ବାଲେଶ୍ୱର

କୁଳ ବେଉସାକୁ ନେଇ ଅସହାୟ ବୃଦ୍ଧ ଦମ୍ପତି

କୁଳ ବେଉସାକୁ ନେଇ  ଅସହାୟ ବୃଦ୍ଧ ଦମ୍ପତି
ଖନ୍ତାପଡ଼ା,୩।୧(ଡି.ଏନ୍‌.ଏ.)- ପୁରୁଣା କୁଳ ବେଉସା ‘କୁମ୍ଭାର ବୃତ୍ତି’କୁ ଏଯାଏ ଛାଡି ପାରି ନାହାନ୍ତି ଏକ ବୃଦ୍ଧ ଦମ୍ପତି। ବାର୍ଦ୍ଧକ୍ୟର ଅସହାୟତା ଭିତରେ ଆଜି ବି ସେମାନେ ପେଟ ପୋଷିବାକୁ ସଂଘର୍ଷ କରୁଛନ୍ତି। ମାଟିରେ ତିଆରି ହେଉଥିବା ସାମଗ୍ରୀର ଚାହିଦା ନ ଥିଲେ ବି ବକଳ୍ପ ପନ୍ଥା ନ ପାଇ ବଂଶାନୁକ୍ରମିକ ବୃତ୍ତିକୁ ଭରସା କରି ୬ ପ୍ରାଣୀ କୁଟୁମ୍ବ ପୋଷୁୁଛନ୍ତି। କୁମ୍ଭାର ଚକ ଘୂରାଇ ସେମାନେ ପ୍ରସ୍ତୁତ କରୁଥିବା ମାଟିପାତ୍ରକୁ ବିକି ଯେନତେନ ପ୍ରକାରେ ପେଟ ପାଇଁ ମୁଠାଏ ଦାନା ଯୋଗାଡ କରୁଛନ୍ତି। ସରକାରୀ ପ୍ରୋତ୍ସାହନ ଅଭାବରୁ ପାରମ୍ପରିକ ବୃତ୍ତି କ୍ରମେ ବୁଡି ଯାଉଥିବାରୁ ସେମାନେ ଚିନ୍ତା ପ୍ରକଟ କରିଛନ୍ତି। ବାଲେଶ୍ୱର ଜିଲା ବାହାନଗା ବ୍ଲକ ପଥରପେଣ୍ଠ ପଞ୍ଚାୟତ ତାହାରପୁର ଗ୍ରାମରେ କମଳାକାନ୍ତ ରଣା (୬୭)ଙ୍କ ଘର। ସ୍ତ୍ରୀ ପୂଣ୍ଣିମା ତାଙ୍କୁ କାମରେ ସାହାଯ୍ୟ କରିଥାନ୍ତି। ସେମାନଙ୍କ ୩୫ ବର୍ଷର ରୋଜଗାରିଆ ପୁଅ ୨୦୧୧ ମସିହାରେ ଅକାଳ ମୃତ୍ୟୁବରଣ କରିବା ପରେ ପରିବାରର ସବୁ ବୋଝ ସେମାନଙ୍କ ଉପରେ ଲଦି ହୋଇପଡ଼ିଛି । ବୋହୂ ଓ ୩ ନାତିଙ୍କୁ ସ୍ବଳ୍ପ ରୋଜଗାରରେ ସେମାନେ ବହୁ କଷ୍ଟରେ ଭରଣ ପୋଷଣ କରୁଛନ୍ତି। ଦୀର୍ଘ ୫୦ ବର୍ଷ ଧରି ଏହି ଦମ୍ପତି ହାତରେ ଚକ ବୁଲାଇ ମାଟି କାମ କରୁଥିଲେ ବି ସରକାରୀ ସ୍ତରରେ ଟଙ୍କାଟିଏ ବି ପ୍ରୋତ୍ସାହନ ରାଶି ପାଇନାହାନ୍ତି। ମନରେ କାମ କରିବାର ଆତ୍ମବିଶ୍ୱାସକୁ ନେଇ ସେମାନେ ଦିନ ବିତାଉଥିବା କହିିଛନ୍ତି ା କମଳାକାନ୍ତ କହନ୍ତି, ବୟସ ଅଧିକ ହେବାରୁ ସେ ତିଆରି କରୁଥିବା ମାଟି ଦୀପ, କଳସ, ମାଠିଆ, ହାତୀ, ଘୋଡ଼ା ଆଦି ପୂଜା ଉପକରଣ ବାହାର ବଜାରକୁ ନେଇ ଯାଇପାରୁ ନାହାନ୍ତି ା କେବଳ ପାଖରେ ଥିବା ବାହାନଗା ବାରିକପୁର ସାପ୍ତାହିକ ହାଟକୁ ଯାଇ ଏହାକୁ ବିକ୍ରି କରୁଛନ୍ତି। ଏବେ ବଜାରରେ ପ୍ଲାଷ୍ଟିକ ଦ୍ରବ୍ୟର ଚାହିଦା ବଢିବାରୁ ଲୋକେ ମାଟିତିଆରି ଉପକରଣ କିଣିବାକୁ ଇଚ୍ଛା ପ୍ରକାଶ କରୁନାହାନ୍ତି ା ଉପଯୁକ୍ତ ବଜାର ସୁବିଧା ଅଭାବରୁ ଅନେକେ ଏହି କୁଳ ବେଉସାକୁ ଛାଡି ସାରିଲେଣି। ଆମଭଳି ଦୁଃଖୀ ପରିବାରକୁ ସରକାର ସହାୟତା ଯୋଗାଇଦେବା ଆବଶ୍ୟକ ବୋଲିୁ ବୃଦ୍ଧା ପୂର୍ଣ୍ଣିମା କହିିଛନ୍ତି ା ଏହି ଅସହାୟ ବୃଦ୍ଧ ଦମ୍ପତିଙ୍କ ସମ୍ପର୍କରେ ବାହାନଗା ବ୍ଲକ୍‌ ଉନ୍ନୟନ ଅଧିକାରୀ ଉମାକାନ୍ତ ନାୟକଙ୍କୁ ପଚାରିବାରୁ ସେ କହିଛନ୍ତି, ସରକାରୀ ସ୍ତରରେ ବିଭିନ୍ନ ଯୋଜନା ରହିଛି। କୁଳ ବେଉସାକୁ ଆପଣେଇ ଥିବା ଏହି ବୃଦ୍ଧା ଦମ୍ପତି ଆବେଦନ କଲେ ସରକାରୀ ସହାୟତା ସହିତ ବ୍ୟାଙ୍କ ଋଣର ବ୍ୟବସ୍ଥା କରାଯାଇପାରିବ।
All Right Reserved By

ବାଲେଶ୍ୱର

ବନ ବିଭାଗ ପକ୍ଷରୁ ଶାଳକାଠ ବୋଝେଇ ପିକ୍‌ଅପ୍‌ ଜବତ

ବନ ବିଭାଗ ପକ୍ଷରୁ ଶାଳକାଠ ବୋଝେଇ ପିକ୍‌ଅପ୍‌ ଜବତ

ଭଣ୍ଡାରିପୋଖରୀ,୧୨।୧୨(ଡି.ଏନ୍‌.ଏ.): ଭଦ୍ରକ ଜିଲା ଧାମନଗର ବନ ବିଭାଗ ରେଞ୍ଜର ସମୀର କୁମାର ରାଉତଙ୍କ ନେତୃତ୍ୱରେ ବୁଧବାର ବନ୍ତ ବ୍ଲକ ନୀଳକଠାରେ ଚଢ଼ାଉ କରାଯାଇଛି।

୩୩ କେଭି ବିଦ୍ୟୁତ୍‌ ତାର ଜବତ

୩୩ କେଭି ବିଦ୍ୟୁତ୍‌ ତାର ଜବତ

ଭଦ୍ରକ ଅଫିସ,୧୨।୧୨: ଭଦ୍ରକ ଜିଲା ଧାମନଗର ଥାନା ପୋଲିସ ୩୩ କେଭିର ଚୋରା ବିଦ୍ୟୁତ୍‌ ତାର ମୂଳନା ସାହିର ଏକ ଗୋଦାମରୁ ବୁଧବାର ଜବତ କରିଛି। 

ଖୋଲିଲା ଖଣି, ମିଳୁନି ନିଯୁକ୍ତି

କେନ୍ଦୁଝର, ୧୨ା୧୨(ସ୍ବ.ପ୍ର.): ଯୋଡ଼ା ବ୍ଲକ ଗୁଆଲି ଲୁହା ଖଣି ଦ୍ୱାରା କ୍ଷତିଗ୍ରସ୍ତ ସ୍ଥାନୀୟ ଲୋକେ ନିଯୁକ୍ତି ଦାବିରେ ଜିଲାପାଳଙ୍କୁ ମଙ୍ଗଳବାର ଏକ ଦାବିପତ୍ର ଦେଇଛନ୍ତି। ପୂର୍ବରୁ ଏଭଳି ଅଭିଯୋଗ କରି ଆସୁଥିଲେ ହେଁ କେବଳ ପ୍ରତିଶ୍ରୁତି ମିଳୁଥିବାରୁ ଅସନ୍ତୋଷ ପ୍ରକାଶ କରିଛନ୍ତି।

ଭଙ୍ଗା ଘରେ ଡାକସେବା

ଭଙ୍ଗା ଘରେ ଡାକସେବା

ହାଟଡ଼ିହୀ, ୧୨ା୧୨(ଡି.ଏନ.ଏ.): ଅସୁରକ୍ଷିତ ମଧ୍ୟରେ ହାଟଡ଼ିହୀ ବ୍ଲକ ବଉଳା ଉପଡାକ ଘର ରହିଛି। ସେହି ଭଙ୍ଗା ଘରେ ଲୋକଙ୍କୁ ଡାକସେବା ଯୋଗା ଯାଉଛି। ଏହି ଉପଡାକଘର ପ୍ରତି ପ୍ରଶାସନର ଦୃଷ୍ଟି ଦେଉନି। ଡାକସେବା ପ୍ରତି ଗ୍ରାହକଙ୍କ ବିଶ୍ୱାସ ତୁଟି ଯିବାକୁ ବସିଛି। 

୭୩,୫୦୦ ଟଙ୍କା ନେଇ ଯିବାବେଳେ ଧରାପଡିଲେ ଥାନା ଅଧିକାରୀ

୭୩,୫୦୦ ଟଙ୍କା ନେଇ ଯିବାବେଳେ ଧରାପଡିଲେ ଥାନା ଅଧିକାରୀ

ଭଦ୍ରକ ଅଫିସ/ବାଲେଶ୍ୱର ଅଫିସ୍‌,୧୨ା୧୨- ଭଦ୍ରକ ଜିଲା ଭଣ୍ଡାରିପୋଖରୀ ଥାନାଧିକାରୀ ଅମିତ ବିଶ୍ୱାଳ ଏକ ଚାରିଚକିଆ ଗାଡି (ହ୍ୟୁଣ୍ଡାଇ ଆଇ -୨୦ ) ରେ ୭୩, ୫୦୦ ଟଙ୍କା ନେଇ ମୟୂରଭଞ୍ଜ ଜିଲା ବାରିପଦା ଭଞ୍ଜପୁର ଅଞ୍ଚଳର ନିଜ ଘରକୁ ଯାଉଥିବା ବେଳେ ଭିଜିଲାନ୍ସ ପୋଲିସ ତାଙ୍କୁ ଧରି ଅଟକ ରଖି ପଚରାଉଚୁରା କରିଛି। ଗାଡି ଚଳାଉଥିବା ହୋମଗାର୍ଡ ଦିପ୍ତିରଞ୍ଜନ ସାହୁଙ୍କୁ ମଧ୍ୟ ଅଟକ ରଖାଯାଇଛି। 

ଓଡ଼ିଶୀ ସାଙ୍ଗକୁ ଲୋକନୃତ୍ୟ ମନ ମୋହିଲା

ଓଡ଼ିଶୀ ସାଙ୍ଗକୁ ଲୋକନୃତ୍ୟ ମନ ମୋହିଲା

ଭଦ୍ରକ ଅଫିସ,୧୨ା୧୨-ମଙ୍ଗଳବାର ଥିଲା ‘ଭଦ୍ରାୟନୀ’ର ୩ୟ ସନ୍ଧ୍ୟା। ନେହେରୁ ଷ୍ଟାଡିୟମ ପରିସର ବେଶ ଲୋକାରଣ୍ୟ ରହିିଥିଲା। ଭଦ୍ରକ  ଜିଲା ସଂସ୍କୃତି ପରିଷଦ, ଓରମାସ୍‌ ଏବଂ ଜିଲା ପ୍ରଶାସନର ମିଳିତ ସହଯୋଗରେ ଆରମ୍ଭ ହୋଇଥିବା ଏହି ଲୋକକଳା ମହୋସତ୍ବ ଓ ପଲ୍ଲିଶ୍ରୀ ମେଳାରେ ଦିଲ୍ଲୀରୁ ଆସିଥିବା କବିତା ଦ୍ୱିବେଦୀ ଓଡିଶୀ ନୃତ୍ୟ ପରିବେଷଣ କରିଥିଲେ।

‘ବଡ ସିଂହାର’ ବେଶ ପାଇଁ ମିଳୁନି ଚନ୍ଦନ କାଠ

‘ବଡ ସିଂହାର’ ବେଶ ପାଇଁ ମିଳୁନି ଚନ୍ଦନ କାଠ

ଆରଡି, ୧୨ା୧୨, (ଡି.ଏନ.ଏ.)-ଓଡ଼ିଶା ତଥା ଭଦ୍ରକ ଜିଲାର ପ୍ରସିଦ୍ଧ ଶୈବପୀଠ ଆରଡିରେ ବାବା ଆଖଣ୍ଡଳମଣିଙ୍କ  ବଡ଼ ସିଂହାର ବେଶର ସ୍ବତନ୍ତ୍ର ଆକର୍ଷଣ ରହିଛି। ଏହି  ଅନିନ୍ଦ୍ୟ ବେଶ ଦର୍ଶନ ଲାଗି ଭକ୍ତଙ୍କ ଗହଳି ଲାଗିଥାଏ। 

କୁଳେଇପଦାରେ ହେବ ଜିଲାସ୍ତରୀୟ ସାଇନ୍ସ ପାର୍କ

କୁଳେଇପଦାରେ ହେବ ଜିଲାସ୍ତରୀୟ ସାଇନ୍ସ ପାର୍କ

ଭଦ୍ରକ ଅଫିସ,୧୨ା୧୨- ଭଦ୍ରକ ଜିଲା ଚାନ୍ଦବାଲି ତହସିଲ ଅଧୀନ କୁଳେଇପଦାଠାରେ ଜିଲାସ୍ତରୀୟ ସାଇନ୍ସପାର୍କ ସ୍ଥାପନ କରାଯିବ ବୋଲି ରାଜ୍ୟ ସରକାର ମୋହର ଲଗାଇଛନ୍ତି। 

ବିଷାକ୍ତ ଫଳ ଖାଇ ୧୫ ଛାତ୍ର ଅସୁସ୍ଥ

ବିଷାକ୍ତ ଫଳ ଖାଇ ୧୫ ଛାତ୍ର ଅସୁସ୍ଥ

ଭଦ୍ରକ ଅଫିସ, ୧୨ା୧୨-ଭଦ୍ରକ ଜିଲା ତିହିଡି ବ୍ଲକ କୋରକୋରା ପଞ୍ଚାୟତ ରାଜପୁର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟକୁ ପାଠ ପଢିବାକୁ ଯାଇଥିବା  ୧୫ ଜଣ ଛାତ୍ର ବିଷାକ୍ତ ଫଳ ଖାଇ ଗୁରୁତର ଅସୁସ୍ଥ ହୋଇ ପଡିଛନ୍ତି।

 କ୍ରିକେଟ ଟୁର୍ନାମେଣ୍ଟ : ବାଲେଶ୍ୱର ଏକାଦଶ ବିଜୟୀ

କ୍ରିକେଟ ଟୁର୍ନାମେଣ୍ଟ : ବାଲେଶ୍ୱର ଏକାଦଶ ବିଜୟୀ

ବାରିପଦା ଅଫିସ,୧୨।୧୨- ବାରିପଦା ଲେଟକଟ କ୍ଲବ ଦ୍ୱାରା ଆୟୋଜିତ ୨୮ ତମ ସର୍ବଭାରତୀୟ ଟି୨୦ କ୍ରିକେଟ ଟୁର୍ନାମେଣ୍ଟ ମଙ୍ଗଳବାର ଉଦ୍‌ଘାଟିତ ହୋଇଯାଇଛି।

୨୧୦ ବିଜ୍ଞାନ ପ୍ରକଳ୍ପ ପ୍ରଦର୍ଶିତ

୨୧୦ ବିଜ୍ଞାନ ପ୍ରକଳ୍ପ ପ୍ରଦର୍ଶିତ

ବାରିପଦା,୧୨।୧୨-ମୟୂରଭଞ୍ଜ ଜିଲା ଗୋପବନ୍ଧୁନଗର ବ୍ଳକ ଅନ୍ତର୍ଗତ ପଶୁଦା ନୂତନ ସରକାରୀ ଉଚ୍ଚ ବିଦ୍ୟାଳୟ ପରିସରରେ ଜିଲାସ୍ତରୀୟ ବିଜ୍ଞାନ ମେଳା ଉଦ୍‌ଘାଟିତ ହୋଇଯାଇଛି। ଜିଲାପାଳ ବିନିତ ଭରଦ୍ୱାଜ ମୁଖ୍ୟ ଅତିଥି ଭାବେ ଯୋଗ ଦେଇ ଏହି ମେଳାକୁ ଉଦ୍‌ଘାଟନ କରିଥିଲେ। 

ବଜ୍ରକାପ୍ତା ଚାଲାଣର ଫିଟୁଛି ଗୁମର: ଆଉ ୬ ଅଭିଯୁକ୍ତ ଗିରଫ

ବଜ୍ରକାପ୍ତା ଚାଲାଣର ଫିଟୁଛି ଗୁମର: ଆଉ ୬ ଅଭିଯୁକ୍ତ ଗିରଫ

ବାରିପଦା ଅଫିସ/ଉଦଳା(ଡି.ଏନ.ଏ.)୧୨।୧୨- ବିଲୁପ୍ତପ୍ରାୟ ବନ୍ୟପ୍ରାଣୀ ବଜ୍ରକାପ୍ତା ଶିକାର ଓ ଚୋରାଚାଲାଣ ଘଟଣାର ଗୁମର ଫିଟିବାରେ ଲାଗିଛି। ବଜ୍ରକାପ୍ତା ଶିକାର କରି ଏହାର ଚମଡା, କାତି ଓ ମାଂସ ବିଦେଶକୁ ଚାଲାଣ ହେଉଥିଲା।