ସମ୍ପାଦକୀୟ |

ବୃତ୍ତିଗତ ବିପତ୍ତି

ବୃତ୍ତିଗତ ବିପତ୍ତି

ଡ. ସୁବାସ ଚନ୍ଦ୍ର ପାତ୍ର/
ବେଶ୍‌ ତମତମ ହୋଇ ପଶିଆସିଲେ ଅଧ୍ୟାପକ ଜଣକ ଅଧ୍ୟକ୍ଷଙ୍କ ପ୍ରକୋଷ୍ଠକୁ। ”ସାର୍‌, କ୍ଲାସ୍‌ ଭିତରେ ଏବଂ କଲେଜ ପରିସରରେ ଯେଉଁ ପରିବେଶ ସୃଷ୍ଟି ହେଲାଣି, ଲାଗୁଛି ଆଉ ପାଠ ପଢ଼େଇ ହେବନାହିଁ। ଶ୍ରେଣୀ ଭିତରେ ଶୃଙ୍ଖଳା ବାବଦରେ ମୁଁ ସିନା କିଛି କରିବି, କିନ୍ତୁ ଶ୍ରେଣୀ ବାହାର, କଲେଜ ପରିସରର ଯେଉଁ ଅବସ୍ଥା ସେ କ୍ଷେତ୍ରରେ ମୁଁ କ’ଣ କରିପାରିବି?“ ”ଦେଖନ୍ତୁ, ସବୁ କଲେଜରେ ସେଇ ଅବସ୍ଥା। ଏହାକୁ ଆପଣ ‘ବୃତ୍ତିଗତ ବିପତ୍ତି’ (ପ୍ରଫେସନାଲ ହାଜାର୍ଡ) ହିସାବରେ ନେଇପାରନ୍ତି। ସବୁ କଥାରେ ମୋ ପ୍ରକୋଷ୍ଠକୁ ଆସନ୍ତୁ ନାହିଁ। ଆପଣ ମଧ୍ୟ କାଲି ଅଧ୍ୟକ୍ଷ ହେବେ।“
ରେଭେନ୍‌ଶାରେ ପଢ଼ିଲାବେଳେ ବନ୍ଧୁଜଣକ କ୍ୟାଣ୍ଟନମେଣ୍ଟ ରୋଡ଼ରେ ରହୁଥିବା ଜଣେ ସହପାଠୀ ଘରକୁ ଗଲେ। ବାପା ତାଙ୍କର ଜଣେ ବରିଷ୍ଠ ଉଚ୍ଚପଦସ୍ଥ ଅଫିସର। ଅଫିସ୍‌ ଯିବା ସମୟ ଉପନୀତ। ଅଫିସର-ପିତା କୁହାଟ ଛାଡ଼ିଲେ, ”...ବେ ଗାଡ଼ି ବାହାର କଲୁଣି? ...ଶ... ଏମାନଙ୍କ ଯାବତୀୟ ନଖରାମି।“ ହଠାତ୍‌ ଏକ ଭିନ୍ନ ଦୃଶ୍ୟ ଦେଖାଗଲା। ଡ୍ରାଇଭର ଜଣକ ନମ୍ରତା ସହ ମର୍ଯ୍ୟାଦାପୂର୍ଣ୍ଣ ଭାବରେ ପ୍ରତିବାଦ କରି କହିଲା, ”ମୁଁ ଜଣେ ସରକାରୀ କର୍ମଚାରୀ, ମୋର ଯଦି କର୍ତ୍ତବ୍ୟରେ ଅବହେଳା ରହୁଛି, ଆପଣ ମୋତେ ବଦଳି କରିଦିଅନ୍ତୁ, ସସ୍‌ପେଣ୍ଡ କରନ୍ତୁ, ବହିଷ୍କାର ପାଇଁ ସରକାରଙ୍କୁ ଲେଖନ୍ତୁ, କିନ୍ତୁ ବେ, ବା, ଶ... କହି ମୋତେ ନିର୍ଯ୍ୟାତିତ କରନ୍ତୁ ନାହିଁ।“ ହଠାତ୍‌ ବିଚିତ୍ର ଏକ ଉକ୍ତି ଶୁଣିବାକୁ ମିଳିଲା। ଅଫିସର ଜଣକ କହିଲେ, ”ଓହୋ, ବେ...ଶ... କହିଲେ ତୋତେ ବାଧୁଚି? ଏତେ ଯଦି ବାଧୁଚି ତୁ ମୋତେ ଶ... କହୁନୁ? ହିସାବ ବରାବର। ଶ...“। ବନ୍ଧୁ ଏ କଥା ବର୍ଣ୍ଣନା କଲାବେଳେ ଅଫିସର ନନ୍ଦନର ସଫେଇ ମଧ୍ୟ ଶୁଣେଇଥିଲେ। ସେ କୁଆଡ଼େ କହିଥିଲା, ”ବାପାଙ୍କର ଏ ପ୍ରକାର କଥାବାର୍ତ୍ତା ଏକ ବୃତ୍ତିଗତ ବିପତ୍ତି। ସେ ଯେଉଁ ଚାକିରି ତଥା ପଦବୀରେ ଅଛନ୍ତି, ଏହି ପ୍ରକାର ଭାଷା କାମ କରେ। ଏହି ଭାଷା ହିଁ ବୁଝିବା ଲୋକ ବୁଝନ୍ତି।“
ବୃତ୍ତିଗତ ସୁବିଧା ଅସୁବିଧାକୁ ନେଇ ମଣିଷର ବ୍ୟବହାରଗତ ଅସ୍ବାଭାବିକତା ଯଦି କର୍ମକ୍ଷେତ୍ର ଭିତରେ ସୀମିତ ରହନ୍ତା, ତା’ହେଲେ ଏତେ ବେଶି ଅସୁବିଧା ହୁଅନ୍ତା ନାହିଁ। ବିଡ଼ମ୍ବନାର କଥା ଅଧିକାଂଶ କ୍ଷେତ୍ରରେ ବୃତ୍ତି ମଣିଷର ଦୈନନ୍ଦିନ ଚାଲିଚଳଣି, କଥାବାର୍ତ୍ତା, ବେଶଭୂଷାକୁ ନକାରାତ୍ମକ ଭାବେ ପ୍ରଭାବିତ କରେ। ଓକିଲ ଜଣଙ୍କର କଥାବାର୍ତ୍ତା ଜଣେ ସାଧାରଣ ଲୋକଙ୍କୁ ପେଞ୍ଚୁଆ ଶୁଭେ, ଡାକ୍ତର ଜଣକ ସବୁକଥାରେ ସ୍ବାସ୍ଥ୍ୟଗତ ବିପତ୍ତିର ସତର୍କବାଣୀ ଶୁଣାନ୍ତି, ଶିକ୍ଷକ ଜଣକ ଉପଦେଶ ଦେବାରେ ବ୍ୟସ୍ତ ଏବଂ ୟା ଭିତରେ କେତେ ସମୟ ବିତିଗଲାଣି ସେ ବିଷୟରେ ସେ ସଚେତନ ନୁହନ୍ତି, କାରଣ ସେ ପରା କ୍ଲାସ୍‌ଟି ନେଉଛନ୍ତି! ଇଞ୍ଜିନିୟର ଜଣକ ଯୋଜନା, ଅଟକଳ, ଟେଣ୍ଡର ଓ କାର୍ଯ୍ୟାଦେଶ ଭିତରେ ସୀମାବଦ୍ଧ।
ଅଫିସକୁ ଘର ଭିତରକୁ, ଜୀବନ ଭିତରକୁ ଟାଣିଆଣିଲେ ଏହି ପ୍ରକାର ବିଭିନ୍ନ ବିଲକ୍ଷଣ ପରିଲକ୍ଷିତ ହୁଏ। ଏହାର ମୂଳକାରଣ ଆମ ଅଧିକାଂଶ ବୃତ୍ତିଧାରୀଙ୍କ ବୃତ୍ତିବାହାର କିଛି ଅର୍ଥପୂର୍ଣ୍ଣ ଅନ୍ବେଷା ନାହିଁ। ଆମେ ଘରେ ଅବା କାର୍ଯ୍ୟକ୍ଷେତ୍ରରେ ଆମ ବୃତ୍ତି ଦ୍ୱାରା କ୍ରୁଶବିଦ୍ଧ। ବୃତ୍ତିର ପରିସୀମା ବାହାରକୁ ଯାଇ ଅନ୍ୟ କିଛି ହିତକର ସାଧନାରେ ମନୋନିବେଶ କରିବା ଆମ ଚିନ୍ତାର ବାହାରେ। ଆମେ ଆନ୍ତଃ-ବୃତ୍ତି ବିଷୟକ ଚିନ୍ତା କେବେ ମନକୁ ଆଣୁନୁ ବା ଏକ ବୃତ୍ତି ଛାଡ଼ି ଅଧିକ ଆହ୍ବାନ ବା ନୂତନତାଭରା ଭିନ୍ନ ଏକ ବୃତ୍ତି ଆପଣେଇବା କଥା ଭାବୁନୁ। ଥରେ ଗୋଟିଏ ବୃତ୍ତିରେ ପଶିଗଲେ ସେହି ବୃତ୍ତିର ଶଗଡ଼ଗୁଳାରେ ଚାଲି ଆମେ ଆନନ୍ଦ ପାଉ, ନିରାପଦ ମଧ୍ୟ ମଣୁ। ଆମ ପାଇଁ ବ୍ୟକ୍ତିଗତ, ଆର୍ଥିକ ନିରାପତ୍ତା ଗୁରୁତ୍ୱପୂର୍ଣ୍ଣ। ନିଜ ଜୀବନର ପରିପୂର୍ଣ୍ଣତା, ସାମାଜିକ ଲାଭ ଗୁରୁତ୍ୱପୂର୍ଣ୍ଣ ନୁହେଁ। ସେ ଦୃଷ୍ଟିରୁ ଦେଖିଲେ ଭାରତବର୍ଷର ଅଧିକାଂଶ ବୃତ୍ତିଧାରୀ ଜଣେ ଜଣେ ଅପୂର୍ଣ୍ଣାଙ୍ଗ ମଣିଷ। ମନେପଡ଼େ ମୋର ଶିକ୍ଷକ ଡ. ମନ୍ମଥ କୁଣ୍ଡୁଙ୍କ କଥା। ସେ ତାଙ୍କର ବିଦେଶୀ ବନ୍ଧୁଙ୍କ କଥା କହୁଥିଲେ। ପ୍ରଥମ ଦଫାରେ ସେ ଥିଲେ ଜଣେ ବିଶ୍ୱବିଦ୍ୟାଳୟର ଅଧ୍ୟାପକ, ଦ୍ୱିତୀୟ ପର୍ଯ୍ୟାୟରେ ଲଣ୍ଡନ ପୋଷ୍ଟ ଅଫିସର ଜଣେ କର୍ମଚାରୀ, ତୃତୀୟ ପର୍ଯ୍ୟାୟରେ ଲଣ୍ଡନ ବାହାରେ ଥିବା ନିଜ ଜମିର ଜଣେ କୃଷକ। ଏ ପ୍ରକାର ଜୀବନରେ ଯେତେ ଅସୁବିଧା ଅଛି, ଅନୁଭୂତିର ବୈଚିତ୍ର୍ୟ ଜୀବନକୁ ସେତିକି ସମୃଦ୍ଧ କରିବାର ସମ୍ଭାବନା ମଧ୍ୟ ଅଛି। ଖାଲି ନିଜ ପାଇଁ ନୁହେଁ, ନିଜ ପରିବାରବର୍ଗ ମଧ୍ୟ ଏହି ବିଭିନ୍ନତାର ସ୍ବାଦ ତଥା ଅନୁଭୂତିରୁ ଲାଭବାନ ହୁଅନ୍ତେ। ଭାରତବର୍ଷରେ ବିଶେଷତଃ ଓଡ଼ିଶାରେ ବୃତ୍ତି ପରିବର୍ତ୍ତନ ତ ଦୂରର କଥା, ଗୋଟିଏ ବୃତ୍ତିରେ ରହି ଗୋଟିଏ ସ୍ଥାନକୁ କେନ୍ଦ୍ରକରି କିପରି ବୁଲିହେବ ତାହା ହିଁ ମୂଳଚିନ୍ତା, ଯଦ୍ଦ୍ବାରା ପରିବାରର ସଦସ୍ୟମାନେ ଓଡି଼ଶାର ଅନ୍ୟ ସ୍ଥାନମାନ ଯେ ଅଛି ଏବଂ ସେଠିକାର ଭୌଗୋଳିକ, ସାଂସ୍କୃତିକ, ସାମାଜିକ ସ୍ଥିତି ଯେ ବେଶ୍‌ ଭିନ୍ନ ତଥା ଅନୁକରଣୀୟ ଏ କଥା ଜାଣିପାରନ୍ତି ନାହିଁ। ସେମାନେ ଓଡ଼ିଆ ହୋଇ ବି ଓଡ଼ିଶା ପାଇଁ ଜଣେ ଜଣେ ପର୍ଯ୍ୟଟକ ହୋଇ ରହିଯାଆନ୍ତି।
ଯେଉଁମାନେ ବୃତ୍ତି ପରିବର୍ତ୍ତନରେ ରୁଚି ରଖନ୍ତି ନାହିଁ, ସେମାନେ ବୃତ୍ତିଗତ ବିପତ୍ତି ଭିତରେ ଲୁଚି ରହିଥିବା ଆହ୍ବାନକୁ ଆବିଷ୍କାର କରି ନିଜ ଜୀବନକୁ ଅଧିକ ସମୃଦ୍ଧ କରିପାରିବେ ଏବଂ ସମାଜ ପାଇଁ ଉଦାହରଣ ହୋଇପାରିବେ। ପ୍ରସଙ୍ଗତଃ ଉଲ୍ଲେଖଯୋଗ୍ୟ ଯେ, ଭାରତବର୍ଷର ପ୍ରଥମ ମହିଳା ଆଇପିଏସ୍‌ ଅଫିସର ଡ. କିରଣ ବେଦୀଙ୍କ କଥା। ଦିଲ୍ଲୀସ୍ଥ ତିହାର ଜେଲକୁ ହୋଇଥିବା ତାଙ୍କର ଶାସ୍ତିମୂଳକ ବଦଳିକୁ ଏକ ଆହ୍ବାନ, ଏକ ସୁଯୋଗ ହିସାବରେ ନେଇ ଏକଦା ତିହାର ଜେଲକୁ ସେ ତିହାର ଆଶ୍ରମରେ ପରିଣତ କରିଦେଇଥିଲେ। କୌତୁକର କଥା ଏହି ‘ଶାସ୍ତି’ ହିଁ ତାଙ୍କୁ ‘ମାଗାସେସେ’ ପୁରସ୍କାର ପାଇବା ପାଇଁ ସହାୟକ ହୋଇଥିଲା।
(ମୋ-୯୪୩୭୩୭୬୨୧୯)

All Right Reserved By

ସମ୍ପାଦକୀୟ |

ହିସାବରେ ଅତିକ୍ରମ

ହିସାବରେ ଅତିକ୍ରମ

ତଥାଗତ ସତପଥୀ: ବିଶ୍ୱ ବ୍ୟାଙ୍କ ରିପୋର୍ଟ ୨୦୧୭ ଅନୁଯାୟୀ ମୋଟ ଘରୋଇ ଉତ୍ପାଦ(ଜିଡିପି) ଦୃଷ୍ଟିକୋଣରୁ ଫ୍ରାନ୍ସକୁ ଅତିକ୍ରମ କରି ଭାରତ ବିଶ୍ୱର ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଲାଭ କରିଛି। ଆମେରିକା ସର୍ବବୃହତ୍‌ ଅର୍ଥନୀତିର ଟ୍ୟାଗ୍‌କୁ ବଜାୟ ରଖିଥିବା ବେଳେ ତା’ ପଛକୁ ଚାଇନା, ଜାପାନ, ଜର୍ମାନୀ ଏବଂ ବ୍ରିଟେନ୍‌ ରହିଛନ୍ତି। ରିପୋର୍ଟ କହେ, ଫ୍ରାନ୍ସର ଜିଡିପି ୨.୫୮୨ ଟ୍ରିଲିୟନ୍‌ ଡଲାର ଥିବାବେଳେ ଭାରତର ରହିଛି ୨.୫୯୭ ଟ୍ରିଲିୟନ୍‌ ଡଲାର। ଏହି ୧୫ ଟ୍ରିଲିୟନ ଡଲାର ପାର୍ଥକ୍ୟକୁ କୌଣସି ଭାବେ ଗୌଣ କରାଯିବା ଉଚିତ ନୁହେଁ। ବାସ୍ତବରେ ଭାରତୀୟଙ୍କ ପାଇଁ ଏହା କିପରି ଗୁରୁତ୍ୱ ବହନ କରୁଛି, ତାହା ବର୍ତ୍ତମାନ ପ୍ରଶ୍ନବାଚୀ ସୃଷ୍ଟି କରିଛିି। ସଂଖ୍ୟା ହିସାବକୁ ନିଆଗଲେ ଷଷ୍ଠ ବୃହତ୍‌ ଅର୍ଥନୀତି ହେଲେ ସୁଦ୍ଧା ଭାରତକୁ ଆହୁରି ଅନେକ ମାଇଲଖୁଣ୍ଟ ଅତିକ୍ରମ କରିବାକୁ ପଡ଼ିିବ ବୋଲି ନୀତି ଆୟୋଗ ଉପାଧ୍ୟକ୍ଷ ରାଜୀବ କୁମାର କହିଛନ୍ତି। ଷଷ୍ଠ ବୃହତ୍‌ ଅର୍ଥନୀତିର ମାନ୍ୟତା ଆଶା ବାହାରେ ନୁହେଁ, ମାତ୍ର ଦେଶର ମୁଣ୍ଡପିଛା ଆୟ ଚିନ୍ତାର ବିଷୟ ବୋଲି ସେ ମତବ୍ୟକ୍ତ କରିଛନ୍ତି। କାରଣ ଫ୍ରାନ୍ସରେ ଏହା ୪୩,୭୨୦ ଡଲାର ହୋଇଥିବାବେଳେ ଭାରତରେ ମାତ୍ର ୭,୦୬୦ ଡଲାର ରହିଛି।...

ମଦ୍ୟପାନ: ନକଲ ଓ ଅକଲ

ମଦ୍ୟପାନ: ନକଲ ଓ ଅକଲ

ଡ. ରମେଶ ଚନ୍ଦ୍ର ପରିଡ଼ା: କଥାରେ କହନ୍ତି ”ନକଲରେ ଅକଲ“ ନ ଥାଏ। ଏଠାରେ ନକଲ କହିଲେ ବୁଝାଏ ଅନ୍ଧ ଅନୁକରଣକୁ। ଏଭଳି କରିବା ନିର୍ବୋଧତାର ପରିଚୟ ଦିଏ। ତେବେ ଆମେ ଅନେକେ ଅଧିକାଂଶ ସମୟରେ ତାହା କରୁ। ବଡ ବୋଲି ଭାବୁଥିବା କୌଣସି ଲୋକର ବାହ୍ୟ ଚାକଚକ୍ୟ ଦେଖି ତାକୁ ନକଲ କରୁ, ତାହାର ଭଲମନ୍ଦ ବିଚାର ନ କରି। ଆମ ସମାଜରେ ମଦ୍ୟପାନର ପ୍ରସାର ଘଟିଛି ଏବଂ ଘଟୁଛି ସେହିଭଳି କାରଣରୁ। ପ୍ରଥମେ ଆଭିଜାତ୍ୟରେ ବିଦେଶୀ ଶାସକଙ୍କ ସମକକ୍ଷ ହେବା ଲାଗି ଆମ ସମାଜର ତଥାକଥିତ ଉଚ୍ଚବର୍ଗର ଲୋକେ ତାଙ୍କୁ ଏଥିରେ ଅନୁକରଣ କଲେ। ଏବେ ତ ଆମେ ସମସ୍ତେ ନିଜକୁ ଆଭିଜାତ୍ୟସମ୍ପନ୍ନ ବୋଲି ଉପସ୍ଥାପିତ କରିବାରେ ବ୍ୟସ୍ତ। ସେଇଥିପାଇଁ ଏହା ବଢୁଛି। ପୁନଶ୍ଚ ଆଗେ ଆମେ ମଦ୍ୟପାନ କରୁଥିବା ଲୋକଙ୍କୁ ଘୃଣା କରୁଥିଲୁ। ଆଜିକାଲି ତାହା ନାହିଁ। ପକ୍ଷାନ୍ତରେ, ଆମ ଦୃଷ୍ଟିରେ ସେଲିବ୍ରିଟି ହୋଇଥିବା ବର୍ଗର ଲୋକଙ୍କ ଜୀବନଧାରାର ଏହା ଏକ ଅବିଚ୍ଛେଦ୍ୟ ଅଙ୍ଗ। ଆମେ ବି ତାଙ୍କୁ ନକଲ କରି ନିଜର ଗୁରୁତ୍ୱ ବଢାଇବାରେ ବ୍ୟସ୍ତ। ଏଥିପାଇଁ ଅକଲର ଦରକାର ପଡୁନାହିଁ।...

କାଳିଆ, ତୁ’ ସତରେ କାହାର

କାଳିଆ, ତୁ’ ସତରେ କାହାର

ଡ. ନରହରି ବେହେରା: ମୁଁ ଏଇଠି ଠିଆ ହେଇଚିରେ କାଳିଆ! ବଅସ ହଟିଲାଣି, ଆଖିକି ଭଲ ଦୁଶୁନି, ତଥାପି ତୋତେ ଦେଖିବି ବୋଲି ଦୌଡ଼ି ଆସିଛି। ହେଲେ ମୁଁ ତୋ ପାଖକୁ ଯାଇପାରୁନି। ମୁଁ ନ ଯାଇପାରିଲେ କ’ଣ ହେଲା, ତୁ କ’ଣ ମୋ ପାଖକୁ ଟିକିଏ ଆସିବୁନି? ନିଶ୍ଚୟ ଆସିବୁ। ହେଇ ତୁ ତ ରଥରେ ବସିଲୁଣି। ତୋର ସେଇ ଚକା ଚକା ଆଖି ଦି’ଟା ଦିଶିଲାଣି। ଆରେ, ମୋ ଆଡ଼େ ଟିକିଏ ନ ଚାହିଁ ସିଧା ସିଧା କୁଆଡ଼େ ପଳାଇ ଯାଉଛୁ, ମୋ ଆଖିର ଲୁହ ତୋତେ କ’ଣ ଦେଖାଯାଉନି? ଏ ବୁଢ଼ୀଟା ତୋତେ ବିକଳରେ ଚାହିଁଛି, ତୋ ହୃଦୟ ତରଳି ଯାଉନି? ହଁ ମୁଁ ବି ବାୟାଣୀ ହେଇଗଲିଣି। ତୁ କେତେବେଳେ କାହାର ଥିଲୁ ଯେ, ଆଜି ମୋର ହବୁ? ତୁ ତ ନଟନାଗର, ହଟିଆ କଳାକାର। ତୁ ଯାହାକୁ ଚାହିଁବୁ ତା’ ପାଖକୁ ଯିବୁ, ତୋତେ ଯିଏ ଯେତେ ଚାହିଁଲେ ବି ଯିବୁନି।...

ଏଇ ଭାରତରେ

ଏଇ ଭାରତରେ

ନିଜେ ପରିଷ୍କାର ରହିବା ସହିତ ପରିବେଶକୁ ନିର୍ମଳ ରଖିବା ଲାଗି ଆମ ଦେଶରେ କିଏ କେତେ ପ୍ରକାର ଉଦ୍ୟମ କରୁଛନ୍ତି। ଏହି ଉଦ୍ୟମର ଅଂଶ ସ୍ବରୂପ ଅହମଦାବାଦ୍‌ ମହାନଗର ନିଗମ (ଏଏମ୍‌ସି) ଅଧୀନରେ ଥିବା ପ୍ରାଥମିକ ସ୍କୁଲ୍‌ ପିଲାମାନଙ୍କର ମାସକୁ ଥରେ ମାଗଣା କେଶ କଟାଯିବ। ଏହା ‘ସ୍ବଚ୍ଛତା ଆଡକୁ ପାଦେ’ କାର୍ଯ୍ୟକ୍ରମର ଅଂଶବିଶେଷ। ଏଥିପାଇଁ ନିଗମ ଏକ ସ୍ବେଚ୍ଛାସେବୀ ସଂଗଠନ (ଇଣ୍ଟରନ୍ୟାଶନାଲ୍‌ ସ୍କୁଲ୍‌ ଅଫ୍‌ ଆସ୍‌ଥେଟିକ୍ସ ଆଣ୍ଡ୍‌ ସ୍ପା) ସହିତ ଚୁକ୍ତି ସ୍ବାକ୍ଷର କରିଛି।...

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ପାକିସ୍ତାନର ପରବର୍ତ୍ତୀ ତ୍ରାଣକର୍ତ୍ତା

ଆକାର ପଟେଲ ପାକିସ୍ତାନ ଅପେକ୍ଷା କରିଛି ତା’ର ପରବର୍ତ୍ତୀ ତ୍ରାଣକର୍ତ୍ତା ଦ୍ରୁତ ବୋଲର ଇମ୍ରାନ୍‌ ଖାନ୍‌ଙ୍କୁ, ଯିଏ କି ଚଳିତ ମାସରେ ହେବାକୁ ଯାଉଥିବା ନିର୍ବାଚନରେ ଜିତି ପ୍ରଧାନମନ୍ତ୍ରୀ ହେବାର ଯଥେଷ୍ଟ ସମ୍ଭାବନା ରହିଛି। ଦେଶର ସେନା ତଥା ପ୍ରଭାବଶାଳୀ ଅମଲାତନ୍ତ୍ରୀମାନେ ତାଙ୍କୁ ସମର୍ଥନ କରୁଥିବା ବେଳେ ଗଣମାଧ୍ୟମରେ ଏପରି ଖବର ପ୍ରକାଶ ପାଉଛି। କଶ୍ମୀରୀ ମୂଳ ପଞ୍ଜାବୀ ନେତା ନଓ୍ବାଜ ଶରିଫ ଗିରଫ ହୋଇ ଜେଲ ଯିବା ଏ ଦିଗରେ ଅନ୍ତିମ ପଦକ୍ଷେପ। ଖାନ୍‌ଙ୍କ ଦଳ ତେହରିକ୍‌ ଇ ଇନ୍‌ସାଫ ଖାଇବର ପାଖତୁନ୍‌ଖ୍ବା ଅଞ୍ଚଳରେ ମଜଭୁତ ଥିବା ବେଳେ ଶରିଫଙ୍କ ଦଳ ମଧ୍ୟ ଏ ଅଞ୍ଚଳରେ ବେଶ୍‌ ଶକ୍ତିଶାଳୀ ରହିଛି। ଦୁର୍ନୀତି ଓ ବିପୁଳ ସମ୍ପତ୍ତି ଠୁଳ ଅଭିଯୋଗରେ ଦୋଷୀ ସାବ୍ୟସ୍ତ ହୋଇ ଶରିଫ ଯଦି ଜେଲ ଯାଇ ନ ଥାନ୍ତେ ତେବେ ଗଣତାନ୍ତ୍ରିକ ଭାବେ ସଫଳତା ପାଇବା ଖାନ୍‌ଙ୍କ ...

ସେଇ ଆଖି ଦିଓଟି

ସେଇ ଆଖି ଦିଓଟି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ ବଡ ରହସ୍ୟମୟ ସେଇ ଆଖି ଦିଓଟି। ବିଶ୍ୱାସ ଓ ବିଜ୍ଞାନର ଦ୍ୱନ୍ଦ୍ୱ ମଧ୍ୟରେ ସେଇ ଆଖି ଦିଓଟିର ଆକର୍ଷଣ ଯେମିତି ଅଭିନବ, ସେମିତି ଅବୋଧ୍ୟ। କାଳ କାଳ ଧରି ଏହା ଆକର୍ଷିତ କରିଆସିଛି ବିଶ୍ୱର ଅଗଣିତ ମଣିଷଙ୍କୁ। ଜାତି, ଧର୍ମ, ବର୍ଣ୍ଣ, ଲିଙ୍ଗ ବା ବୟସ ନିର୍ବିଶେଷରେ ବିମୋହିତ କରିଛି ମୂର୍ଖଙ୍କଠାରୁ ପଣ୍ଡିତଙ୍କ ଯାଏଁ, ଧନୀଙ୍କଠୁ ନିର୍ଦ୍ଧନଙ୍କ ପର୍ଯ୍ୟନ୍ତ। ସେଇ ଆଖି ଦିଓଟି ସହ ନିଜ ନିଜର ଆଖି ମିଶାଇବା ପୂର୍ବରୁ ଅବଶ୍ୟ ଅଭିଳାଷରେ ଅତିଷ୍ଠ ହୋଇଛନ୍ତି ସଭିଏଁ ଓ ଚାରିଚକ୍ଷୁର ମିଳନ ପରେ ଅମୃତମୟ ଅନୁଭବରେ ବିଭୋର ହୋଇଛନ୍ତି ସମସ୍ତେ।...

ଅନନ୍ୟ ବିଚାରକ

ଅନନ୍ୟ ବିଚାରକ

ବ୍ୟକ୍ତିତ୍ୱ/ଜିତେନ୍ଦ୍ର ବିଶିଷ୍ଟ ସ୍ଥପତି ରଘୁନାଥ ମହାପାତ୍ର, ଶାସ୍ତ୍ରୀୟ ଶିଳ୍ପୀ ସୋନାଲ ମାନ୍‌ସିଂ, ପୂର୍ବତନ ଏମ୍‌ପି ରାମ ଶକଲ ଏବଂ ରାଷ୍ଟ୍ରୀୟ ସ୍ବୟଂସେବକ ସଂଘ (ଆର୍‌ଏସ୍‌ଏସ୍‌) ବିଚାରକ ତଥା ଦିଲ୍ଲୀ ବିଶ୍ୱବିଦ୍ୟାଳୟ ପ୍ରଫେସର ରାକେଶ ସିହ୍ନାଙ୍କୁ ୨୦୧୮ ଜୁଲାଇ ୧୪ରେ ରାଷ୍ଟ୍ରପତି ରାମନାଥ କୋବିନ୍ଦ ରାଜ୍ୟ ସଭାକୁ ମନୋନୀତ କରିଛନ୍ତି। ପ୍ରତ୍ୟେକ ନିଜ କ୍ଷେତ୍ରରେ ଉତ୍ତମ ପାରଦର୍ଶିତା ଦେଖାଇ ସାରିଛନ୍ତି। ତେବେ ବିଚାରଗତ ଆଦର୍ଶ ଓ ଶିକ୍ଷା କ୍ଷେତ୍ରରେ ଉତ୍କର୍ଷ ଲାଭ କରି ଚର୍ଚ୍ଚିତ ...

ଏଇ ଭାରତରେ

ଏଇ ଭାରତରେ

ସରକାରୀ ସ୍କୁଲର କେତେକ ଛାତ୍ର ଘରୋଇ ସ୍କୁଲ୍‌ମୁହଁା ହେଉଥିବା ବେଳେ ସେମାନଙ୍କୁ ଏଥିରୁ ନିବୃତ୍ତ କରିବା ପାଇଁ ବିଭାଗୀୟ କର୍ତ୍ତୃପକ୍ଷ ଏକ ଅଭିନବ ଉପାୟ ଆପଣାଇଛନ୍ତି। କର୍ନାଟକସ୍ଥିତ ମହୀଶୂର ଜିଲାର ନାଞ୍ଜାନଗୁଡ ତାଲୁକ ଅଧୀନ ଏକ ସରକାରୀ ସ୍କୁଲ କାନ୍ଥକୁ ଟ୍ରେନ୍‌ ଭଳି ଚିତ୍ରିତ କରାଯାଇଛି। ଏହାକୁ ଏକ ନୂଆ ରୂପ ଦେବାଦ୍ୱାରା ପିଲା ଓ ଅଭିଭାବକଙ୍କ ଦୃଷ୍ଟିଭଙ୍ଗୀ ବଦଳିଯିବ ବୋଲି ବ୍ଲକ୍‌ ଶିକ୍ଷା ଅଧିକାରୀ ଏମ୍‌. ନାରାୟଣ ପ୍ରକାଶ କରିଛନ୍ତି। ପ୍ରଥମରୁ ...

ବିହାରକୁ ରାସ୍ତା

ବିହାରକୁ ରାସ୍ତା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜାତୀୟ ରାଜପଥ ପ୍ରାଧିକରଣ (ଏନ୍‌ଏଚ୍‌ଏଆଇ)ର ଅଧ୍ୟକ୍ଷ ଥିବା ବିହାର କ୍ୟାଡର ଆଇଏଏସ୍‌ ଅଫିସର ଦୀପକ କୁମାରଙ୍କ ଡେପୁଟେଶନ ଅବଧି ପୂରା ହୋଇ ନ ଥିବାବେଳେ ତାଙ୍କୁ ନିଜ ରାଜ୍ୟ ବିହାରର ରାସ୍ତା ଦେଖାଇ ଦିଆଯିବା ଘଟଣାକୁ ନେଇ ଅନେକଙ୍କ ମନରେ ସନ୍ଦେହ ସୃଷ୍ଟି ହୋଇଛି ଯେ, ତାଙ୍କୁ ହୁଏତ ରାଜ୍ୟର ପରବର୍ତ୍ତୀ ମୁଖ୍ୟ ଶାସନ ସଚିବ କରାଯାଇପାରେ। ରାଜପଥଗୁଡ଼ିକୁ ନିଲାମ କରି ସେଥିରୁ ଟଙ୍କା ଛାଣିବାରେ ଏନ୍‌ଏଚ୍‌ଏଆଇ ବ୍ୟସ୍ତ ଥିବାବେଳେ ଦୀପକ କୁମାରଙ୍କ ବିଦାୟ ଏକ ଗୁରୁତ୍ୱପୂର୍ଣ୍ଣ ଘଟଣା। ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ୍‌ ଗଡ଼କରୀ ପୂର୍ବରୁ କହିଥିଲେ ଯେ, ବିଭିନ୍ନ ପର୍ଯ୍ୟାୟରେ କେନ୍ଦ୍ର ସରକାର ୧୦୫ଟି ରାଜପଥକୁ ଟୋଲ ଫି ପାଇଁ ନିଲାମ କରିବା ମାଧ୍ୟମରେ ଟଙ୍କା ଆଦାୟ କରିବେ, ଯେଉଁଥିରୁ ଦେଢ଼ଲକ୍ଷ କୋଟି ଟଙ୍କା ଆଦାୟ ...

ଘୋଷଯାତ୍ରାର ଉଦ୍‌ଘୋଷଣ

ଘୋଷଯାତ୍ରାର ଉଦ୍‌ଘୋଷଣ

ଡ. ପ୍ରଫୁଲ୍ଲ କୁମାର ସାହୁ ମହାପ୍ରଭୁ ଶ୍ରୀଜଗନ୍ନାଥ ଓଡ଼ିଆ ଜାତିର ଆରାଧ୍ୟ ଦେବତା। ସେ ଏ ଜାତିର ସାଂସ୍କୃତିକ ଓ ରାଜନୈତିକ ଚିନ୍ତନର ସର୍ବମୟ କର୍ତ୍ତା। ଜନ୍ମଠାରୁ ମୃତ୍ୟୁ ପର୍ଯ୍ୟନ୍ତ ପ୍ରତିଟି ସ୍ତରରେ, ପ୍ରତିଟି କାର୍ଯ୍ୟରେ ଓଡ଼ିଆ ଜାତି ଶ୍ରୀଜଗନ୍ନାଥଙ୍କୁ ଆଶ୍ରା କରିଛି ଏବଂ ତାଙ୍କରି ନାମରେ ନିଜକୁ ପରିଚିତ କରେଇଛି ବିଶ୍ୱ ଦରବାରରେ। ସେଥିପାଇଁ ଶ୍ରୀଜଗନ୍ନାଥଙ୍କୁ କେନ୍ଦ୍ରକରି କେଉଁ ସ୍ମରଣାତୀତ କାଳରୁ ଓଡ଼ିଶାର ଜନଜୀବନରେ ପ୍ରବାହିତ ହୋଇଛି ଏକ ସମନ୍ବୟାତ୍ମକ ସାଂସ୍କୃତିକ ସ୍ରୋତ। ଏ ସ୍ରୋତରେ ସମ୍ମିଳିତ ହୋଇଛି ମାନବ ସମାଜର ସଞ୍ଚତ୍ତ ଓ ପରୀକ୍ଷିତ ସକଳ ଦର୍ଶନତତ୍ତ୍ୱ। ସେ ତତ୍ତ୍ୱ କିନ୍ତୁ କୌଣସି ଦାର୍ଶନିକ ପ୍ରଜ୍ଞା ନୁହେଁ, ବରଂ ବ୍ୟକ୍ତି ତଥା ସମାଜ ଜୀବନର ଏକ ଦୃଷ୍ଟିକୋଣ; ଏକ ସାଂସ୍କୃତିକ ଅକଲବନ୍ଦୀ। ତା’ର ଉଦାର ଓ ମହାନ ଅନ୍ତଃପ୍ରେରଣାରେ ରହିଛି ମାନବଜାତିର ଜୀବନଚର୍ଯ୍ୟାକୁ ସରସ, ସୁନ୍ଦର ଓ ସୃଜନଶୀଳ କରି ଗଢିତୋଳିବା ନିମନ୍ତେ ଲୋକଶିକ୍ଷାର ବିସ୍ତୃତ ଅବତାରଣା।...

ଉତ୍କଳଘଣ୍ଟ କବି ଯଦୁମଣି

ଉତ୍କଳଘଣ୍ଟ କବି ଯଦୁମଣି

ଡ. ଉଦ୍ଧବ ଚରଣ ନାୟକ ଓଡିଶାରେ ଯଦୁମଣିଙ୍କୁ କିଏ ନ ଜାଣେ? ତାଙ୍କର ପୂରା ନାମ ଯଦୁମଣି ମହାପାତ୍ର। ସେ ଯେପରି ହାସ୍ୟରସିକ ଥିଲେ ସେହିପରି ଥିଲେ ଜଣେ ମହାନ୍‌ ଭକ୍ତକବି। ତାଙ୍କ ହାସ୍ୟରସିକତା ଥିଲା ବିଭୁଦତ୍ତ। ଷୋଳବର୍ଷ ବୟସରେ କବି ହେବାର ବାସନା ଜାଗ୍ରତ ହେଲା। ଗୁରୁଙ୍କ ଆଦେଶରେ ସେ କବିତ୍ୱ ଲାଭ କରିବା ପାଇଁ ଘୁମୁସର ରାଜ୍ୟ ବିଷ୍ଣୁଚକ୍ର ଗ୍ରାମର ପଞ୍ଚମୁଖ ଭଗବାନ କବିରାଜ ବାହିନୀପତିଙ୍କ ପାଖରେ ପହଞ୍ଚିଲେ। କବିରାଜେ ଦେଖିଲେ ପିଲାଟା ବ୍ରାହ୍ମଣ କୁଳରେ ଜନ୍ମ ନ ହେଲେ ମଧ୍ୟ ସଂସ୍କୃତ ଭାଷାରେ ଗଭୀର ଜ୍ଞାନ ଅର୍ଜନ କରିଛି। ଏଣୁ ସେ ଯଦୁମଣିଙ୍କ ମନସ୍କାମନା ପୂରଣ ନିମନ୍ତେ ଭଗବାନ ହୟଗ୍ରୀବଙ୍କ ପୂଜାକରି ହୟଗ୍ରୀବ ମନ୍ତ୍ରସାଧନା ନିମନ୍ତେ ଆଦେଶ ଦେଲେ। ...

ଏଇ ଭାରତରେ

ଏଇ ଭାରତରେ

ଗାଈ ଓ ବାଘ ମଧ୍ୟରେ ଖାଦ୍ୟ-ଖାଦକ ସମ୍ପର୍କ। ଗାଈ ତୃଣଭୋଜୀ ପ୍ରାଣୀ। ବାଘ ମାଂସାଶୀ। ବାଘ ଜଙ୍ଗଲର ଏକ ହିଂସ୍ର ତଥା ଶିକାରୀ ପ୍ରାଣୀ। ବାଘ ଗାଈକୁ ଆକ୍ରମଣ କରିବା ସ୍ବାଭାବିକ କଥା। କିନ୍ତୁ ଗାଈ ଆକ୍ରମଣରେ ଗୋଟିଏ ଚିତାବାଘ ମୃତ୍ୟୁବରଣ କରିବା ଆଶ୍ଚର୍ଯ୍ୟଜନକ ମନେହେଲେ ମଧ୍ୟ ସତ୍ୟ। ନିକଟରେ ଔରଙ୍ଗାବାଦ୍‌ସ୍ଥିତ ଗୌତଲା ବନ୍ୟପ୍ରାଣୀ ଅଭୟାରଣ୍ୟରେ ଏପରି ଏକ ବିପରୀତ ଘଟଣା ଘଟିଛି। ସୋମବାର ସକାଳେ ଗୌତଲାର ଭାମ୍ବରଓ୍ବାଡି ଶାଇଭରଠାରେ ଗୋଟିଏ ବାଛୁରୀକୁ ଚିତାବାଘ ଆକ୍ରମଣ କରି ମାରିଦେଇଥିଲା। ଏହା ଦେଖି ପଲେ ଗାଈ ଉକ୍ତ ବାଘକୁ ଘେରିଯାଇ ଏହା ଉପରେ ପାଲଟା ...

Model This Week

ରୂପେଶ