ବ୍ରହ୍ମପୁର

ବିଭାଗୀୟ ଅଣଦେଖାରୁ ହଜିବାକୁ ବସିଛି ଔଷଧୀୟ ବୃକ୍ଷ

ବିଭାଗୀୟ ଅଣଦେଖାରୁ ହଜିବାକୁ ବସିଛି ଔଷଧୀୟ ବୃକ୍ଷ
ଦାରିଙ୍ଗବାଡ଼ି, ୨।୧ (ଡି.ଏନ.ଏ.)- ଦାରିଙ୍ଗବାଡ଼ିରେ ଥିବା ନେଚର ପାର୍କର ଅବସ୍ଥା ଶୋଚନୀୟ ଆଡ଼କୁ ଗତି କରୁଛି। ପାର୍କରେ ଥିବା ପ୍ରଜାପତି ଉଦ୍ୟାନ ସମେତ ଔଷଧୀୟ ଗଛ ସବୁ ନଷ୍ଟ ହେବାକୁ ବସିଲାଣି। ଏବେ ଆଉ ପାର୍କ ଭିତରେ ପର୍ଯ୍ୟଟକମାନେ ପ୍ରଜାପତି ଦେଖିବାକୁ ପାଉ ନ ଥିବା ଅଭିଯୋଗ ହେଉଛି। ସେପଟେ ଦାରିଙ୍ଗବାଡ଼ିକୁ ଆସୁଥିବା ପର୍ଯ୍ୟଟକମାନେ ହିଲ୍‌ଭିୟୁ ପାର୍କ ସମେତ ଦାସିଂବାଡ଼ି ଜଳପ୍ରପାତ, କଫି ବଗିଚା, ଡୁଲୁରୀ ପାଇନବଣ ଓ କିରିକୁଟି ଠାରେ ଥିବା ଲଭର୍ସପଏଣ୍ଟ, ସାଇଲେଣ୍ଟ ଭ୍ୟାଲିକୁ ଦେଖିବାକୁ ଆସୁଥିବା ବେଳେ ନେଚରପାର୍କ ପର୍ଯ୍ୟଟକଙ୍କୁ ଅଧିକ ଆକୃଷ୍ଟ କରୁଛି। ସେଠାରେ ଫାଇବରରେ ନିର୍ମିତ ବିଭିନ୍ନ ପ୍ରାଣୀଙ୍କ ସମେତ ହାତୀ, ଜନଜାତି ପରମ୍ପରା ସମ୍ପର୍କରେ ଜାଣିବା ପାଇଁ ତାଙ୍କର ମୂର୍ତ୍ତି ସ୍ଥାପନ କରାଯାଇଛି। ସେହିପରି ଫାଉଣ୍ଟେନ, ଜଳପ୍ରପାତ, ଥ୍ରୀଡି ହଲ୍‌ ଆଦି କରାଯାଇଛି। କିନ୍ତୁ ଥ୍ରୀଡି ହଲକୁ ବ୍ୟବହାର କରାଯାଉ ନ ଥିବା ବେଳେ ବହୁ ଦିନ ଧରି ଫାଉଣ୍ଟେନ ମଧ୍ୟ ଅଚଳ ହୋଇ ରହିଛି। ଫଳରେ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ଦେଖାଯାଇଛି। ସେହି ପାର୍କରେ ରହିଛି ଚରକଙ୍କ ପଥର ମୂର୍ତ୍ତି ଓ ବିଭିନ୍ନ ପ୍ରକାର ଔଷଧ ଗଛ। କେତେକ ହାତଗଣତି ଏହି ଗଛ ବଞ୍ଚିଥିବା ବେଳେ ବହୁ ଔଷଧ ଗଛ ରକ୍ଷଣାବେକ୍ଷଣ ଅଭାବରୁ ନଷ୍ଟ ହୋଇଯାଇଛି। କେବଳ ଫଳକ ବଞ୍ଚି ରହିଥବା ଜଣାପଡ଼ିଛି। ଔଷଧ ଗଛ ମଧ୍ୟରେ ପାତାଳ ଗରୁଡ଼, ଯୁଆଣି, ଧଳା ତୁଳସୀ, ଗାଇଗୋବରା, ଫାଲକୁଡ଼ି, କଇଠ, ତାଳମୂଳି, ପୋଦିନା, ବାହାଡ଼ା, କଞ୍ଚନ, ବେଲ, ମଞ୍ଜୁଆତି, ବେତ, ନରକୋଳି, ଅରଖ, ପିପଳି, ସତାବରୀ, ଭ୍ରୁଙ୍ଗରାଜ, ଗୁଳୁଚି, ଅନ୍ନପୂର୍ଣ୍ଣା, ଧନ୍ବନ୍ତରୀ, କରଞ୍ଜ, ଲେମ୍ବୁ, ଘିକୁଅଁାରୀ, ମେହେଗାନୀ, ଅମରପୋଇ, ଗୁଡ଼ମାରୀ, ଅକନବିନ୍ଦି, ଦେବସଣ୍ଠ, ବାସଙ୍ଗ, ରୁଜମାରୀ, ଗଙ୍ଗଶିଉଳି, କଟକିଧନିଆ, ଗନ୍ଧସୁଣ୍ଠି, ଅକରକରା, କର୍ପୂର ତୁଳସୀ, ଦାସକେରେଣ୍ଡା, କଳା ସାରୁ, ବ୍ରାହ୍ମୀ, ହାଡ଼ଭଙ୍ଗା, ଧଳାପିତାପାରୁ, ମହାନିମ, ଅଶୋକ, କୁଚିଲା, ଡାଲଚିନ୍‌, ପୁତ୍ରଦିମ୍ବା, ବଉଳ, ଫଣଫଣା, ରକ୍ତଚନ୍ଦନ, ସଦା ବିହାରୀ, ଦୟାଣା, ବଣହଳଦୀ, ବଣତୁଳସୀ ଓ କଳାତୁଳସୀ ଭଳି ଆୟୁର୍ବେଦ ବୃକ୍ଷ ରହିଛି। ଏହାର ଉଦ୍ଦେଶ୍ୟ ଲୋକେ ଔଷଧୀୟ ଗଛ ସହ ପରିଚିତ ହେବା। ଆୟୁର୍ବେଦ ପଦ୍ଧତି ଉପରେ ଆଗ୍ରହ ରହିବା ପାଇଁ ଜଙ୍ଗଲ ଓ ପରିବେଶ ବିଭାଗ ପକ୍ଷରୁ ନେଚରପାର୍କରେ ଔଷଧୀୟ ପାର୍କ ମଧ୍ୟ କରାଯାଇଛି। ଏହି ବୃକ୍ଷ ମଧ୍ୟରୁ ଅନେକ ଏବେ ଏହି ପାର୍କରୁ ହଜିବାକୁ ବସିଲାଣି। ସେହିପରି ପାର୍କ ଭିତରେ ପ୍ରଜାପତିଙ୍କ ପାଇଁ ଲାଗିଥିବା ବିଭିନ୍ନ ଗଛ ମଧ୍ୟ ରକ୍ଷଣାବେକ୍ଷଣ ଓ ପାଣିପାଗର ପରିବର୍ତ୍ତନ ଯୋଗୁ ନଷ୍ଟ ହୋଇଯାଇଛି। ପ୍ରଜାପତିଙ୍କ ପାଇଁ ଥିବା ଗଛ ମଧ୍ୟରେ ବେର୍ବେନା,ପେଣ୍ଟାସ୍‌, ଜକ୍ରପା, ପ୍ଲାଣ୍ଟିନା, ପାଇରସ୍‌, କନିଅର, ଟେକମା ଓ ଏକଜେରା ଭଳି ଗଛ ରହିଛି। ଆଗରୁ ସେଠାକୁ ପ୍ରତିଦିନ ପ୍ରଜାପତି ଆସୁଥିବା ବେଳେ ଏହି ଗଛ ନଷ୍ଟ କାରଣରୁ ପାର୍କକୁ ଆଉ ପ୍ରଜାପତି ଆସୁ ନ ଥିବା ଜଣାପଡ଼ିଛି। ଫଳରେ ବିଭିନ୍ନ ପ୍ରଜାତିର ପ୍ରଜାପତିଙ୍କୁ ଦେଖିବାରୁ ପର୍ଯ୍ୟଟକ ବଞ୍ଚିତ ହେଉଛନ୍ତି। ଏନେଇ ବଗିଚାରେ କାର୍ଯ୍ୟ କରୁଥିବା ସୁଦଜିନୀ ପ୍ରଧାନ, କ୍ରାନ୍ତି ପ୍ରଧାନ, ଇମୋଜିନି ପ୍ରଧାନ ପ୍ରମୁଖ କହିଛନ୍ତି, ପାର୍କ ନିକଟରେ ବିଭାଗ ପକ୍ଷରୁ କଟେଜ କାର୍ଯ୍ୟ କରାଯାଉଥିଲା। ସେଠାରେ ତାଙ୍କୁ ନିୟୋଜିତ କରାଯିବାରୁ ଏପଟେ ପାର୍କ ବଗିଚାକୁ ସେମାନେ ରକ୍ଷଣାବେକ୍ଷଣ କରିପାରି ନ ଥିଲେ। ଏବେ ପୁଣି ସେମାନେ ବଗିଚା କାମ ଆରମ୍ଭ କରିଛନ୍ତି। ଶୀଘ୍ର ଗଛଗୁଡିକର ପୁନରୁଦ୍ଧାର କରାଯିବ। ସୂଚନାଯୋଗ୍ୟ, ଉକ୍ତ ପାର୍କକୁ ସାରିଙ୍ଗିଇର୍ପିର ବନ ସଂରକ୍ଷଣ ସମିତିକୁ ରକ୍ଷଣା ବେକ୍ଷଣ ଲାଗି ଦିଆଯାଇଛି। ସିମନବାଡ଼ି ବନାଞ୍ଚଳ ଅଧିକାରୀ ଓ ବାଲିଗୁଡ଼ା ଡିଏଫ୍‌ଓଙ୍କ ତତ୍ତ୍ୱାବଧାନରେ ଏହି ପାର୍କଗୁଡ଼ିକ ପରିଚାଳିତ ହେଉଥିବା ବନସଂରକ୍ଷଣ ସମିତି ସଭାପତି ସୁନିଲ କୁମାର ପ୍ରଧାନ କହିଛନ୍ତି। ସେ କହିଛନ୍ତି, ପାର୍କରେ ପର୍ଯ୍ୟଟକଙ୍କ ପାଇଁ ଆହୁରି ଅଧିକ ସୁବିଧା କରିବା ଆବଶ୍ୟକତା ରହିଛି। ବିଶେଷକରି ଶିଶୁମାନଙ୍କୁ ପାର୍କଟି ଆକୃଷ୍ଟ କରୁଥିବାରୁ ଶିଶୁ ଉଦ୍ୟାନର ଆବଶ୍ୟକତା ରହିଛି ବୋଲି ସଭାପତି ପ୍ରଧାନ କହଛନ୍ତି। ପାର୍କରେ ନଷ୍ଟ ହୋଇଥିବା ଔଷଧୀୟ ବୃକ୍ଷକୁ ପ୍ରତିରୋପଣ କରାଯିବା ସହ ଏଠାରେ ଥିବା ସମସ୍ୟାକୁ ଶୀଘ୍ର ଦୂର କରାଯିବ ବୋଲି ବାଲିଗୁଡ଼ା ଡିଏଫଓ କେ.ଏସ୍‌ .ପ୍ରଦୀପ କହିଛନ୍ତି।
All Right Reserved By

ବ୍ରହ୍ମପୁର

 ଦିବ୍ୟାଙ୍ଗ ରିକ୍ସା ଚାଳକଙ୍କୁ ଧକ୍କା ଦେଲା ଅଟୋ : ୭ ଆହତ ୧ ଗୁରୁତର

ଦିବ୍ୟାଙ୍ଗ ରିକ୍ସା ଚାଳକଙ୍କୁ ଧକ୍କା ଦେଲା ଅଟୋ : ୭ ଆହତ ୧ ଗୁରୁତର

ବ୍ରହ୍ମପୁର ଅଫିସ,୨୩ା୧: ଗଞ୍ଜାମ ଜିଲା  ଖଲିକୋଟ କଲେଜ ଛକଠାରେ ବୁଧବାର ମଧ୍ୟାହ୍ନରେ କଥା କହି ପାରୁ ନ ଥିବା  ଜଣେ ଦିବ୍ୟାଙ୍ଗ ରିକ୍ସା ଚାଳକଙ୍କୁ ଏକ ପାସେଞ୍ଜର ଅଟୋ ଧକ୍କା ଦେଇଛି। ଏଥିରେ ୭ ଜଣ ଆହତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ଆହତଙ୍କ ମଧ୍ୟରେ ୬ଜଣ ବୃଦ୍ଧା ରହିଥିବା ଜଣାପଡିଛି । 

ଦୀପରୁ ନିଆଁ ଲାଗି ବୃଦ୍ଧାଙ୍କ ମୃତ୍ୟୁ

ଦୀପରୁ ନିଆଁ ଲାଗି ବୃଦ୍ଧାଙ୍କ ମୃତ୍ୟୁ

ବ୍ରହ୍ମପୁର ଅଫିସ,୨୩ା୧: ଗଞ୍ଜାମ ଜିଲା କୋଦଳା ଥାନା ଅଧୀନ  ତଳରାମପାଲି ଗ୍ରାମରେ ଦୀପରୁ ନିଆଁ ଲାଗି ମଙ୍ଗଳବାର ଜଣେ ବୃଦ୍ଧାଙ୍କ ମୃତ୍ୟୁ  ଘଟିଛି । ସେ ହେଲେ ମୁକ୍ତା ଲେଙ୍କା (୯୦) । 

ନାବାଳିକାଙ୍କ ସହ ପ୍ରେମସମ୍ପର୍କ ରଖିବା ଯୋଗୁ ଜୀବନ ଗଲା, ଧରାକୋଟରେ ବ୍ୟାଙ୍କ କ୍ୟାଶିୟରଙ୍କୁ ହତ୍ୟା

ନାବାଳିକାଙ୍କ ସହ ପ୍ରେମସମ୍ପର୍କ ରଖିବା ଯୋଗୁ ଜୀବନ ଗଲା, ଧରାକୋଟରେ ବ୍ୟାଙ୍କ କ୍ୟାଶିୟରଙ୍କୁ ହତ୍ୟା

ଧରାକୋଟ,୨୩।୧(ଡି.ଏନ୍‌.ଏ.): ଗଞ୍ଜାମ ଜିଲା ଧରାକୋଟ ଥାନା ଅଧୀନ ମୁଣ୍ଡମରାଇ ଗ୍ରାମରେ ଥିବା ଆନ୍ଧ୍ରା ବ୍ୟାଙ୍କରେ କାର୍ଯ୍ୟରତ କ୍ୟାଶିୟର ବିନୟ କୁମାର ବେହେରାଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହକୁ ବୁଧବାର ଉଦ୍ଧାର କରାଯାଇଛି। ବିନୟଙ୍କୁ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। 

ସାଧାରଣ ନିର୍ବାଚନ ପ୍ରସ୍ତୁତି:  ବଦଳିବେ ୩ ବର୍ଷରୁ ଅଧିକ ଥିବା ଅଧିକାରୀ

ସାଧାରଣ ନିର୍ବାଚନ ପ୍ରସ୍ତୁତି: ବଦଳିବେ ୩ ବର୍ଷରୁ ଅଧିକ ଥିବା ଅଧିକାରୀ

ଛତ୍ରପୁର,୨୩ା୧(ଡି.ଏନ.ଏ.)-ଗଞ୍ଜାମ ଜିଲାରେ ହେବାକୁ ଥିବା ସାଧାରଣ ନିର୍ବାଚନ ପ୍ରସ୍ତୁତି ନେଇ ପ୍ରଶାସନ ପକ୍ଷରୁ ତପତ୍ରତା ପ୍ରକାଶ ପାଇଛି। 

ଚାଷୀ ସମାବେଶରେ ଖୋଲିବ ୨୨ ଷ୍ଟଲ୍‌

ଚାଷୀ ସମାବେଶରେ ଖୋଲିବ ୨୨ ଷ୍ଟଲ୍‌

ବ୍ରହ୍ମପୁର ଅଫିସ,୨୩ା୧-ନବଗଠିତ ଗଞ୍ଜାମ ଜିଲା ବିଜୁ କୃଷକ ଜନତା ଦଳର ପ୍ରଥମ ବୈଠକ ମଙ୍ଗଳବାର ବ୍ରହ୍ମପୁର ବିଜେଡି କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି । ଆସନ୍ତା ୨୭ ତାରିଖରେ ଗୋପାଳପୁର ନିର୍ବାଚନ ମଣ୍ଡଳୀ ରଙ୍ଗେଇଲୁଣ୍ଡା ନିକଟରେ ହେବାକୁ ଥିବା କୃଷକ ମହାସମାବେଶକୁ ସମ୍ପୂର୍ଣ୍ଣ ସଫଳ କରିବା ପାଇଁ ନିଷ୍ପତ୍ତି ନିଆଯାଇଛି। 

ନଦୀରେ ବୁଡ଼ି ଯୁବତୀ ମୃତ

ପୁରୁଷୋତ୍ତମପୁର,୨୩୧(ଡି.ଏନ୍‌.ଏ.) -ପୁରୁଷୋତ୍ତମପୁର ଥାନା ରଣଝାଲି ଗ୍ରାମ ଋଷିକୁଲ୍ୟା ନଦୀରେ ବୁଡି ଜଣେ ଯୁବତୀଙ୍କ ମୃତ୍ୟୁ ଘଟିଥିବା ମଙ୍ଗଳବାର ଅଭିଯୋଗ ହୋଇଛି। ସେ ହେଲେ ରିଲି ଦାସ। 

ମହିଳାଙ୍କୁ ବିଏମ୍‌ସିର ରାଜମିସ୍ତ୍ରି ତାଲିମ

ମହିଳାଙ୍କୁ ବିଏମ୍‌ସିର ରାଜମିସ୍ତ୍ରି ତାଲିମ

ବ୍ରହ୍ମପୁର ଅଫିସ,୨୩ା୧-ମହିଳାମାନେ ଅବଳା ଦୁର୍ବଳା ନୁହନ୍ତି ା ସେମାନେ ମଧ୍ୟ ପୁରୁଷ ସହ ସମକକ୍ଷ। ସେମାନେ ହୋଇଛନ୍ତି ସଶକ୍ତ ଓ ଆତ୍ମନିର୍ଭରଶୀଳ। 

ଘରେ ପଶି ଦମ୍ପତିଙ୍କୁ ଆକ୍ରମଣ, ଏସ୍‌ପିଙ୍କୁ ଅଭିଯୋଗ

ବ୍ରହ୍ମପୁର ଅଫିସ୍‌/କନିଷି,୨୩ା୧-ବ୍ରହ୍ମପୁର ଗୋଳନ୍ଥରା ଥାନା  ପଞ୍ଚମା ଗ୍ରାମରେ ସୋମବାର ଜଣେ ଦମ୍ପତିଙ୍କ ଘରେ ପଶି କେତେକ ଦୃର୍ବୃତ୍ତ ଦୁର୍ବବ୍ୟବହାର କରିବା ସହିତ ମାଡ ମାରିଥିବା ଅଭିଯୋଗ ହୋଇଛି| 

ଟାଟା ବିସ୍ଥାପିତଙ୍କ ପ୍ରତିଶ୍ରୁତି ପୂରଣ ଦାବି:  ଶିବସେନାର ବିକ୍ଷୋଭ, ଆରଡିସିଙ୍କୁ ଦାବିପତ୍ର

ଟାଟା ବିସ୍ଥାପିତଙ୍କ ପ୍ରତିଶ୍ରୁତି ପୂରଣ ଦାବି: ଶିବସେନାର ବିକ୍ଷୋଭ, ଆରଡିସିଙ୍କୁ ଦାବିପତ୍ର

ବ୍ରହ୍ମପୁର ଅଫିସ,୨୩ା୧-ଟାଟା କମ୍ପାନୀ ଦ୍ୱାରା ବିସ୍ଥାପିତ ଲୋକଙ୍କ ନ୍ୟାର୍ଯ୍ୟ ଦାବି ପୂରଣ ପ୍ରତିବାଦରେ  ଶିବସେନାର ଯୁବସେନା  ପକ୍ଷରୁୂ ମଙ୍ଗଳବାର ଏକ ବିକ୍ଷୋଭ ଶୋଭାଯାତ୍ରା ଆୟୋଜିତ ହୋଇଥିଲା| 

ଅଭିଯୋଗ ପରେ ମଣ୍ଡିରୁ ଧାନ ଉଠାଇବାକୁ ନିର୍ଦ୍ଦେଶ

ଅଭିଯୋଗ ପରେ ମଣ୍ଡିରୁ ଧାନ ଉଠାଇବାକୁ ନିର୍ଦ୍ଦେଶ

ବୁଗୁଡ଼ା,୨୩।୧(ଡି.ଏନ.ଏ.)-ବୁଗୁଡ଼ା ବ୍ଲକ ଖୋଳଖାଳି ଓ ମୋଟାବାଡ଼ି ମଣ୍ଡିରେ ଧାନ ବସ୍ତା ପଡି ରହିଥିବାରୁ ଚାଷୀ ମହଲରେ ଅସନ୍ତୋଷ ଦେଖାଦେଇଥିଲା। ତେବେ ମଣ୍ଡିରେ ଅବ୍ୟବସ୍ଥା ଓ ଧାନର ପ୍ରକୃତ ମୂଲ୍ୟ ନ ଦେବା ପ୍ରତିବାଦରେ ସୋମବାର ବଳଦେବ କୃଷକ ସଂଘର ସଭାପତି ବିପିନ ବିହାରୀ ସ୍ବାଇଁ, ସମ୍ପାଦକ ସନ୍ତୋଷ କୁମାର ସାହୁ ଏନେଇ ଭଞ୍ଜନଗର ଜିଲାପାଳଙ୍କ ଅଭିଯୋଗ ଶୁଣାଣି କକ୍ଷରେ ଅଭିଯୋଗ କରିଥିଲେ। ଅଭିଯୋଗ ପରେ ଖୋଳଖାଳି ମଣ୍ଡିରେ ଭଞ୍ଜନଗର ନିୟନ୍ତ୍ରଣ ବଜାର କମିଟି ପହଞ୍ଚତ୍ ସେଠାରେ ଥିବା ୫୦ ବସ୍ତା ଧାନର ଉପଯୁକ୍ତ ନିର୍ଣ୍ଣାୟକ ମାନ ପରୀକ୍ଷା କରି ଏହା ସରକାରୀ ମୂଲ୍ୟ ପାଇଁ ପ୍ରଯୁଜ୍ୟ ବୋଲି କହିଥିଲେ। ତେବେ ସନ୍ଧ୍ୟା ପର୍ଯ୍ୟନ୍ତ ଧାନ ଉଠି ନ ଥିବା ଜଣାପଡିଛି।

ରାତିରେ ଦୁର୍ଗମ ଅଞ୍ଚଳକୁ ଯିବନି ମହାପ୍ରୟାଣ ଗାଡି

ରାତିରେ ଦୁର୍ଗମ ଅଞ୍ଚଳକୁ ଯିବନି ମହାପ୍ରୟାଣ ଗାଡି

ଭଞ୍ଜନଗର, ୨୩।୧(ଡି.ଏନ.ଏ.)- ଭଞ୍ଜନଗର ମେଡିକାଲ ରୋଗୀ କଲ୍ୟାଣ ସମିତି କାର୍ଯ୍ୟକାରୀ କମିଟି ବୈଠକ ମଙ୍ଗଳବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ଏଥିରେ ମେଡିକାଲ ଅଧୀକ୍ଷକ ଡ. ପୀତାମ୍ବର ଦାସ ଅଧ୍ୟକ୍ଷତା କରିଥିଲେ। ବୈଠକରେ ମେଡିକାଲର ଉନ୍ନୟନ, ଗତମାସର ଖର୍ଚ୍ଚ, ମଶାରି ବ୍ୟବସ୍ଥା, ସମନ୍ବିତ ପରାମର୍ଶ କେନ୍ଦ୍ର, ସଫେଇ, ସୁରକ୍ଷା ବ୍ୟବସ୍ଥା ଉପରେ ଆଲୋଚନା ହୋଇଥିଲା। ଫେବୃୟାରୀ ୮,୯ ଓ ୧୦ତାରିଖ ୩ଦିନ ବାତ ରୋଗ ନିରାକରଣ ଅଭିଯାନ କାର୍ଯ୍ୟକ୍ରମ ହେବ। ଅଙ୍ଗନୱାଡି କର୍ମୀମାନେ ଘରକୁ ଘର ବୁଲି ଔଷଧ ବଣ୍ଟନ କରିବ।

ଭିଜିଲାନ୍ସ ଜାଲରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ

ଭିଜିଲାନ୍ସ ଜାଲରେ ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ

ପୋଲସରା,୨୨।୧(ଡି.ଏନ.ଏ.)-ପୋଲସରା ବ୍ଲକ ସୋଡ଼କ ଗ୍ରାମପଞ୍ଚାୟତର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ କାଳୀ ଚରଣ ନାୟକଙ୍କୁ ଜଣେ ବ୍ୟକ୍ତିଙ୍କଠାରୁ ଲାଞ୍ଚ ନେଉଥିବା ବେଳେ ମଙ୍ଗଳବାର ଭିଜିଲାନ୍ସ ହାତରେ ଧରାପଡ଼ିଛନ୍ତି। ପ୍ରକାଶ ଯେ, ଉକ୍ତ ଗ୍ରାମର ଜଣେ ବ୍ୟକ୍ତି କଳାକାର ଭତ୍ତା ଲାଗି କାଳୀଚରଣଙ୍କୁ ୬ ଶହ ଟଙ୍କା ଦେଉଥିଲେ।  ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ ସମ୍ପୃକ୍ତ ବ୍ୟକ୍ତିଙ୍କଠାରୁ ଉକ୍ତ ଟଙ୍କା ଗ୍ରହଣ କରିବା ସମୟରେ ଷ୍ଟେଟ୍‌ବ୍ୟାଙ୍କ ଛକ ନିକଟରେ ପୂର୍ବରୁ ଲୁଚି ରହିଥିବା ଦୁର୍ନୀତି ନିବାରଣ ବିଭାଗ ଅଧିକାରୀମାନେ ଧରିଥିଲେ। ଦୁର୍ନୀତି ନିବାରଣ ବିଭାଗର ଅଧିକାରୀମାନେ ନାୟକଙ୍କୁ ବ୍ରହ୍ମପୁର ନେଇ ଚାଲି ଯାଇଥିଲେ। ଉକ୍ତ ଘଟଣାକୁ ନେଇ ବିଡିଓ ଶମ୍ଭୁନାଥ ନନ୍ଦି କଳାକାର ଭତ୍ତା ଲାଗି ୬ ଶହ ଟଙ୍କା ଲାଞ୍ଚ ଗ୍ରହଣ କରିବା ସମୟରେ ଭିଜିଲାନ୍ସ ସୋଡ଼କ କାର୍ଯ୍ୟନିର୍ବାହୀ ଅଧିକାରୀଙ୍କୁ ଧରି ନେଇଥିଲେ ବୋଲି କହିଥିଲେ।