ଉପକୂଳ ଓଡିଶା

୨୦୧୭ରେ ୨୦୯ ମୃତ୍ୟୁ, ୪୧୧ ଆହତ

୨୦୧୭ରେ ୨୦୯ ମୃତ୍ୟୁ, ୪୧୧ ଆହତ
ଯାଜପୁର ଅଫିସ,୩।୧ ଯାଜପୁର ଦୁର୍ଘଟଣା ପ୍ରବଣ ଜିଲାଭାବେ ପରିଗଣିତ ହୋଇଛି। ୨୦୧୭ରେ ସଡ଼କ ଦୁର୍ଘଟଣାରେ ୨୦୯ଜଣଙ୍କ ମୃତ୍ୟୁ ହୋଇଥିବାବେଳେ ୪୧୧ଜଣ ଆହତ ହୋଇଛନ୍ତି। ବିଭିନ୍ନ ଗାଡ଼ି ଧରପଗଡ଼, ହେଲମେଟ୍‌ ଚେକିଂ ଇତ୍ୟାଦିରେ ୩,୧୭୩ ଟି ମାମଲା ରୁଜୁ ହୋଇଛି। ଏଥିରେ ୩ଲକ୍ଷ ୧୨ହଜାର ଟଙ୍କା ଆଦାୟ କରାଯାଇଛି। ସେହିପରି ସଡ଼କ ଟିକସ ଆଧାରରେ ଚଣ୍ଡିଖୋଲ ଆରଟିଓ ପକ୍ଷରୁ ୨କୋଟି ୪୫ ଲକ୍ଷ ୨୬ହଜାର ଓ ଯାଜପୁର ଆରଟିଓ ପକ୍ଷରୁ ୧କୋଟି ୬୮ହଜାର ଟଙ୍କା ଆଦାୟ ହୋଇଛି। ଯାଜପୁରରେ ୭୧୮ ଓ ଚଣ୍ଡିଖୋଲରେ ୧୮୬୧ଟି ଡ୍ରାଇଭିଂ ଲାଇସେନ୍ସକୁ ରଦ୍ଦ କରାଯାଇଛି। ଜିଲା ଆଞ୍ଚଳିକ ପରିବହନ ବିଭାଗ ପକ୍ଷରୁ ବୁଧବାର ସଡ଼କ ସୁରକ୍ଷା ସମ୍ପର୍କରେ ଅନୁଷ୍ଠିତ ଏକ ବୈଠକରେ ଏହି ସୂଚନା ମିଳିଛି। ଯାଜପୁର ଜିଲାପାଳ ରଞ୍ଜନ କୁମାର ଦାସ ଏଥିରେ ଅଧ୍ୟକ୍ଷତା କରି ଦୁର୍ଘଟଣା ରୋକିବା କ୍ଷେତ୍ରରେ ସୁପ୍ରିମକୋର୍ଟ ଓ ସରକାର ଅଧିକ ଗୁରୁତ୍ୱ ଦେଇ ଏହାକୁ କିପରି ହ୍ରାସ କରାଯାଇ ପାରିବ ସେଥିପାଇଁ ବିଭିନ୍ନ ପଦକ୍ଷେପ ନେଇଛନ୍ତି ବୋଲି କହିଥିଲେ। ନିରନ୍ତର ଭାବେ ବିନା ହେଲମେଟ, ମଦ୍ୟପାନ କରି ଗାଡ଼ି ଚାଳନା, ଦ୍ରୁତ ଗାଡ଼ି ଚାଳନା, ସିଟ୍‌ ବେଲ୍ଟ ନ ଲଗାଇ ଗାଡ଼ି ଚାଳନା, ମୋବାଇଲ ବ୍ୟବହାର କରିବା, ବେପରୁଆ ଗାଡ଼ିଚାଳନା ଇତ୍ୟାଦିକୁ କଡ଼ାକଡ଼ି ଭାବେ ଧରପଗଡ଼ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ ନିର୍ଦ୍ଦେଶ ଦେଇଥିଲେ। ଏହାବାଦ ଗାଡ଼ି ଚାଳକ, ସ୍ବେଚ୍ଛାସେବୀ ସଂଗଠନ, ସାଧାରଣ ଲୋକଙ୍କୁ ଅଧିକ ସଚେତନ କରାଯିବା ସହ ଦୁର୍ଘଟଣା ପରେ ଉଦ୍ଧାର କାର୍ଯ୍ୟକୁ କିପରି ତ୍ୱରାନ୍ବିତ କରାଯାଇପାରିବ ସେ ସମ୍ପର୍କରେ ଗୁରୁତ୍ୱ ଦିଆଯାଇଛି। ଆବଶ୍ୟକସ୍ଥଳେ ଉଦ୍ଧାର କରୁଥିବା ବ୍ୟକ୍ତି ବିଶେଷ ଓ ଅନୁଷ୍ଠାନଗୁଡ଼ିକୁ ସମ୍ବର୍ଦ୍ଧିତ କରାଯିବ ବୋଲି ସୂଚନା ଦେଇ ଜିରୋ ଟଲେରାନ୍ସ ଡେ’ ପ୍ରତ୍ୟେକ ଥାନା ଅଞ୍ଚଳଗୁଡ଼ିକରେ ପାଳନ କରାଯାଇ ଗାଡ଼ି ମୋଟର ଧରପଗଡ଼ କରାଯିବାକୁ ବୈଠକରେ ନିଷ୍ପତ୍ତି ହୋଇଛି। ଯାଜପୁର ଆରକ୍ଷୀ ଅଧିକ୍ଷକ ଚରଣ ସିଂ ମୀନା କେବଳ ପ୍ରଶାସନ ବା ସରକାର ଚାହିଁଲେ ରାସ୍ତା ଦୁର୍ଘଟଣା ରୋକିପାରିବେ ନାହିଁ । ଏଥିପାଇଁ ସମସ୍ତଙ୍କ ସହଯୋଗ ଜରୁରୀ ବୋଲି କହିଥିଲେ। ଦୁର୍ଘଟଣା ପରେ ଉଦ୍ଧାର ଓ ସହାୟତା ପ୍ରଦାନ କରୁଥିବା ବ୍ୟକ୍ତିଙ୍କୁ ପୋଲିସ ତରଫରୁ ଆଦୌ ହଇରାଣ କରା ନ ଯାଇ ସହଯୋଗ ଦିଆଯିବ ବୋଲି ସେ ସ୍ପଷ୍ଟ କରିଥିଲେ । ପରେ ବିସ୍ତୃତ ଆଲୋଚନା କରାଯାଇ ବସ୍‌ ମାଲିକ, ଟ୍ରକ୍‌, ମିନି ଟ୍ରକ ଇତ୍ୟାଦି ସଂଘଗୁଡ଼ିକର ମାଲିକ ଓ ଡ୍ରାଇଭରଙ୍କୁ ସଡ଼କ ସୁରକ୍ଷା ପାଇଁ ସଚେତନ କରାଯିବ ବୋଲି ସ୍ଥିର ହୋଇଛି। ଆବଶ୍ୟକ ସ୍ଥଳେ ବେପରୁଆ ଗାଡ଼ି ଚାଳନା କରି ଦୁର୍ଘଟଣା ଘଟାଉଥିବା ଡ୍ରାଇଭର, ମାଲିକଙ୍କଠାରୁ କ୍ଷତି ପୂରଣ ଆଦାୟ ପାଇଁ ବ୍ୟବସ୍ଥା କରାଯାଇପାରେ ବୋଲି କୁହାଯାଇଛି। ଶିକ୍ଷାନୁଷ୍ଠାନର ଛାତ୍ରୀଛାତ୍ର, ଅଭିଭାବକଙ୍କୁ ସଚେତନ କରାଇବା, କମ୍‌ ବୟସର ପିଲାମାନେ ଗାଡି ଚଳାଉଥିଲେ ସେମାନଙ୍କୁ ଧରାଯାଇ ଅଭିଭାବକଙ୍କ ଠାରୁ ଜରିମାନା ଆଦାୟ କରିବା, ରାସ୍ତାଗୁଡ଼ିକରେ ଉପଯୁକ୍ତ ସୂଚନା ସମ୍ବଳିତ ସାଇନ୍‌ ବୋର୍ଡ ଲଗାଇବା, ଚଣ୍ଡିଖୋଲ ଛକର ଟ୍ରାଫିକ ବ୍ୟବସ୍ଥାରେ ସୁଧାର ଆଣିବା ସହ ମୌଳିକ ସୁବିଧା ଯୋଗାଇବାର ବ୍ୟବସ୍ଥା କରାଯିବାକୁ ନିଷ୍ପତ୍ତି ନିଆଯାଇଛି। ଛୋଟ ଗାଡ଼ିର ବେଗ ୪୦ ରୁ ୬୦ କି.ମି. ବଡ଼ ଗାଡି ଗୁଡିକର ବେଗ ୪୦ ରୁ ୮୦ କିମି ପର୍ଯ୍ୟନ୍ତ ରଖାଯିବ। ହେଲମେଟ୍‌ ନାହିଁ ତ ପେଟ୍ରୋଲ ନାହିଁ ନିୟମକୁ ଯାଜପୁର ଟାଉନ ଓ ଯାଜପୁର ରୋଡ ଟାଙ୍କିଗୁଡ଼ିକରେ ଯଥାଶୀଘ୍ର କାର୍ଯ୍ୟକାରୀ କରିବାକୁ ନିଷ୍ପତ୍ତି ହୋଇଛି। ସିଡିଏମଓ ଫଣିନ୍ଦ୍ର ପାଣିଗ୍ରାହୀ, ଯାଜପୁର ଆରଟିଓ ମନୋଜ ବେହେରା, ଚଣ୍ଡିଖୋଲ ଆରଟିଓ ଲାଲ୍‌ ମୋହନ ସେଠୀ, ଯାଜପୁର ବସ୍‌ ମାଲିକ ସଂଘର ସଂପାଦକ ବିଜୟ କୁମାର ମହାନ୍ତି, ଟ୍ରାଫିକ ପୋଲିସ ଇନିସ୍ପେକ୍ଟର ସୁଦିପ୍ତ ସାହୁ ପ୍ରମୁଖ ଉପସ୍ଥିତ ଥିଲେ।
All Right Reserved By

ଉପକୂଳ ଓଡିଶା

କଚେରୀ ପୋଖରୀ ପୁନରୁଦ୍ଧାର  ପାଇଁ ଜନସ୍ବାର୍ଥ ମାମଲା

କଚେରୀ ପୋଖରୀ ପୁନରୁଦ୍ଧାର ପାଇଁ ଜନସ୍ବାର୍ଥ ମାମଲା

ପଟ୍ଟାମୁଣ୍ଡାଇ, ୨୩।୧ (ସ୍ବ.ପ୍ର)-ଜମିଦାର ଅମଳରୁ ଖୋଳା ଯାଇଥିବା କଚେରୀ ପୋଖରୀ ଏବେ ମ୍ୟୁନିସିପାଲିଟିର ଡମ୍ପିଂ ୟାର୍ଡରେ ପରିଣତ ହୋଇଛି। ସହରର ବର୍ଜ୍ୟବସ୍ତୁ ଦୈନିକ ଏହି ପୋଖରୀରେ ପଡ଼ୁଛି। ଫଳରେ ଅଳିଆ ଆବର୍ଜନାଗୁଡିକ ପଚି ଗନ୍ଧମୟ ପରିବେଶ ସୃଷ୍ଟି କରିଛି। ଫଳରେ ଜନ ସାଧାରଣ ନାହିଁ ନଥିବା ସମସ୍ୟାର ସମ୍ମୁଖୀନ ହେଉଛନ୍ତି। ଅପରପକ୍ଷେ ଜନସାଧାରଣଙ୍କ ହିତ ଦୃଷ୍ଟିରୁ ୧ଏକର ୨୫ଡିସିମିଲି ପରିମିତ ଜମିରେ ଜମିଦାର ଅମଳରୁ ଖୋଳା ଯାଇଥିବା ଏହି ପୋଖରୀର ଉଦ୍ଦେଶ୍ୟ ସାଧିତ ହେବାଠାରୁ  ଦୂରେଇ ଯାଇଛି।

ବ୍ରାହ୍ମଣୀ ନଦୀ କୂଳରୁ ବେଆଇନ ବାଲି ମାଟି ଉଠାଣ ଘଟଣା:  ଏନ୍‌ଜିଟି ନିର୍ଦ୍ଦେଶକଙ୍କୁ ବେଖାତିର, ମାମଲା ରୁଜୁ

ବ୍ରାହ୍ମଣୀ ନଦୀ କୂଳରୁ ବେଆଇନ ବାଲି ମାଟି ଉଠାଣ ଘଟଣା: ଏନ୍‌ଜିଟି ନିର୍ଦ୍ଦେଶକଙ୍କୁ ବେଖାତିର, ମାମଲା ରୁଜୁ

ପଟ୍ଟାମୁଣ୍ଡାଇ, ୨୩।୧ (ସ୍ବ.ପ୍ର)-ପଟ୍ଟାମୁଣ୍ଡାଇ ପୌରାଞ୍ଚଳ ଅଧୀନ ଅଳଭା ଓ ନିମପୁର-ଶାସନ ଆର୍‌ଆଇ ସର୍କଲ ନିକଟସ୍ଥ ବ୍ରାହ୍ମଣୀ ନଦୀ କୂଳରୁ ବେଆଇନ ବାଲି ଓ ମାଟି ଉଠାଣ ନେଇ ବାରମ୍ବାର ଅଭିଯୋଗ ହୋଇ ଆସୁଥିଲେ ମଧ୍ୟ ତାହା ବନ୍ଦ ହୋଇନାହିଁ। ଏ ନେଇ ପଟ୍ଟାମୁଣ୍ଡାଇ ବେଲତଳ ଗ୍ରାମର ସାମାଜିକ କର୍ମୀ ମନୋରଞ୍ଜନ ପ୍ରଧାନ ଓ ସାଥୀମାନେ ଜାତୀୟ ଗ୍ରୀନ ଟ୍ରିବ୍ୟୁନାଲ(ଏନଜିଟି)ର ଆଶ୍ରୟ ନେଇଥିଲେ। ବେଆଇନ ଭାବେ ବ୍ରାହ୍ମଣୀ ନଦୀ କୂଳ ଓ ତତ୍‌ସଂଲଗ୍ନ ସରକାରୀ ଜମିରୁ ବହୁ ମାଟି ବାଲି ଖୋଳା ଯିବା ଦ୍ୱାରା ପରିବେଶ ନଷ୍ଟ ହେବା ସହିତ ନିକଟରେ ଥିବା ଉତିକଣ ବନ୍ୟା ନିରୋଧକ ବନ୍ଧ ପ୍ରତି ବିପଦ ସୃଷ୍ଟି ହୋଇଛି। ଏନ୍‌ଜିଟି ଏହି ମାମଲାକୁ ବିଚାର କରି  ଠିକ ରିପୋର୍ଟ ଦାଖଲ କରିବା ପାଇଁ ପଟ୍ଟାମୁଣ୍ଡାଇ ତହସିଲଦାର, କେନ୍ଦ୍ରାପଡ଼ା ଜିଲାପାଳ ଓ ଏସପିଙ୍କୁ ନିର୍ଦ୍ଦେଶ ଦେଇଥିଲେ। ଏଥିସହିତ ବେଆଇନ ବାଲି, ମାଠି ଉଠାଣ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ।

ପରକଣାରେ ପୂଷ୍ୟା ଲକ୍ଷ୍ମୀପୂଜା

ପରକଣାରେ ପୂଷ୍ୟା ଲକ୍ଷ୍ମୀପୂଜା

ପାଟକୁରା, ୨୩।୧ (ଡି.ଏନ୍‌.ଏ.)-ଗରଦପୁର ବ୍ଲକ ବେଡାରୀ ପଞ୍ଚାୟତ ପରକଣା ଗ୍ରାମରେ ପାରମ୍ପରିକ ପୂଷ୍ୟା ଲକ୍ଷ୍ମୀପୂଜା ଆରମ୍ଭ ହୋଇଛି। ଗ୍ରାମର ଜାଜ୍ଞେଶ୍ୱରୀ ପୀଠରେ ମା’ ପୂଷ୍ୟା ଲକ୍ଷ୍ମୀଙ୍କ ମୃଣ୍ମୟୀ ମୂର୍ତ୍ତୀ ନିର୍ମାଣ କରାଯାଇ ରୀତିନୀତି ଅନୁସାରେ ପୂଜାର୍ଚ୍ଚନା କରାଯାଉଛି। ୭ଦିନ ବ୍ୟାପି ଏହି ପୂଜା ଉତ୍ସବ ଅନୁଷ୍ଟିତ ହେବାକୁ ଥିବା ବେଳେ ଆସନ୍ତା ରବିବାର ପୂର୍ଣ୍ଣାହୂତି କରାଯିବ।

ନେତାଜୀଙ୍କ ଜନ୍ମ ଦିବସ

ନେତାଜୀଙ୍କ ଜନ୍ମ ଦିବସ

ଜଗତସିଂହପୁର ଅଫିସ୍‌, ୨୩।୧:  ଓଡ଼ିଆ ପାଠକ ସାମ୍ମୁଖ୍ୟ ପକ୍ଷରୁ ଜଗତସିଂହପୁର ଜିଲାର ସଦର ମହକୁମାଠାରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମ ଦିବସ ବୁଧବାର ପାଳିତ ହୋଇଯାଇଛି। 

ନଡ଼ା ବୋହିବା ବେଳେ ଟ୍ରାକ୍ଟରରେ ଲାଗିଲା ନିଆଁ, ଲିଭାଇବା ଲାଗି ଗାଡ଼ିକୁ ପୋଖରୀରେ ପଶାଇଲେ ଡ୍ରାଇଭର

ନଡ଼ା ବୋହିବା ବେଳେ ଟ୍ରାକ୍ଟରରେ ଲାଗିଲା ନିଆଁ, ଲିଭାଇବା ଲାଗି ଗାଡ଼ିକୁ ପୋଖରୀରେ ପଶାଇଲେ ଡ୍ରାଇଭର

ମହାକାଳପଡ଼ା,୨୩।୧(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ସ୍ଥାନୀୟ ବାରଡ଼ାଙ୍ଗ ପଞ୍ଚାୟତର ନନ୍ତାର ଗ୍ରାମରେ ବିଦ୍ୟୁତ ତାର ଲାଗି ଏକ ନଡ଼ା ବୋଝେଇ ଟ୍ରାକ୍ଟରରେ ନିଆଁ ଲାଗିଯାଇଥିଲା। ମାତ୍ର ଟ୍ରାକ୍ଟର ଡ୍ରାଇଭର ଟିଟୁ ଜେନାଙ୍କ ଯୋଗୁ ଗାଡ଼ିଟି ଜଳିବାରୁ ରକ୍ଷା ପାଇଯାଇଛି। 

ଡ଼ୁବୁରି-ସୁକିନ୍ଦା ରେଳପଥ ନିର୍ମାଣକୁ ବିରୋଧକରି ଆନ୍ଦୋଳନରେ ଚାଷୀ

ଡ଼ୁବୁରି-ସୁକିନ୍ଦା ରେଳପଥ ନିର୍ମାଣକୁ ବିରୋଧକରି ଆନ୍ଦୋଳନରେ ଚାଷୀ

ଯାଜପୁର ଅଫିସ,୨୩।୧: ଡ଼ୁବୁରି-ସୁକିନ୍ଦା ରେଳପଥ ନିର୍ମାଣକୁ ଚାଷୀ ବିରୋଧ କରିଛନ୍ତି। ଏ ନେଇ କ୍ଷତିଗ୍ରସ୍ତ ଚାଷୀ ବୁଧବାର    ଡ଼ୁବୁରିଛକ ବିଜୁ ପଟ୍ଟନାୟକ ପ୍ରତିମୂର୍ତ୍ତି ତଳେ ଆନ୍ଦୋଳନରେ ବସିଛନ୍ତି।

ରାଜନଗରରେ କୁହୁଡ଼ି ଯୋଗୁ ରାସ୍ତା କଡ଼କୁ ଖସିଲା ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୭୦ ଯାତ୍ରୀ

ରାଜନଗରରେ କୁହୁଡ଼ି ଯୋଗୁ ରାସ୍ତା କଡ଼କୁ ଖସିଲା ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୭୦ ଯାତ୍ରୀ

ରାଜନଗର,୨୩।୧(ଡି.ଏନ୍‌.ଏ.): ରାଜନଗରରୁ ପୁରୀ ଅଭିମୁଖେ ଯାତ୍ରା କରୁଥିବା ଦ୍ୱିିବେଦୀ ଟ୍ରାଭେଲ୍ସ(୯୩୯) ବସ୍‌ ବୁଧବାର ଏକ ନିଶ୍ଚିନ୍ତ ଦୁର୍ଘଟଣାରୁ ଅଳ୍ପକେ ବର୍ତ୍ତି ଯାଇଛି। ବସ୍‌ଟି ସକାଳ ୬ଟାରେ ରାଜନଗରରୁ ଯାତ୍ରା ଆରମ୍ଭ କରି ୫ଶହ ମିଟର ଆସିବା ପରେ ରାଜନଗର-ମଦନପୁର ରାସ୍ତାର ତିଳକ ନଗର ନିକଟରେ ପ୍ରବଳ କୁହୁଡ଼ି ଯୋଗୁ ରାସ୍ତା କଡ଼କୁ ଖସି ପଡ଼ିଥିଲା। 

କାଳିଆ ଯୋଜନାରେ ବ୍ୟସ୍ତ ପ୍ରାଣୀ ଚିକିତ୍ସା କର୍ମଚାରୀ:  ଚିକିତ୍ସାସେବା ପାଉନାହାନ୍ତି ଗୃହପାଳିତ ପ୍ରାଣୀ

କାଳିଆ ଯୋଜନାରେ ବ୍ୟସ୍ତ ପ୍ରାଣୀ ଚିକିତ୍ସା କର୍ମଚାରୀ: ଚିକିତ୍ସାସେବା ପାଉନାହାନ୍ତି ଗୃହପାଳିତ ପ୍ରାଣୀ

ରଣପୁର,୨୩ା୧ (ସ୍ବ.ପ୍ର.)- ରାଜ୍ୟ ସରକାର କାଳିଆ ଯୋଜନା ପ୍ରଣୟନ କରିବା ପରେ ଏବେ ପ୍ରତ୍ୟେକ ପଞ୍ଚାୟତ ଓ ବ୍ଲକ କାର୍ଯ୍ୟାଳୟରେ ବିଭିନ୍ନ ବିଭାଗ କର୍ମଚାରୀଙ୍କୁ ନେଇ ସଭାସମିତି କରାଯାଉଛି। 

ଛାମୁଣ୍ଡିଆ ପଞ୍ଚାୟତ: ବିପର୍ଯ୍ୟସ୍ତ ହୋଇପଡ଼ିଛି ଶିକ୍ଷା, ସ୍ବାସ୍ଥ୍ୟସେବା

ଛାମୁଣ୍ଡିଆ ପଞ୍ଚାୟତ: ବିପର୍ଯ୍ୟସ୍ତ ହୋଇପଡ଼ିଛି ଶିକ୍ଷା, ସ୍ବାସ୍ଥ୍ୟସେବା

ଗଣିଆ,୨୩ା୧ (ଡି.ଏନ.ଏ.)- ନୟାଗଡ଼ ଜିଲା ଗଣିଆ ବ୍ଲକ ଛାମୁଣ୍ଡିଆ ପଞ୍ଚାୟତରେ ଶିକ୍ଷା ଓ ସ୍ବାସ୍ଥ୍ୟସେବା ଦିନକୁ ଦିନ ବିପର୍ଯ୍ୟସ୍ତ ହେବାରେ ଲାଗିଛି| 

ଆବାସ ଯୋଜନା ହିତାଧିକାରୀ ଚୟନରେ ଅନିୟମିତତା

ନୂଆଗାଁ,୨୩ା୧ (ଡି.ଏନ.ଏ.)- ନୟାଗଡ଼ ଜିଲା ନୂଆଗାଁ ବ୍ଲକରେ ଆବାସ ଯୋଜନା ହିତାଧିକାରୀ ଚୟନରେ ଅନିୟମିତତା ଅଭିଯୋଗ ହୋଇଛି। ଏହି ଅଭିଯୋଗ ଆଣିଛନ୍ତି ହରିପୁର ପଞ୍ଚାୟତ ହାତିଆଶିଳା ଗ୍ରାମର ପ୍ରକାଶ ଚନ୍ଦ୍ର ସାହୁ। 

ପାଞ୍ଚଗଡ଼ ମହୋତ୍ସବ ଉଦ୍‌ଘାଟିତ:  ଖଞ୍ଜଣି, କେନ୍ଦରା, ପାଲା, ସଂକୀର୍ତ୍ତନରେ ଦର୍ଶକ ମୁଗ୍ଧ

ପାଞ୍ଚଗଡ଼ ମହୋତ୍ସବ ଉଦ୍‌ଘାଟିତ: ଖଞ୍ଜଣି, କେନ୍ଦରା, ପାଲା, ସଂକୀର୍ତ୍ତନରେ ଦର୍ଶକ ମୁଗ୍ଧ

ବୋଲଗଡ଼,୨୩ା୧(ଡି.ଏନ.ଏ.)-ବୋଲଗଡ଼ ବ୍ଲକ ବଡକୁମାରୀ ସ୍ଥିତ ମହୋତ୍ସବ ମଣ୍ଡପରେ ମଙ୍ଗଳବାର ସନ୍ଧ୍ୟାରେ ୮ମ ପାଞ୍ଚଗଡ଼ ମହୋତ୍ସବ-୨୦୧୯ ଉଦ୍‌ଘାଟିତ ହୋଇଯାଇଛି। 

୨୫୦ରୁ ଊର୍ଦ୍ଧ୍ୱ ବିରଳ ଶାର୍କ ଜବତ, ୭ ଆନ୍ଧ୍ର ମତ୍ସ୍ୟଜୀବୀ ଗିରଫ

୨୫୦ରୁ ଊର୍ଦ୍ଧ୍ୱ ବିରଳ ଶାର୍କ ଜବତ, ୭ ଆନ୍ଧ୍ର ମତ୍ସ୍ୟଜୀବୀ ଗିରଫ

ପାରାଦୀପ/ରାଜନଗର/ମହାକାଳପଡ଼ା,୨୩ା୧(ସ୍ବ.ପ୍ର./ଡି.ଏନ୍‌.ଏ.): ସାମୁଦ୍ରିକ  ଅଭୟାରଣ୍ୟ ଭିତରକନିକାର ଗହୀରମଥା ନିଷିଦ୍ଧାଞ୍ଚଳରେ ଆନ୍ଧ୍ର ପ୍ରଦେଶର ଏକ ମାଛଧରା ଟ୍ରଲର ବିରଳ ପ୍ରଜାତିର ଶାର୍କ ମାଛ ଧରୁଥିବାବେଳେ କୋଷ୍ଟଗାର୍ଡ ହାତରେ ଧରାପଡିଛି।