ରାୟଗଡା

ବ୍ୟବସ୍ଥାରୁ ବଞ୍ଚିତ ହୋଇ ରହିଛନ୍ତି ମାଛକୁଣ୍ଡ ବିସ୍ଥାପିତ ପରିବାର

ବ୍ୟବସ୍ଥାରୁ ବଞ୍ଚିତ ହୋଇ ରହିଛନ୍ତି ମାଛକୁଣ୍ଡ ବିସ୍ଥାପିତ ପରିବାର
ମାଲକାନଗିରି,୩।୧(ସ୍ବ.ପ୍ର.)-ଛଅ ଦଶନ୍ଧି ତଳେ ମାଛକୁଣ୍ଡ ପ୍ରକଳ୍ପ ପାଇଁ ଅବିଭକ୍ତ କୋରାପୁଟ ଜିଲାର ଲୋକେ ଯେତେବେଳେ ବିସ୍ଥାପିତ ହେଲେ, ସେତେବେଳେ ସେମାନଙ୍କୁ ସମସ୍ତ ମୌଳିକ ସୁବିଧା ଦେବାର ସ୍ବପ୍ନ ଦେଖାଇଥିଲେ ସରକାର। କିନ୍ତୁ ଏଯାବତ୍‌ ତାହା ସ୍ବପ୍ନରେ ହିଁ ରହିଯାଇଛି। ମାଲକାନଗିରି ଜିଲାର ସୋମନାଥପୁର ପଞ୍ଚାୟତ ଅଞ୍ଚଳରେ ଥଇଥାନ ହୋଇଥିବା ସେହି ବିସ୍ଥାପିତ ପରିବାର ଦଶନ୍ଧି ଦଶନ୍ଧି ଧରି ପ୍ରଶାସନିକ ବ୍ୟବସ୍ଥାରୁ ବଞ୍ଚତ୍ତ ହୋଇ ଭୋଗି ଆସୁଛନ୍ତି ନାନାଦି ସମସ୍ୟା। ମାଲକାନଗିରି ଜିଲା ଖଇରପୁଟ ବ୍ଲକ ଅଧୀନସ୍ଥ ସୋମନାଥପୁର ପଞ୍ଚାୟତର ମୋଟ ଜନସଂଖ୍ୟା ୪,୩୭୮। ସେଥିମଧ୍ୟରୁ ୭୫ ପ୍ରତିଶତ ଆଦିବାସୀ ଏବଂ ଅବଶିଷ୍ଟ ଅନୁସୂଚିତ ଜାତି ବର୍ଗର। ୧୯୫୮ରେ ଅବିଭକ୍ତ କୋରାପୁଟ ଜିଲାର ମାଛକୁଣ୍ଡ ପ୍ରକଳ୍ପ ପାଇଁ ସେଠାରୁ ବିସ୍ଥାପିତ ହୋଇଥିବା ଅଧିବାସୀଙ୍କୁ ସୋମନାଥପୁର ସମେତ କସୁମି, ମହେଶ୍ୱରପୁର, ତର୍ଲାକୋଟା, ସଦାଶିବପୁର ଗ୍ରାମ ବସାଯାଇ ଥଇଥାନ କରାଯାଇଥିଲା। ସୋମନାଥପୁର ଗ୍ରାମରେ ୧୧୩ଟି ବିସ୍ଥାପିତ ପରିବାର ବସତି ସ୍ଥାପନ କରିଥିଲେ। ବିସ୍ଥାପନ ବେଳେ ସେମାନଙ୍କୁ ପାନୀୟ ଜଳ, ଜମିକୁ ଜଳସେଚନ, ସ୍ବାସ୍ଥ୍ୟସେବା, ଶିକ୍ଷା ଭଳି ସୁବିଧା ମିଳିବ ବୋଲି ପ୍ରତିଶ୍ରୁତି ମିଳିଥିଲା। କିନ୍ତୁ ସେସବୁ ପାଣିରର ଗାର ହୋଇଛି। ଦୀର୍ଘ ବର୍ଷ ହେବ ବିସ୍ଥାପିତ ଜନତା ମୌଳିକ ସୁବିଧା ସୁଯୋଗରୁ ବଞ୍ଚତ୍ତ ହୋଇ ରହିଛନ୍ତି। ସୋମନାଥପୁର ପଞ୍ଚାୟତ ସଦର ଗ୍ରାମ୍ୟ ରାସ୍ତାଟି ୮ ବର୍ଷ ହେଲା ମରାମତି ଅଭାବ ଯୋଗୁ ପାଦରେ ଚାଲିକରି ଯିବା ପାଇଁ ମଧ୍ୟ କଷ୍ଟକର ହୋଇପଡ଼ିଛି। ୨୦୦୪ରୁ ଗ୍ରାମରେ ପାନୀୟ ଜଳଯୋଗାଣ ପାଇଁ ପାଇପ୍‌ ବିଛା ଯାଇଥିଲେ ମଧ୍ୟ ଏହାର ସଫଳ ରୂପାୟନ ହୋଇପାରିନାହିଁ। ଏ ନେଇ ବ୍ଲକସ୍ତରରୁ ଆରମ୍ଭ କରି ଜିଲାପାଳଙ୍କ ପାଖରେ ଅଭିଯୋଗ ହୋଇଥିଲେ ମଧ୍ୟ କୌଣସି ସୁଫଳ ମିଳିନାହିଁ। ରାଙ୍ଗାମାଗୁଡା ଜଳସେଚନ ପ୍ରକଳ୍ପ ଉପରେ ଅଞ୍ଚଳବାସୀ ଆଶା ରଖିଥିଲେ। ୨୦୦୯ରୁ ଏହି ପ୍ରକଳ୍ପ ଆରମ୍ଭ ହୋଇଥିଲେ ମଧ୍ୟ ଜଙ୍ଗଲ ବିଭାଗର ଟାଳଟୁଳ ନୀତି ଯୋଗୁ ଏହା ଲୋକଙ୍କ ଚାହିଦା ମେଣ୍ଟାଇ ପାରି ନାହିଁ। ଦୋରାଗୁଡା ନାଳ, ପିଲାକୁସୁମିନାଳ, ମହେଶ୍ୱରପୁର ଝରଣା ଏବଂ ସୋମନାଥପୁର ନିକଟସ୍ଥ ରାଙ୍ଗାମା ଝରଣାକୁ ଆନିକଟ କରାଯାଇପାରିଲେ ଚିତ୍ରକୋଣ୍ଡା ନିର୍ବାଚନ ମଣ୍ଡଳୀରେ ଜଳ ସମସ୍ୟା ସହିତ ସୋମନାଥପୁର, ଚିତାପାରି-୩, ତାର୍ଲାକୋଟା ଅଞ୍ଚଳର ୧୫୦୦ ହେକ୍ଟର ଅଣ ଜଳସେଚିତ ଜମିକୁ ଜଳ ଯୋଗାଣ ହୋଇପାରିବ ବୋଲି ପଞ୍ଚାୟତବାସୀ କହିଛନ୍ତି। ସେହିପରି ସୋମନାଥପୁର ପଞ୍ଚାୟତ ହେଡ୍‌କ୍ୱାର୍ଟରରେ ଏକ ମିନି ସ୍ବାସ୍ଥ୍ୟସେବା କେନ୍ଦ୍ର ଖୋଲା ଯାଇଥିଲେ ମଧ୍ୟ ଦୀର୍ଘଦିନ ହେଲା ଏଠାରେ ସ୍ବାସ୍ଥ୍ୟକର୍ମୀ ରହୁ ନ ଥିବା ଯୋଗୁ ସ୍ବାସ୍ଥ୍ୟସେବା ବିପର୍ଯ୍ୟସ୍ତ ହୋଇପଡିଛି ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ପ୍ରଶାସନ ଏଦିଗରେ ଦୃଷ୍ଟି ଦେବାକୁ ଦାବି ହୋଇଛି।
All Right Reserved By

ରାୟଗଡା

ଗାଁକୁ ରାସ୍ତା ନାହିଁ: ଖଟିଆରେ ବୁହାହେଲେ ରୋଗୀ

ଗାଁକୁ ରାସ୍ତା ନାହିଁ: ଖଟିଆରେ ବୁହାହେଲେ ରୋଗୀ

ମାଲକାନଗିରି, ୧୯ା୧(ଡି.ଏନ୍‌.ଏ.)-ଗ୍ରାମକୁ ରାସ୍ତା ନ ଥିବାରୁ ଖଟିଆରେ ରୋଗୀ ବୁହାହେବା ଘଟଣାର ପୁନରାବୃତ୍ତି ଘଟିଛି ଆଦିବାସୀ ଅଧ୍ୟୁଷିତ ମାଲକାନଗିରି ଜିଲାରେ। ଏଭଳି ଦୃଶ୍ୟ ଦେଖିବାକୁ ମିଳିଛି ବଣ୍ଡା ସମ୍ପ୍ରଦାୟ ବାସ କରୁଥିବା ଅଣ୍ଡ୍ରାହାଲ ପଞ୍ଚାୟତର ଗୋଇଗୁଡା ଗ୍ରାମରେ। ଗାଁକୁ ରାସ୍ତା ସୁବିଧା ନ ଥିବାରୁ ଆମ୍ବୁଲାନ୍ସ ଯାଇପାରିନଥିଲା। 

ସୀତା ପାହାଡ଼ ମକର ମେଳାରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ

ସୀତା ପାହାଡ଼ ମକର ମେଳାରେ ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ

ପାରଳାଖେମୁଣ୍ଡି, ୧୯ା୧(ସ୍ବ.ପ୍ର.)- ଆନ୍ଧ୍ର-ଓଡ଼ିଶା ସୀମାନ୍ତ ଗଜପତି ଜିଲା ଗାରବନ୍ଧ ଥାନା ଅନ୍ତର୍ଗତ ସାରିଆପଲ୍ଲୀ ଗ୍ରାମ ନିକଟ ଐତିହାସିକ ଶୈବପୀଠ ମହେନ୍ଦ୍ରଗିରି ପାଦଦେଶରେ ରହିଛି ସୀତା ପାହାଡ। ମକର ସଂକ୍ରାନ୍ତି ଅବସରରେ ଏହି ପାହାଡ ଉପରେ ଦୁଇଦିନ ଧରି ମକର ମେଳା ବସିଥିଲା। ଏଥିରେ ଓଡ଼ିଶା ଓ ଆନ୍ଧ୍ରର ଲକ୍ଷାଧିକ ଶ୍ରଦ୍ଧାଳୁଙ୍କ ସମାଗମ ହୋଇଥିଲା। ଉଭୟ ରାଜ୍ୟର ଲୋକଙ୍କ ସମାଗମ ଦ୍ୱାରା ଭାଇଚାରା ଓ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇପାରୁଛି।  

ବିକାଶ ବଦଳରେ ସମସ୍ୟାକୁ ପୁଞ୍ଜି କରିଛି ପୁଞ୍ଜିସିଲ

ବିକାଶ ବଦଳରେ ସମସ୍ୟାକୁ ପୁଞ୍ଜି କରିଛି ପୁଞ୍ଜିସିଲ

କୋରାପୁଟ,।୧୯।୧(ସ୍ବ.ପ୍ର.) ଗାଁର ବିକାଶ ପାଇଁ ରାସ୍ତା, ପାଣି, ଆବାସ, ସ୍କୁଲ ଭଳି ମୌଳିକ ସୁବିଧା ଦରକାର। କିନ୍ତୁ ଏସବୁ ପାଇବାରୁ ବଞ୍ଚତ୍ତ ହୋଇଛି ଗୋଟିଏ ଆଦିବାସୀ ପଡ଼ା। କୋରାପୁଟ ଜିଲା ଦଶମନ୍ତପୁର ବ୍ଲକ ମୁଜାଙ୍ଗ ପଞ୍ଚାୟତ ଦୁର୍ଗମ ପୁଞ୍ଜିସିଲ ହେଉଛି ସେହିଭଳି ଏକ ଗାଁ, ଯେଉଁଠି ଏଭଳି ନାନାଦି ମୌଳିକ ସମସ୍ୟା ଗାଁ ଲୋକଙ୍କ ଭିତରେ ପୁଞ୍ଜୀଭୂତ ଅସନ୍ତୋଷ ସୃଷ୍ଟି କରିଛି। 

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର କୋର୍ଟରେ ହାଜର ହେଲେ ସବ୍ୟସାଚୀ

ଗୁଣପୁର,୧୮।୧(ଡି.ଏନ.ଏ)-ରାୟଗଡା ଜିଲା ଗୁଣପୁର କୋର୍ଟରେ କଡ଼ା ସୁରକ୍ଷା  ମଧ୍ୟରେ ମାଓବାଦୀ ନେତା ସବ୍ୟସାଚୀ ପଣ୍ଡାଙ୍କୁ ଶୁକ୍ରବାର ହାଜର କରାଯାଇଥିଲା । ଗୁଣପୁର ସହକାରୀ ଦୌରା ଜଜ୍‌ଙ୍କ କୋର୍ଟରେ ତାଙ୍କ ନାମରେ ରହିଥିବା ମାମଲାଗୁଡ଼ିକର ସାକ୍ଷ୍ୟ ଗ୍ରହଣ କରାଯାଇଥିଲା ।

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର

ବୈପାରୀଗୁଡ଼ା,୧୮।୧ (ଡି.ଏନ୍‌.ଏ)-ଶୁକ୍ରବାର ବୈପାରୀଗୁଡ଼ା ଗୌଡ଼ସାହି ନିକଟସ୍ଥ ଏକ ଶ୍ମଶାନ ନିକଟରେ ଜଣେ ଯୁବକଙ୍କ ମୃତଦେହ ଏକ ଗଛ ଡାଳରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି। 

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ବଣ୍ଡା ଜନଜାତି ଲୋକଙ୍କୁ ଭେଟିଲେ ପ୍ରଧାନ ମୁଖ୍ୟ ବନ ସଂରକ୍ଷକ

ଖଇରପୁଟ,୧୮। ୧(ଡି.ଏନ.ଏ.)- ପ୍ରଧାନ ମୁଖ୍ୟ ବନ ସଂରକ୍ଷକ ଦେବବ୍ରତ୍ତ ସ୍ବାଇଁ ମାଲକାନଗିରି ଜିଲାର ଦୁର୍ଗମ ଅଞ୍ଚଳ ବଣ୍ଡାଘାଟି ଗସ୍ତ  କରିଥିଲେ। ସେ ମୁଦୁଲିପଡ଼ା ପଞ୍ଚାୟତ ଯାଇ ମୁଦୁଲିପଡା ଗ୍ରାମ ନିକଟରେ ଥିବା ସୀତା କୁଣ୍ଡ ଦର୍ଶନ କରିଥିଲେ।

ନକଲି ମସଲା  କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ନକଲି ମସଲା କାରଖାନା ଠାବ ଘଟଣା: ଜଣେ ଗିରଫ, ମାନ ପରୀକ୍ଷା ପାଇଁ ଲାବୋରେଟୋରୀ ପଠାଗଲା ମସଲା

ଜୟପୁର, ୧୮।୧(ନି.ପ୍ର.)-ନକଲି ମସଲା କାରଖାନାରେ ଗୁରୁବାର ଜୟପୁର ଟାଉନ ପୋଲିସ ଚଢ଼ାଉ କରି ବିଭିନ୍ନ ବ୍ରାଣ୍ଡର ଜରି ପ୍ୟାକେଟ ଏବଂ ମସଲା ଜବତ କରିଥିବାବେଳେ ଶୁକ୍ରବାର ଏଥିରେ ସମ୍ପୃକ୍ତି ଥିବା ଅଭିଯୋଗରେ ବ୍ରହ୍ମପୁରର ହରିହର ପାତ୍ରଙ୍କୁ ଗିରଫ କରିଛି। 

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

ବଂଶଧାରା ଆଁରେ ଲୀନ ହେବ ପାଲସିଂ ଗାଁ

କାଶୀନଗର, ୧୮ା୧(ଡି.ଏନ.ଏ): ଗାଁକୁ ଲାଗିରହିଛି ବଂଶଧାରା ନଦୀ। ପ୍ରତିବର୍ଷ ବନ୍ୟାରେ ନଦୀ କୂଳ ଖାଇଚାଲିଛି। ଫଳରେ ଦିନେ ନଦୀ ଗର୍ଭରେ ଗ୍ରାମଟି ଲୀନ ହୋଇଯିବାର ଆଶଙ୍କା ସୃଷ୍ଟି ହେଲାଣି। ସେହିପରି କିଛିବର୍ଷ ହେଲା ଆନ୍ଧ୍ରର କାଟ୍ରାଗଡ ପ୍ରକଳ୍ପ ଚିନ୍ତା ବି ଘାରିଛି। ଏ ନେଇ ପ୍ରଶାସନ ଚୁପ୍‌ ବସିଥିବାରୁ ଗ୍ରାମବାସୀ ଆନ୍ଦୋଳନକୁ ଓହ୍ଲାଇବା ପାଇଁ ସଜବାଜ ହେଉଛନ୍ତି। ଏହାସତ୍ତ୍ୱେ ସରକାର ନ ଶୁଣିଲେ ସେମାନେ ଆନ୍ଧ୍ରରେ ମିଶିଯିବେ ବୋଲି ଚେତାବନୀ ଦେଇଛନ୍ତି ଗଜପତି ଜିଲା କାଶୀନଗର ବ୍ଲକର ପାଲସିଂ ଗ୍ରାମବାସୀ।

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଦୁଡୁକାବାହାଲ ଚେକ୍‌ଡ୍ୟାମକୁ ବିରୋଧ

ଟିକିରି,୧୮।୧(ଡ଼ି.ଏନ.ଏ): କାଶୀପୁର ବ୍ଲକ ଦୁଡୁକାବାହାଲ ପଞ୍ଚାୟତ ଠାରୁ କିଛି ଦୂରରେ ନିର୍ମାଣାଧୀନ ଚେକ୍‌ଡ୍ୟାମକୁ ଚାଷୀମାନେ ବିରୋଧ କରିଛନ୍ତି ।  ଜିଲା ଖଣିଜ ପାଣ୍ଠିରୁ ଦଶଲକ୍ଷ ଟଙ୍କା ବ୍ୟୟରେ ଏହା ନିର୍ମାଣ ଚାଲିଛି।  ଏହି ଡ୍ୟାମଟି ଯେଉଁ ସ୍ଥାନରେ ନିର୍ମାଣ କରାଯାଉଛି ତାହାଦ୍ୱାରା ଅନ୍ୟ ଜମିକୁ ପାଣି ମାଡିବ ନାହିଁ । ଏହି ଚେକ୍‌ଡ୍ୟାମଟି ଉପରମୁଣ୍ଡରେ ନିର୍ମାଣ କରାଯିବା କଥା, କିନ୍ତୁ ଠିକାଦାର ଓ ଜେଇ ନିଜ ଇଚ୍ଛାରେ ତଳମୁଣ୍ଡରେ ଏହା ନିର୍ମାଣ କରୁଛନ୍ତି।  କିଛିବର୍ଷ ତଳେ ଏହାର ପ୍ରାୟ ପଚାଶ ମିଟର ଉପରେ ଏକ ଚେକ୍‌ଡ୍ୟାମ ନିର୍ମାଣ କରାଯାଇଥିଲା। ତାହା  କାର୍ଯ୍ୟକାରୀ ହେଉ ନ ଥିବାବେଳେ ବର୍ତ୍ତମାନ ପୁଣି ଏକ ଚେକ୍‌ଡ୍ୟାମ କାହା ସ୍ବାର୍ଥରେ ବୋଲି  ଡୁଡୁକାବାହାଲ ଗ୍ରାମର ଅଟାରି ନାଏକ, ଶଙ୍କର ନାଏକ, ଚାଟି ନାଏକ, ନରସିଂହ ପାଢି, ବିଜୟ ନାଏକ, ରାମେଶ୍ୱର ପ୍ରଧାନି, ହର ପ୍ରଧାନି, ପୀତବାସୀ ପ୍ରଧାନୀ ପ୍ରମୁଖ ଗ୍ରାମବାସୀ ପ୍ରଶ୍ନ କରିଛନ୍ତି ।

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର ଉପକାରାଗାରରେ ଅବ୍ୟବସ୍ଥା: ୨ଗୁଣରୁ ଊର୍ଦ୍ଧ୍ୱ ବିଚାରାଧୀନ କଏଦୀ

ଜୟପୁର,୧୮।୧(ଡି.ଏନ୍‌.ଏ.): କୋରାପୁଟ ଜିଲା ଜୟପୁର ଉପଖଣ୍ଡ କାରାଗାର ଉପରେ ୮ଟି ଥାନା ବିଭିନ୍ନ ମାମଲାରେ ନିର୍ଭର କରୁଛି। ଜୟପୁର ଉପକାରାଗାର ୧୯୫୮ରେ ସ୍ଥାପନ ହୋଇ ମାନ୍ୟତା ପାଇଛି। କିନ୍ତୁ ଅଧିକ ଥାନା, ସମସ୍ତ ଜିଲାଜଜ୍‌ ଓ ଅନ୍ୟ କୋର୍ଟ ଏଠାରେ ଥିବା ଯୋଗଁୁ  ଆବଶ୍ୟକଠାରୁ ଅଧିକ ବିଚାରାଧୀନ କଏଦୀ ରହୁଛନ୍ତି । କିନ୍ତୁ ଏହାକୁ ଉନ୍ନୀତ କରାଯାଇ ସ୍ବତନ୍ତ୍ର ଜେଲ କିମ୍ବା ଜିଲା ଜେଲ ଭାବେ ମାନ୍ୟତା ଦେବା ପାଇଁ ପଦକ୍ଷେପ ନିଆଯାଉ ନାହିଁ। ଏହାକୁ ଉନ୍ନୀତ କରାଗଲେ ୪୦୦ ଜଣ କଏଦୀ ରହିବାର ବ୍ୟବସ୍ଥା କରାଯିବ ଏବଂ  ଆବଶ୍ୟକ ଅନୁଯାୟୀ ସୁରକ୍ଷା କର୍ମଚାରୀ ଓ ଅନ୍ୟ ବ୍ୟବସ୍ଥା କରାଯିବ । ସେହିପରି ସୁରକ୍ଷା ଏବଂ ଅନ୍ୟ ସମସ୍ୟାକୁ ଆଖିଆଗରେ ରଖାଯାଇ ଏଠାରୁ ୧୦୦ ଜଣ ବିଚାରାଧୀନ କଏଦୀଙ୍କୁ କୋରାପୁଟ ସର୍କଲ ଜେଲକୁ ସ୍ଥାନାନ୍ତର ପାଇଁ ଉପକାରାଗାର କର୍ତ୍ତୃପକ୍ଷ ଉଚ୍ଚ ଅଧିକାରୀଙ୍କୁ ଅନୁରୋଧ କରିଛନ୍ତି ।

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଫସିଲେ ଶିକ୍ଷକ: ବିଇଓ ଜାରି କଲେ କାରଣ ଦର୍ଶାଅ ନୋଟିସ୍‌

ମାଲକାନଗିରି, ୧୮।୧ (ଡି.ଏନ୍‌.ଏ.) ଛାତ୍ରୀଛାତ୍ରଙ୍କ ମିଥ୍ୟା ଉପସ୍ଥାନ ଦେଖାଇ ଜଣେ ଶିକ୍ଷକ ଏବେ ହରଡ଼ଘଣାରେ। ଏହା ଜଣାପଡିବା ପରେ ସମ୍ପୃକ୍ତ  ଶିକ୍ଷକଙ୍କୁ  ବ୍ଲକ  ଶିକ୍ଷାଧିକାରୀ(ବିଇଓ) କାରଣ ଦର୍ଶାଅ ନୋଟିସ୍‌ ଜାରି କରିଛନ୍ତି। ଏପରି ଘଟଣା ଘଟିଛି ମାଲକାନଗିରି ସଦର ବ୍ଲକ ଝରାପାଲ୍ଲୀ  ପଞ୍ଚାୟତ ସଦର ମହକୁମା ପ୍ରକଳ୍ପ ଉଚ୍ଚ ବିଦ୍ୟାଳୟରେ।

ଶଙ୍କରଡ଼ା ପଞ୍ଚାୟତ:  ପାଣି ପାଇଁ ଲୋକେ ଡ଼ହଳବିକଳ

ଶଙ୍କରଡ଼ା ପଞ୍ଚାୟତ: ପାଣି ପାଇଁ ଲୋକେ ଡ଼ହଳବିକଳ

ଟିକିରି, ୧୮ା୧ (ଡି.ଏନ୍‌.ଏ.)- ରାୟଗଡ଼ା ଜିଲା କାଶିପୁର ବ୍ଳକ ଶଙ୍କରଡା ପଞ୍ଚାୟତର ଅଧିକାଂଶ ଗ୍ରାମରେ ରାସ୍ତାଘାଟ ଓ ପାନୀୟ ଜଳ ସମସ୍ୟା ଲାଗି ରହିଛି। ଫଳରେ ଗ୍ରାମବାସୀ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଏନେଇ ବାରମ୍ବାର ଅଭିଯୋଗ କଲେ ମଧ୍ୟ କେହି ଶୁଣୁ ନାହାନ୍ତି।