ବାଲେଶ୍ୱର

ଜରାଶ୍ରମରେ ବିତୁଛି ଜୀବନ

ଜରାଶ୍ରମରେ ବିତୁଛି ଜୀବନ

କେନ୍ଦୁଝର, ୩।୧(ସ୍ବ.ପ୍ର.)- ସେତେବେଳେ ବୟସ ପାଖାପାଖି ୧୦୦। ସେହି ପରିଣତ ବୟସରେ ସେ ଅସହାୟ ହୋଇପଡ଼ିଥିଲେ। ସେ ଠିକ୍‌ ଭାବରେ ଚଲାବୁଲା କରିପାରୁ ନ ଥିଲେ। ଏଣେ ତେଣେ ବୁଲୁ ଥିଲେ। ତାଙ୍କ ଘର ଜବରଦଖଲ ହୋଇଥିବାରୁ ସେ ଗୃହ ହୀନ ହୋଇ ଯାଇଥିଲେ। ସତେ ଯେପରି ମାନବିକତା ହଜିଗଲା। ସହାୟତାର ହାତ କେହି ବଢ଼ାଇଲେ ନାହିଁ। ମୃତ୍ୟୁ ଆଗମନକୁ ଅପେକ୍ଷା କରିଥିଲେ। ଅସହାୟ ଅବସ୍ଥାରେ ଏଣେତେଣେ ବୁଲୁଥିବା ଦେଖି ତାଙ୍କର ଝିଆରୀ ତାଙ୍କୁ ସଦର ବ୍ଲକ ଆନନ୍ଦାଶ୍ରମ (ଜରାଶ୍ରମ)ରେ ଆଣି ଛାଡ଼ିଥିଲେ। ସେଠାରେ ସେ ତିନି ବର୍ଷ ହେଲା ରହୁଛନ୍ତି। ଏବେ ସେ ଶର୍ଯ୍ୟାଶାୟୀ ଥିବା ବେଳେ ଜୀବନର ଶେଷ ସମୟ ଟିକେ ଆରମରେ କଟୁଥିଲେ ହେଁ ପରିବାର ଲୋକଙ୍କ ବିଚ୍ଛେଦ, ପଡୋଶୀ ଓ ସାହି ଲୋକଙ୍କ ତାଡନାକୁ ସେ ଭୁଲି ପାରୁନାହାନ୍ତି। ତାଙ୍କ ପରି କେହି ଅସହାୟ ଜୀବନ ନ ବିତାନ୍ତୁ ବୋଲି ସେ ଭଗବାନଙ୍କ ଠାରେ ପ୍ରାର୍ଥନା କରୁଛନ୍ତି।
ଜୀବନ ସାରା ଦୁଃଖରେ ରହି ସୁଃଖ ଖୋଜୁଥିବା ଶତାୟୁ ମହିଳା ହେଉଛନ୍ତି ସୂର୍ଯ୍ୟମଣୀ। ଘର କେନ୍ଦୁଝର ସହର ବିରବରପୁର ପାଟଣା କଂସାରୀ ସାହି। ୧୯୧୪ରେ ବାଲ୍ୟ ସୂର୍ଯ୍ୟମଣୀ ବିବାହ କରିଥିଲେ। ମାତ୍ର ୧୩ ବର୍ଷରେ ଇନ୍ଦ୍ରମଣୀ ସାହୁଙ୍କ ବିବାହ କରି ସେ ପାରିବାରିକ ଜୀବନ ଆରମ୍ଭ କରିଥିଲେ। ତାଙ୍କର ୪ ଝିଅ ଓ ୨ ପୁଅ ଥିଲେ। ଏଣୁ ଅଭାବ ସତ୍ତ୍ୱେ ବେଶ ଖୁସିରେ ସ୍ବାମୀଙ୍କ ଛୋଟ ବ୍ୟବସାୟରେ ଚଳୁଥିଲେ। ତେଣେ ସାବତ ଶାଶୁଙ୍କ ନିର୍ଯାତନାକୁ ମୁଣ୍ଡପୋତି ସହ୍ୟକରି ପରିବାର ଚଳାଇ ଆସୁଥିଲେ ବୋଲି କେତେକ ଲୋକ କହନ୍ତି। ୪୦ ବର୍ଷ ବୟସରେ ତାଙ୍କ ସ୍ବାମୀଙ୍କ ହୃଦଘାତରେ ମୃତ୍ୟୁ ହୋଇଥିଲା। ଫଳରେ ତାଙ୍କ ପାଇଁ ଦୁଃଖର ପାହାଡ଼ ଠିଆ ହୋଇଥିଲା। ତଥାପି ଜୀବନ ଯୁଦ୍ଧରେ ସେ ହାରି ନ ଥିଲେ। ୬ ଶିଶୁଙ୍କୁ ନେଇ ନିଜେ କଷ୍ଟ କରି ଭରଣପୋଷଣ କରିଆସିଥିଲେ। ବହୁ କଷ୍ଟକରି ତାଙ୍କ ୪ ଝିଅଙ୍କର ବାହାଘର କରାଇଥିଲେ। ସେ ବଜାରରେ ମଟର ବିକି ଚଳୁଥିଲେ। ସେତିକିରେ ତାଙ୍କର ଦୁଃଖ ସରି ନ ଥିଲା। ପିଲାମାନେ ବଡ଼ ହେଲେ ଦୁଃଖ ଦୂର ହେବ ଏହି ଆଶାରେ ପରିବାରର ଜୀବନ ଗାଡ଼ିକୁ ଆଗେଇ ନେଇଥିଲେ। ବଡ଼ ପୁଅ ୪୦ ବର୍ଷରେ ହଠାତ କ୍ୟାନସରରେ ପୀଡିତ ହୋଇ ଆରପାରିକୁ ଚାଲିଗଲେ। ସାନ ପୁଅ ୩୦ ବର୍ଷରେ ରାସ୍ତା ଦୁର୍ଘଟଣାରେ ଜୀବନ ହାରିଲେ। ଏହିଭଳି ଗୋଟିଏ ପରେ ଗୋଟିଏ ଘଟଣା ତାଙ୍କୁ ବ୍ୟଥିତ କରିଥିଲା। ସ୍ବାମୀ ଓ ପୁଅଙ୍କୁ ହରାଇ ସେ ଭାଙ୍ଗି ପଡ଼ିଥିଲେ ହେଁ ବଞ୍ଚିବାର ସଂଗ୍ରାମ ଜାରି ରଖିଥିଲେ। ସରକାରଙ୍କ ୨୫ କିଲୋ ଚାଉଳ ଓ ୨୦୦ ଟଙ୍କା ଭତ୍ତା ହିଁ ତାଙ୍କର ସାହା ଭରସା ଥିଲା। ଏପରି କି ସହାୟତାର ହାତ କେହି ବଢାଇବା ବଦଳରେ ଜଣେ ପଡୋଶୀ ତାଙ୍କର ବାସଗୃହ ଖଣ୍ଡକକୁ ଜବରଦଖଲ କରି ସେଥିରୁ ତଡ଼ିଦେବା ଦୁଃଖଦ ଘଟଣାକୁ ଏବେ ମଧ୍ୟ ସେ ଭୁଲି ପାରିନାହାନ୍ତି। ଏହି ସଂସ୍ଥାର ମୁଖ୍ୟ ସେବତୀ ସିଂହ କହିଛନ୍ତି ଯେ ସମସ୍ତେ ମାନବିକତା ଦୃଷ୍ଟି କୋଣରୁ ଅସହାୟଙ୍କୁ ସହାୟତା କରିବା ଆବଶ୍ୟକ। ତେବେ ଘରଠାରୁ ପ୍ରତାଡ଼ିତ ହୋଇ ଅଲଗା ହୋଇଯାଉଥିବା ଅସହାୟ ଲୋକଙ୍କ ପାଇଁ ଆନନ୍ଦାଶ୍ରମ ହେଉଛି ନୂଆ ଘର। ଏଣୁ ପ୍ରତ୍ୟେକ ଆର୍ଥିକ ସ୍ବଚ୍ଛଳ ଥିବା ବ୍ୟକ୍ତି ଏଭଳି ଜଣେ ଜଣେ ଅସହାୟ ଲୋକଙ୍କୁ ସହାୟତାର ହାତ ବଢାଇଲେ କେହି ଅସହାୟ ହୋଇ ରହିବେ ନାହିଁ। ଏହା ମାନବଧର୍ମ ପାଳନ ହୋଇ ପାରିବ ବୋଲି ସାଧାରଣରେ ମତ ପ୍ରକାଶ ପାଉଛି।

All Right Reserved By

ବାଲେଶ୍ୱର

୪ ବଖରା ଜଳିଗଲା

ସିମୁଳିଆ, ୧୯।୬(ଡି.ଏନ.ଏ.)-ସୋମବାର ରାତି ପ୍ରାୟ ସାଢେ ୧୦ଟା ବେଳେ ସିମୁଳିଆ ବ୍ଲକ ଗୋବିନ୍ଦପୁର ଅଞ୍ଚଳର ଗୌରୀ ବେହେରାଙ୍କ ଘରେ ଅଗ୍ନିକାଣ୍ଡ ଘଟି ୪ ବଖରା ଜଳିଯାଇଛି।

 ଯୁବକ ସଂଘ ପକ୍ଷରୁ ପରୀ ରଥ

ଯୁବକ ସଂଘ ପକ୍ଷରୁ ପରୀ ରଥ

ଆନନ୍ଦପୁର,୧୮।୬(ସ୍ବ.ପ୍ର.): ଶିଶୁଙ୍କ ପ୍ରତି ହେଉଥିବା ନିର୍ଯାତନାକୁ ରୋକିବା ପାଇଁ ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ ହୋଇଥିବା ପରୀ ରଥ କାର୍ଯ୍ୟକ୍ରମ ୧୫ ଦିନ ଧରି ବିଭିନ୍ନ ଥାନା, ସଦରମହକୁମାରେ ପରିକ୍ରମା କରିଛି।

ବିଚାରପତିଙ୍କୁ ସ୍ବାଗତ ସମ୍ବର୍ଦ୍ଧନା

ସୋର, ୧୮।୬(ଡି.ଏନ.ଏ.)-ସୋର ପ୍ରୋଗ୍ରେସିଭ ବାର ଆସୋସିଏସନ ତରଫରୁ ନୂତନ ଭାବେ ଯୋଗ ଦେଇଥିବା କନିଷ୍ଠ ଦେୱାନୀ ବିଚାରପତି ଋତୁପର୍ଣ୍ଣା ମିଶ୍ରଙ୍କୁ ସୋମବାର ସ୍ବାଗତ ସମ୍ବର୍ଦ୍ଧନା ଦିଆଯାଇଛି । ଏହି ଅବସରରେ ସମ୍ବର୍ଦ୍ଧନା ସଭାରେ ସଭାପତି ରମେଶ ଚନ୍ଦ୍ର ନାୟକ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିଥିଲେ ।

କବିତା ପୁସ୍ତକ ଉନ୍ମୋଚିତ

ସୋର, ୧୮।୬(ଡି.ଏନ.ଏ.)- ସୋର ଉପେନ୍ଦ୍ରନାଥ ମହାବିଦ୍ୟାଳୟର ସମ୍ମିଳନୀ କକ୍ଷରେ ”ଛୁଇଁଦେଲେ ଢେଉ“ କବିତା ପୁସ୍ତକ ଉନ୍ମୋଚିତ ହୋଇଯାଇଛି। କବି ଅନାଦିଚରଣ ଜେନାଙ୍କ ଦ୍ୱାରା ପ୍ରକାଶିତ ପୁସ୍ତକ ଉନ୍ମୋଚନ ଉତ୍ସବରେ ମୁଖ୍ୟଅତିଥିଭାବେ ପ୍ରବନ୍ଧକ ପ୍ରଫେସର ଡ. ବୈଷ୍ଣବି ଚରଣ ସାମଲ ଏହାକୁ ଉଦ୍‌ଘାଟନ କରିଥିଲେ।

ଅଂଶୁଘାତରେ ୨ ଗୁରୁତର

ସୋର, ୧୮।୬(ଡି.ଏନ.ଏ.)-ସୋରରେ ପ୍ରଚଣ୍ଡ ରୌଦ୍ର ଖରା ଯୋଗୁ ଅଂଶୁଘାତରେ ଶିକାର ହୋଇ ୨ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ସୋର ଡ଼ାକ୍ତରଖାନାରେ ଚିକିତ୍ସା ଲାଗି ଭର୍ତ୍ତି କରାଯାଇଛି। ବାସଦେବପୁର ଥାନା ଅନ୍ତର୍ଗତ ଜଗନ୍ନାଥପୁର ଗ୍ରାମର ଗୋବିନ୍ଦ ମଲ୍ଲିକ (୨୮) ସ୍ଥାନୀୟ ଉତ୍ତରେଶ୍ୱର ଗଳାପୋଲ ନିକଟରେ ଅଚେତ ହୋଇ ପଡ଼ିଯାଇଥିଲେ।

ପାଣିରେ ବୁଡ଼ି ଯୁବକଙ୍କ ମୃତ୍ୟୁ

ସୋର, ୧୮।୬(ଡି.ଏନ.ଏ.)-ବାଲେଶ୍ୱର ଜିଲା ସୋର ଥାନା ଅନ୍ତର୍ଗତ ସିଙ୍ଗାଖୁଣ୍ଟା ପଞ୍ଚାୟତର ବୃନ୍ଦାଦେଇପୁର ଗ୍ରାମର ଜଣେ ଯୁବକ ପୋଖରୀକୁ ଗାଧୋଇବାକୁ ଯାଇଥିବାବେଳେ ପାଣିରେ ବୁଡ଼ି ମୃତ୍ୟୁ ଘଟିଛି। ସେ ହେଲେ ମୁଳିସିଂ ଗ୍ରାମର ପୂର୍ଣ୍ଣଚନ୍ଦ୍ର ନାୟକଙ୍କ ପୁତ୍ର ଦିଲ୍ଲିପ ନାୟକ (୨୨)।

୨୧ରେ ଯୋଗ ଶିବିର

ରୂପ୍‌୍‌ସା,୧୭।୬(ଡି.ଏନ.ଏ.)-ବାଲେଶ୍ୱର ସଦର ବ୍ଲକ ଅନ୍ତର୍ଗତ ରୂପ୍‌ସା ଯୋଗ ସମିତି ଆନୁକୂଲ୍ୟରେ ଆସନ୍ତା ୨୧ ତାରିଖ ସକାଳେ ଏକ ନିଃଶୁଳ୍କ ଯୋଗ ଶିବିର ପାଇଁ ପ୍ରସ୍ତୁତି ବୈଠକ ହୋଇଯାଇଛି। ଅନ୍ତର୍ଜାତିକ ଯୋଗ ଦିବସ ପାଳନ ଅବସରରେ ଏହି ଶିବିର କସିପଦା ପଞ୍ଚାୟତ ହାଇସ୍କୁଲରେ ହେବା ପାଇଁ ନିଷ୍ପତ୍ତି ହୋଇଛି।

ସର୍ଟସର୍କିଟ୍‌ରେ ୫ ବଖରା ପୋଡିଗଲା

ସର୍ଟସର୍କିଟ୍‌ରେ ୫ ବଖରା ପୋଡିଗଲା

ଜଳେଶ୍ୱର,୧୮ା୬ (ଡି.ଏନ.ଏ./ସ୍ବ.ପ୍ର.)-ଜଳେଶ୍ୱର ବ୍ଲକ ରାଇବଣିଆ ଥାନା ଓଲମାରା ପଞ୍ଚାୟତ ଅନ୍ତର୍ଗତ ବ୍ରହ୍ମାପୁର ମୁସଲମାନ୍‌ ବସ୍ତିରେ ସୋମବାର ମଧ୍ୟାହ୍ନରେ ବିଦ୍ୟୁତ୍‌ ସର୍ଟସର୍କିଟ୍‌ ଯୋଗୁ ଅଗ୍ନିକାଣ୍ଡ ଘଟି ସେକ୍‌ ଆବୁ ସାହାଦତ୍‌ଙ୍କ ୫ ବଖରା ପୋଡ଼ିଯାଇଛି।

ମକ୍‌ଡ୍ରିଲ୍‌ ପାଇଁ ପ୍ରସ୍ତୁତି ବୈଠକ

ଉଦଳା, ୧୮।୬ (ଡି.ଏନ.ଏ.) -ଓଡିଶା ସରକାରଙ୍କ ସ୍ବତନ୍ତ୍ର ରିଲିଫ୍‌ କମିଶନରଙ୍କ ନିର୍ଦ୍ଦେଶକ୍ରମେ ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ମଙ୍ଗଳବାର ରାଜ୍ୟ ବ୍ୟାପୀ ମକଡ୍ରିଲ୍‌ ପ୍ରଦର୍ଶନ କରାଯିବ। ଏହି ପରିପ୍ରେକ୍ଷୀରେ ସୋମବାର ଉଦଳା ବ୍ଲକରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ା

ବିଦ୍ୟାଳୟ ବାରଣ୍ଡାରେ ଅସହାୟ ବୃଦ୍ଧ

ବିଦ୍ୟାଳୟ ବାରଣ୍ଡାରେ ଅସହାୟ ବୃଦ୍ଧ

ବାରିପଦା ଅଫିସ,୧୮।୬- ବାରିପଦା ମହାରାଜା କୃଷ୍ଣଚନ୍ଦ୍ର ଉଚ୍ଚ ବିଦ୍ୟାଳୟର ଖେଳପଡିଆ ସ୍ଥିତ ଏକ ସ୍କୁଲ ବାରଣ୍ଡାରେ ଦୀର୍ଘ ଦିନ ହେବ ଜଣେ ବୃଦ୍ଧ ଅସହାୟ ଅବସ୍ଥାରେ ପଡି ରହିଛନ୍ତି। ତାଙ୍କ ପରିଚୟ ନେବାରୁ ୧୦ ନଂ. ୱାର୍ଡର ଦୀପ୍ତି ପ୍ରୟାସ ଘୋଷ ବୋଲି କହିଛନ୍ତି।

ଛୁଟିଦିନରେ ଖୋଲିଲା ବିଦ୍ୟାଳୟ, ଅଭିଭାବକ ମହଲରେ ଅସନ୍ତୋଷ

ଛୁଟିଦିନରେ ଖୋଲିଲା ବିଦ୍ୟାଳୟ, ଅଭିଭାବକ ମହଲରେ ଅସନ୍ତୋଷ

ନୟାଗଡ଼ ଅଫିସ,୧୮।୬- ଗ୍ରୀଷ୍ମପ୍ରବାହକୁ ଆଖିରେ ରଖି ରାଜ୍ୟର ସମସ୍ତ ବିଦ୍ୟାଳୟକୁ ସରକାରଙ୍କ ତରଫରୁ ଛୁଟି ଅବଧି ୩ ଦିନ ବଢ଼ାଯାଇଥିଲା। ୧୮ ତାରିଖରେ ସ୍କୁଲ ଖୋଲିବାକୁ ଥିବା ବେଳେ ୨୧ ତାରିଖରେ ଖୋଲା ହେବା ପାଇଁ ଘୋଷଣା କରାଯାଇଛି।

‘ସମବାୟ ଆପଣଙ୍କ ଦ୍ୱାରରେ’ ସଚେତନତା କାର୍ଯ୍ୟକ୍ରମ

‘ସମବାୟ ଆପଣଙ୍କ ଦ୍ୱାରରେ’ ସଚେତନତା କାର୍ଯ୍ୟକ୍ରମ

ଧାମନଗର,୧୮।୬(ଡି.ଏନ.ଏ.)-ଧାମନଗର ସେବା ସମବାୟ ଅଧୀନରେ ସୋମବାର ‘ସମବାୟ ଆପଣଙ୍କ ଦ୍ୱାରରେ’ ନେଇ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ପରିଚାଳନା ପରିଷଦର ବରିଷ୍ଠ ସଭ୍ୟ ଭାସ୍କର ଚନ୍ଦ୍ର ସାମଲ ଏଥିରେ ଅଧ୍ୟକ୍ଷତା କରିଥିଲେ। ଚାଷୀଙ୍କ କଲ୍ୟାଣ ନିମନ୍ତେ ସମବାୟର ଭୂମିକା, ଯୁଗ୍ମ ଦେୟ ଗଠନ, ମଧ୍ୟମକାଳୀନ ଋଣ ନିମନ୍ତେ ଅଂଶଧନ ହ୍ରାସ, କ୍ଷୁଦ୍ର ଏଟିଏମ୍‌ ପ୍ରତିଷ୍ଠା, ଚାଷୀଙ୍କ ବଳକା ବିକ୍ରି ଯୋଗ୍ୟ ଫସଲର ବିକ୍ରିବଟା ପାଇଁ ସରକାରଙ୍କର ଯୋଜନା ବିଷୟରେ ସଚେତନ କରାଯାଇଥିଲା।

Model This Week

ପ୍ରଭାତ