ଉପକୂଳ ଓଡିଶା

ସ୍ଥାଣୁ ପାଲଟିଛି ଉଦ୍ୟାନ କୃଷି ବିଭାଗ

ସ୍ଥାଣୁ ପାଲଟିଛି ଉଦ୍ୟାନ କୃଷି ବିଭାଗ
ରସୁଲପୁର,୩।୧(ଡି.ଏନ୍‌.ଏ.)- ରସୁଲପୁର ବ୍ଲକ ପରିବା ଚାଷ ପାଇଁ ସମଗ୍ର ରାଜ୍ୟରେ ସ୍ବତନ୍ତ୍ର ସ୍ଥାନ ଅଧିକାର କରିଛି। ଏଠାରେ ଚାଷୀମାନଙ୍କୁ ସହାୟତା ଯୋଗାଇବା ପାଇଁ ଉଦ୍ଦିଷ୍ଟ ଉଦ୍ୟାନ କୃଷି ବିଭାଗର ବିଭିନ୍ନ ସମସ୍ୟା ଘେରରେ ଗତି କରୁଛି। ଫଳରେ ବିଭାଗ ସ୍ଥାଣୁ ପାଲଟିଛି। ବ୍ଲକକୁ ଆସୁଥିବା ସରକାରୀ ଅର୍ଥ ବାଟମାରଣା ହେଉଛି। ଏହାଦ୍ୱାରା ବିଭାଗ ଅଧୀନରେ ଥିବା ୨୮ଟି ପଞ୍ଚାୟତର ଚାଷୀ ମୌଳିକ ଅଧିକାରରୁ ବଞ୍ଚତ୍ତ ହେଉଛନ୍ତି। ଅନୁସନ୍ଧାନରୁ ଜଣାପଡ଼ିଛି ଯେ, ରସୁଲପୁର ଉଦ୍ୟାନ କୃଷି ବିଭାଗ କାର୍ଯ୍ୟାଳୟକୁ ଆରମ୍ଭରୁ ବିଦ୍ୟୁତ୍‌ ସଂଯୋଗ ହୋଇନାହିଁ । ଏହାକୁ ନେଇ ବିଦ୍ୟୁତ୍‌ ବିଭାଗ ଓ ଉଦ୍ୟାନ ବିଭାଗ ମଧ୍ୟରେ କାଦୁଅ ଫିଙ୍ଗା ଚାଲିଛି। ବିଦ୍ୟୁତ୍‌ ବିନା ବିଭାଗର ଭିତ୍ତିଭୂମି ଭୁଶୁଡି ଯାଇଛି । ସରକାରଙ୍କ ଫଳ ଓ ପନିପରିବା ପାଇଁ ଲାଗୁ ହୋଇଥିବା ଯୋଜନା ଅନୁଯାୟୀ ବିଭାଗ ନର୍ସରୀ ଜରିଆରେ ଉନ୍ନତ କିସମର ଚାରା ଚାଷୀଙ୍କୁ ଯୋଗାଇ ଦେବାର ନିୟମ ରହିଛି । ପାଣି ଅଭାବରୁ ନର୍ସରୀ କରାଯାଇ ପାରୁନାହିଁ। ବିଦ୍ୟୁତ୍‌ ନ ଥିବାରୁ ସରକାରୀ ପାଣିପମ୍ପ କାମରେ ଆସୁନାହିଁ। ନର୍ସରୀ ପାଇଁ ଆସିଥିବା ତାର ଜାଲି, ଫ୍ରେମ୍‌, ଜଳ ସିଞ୍ଚନ ଯନ୍ତ୍ର ଆଦି ନଷ୍ଟ ହୋଇଗଲାଣି । ନର୍ସରୀ ଚତୁଃପାର୍ଶ୍ୱରେ ପାଚେରି ନ ଥିବାରୁ ବୁଲା ଗୋରୁଙ୍କ ପାଇଁ ଚରାଭୂଇଁ ପାଲଟିଛି । ଏଠାରେ ଜଣେ ଓଭରସିଅର ଓ ୨ଜଣ ଉଦ୍ୟାନ ସାଥୀ କାର୍ଯ୍ୟ କରୁଛନ୍ତି। ସରକାରୀ କର୍ମଚାରୀ କହିଲେ କେବଳ ଜଣେ ମାତ୍ର ଅଧିକାରୀ ଏହି କାର୍ଯ୍ୟାଳୟକୁ ସମ୍ଭାଳିଛନ୍ତି ।ସହକାରୀ ଉଦ୍ୟାନ ଅଧିକାରୀ ୨ବର୍ଷରୁ ଊର୍ଦ୍ଧ୍ୱ ହେବ କାର୍ଯ୍ୟରୁ ଅବସର ନେଇଥିଲେ ମଧ୍ୟ ତାଙ୍କ ସ୍ଥାନ ଏଯାବତ୍‌ ଖାଲି ପଡ଼ିଛି। ଜଣେ ଅଧିକାରୀ ୩ଟି ଲେଖାଏଁ ବ୍ଲକ ଦାୟିତ୍ୱରେ ଅଛନ୍ତି। ଫଳରେ ବିଭାଗୀୟ ଉନ୍ନୟନ କାର୍ଯ୍ୟରେ ବାଧା ଉପୁଜୁଛି। ଏଠାରେ ୨ଜଣ ଉଦ୍ୟାନ ସଂପ୍ରସାରଣ କର୍ମଚାରୀ ରହିବାର ନିୟମ ଥିଲେ ମଧ୍ୟ କାର୍ଯ୍ୟାଳୟ ଆରମ୍ଭରୁ କେହି ଯୋଗ ଦେଇନାହାନ୍ତି । ତେବେ ଏହି ବିଭାଗରେ ବିନା କର୍ମଚାରୀରେ ଚାଲୁଛି ବୋଲି ମନେ କରାଯାଉଛି। ଏହାଛଡା କେନ୍ଦ୍ର ସରକାରଙ୍କ ମହାମତ୍ାଗାନ୍ଧୀ ନିଶ୍ଚିତ ଗ୍ରାମୀଣ ଜାତୀୟ କର୍ମନିଯୁକ୍ତି ଯୋଜନାରେ କାଜୁ, ଆମ୍ବ, କଦଳୀ ଆଦି ଫଳ ଚାଷ କଲେ ଚାଷୀଙ୍କୁ ଏକର ପିଛା ୪୦ହଜାର ଟଙ୍କା ପ୍ରୋତ୍ସାହନ ରାଶି ମିଳିବା ସହ ଚାଷ ପାଇଁ ସମସ୍ତ ଗଛକୁ ମାଗଣାରେ ଯୋଗାଇ ଦିଆଯିବା ଏଠି ପ୍ରହସନ ପାଲଟିଛି। କର୍ମଚାରୀଙ୍କ ଅଭାବ ଯୋଗୁ ଚାଷୀଙ୍କୁ ସରକାରୀ ଯୋଜନା ସମ୍ପର୍କରେ ଅବଗତ କରାଯାଇ ପାରୁନାହିଁ । କ୍ଷେତ୍ର ପରିଦର୍ଶନ କରି ଚାଷୀଙ୍କୁ ଉପାଦେୟ ପରାମର୍ଶ ଦିଆଯାଇ ପାରୁନାହିଁ । ଫଳରେ ଚାଷୀ ସଚେତନ ଅଭାବରୁ ରିହାତି ଦରରେ ମିଳୁଥିବା ସରକାରୀ ବିହନ ବିଭାଗ ନିକଟରୁ ନେବାର ସୁଯୋଗ ହାତଛଡା କରୁଛନ୍ତି । ଅନ୍ୟପକ୍ଷରେ ମଞ୍ଜି ବଜାରରୁ ଚଢାଦରରେ କିଣି ନାନା ଅସୁବିଧାର ସମ୍ମୁଖୀନ ହେଉଛନ୍ତି । ପ୍ରାକୃତିକ ବିପର୍ଯ୍ୟୟ ସମୟରେ ଚାଷୀଙ୍କ କ୍ଷୟକ୍ଷତିକୁ ଠିକ୍‌ ଭାବରେ ଆକଳନ କରାଯାଇ ପାରୁନାହିଁ । ଏଠାରେ ବିଭାଗ ଥାଇ ବି ନ ଥିଲା ଭଳି ମନେ ହେଉଛି । ଏ ଦିଗରେ ବାରମ୍ବାର ଅଭିଯୋଗ କଲେ ବି କୌଣସି ଫଳ ମିଳୁ ନାହିଁ । ଏ ସମ୍ପର୍କରେ ଓଭରସିଅର ଭାସ୍କର ସାହୁଙ୍କୁ ପଚାରିବାରେ କାର୍ଯ୍ୟାଳୟରେ ଥିବା ସମସ୍ତ ସମସ୍ୟା ସମ୍ପର୍କରେ ଉପରିସ୍ଥ ଅଧିକାରୀଙ୍କୁ ଅବଗତ କରାଯାଇଛି। ଉପରୁ ଅନୁମତି ମିଳିଲେ କାର୍ଯ୍ୟକାରୀ ହେବ। କର୍ମଚାରୀ ଅଭାବରୁ ଅନେକ ଚାଷୀଙ୍କ ଉନ୍ନତିମୂଳକ କାର୍ଯ୍ୟ ହୋଇପାରୁନାହିଁ ବୋଲି କହିଛନ୍ତି।
All Right Reserved By

ଉପକୂଳ ଓଡିଶା

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର  ୮ ଗ୍ରାମ

୨ମାସ ହେଲା ବିଦ୍ୟୁତ୍‌ ଆଲୋକରୁ ବଞ୍ଚିତ ରଣପୁର ବ୍ଲକର ୮ ଗ୍ରାମ

ରଣପୁର,୧୯ା୧ (ସ୍ବ.ପ୍ର.)- ରଣପୁର ବ୍ଲକର ଆଦିବାସୀ ଅଧ୍ୟୁଷିତ ଅଞ୍ଚଳ ଭାବେ ପରିଚିତ ବନ୍ଧମୁଣ୍ଡା ପଞ୍ଚାୟତ। ୨୦୧୨ରେ ଏଠାକୁ ବିଦ୍ୟୁତ୍‌ ସଂଯୋଗ ଦେବା ପଇଁ ରାଜୀବ ଗାନ୍ଧୀ ବିଦ୍ୟୁତ୍‌ ଯୋଜନାରେ କାର୍ଯ୍ୟ ଆରମ୍ଭ ହୋଇଥିଲା। ପରେ ୨୦୧୭ରେ ପଞ୍ଚାୟତର କେତେକ ଗ୍ରାମକୁ ବିଦ୍ୟୁତ୍‌ ସଂଯୋଗ ଦିଆଯାଇଥିଲା। ପ୍ରଥମ କରି ବିଦ୍ୟୁତ୍‌ ଆଲୋକ ପାଇ ସ୍ଥାନୀୟ ଗ୍ରାମବାସୀ ଖୁସି ପ୍ରକଟ କରିଥିଲେ।

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ଗ୍ୟାରେଜରେ ଅଗ୍ନିକାଣ୍ଡ: ୨ ଗାଡ଼ି ପୋଡିଗଲା

ନୂଆଗାଁ,୧୯ା୧ (ଡି.ଏନ.ଏ.)- ନୟାଗଡ଼ ଜିଲା ନୂଆଗାଁ ବ୍ଲକ ଡିମିରିଝରୀ ଗ୍ରାମରେ ଥିବା ଏକ ଗ୍ୟାରେଜରେ ଶୁକ୍ରବାର ରାତି ୧୦ଟାରେ ନିଆଁ ଲାଗି ବହୁ ସାମଗ୍ରୀ ପୋଡି ଯାଇଛି। ଗ୍ରାମର ୫୭ନଂ. ଜାତୀୟ ରାଜପଥ କଡରେ ଥିବା ବ୍ରଜ ଭାଇ ଗ୍ୟାରେଜରେ ନିଆଁ ଲାଗିଯାଇ ସେଠାରେ ଥିବା ଦୁଇଟି ଗ୍ୟାସ୍‌ ସିଲିଣ୍ଡର ଫାଟି ଯାଇଥିଲା।

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁରେ ଯୁବକଙ୍କ ଆକ୍ରମଣରେ ୨ ମୃତ,୨ ଗୁରୁତର ମାମଲା: ଉନ୍ମତ୍ତ ଯୁବକ ଜେଲ ଗଲେ

ଓଡ଼ଗାଁ,୧୯।୧(ସ୍ବ.ପ୍ର.)-ଓଡ଼ଗାଁ ଥାନା ଅଞ୍ଚଳରେ ଯୁବକଙ୍କ ଉନ୍ମତ୍ତ କାଣ୍ଡରେ ୨ଜଣଙ୍କ ମୃତ୍ୟୁ ଘଟିବା ଓ ୨ଗୁରୁତର ହେବା ଘଟଣାରେ ପୋଲିସ ହେପାଜତରେ ଥିବା ଆକ୍ରମଣକାରୀ ଯୁବକଙ୍କୁ ଶୁକ୍ରବାର ଗିରଫ କରାଯାଇ କୋର୍ଟ ଚାଲାଣ କରାଯାଇଥିଲା। ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ଏହି ଘଟଣାକୁ ନେଇ ଉତ୍ତ୍ୟକ୍ତ ଲୋକେ ରାସ୍ତା ଅବରୋଧ କରିଥିଲେ।

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ,  ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଜିଲାର ଚାଷୀଙ୍କୁ ହତୋତ୍ସାହ କରୁଛି ଉଦ୍ୟାନ ବିଭାଗ, ୭ ଦିନ ଭିତରେ ସମାଧାନ କରିବାକୁ ଜିଲା ପ୍ରଶାସନକୁ ନିର୍ଦ୍ଦେଶ

ନୟାଗଡ଼ ଅଫିସ,୧୯।୧-ନୟାଗଡ଼ ଜିଲା ଉଦ୍ୟାନ ବିଭାଗ ଚାଷୀଙ୍କ ଉନ୍ନତି ନିମନ୍ତେ କାମ ନ କରି ଅବନତି ପାଇଁ କାର୍ଯ୍ୟ  କରୁଥିବା ଚାଷୀମାନେ ଅଭିଯୋଗ କରିଛନ୍ତି। ବିଭିନ୍ନ ସମୟରେ ଚାଷୀମାନେ ଉଦ୍ୟାନ ବିଭାଗଠାରୁ କାର୍ଯ୍ୟାଦେଶ ପାଇ ଚାଷ କାର୍ଯ୍ୟ କରୁଥିଲେ ମଧ୍ୟ ସେମାନଙ୍କୁ ସହାୟତା ରାଶି ପ୍ରଦାନ କରାଯାଉ ନାହିଁ। ।

ପାରା, ସୁନା ଗହଣା ଚୋରି ୨ ଗିରଫ

ପାରା, ସୁନା ଗହଣା ଚୋରି ୨ ଗିରଫ

ମାର୍ଶାଘାଇ, ୧୮।୧ (ଡି.ଏନ୍‌.ଏ.): ମାର୍ଶାଘାଇ ଥାନା ଶିଳିପୁର ଗ୍ରାମର ପବିତ୍ର ମୋହନ ସାହୁଙ୍କ ଘରୁ କବାଟ ଭାଙ୍ଗି ସୁନା ଅଳଙ୍କାର ଓ ୪୦ଟି ପାରା ଚୋରି ଅଭିଯୋଗରେ ପୋଲିସ ଶୁକ୍ରବାର ୨ ଜଣଙ୍କୁ ଗିରଫ କରିଛି। ସେମାନେ ହେଲେ ଆଠବାଟିଆ ଗ୍ରାମର ପ୍ରଭାତ ବେହେରା(୨୭) ଓ ସିପୁନି ନାୟକ(୨୦)।

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

୩ ହଜାର ଲାଞ୍ଚ ନେବା ମହଙ୍ଗା ପଡ଼ିଲା: ଭିଜିଲାନ୍ସ ଜାଲରେ ଦର୍ପନାରାୟଣପୁର ଫାଣ୍ଡି ଅଧିକାରୀ

ରଣପୁର,୧୮।୧(ସ୍ବ.ପ୍ର.):  ନୟାଗଡ଼ ଜିଲା ରଣପୁର ଥାନା ଅଧୀନରେ କାର୍ଯ୍ୟ କରୁଥିବା ଦର୍ପନାରାୟଣପୁର ଫାଣ୍ଡି ଅଧିକାରୀ ବାଳକୃଷ୍ଣ ଦାସଙ୍କୁ ଶୁକ୍ରବାର ଲାଞ୍ଚ ନେଉଥିବା ବେଳେ  ଭୁବନେଶ୍ୱର  ଭିଜିଲାନ୍ସ ହାତରେ ଧରାପଡ଼ିଛନ୍ତି। ଭିଜିଲାନ୍ସର ୬ ଜଣିଆ ଟିମ୍‌ ତାଙ୍କୁ ଗିରଫ କରିଛନ୍ତି।

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ବିଦ୍ୟାଳୟ ମିଶ୍ରଣରେ ଜଗତ୍‌ସିଂହପୁର ପଛୁଆ, ଶିକ୍ଷା ଅପେକ୍ଷା ଥଇଥାନକୁ ଗୁରୁତ୍ୱ

ପାରାଦୀପ,୧୮ା୧(ସ୍ବ.ପ୍ର.): ବିକଶିତ ଓ ବିକାଶଶୀଳ ରାଷ୍ଟ୍ରାର ପ୍ରଥମ ପାହାଚ ହେଉଛି ଶିକ୍ଷା। ଶିକ୍ଷା ବ୍ୟବସ୍ଥା ସ୍ବଚ୍ଛ ଓ ସୁଦୃଢ ହେଲେ ବିକାଶର ଦ୍ୱାର ଉନ୍ମୁକ୍ତ ହୁଏ। କିନ୍ତୁ ଆମ ରାଜ୍ୟରେ ଶିକ୍ଷା ବ୍ୟବସ୍ଥା ବହୁ ପଛରେ ପଡ଼ିଛି। ଶିକ୍ଷାର ଉନ୍ନତି ତ ଦୂରର କଥା, ବିଭିନ୍ନ କ୍ଷେତ୍ରରେ ହେଉଥିବା ଦୁର୍ନୀତି ଯୋଜନା ଫଳପ୍ରଦ ହେବାକୁ ଦେଉନାହିଁ। 

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ଅର୍ଦ୍ଧନିର୍ମିତ ପୋଲରେ ବାଉଁଶ ଚାର

ନାଉଗଁା,୧୮ା୧(ସ୍ବ.ପ୍ର.): ନାଉଗଁା ବ୍ଲକରେ ପ୍ରବାହିତ ଗୋବରୀ ନଦୀରେ ଏକାଧିକ ପୋଲ ନିର୍ମିତ ହୋଇଛି। ତେବେ ସେସବୁ ଅର୍ଦ୍ଧନିର୍ମିତ ଅବସ୍ଥାରେ ଥିବାରୁ ଲୋକଙ୍କ କାମରେ ଲାଗିପାରୁନାହିଁ। କେଉଁଠି ପୋଲର ବାଡା ନାହିଁ ତ ଆଉ କେଉଁଠି ସଂଯୋଗୀକରଣ ରାସ୍ତା ହୋଇନି। ସେହିପରି କେତେକ କୋଲ କେବଳ ପିଲରରେ ସୀମିତ ରହିଛି। ତେଣୁ କେତେକ ସ୍ଥାନରେ ଲୋକେ ଅର୍ଦ୍ଧନିର୍ମିତ ପୋଲ ଉପରେ ବାଉଁଶ ପକାଇ ଯାତାୟାତ କରୁଛନ୍ତି।

ଭତ୍ତା ଟଙ୍କା ଆଣିବାକୁ ମା’ଙ୍କ ସହ ୩ କି.ମି. ଚାଲିଚାଲି ଯାଉଛନ୍ତି ଦିବ୍ୟାଙ୍ଗ

ଭତ୍ତା ଟଙ୍କା ଆଣିବାକୁ ମା’ଙ୍କ ସହ ୩ କି.ମି. ଚାଲିଚାଲି ଯାଉଛନ୍ତି ଦିବ୍ୟାଙ୍ଗ

ନୟାଗଡ଼ ଅଫିସ,୧୮।୧-ନୟାଗଡ଼ ଜିଲାର ବିଭିନ୍ନ ସ୍ଥାନରେ ଭତ୍ତା ଟଙ୍କା ଆଣିବାକୁ ଯାଇ ଦିବ୍ୟାଙ୍ଗମାନେ ହଇରାଣ ହେଉଥିବା ଦେଖିବାକୁ ମିଳୁଛି। ଅନୁରୂପ ଭାବେ ବୃଦ୍ଧାବୃଦ୍ଧ ମଧ୍ୟ ହଇରାଣ ହେଉଛନ୍ତି। ଚାଲିବାକୁ ସକ୍ଷମ ନ ଥିବା ବ୍ୟକ୍ତିମାନେ ଘରଠାରୁ ୩/୪କିମି ଦୂର ପଞ୍ଚାୟତ କାର୍ଯ୍ୟାଳୟକୁ ଭତ୍ତା ପାଇଁ ଯାଉଥିବାରୁ ଏପରି ସମସ୍ୟା ଉପୁଜୁଛି।

ନଦୀକୂଳ ଡମ୍ପିଂ ପ୍ୟାକିଂ ଖସୁଛି: ଦୀର୍ଘଦିନର ଦାବି ପରେ କାର୍ଯ୍ୟ ଆରମ୍ଭ

ଖଣ୍ଡପଡା,୧୮।୧(ସ୍ବ.ପ୍ର.)- ମହାନଦୀ ଦକ୍ଷିଣପାର୍ଶ୍ୱ ମାଳବନ୍ଧର ସୁରକ୍ଷା ପାଇଁ ଦୀର୍ଘବର୍ଷ ପୂର୍ବେ ନିର୍ମାଣ କରାଯାଇଥିବା ପଥର ପ୍ୟାକିଂ ଓ ଡମ୍ପିଂ ବନ୍ୟା ସମୟରେ ଭୁଷୁଡି ପଡୁଥିବା ପରିଲକ୍ଷିତ ହୋଇଥାଏ। ଏ ସମ୍ପର୍କରେ ଧରିତ୍ରୀରେ ଖବର ପ୍ରକାଶ ପାଇବା ପରେ ବିଭାଗ ପକ୍ଷରୁ କାର୍ଯ୍ୟ ଆରମ୍ଭ ହୋଇଛି। 

ମୋଷ୍ଟ ଓ୍ବାଣ୍ଟେଡ୍‌ ଆଲୋକ ଗିରଫ : ୨୨ ଆପରାଧିକ ମାମଲାରେ ସମ୍ପୃକ୍ତ

ମୋଷ୍ଟ ଓ୍ବାଣ୍ଟେଡ୍‌ ଆଲୋକ ଗିରଫ : ୨୨ ଆପରାଧିକ ମାମଲାରେ ସମ୍ପୃକ୍ତ

ଓଡ଼ଗାଁ,୧୮।୧(ସ୍ବ.ପ୍ର.)-ନୟାଗଡ଼ ସମେତ ଖୋର୍ଦ୍ଧା ଓ ଗଞ୍ଜାମ ଜିଲାର ବିଭିନ୍ନ ଥାନାରେ ମୋଷ୍ଟ ୱାଣ୍ଟେଡ୍‌ ତାଲିକାରେ ଥିବା ଆଲୋକ ସାହୁ(୨୨)ଙ୍କୁ ଓଡଗଁା ଥାନା ପୋଲିସ ବୁଧବାର ଗିରଫ କରିଛି । ଆଲୋକଙ୍କ ଘର ଏହି ଥାନା ଅନ୍ତର୍ଗତ ରଙ୍ଗଣୀପାଟଣା ଗ୍ରାମରେ ହୋଇଥିବା ବେଳେ ସେ ମାତ୍ର ୨୨ ବର୍ଷ ବୟସରେ ୨୨ ଆପରାଧିକ ମାମଲାରେ ସମ୍ପୃକ୍ତ ଥିବା ପୋଲିସ ପ୍ରାଥମିକ ତଦନ୍ତରୁ ଜାଣିବାକୁ ପାଇଛି। 

ବିଶ୍ୱନାଥ ଦେବ କ୍ରିକେଟ: ଧାନଚାଙ୍ଗଡ଼ା ସେମିରେ

ଭାପୁର,୧୭ା୧(ଡି.ଏନ.ଏ.)-ଭାପୁର ବ୍ଲକ ବାଉଁଶବାଟୀ ଗ୍ରାମର ବିଶ୍ୱନାଥ ଦେବ କ୍ରିକେଟ କ୍ଲବ୍‌ ଆନୁକୂଲ୍ୟରେ ୫ମ ଟି-୨୦ କ୍ରିକେଟ୍‌ ଟୁର୍ନାମେଣ୍ଟ ଆୟୋଜିତ ହେଉଛି।  ଗୁରୁବାର ଖେଳରେ ଧାନଚାଙ୍ଗଡ଼ା ଦଳ ୨ ରନ୍‌ରେ ଚକ୍ରଧର ପ୍ରସାଦକୁ ହରାଇ ସେମି ଫାଇନାଲରେ ପ୍ରବେଶ କରିଛି।