ସମ୍ପାଦକୀୟ |

ନିରର୍ଥକ ଗବେଷଣା

ନିରର୍ଥକ ଗବେଷଣା
ପରିବେଶ ପରିଚିନ୍ତା-ମାନେକା ଗାନ୍ଧୀ/ ସମ୍ଭବତଃ ପୃଥିବୀର ପ୍ରଥମ ଜେନୋଟ୍ରାନ୍ସପ୍ଲାଣ୍ଟେଶନ୍‌ ଭଗବାନ୍‌ ଶିବଙ୍କ ଦ୍ୱାରା କରାଯାଇଥିଲା। ଶିବଙ୍କ ଶ୍ୱଶୁର ଦକ୍ଷ ଏକ ଯଜ୍ଞର ଆୟୋଜନ କରିଥିଲେ। ସେ ଏହି ଯଜ୍ଞରେ ଶିବଙ୍କୁ ଅପମାନିତ କଲେ। ତାଙ୍କ ଝିଅ ତଥା ଶିବଙ୍କ ପତ୍ନୀ ସତୀ ସ୍ବାମୀଙ୍କ ଅପମାନ ସହି ନ ପାରି ଯଜ୍ଞକୁଣ୍ଡରେ ଆତ୍ମାହୁତି ଦେଲେ। ଏଥିରେ ଶିବ କ୍ରୋଧାନ୍ବିତ ହୋଇ ଦକ୍ଷଙ୍କ ମୁଣ୍ଡ କାଟି ତାଙ୍କୁ ହତ୍ୟା କଲେ। ପରେ ଶାଶୁଙ୍କ ବିନୀତ ପ୍ରାର୍ଥନାରେ ଶିବ ପ୍ରସନ୍ନ ହୋଇ ଦକ୍ଷଙ୍କୁ ବଞ୍ଚାଇଦେବାକୁ ରାଜି ହେଲେ। କିନ୍ତୁ ସେତେବେଳେ ଦକ୍ଷଙ୍କ ମୁଣ୍ଡଟି ନ ମିଳିବାରୁ ସେ ଏକ ଛେଳିମୁଣ୍ଡ ଲଗାଇ ତାଙ୍କୁ ଜୀବନ୍ୟାସ ଦେଲେ। ପରେ ଗଣେଶଙ୍କ କ୍ଷେତ୍ରରେ ଅନୁରୂପ ଘଟଣା ଘଟିଥିଲା। ଶିବ ଏକ ହାତୀଛୁଆର ମୁଣ୍ଡ ଲଗାଇ ଗଣେଶଙ୍କୁ ଜୀବନ୍ୟାସ ଦେଇଥିଲେ। ଗତ ୩୦୦ ବର୍ଷ ହେଲା ଡାକ୍ତରମାନେ ଏ କ୍ଷେତ୍ରରେ ସଫଳତା ପାଇଁ ଚେଷ୍ଟା କରିଆସୁଛନ୍ତି। ଏହାକୁ କୁହାଯାଏ ଜେନୋଟ୍ରାନ୍ସପ୍ଲାଣ୍ଟେଶନ୍‌ ଯେଉଁଥିରେ ମନୁଷ୍ୟେତର ପ୍ରାଣୀର ଅଙ୍ଗ ବା କୋଷକୁ ମଣିଷଠାରେ ପ୍ରତିରୋପଣ କରାଯାଏ। ଏହି ପ୍ରକ୍ରିୟାରେ ହଜାର ହଜାର ପ୍ରାଣୀଙ୍କ ମୃତ୍ୟୁ ହେଲାଣି। ପ୍ରତ୍ୟେକ ଥର ବୈଜ୍ଞାନିକମାନେ ଅସଫଳ ହେଉଛନ୍ତି, କିନ୍ତୁ ଚେଷ୍ଟା ଛାଡ଼ୁନାହାନ୍ତି। କାରଣ ପ୍ରାଣୀମାନଙ୍କ ଜୀବନ ହେଉଛି ଶସ୍ତା ଏବଂ ଗବେଷଣା ନାମରେ ବୈଜ୍ଞାନିକମାନେ ଯାହା କିଛି ବି କରିପାରିବେ। ସପ୍ତଦଶ ଶତାବ୍ଦୀରେ ଜିନ୍‌ ବାପ୍ଟିଷ୍ଟ ଡେନିସ୍‌ ପ୍ରାଣୀଙ୍କ ରକ୍ତକୁ ମଣିଷଠାରେ ଦେବାର ଚେଷ୍ଟା କଲେ। ଏଥିରେ ସମସ୍ତେ ମଲେ ଏବଂ କିଛି ବର୍ଷ ପର୍ଯ୍ୟନ୍ତ ଫ୍ରାନ୍ସରେ ଜେନୋଟ୍ରାନ୍ସଫ୍ୟୁଜନ୍‌ ନିଷିଦ୍ଧ ହେଲା। ଊନବିଂଶ ଶତାବ୍ଦୀରେ କେତେକ ନିର୍ଦ୍ଦିଷ୍ଟ ପ୍ରଜାତିର ପ୍ରାଣୀ ଓ ମଣିଷ ଭିତରେ ଚର୍ମପ୍ରତିରୋପଣ ଅପେକ୍ଷାକୃତ ଲୋକପ୍ରିୟ ହେବାକୁ ଲାଗିଲା। ଯେଉଁ ପ୍ରାଣୀଙ୍କଠାରୁ ଚର୍ମ ଅଣାଯାଉଥିଲା, ସେମାନଙ୍କ ମଧ୍ୟରୁ ମେଣ୍ଡା, ଠେକୁଆ, କୁକୁର, ବିରାଡ଼ି, କୁକୁଡ଼ା ଓ ପାରା ପ୍ରଭୃତିଙ୍କର ଚର୍ମରେ ପର ବା ଲୋମ ଉଠେ। ଏହା ସମ୍ପୃକ୍ତ ସର୍ଜନମାନଙ୍କୁ ସେମାନଙ୍କଠାରୁ ଚର୍ମ ଆଣିବାକୁ ବିରତ କଲା ନାହିଁ। ସବୁଠାରୁ ଆଦର୍ଶ ଚର୍ମଦାତା ହେଲା ବ୍ରାହ୍ମଣୀ ବେଙ୍ଗ, ଯାହାଠାରୁ ଜିଅନ୍ତା ଚର୍ମ ଉତରାଯାଉଥିଲା। କିନ୍ତୁ ଏସବୁ ଚର୍ମପ୍ରତିରୋପଣ ସଫଳ ହେଲା ନାହିଁ। ବିଂଶ ଶତାବ୍ଦୀରେ ଫ୍ରେଞ୍ଚ ଗବେଷକ ସର୍ଜନ ଆଲେକ୍ସିସ୍‌ କ୍ୟାରେଲ ରକ୍ତନଳୀ (ଶିରା ଓ ଧମନୀ)କୁ ଯୋଡ଼ିବା ପାଇଁ ଏକ କୌଶଳର ବିକାଶ ଘଟାଇଲେ। ପ୍ରଥମଥର ପାଇଁ ଏଭଳି ଅଙ୍ଗପ୍ରତିରୋପଣ ସଫଳ ହେଲା। ଏହି ସଫଳତା ପାଇଁ ୧୯୧୨ ମସିହାରେ ତାଙ୍କୁ ମିଳିଲା ନୋବେଲ ପୁରସ୍କାର। ତାଙ୍କର ଏହି ସଫଳତା ଏ କ୍ଷେତ୍ରରେ ଅଧିକ ଗବେଷଣା ପାଇଁ ବୈଜ୍ଞାନିକମାନଙ୍କୁ ପ୍ରେରଣା ଯୋଗାଇଲା। କିଛିବର୍ଷ ପରେ ସର୍ଜ ଭୋରୋନଫ୍‌ ନାମକ ପ୍ୟାରିସ୍‌ରେ ବାସକରୁଥିବା ଜଣେ ରୁଷୀୟ ଆପ୍ରବାସୀ ଜୀବନର ସ୍ପୃହା ହରାଉଥିବା ବୃଦ୍ଧମାନଙ୍କଠାରେ ଯୌବନର ଉନ୍ମାଦନା ଫେରାଇ ଆଣିବା ପାଇଁ ଗବେଷଣା କଲେ। ସେ ଅନେକ ଶିମ୍ପାଞ୍ଜି ବା ବବୁନ୍‌ଙ୍କ ଅଣ୍ଡକୋଷକୁ କାଟି ବୃଦ୍ଧ ଲୋକଙ୍କ ଅଣ୍ଡକୋଷରେ ପ୍ରତିରୋପଣ କଲେ। ଏଥିରୁ କିଛି ସୁଫଳ ମିଳିଲା ନାହିଁ। ବରଂ ସମ୍ପୃକ୍ତ ବୃଦ୍ଧମାନେ ସଂକ୍ରମଣ ଓ ଅନ୍ୟାନ୍ୟ ଜଟିଳତାର ସମ୍ମୁଖୀନ ହେଲେ। କିନ୍ତୁ ଯୌନ ହର୍ମୋନ୍‌ ଉତ୍ପାଦନକାରୀ ପେଶୀ ପ୍ରତିରୋପଣର ଚିନ୍ତାଧାରା ଲୋପ ପାଇଲା ନାହିଁ। ଆମେରିକାର ଜନ୍‌ ବ୍ରିଙ୍କ୍‌ଲେ ନାମକ ଜଣେ ବୈଜ୍ଞାନିକ ଏହି କାର୍ଯ୍ୟ ପାଇଁ ଶିମ୍ପାଞ୍ଜି ବଦଳରେ ଏକ ବୋଦାର ଅଣ୍ଡକୋଷକୁ ନେଲେ କାରଣ ଜଣେ ସ୍ଥାନୀୟ କୃଷକ କହିଲେ ଯେ ଉକ୍ତ ବୋଦାର ଯୌନ କ୍ଷମତା କୁଆଡ଼େ ଅସାଧାରଣ। ପରେ ତାଙ୍କୁ ଆମେରିକାନ୍‌ ମେଡିକାଲ ଆସୋସିଏଶନରୁ ବାହାର କରିଦିଆଗଲା। ୧୯୬୦ ଦଶକରେ ଲୁଇଜିଆନାସ୍ଥିତ ଟୁଲେନ୍‌ ବିଶ୍ୱବିଦ୍ୟାଳୟର କିଥ୍‌ ରୀମ୍‌ସ୍ମାଙ୍କ ମନରେ ବିଶ୍ୱାସ ଜନ୍ମିଲା ଯେ, ଶିମ୍ପାଞ୍ଜି, ବଣମଣିଷ ପ୍ରଭୃତି ମଣିଷ ସଦୃଶ ପ୍ରାଣୀଙ୍କ ବୃକ୍କ ମଣିଷଙ୍କଠାରେ କାମ କରିବ। ତେଣୁ କିଡ୍‌ନୀ ଅଚଳ ହୋଇପଡ଼ିଥିବା ମଣିଷଙ୍କଠାରେ ସେମାନଙ୍କ କିଡ୍‌ନୀ ପ୍ରତିରୋପଣ କରାଯାଇପାରିବ। ସେ ୧୩ଟି ଶିମ୍ପାଞ୍ଜିଙ୍କ କିଡ୍‌ନୀ ମଣିଷଙ୍କଠାରେ ପ୍ରତିରୋପଣ କଲେ। କିନ୍ତୁ ସବୁଗୁଡ଼ିକ ବିଫଳ ହେଲା ଏବଂ ସମ୍ପୃକ୍ତ ଶିମ୍ପାଞ୍ଜିମାନେ ଅତିଶୟ ଯନ୍ତ୍ରଣାରେ ମଲେ। କେବଳ ଜଣେ ମହିଳାଙ୍କଠାରେ ଶିମ୍ପାଞ୍ଜି କିଡ୍‌ନୀ ଲଗାଯିବା ପରେ ସେ ୯ ମାସ ବଞ୍ଚିଥିଲେ କିନ୍ତୁ ସବୁ ସମୟ ଶଯ୍ୟାଶାୟୀ ରହୁଥିଲେ ଏବଂ ତାଙ୍କଠାରେ କ୍ୟାଥେଟର ଲାଗିଥିଲା। ଅନ୍ୟ ଏକ ଗବେଷଣାରେ ଏକ ଘୁଷୁରିର କିଡ୍‌ନୀ ନେଇ ବବୁନ୍‌ଠାରେ ଲଗାଯାଇଥିଲା। ବବୁନ୍‌ଟି ୫ ମାସରେ ମରିଗଲା। କିନ୍ତୁ ବୈଜ୍ଞାନିକମାନେ ତଥାପି ଗବେଷଣା ଛାଡ଼ିଲେ ନାହିଁ। କଲୋରାଡୋର ଟମ୍‌ ଷ୍ଟାର୍ଜଲ ବବୁନ୍‌ର କିଡ୍‌ନୀ ନେଇ ପ୍ରତିରୋପଣ କଲେ। କିନ୍ତୁ ଫଳାଫଳ ରୀମ୍‌ସ୍ମାଙ୍କ ପରି ହେଲା। ୧୯୬୪ ମସିହାରେ ଜେମ୍ସ ହାର୍ଡି ଜଣେ ରୋଗୀଠାରେ ଶିମ୍ପାଞ୍ଜିର ହାର୍ଟ ପ୍ରତିରୋପଣ କଲେ। ସେତେବେଳେ ରୋଗୀ ଜଣଙ୍କର ଦୁଇଗୋଡ଼ କଟା ହୋଇଥିଲା ଏବଂ ସେ ଅଧା କୋମା ଅବସ୍ଥାରେ ଥିଲେ। ପ୍ରତିରୋପଣର କେଇ ଘଣ୍ଟା ପରେ ସେ ମରିଗଲେ। ଅବଶ୍ୟ ଶିମ୍ପାଞ୍ଜିକୁ ହତ୍ୟା କରାଯାଇଥିଲା। ୧୯୬୭ ମସିହାରେ ଖ୍ରୀଷ୍ଟିଆନ୍‌ ବର୍ନାଡ୍‌ ମଧ୍ୟ ଅନୁରୂପ ଦୁଇଟି ହୃଦୟ ପ୍ରତିରୋପଣ କରିଥିଲେ। ୧୯୮୩ ମସିହାରେ ଲିଓନାର୍ଡ ବେଲି ଏକ ଛୋଟ ଝିଅ ଦେହରେ ଏକ ବବୁନ୍‌ର ହାର୍ଟ ପ୍ରତିରୋପଣ କରିଥିଲେ। କିନ୍ତୁ ଝିଅର ଶରୀର ସେ ହାର୍ଟକୁ ଗ୍ରହଣ କଲା ନାହିଁ ଏବଂ ସେ ୨୦ ଦିନରେ ମରିଗଲା। ଏକ ଅଣଡାକ୍ତରୀ ଲୋକ ହିସାବରେ ଆମର ସାଧାରଣ ଜ୍ଞାନ କହୁଛି ଯେ ବବୁନ୍‌ଠାରେ ଓ ଗ୍ରୁପ୍‌ର ରକ୍ତ ନାହିଁ, ଯେଉଁ ରକ୍ତ ସବୁ ମଣିଷଙ୍କୁ ଦିଆଯାଇପାରେ। ବବୁନ୍‌ର ରକ୍ତ ଗ୍ରୁପ୍‌ ହେଉଛି ଏବିଓ, ଯାହା ମଣିଷ ଦେହରେ ଯିବ ନାହିଁ। ଟମ୍‌ ଷ୍ଟାର୍ଜଲ ମଣିଷରୁ ମଣିଷ କିଡ୍‌ନୀ ଓ ଲିଭର ପ୍ରତିରୋପଣ କ୍ଷେତ୍ରରେ ଜଣେ କିମ୍ବଦନ୍ତୀ ପୁରୁଷ। କିନ୍ତୁ ସେ ୧୯୬୦ ଦଶକରେ ଯେଉଁସବୁ ଶିମ୍ପାଞ୍ଜି ବା ବବୁନ୍‌ଙ୍କ କିଡ୍‌ନୀ ବା ଲିଭର ମଣିଷଠାରେ ପ୍ରତିରୋପଣ କରିଥିଲେ ସେ ସବୁ ବିଫଳ ହୋଇଥିଲା। ୧୯୯୦ ଦଶକରେ ଅଧିକ ଇମ୍ୟୁନୋ-ସପ୍ରେସାଣ୍ଟ ଉପଲବ୍ଧ ହେବା ପରେ ସେ ଦୁଇଜଣ ବୟସ୍କ ରୋଗୀଙ୍କଠାରେ ବବୁନ୍‌ର ଲିଭର ପ୍ରତିରୋପଣ କରିଥିଲେ। କିନ୍ତୁ କେହି ବଞ୍ଚିଲେନି। ଏସିଆ ଓ ଆଫ୍ରିକାର ଲୋକମାନଙ୍କର ନୂତନ କର୍ନିଆ (ଚକ୍ଷୁ ତାରାକୁ ଆଚ୍ଛାଦନ କରୁଥିବା ସ୍ବଚ୍ଛ ପଟଳ) ଦରକାର। ସେଥିପାଇଁ ଅନ୍ୟ ପ୍ରାଣୀଙ୍କ ଆଖିରୁ ସ୍ବଚ୍ଛପଟଳ ଆଣି ମଣିଷଠାରେ ପ୍ରତିରୋପଣର ଗବେଷଣା ଚାଲିଛି। ଏ ପରୀକ୍ଷା ଯଦି ସଫଳ ହୁଏ, ତେବେ ମଣିଷକୁ ଚକ୍ଷୁଷ୍ମାନ୍‌ କରିବା ପାଇଁ ଅନେକ ପ୍ରାଣୀଙ୍କୁ ଅନ୍ଧ ହେବାକୁ ପଡ଼ିବ। ନେବ୍ରାସ୍କା ମେଡିକାଲ ସେଣ୍ଟର ପକ୍ଷରୁ ଘୁଷୁରିର ହାର୍ଟ ମେଣ୍ଢାଠାରେ ପ୍ରତିରୋପଣ କରାଯାଉଛି। ବଣମଣିଷଙ୍କଠାରେ ଘୁଷୁରିର ହାର୍ଟ, କିଡ୍‌ନୀ, ଫୁସ୍‌ଫୁସ୍‌ ଓ ଯକୃତ ପ୍ରତିରୋପଣର ଚେଷ୍ଟା ଚାଲିଛି। କିନ୍ତୁ କୌଣସିଟା ସଫଳ ହୋଇପାରିନି। ଏତିକିରେ କ’ଣ ବୈଜ୍ଞାନିକମାନେ ଏଭଳି ଗବେଷଣାରୁ ବିରତ ହେବେ? ଏ ପର୍ଯ୍ୟନ୍ତ ହୋଇନି। ୟୁରୋପର କ୍ଲିନିକ୍‌ଗୁଡ଼ିକ ବୟସର ଛାପ କମାଇବା ପାଇଁ ପ୍ରାଣୀମାନଙ୍କ ଟିସୁ ମଣିଷଠାରେ ସଫଳତାର ପ୍ରତିରୋପଣ କରିବାର ବାହୁସ୍ଫୋଟ ମାରୁଛନ୍ତି। କିନ୍ତୁ ଏସବୁ ଠିକ୍‌ଭାବେ କାମ କରୁଥିବାର ଗୋଟିଏ ହେଲେ ପ୍ରମାଣ ନାହିଁ। ବର୍ତ୍ତମାନ ଜେନୋଟ୍ରାନ୍ସପ୍ଲାଣ୍ଟେଶନ୍‌ ପାଇଁ ଘୁଷୁରି ଉପରେ ବେଶି ଗୁରୁତ୍ୱ ଦିଆଯାଉଛି। କାହିଁକି? ଏହାର ଜିନୀୟ ସଂରଚନା ତ ମଣିଷଠାରୁ ସମ୍ପୂର୍ଣ୍ଣ ଅଲଗା। କାରଣ ହେଲା ଏହାର ବିଭିନ୍ନ ଅଙ୍ଗର ଆକାର ମଣିଷ ସହ ସମାନ। ଏହାକୁ ପରିଚାଳନା କରିବା ଶସ୍ତା ଓ ସହଜ। ଗୋଟିଏ ଘୁଷୁରି ବର୍ଷରେ ତିନିଟା ଛୁଆ ଦିଏ। ତେଣୁ ଏହା ସୁଲଭ। କିନ୍ତୁ ଏହା ପଛରେ କୌଣସି ବୈଜ୍ଞାନିକ ଭିତ୍ତି ଅଛି କି? ନା, ନାହିଁ। କିନ୍ତୁ ସେମାନେ ଏ ପ୍ରକାର ନିରର୍ଥକ ଗବେଷଣା ବନ୍ଦ କରିବା ପୂର୍ବରୁ କୋଟି କୋଟି ଘୁଷୁରି ଅସହ୍ୟ ନିର୍ଯାତନା ସହି ମୃତ୍ୟୁବରଣ କରିସାରିଥିବେ। ହାର୍ଟ ପ୍ରତିରୋପଣର ଅଗ୍ରଦୂତ ନର୍ମାନ୍‌ ଶମ୍‌ଓ୍ବେ ଯଥାର୍ଥରେ କହିଛନ୍ତି- ଜେନୋଟ୍ରାନ୍ସପ୍ଲାଣ୍ଟେଶନ୍‌ ହେଉଛି ଭବିଷ୍ୟତର ପ୍ରତିରୋପଣ ଏବଂ ଏହା ସବୁଦିନେ ସେହି ଭବିଷ୍ୟତ କାଳରେ ହିଁ ରହିଥିବ। ତଥାପି ବୈଜ୍ଞାନିକମାନେ ଏପରି ଅସମ୍ଭବ ଗବେଷଣା ଜାରିରଖିବାର କାରଣ ହେଉଛି, ଏଥିପାଇଁ (ସଫଳ ନ ହେଲେ ବି) ସେମାନଙ୍କୁ ମୋଟା ଅଙ୍କରେ ପାଉଣା ମିଳୁଛି। ଆଉ ଯଦି କେବେ ସଫଳ ହୁଅନ୍ତି, ସେଥିପାଇଁ ସେମାନଙ୍କୁ ନୋବେଲ ପୁରସ୍କାର ମିଳିବ। ପ୍ରାଣୀଙ୍କ କଥା କିଏ ପଚାରେ? (Email: gandhim@nic.in)
All Right Reserved By

ସମ୍ପାଦକୀୟ |

ସଂସ୍କାର ପାଇଁ ତରତର ନାହିଁ

ସଂସ୍କାର ପାଇଁ ତରତର ନାହିଁ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

ନୀତି ଆୟୋଗର ଷ୍ଟ୍ରାଟେଜି ଡକୁମେଣ୍ଟ ‘Strategy for New India@75’ରେ ଭାରତୀୟ ଅମଲାତନ୍ତ୍ରରେ ସଂସ୍କାର ଆଣିବା ପାଇଁ ବହୁବିଧ ପଦକ୍ଷେପ ନେବା ଲାଗି ସୁପାରିସ କରାଯାଇଛି। ସେଗୁଡ଼ିକ ମଧ୍ୟରେ ରହିଛି ଅପାରଗ ବାବୁମାନଙ୍କୁ ବାଧ୍ୟତାମୂଳକ ଅବସର ଦେବା, ବର୍ତ୍ତମାନ ପ୍ରଚଳିତ ପ୍ରଶାସନିକ ସେବା ସଂଖ୍ୟା କମାଇଦେବା, ପ୍ରଶାସନିକ ସେବା ପରୀକ୍ଷା ଦେବା ଲାଗି ସାଧାରଣ ପ୍ରାର୍ଥୀମାନଙ୍କ ସର୍ବୋଚ୍ଚ ବୟସ ସୀମା ୩୨ରୁ ୨୭ ବର୍ଷକୁ ହ୍ରାସ କରିବା ଇତ୍ୟାଦି। ଉଭୟ ରାଜ୍ୟ ଓ କେନ୍ଦ୍ରୀୟ ପ୍ରଶାସନିକ ସେବା ପାଇଁ ଗୋଟିଏ ସର୍ବଭାରତୀୟ ପରୀକ୍ଷା କରିବା ଲାଗି ମଧ୍ୟ ବିଶେଷଜ୍ଞମଣ୍ଡଳୀ ପ୍ରସ୍ତାବ ଦେଇଛନ୍ତି। ଆମ ରୁଗ୍ଣ ପ୍ରଶାସନିକ ସେବା ବ୍ୟବସ୍ଥାକୁ ସୁଧାରିବା ଲାଗି ଡାକ୍ତରଙ୍କ ବ୍ୟବସ୍ଥାପତ୍ର ଭଳି ବିଶେଷଜ୍ଞମାନେ ସିନା ସଂସ୍କାର-ପ୍ରସ୍ତାବମାନ ଦେଇଦେଲେ, ହେଲେ ମିଳିଥି..

ଆଧ୍ୟାତ୍ମିକତାର ମର୍ମ

ଆଧ୍ୟାତ୍ମିକତାର ମର୍ମ

ଡ. ଛାୟାକାନ୍ତ ଷଡ଼ଙ୍ଗୀ

ସମ୍ପ୍ରତି ଧର୍ମ ଓ ଆଧ୍ୟାତ୍ମିକତା ସମାର୍ଥବାଚକ ଶବ୍ଦ ଭାବରେ ବ୍ୟବହୃତ ହେଉଛି। ମାତ୍ର ସାମାଜିକ ଧର୍ମାନୁଷ୍ଠାନ ସହ ଆଧ୍ୟାତ୍ମିକତାର ବିଶେଷ ସମ୍ପର୍କ ନାହିଁ। ଆଜିକାଲି ଭଗବାନଙ୍କ ଉପରେ ଉପରଠାଉରିଆ ବିଶ୍ୱାସ। ମନ୍ଦିର, ମସ୍‌ଜିଦ ବା ଗୀର୍ଜାରେ ପହଞ୍ଚି ଉପାସନା କରିବାକୁ ଧର୍ମନିଷ୍ଠା କୁହାଯାଉଛି। ଏହା ସହ ଆଧ୍ୟାତ୍ମିକତାର ସିଧାସଳଖ କୌଣସି ସମ୍ପର୍କ ନାହିଁ। ବିଶେଷଣ ପଦ ରୂପେ ଅଧ୍ୟାତ୍ମ ଶବ୍ଦର ଅର୍ଥ ହେଲା ‘ଆତ୍ମ ବିଷୟକ’। ବିଶେଷ୍ୟ ପଦ ଭାବରେ ଏହାର ଅର୍ଥ ହେଲା ପରମାତ୍ମା ବା ବ୍ରହ୍ମ। ଆଧ୍ୟାତ୍ମିକ ମାନେ ‘ବ୍ରହ୍ମ ବା ପରମାତ୍ମା ବିଷୟକ’। ଏହି ବ୍ରହ୍ମ ବିଷୟକ ଭାବ ହେଉଛି ଆଧ୍ୟାତ୍ମିକତା। ଏଣୁ ଆଧ୍ୟାତ୍ମିକତାର ମର୍ମ..

ବାଂଲାଦେଶ ନିର୍ବାଚନ

ବାଂଲାଦେଶ ନିର୍ବାଚନ

ଶରତ ଚନ୍ଦ୍ର ମିଶ୍ର

ଡିସେମ୍ବର ୩୦, ୨୦୧୮ରେ ବାଂଲାଦେଶରେ ଏକାଦଶ ଜାତୀୟ ନିର୍ବାଚନ ଅନୁଷ୍ଠିତ ହୋଇଯାଇଛି। ଏହି ସଦ୍ୟ ସମାପ୍ତ ନିର୍ବାଚନରେ ପ୍ରଧାନମନ୍ତ୍ରୀ ଶେଖ୍‌ ହାସିନାଙ୍କ ଆଓ୍ବାମୀ ଲିଗ୍‌ ୩୦୦ରୁ ୨୬୭ଟି ସ୍ଥାନ ଅଧିକାର କରି ଅଭୂତପୂର୍ବ ସଫଳତା ହାସଲ କରିଛି। ତାଙ୍କର ସହଯୋଗୀ ଦଳ ଜାତୀୟ ପାର୍ଟି ୨୦ଟି ସ୍ଥାନ ପ୍ରାପ୍ତ ହୋଇଛି। ଜାତୀୟ ପାର୍ଟିର ନେତା ହେଉଛନ୍ତି ପୂର୍ବତନ ମିଲିଟାରୀ ଶାସକ ଜେନେରାଲ ଏରସାଦ। ଦେଶର ମୁଖ୍ୟ ବିରୋଧୀ ଦଳ ବାଂଲାଦେଶ ଜାତୀୟ ଦଳ ଅନ୍ୟାନ୍ୟ ଛୋଟ ଛୋଟ ୧୦ଟି ଦଳ ସହିତ ମିଶି ଜାତୀୟ ମିଳିତ ସାମ୍ମୁଖ୍ୟ ଗଠନ କରି ପ୍ରମୁଖ ବିରୋଧୀ ଭାବରେ ନିର୍ବାଚନରେ ଅବତୀର୍ଣ୍ଣ ହୋଇ..

ଏଇ ଭାରତରେ

ଏଇ ଭାରତରେ

ବିବାହ ଏକ ପବିତ୍ର ବନ୍ଧନ। ଏହା ପୁରୁଷ ଓ ସ୍ତ୍ରୀ ମଧ୍ୟରେ ଦୃଢ଼ ସମ୍ପର୍କ ସ୍ଥାପନ କରେ। କାହିଁ କେଉଁ ଅନାଦି କାଳରୁ ଏହି ପରମ୍ପରା ଚଳିଆସୁଛି। ବିବାହ ପରେ ପୁରୁଷ-ସ୍ତ୍ରୀ ମଧ୍ୟରେ ଦୈହିକ ସମ୍ପର୍କ ପବିତ୍ର। କିନ୍ତୁ ରାଞ୍ଚତ୍ର ଜନଜାତି ସମ୍ପ୍ରଦାୟ ବିବାହ ନ କରି ଦୀର୍ଘବର୍ଷ ଧରି ଏକତ୍ର ରହି ଆସୁଛନ୍ତି। ଏହା ପଛର ଅସଲ କାରଣ ହେଉଛି ବିବାହ ଉତ୍ସବରେ ଖର୍ଚ୍ଚକରିବା ଲାଗି ସେମାନଙ୍କ ପାଖରେ ଟଙ୍କା ନାହଁ। ସେମାନଙ୍କ ଅସୁବିଧା ସମ୍ପର୍କରେ ଅବଗତ ହେବା ପରେ ଏଠାରେ ସାମାଜିକ ସେବା ଜାରି ରଖୁଥିବା ଏକ ସଂଗଠନ ଅଭାବୀ ଲୋକମାନଙ୍କର ବିବାହ କରାଉଛି। କେତେକ ଲୋକ ଏଠାରେ ୪୦ବର୍ଷରୁ ଅଧିକ ହେଲା ଏକାଠି ରହି ଆସୁଛନ୍ତି। ପିଲା..

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ଆଜିର ଅର୍ଥନୀତି/ଲେଖାନୁଦାନରେ ସୀମିତ ରୁହ

ସାଧାରଣ ନିର୍ବାଚନ ଆଉ ଅଳ୍ପ କେଇମାସ ବାକି ରହିଲା। ନିର୍ବାଚନ ଆୟୋଗ ପକ୍ଷରୁ ଏ ନେଇ ଯଥାସମୟରେ ବିଜ୍ଞପ୍ତି ଜାରି ହେବ। ତେବେ ଏହି ନିର୍ବାଚନ ପୂର୍ବରୁ ସରକାର ଲେଖାନୁଦାନ ନା ପୂର୍ଣ୍ଣାଙ୍ଗ ବଜେଟ୍‌ ଉପସ୍ଥାପନ କରିବେ, ତାହା ଜଣାପଡ଼ି ନାହିଁ। ବଜେଟ୍‌ ପାଇଁ ଆଉ ମାତ୍ର ପ୍ରାୟ ଦୁଇ ସପ୍ତାହ ବାକି ଥିବାବେଳେ ହଠାତ୍‌ କେନ୍ଦ୍ର ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ଅସୁସ୍ଥ ହୋଇପଡ଼ିବାରୁ ଏ ନେଇ ଅନିଶ୍ଚିତତା ଦେଖାଦେଇଛି। ଆମେ ଆଶା କରୁଛୁ ଓ ପ୍ରାର୍ଥନା କରୁଛୁ ଯେ, ଜେଟ୍‌ଲୀ ଖୁବ୍‌ଶୀଘ୍ର ସୁସ୍ଥ ହୋଇଉଠନ୍ତୁ ଓ ଫେବୃୟାରୀ..

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଜଳବାୟୁ ପରିବର୍ତ୍ତନ ଚୁକ୍ତି: ପ୍ୟାରିସରୁ ପୋଲାଣ୍ଡ

ଡ. ରମେଶ ଚନ୍ଦ୍ର ପରିଡ଼ା

ବିଶ୍ୱ ସମ୍ମୁଖରେ ଏବେ ସବୁଠାରୁ ଜଟିଳ ସମସ୍ୟା ରୂପେ ମୁଣ୍ଡ ଟେକିଥିବା ଜାଗତିକ ଉଷ୍ମତା ବୃଦ୍ଧି ଏବଂ ସେଥିସହିତ ସମ୍ପୃକ୍ତ ଜଳବାୟୁ ପରିବର୍ତ୍ତନକୁ ପ୍ରତିହତ କରା ନ ଗଲେ ତାହା ଯେ ଅଚିରେ ଏକ ପ୍ରଚଣ୍ଡ ଧ୍ୱଂସକାରୀ ଶକ୍ତିରୂପେ ଉଭା ହେବ ଏ କଥା ସ୍ବୀକୃତ ହୋଇସାରିଲାଣି। ତେଣୁ ଏହାର ପଥ ନିର୍ଦ୍ଧାରଣ ଲାଗି ଜାତୀୟ ତଥା ଆନ୍ତର୍ଜାତିକ ସ୍ତରରେ ଚାଲିଛି ବ୍ୟାପକ ଆଲୋଚନା ପର୍ଯ୍ୟାଲୋଚନା ଏବଂ ସମ୍ପାଦିତ ହେବାରେ ଲାଗିଛି ନାନାଦି ଚୁକ୍ତି। ଏଗୁଡିକ ମଧ୍ୟରୁ ସବୁଠାରୁ ଗୁରୁତ୍ୱପୂର୍ଣ୍ଣ ହେଲା ‘ୟୁଏନ୍‌ ଫ୍ରେ..

ଆଧୁନିକ ବେଣ୍ଟ

ଆଧୁନିକ ବେଣ୍ଟ

ଦ୍ୱିତୀ ଚନ୍ଦ୍ର ସାହୁ

ଘର ସାମ୍ନା ଗେଟ୍‌ ଦେଇ ବଜାରକୁ ବାହାରିଲା ବେଳେ ନିକଟରେ ଥିବା କଲେଜକୁ ଯାଉଥିଲେ ପଞ୍ଝାଏ କଲେଜ ପଢୁଆ ପିଲା। ସମସ୍ତଙ୍କ ହାତରେ ମୋବାଇଲ। ମୋବାଇଲକୁ ଖେଳାଇ ଖେଳାଇ ଜଣେ କହିଲା ଆଜି ବେଣ୍ଟ (ଶିକାର) କରିବା। ପଛରୁ ଶୁଣି ଟିକେ ଚକିତ ହେଲି। ତା’ ପରେ ସେମାନଙ୍କ ବାର୍ତ୍ତାଳାପରୁ ଯାହା ଜାଣିଲି ସେମାନେ କଲେଜର ଏକ ନିର୍ଦ୍ଦିଷ୍ଟ ସ୍ଥାନରେ ଦଳଗତ ଭାବେ ଠିଆ ହେବେ। କଲେଜ ଭିତରକୁ ପ୍ରବେଶ କରୁଥିବା ଝିଅମାନଙ୍କୁ ଚାହିଁବେ। ସେମାନଙ୍କୁ ପରଖିବେ। ସେଥିରୁ ସୁନ୍ଦରୀ ଲଳନାଙ୍କୁ ବାଛିବେ..

ଏଇ ଭାରତରେ

ଏଇ ଭାରତରେ

ଯୌତୁକ ନିରୋଧୀ ଆଇନ ୧୯୬୧ର ଧାରା ୩ ଅନୁସାରେ ଯୌତୁକ ନେବା କିମ୍ବା ଦେବା ଉଭୟ ଅପରାଧ। ସମ୍ପ୍ରତି ସମାଜରେ ଯୌତୁକ ଦାବିରେ ବହୁ ଅପରାଧ ଘଟୁଛି।  ଏନେଇ ବହୁ ମାମଲା ମଧ୍ୟ ଅଦାଲତରେ ବିଚାରାଧୀନ ରହିଛି। ବିଶେଷକରି ଯୌତୁକ ଦାବି ବିରୋଧରେ ମହିଳାମାନେ ସ୍ବାମୀ ଓ ଶାଶୁଘର ଲୋକଙ୍କ ବିରୋଧରେ ମାମଲା ରୁଜୁ କରୁଥିବା ଦେଖିବାକୁ ମିଳେ। ଏବେ କିନ୍ତୁ ..

ପ୍ରାଣୀଙ୍କ ଲାଟରାଲିଟି

ପ୍ରାଣୀଙ୍କ ଲାଟରାଲିଟି

ପରିବେଶ ପରିଚିନ୍ତା/ ମାନେକା ଗାନ୍ଧୀ

ଏ ପୃଥିବୀର ଅନ୍ୟ ସମସ୍ତ ପ୍ରାଣୀଙ୍କଠାରୁ ମଣିଷ ନିଜକୁ ଅଲଗା ଭାବେ। କିନ୍ତୁ ସମୟକ୍ରମେ ବୈଜ୍ଞାନିକମାନେ ପ୍ରମାଣ କଲେଣି ଯେ, ଯେଉଁସବୁ ବିଶେଷ ଗୁଣ ଓ ବୁଦ୍ଧିମତ୍ତାକୁ ନେଇ ମଣିଷ ନିଜକୁ ଶ୍ରେଷ୍ଠ ଭାବୁଛି, ସେସବୁ ଗୁଣ ପ୍ରାଣୀମାନଙ୍କଠାରେ ମଧ୍ୟ ଅଛି। ଉଦାହରଣସ୍ବରୂପ କୀଟପତଙ୍ଗ, ମାଛ, କୁଆ ଓ ବଣମଣିଷ ମଧ୍ୟ ବିଭିନ୍ନ ଉପକରଣର ଉପଯୋଗ କରନ୍ତି। ଏଥିମଧ୍ୟରୁ ଗୋଟି..

 ଉଚ୍ଚଶିକ୍ଷାରେ ପ୍ରତାରଣା

ଉଚ୍ଚଶିକ୍ଷାରେ ପ୍ରତାରଣା

ଡ. ସୁବାସ ଚନ୍ଦ୍ର ପାତ୍ର

ଜାତୀୟ ପରିପ୍ରେକ୍ଷୀରେ ଯାହାହେଉ ଆପାତତଃ ଓଡ଼ିଶାରେ ଉଚ୍ଚଶିକ୍ଷାର ସ୍ଥିତି ଦେଖିଲେ ଜଣାଯାଏ, ଏଠାରେ ଶୈକ୍ଷିକ ବ୍ୟବସ୍ଥାର ପରିବର୍ତ୍ତନ ଚିନ୍ତା କେବଳ ଉଚ୍ଚାକାଂକ୍ଷାକୈନ୍ଦ୍ରିକ। ଉଚ୍ଚଶିକ୍ଷାକୁ କିପରି ଜାତୀୟ ଅବା ଅନ୍ତର୍ଜାତୀୟ ସ୍ତରକୁ ନିଆଯାଇଛି ଏବଂ ସେହି କ୍ରମରେ ପ୍ରାରମ୍ଭିକ ପଦକ୍ଷେପ ହିସାବରେ ପାଠ୍ୟକ୍ରମର କିପରି ବୈପ୍ଳବିକ ପରିବର୍ତ୍ତନ କରାଯାଇଛି, ଜନସାଧାରଣଙ୍କ ମନରେ ବିଶ୍ୱାସ ଜନ୍ମେଇବା ପାଇଁ ସେ କଥାର ବହୁଳ ପ୍ରଚାର କରାଯାଏ। କିନ୍ତୁ ତା’ ପଛରେ ଲୁକ୍କାୟିତ ବିଫଳତାର କରୁଣ କାହାଣୀ ..

ଆଧୁନିକ ଶିକ୍ଷା ଓ ସମାଜ

ଆଧୁନିକ ଶିକ୍ଷା ଓ ସମାଜ

ଲଲାଟ କେଶରୀ ନାୟକ

ସ୍ବାମୀ ବିବେକାନନ୍ଦ ତାଙ୍କର ଶିକାଗୋ ଅଭିଭାଷଣରେ କହିଥିଲେ, କୋଟି କୋଟି ଅଦୃଶ୍ୟ ଶିଶିରବିନ୍ଦୁ ଯେମିତି ରାଶି ରାଶି ଗୋଲାପ କଢ଼ିକୁ ପ୍ରସ୍ଫୁଟିତ କରେ, ଠିକ୍‌ ସେହିଭଳି ଜଣେ ବ୍ୟକ୍ତିର ମାନସିକତା ଏକ ସୁସ୍ଥ ଏବଂ ବିକାଶଶୀଳ ରାଷ୍ଟ୍ର ଗଠନର ମୂଳମନ୍ତ୍ର ହୋଇଥାଏ। ଆଇନଶୃଙ୍ଖଳାରେ ଯେତେ ବି ପରିବର୍ତ୍ତନ ହେଉ ନା କାହିଁକି ବା ଶାସନ ଖସଡା ଯେତେ କଠୋର ହେଉ ନା କାହିଁକି, ଯଦି ବ୍ୟକ୍ତିର ମାନସିକତାରେ ପରିବର୍ତ୍ତନ ନ ହୋଇଛି ତେବେ ବିକାଶଶୀଳ ରାଷ୍ଟ୍ର ଗଠନ ଅସମ୍ଭବ। ..

ଏଇ ଭାରତରେ

ଏଇ ଭାରତରେ

ଭାଇ ଭଉଣୀ ମଧ୍ୟରେ ସାଧାରଣତଃ ସ୍ନେହ ମମତା ଅତୁଟ ଥାଏ। ଗୋଟିଏ ମା’ର ସନ୍ତାନ ହୋଇଥିବାରୁ ଦୁହିଁଙ୍କ ମନୋଭାବ ମଧ୍ୟ ପ୍ରାୟତଃ ଏକାପ୍ରକାର ହୋଇଥାଏ। କିନ୍ତୁ ଏକ ଘଟକ୍ରମରେ ଭାଇ ଭଉଣୀ ଗୋଟିଏ ଘରେ ଏକତ୍ର ମୃତ୍ୟୁବରଣ କରିବା ଘଟଣା ସ୍ଥାନୀୟ ଅଞ୍ଚଳ ଲୋକଙ୍କୁ ଚକିତ କରିଛି। ଏପରି ଏକ ଘଟଣା ଘଟିଛି ନାଗପୁରର ତାନ୍ତ୍ୟା ଟୋପେ ନଗର ଅଞ୍ଚଳରେ। ମୋହନ ଓଟଓ୍ବାନି ଏବଂ ..