ଟର ଏବଂ ଗୋଟିଏ ହିଟାଚି ମେଶିନ ଜବତ କରାଯାଇଛି।

ରାସ୍ତାରୁ ଜବର ଦଖଲ ଉଚ୍ଛେଦ ନେଇ ଗ୍ରାମବାସୀଙ୍କ ବିକ୍ଷୋଭ

ରାସ୍ତାରୁ ଜବର ଦଖଲ ଉଚ୍ଛେଦ ନେଇ ଗ୍ରାମବାସୀଙ୍କ ବିକ୍ଷୋଭ

ବଅଁରପାଳ,୨୧।୬(ଡି.ଏନ୍‌.ଏ.): ଅନୁଗୋଳ ଜିଲା ବଅଁରପାଳ ବ୍ଲକ ଅନ୍ତର୍ଗତ ତାଳମୂଳ ଶାସନଠାରେ ଏକ ରାସ୍ତାକୁ କିଛି ଲୋକେ ଜବରଦଖଲ କରି ରଖିଛନ୍ତି। ଫଳରେ ଉକ୍ତ ରାସ୍ତା ଦେଇ ଯାତାୟାତ କରିବାରେ ଗ୍ରାମବାସୀ ଅସୁବିଧାର ସମ୍ମୁଖୀନ ହେଉଛନ୍ତି।

ଭୂଷଣ ଷ୍ଟିଲ କାରଖାନାରେ ଅଘଟଣ: ୩୦ ଫୁଟ ଉପରୁ ପଡ଼ି ଠିକା ଶ୍ରମିକ ମୃତ

ଭୂଷଣ ଷ୍ଟିଲ କାରଖାନାରେ ଅଘଟଣ: ୩୦ ଫୁଟ ଉପରୁ ପଡ଼ି ଠିକା ଶ୍ରମିକ ମୃତ

ଓଡ଼ାପଡ଼ା,୨୧।୬(ଡି.ଏନ୍‌.ଏ.): ଢେଙ୍କାନାଳ ଜିଲା ଓଡାପଡା ବ୍ଲକ କଣ୍ଟାବଣିଆଠାରେ ଥିବା ଭୂଷଣ ଷ୍ଟିଲ କାରଖାନାରେ ଗୁରୁବାର ଦୁର୍ଘଟଣା ଘଟିଛି ।

ଛେଣ୍ଡିପଦାରେ ଅନ୍ତର୍ଜାତୀୟ ଯୋଗ ଦିବସ

ଛେଣ୍ଡିପଦାରେ ଅନ୍ତର୍ଜାତୀୟ ଯୋଗ ଦିବସ

ଛେଣ୍ଡିପଦା,୨୧।୬(ଡି.ଏନ୍‌.ଏ.): ଅନୁଗୋଳ ଜିଲା ଛେଣ୍ଡିପଦା ବୈଦିକ ସତ୍‌ସଙ୍ଗ ଓ ଯୋଗକେନ୍ଦ୍ର ପକ୍ଷରୁ ଗୁରୁବାର ସକାଳେ ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି।

ନାଲ୍‌କୋ ଷ୍ଟାଡିୟମରେ ଯୋଗ ଦିବସ ପାଳିତ

ନାଲ୍‌କୋ ଷ୍ଟାଡିୟମରେ ଯୋଗ ଦିବସ ପାଳିତ

ବଅଁରପାଳ,୨୧।୬(ଡି.ଏନ୍‌.ଏ.): ଅନୁଗୋଳ ଜିଲା ନାଲ୍‌କୋ ସ୍ଥିତ ଷ୍ଟାଡିୟମ ପରିସରରେ ଗୁରୁବାର ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି।

Model This Week

ପ୍ରଭାତ