ବ୍ରହ୍ମପୁର

ବ୍ଲକ ଆଗରେ ଧାନ ବସ୍ତା ରଖି ଧାରଣା

ବ୍ଲକ ଆଗରେ ଧାନ ବସ୍ତା ରଖି  ଧାରଣା

ପୁରୁଷୋତ୍ତମପୁର,୩।୧(ଡି.ଏନ.ଏ.)- ପୁରୁଷୋତ୍ତମପୁରରେ ଯୋଗାଣ ବିଭାଗ ଓ ସମବାୟ ସମିତି ମଧ୍ୟରେ ସମନ୍ବୟ ଅଭାବରୁ ଚାଷୀମାନେ ଅଭାବୀ ଧାନ ବିକ୍ରିର ଶିକାର ହେଉଥିବା ଅଭିଯୋଗ ହୋଇଛି। ଏହା ପ୍ରତିବାଦରେ ପ୍ରଦେଶ କଂଗ୍ରେସ କମିଟି ସଭ୍ୟ ସୀତାରାମ ପାଣିଗ୍ରାହୀଙ୍କ ନେତୃତ୍ୱରେ ଭୀମପୁର ପଞ୍ଚାୟତର ଚାଷୀମାନେ ବୁଧବାର ଆନ୍ଦୋଳନକୁ ଓହ୍ଲାଇଥିଲେ। ବ୍ଲକ କାର୍ଯ୍ୟାଳୟ ମୁଖ୍ୟ ଫାଟକ ଆଗରେ ଧାନ ବସ୍ତା ରଖି ସରକାର ଓ ପ୍ରଶାସନ ବିରୋଧରେ ନାରାବାଜି କରି ଧାରଣାରେ ବସିଥିଲେ। ବିଡିଓ ଲୋକନାଥ ଦଳ ବେହେରା, ପୁରୁଷୋତ୍ତମପୁର ଥାନା ଆଇଆଇସି ବିଜୟ କୁମାର ସାହୁ ଓ ଯୋଗାଣ ନିରୀକ୍ଷକ ସ୍ନେହାସିନୀ ବେହେରା ଆନ୍ଦୋଳନରତ ଚାଷୀଙ୍କୁ ବୁଝାଶୁଝା କରିଥିଲେ। ପ୍ରଶାସନ ଧାନକୁ ଏଠାରୁ ହିଁ କିଣି ନେଉ ବୋଲି ଚାଷୀମାନେ ଅଡି ବସିଥିଲେ। ଖବରପାଇ ଜିଲା ଅତିରିକ୍ତ ଯୋଗାଣ ଅଧିକାରୀ ରବିନ୍ଦ୍ର ବେହେରା ଓ ଏ.ଓ ସୂର୍ଯ୍ୟ ନାରାୟଣ ପାଢୀ ପହଞ୍ଚିଥିଲେ। ବ୍ଲକ ଆଗରେ ଥିବା ଧାନ ଓଜନ କରି ନିଆଯିବ ବୋଲି ପ୍ରତିଶ୍ରୁତି ଦେବା ପରେ ଆନ୍ଦୋଳନ ହଟିଥିଲା। ପରେ ଜଣେ ମିଲର ଆସି ଧାନକୁ ଓଜନ କରି ନେଇଥିଲେ । ଚାଷୀ ଅଭିଯୋଗ କରିଥିଲେ ଯେ, ଡିସେମ୍ବର ୨୨ ତାରିଖରୁ ମଣ୍ଡି ଖୋଲି ଧାନ କିଣିବା ଲାଗି ସରକାରଙ୍କ ନିର୍ଦ୍ଦେଶ ଥିଲା। ତେଣୁ ଧାନ ନେବା ଲାଗି ଦାୟିତ୍ୱ ଥିବା ସମବାୟ ସମିତି ଭୂତସରସିଙ୍ଗି ଓ ପଣ୍ଡିଆକୁ ଚାଷୀମାନେ ବାରମ୍ବାର ଅନୁରୋଧ କରିଥିଲେ ମଧ୍ୟ ସେମାନେ ମନା କରି ଦେଇଥିଲେ । ଏହାର ସୁଯୋଗ ନେଇ ଆନ୍ଧ୍ର ବେପାରୀମାନେ ଅତି କମ୍‌ ଦରରେ ଧାନ କିଣି ନେବାରେ ଲାଗିଛନ୍ତି । ଏହାକୁ ନେଇ କଂଗ୍ରେସ ପକ୍ଷରୁ ଏହାର ପ୍ରତିବାଦ କରାଯାଇଥିଲା । ଭୀମପୁର ପଞ୍ଚାୟତ ସରପଞ୍ଚ ନାରାୟଣ ପାଣିଗ୍ରାହୀ ଓ ବହୁ ଚାଷୀ ଅମଳ ଧାନକୁ ଆଣି ଆନ୍ଦୋଳନରେ ସାମିଲ ହୋଇ ସରକାରୀ ଦରରେ ମଣ୍ଡି ଧାନ କିଣିବା ଲାଗି ଆନ୍ଦୋଳନ କରିଥିଲେ । ସୂଚନାଯୋଗ୍ୟ ଯେ, ମିଲର ଓ ଯୋଗାଣ ବିଭାଗ ମଧ୍ୟରେ ଏଗ୍ରିମେଣ୍ଟ ହୋଇନଥିବାରୁ ଏଭଳି ସମସ୍ୟା ଉପୁଜିଥିବା ଜଣାପଡିଛି ା ଘଟଣାକୁ ନେଇ ଭୂତସରସିଙ୍ଗି ସମବାୟ ସମିତି ସମ୍ପାଦକ ଶିଶିର କୁମାର ଦଳେଇ କହିଛନ୍ତି, ଧାନ ରଖିବା ଲାଗି ରହିଥିବା ଗୋଦାମ ଗୃହ ଭାଙ୍ଗି ପଡିଛି । ଏ ନେଇ ପ୍ରଶାସନକୁ ଜଣାଯାଇଛି ା ଜାଗା ନଥିବାରୁ ଧାନ କିଣୁନାହିଁ । ପାଣ୍ଡିଆ ସମବାୟ ସମିତି ସମ୍ପାଦକ ବିଜୟ ବେହେରା କହିଛନ୍ତି, ମୋ ନିକଟକୁ କେହି ଚାଷୀ ଆସିନାହାନ୍ତି। ଅନ୍ୟପକ୍ଷରେ ଯୋଗାଣ ନିରୀକ୍ଷକ ବେହେରା କହିଛନ୍ତି ଯେ, ଭୂତ ସରସିଙ୍ଗ ସମବାୟ ସମିତି ଚାଷୀଙ୍କୁ ପଞ୍ଜୀକରଣ କରିଛନ୍ତି । ମାତ୍ର ଧାନ କିଣୁନଥିବାରୁ ସମସ୍ୟା ଉପୁଜିଛି । ଦିନେ ଦୁଇ ଦିନ ମଧ୍ୟରେ ମିଲରମାନଙ୍କ ସହ ଏଗ୍ରିମେଣ୍ଟ ହୋଇଯିବା ପରେ ସମସ୍ୟା ଆଉ ରହିବ ନାହିଁ । ଏହି ଘଟଣାକୁ ନେଇ ବିଡିଓ ଯୋଗାଣ ନିରୀକ୍ଷକଙ୍କୁ ତାଗିଦ୍‌ କରିବା ସହ ସମସ୍ତ ମଣ୍ଡିକୁ ଯାଞ୍ଚ କରି ତୁରନ୍ତ ଚାଷୀଙ୍କ ଧାନକୁ କିଣି ନେବାକୁ ନିର୍ଦ୍ଦେଶ ଦେଇଛନ୍ତି ।

All Right Reserved By

Model This Week

Model This Week

ବ୍ରହ୍ମପୁର

ଦାରିଙ୍ଗବାଡ଼ି କଂଗ୍ରେସର ପଞ୍ଚାୟତରାଜ ଦିବସ ପାଳନ

ଦାରିଙ୍ଗବାଡ଼ି କଂଗ୍ରେସର ପଞ୍ଚାୟତରାଜ ଦିବସ ପାଳନ

ଦାରିଙ୍ଗବାଡ଼ି,୨୭।୪(ଡି.ଏନ.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ କଂଗ୍ରେସ ପକ୍ଷରୁ ସ୍ଥାନୀୟ କଫି ବଗିଚା ନିକଟରେ ଶୁକ୍ରବାର ପଞ୍ଚାୟତରାଜ ଦିବସ ପାଳନ ହୋଇଯାଇଛିା ରାଜ୍ୟ ଜନଜାତି ସେଲର ଉପସଭାପତି ପ୍ରତାପ କୁମାର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଭାରେ ପଞ୍ଚାୟତ ପ୍ରତି ରାଜ୍ୟ ସରକାରଙ୍କ ଅବହେଳା ସମ୍ପର୍କରେ ଆଲୋଚନା କରାଯାଇଥିଲାା

୪ ସାହିରେ କନକ-ଦୁର୍ଗାଙ୍କ ଘଟ ପରିକ୍ରମାପରିକ୍ରମା

ବ୍ରହ୍ମପୁର ଅଫିସ,୨୭।୪:ସ୍ଥାନୀୟ ଶିଳ୍ପାଞ୍ଚଳ ଆଙ୍କୋଲିର ପ୍ରସିଦ୍ଧ କନକ-ଦୁର୍ଗା ଠାକୁରାଣୀ ଯାତ୍ରାର ଗୁରୁବାର ୪ର୍ଥ ଦିବସ ବିତିଛି। ନିଜସ୍ବ ମନ୍ଦିରରୁ ଆସି ଅସ୍ଥାୟୀ ପୀଠରେ ବିଜେ କରିଥିବା ଦୁଇ ଭଉଣୀ ୩ ଦିନ ବିଶ୍ରାମ ନେଇ କେବଳ ଭକ୍ତଙ୍କୁ ଦର୍ଶନ ଦେଇଥିବା ବେଳେ ଗୁରୁବାର ସନ୍ଧ୍ୟାରୁ ପାରମ୍ପରିକ ଘଟ ଅଞ୍ଚଳ ବୁଲିବା ଆରମ୍ଭ ହୋଇଛି। ଅନ୍ୟପକ୍ଷରେ ଯାତ୍ରା ପାଇଁ ଆଙ୍କୋଲି ଉତ୍ସବମୁଖର ହୋଇଉଠିଛି। ବାଦ୍ୟବାଜଣା ଓ ଶଙ୍ଖ ମହୁରୀ ନାଦରେ ସମଗ୍ର ଅଞ୍ଚଳ କମ୍ପୁଛି। ସବୁ ସାହିରେ ରଙ୍ଗବେରଙ୍ଗର ଆଲୋକମାଳା ଝଲସୁଛି। ପରମ୍ପରା ପ୍ରକାରେ ବିବାହିତା କନ୍ୟାମାନେ ବାପଘରକୁ ଆସୁଛନ୍ତି।

ମାମଲା ଦାଏର କଲେ ଆଇଆର୍‌ଇ କର୍ତ୍ତୃପକ୍ଷ

ଛତ୍ରପୁର,୨୭।୪(ଡି.ଏନ.ଏ.):ଛତ୍ରପୁର ଉପକଣ୍ଠ ଆଇଆର୍‌ଇ(ଭାରତୀୟ ବିରଳ ମୃତ୍ତିକା) ପ୍ଲାଣ୍ଟ ସମ୍ମୁଖରେ ମୃତ କର୍ମଚାରୀଙ୍କ ପରିବାର ସଦସ୍ୟଙ୍କ ପକ୍ଷରୁ ଚାଲିଥିବା ଅନଶନ ଗୁରୁବାର ସପ୍ତମ ଦିବସରେ ପହଞ୍ଚତ୍ଛି। ନିଯୁକ୍ତି ଦାବି ନେଇ ଅନଶନ ଚାଲିଛି। ଆଇଆର୍‌ଇ କର୍ତ୍ତୃପକ୍ଷ କିମ୍ବା ପ୍ରଶାସନିକ ଅଧିକାରୀ ସେମାନଙ୍କ ସହ ଆଲୋଚନା କରିନାହାନ୍ତି। ଅପରପକ୍ଷରେ ଆଇଆରଇ କର୍ତ୍ତୃପକ୍ଷଙ୍କ ପକ୍ଷରୁ ଅନଶନକାରୀଙ୍କ ବିରୋଧରେ କୋର୍ଟରେ ମାମଲା ଦାଏର କରାଯାଇଛି। ଦୈନିକ କାର୍ଯ୍ୟରେ ଅସୁବିଧା, ଗାଡି ଅଟକାଯାଉଥିବା ଏବଂ ଏହି ଅନଶନକୁ ଏଠାରୁ ହଟାଇବାକୁ ପିଟିଶନରେ ଆଇଆରଇ କର୍ତ୍ତୃପକ୍ଷ ଦର୍ଶାଇଛନ୍ତି। ଗୁରୁବାର ଛତ୍ରପୁର ସିଭିଲ ଜଜ୍‌ ସିନିୟର ଡିଭିଜନ କୋର୍ଟରେ ଏହି ମାମଲାର ଶୁଣାଣି ହୋଇଥିଲା।

ଧାରଣାରେ ବସିଲେ ଭାଜପା ଯୁବମୋର୍ଚ୍ଚା କର୍ମୀ

ଧାରଣାରେ ବସିଲେ ଭାଜପା ଯୁବମୋର୍ଚ୍ଚା କର୍ମୀ

ବ୍ରହ୍ମପୁର ଅଫିସ,୨୭।୪:ଖୋର୍ଦ୍ଧାରୋଡ ଡିଆର୍‌ଏମ୍‌ ବ୍ରିଜ ମୋହନ ଅଗ୍ରୱାଲ ଗୁରୁବାର ବ୍ରହ୍ମପୁର ରେଳଷ୍ଟେଶନ ପରିଦର୍ଶନରେ ଆସିଥିବା ବେଳେ ଷ୍ଟେଶନରେ ରହିଥିବା ବିଭିନ୍ନ ସମସ୍ୟାର ସମାଧାନ କରାଯିବାକୁ ଦାବି କରି ଭାଜପା ଯୁବମୋର୍ଚ୍ଚା ପକ୍ଷରୁ ଦାବିପତ୍ର ପ୍ରଦାନ କରାଯାଇଥିଲା। ବିଶାଖାପାଟଣାଠାରୁ ପଲାସା ଡିଏମ୍‌ୟୁ ଟ୍ରେନ ବ୍ରହ୍ମପୁରକୁ ଦିନବେଳା ସମ୍ପ୍ରସାରଣ କରିବା, ବ୍ରହ୍ମପୁରଠାରୁ ପୁରୀ ପାସେଞ୍ଜର ଟ୍ରେନ ଚଳାଚଳ କରିବା, ବ୍ରହ୍ମପୁର ଷ୍ଟେଶନରୁ ଉଠାଇ ନିଆଯାଇଥିବା ଲିଫ୍ଟ ଓ ଏକ୍ସାଲେଟର ବ୍ୟବସ୍ଥା କରାଯିବା, ଷ୍ଟେଶନରେ ଅନୁସନ୍ଧାନ ଗୃହ ନିର୍ମାଣ କରିବା, ସମସ୍ତ ପ୍ଲାଟଫର୍ମରେ ସିସିଟିଭି ବ୍ୟବସ୍ଥା କରିବା, ୪ ନଂ. ପ୍ଲାଟଫର୍ମରେ ପାର୍କିଂ ବ୍ୟବସ୍ଥା କରାଯାଉ ବୋଲି ଦାବିପତ୍ରରେ ଉଲ୍ଲେଖ କରାଯାଇଛି।

ବିଏସ୍‌ଏନ୍‌ଏଲ୍‌ ସେବା ବ୍ୟାହତ: ଫୁଲବାଣୀ-ବ୍ରହ୍ମପୁର ମୁଖ୍ୟରାସ୍ତା ଅବରୋଧ

ବିଏସ୍‌ଏନ୍‌ଏଲ୍‌ ସେବା ବ୍ୟାହତ: ଫୁଲବାଣୀ-ବ୍ରହ୍ମପୁର ମୁଖ୍ୟରାସ୍ତା ଅବରୋଧ

ଶଙ୍କରାଖୋଲ, ୨୬।୪ (ଡି.ଏନ.ଏ.)କନ୍ଧମାଳ ଜିଲା ଚକାପାଦ ବ୍ଲକ ଶଙ୍କରାଖୋଲରେ ୩ ଦିନ ଧରି ବିଏସ୍‌ଏନ୍‌ଏଲ୍‌ ସେବା ବ୍ୟାହତ ହୋଇଛି। ବିଭାଗୀୟ କର୍ମଚାରୀଙ୍କ ଦାୟିତ୍ୱହୀନତା ଯୋଗୁ ଜନସାଧାରଣ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ଗୁରୁବାର ଏଥିଯୋଗୁ ଅସନ୍ତୋଷ ଦେଖା ଦେଇଛି । ସ୍ଥାନୀୟ ଲୋକେ ଶଙ୍କରାଖୋଲରେ ଫୁଲବାଣୀ-ବ୍ରହ୍ମପୁର ମୁଖ୍ୟ ରାସ୍ତା ଅବରୋଧ କରିଥିଲେ ।

ଦୁର୍ଘଟଣାରେ ବାଇକ୍‌ ଚାଳକ ମୃତ

ସୋରଡ଼ା,୨୬।୪(ଡି.ଏନ.ଏ.):ସୋରଡ଼ା-ଆସିକା ଜାତୀୟ ରାଜପଥର ନରଣପୁର ନିକଟରେ ଗୁରୁବାର ରାତି ପ୍ରାୟ ୮ଟାରେ ବାଇକ୍‌ ଦୁର୍ଘଟଣାରେ ଚାଳକଙ୍କର ମୃତ୍ୟୁ ଘଟିଥିବା ବେଳେ ୨ ଗୁରୁତର ଆହତ ହୋଇଛନ୍ତି।

ଅପରାଧ ସମୀକ୍ଷା କଲେ ଗଞ୍ଜାମ ଏସ୍‌ପି

ଅପରାଧ ସମୀକ୍ଷା କଲେ ଗଞ୍ଜାମ ଏସ୍‌ପି

ଛତ୍ରପୁର,୨୬।୪(ଡି.ଏନ.ଏ.)ଗଞ୍ଜାମ ପୋଲିସ ଜିଲାର ଅପରାଧ ସମୀକ୍ଷା ବୈଠକ ଗୁରୁବାର ପୋଲିସ ମୁଖ୍ୟାଳୟରେ ଅନୁଷ୍ଠିତ ହୋଇଯାଇଛି। ଏଥିରେ ଗଞ୍ଜାମ ଏସ୍‌ପି ବ୍ରିଜେଶ କୁମାର ରଏ ଅଧ୍ୟକ୍ଷତା କରିଥିଲେ। ବିଭିନ୍ନ ମାମଲାରେ ପେଣ୍ଡିଂ ଥିବା ଚାର୍ଜଶିଟ୍‌ କୋର୍ଟରେ ଦାଖଲ କରିବାକୁ ବୈଠକରେ ଏସ୍‌ପି ନିର୍ଦ୍ଦେଶ ଦେଇଛନ୍ତି। ଏଥିସହ ବିଭିନ୍ନ ମାମଲାର ତଦନ୍ତ ସାରିବାକୁ କୁହାଯାଇଛି।

ଆସିକାରେ ଆଇପିଏଲ୍‌  ବେଟିଂ, ୭ ଗିରଫ: ୧୦ଲକ୍ଷ ୯ ହଜାର ୮ଶହ ଟଙ୍କା ଜବତ

ଆସିକାରେ ଆଇପିଏଲ୍‌ ବେଟିଂ, ୭ ଗିରଫ: ୧୦ଲକ୍ଷ ୯ ହଜାର ୮ଶହ ଟଙ୍କା ଜବତ

ଆସିକା,୨୬ା୪(ଡି.ଏନ୍‌.ଏ.)- ଗଞ୍ଜାମ ଜିଲାରେ ଆଇପିଏଲ୍‌ କ୍ରିକେଟ ବେଟିଂ ଆରମ୍ଭ ହୋଇଯାଇଛି। କିଛିଦିନ ତଳେ ବ୍ରହ୍ମପୁରରୁ ଆଇପିଏଲ୍‌ ବେଟିଂ ଅଭିଯୋଗରେ ୩ ଜଣଙ୍କୁ ଗିରଫ କରାଯାଇଥିଲା। ବୁଧବାର ସନ୍ଧ୍ୟାରେ ଆସିକା ବିଜୁ ପଟ୍ଟନାୟକ ଛକସ୍ଥିତ ଏକ ମୋବାଇଲ ଦୋକାନରେ ଆଇପିଏଲ ମ୍ୟାଚକୁ ନେଇ ସଟ୍ଟାବାଜି ଚାଲିଥିବା ବେଳେ ପୋଲିସ ଚଢ଼ାଉ କରିଥିଲା। ସେଠାରୁ ଦୋକାନ ମାଲିକଙ୍କ ସମେତ ୭ ଜଣଙ୍କୁ ଗିରଫ କରାଯାଇଛି।

କେସି ହାଇସ୍କୁଲରୁ ହଟୁନି ଇଂଲିଶ୍‌ ମିଡିୟମ୍‌ ସ୍କୁଲ: ଉପଜିଲାପାଳଙ୍କୁ ଦାବିପତ୍ର

ବ୍ରହ୍ମପୁର ଅଫିସ,୨୬।୪-ବ୍ରହ୍ମପୁର ଗୋଷାଣୀନୁଆଗାଁ କେସି ହାଇସ୍କୁଲ ପରିସରରେ ବେଆଇନ ଭାବେ ଚାଲିଥିବା ବେସରକାରୀ ଇଂଲିଶ୍‌ ମିଡିୟମ୍‌ ସ୍କୁଲ ହଟାଇବା ନେଇ ଆନ୍ଦୋଳନ ଧିରେ ଧିରେ ଉଗ୍ରରୂପ ଧାରଣ କରୁଛି। ହାଇସ୍କୁଲ ପରିସରରୁ ଉକ୍ତ ସ୍କୁଲ ହଟାଇବାକୁ ଡିଇଓ ବାରମ୍ବାର ସ୍କୁଲ କର୍ତ୍ତୃପକ୍ଷଙ୍କୁ ନିର୍ଦ୍ଦେଶନାମା ଜାରି କରୁଥିଲେ ମଧ୍ୟ ସ୍କୃଲ କର୍ତ୍ତୃପକ୍ଷ ନିର୍ଦ୍ଦେଶନାମାକୁ ବେଖାତିର କରୁଛନ୍ତି।

ହରିହରାତ୍ମକ ପଞ୍ଚ ମହାଯଜ୍ଞ

ହରିହରାତ୍ମକ ପଞ୍ଚ ମହାଯଜ୍ଞ

ଖଲ୍ଲିକୋଟ, ୨୬।୪ (ଡି.ଏନ.ଏ.)- ଖଲ୍ଲିକୋଟସ୍ଥିତ ଶ୍ରୀକୃଷ୍ଣଶରଣପୁର ଶାସନସ୍ଥିତ ସକଳେଶ୍ୱର ମହାଦେବଙ୍କ ପୀଠରେ ୧୧ ଦିନ ଧରି ହେବାକୁ ଥିବା ହରିହରାତ୍ମକ ପଞ୍ଚ ମହାଯଜ୍ଞର ଗୁରୁବାର ଥିଲା ନବମ ଦିବସ। ଗୁରୁବାର ଚମ୍ପକ ପୁଷ୍ପାଅର୍ଚ୍ଚନା ଓ ମୋଦକ ଲାଗି ସ୍ବତନ୍ତ୍ର ନୀତି କରାଯାଇଛି।

ପାଇଖାନା ନିର୍ମାଣ ସମ୍ପର୍କିତ କର୍ମଶାଳା

ଭଞ୍ଜନଗର,୨୬।୪(ଡି.ଏନ.ଏ)-ଭଞ୍ଜନଗର ବ୍ଲକର ସମସ୍ତ ହିତାଧିକାରୀଙ୍କ ଘରେ କିଭଳି ପାଇଖାନା ନିର୍ମାଣ ହେବ ସେ ନେଇ ବ୍ଲକ ସମ୍ମିଳନୀ କକ୍ଷରେ ଗୁରୁବାର ଏକ କର୍ମଶାଳା ଅନୁଷ୍ଠିତ ହୋଇଯାଇଛି। ଏଥିରେ ବିଡିଓ ସୁବ୍ରତ କୁମାର ବେହେରା ଅଧ୍ୟକ୍ଷତା କରିଥିଲେ।

ରଥଦାଣ୍ଡରୁ ଜବରଦଖଲ ଉଚ୍ଛେଦ ଦାବି

ପାତ୍ରପୁର,୨୬।୪(ଡି.ଏନ୍‌.ଏ.)- ପାତ୍ରପୁର ବ୍ଲକ ଜରଡ଼ାଗଡ଼ ପାର୍ଥସାରଥୀଙ୍କ ରଥଦାଣ୍ଡ ଦିନକୁ ଦିନ ସଙ୍କୁଚିତ ହେବାରେ ଲାଗିଛି। ରାସ୍ତା ପାର୍ଶ୍ୱରେ ଥିବା କିଛି ଦୋକାନ ଲାଗି ଏହି ସମସ୍ୟା ଉପୁଜିଛି। ବର୍ତ୍ତମାନ ପିଚୁକାମ ଚାଲିଥିବା ବେଳେ ରାସ୍ତାରୁ ଜବରଦଖଲ ହଟାଇବାକୁ ଗ୍ରାମବାସୀ ଦାବି କରିଛନ୍ତି। କାମ ଆରମ୍ଭ ହେବା ପୂର୍ବରୁ କେତେଜଣ ଜବରଦଖଲକାରୀଙ୍କୁ ଉଚ୍ଛେଦ କରାଯାଇଥିଲା। ହେଲେ ଖାତା ନଂ.୮୬୦ର ପ୍ଲଟ ନଂ. ୧୬୨୭ରେ ଥିବା କେତୋଟି ଦୋକାନ ହଟାଯାଇନାହିଁ।