ରାୟଗଡା

ମାଥିଲିରେ ପ୍ରଥମ ଥର ହେଲା ଅସ୍ତ୍ରୋପଚାର, ନୂଆ ଜୀବନ ପାଇଲେ ପ୍ରସୂତି

ମାଥିଲିରେ ପ୍ରଥମ ଥର ହେଲା ଅସ୍ତ୍ରୋପଚାର, ନୂଆ ଜୀବନ ପାଇଲେ ପ୍ରସୂତି

ମାଥିଲି,୩।୧ (ଡି.ଏନ.ଏ.)- ଆଦିବାସୀ ଅଧ୍ୟୁଷିତ ମାଲକାନଗିରି ଜିଲା ମାଥିଲି ବ୍ଲକ ସଦରରେ ଥିବା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ବୁଧବାର ଏକ ବଡ ଅସ୍ତ୍ରୋପଚାର ହୋଇଛି । ସ୍ବାସ୍ଥ୍ୟକେନ୍ଦ୍ରରେ ନୂତନ ଭାବେ ଯୋଗ ଦେଇଥିବା ଥିବା ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡାକ୍ତର ଜି. ଭୀମେଶ୍ବର ନାୟକଙ୍କ ଉଦ୍ୟମରେ ଏକ ପ୍ରସୂତି ମା’ ଓ ତାଙ୍କ ନବ ଜନ୍ମିତ ଶିଶୁ ବିପଦ ମୁହଁରୁ ସୁରକ୍ଷିତ ଅବସ୍ଥାରେ ଫେରିଆସିଛନ୍ତି । ବ୍ଲକରେ ପ୍ରଥମ ଥର ଏହି ଅସ୍ତ୍ରୋପଚାରର ସଫଳତା ପାଇବା ପରେ ସ୍ବାସ୍ଥ୍ୟକେନ୍ଦ୍ର କର୍ମଚାରୀ ଓ ଡାକ୍ତରଙ୍କ ମଧ୍ୟରେ ଖୁସିର ଛିଟା ଦେଖିବାକୁ ମିଳିଛି । ସୂଚନା ଅନୁଯାୟୀ, ବୁଧବାର ସକାଳେ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିବା ବ୍ଲକ ଅନ୍ତର୍ଗତ ସାଲିମି ପଞ୍ଚାୟତ ଅଧିନ ବାରୁବେଡା ଗ୍ରାମର ସୁକ୍ରା ମାଡକାମୀଙ୍କ ସ୍ତ୍ରୀ ଲକ୍ଷ୍ମୀ(୨୧)ଙ୍କ ପ୍ରସବ ଯନ୍ତ୍ରଣା ହୋଇଥିଲା । ପରେ ସ୍ବାସ୍ଥ୍ୟକେନ୍ଦ୍ରରେ ଉପସ୍ଥିତ ଥିବା ଡାକ୍ତର ତାଙ୍କୁ ଲେବର ଓ୍ବାର୍ଡକୁ ନେଇଥିଲେ ।ଅଲ୍ଟାସାଉଣ୍ତରେ ସ୍ବାଭାବିକ ପ୍ରସବ କରାଇବା ସମ୍ଭବ ହୋଇନଥିଲା । ଭିତରେ ଥିବା ଶିଶୁର ନିଶ୍ବାସ ପ୍ରଶ୍ବାସ ଉପରେ ଆଶଙ୍କା ରହିଥିଲା । ମାଲକାନଗିରି ମୁଖ୍ୟ ସ୍ବାସ୍ଥ୍ୟ କେନ୍ଦ୍ରରେ ସ୍ଥାନାନ୍ତର କରିବାରେ ସମୟରେ ୧ ଘଣ୍ଟାରୁ ଉଦ୍ଦର୍‌ବ ସମୟ ଲାଗିଯିବା ଭୟ କରି ମାଥିଲି ସ୍ବାସ୍ଥ୍ୟକେନ୍ଦ୍ରରେ ପ୍ରସୂତିଙ୍କ ଅସ୍ତ୍ରପ୍ରଚାର କରିବାକୁ ନୂତନ ଡାକ୍ତର ନାୟକ ସ୍ଥିର କରିଥିଲେ । ପରେ ସ୍ବାସ୍ଥ୍ୟକେନ୍ଦ୍ରରେ ଥିବା ଅନ୍ୟ ଜଣେ ଡାକ୍ତର ରାକେଶ ବେହେରା ଓ ନର୍ସଙ୍କ ସହଯୋଗରେ ଏହି ଅସ୍ତ୍ରୋପଚାର କରାଯାଇଥିଲା । ତେବେ ଅସ୍ତ୍ରପ୍ରଚାର ପରେ ଉଭୟ ମା’ ଓ ଶିଶୁ ପୁତ୍ର ବିପଦ ମୁକ୍ତ ଓ ସୁସ୍ଥ ଥିବା ମାଥିଲି ଭାରପ୍ରାପ୍ତ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ ଡା. ପ୍ରଦୋଷ ପଣ୍ତା ଗଣମାଧ୍ୟମକୁ ସୂଚନା ଦେଇଛନ୍ତି । ଅନ୍ୟପକ୍ଷରେ ଏଣିକି ମାଥିଲି ସ୍ବାସ୍ଥ୍ୟକେନ୍ଦ୍ରରେ ଆବଶ୍ୟକ ପଡିଲେ ଅସ୍ତ୍ରୋପଚାର କରି ପ୍ରସବ କରାଯିବ ବୋଲି କୁହାଯାଇଛି । ଅଞ୍ଚଳରେ ପ୍ରଥମ ଥର ପ୍ରସବ କରାଇବାରେ ଅସ୍ତ୍ରୋପଚାର ଆରମ୍ଭ କରି ସଫଳତା ପାଇଥିବାରୁ ନୂତନ ଡାକ୍ତରଙ୍କୁ ଅଞ୍ଚଳବାସୀ ଧନ୍ୟବାଦ ଜଣାଇଛନ୍ତି ।


All Right Reserved By

Model This Week

ନିକିତା

ରାୟଗଡା

‘ଓଡିଶା ଦକ୍ଷତା’ରେ ଭାଗ ନେବେ କୋରାପୁଟ ଜିଲାରୁ ୪

କୋରାପୁଟ,୨୩ା୪(ସ୍ବ.ପ୍ର.): ରାଜ୍ୟସ୍ତରୀୟ ଓଡିଶା ଦକ୍ଷତା-୨୦୧୮ ପ୍ରତିଯୋଗିତା ପାଇଁ କୋରାପୁଟ ଜିଲାରୁ ୪ ଜଣ ଯୋଗ୍ୟ ବିବେଚିତ ହୋଇଛନ୍ତି। ଆସନ୍ତା ୨୯ ଓ ୩୦ ତାରିଖ କଟକସ୍ଥିତ ଜବାହରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆୟୋଜିତ ହେଉଥିବା ଏହି ପ୍ରତିଯୋଗିତାରେ ଜିଲାର ପଙ୍କଜ ନାୟକ, ବିଶ୍ୱଭୂଷଣ ବେହେରା, ଦୀପକ ମଲ୍ଲିକ, ସୌମ୍ୟରଞ୍ଜନ ସେଠୀ ଅଂଶଗ୍ରହଣ କରିବେ। ରବିବାର ସ୍ଥାନୀୟ ଡିପିସି କାର୍ଯ୍ୟାଳୟରେ ଆୟୋଜିତ ଏକ ଖବରଦାତା ସମ୍ମିଳନୀରେ ଅଧ୍ୟକ୍ଷତା କରି ଡିପିସି ମହେଶ୍ୱର ନାୟକ ଏହି ସୂଚନା ଦେଇଛନ୍ତି। ଆସନ୍ତା ୨୮ରେ ଏହି ରାଜ୍ୟସ୍ତରୀୟ ପ୍ରତିଯୋଗିତାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିବେ।

ଗୁରୁପ୍ରିୟା ସେତୁ: ୨୪ ଘଣ୍ଟିଆ ସୁରକ୍ଷା ବ୍ୟବସ୍ଥା

ଗୁରୁପ୍ରିୟା ସେତୁ: ୨୪ ଘଣ୍ଟିଆ ସୁରକ୍ଷା ବ୍ୟବସ୍ଥା

ମାଲକାନଗିରି, ୨୩।୪(ସ୍ବ.ପ୍ର./ଡି.ଏନ.ଏ.) ମାଓବାଦୀଙ୍କ ଧମକ, ହିଂସା ଠିକାଦାରକାର୍ଯ୍ୟ କରିବାକୁ ସୁଯୋଗ ନ ଦେବା, ପିଲାର ଦବିଯିବା ଆଦି ଅନେକ ପ୍ରତିବନ୍ଧକ ମଧ୍ୟରେ ମାଲକାନଗିରି ଜିଲାର ଗୁରୁପ୍ରିୟା ସେତୁନିର୍ମାଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଛି। ଏକାଧିକ ଥର ନିର୍ମାଣ ଶେଷ ହେବା ସମୟ ସୀମା ଘୂଞ୍ଚତ୍ବା ପରେ ଆସନ୍ତା ମେ ମାସ ସୁଦ୍ଧା ଏହି ସେତୁର କାର୍ଯ୍ୟ ଶେଷ ହେବ ବୋଲି ଲକ୍ଷ୍ୟଧାର୍ଯ୍ୟ କରାଯାଇଛି। ଏପରିସ୍ଥଳେ ପୁନର୍ବାର ସେତୁ ପାଇଁ ବିପଦ ରହିଛି। ଏହାକୁ ମାଓବାଦୀମାନେ ବିସ୍ଫୋରଣ ଘଟାଇ ଉଡାଇ ଦେବେ ବୋଲି ଗୁଇନ୍ଦା ସୂଚନା ମିଳିଛି। ଏହି ସୂଚନା ମିଳିବା ପରେ ସେତୁସୁରକ୍ଷା ବିଏସଏଫ ଯବାନମାନେ ତତ୍ପର ହୋଇ ଉଠିଛନ୍ତି। ନିର୍ମାଣ ସ୍ଥଳରେ ୨୪ ଘଣ୍ଟିଆ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିବା ସୂଚନା ମିଳିଛି।

ମାନବିକତା: ଅସହାୟ ବୃଦ୍ଧାଙ୍କ ସାହାରା ପାଲଟିଲେ ଗୁରୁବାରି

ମାନବିକତା: ଅସହାୟ ବୃଦ୍ଧାଙ୍କ ସାହାରା ପାଲଟିଲେ ଗୁରୁବାରି

ନବରଙ୍ଗପୁର,୨୩ା୪(ବି.ପ୍ର.) ଅସହାୟ ଓ ଗରିବଙ୍କ ପାଇଁ ରାଜ୍ୟ ଓ କେନ୍ଦ୍ର ସରକାର ବିଭିନ୍ନ ଯୋଜନା କରିଛନ୍ତି। କିନ୍ତୁ ଯୋଜନା ସେମାନଙ୍କ ନିକଟରେ ପହଞ୍ଚି ପାରୁ ନାହିଁ। ସରକାରୀ ଯୋଜନାରୁ ବଞ୍ଚିତ ହୋଇ ଅସହାୟ ଅବସ୍ଥାରେ ଖାଦ୍ୟ ପାଇଁ ଘୁରି ବୁଲୁଥିବା ଅନ୍ତି ଭତ୍ରା (୭୫)ଙ୍କ ସାହାରା ପାଲଟିଛନ୍ତି ପୁଜାରିଗୁଡାର ଗୁରୁବାରୀ ଭତ୍ରା (୬୫)। ଅନ୍ତି ପୁଜାରିଗୁଡା ଗାଁକୁ ଆସି ଦନେକ ଭାତ୍‌ (ଭାତ) ଦିଅ ବୋଲି କହିଥିଲେ । ଯାହା ଗୁରୁବାରୀଙ୍କ ହୃଦୟକୁ ସ୍ପର୍ଶ କରିଥିଲା। ଅନ୍ତିଙ୍କ ଅସହାୟତା ଦେଖି ଗୁରୁବାରୀଙ୍କୁ ତାଙ୍କ ନିଜ ପାଖରେ ରଖିଥିଲେ।

୧ରୁ ସମୂହ ଛୁଟିରେ ଯିବେ ରାଜସ୍ବ ଅମଲା ସଂଘ

୧ରୁ ସମୂହ ଛୁଟିରେ ଯିବେ ରାଜସ୍ବ ଅମଲା ସଂଘ

ନବରଙ୍ଗପୁର,୨୩।୪(ବି.ପ୍ର.): ମେ ୧ରୁ ସମୂହ ଛୁଟିରେ ଯିବା ପାଇଁ ଜିଲାପାଳ ଡ. ଅଜିତ କୁମାର ମିଶ୍ରଙ୍କୁ ଦାବିପତ୍ର ଦେଇଛି ନବରଙ୍ଗପୁର ରାଜସ୍ବ ଅମଲା ସଂଘ। ବିଭିନ୍ନ ଦାବି ନେଇ ସରକାରଙ୍କ ସହ ଆଲୋଚନା କରିବା ଓ ଲିଖିତ ଭାବେ ଦାବି ଜଣାଇବା ପରେ ପ୍ରତିଶ୍ରୁତି ମିଳୁଛି । ତେବେ କାର୍ଯ୍ୟକାରୀ ହୋଇପାରୁ ନାହିଁ । ଗ୍ରେଡପେ ୧୯୦୦ରୁ ୪,୨୦୦କୁ ବୃଦ୍ଧି, ପଦୋନ୍ନତିରେ ସଂରକ୍ଷଣ ବ୍ୟବସ୍ଥା ପ୍ରମୁଖ ଦାବି ନେଇ ସଂଘ ଅନେକ ଥର ଆନ୍ଦୋଳନକୁ ଓହ୍ଲାଇବା ସହ ଦାବିପତ୍ର ମଧ୍ୟ ଦେଇଛି। ୪ ତାରିଖରେ ଭୁବନେଶ୍ୱରଠାରେ ରାଜ୍ୟସ୍ତରୀୟ ଆନ୍ଦୋଳନରେ ମଧ୍ୟ ଜିଲା ଅମଲା ସଂଘ କର୍ମକର୍ତ୍ତା ଭାଗ ନେବେ।

ତହସିଲଦାରଙ୍କୁ ଦାବିପତ୍ର ଦେଲା ଭତରା ବିକାଶ ପରିଷଦ

ତହସିଲଦାରଙ୍କୁ ଦାବିପତ୍ର ଦେଲା ଭତରା ବିକାଶ ପରିଷଦ

ଡାବୁଗାଁ,୨୩।୪(ଡି.ଏନ୍‌.ଏ.): ନବରଙ୍ଗପୁର ଜିଲା ଡାବୁଗାଁ ଅଖିଳ ଭାରତୀୟ ଭତରା ବିକାଶ ପରିଷଦ ତରଫରୁ ଏକ ଦାବିପତ୍ର ଡାବୁଗାଁ ତହସିଲଦାର ନରସିଂହ ଗାଦବାଙ୍କୁ ସୋମବାର ପ୍ରଦାନ କରାଯାଇଛି। ଉକ୍ତ ଦାବିପତ୍ରରେ କୋରାପୁଟ ଜିଲା ସୁନାବେଡା ଆର-ଏ ଜୋନ ନିବାସୀ ରଞ୍ଜିତା ମାଝୀ (ଭତ୍ରା), ସ୍ବାମୀ ଚନ୍ଦ୍ରଶେଖର ମାଝୀ ପ୍ରକୃତରେ ଭତରା ଆଦିବାସୀ ସମ୍ପ୍ରଦାୟର ନୁହନ୍ତି। କିନ୍ତୁ ବର୍ତ୍ତମାନ ଡାବୁଗାଁ ରାଜସ୍ବ ନିରୀକ୍ଷକଙ୍କ ଜରିଆରେ ଭତରା ଆଦିବାସୀ ଜାତି ପ୍ରମାଣପତ୍ର ପାଇଁ ଆବେଦନ କରିଛନ୍ତି। ତାଙ୍କ ନାମରେ ପ୍ରମାଣ ପତ୍ର ନଦେବା ପାଇଁ ଦାବିପତ୍ରରେ ଉଲ୍ଲେଖ କରାଯାଇଛି।

ସହରରେ ଗଡ଼ିଲା, ସଡ଼କ ସୁରକ୍ଷାର ବାର୍ତ୍ତା ବାଣ୍ଟିଲା ପ୍ରଚାର ରଥ

ସହରରେ ଗଡ଼ିଲା, ସଡ଼କ ସୁରକ୍ଷାର ବାର୍ତ୍ତା ବାଣ୍ଟିଲା ପ୍ରଚାର ରଥ

ନବରଙ୍ଗପୁର,୨୩।୪(ବି.ପ୍ର.): ଜିଲା ଆଂଚଳିକ ପରିବହନ ବିଭାଗ ପକ୍ଷରୁ ୨୯ତମ ଜାତୀୟ ସଡକ ସୁରକ୍ଷା ସପ୍ତାହ ପାଳିତ ହୋଇଛି। ଜିଲାପାଳ ଡ. ଅଜିତ କୁମାର ମିଶ୍ର ମୁଖ୍ୟ ଅତିଥି ଭାବେ ସବୁଜ ପତାକା ଦେଖାଇ ସଚେତନତା ଶୋଭାଯାତ୍ରାର ଉଦ୍‌ଘାଟନ କରିଥିଲେ। ସ୍ଥାନୀୟ ରାମ ମନ୍ଦିର ନିକଟରୁ ଶୋଭାଯାତ୍ରା ବାହାରି ନୂଆ ବସଷ୍ଟାଣ୍ଡରେ ପହଞ୍ଚତ୍ଥିଲା । ଏହି ଶୋଭାଯାତ୍ରାରେ ଆଂଚଳିକ ପରିବହନ ଅଧିକାରୀ ଗଣେଶ୍ୱର କହଁର, ଏମଭିଆଇ ସନତ କୁମାର ଜେନା, ଆରସିଡି ହାଇସ୍କୁଲ ପ୍ରଧାନ ଶିକ୍ଷକ ଅସୀମ ବିଶ୍ୱାସ, ବ୍ଲକ ଶିକ୍ଷା ଅଧିକାରୀ, ବିଭିନ୍ନ ବିଦ୍ୟାଳୟର ଛାତ୍ରୀ ଛାତ୍ର ଓ ଯୁବ ସଙ୍ଗଠନ ସାମିଲ ହୋଇଥିଲେ ।

ହାଇସ୍କୁଲ ପାଇଁ ହୋଇପାରୁନି ଜମି ଅଧିଗ୍ରହଣ: ଶୀତଳ ଭଣ୍ଡାରରେ ଅନୁଦାନ

ହାଇସ୍କୁଲ ପାଇଁ ହୋଇପାରୁନି ଜମି ଅଧିଗ୍ରହଣ: ଶୀତଳ ଭଣ୍ଡାରରେ ଅନୁଦାନ

ନବରଙ୍ଗପୁର,୨୩।୪(ବି.ପ୍ର.): ନବରଙ୍ଗପୁର ବ୍ଲକ ପୁରଜାରିଗୁଡା ସ୍ଥିତ ପ୍ରକଳ୍ପ ଉଚ୍ଚ ପ୍ରାଥମିକ ବଦ୍ୟାଳୟ ୨୦୧୧ରେ ସରକାରୀ ଉନ୍ନତ ଉଚ୍ଚ ବିଦ୍ୟାଳୟ ମାନ୍ୟତା ପାଇଲା । ତେବେ ହାଇସ୍କୁଲ ପାଇଁ ନୂତନ ଶେଣୀ ଗୃହ ନଥିବାରୁ ପିଲାଙ୍କ ପାଠପଢ଼ା ସମସ୍ୟା ଦେଖା ଦେଉଛି । ଅନ୍ୟପକ୍ଷେ ହାଇସ୍କୁଲ ପାଇଁ ପାଠ୍ୟକ୍ରମ ଅନୁଯାୟୀ ଶିକ୍ଷୟିତ୍ରୀ, ଶିକ୍ଷକ ନିଯୁକ୍ତି ହୋଇନାହିଁ। କେବଳ ୩ ଜଣ ଶିକ୍ଷକ ନିଯୁକ୍ତିରେ ହାଇସ୍କୁଲର ଛାତ୍ରୀଛାତ୍ରଙ୍କ ପାଠପଢା ଓ ଭବିଷ୍ୟତ ପରିକଳ୍ପନା କରାଯିବା ବିଡ଼ମ୍ବନା ବିଷୟ ।

ସ୍ବାମୀ, ପୁଅ, ବୋହୂକୁ ହରାଇଲେ: ୨ ନାତୁଣୀଙ୍କୁ ଧରି କଷ୍ଟରେ ବଂଚିଛନ୍ତି ଫୁଲମତି

ସ୍ବାମୀ, ପୁଅ, ବୋହୂକୁ ହରାଇଲେ: ୨ ନାତୁଣୀଙ୍କୁ ଧରି କଷ୍ଟରେ ବଂଚିଛନ୍ତି ଫୁଲମତି

ନବରଙ୍ଗପୁର,୨୩।୪(ବି.ପ୍ର.): ବାପା ମାଆ ଛେଉଣ୍ଡ ଦୁଇ ଭଉଣୀ ସରକାରୀ ସହାୟତାରୁ ବଂଚିତ । ଜେଜେମା ଫୁଲମତି ନାୟକ (୭୦) ହିଁ ଏବେ ଦୁଇ ଭଉଣୀ ସବିତା ନାୟକ (୧୨) ଓ ଭୁବନେଶ୍ୱରୀ ନାୟକ(୮)ଙ୍କ ସାହା ଭରସା । ନବରଙ୍ଗପୁର ବ୍ଲକ ପୁରଜାରୀଗୁଡା ପଂଚାୟତ ସଦର ମହକୁମା ମନ୍ଦିର ସାହିରେ ଫୁଲମତିଙ୍କ ଘର । ଫୁଲମତିଙ୍କ ସ୍ବାମୀ ଚୈତନ୍ୟ ୧୨ ବର୍ଷ ତଳୁ ଆରପାରିକୁ ଚାଲିଗଲେଣି । ଦୁଇ ବର୍ଷ ତଳର କଥା। ନାତୁଣୀ ଭୁବନେଶ୍ୱରୀକୁ ମାତ୍ର ୨୧ ଦିନ ହୋଇଥିବା ବେଳେ ରୋଗାକ୍ରାନ୍ତ ପୁଅ ଲିଙ୍ଗରାଜଙ୍କ ବିୟୋଗ ଘଟିଲା । ଭୁବନେଶ୍ୱରୀକୁ ଦୁଇ ବର୍ଷ ହୋଇଥିଲା, ସେତେବେଳେ ବୋହୂ ରତ୍ନା ମଧ୍ୟ ରୋଗଶଯ୍ୟାରେ ପଡ଼ି ଆଖି ବୁଜିଲେ। ସ୍ବାମୀ, ପୁଅ ଓ ବୋହୂଙ୍କ ମୃତ୍ୟୁପରେ ଫୁଲମତି ଦିନ ମଜୁରି କରି ଦୁଇ ନାତୁଣୀଙ୍କ ସବୁ କଥା ବୁଝୁଛନ୍ତି।

୩ ଭଉଣୀ ଜୀବନ୍ତ ଦଗ୍ଧ ଘଟଣା: ଶୁଦ୍ଧିକ୍ରିୟା ପାଇଁ ସହାୟତା ଦେଲା ଘରୋଇ ବସ ମାଲିକ ସଂଘ

୩ ଭଉଣୀ ଜୀବନ୍ତ ଦଗ୍ଧ ଘଟଣା: ଶୁଦ୍ଧିକ୍ରିୟା ପାଇଁ ସହାୟତା ଦେଲା ଘରୋଇ ବସ ମାଲିକ ସଂଘ

ମାଲକାନଗିରି,୨୩।୪(ଡି.ଏନ୍‌.ଏ.): ଦାରିଦ୍ର୍ୟର ତାଡ଼ନାରେ ୩ ଭଉଣୀ ରୋଷେଇ ଘରେ ଗ୍ୟାସ୍‌ ଲଗାଇ ନିଆଁରେ ଆତ୍ମହତ୍ୟା କରିବା ଘଟଣା ମାଲକାନଗିରି ଜିଲାବାସୀଙ୍କୁ ସ୍ତବ୍ଧ କରିଦେଇଥିଲା। ଜୀବନ ଥିବାବେଳେ ସେମାନେ ଯେପରି ହତାଦର ହେଉଥିଲେ, ମୃତ୍ୟୁ ପରେ ମଧ୍ୟ ହତାଦର ହେବା ସେମାନଙ୍କ ପିଛା ଛାଡ଼ିନାହିଁ। ଶ୍ମଶାନରେ ସେମାନଙ୍କ ମୃତଦେହ ସତ୍କାର କରିବା ପାଇଁ ପ୍ରଶାସନ ଭୁଲିଗଲା। ହରିଶ୍ଚନ୍ଦ୍ର ଯୋଜନା ଏଠାରେ ବାଟବଣା ହୋଇଗଲା। ତେବେ ଶୁଦ୍ଧ୍ରିକ୍ରିୟା ପାଇଁ ମୃତ ୩ ଭଉଣୀଙ୍କ ଭାଇମାନଙ୍କୁ ଆର୍ଥତ୍କ ସହାୟତା ଦେଇଛି ମାଲକାନଗିରି ଜିଲା ଘରୋଇ ବସ୍‌ ମାଲିକ ସଂଘ।

କୃଷକ ସମବାୟ ନିର୍ଦ୍ଦେଶିକାଙ୍କ ପରିଚାଳନା ଓ ବ୍ୟବସାୟିକ ଯୋଜନା ତାଲିମ

କୃଷକ ସମବାୟ ନିର୍ଦ୍ଦେଶିକାଙ୍କ ପରିଚାଳନା ଓ ବ୍ୟବସାୟିକ ଯୋଜନା ତାଲିମ

ମାଲକାନଗିରି,୨୩।୪(ଡି.ଏନ୍‌.ଏ.): ମାଲକାନଗିରି ସଦର ପୁଷ୍ପକ ସମ୍ମିଳନୀ କକ୍ଷରେ ସୋମବାର ମହିଳା ଚାଷୀ ସମବାୟ ନିର୍ଦ୍ଦେଶିକାଙ୍କ ୨ ଦିନିଆ ତାଲିମ ଶିବିର ଉଦ୍‌ଯାପିତ ହୋଇଛି। କେନ୍ଦ୍ର ଓ ରାଜ୍ୟ ସରକାରଙ୍କ ସହାୟତାରେ ପୁଷ୍ପକ ଏବଂ ମାଧ୍ୟମ ଫାଉଣ୍ଡେସନ ଭୁବନେଶ୍ୱର ଆନୁକୂଲ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ମାଲକନାଗିରି ଜିଲା ଚିତ୍ରକୋଣ୍ଡା ଅଂଚଳର ସୀତାପାଦ, ଗ୍ରାମୀଣ ଓ ସବୁଜ ମାଲକାନଗିରି ବ୍ଲକର ପଦ୍ମାବତୀ ଓ ଗୋଦାବରୀ ଏହିପରି ୩୬ଟି ଗୋଷ୍ଠୀର ୩୬ ଜଣ ମହିଳା ନିର୍ଦ୍ଦେଶିକା ଅଂଶଗ୍ରହଣ କରିଥିଲେ।

ସଡ଼କ ସୁରକ୍ଷା ପାଇଁ ଗଡ଼ିଲା ସଚେତନତା ରଥ

ସଡ଼କ ସୁରକ୍ଷା ପାଇଁ ଗଡ଼ିଲା ସଚେତନତା ରଥ

ମାଲକାନଗିରି,୨୩।୪(ଡି.ଏନ୍‌.ଏ.): ମାଲକାନଗିରି ଜିଲା ସଡ଼କ ପରିବହନ ନିଭାଗ ପକ୍ଷରୁ ସୋମବାର ସଡ଼କ ସୁରକ୍ଷା ସପ୍ତାହ ପାଳନ ଅବସରରେ ଏକ ସଚେତନତା ରଥ ଜିଲାପାଳ ମନୀଷ ଅଗ୍ରୱାଲଙ୍କ ଦ୍ୱାରା ଉଦ୍‌ଘାଟିତ ହୋଇଛି। ପୂର୍ବାହ୍ନରେ ଜିଲାପାଳଙ୍କ କାର୍ଯ୍ୟାଳୟରୁ ଏହି ରଥ ବାହାରି ସହର ସହର ବିଭିନ୍ନ ଅଞ୍ଚଳ ପରିକ୍ରମା କରି ସଡ଼କ ସୁରକ୍ଷା ଜୀବନ ରକ୍ଷା ବାର୍ତ୍ତା ଦେଇଥିଲା।

ମାଓବାଦୀଙ୍କ ଟାର୍ଗେଟରେ ଠିକାଦାର, ଇନ୍‌ଫର୍ମର: ପ୍ରଜାକୋର୍ଟରେ ମୃତ୍ୟୁଦଣ୍ତ ଚେତାବନୀ

ମାଓବାଦୀଙ୍କ ଟାର୍ଗେଟରେ ଠିକାଦାର, ଇନ୍‌ଫର୍ମର: ପ୍ରଜାକୋର୍ଟରେ ମୃତ୍ୟୁଦଣ୍ତ ଚେତାବନୀ

ମାଥିଲି,୨୩।୪(ଡି.ଏନ୍‌.ଏ.): କିଛି ଦିନର ନୀରବତା ପରେ ପୁଣି ମାତିଉଠିଛି ଲାଲ୍‌ବାହିନୀ। ରାସ୍ତା କାମକୁ ବିରୋଧ କରି ସେମାନେ ମାଲକାନଗିରି ଜିଲା ମାଥିଲି ଥାନା କର୍ତ୍ତନପାଲି ପଞ୍ଚାୟତ ଅନ୍ତର୍ଗତ ଦୁର୍ଗମ ସାନଗୁମ୍ମା ଓ ଲୁଲେର ଗ୍ରାମରେ ଧମକପୂର୍ଣ୍ଣ ପୋଷ୍ଟର ମାରିଥିବା ସୋମବାର ଦେଖିବାକୁ ମିଳିଛି। ପୋଷ୍ଟର ମାଧ୍ୟମରେ ଠିକାଦାର ଓ ସୁରକ୍ଷା କର୍ମୀଙ୍କ ଇନ୍‌ଫର୍ମର ସାଜୁଥିବା ବ୍ୟକ୍ତିଙ୍କୁ ପ୍ରଜାକୋର୍ଟରେ ମୃତ୍ୟୁଦଣ୍ତ ଦିଆଯିବ ବୋଲି ଚେତାବନୀ ଦେଇଛନ୍ତି।