ବ୍ରହ୍ମପୁର

ବିଏମ୍‌ସି:ହାଇବ୍ରିଡ୍‌, ମିନି କମ୍ୟୁନିଟି ପାଇଖାନା ନିର୍ମାଣ ଅଧାପନ୍ତରିଆ

ଛତ୍ରପୁର,୩।୧(ଡି.ଏନ.ଏ)- ବ୍ରହ୍ମପୁର ମହାନଗର ନିଗମ (ବିଏମ୍‌ସି)ରେ ହାଇବ୍ରିଡ୍‌ ପାଇଖାନା ନିର୍ମାଣ ଅଧାପନ୍ତରିଆ ରହିଛି। ସେହିପରି ବିଏମ୍‌ସିରେ ଥିବା ସ୍ଲମ୍‌ (ବସ୍ତି) ଅଞ୍ଚଳରେ ମିନି କମ୍ୟୁନିଟି ଟଏଲଟର ମଧ୍ୟ ସ୍ଥିତି ସମାନ। ବିଏମସିର ଘରଗୁଡିକରେ ଚାଲିଥିବା ପାଇଖାନା ନିର୍ମାଣ ମଧ୍ୟ ସରୁନି। ଏ ନେଇ ବାରମ୍ବାର ସମୀକ୍ଷା ହେଉଛି। ମାତ୍ର କୌଣସି ଚିତ୍ରରେ ପରିବର୍ତ୍ତନ ଆସୁ ନ ଥିବା ଦେଖାଯାଇଛି। ପ୍ରତି ମାସରେ ଛତ୍ରପୁରଠାରେ ଜିଲା ସହରାଞ୍ଚଳ ଉନ୍ନୟନ ସଂସ୍ଥା (ଡୁଡା) ବୈଠକରେ ଜିଲାପାଳ ଏହା ଉପରେ ସମୀକ୍ଷା କରୁଛନ୍ତି। ସେହିପରି ରାଜ୍ୟ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗର କମିଶନର ମଧ୍ୟ ମଝିରେ ମଝିରେ ଛତ୍ରପୁର କିମ୍ବା ବ୍ରହ୍ମପୁରଠାରେ ବୈଠକ କରି ସମୀକ୍ଷା କରୁଥିବା ନଜିର ରହିଛି। ପାଇଖାନା ନିର୍ମାଣ ପାଇଁ ବାରମ୍ବାର ଡେଡ୍‌ ଲାଇନ୍‌ ମଧ୍ୟ ଘୁଞ୍ଚାଯାଉଛି। ଡିସେମ୍ବର ୨୮ ତାରିଖରେ ପୁଣି କମିଶନର ଭୁବନେଶ୍ୱରଠାରେ ଏହାର ସମୀକ୍ଷା କରିଥିଲେ। ଆସନ୍ତା ମାର୍ଚ୍ଚ ୩୧ ସୁଦ୍ଧା ସମସ୍ତ ହାଇବ୍ରିଡ ଟଏଲଟ ନିର୍ମାଣ କାର୍ଯ୍ୟ ଶେଷ କରିବାକୁ ଉକ୍ତ ବୈଠକରେ ବିଏମସି କମିଶନରଙ୍କୁ ନିର୍ଦ୍ଦେଶ ଦିଆଯାଇଛି। ସୁଲଭ ଇଣ୍ଟର ନ୍ୟାସନାଲ ସୋସିଆଲ ସର୍ଭିସେସ ସଂସ୍ଥା ସହ ଏକ ବୈଠକ କରି ହାଇବ୍ରିଡ୍‌ ଟଏଲଟ୍‌ ର ବ୍ୟବହାର କରିବା ଉପରେ ଗୁରୁତ୍ୱାରୋପ କରାଯାଇଛି। ନିର୍ଦ୍ଧାରିତ ସମୟ ମଧ୍ୟରେ ଏହା ଶେଷ କରିବାକୁ କୁହାଯାଇଛି। ପ୍ରତି ସପ୍ତାହରେ ମନିଟରିଂ କରିବାକୁ ନିର୍ଦ୍ଦେଶ ମିଳିଛି। ଏ ସମ୍ପର୍କରେ ରାଜ୍ୟ ଗୃହ ନିର୍ମାଣ ଓ ନଗର ଉନ୍ନୟନ ବିଭାଗ ଅଧୀନ ମ୍ୟୁନିସିପାଲ ପ୍ରଶାସନର ନିର୍ଦ୍ଦେଶକ ତଥା ସ୍ବଚ୍ଛ ଭାରତ ମିଶନ (ଅର୍ବାନ୍‌)ର ମିଶନ ଡାଇରେକ୍ଟର ସଂଗ୍ରାମଜିତ ନାୟକଙ୍କଠାରୁ ଏକ ଚିଠି ବିଏମସି କମିଶନରଙ୍କ ନିକଟକୁ ଆସିଛି। ସେହିପରି ରାଜ୍ୟ ସ୍ତରୀୟ ସ୍ବଚ୍ଛ ଭାରତ ମିଶନ ପରାମର୍ଶଦାତା କମିଟି ବୈଠକରେ ମଧ୍ୟ ବିଏମସିରେ ମିନି କମ୍ୟୁନିଟି ନିର୍ମାଣର ଅଗ୍ରଗତି ଉପରେ ସମୀକ୍ଷା କରାଯାଇଥିଲା। ବିଏମସିର ବସ୍ତି ଅଞ୍ଚଳରେ ଥିବା ୪ଟି ଘର ପାଇଁ ଗୋଟିଏ ମିନି କମ୍ୟୁନିଟି ଟଏଲଟ ସହିତ ସେପ୍ଟିକ୍‌ ଟ୍ୟାଙ୍କ ଓ ସୋକ୍‌ ପିଟ୍‌ ନିର୍ମାଣ କରାଯାଉଛି। ସେହିପରି ୬ଟି ଘର ପାଇଁ ୨ଟି ଟଏଲଟ ସହ କମନ୍‌ ସେପଟିକ୍‌ ଟ୍ୟାଙ୍କ ଓ ସୋକ୍‌ ପିଟ୍‌ ନିର୍ମାଣ କରାଯାଉଥିବା ଜଣାପଡିଛି। ମାର୍ଚ୍ଚ ଶେଷ ସୁଦ୍ଧା ବିଏମସିକୁ ସମ୍ପୂର୍ଣ୍ଣ ବାହ୍ୟ ମଳମୁକ୍ତ କରିବାକୁ ନିର୍ଦ୍ଦେଶ ରହିଛି। ଏହା କିଭଳି ତ୍ୱରାନ୍ବିତ ହେବ ସେ ଉପରେ ବିଭାଗ ଗୁରୁତ୍ୱାରୋପ କରିଛି। ଏଥିପାଇଁ ଏକ ଆକ୍ସନ ପ୍ଲାନ୍‌ ପ୍ରସ୍ତୁତ କରିବାକୁ କୁହାଯାଇଛି। ବିଭିନ୍ନ ପଦକ୍ଷେପ ନେଇ ଏହି କାର୍ଯ୍ୟକ୍ରମକୁ ସଫଳ କରିବାକୁ ନିର୍ଦ୍ଦେଶ ଦିଆଯାଇଛି । ବିଏମସିରେ ନିର୍ମାଣ ହେବାକୁ ଥିବା ସମସ୍ତ ମିନି କମ୍ୟୁନିଟି ଟଏଲେଟ ଗୁଡିକୁ ୨୪ ଘଣ୍ଟିଆ ପାଣି ଓ ବିଦ୍ୟୁତ ସେବା ଯୋଗାଇଦେବାକୁ କୁହାଯାଇଛି।
All Right Reserved By

ବ୍ରହ୍ମପୁର

ବିଦ୍ୟୁତ ସଂସ୍ପର୍ଶରେ ଆସି କଲେଜ ଛାତ୍ର ମୃତ

ବିଦ୍ୟୁତ ସଂସ୍ପର୍ଶରେ ଆସି କଲେଜ ଛାତ୍ର ମୃତ

କବିସୂର୍ଯ୍ୟନଗର,୧୫ା୧୦-କବିସୂର୍ଯ୍ୟନଗର ଥାନା ବୋଲସର ଗ୍ରାମର ଜଣେ ଛାତ୍ରଙ୍କ ଅସାବଧାନତାରୁ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ଘଟିଛି। ସେ ହେଲେ ସଦାଶିବ ସେଠୀ (୧୮)।

ଧୋଇଗଲା ପୋଲ, ୧୫ ଗ୍ରାମବାସୀ ହଇରାଣ

ଧୋଇଗଲା ପୋଲ, ୧୫ ଗ୍ରାମବାସୀ ହଇରାଣ

ଖଜୁରିପଡ଼ା,୧୫।୧୦(ଡି.ଏନ୍‌.ଏ): ଖଜୁରିପଡ଼ା ବ୍ଲକ ବଲସକୁମ୍ପା ପଞ୍ଚାୟତର ବଲସକୁମ୍ପାଠାରୁ ଆର୍‌ ନୂଆଗାଁ ପଞ୍ଚାୟତକୁ ସଂଯୋଗ ହୋଇଥିବା ପ୍ରଧାନମନ୍ତ୍ରୀ ସଡ଼କର ଗାରଡ଼ାପାଜୁ ଓ ଛନ୍ଦୁପଦର ମଝିରେ ଥିବା ପିଲାସାଲୁଙ୍କି ଡ୍ୟାମ ନାଳର ପୋଲ ତିତଲି ପ୍ରଭାବ ହୋଇଥିବା ବର୍ଷାରେ ଧୋଇଯାଇଛି।

୨ ବାଇକରେ ଗୋଟିଏ ନମ୍ବର: ଥାନାରେ ମାମଲା

୨ ବାଇକରେ ଗୋଟିଏ ନମ୍ବର: ଥାନାରେ ମାମଲା

ବେଗୁନିଆପଡ଼ା,୧୫ା୧୦(ଡି.ଏନ.ଏ.)-ବେଗୁନିଆପଡ଼ା ଫାଣ୍ଡି ଅନ୍ତର୍ଗତ ଖଣ୍ଡିଆନଈ ପଞ୍ଚାୟତ ତିରିଡ଼ା ଗ୍ରାମରେ ପୋଲିସ ଚଢ଼ାଉ କରି ସମାନ ନମ୍ବର ଥିବା ୨ଟି ବାଇକକୁ ଜବତ କରିଛି । 

ବସ୍ତି ଉଚ୍ଛେଦ ନ କରିବାକୁ ସ୍ମାରକପତ୍ର

ବସ୍ତି ଉଚ୍ଛେଦ ନ କରିବାକୁ ସ୍ମାରକପତ୍ର

ଗଞ୍ଜାମ,୧୫।୧୦(ଡି.ଏନ.ଏ.)-ଗଞ୍ଜାମ ଏନଏସି ବଡ଼ବଜାର ଦଳିତ ସାହି ବସ୍ତି ଉଚ୍ଛେଦ ନ କରିବା ପାଇଁ ବସ୍ତି ବାସିନ୍ଧା ସୋମବାର ତହସିଲଦାର ଅବନି କୁମାର ସାହୁ ଓ ଏନଏସି କାର୍ଯ୍ୟନିର୍ବାହୀ ଅଧିକାରୀ ଏମ. ନୀଳକଣ୍ଠ ନାଇଡ଼ୁଙ୍କୁ ପୃଥକ ଭାବେ ଭେଟି ସ୍ମାରକପତ୍ର ପ୍ରଦାନ କରିଛନ୍ତି।

ମହିଳାଙ୍କୁ ଅସଦାଚରଣ ଅଭିଯୋଗ ଅଭିଯୁକ୍ତ ୨ ଭାଇ ଫେରାର


ଦିଗପହଣ୍ଡି,୧୫।୧୦(ଡି.ଏନ.ଏ.)-ଦିଗପହଣ୍ଡି ବ୍ଲକ ଅଞ୍ଚଳର ଜଣେ ମହିଳାଙ୍କୁ ଅସଦାଚରଣ କରାଯାଇଥିବା ଅଭିଯୋଗ ହୋଇଛି । ମହିଳାଙ୍କ ଏତଲାକୁ ଭିତ୍ତିକରି କେ.ନୂଆଗାଁ ଥାନା ପୋଲିସ ଅଭିଯୁକ୍ତ ୨ ଭାଇଙ୍କ ନାଁରେ ନଂ. ୧୨୭/୧୮ ରେ ମାମଲା ରୁଜୁ କରିଛି ।

ଲୁଟ୍‌ ମାମଲା , ବାପା ଗିରଫ, ପୁଅଙ୍କୁ ଖୋଜୁଛି ପୋଲିସ

ଛତ୍ରପୁର,୧୫।୧୦(ଡି.ଏନ.ଏ)- ଛତ୍ରପୁର ସହରରେ ବାରମ୍ବାର ବ୍ୟାଙ୍କ ନିକଟରୁ ଲୋକଙ୍କଠାରୁ ଟଙ୍କା ଲୁଟ୍‌ ହୋଇ ଆସୁଥିଲା । ଏହି ଘଟଣାରେ ଜଣଙ୍କୁ ପୋଲିସ ରବିବାର ଗିରଫ କରିଛି। ସେ ହେଲେ ଆସିକା ଥାନା କାଳଷଣ୍ଢପୁର ଗାଁର ଏ. ଗୋପୀ (୫୫)। ଅନ୍ୟପକ୍ଷରେ ଲୁଟ୍‌ ଘଟଣାରେ ସମ୍ପୃକ୍ତ ଥାଇ ଫେରାର୍‌ ଥିବା ଗୋପୀଙ୍କ ବଡ଼ ପୁଅଙ୍କୁ ଧରିବା ଉଦ୍ୟମ ଚାଲିଛି। ଏମାନଙ୍କର ୫ ଜଣିଆ ଗ୍ୟାଙ୍ଗ ରହିଥିବା ଛତ୍ରପୁର ଥାନା ଆଇଆଇସି ପ୍ରିୟଶ ରଞ୍ଜନ ଛୋଟରାୟ ସୂଚନା ଦେଇଛନ୍ତି। ଗୋପୀଙ୍କୁ ସୋମବାର କୋର୍ଟ ଚାଲାଣ କରାଯାଇଛି। ତାଙ୍କଠାରୁ ୨୩ ହଜାର ଟଙ୍କା, ଗାଡ଼ି ଡିକି ଭାଙ୍ଗିବା ପାଇଁ ବିଭିନ୍ନ ସରଞ୍ଜାମ ଜବତ ହୋଇଛି।  

 ଫେସ୍‌ବୁକ୍‌ରେ ଅଶ୍ଲୀଳ ଫଟୋ, ଭିଡିଓ ଭାଇରାଲ ଘଟଣା, ଅଭିଯୁକ୍ତ ଗିରଫ ପରେ କୋର୍ଟ ଚାଲାଣ

ଫେସ୍‌ବୁକ୍‌ରେ ଅଶ୍ଲୀଳ ଫଟୋ, ଭିଡିଓ ଭାଇରାଲ ଘଟଣା, ଅଭିଯୁକ୍ତ ଗିରଫ ପରେ କୋର୍ଟ ଚାଲାଣ

ବ୍ରହ୍ମପୁର ଅଫିସ,୧୫।୧୦: ମହିଳାଙ୍କ ନାମରେ ଫେସ୍‌ବୁକ୍‌ ଆକାଉଣ୍ଟ ଖୋଲି ଅଶ୍ଲୀଳ ଫଟୋ, ଭିଡିିଓ ଏବଂ ମନ୍ତବ୍ୟ ପୋଷ୍ଟ କରିବା ଅଭିଯୋଗରେ ବ୍ରହ୍ମପୁର ସାଇବର ଥାନା ପୋଲିସ ଜଣଙ୍କୁ ଗିରଫକରି ସୋମବାର କୋର୍ଟ ଚାଲାଣ କରିଛି ।

ତିତ୍‌ଲିର ପ୍ରଭାବରେ କ୍ଷୟକ୍ଷତିକୁ ନେଇ ଜରୁରୀ ବୈଠକ

ଶେରଗଡ଼,୧୫।୧୦(ଡି.ଏନ୍‌.ଏ.): ତିତ୍‌ଲିର ପ୍ରଭାବରେ ଗଞ୍ଜାମ ଜିଲା ଶେରଗଡ଼ ବ୍ଲକର ୨୨ଟି ପଞ୍ଚାୟତର ୯୫ ଗ୍ରାମରେ ବ୍ୟାପକ କ୍ଷୟକ୍ଷତି ହୋଇଛି । 

ବନ୍ୟା ପରେ ପ୍ରଶାସନକୁ ଘାରିଲା ରିଲିଫ୍‌ ଚିନ୍ତା: ତିନିଦିନ ମଧ୍ୟରେ କ୍ଷୟକ୍ଷତି ଆକଳନ ପାଇଁ ଜିଲାପାଳଙ୍କ ନିର୍ଦ୍ଦେଶ

ବନ୍ୟା ପରେ ପ୍ରଶାସନକୁ ଘାରିଲା ରିଲିଫ୍‌ ଚିନ୍ତା: ତିନିଦିନ ମଧ୍ୟରେ କ୍ଷୟକ୍ଷତି ଆକଳନ ପାଇଁ ଜିଲାପାଳଙ୍କ ନିର୍ଦ୍ଦେଶ

ଗଞ୍ଜାମ, ୧୫।୧୦(ଡି.ଏନ.ଏ.): ଥମିଲା ବନ୍ୟା ଓ ବାତ୍ୟା। କିନ୍ତୁ ଏହାର ପରବର୍ତ୍ତୀ ସମୟରେ ଲୋକଙ୍କ କ୍ଷୟକ୍ଷତି ଆକଳନ କରିବା ପ୍ରଶାସନକୁ ଚିନ୍ତା ଘାରିଛି। 

ହତ୍ୟା ଉଦ୍ୟମ ମାମଲା, ଫେରାର ଅଭିଯୁକ୍ତ ଗିରଫ

ହତ୍ୟା ଉଦ୍ୟମ ମାମଲା, ଫେରାର ଅଭିଯୁକ୍ତ ଗିରଫ

ଦିଗପହଣ୍ଡି/ପାଟପୁର,୧୫।୧୦(ଡି.ଏନ୍‌.ଏ.): ହତ୍ୟା ଉଦ୍ୟମ ମାମଲାରେ ପାଟପୁର ପୋଲିସ ଜଣେ ଅଭିଯୁକ୍ତଙ୍କୁ ଗିରଫକରି ସୋମବାର କୋର୍ଟ ଚାଲାଣ କରିଛି । ସେ ହେଲେ ପୋଡ଼ାମାରି ଗ୍ରାମର ରାମକୃଷ୍ଣ ପ୍ରଧାନ ଓରଫ ଜିତୁ ।

ରାଜସ୍ବ କୃଷି ଉଦ୍ୟାନ, କୃଷି ବିଭାଗର ମିଳିତ ବୈଠକ: କ୍ଷୟକ୍ଷତି ଆକଳନ ଟିମ ଗଠନ

ରାଜସ୍ବ କୃଷି ଉଦ୍ୟାନ, କୃଷି ବିଭାଗର ମିଳିତ ବୈଠକ: କ୍ଷୟକ୍ଷତି ଆକଳନ ଟିମ ଗଠନ

ଶେରଗଡ଼,୧୫।୧୦(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକରେ  ତିତ୍‌ଲିର ତାଣ୍ଡବରେ ବ୍ୟାପକ କ୍ଷୟକ୍ଷତି  ଘଟି ଫସଲ ନଷ୍ଟ ହୋଇଯାଇଛି।  ଏ ନେଇ ରାଜସ୍ବ କୃଷି ଉଦ୍ୟାନ ଓ କୃଷିବିଭାଗର ମିଳିତ ବୈଠକ ଶେରଗଡ଼ ତହସିଲ କାର୍ଯ୍ୟାଳୟରେ ରବିବାର ଅନୁଷ୍ଠିତ ହୋଇଯାଇଛି। 

ନିମ୍ନମାନର ପଲିଥିନ ଯୋଗାଣକୁ ନେଇ ଉତ୍ତେଜନା

ଦାରିଙ୍ଗବାଡ଼ି,୧୫।୧୦(ଡି.ଏନ.ଏ)-ତିତ୍‌ଲ ବାତ୍ୟାରେ ଦାରିଙ୍ଗବାଡ଼ି ବ୍ଲକ ଅଞ୍ଚଳର ୨୫ ପଞ୍ଚାୟତ କ୍ଷତିଗ୍ରସ୍ତ ହୋଇଛି। ଦାରିଙ୍ଗବାଡ଼ି ସମେତ ବ୍ରାହ୍ମଣୀଗାଁ, ତାଜୁଙ୍ଗିଆ, ହାତିମୁଣ୍ଡା, କାଟିଙ୍ଗିଆ, ଦାରିଙ୍ଗବାଡ଼ି, ବାଡାବାଙ୍ଗା, ସିଆଙ୍ଗବାଲି, ଗ୍ରିନବାଡ଼ି, ଦାସିଂବାଡ଼ି, ସୋନପୁର, ସିର୍କାବର୍ଗ, ଦନେକବାଡ଼ି, କିରିକୁଟି, ବୁଡାଗୁଡ଼ା, ତିଲୋରୀ ଆଦି ପଞ୍ଚାୟତରେ ବହୁ ଘର କ୍ଷତିଗ୍ରସ୍ତ ହୋଇଛି।