Dharitri News
ରାଜ୍ୟ |

ବର୍ଷର ପ୍ରଥମ ସୁପରମୁନ୍‌: ୧୦% ବଡ଼, ୨୫% ଉଜ୍ଜ୍ୱଳ

ବର୍ଷର ପ୍ରଥମ ସୁପରମୁନ୍‌: ୧୦% ବଡ଼, ୨୫% ଉଜ୍ଜ୍ୱଳ ଭୁବନେଶ୍ୱର, ୨।୧(ବ୍ୟୁରୋ)- ମଙ୍ଗଳବାର ଥିଲା ପୂର୍ଣ୍ଣିମା। ଏହି ଦିନ ୨୦୧୮ ମସିହାର ପ୍ରଥମ ‘ସୁପରମୁନ୍‌’ ଦେଖିବାକୁ ମିଳିଥିଲା, ଯାହା ଅନ୍ୟ ସାଧାରଣ ଦିନର ପୂର୍ଣ୍ଣ ଚନ୍ଦ୍ରଠାରୁ ପ୍ରାୟ ୧୦% ବଡ଼ ଓ ୨୫% ଉଜ୍ଜ୍ୱଳ ଥିଲା। ପୃଥିବୀଠାରୁ ଚନ୍ଦ୍ର ପ୍ରାୟ ୩ଲକ୍ଷ ୫୬ ହଜାର ୫୬୫ କିଲୋମିଟର ଦୂରତାରେ ଥିବାବେଳେ ପୂର୍ଣ୍ଣମୀ ପଡ଼ୁଥିବାରୁ ଚନ୍ଦ୍ରଟି ଏପରି ବଡ଼ ଦେଖାଯାଉଛି ବୋଲି ପଠାଣି ସାମନ୍ତ ପ୍ଲାନେଟାରିୟମ୍‌ ଉପନିର୍ଦ୍ଦେଶକ ଡ. ଶୁଭେନ୍ଦୁ ପଟ୍ଟନାୟକ କହିଛନ୍ତି। ଏହି ବଡ଼ ଓ ଉଜ୍ଜ୍ୱଳ ଚନ୍ଦ୍ରଟି ‘ସୁପରମୁନ୍‌’ ଭାବେ ପରିଚିତ। ପଠାଣି ସାମନ୍ତ ପ୍ଲାନେଟାରିୟମ୍‌ ପକ୍ଷରୁ ଏହି ବିରଳ ତଥା ସୁନ୍ଦର ମହାଜାଗତିକ ଦୃଶ୍ୟକୁ ଦୂରବୀକ୍ଷଣ ଯନ୍ତ୍ର ଦ୍ୱାରା ଦେଖିବାର ବ୍ୟବସ୍ଥା କରାଯାଇଥିଲା। ସୂଚନାଯୋଗ୍ୟ, ମଙ୍ଗଳବାର ରାତିରେ ଦୃଶ୍ୟମାନ ହୋଇଥିବା ଏହି ମହାଜାଗତିକ ଘଟଣାଟି ୨୦୧୮ ମସିହାରେ ପ୍ରଥମ ‘ସୁପରମୁନ୍‌’ ଓ ଚଳିତ ୩-ସୁପରମୁନ୍‌ ସିରିଜ୍‌’ର ଦ୍ୱିତିୀୟ। ଏହି ସିରିଜର ପ୍ରଥମ ସୁପରମୁନ୍‌ ଗତ ଡିସେମ୍ବର ୩ ରାତିରେ ଦେଖାଯାଇଥିବା ବେଳେ ଶେଷଟି ଆସନ୍ତା ଜାନୁୟାରୀ ୩୧ ସନ୍ଧ୍ୟାରେ ଦେଖାଯିବ। ଆସନ୍ତା ୩୧ ତାରିଖ ସନ୍ଧ୍ୟାରେ ଦେଖାଯିବାକୁ ଥିବା ସୁପରମୁନ୍‌ ସମୟରେ ପୂର୍ଣ୍ଣ ଚନ୍ଦ୍ରଗ୍ରହଣ ମଧ୍ୟ ସଙ୍ଗଠିତ ହେବ। ଏହା ଭାରତ ସହିତ ପୃଥିବୀର କିଛି ଅଞ୍ଚଳକୁ ଦୃଶ୍ୟମାନ ହେବ। ସେହିପରି ଜାନୁୟାରୀରେ ଦୁଇଟି ପୂର୍ଣ୍ଣମୀ ପଡ଼ୁଛି। ଗୋଟିଏ ମଙ୍ଗଳବାର ଥିବା ବେଳ ଅନ୍ୟଟି ୩୧ ତାରିଖରେ ପଡ଼ିବ। ୩୧ ତାରିଖରେ ପଡ଼ୁଥିବା ଦ୍ୱିତୀୟ ପୂର୍ଣ୍ଣମୀକୁ ‘ବ୍ଲୁ ମୁନ୍‌ ବା ନୀଳ ଜହ୍ନ’ ବୋଲି କୁହାଯିବ। କିନ୍ତୁ ସେଦିନ ଚନ୍ଦ୍ର ଗ୍ରହଣ ସମୟରେ ଦୃଶ୍ୟ ହେଉଥିବା ଅଞ୍ଚଳରେ ଚନ୍ଦ୍ରଟି ସମ୍ପୂର୍ଣ୍ଣ ଲାଲ ରଙ୍ଗର ଦେଖାଯିବ। ‘ସୁପରମୁନ୍‌’ କିମ୍ବା ‘ନୀଳ-ଲାଲ ଚନ୍ଦ୍ର’ ଓ ଗ୍ରହଣ ଆଦି ଏକ ସାଧାରଣ ମହାଜାଗତିକ ଘଟଣା। ପୃଥିବୀ ତଥା ଆମ ଉପରେ ଏହାର ପ୍ରଭାବ ପଡ଼େ ନାହିଁ। ସମସ୍ତେ ଏହି ସୁନ୍ଦର ଦୃଶ୍ୟଗୁଡ଼ିକୁ ଉପଭୋଗ କରିବା ସହ ଏହା ପଛରେ ରହିଥିବା କାରଣଗୁଡ଼ିକ ଜାଣିବା ଉଚିତ ବୋଲି ଶୁଭେନ୍ଦୁ ପଟ୍ଟନାୟକ କହିଛନ୍ତି।

ରାଜ୍ୟ |

ଭାଜପାରେ ସାମିଲ ହେଲେ ମିହିର, ଅନୁ, ରମାରଞ୍ଜନ

ଭାଜପାରେ ସାମିଲ ହେଲେ ମିହିର, ଅନୁ, ରମାରଞ୍ଜନ

ଭୁବନେଶ୍ୱର, ୨୦।୧(ବ୍ୟୁରୋ): ସାଧାରଣ ନିର୍ବାଚନକୁ ଦେଢ଼ ବର୍ଷରୁ କମ୍‌ ସମୟ ଥିବାରୁ ବିଭିନ୍ନ ରାଜନୈତିକ ଦଳରେ କର୍ମୀ ମିଶିବା, ଛାଡିବା ପର୍ବ ଆରମ୍ଭ ହୋଇଛି। ଅଭିନେତା ମିହିର ଦାସ, ଅଭିନେତ୍ରୀ ଅନୁ ଚୌଧୁରୀ ଏବଂ ସତ୍ୟବାଦୀ ପୂର୍ବତନ ବିଧାୟକ ରମାରଞ୍ଜନ ବଳିଆରସିଂ ବିଧିବଦ୍ଧ ଭାବେ ଶନିବାର ଭାଜପାରେ ଯୋଗଦାନ କରିଛନ୍ତି।

ଏମ୍‌ଆର୍‌ ଟିକାକରଣ ଅଭିଯାନ ପ୍ରସ୍ତୁତି ବୈଠକ

ଏମ୍‌ଆର୍‌ ଟିକାକରଣ ଅଭିଯାନ ପ୍ରସ୍ତୁତି ବୈଠକ

ଭୁବନେଶ୍ୱର, ୨୦।୧(ବ୍ୟୁରୋ): ରାଜ୍ୟର ସମସ୍ତ ଜିଲାରେ ମିଳିମିଳା ଓ ଜର୍ମାନ୍‌ ମିଳିମିଳା ଟିକାକରଣ ଅଭିଯାନ ଆସନ୍ତା ୨୯ ତାରିଖରୁ ଆରମ୍ଭ ହେବ। ଏହି ଟିକା ୯ ମାସରୁ ୧୫ ବର୍ଷ ବୟସର ପିଲାମାନଙ୍କୁ ଦିଆଯିବ। ପ୍ରଥମ ଥର ପାଇଁ ଏହି ଗୁରୁତ୍ୱପୂର୍ଣ୍ଣ ଟିକାକରଣ କରାଯାଉଥିବାରୁ ଶନିବାର ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ କମିଶନର ତଥା ଶାସନ ସଚିବ ଡ. ପ୍ରମୋଦ କୁମାର ମେହେର୍ଦ୍ଦାଙ୍କ ଅଧ୍ୟକ୍ଷତାରେ ଏହାର ପ୍ରସ୍ତୁତିକୁ ନେଇ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଛି।

୨୪ ପୋଲିସ ଅଧିକାରୀ ସମ୍ବର୍ଦ୍ଧିତ

କଟକ ଅଫିସ, ୨୦।୧: ୨୪ ପୋଲିସ ଅଧିକାରୀଙ୍କୁ ଶନିବାର କ୍ରାଇମବ୍ରାଞ୍ଚର ମୁଖ୍ୟ କାର୍ଯ୍ୟାଳୟରେ ସମ୍ବର୍ଦ୍ଧିତ କରାଯାଇଛି। ପୋଲିସ ଡିଜି ଆର୍‌. ପି ଶର୍ମା ଉପସ୍ଥିତ ରହି ଏହି ସମ୍ବର୍ଦ୍ଧନା କରିଛନ୍ତି। ଗୁରୁତ୍ୱପୂର୍ଣ୍ଣ ମାମଲାଗୁଡିକର ଉନ୍ନତମାନର ତଦନ୍ତ ପାଇଁ ଏହି ସମ୍ବର୍ଦ୍ଧନା ଦିଆଯାଇଛି।

ଖୁବ୍‌ଶୀଘ୍ର ରିପୋର୍ଟ ଦେବେ ପ୍ରମିଳା

ଖୁବ୍‌ଶୀଘ୍ର ରିପୋର୍ଟ ଦେବେ ପ୍ରମିଳା

ଭୁବନେଶ୍ୱର, ୨୦।୧(ବ୍ୟୁରୋ): କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା ଏବଂ କର୍ମୀମାନଙ୍କ ମଧ୍ୟରେ ଦେଖାଦେଇଥିବା ବିବାଦର ଶିଘ୍ର ହେବ ସମାଧାନ। ଏ ନେଇ ସୂଚନା ଦେଇଛନ୍ତି କେନ୍ଦ୍ରାପଡ଼ା ପର୍ଯ୍ୟବେକ୍ଷକ ପ୍ରମିଳା ମଲ୍ଲିକ।

ଜଣଙ୍କ ମୃତଦେହ ଉଦ୍ଧାର, ଜଣେ ନିଖୋଜ

ଜଣଙ୍କ ମୃତଦେହ ଉଦ୍ଧାର, ଜଣେ ନିଖୋଜ

ପୁରୀ ଅଫିସ, ୨୦।୧: ପୁରୀ ସମୁଦ୍ରରେ ଗାଧୋଉଥିବା ବେଳେ ନିଖୋଜ ଥିବା ୨ କ୍ରିକେଟ ଖେଳାଳିଙ୍କ ମଧ୍ୟରୁ ଜଣଙ୍କ ମୃତଦେହ ଶନିବାର ଉଦ୍ଧାର କରାଯାଇଛି।

ଆଠ ଧାଡ଼ିର ରିପୋର୍ଟ ପାଇଁ ୪୦ ସପ୍ତାହ ସମୟ

କଟକ ଅଫିସ, ୧୯।୧- କନ୍ଧମାଳ ଜିଲାର ଆଶ୍ରମ ସ୍କୁଲଗୁଡିକରେ ମ୍ୟାଲେରିଆ ବ୍ୟାପୁଥିବା ନେଇ ଦାଏର ହୋଇଥିବା ଏକ ମାମଲାରେ ଓଡ଼ିଶା ମାନବାଧିକାର କମିଶନ ରିପୋର୍ଟ ତଲବ କରିଥିଲେ। ୪ ସପ୍ତାହ ମଧ୍ୟରେ ରିପୋର୍ଟ ଦାଖଲ ପାଇଁ କମିଶନ କନ୍ଧମାଳ ଜିଲାପାଳ ଓ ଜିଲା ମୁଖ୍ୟ ଚିକିତ୍ସା ଅଧିକାରୀଙ୍କୁ ନିର୍ଦ୍ଦେଶ ଦେଇଥିଲେ । କିନ୍ତୁ ଏତେବଡ଼ ସମ୍ବେଦନଶୀଳ ମାମଲାରେ ଏଇ ଦୁଇ ଅଫିସର ୪ ସପ୍ତାହ ବଦଳରେ ୧୦ ମାସ ଅର୍ଥାତ୍‌ ୪୦ ସପ୍ତାହରୁ ଅଧିକ ସମୟ ନେଇଛନ୍ତି।

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

୧୨୧ଟି ଟେଣ୍ଡରକୁ ଅସିଦ୍ଧ କଲେ ହାଇକୋର୍ଟ

କଟକ ଅଫିସ, ୧୯।୧- କୋରାପୁଟ ଜିଲାରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ନିର୍ମାଣ ଯୋଜନାରେ ହୋଇଥିବା ଟେଣ୍ଡର ପ୍ରକ୍ରିୟାରେ ବ୍ୟାପକ ଜାଲିଆତି କରାଯାଇଛି। ଏ ସମ୍ପର୍କିତ ଆଗତ ମାମଲାର ବିଚାର କରି ହାଇକୋର୍ଟ ୧୨୧ଟି ଟେଣ୍ଡରକୁ ଅସିଦ୍ଧ ଘୋଷଣା କରିଛନ୍ତି।

ପ୍ରାଚୀକୂଳରେ ୪ ହଜାର ବର୍ଷ ତଳ ସଭ୍ୟତାର ସନ୍ଧାନ

ପ୍ରାଚୀକୂଳରେ ୪ ହଜାର ବର୍ଷ ତଳ ସଭ୍ୟତାର ସନ୍ଧାନ

ଭୁବନେଶ୍ୱର, ୧୯।୧(ବ୍ୟୁରୋ)- ନିଆଳି ନିକଟ ପ୍ରାଚୀନଦୀ କୂଳ ଭାରତୀହୁଡାରେ ପୁରାତନ ସଭ୍ୟତାର ଅନୁସନ୍ଧାନ କରୁଥିବା ଭୁବନେଶ୍ୱରସ୍ଥିତ ପ୍ରନତ୍ତାତ୍ତ୍ବିକ ସର୍ବେକ୍ଷଣ ସଂସ୍ଥା(ଏଏସ୍‌ଆଇ) ଉତ୍‌ଖନନ ଶାଖା-୪କୁ ମିଳିଛି ସଫଳତା।

କମ୍ପ୍ୟୁଟରୀକରଣ ହେବ ସ୍ବାସ୍ଥ୍ୟସେବା ସମ୍ପର୍କିତ ତଥ୍ୟ

କମ୍ପ୍ୟୁଟରୀକରଣ ହେବ ସ୍ବାସ୍ଥ୍ୟସେବା ସମ୍ପର୍କିତ ତଥ୍ୟ

ଭୁବନେଶ୍ୱର, ୧୯।୧(ବ୍ୟୁରୋ)- ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ରାଜ୍ୟରେ ଥିବା ସ୍ବାସ୍ଥ୍ୟକେନ୍ଦ୍ରଗୁଡିକରେ ଓଡ଼ିଶା ଇ-ହସ୍ପିଟାଲ ମ୍ୟାନେଜମେଣ୍ଟ୍‌ ଇନ୍‌ଫର୍ମେଶନ୍‌ ସିଷ୍ଟମ(ଓଇଏଚ୍‌ଏମ୍‌ଆଇଏସ୍‌) ବ୍ୟବସ୍ଥା କାର୍ଯ୍ୟକାରୀ ହେବ।

ଆସିବ ପର୍ଯ୍ୟଟନ ଆଇନ

ଆସିବ ପର୍ଯ୍ୟଟନ ଆଇନ

ଭୁବନେଶ୍ୱର, ୧୯।୧(ବ୍ୟୁରୋ)- ପର୍ଯ୍ୟଟକଙ୍କୁ ଦୁର୍ବ୍ୟବହାର କଲେ ନିଆଯିବ କଠୋର କାର୍ଯ୍ୟାନୁଷ୍ଠାନ। ଜେଲ୍‌ଦଣ୍ଡ ସହ ଜରିମାନା ଆଦାୟ ହେବ। ବିଦେଶୀ ପର୍ଯ୍ୟଟକଙ୍କୁ ହଇରାଣ ହରକତ କିମ୍ବା ଠକିଲେ କଠୋର ଦଣ୍ଡ ଦିଆଯିବ।

ପଦ୍ମ ଧରିବେ ମିହିର, ଅନୁ, ରମାରଞ୍ଜନ

ପଦ୍ମ ଧରିବେ ମିହିର, ଅନୁ, ରମାରଞ୍ଜନ

ଭୁବନେଶ୍ୱର, ୧୯।୧(ବ୍ୟୁରୋ): ଅଭିନେତା ମିହିର ଦାସ, ଅଭିନେତ୍ରୀ ଅନୁ ଚୌଧୁରୀ ଏବଂ ସତ୍ୟବାଦୀ ପୂର୍ବତନ ବିଧାୟକ ରମାରଞ୍ଜନ ବଳିଆର ସିଂହ ଭାଜପାରେ ଯୋଗଦେବେ।

ଭାଜପାର ମିଶନ ଓଡ଼ିଶାରେ ସାମିଲ ହେଲେ ରମାରଞ୍ଜନ

ଭାଜପାର ମିଶନ ଓଡ଼ିଶାରେ ସାମିଲ ହେଲେ ରମାରଞ୍ଜନ

ସାକ୍ଷୀଗୋପାଳ, ୧୯।୧(ଡି.ଏନ୍‌.ଏ.): ପୁରୀ ଜିଲା ସତ୍ୟବାଦୀର ପୁର୍ବତନ ବିଧାୟକ ରମାରଞ୍ଜନ ବଳିୟାରସିଂହ ବିଜେଡି ଛାଡ଼ିବା ପରେ ଭାଜପାରେ ମିଶିବା ନିଶ୍ଚିତ ହୋଇଛି। ଶନିବାର ଭାଜପାର ରାଜ୍ୟ କାର୍ଯ୍ୟାଳୟରେ ମିଶ୍ରଣ ପର୍ବ ଅନୁଷ୍ଠିତ ହେବ।