ବାଣିଜ୍ୟ |

୭% ତଳକୁ ଖସିଯିବ ଜିଡିପି ଅଭିବୃଦ୍ଧି

୭% ତଳକୁ ଖସିଯିବ ଜିଡିପି ଅଭିବୃଦ୍ଧି
ନୂଆଦିଲ୍ଲୀ, ୩-୧ ସରକାର ଗ୍ରହଣ କରିଥିବା ସାମଗ୍ରୀ ଓ ସେବା ଟିକସ(ଜିଏସଟି) ଏବଂ ବିମୁଦ୍ରୀକରଣ ଭଳି ପଦକ୍ଷେପ ଯୋଗୁ ୨୦୧୭-୧୮ ଆର୍ଥତ୍କ ବର୍ଷ ଲାଗି ଘରୋଇ ବଜାରର ଜିଡିପି ଅଭିବୃଦ୍ଧି ପ୍ରଭାବିତ ହେବ। ଚଳିତ ଆର୍ଥତ୍କ ବର୍ଷରେ ଜିଡିପି ଅଭିବୃଦ୍ଧି ୭% ତଳକୁ ଖସିଯିବ ବୋଲି କେତେକ ବିଶେଷଜ୍ଞ ସୂଚନା ଦେଇଛନ୍ତି। ୨୦୧୬-୧୭ ଆର୍ଥତ୍କ ବର୍ଷରେ ଘରୋଇ ବଜାରର ଅଭିବୃଦ୍ଧି ୭.୧%ରେ ସୀମିତ ରହିଥିଲା। ଏହା ୨୦୧୫-୧୬ ଆର୍ଥତ୍କ ବର୍ଷରେ ୮% ରହିଥିଲା। କେନ୍ଦ୍ରୀୟ ପରିସଂଖ୍ୟାନ କାର୍ଯ୍ୟାଳୟ(ସିଏସ୍‌ଓ) ୨୦୧୭-୧୮ ଆର୍ଥତ୍କବର୍ଷ ଜାତୀୟ ଆୟର ଆଗୁଆ ଆକଳନକୁ ଶୁକ୍ରବାର ଉନ୍ମୋଚନ କରିବାର କାର୍ଯ୍ୟକ୍ରମ ସ୍ଥିର ହୋଇଛି। ଚଳିତ ଆର୍ଥତ୍କ ବର୍ଷରେ ଜିଡିପି ୭% ଟପିବା କଷ୍ଟସାଧ୍ୟ ହେବ ବୋଲି ଏସବିଆଇ ରିସର୍ଚ୍ଚର ମୁଖ୍ୟ ଅର୍ଥନୀତିଜ୍ଞ ସୌମ୍ୟକାନ୍ତି ଘୋଷ ପ୍ରକାଶ କରିଛନ୍ତି। ସେହିଭଳି ତୃତୀୟ ତଥା ଚତୁର୍ଥ ତ୍ରୈମାସିକ ଅଭିବୃଦ୍ଧି ଉନ୍ନତ ରହିବ ବୋଲି ସେ ପ୍ରକାଶ କରିଛନ୍ତି। ଗତ ବର୍ଷ ଧାର୍ଯ୍ୟ ହୋଇଥିବା ମୂଳ ଆକଳନ ୬.୫% ହାରରେ ଚଳିତ ଆର୍ଥତ୍କ ବର୍ଷ ଜିଡିପି ଅଭିବୃଦ୍ଧି ଘଟିପାରେ ବୋଲି ଘୋଷ କହିଛନ୍ତି। ଏଥିରେ ସାମାନ୍ୟ ପରିବର୍ତ୍ତନ ମଧ୍ୟ ପରିଲକ୍ଷିତ ହୋଇ ପାରେ ବୋଲି ସେ ପ୍ରକାଶ କରିଛନ୍ତି। ଚଳିତ ଆର୍ଥତ୍କ ବର୍ଷରେ ଜିଡିପି ଅଭିବୃଦ୍ଧି ୬.୨%ରୁ ୬.୩% ରହିବ ବୋଲି ଯୋଜନା ଆୟୋଗର ପୂର୍ବତନ ଉପାଧ୍ୟକ୍ଷ ମଣ୍ଟେକ ସିଂ ଆହଲୁଓ୍ବାଲିଆ କହିଥିଲେ। ସେହିଭଳି ଚଳିତ ଆର୍ଥତ୍କ ବର୍ଷରେ ଗ୍ରସ ଭାଲ୍ୟୁ ଆଡେଡ୍‌ (ଜିଭିଏ) ୬.୬%ରୁ ୬.୮% ରହିବ ବୋଲି ଆକ୍ସିସ ବ୍ୟାଙ୍କ ମୁଖ୍ୟ ଅର୍ଥନୀତିଜ୍ଞ ସୁଗତ ଭଟ୍ଟାଚାର୍ଯ୍ୟ କହିଛନ୍ତି। ଚଳିତ ଆର୍ଥତ୍କ ବର୍ଷ ଲାଗି ଟିକସ ସଂଗ୍ରହକୁ ଆକଳନର ଏକ ଉପାଦାନ ଭାବେ ଗ୍ରହଣ କରାଯାଇନାହିଁ ବୋଲି ସେ ପ୍ରକାଶ କରିଛନ୍ତି। ମାତ୍ର ଟିକସ ସଂଗ୍ରହ ଉନ୍ନତ ରହିଲେ ଏହା ଜିଡିପି ଅଭିବୃଦ୍ଧି କ୍ଷେତ୍ରରେ ଉତ୍ତମ ପ୍ରଭାବ ପକାଇବ ବୋଲି ଭଟ୍ଟାଚାର୍ଯ୍ୟ ପ୍ରକାଶ କରିଛନ୍ତି। ଅର୍ଥନୀତିର କାର୍ଯ୍ୟଧାରାକୁ ମାପିବା ଲାଗି ଜିଭିଏ ନାମରେ ଏକ ନୂତନ ଧାରଣାକୁ କେନ୍ଦ୍ରୀୟ ପରିସଂଖ୍ୟାନ କାର୍ଯ୍ୟାଳୟ ଶୁଭାରମ୍ଭ କରିଛିି। ଜିଭିଏରେ ଟିକସ ସଂଯୋଗ କରାଯିବା ସହ ଜିଡିପିକୁ ହିସାବକୁ ନିଆଯାଉଥିବା ବେଳେ ଏଥିରୁ ସବ୍‌ସିଡିକୁ ବାଦ ଦିଆଯାଇଥାଏ। ସେହିଭଳି ଯୋଜନା ଆୟୋଗର ପୂର୍ବତନ ସଦସ୍ୟ ତଥା ବରିଷ୍ଠ ଅର୍ଥନୀତିଜ୍ଞ ଅଭିଜିତ ସେନ୍‌ କହିଛନ୍ତି ଅଭିବୃଦ୍ଧି ୬ରୁ ୬.୫% ମଧ୍ୟରେ ରହିବ। ଏହା ବାଦ୍‌ ଜିଏସଟି ଯୋଗୁ ଟିକସ ସଂଗ୍ରହ କ୍ଷେତ୍ରରେ କିଛିଟା ପ୍ରଭାବ ଆସିଥିବା ସେ ପ୍ରକାଶ କରିଛନ୍ତି।
All Right Reserved By

ବାଣିଜ୍ୟ |

ପୂଜା ମଣ୍ଡପଗୁଡିକୁ ଫାଷ୍ଟ ଏଡ୍‌ ବକ୍ସ ପ୍ରଦାନ କଲା ଆମ୍ରି ହସ୍ପିଟାଲ୍ସ

ପୂଜା ମଣ୍ଡପଗୁଡିକୁ ଫାଷ୍ଟ ଏଡ୍‌ ବକ୍ସ ପ୍ରଦାନ କଲା ଆମ୍ରି ହସ୍ପିଟାଲ୍ସ

ଭୁବନେଶ୍ୱର,୧୬-୧୦: ଆମ୍ରି ହସ୍ପିଟାଲ୍ସ ପକ୍ଷରୁ କଟକ ଏବଂ ଭୁବନେଶ୍ୱରର ପୂଜା ମଣ୍ଡପଗୁଡିକୁ ଫାଷ୍ଟ ଏକ୍ସ ବକ୍ସ ପ୍ରଦାନ କରାଯାଇଛି। ସ୍ବାସ୍ଥ୍ୟମନ୍ତ୍ରୀ ପ୍ରତାପ ଜେନା, କଟକ ସାଂସଦ ଭର୍ତ୍ତୁହରି ମହତାବଙ୍କ ଉପସ୍ଥିତିରେ ହସ୍ପିଟାଲର କର୍ମକର୍ତ୍ତା ଏହି ବକ୍ସକୁ ବଣ୍ଟନ କରିଥିଲେ। 

ପାର୍ବଣରେ ଜିଓର ଡିଜିଟାଲ ଉପସ୍ଥାପନା

ପାର୍ବଣରେ ଜିଓର ଡିଜିଟାଲ ଉପସ୍ଥାପନା

ଭୁବନେଶ୍ୱର,୧୬-୧୦: ପାର୍ବଣ ଅବସରରେ ରିଲାଏନ୍ସ ଜିଓ ପକ୍ଷରୁ ଭୁବନେଶ୍ୱର ଏବଂ କଟକର ୫ ଲେଖାଏ ପ୍ରମୁଖ ପୂଜା ମଣ୍ଡପ ଓ ପେଣ୍ଡାଲକୁ ମାଇଁ ଜିଓ ଆପ୍‌ରେ ଆକର୍ଷଣୀୟ ଫଟୋ ଏବଂ ଭିଡିଓ ଜରିଆରେ ଉପସ୍ଥାପିତ କରାଯାଇଛି। 

ଜିପିଏଫ୍‌ ସୁଧ ହାର ୮%କୁ ବୃଦ୍ଧି

ଜିପିଏଫ୍‌ ସୁଧ ହାର ୮%କୁ ବୃଦ୍ଧି

ନୂଆଦିଲ୍ଲୀ,୧୬-୧୦: କେନ୍ଦ୍ର ସରକାର ଅକ୍ଟୋବର-ଡିସେମ୍ବର ତ୍ରୈମାସ ଲାଗି ଜେନେରାଲ ପ୍ରୋଭିଡେଣ୍ଟ ଫଣ୍ଡ(ଜିପିଏଫ୍‌) ଏବଂ ଏଭଳି ଅନ୍ୟ ଯୋଜନାର ସୁଧ ହାର ୮%କୁ ବୃଦ୍ଧି କରିଛନ୍ତି। 

ଅଟୋମେଟିକ୍‌ ହୋମ୍‌ ଫ୍ରାଗରାନ୍ସ ସେଗ୍‌ମେଣ୍ଟରେ ଗୋଦ୍‌ରେଜ୍‌

ଅଟୋମେଟିକ୍‌ ହୋମ୍‌ ଫ୍ରାଗରାନ୍ସ ସେଗ୍‌ମେଣ୍ଟରେ ଗୋଦ୍‌ରେଜ୍‌

ଭୁବନେଶ୍ୱର,୧୬-୧୦: ଗୋଦ୍‌ରେଜ୍‌ କଞ୍ଜ୍ୟୁମର ପ୍ରଡକ୍ଟ ଲିମିଟେଡ୍‌ ଗୋଦ୍‌ରେଜ ଇୟର ମେଟିକ ସହ ଅଟୋମେଟିକ ହୋମ ଫ୍ରାଗରାନ୍ସ ସେଗମେଣ୍ଟରେ ପ୍ରବେଶ କରିଛି। 

ଉନ୍ନତ ଓନରଶିପ୍‌ ଅଭିଜ୍ଞତା ଦେଉଛି ମହିନ୍ଦ୍ରା ଆଣ୍ଡ ମହିନ୍ଦ୍ରା

ଉନ୍ନତ ଓନରଶିପ୍‌ ଅଭିଜ୍ଞତା ଦେଉଛି ମହିନ୍ଦ୍ରା ଆଣ୍ଡ ମହିନ୍ଦ୍ରା

ଭୁବନେଶ୍ୱର,୧୬-୧୦: ମହିନ୍ଦ୍ରା ଆଣ୍ଡ ମହିନ୍ଦ୍ରା ଲିମିଟେଡ୍‌ ଲିଜିଂ ଫର୍‌ ରିଟେଲ ବାୟର୍‌ ସମ୍ପର୍କରେ ଘୋଷଣା କରିଛି। ଏହା ଦ୍ୱାରା ଗ୍ରାହକଙ୍କୁ ଏକ ଉନ୍ନତ କ୍ରୟ  ଅଭିଜ୍ଞତା ପ୍ରଦାନ ଦିଗରେ କମ୍ପାନୀ କାର୍ଯ୍ୟକରୁଥିବା ପ୍ରକାଶ କରିଛି। 

 କାନାରା ବ୍ୟାଙ୍କ ପକ୍ଷରୁ କ୍ରେଡିଟ୍‌ ଏକ୍ସପୋ

କାନାରା ବ୍ୟାଙ୍କ ପକ୍ଷରୁ କ୍ରେଡିଟ୍‌ ଏକ୍ସପୋ

ଭୁବନେଶ୍ୱର,୧୫-୧୦: କାନାରା ବ୍ୟାଙ୍କ ମଣ୍ଡଳ କାର୍ଯ୍ୟାଳୟ ପକ୍ଷରୁ କ୍ରେଡିଟ୍‌ ଏକ୍ସପୋ ସ୍ଥାନୀୟ ରେଡ୍‌କ୍ରସ ଭବନ ପରିସରରେ ଅନୁଷ୍ଠିତ ହୋଇ ଯାଇଛି। 

ତନିଷ୍କ ପକ୍ଷରୁ ‘ଉତ୍ସବ’ ଉନ୍ମୋଚିତ

ତନିଷ୍କ ପକ୍ଷରୁ ‘ଉତ୍ସବ’ ଉନ୍ମୋଚିତ

ଭୁବନେଶ୍ୱର,୧୬-୧୦: ପ୍ରମୁଖ ଜୁଏଲେରୀ ବ୍ରାଣ୍ଡ ତନିଷ୍କ ପକ୍ଷରୁ ‘ଉତ୍ସବ ’ ଗହଣା ସମ୍ଭାର ଉନ୍ମୋଚିତ ହୋଇ ଯାଇଛି। ଦୀପାବଳୀକୁ ଧ୍ୟାନରେ ରଖି କମ୍ପାନୀ ପକ୍ଷରୁ ଏଭଳି ପଦକ୍ଷେପ ସମ୍ପର୍କରେ ଘୋଷଣା କରାଯାଇଛି। 

ଡ୍ୟୁକ୍‌ର ନୂଆ କଲେକ୍ସନ

ଡ୍ୟୁକ୍‌ର ନୂଆ କଲେକ୍ସନ

ଭୁବନେଶ୍ୱର,୧୬-୧୦: ପ୍ରମୁଖ ଫ୍ୟାଶନ ବ୍ରାଣ୍ଡ ଡ୍ୟୁକ୍‌ ପକ୍ଷରୁ ନୂଆ ଶରତ-ଶୀତ କଲେକ୍ସନ ବଜାରକୁ ଆସିଛି। ଯୁବବର୍ଗଙ୍କୁ ଧ୍ୟାନରେ ରଖି କମ୍ପାନୀ ଏଭଳି ପଦକ୍ଷେପ ଗ୍ରହଣ କରିଛି। 

ଅଢ଼େଇ ଟଙ୍କା ହ୍ରାସ ବେକାର;ଡିଜେଲ ଦର ପୁଣି ବଢ଼ିଲା

ଅଢ଼େଇ ଟଙ୍କା ହ୍ରାସ ବେକାର;ଡିଜେଲ ଦର ପୁଣି ବଢ଼ିଲା

ନୂଆଦିଲ୍ଲୀ,୧୬-୧୦: ନିକଟରେ କେନ୍ଦ୍ର ସରକାର ଡିଜେଲ ମୂଲ୍ୟ ୨.୫୦ ଟଙ୍କା କମାଇଥିଲେ। ଏହାପର ଠାରୁ କ୍ରମାଗତ ୧୦ ଦିନ ଧରି ଡିଜେଲ ଦର ବଢ଼ିଚାଲିଛି। ସରକାର ହ୍ରାସ କରିଥିବା ଦର ସୋମବାର ଦିଲ୍ଲୀରେ ଟପିଯାଇଛି। 

୧୦୦ କୋଟି ଆଧାର ରେକର୍ଡ ସହ ସାଲିସ୍‌ କରାଯାଇଛି:ଗିମାଲ୍ଟୋ

୧୦୦ କୋଟି ଆଧାର ରେକର୍ଡ ସହ ସାଲିସ୍‌ କରାଯାଇଛି:ଗିମାଲ୍ଟୋ

ନୂଆଦିଲ୍ଲୀ,୧୬-୧୦: ଚଳିତ ବର୍ଷର ପ୍ରଥମ ୬ ମାସ ମଧ୍ୟରେ ପ୍ରାୟ ୧୦୦ କୋଟି ଆଧାର ରେକର୍ଡ ସହ ସାଲିସ କରାଯାଇଛି। ଆଧାର ଧାରକଙ୍କ ନାମ, ଠିକଣା ଏବଂ ଅନ୍ୟ ବ୍ୟକ୍ତିଗତ ପରିଚୟ ସମ୍ବଳିତ ସୂଚନା ପ୍ରକାଶ ପାଇଛି ବୋଲି ଅନ୍ତର୍ଜାତୀୟ ଡିଜିଟାଲ ସିକ୍ୟୁରିଟି କମ୍ପାନୀ ଗିମାଲ୍ଟୋ ଦାବି କରିଛି। 

ପିଏନ୍‌ବି ୮୬୦୦ କୋଟିର ସମ୍ପତ୍ତି ବିକିବ

ପିଏନ୍‌ବି ୮୬୦୦ କୋଟିର ସମ୍ପତ୍ତି ବିକିବ

ନୂଆଦିଲ୍ଲୀ,୧୬-୧୦: ଦେଶର ଦ୍ୱିତୀୟ ସର୍ବବୃହତ ରାଷ୍ଟ୍ରାୟତ୍ତ ପଞ୍ଜାବ ନ୍ୟାଶନାଲ ବ୍ୟାଙ୍କ(ପିଏନ୍‌ବି) ଚଳିତ ଆର୍ଥିକ ବଷର୍ର୍ରେ ଅଣ ମହତ୍ତ୍ୱପୂର୍ଣ୍ଣ ସମ୍ପତ୍ତିକୁ ବିକ୍ରି କରି ୮୬୦୦ କୋଟି ଟଙ୍କା ସଂଗ୍ରହ କରିବାର ଲକ୍ଷ୍ୟ ରଖିଛି। 

ବାଣିଜ୍ୟ ନିଅଣ୍ଟ ୫ ମାସର ସର୍ବନିମ୍ନ ସ୍ତରରେ

ନୂଆଦିଲ୍ଲୀ,୧୬-୧୦: ପାଞ୍ଚ ମାସ ପରେ ସେପ୍ଟେମ୍ବରରେ ଭାରତର ରପ୍ତାନି ହ୍ରାସ ପାଇଛି। ତେବେ ଦେଶର ବାଣିଜ୍ୟ ନିଅଣ୍ଟ ଏହି ସମୟରେ ୫ ମାସର ସର୍ବନିମ୍ନ ସ୍ତରରେ ପହଞ୍ଚତ୍ ୧୩.୯୮ ବିଲିୟନ ଡଲାର ଛୁଇଁଛି। ସେପ୍ଟେମ୍ବରରେ ଦେଶର ରପ୍ତାନି ୨.୧୫% ରହିଥିବା ବେଳେ ଆମଦାନୀ ୧୦.୪୫% ଅର୍ଥାତ୍‌ ୪୧.୯ ବିଲିୟନ ଡଲାର ରହିଛି।