ସମ୍ପାଦକୀୟ |

ପ୍ରଦୂଷଣରେ ପଥହରା ପୃଥିବୀ

ପ୍ରଦୂଷଣରେ ପଥହରା ପୃଥିବୀ
ବୈକୁଣ୍ଠନାଥ ମିଶ୍ର/ ପ୍ରଦୂଷଣ ପରିବେଶକୁ ସଙ୍କଟମୟ କରିବା ସହ ମାନବ ଜୀବନକୁ ଗଭୀରଭାବେ ପ୍ରଭାବିତ କରିଛି। ଆଧୁନିକ ଜୀବନଶୈଳୀ ଓ ବ୍ୟାପକ ସୁଯୋଗର ଅବକାଶ ମଣିଷକୁ ଭ୍ରମିତ କରି ପ୍ରଦୂଷଣ ସୃଷ୍ଟିରେ ସହାୟକ ହୋଇଛି। ପ୍ରଥମେ ଜଳ ପ୍ରଦୂଷଣ କଥା ଚିନ୍ତା କରିବା। ପୃଥିବୀ ଆୟତନର ପ୍ରାୟ ତିନି ଚତୁର୍ଥାଂଶ ଜଳବେଷ୍ଟିତ। ବିଶାଳ ଜଳରାଶିର ମାତ୍ର ତିନି ପ୍ରତିଶତ ମଧୁର ଜଳ, ଯାହା ନଦୀ, ନାଳ, କୂପ, ପୁଷ୍କରିଣୀ ଓ ବରଫ ରୂପେ ଗଚ୍ଛିତ ଅଛି। ମଧୁର ଜଳର ମାତ୍ର ୦.୩ ପ୍ରତିଶତ ମନୁଷ୍ୟ ପାନୀୟ ଓ ଅନ୍ୟାନ୍ୟ ଆବଶ୍ୟକତା ପାଇଁ ବ୍ୟବହାର କରୁଛି। ଇତିହାସର ପ୍ରାକ୍‌କାଳରୁ ନଦୀକୂଳରେ ଗଢିଉଠିଥିଲା ବିଭିନ୍ନ ସଭ୍ୟତା। ନଦୀଜଳକୁ ପାନୀୟ ତଥା କୃଷି କାର୍ଯ୍ୟରେ ଉପଯୋଗ କରି ମନୁଷ୍ୟ ନିଜ ଆବଶ୍ୟକତା ପୂରଣ କରୁଥିଲା। ଆଧୁନିକ ଯୁଗରେ ଜଳର ସୁଲଭତା ଯୋଗୁ ନଦୀ ଅବବାହିକାରେ ଗଢିଉଠିଲା ଶିଳ୍ପ କାରଖାନା ଓ ସହରୀ ସଭ୍ୟତା। ଗଙ୍ଗା ଭାରତର ଦୀର୍ଘତମ ଓ ପବିତ୍ରତମ ନଦୀ। ଏହା ହିମାଳୟର ଗଙ୍ଗୋତ୍ରୀରୁ ବାହାରି ବଙ୍ଗଳାର ଗଙ୍ଗାସାଗରଠାରେ ବଙ୍ଗୋପସାଗରରେ ମିଳିତ ହୋଇଛି। ହରିଦ୍ୱାରଠାରେ ଏହା ସମତଳଭୂମି ସ୍ପର୍ଶ କରିଛି। ଗଙ୍ଗୋତ୍ରୀଠାରୁ ହରିଦ୍ୱାର ପର୍ଯ୍ୟନ୍ତ ପର୍ବତଶଯ୍ୟାରେ ଗଙ୍ଗାଜଳ ସ୍ବଚ୍ଛ, ଜୀବାଣୁମୁକ୍ତ ଓ ପ୍ରଦୂଷଣମୁକ୍ତ। ସମ୍ରାଟ୍‌ ଆକବର ପର୍ବତଶଯ୍ୟାରେ ଥିବା ଗଙ୍ଗାଜଳ ସଂଗ୍ରହକରି ପାନୀୟ ରୂପେ ବ୍ୟବହାର କରୁଥିଲେ। ପୁରାଣ କହେ ଗଙ୍ଗା ଭଗବାନ ବିଷ୍ଣୁଙ୍କ ନଖକୋଣରେ ଥିଲେ। ଭଗୀରଥ ନିଜ ପୂର୍ବପୁରୁଷଙ୍କୁ ମହର୍ଷି କପିଳଙ୍କ ଅଭିଶାପରୁ ମୁକ୍ତ କରିବା ପାଇଁ ବିଷ୍ଣୁଙ୍କୁ ତପସ୍ୟାରେ ସନ୍ତୁଷ୍ଟ କରି ଗଙ୍ଗାଙ୍କୁ ଅବନୀରେ ପ୍ରବାହିତ କରାଇବାରେ ସକ୍ଷମ ହୋଇଥିଲେ। ତେଣୁ ଗଙ୍ଗାଙ୍କର ଗୋଟିଏ ନାମ ଭାଗୀରଥୀ। ଏହି ପବିତ୍ରତମ ନଦୀ ଗଙ୍ଗାର ସ୍ଥିତି ଆଜି ସଙ୍କଟାପନ୍ନ। ପୃଥିବୀର ଭୟଙ୍କର ପ୍ରଦୂଷିତ ନଦୀଗୁଡ଼ିକ ମଧ୍ୟରେ ଗଙ୍ଗାର ସ୍ଥାନ ଦ୍ୱିତୀୟ। ଚାଇନାର ୟାଙ୍ଗତେଜ ପୃଥିବୀର ସର୍ବାଧିକ ପ୍ରଦୂଷିତ ନଦୀ। ୨୦୦୭ରେ ପୃଥିବୀର ପ୍ରଦୂଷିତ ନଦୀ ତାଲିକ ାରେ ଗଙ୍ଗା ପଞ୍ଚମ ସ୍ଥାନରେ ଥିବାବେଳେ ଦଶବର୍ଷ ମଧ୍ୟରେ ଏହା ଦ୍ୱିତୀୟ ସ୍ଥାନରେ ପହଞ୍ଚିଛି। ୨୦୧୪ରେ ମୋଦି ସରକାର ଗଙ୍ଗାକୁ ପ୍ରଦୂଷଣମୁକ୍ତ କରିବାକୁ ଅନେକ ଯୋଜନା ପ୍ରସ୍ତୁତ କରିଥିଲେ। ଏଥିପାଇଁ ଏକ ସ୍ବତନ୍ତ୍ର ମନ୍ତ୍ରଣାଳୟ ମଧ୍ୟ କାର୍ଯ୍ୟ କରୁଛି। ଏହା ସତ୍ତ୍ୱେ ଗଙ୍ଗା ଅଧିକ ପ୍ରଦୂଷିତ ହେବାରେ ଲାଗିଛି। ଏଥିପାଇଁ ଆମ ଧର୍ମୀୟ ବିଶ୍ୱାସ ଓ ଗଢିଉଠିଥିବା ଶିଳ୍ପକାରଖାନା ଦାୟୀ। ଏକ ସର୍ବେକ୍ଷଣ ଅନୁସାରେ ଗଙ୍ଗାଗର୍ଭକୁ ବାର୍ଷିକ ହାରାହାରି ୧ଲକ୍ଷ ୧୫ ହଜାର ଟନ୍‌ ପ୍ଲାଷ୍ଟିକ ଫିଙ୍ଗାଯାଉଛି। ଅନ୍ୟାନ୍ୟ ବର୍ଜ୍ୟବସ୍ତୁ, ଏପରି କି ପିତୃପୁରୁଷଙ୍କ ଅସ୍ଥି ଗଙ୍ଗାକୁ ପ୍ରଦୂଷିତ କରୁଛି। ପବିତ୍ରତମ ନଦୀ ଗଙ୍ଗାର ସ୍ଥିତି ଯେତେବେଳେ ଏପରି ଅନ୍ୟ ନଦୀଗୁଡ଼ିକ କଥା ନ କହିଲେ ଭଲ। ୨୦୧୬ରେ ଆର୍ଟ ଅଫ୍‌ ଲିଭିଙ୍ଗ ଆନୁକୂଲ୍ୟରେ ଯମୁନା ନଦୀକୂଳରେ ବିଶ୍ୱ ସଂସ୍କୃତି ମହୋତ୍ସବ ଅନୁଷ୍ଠିତ ହୋଇଥିଲା। ମେଳା ଶେଷରେ ସେଠାରେ ଯେଉଁ ଆବର୍ଜନା ଜମା ହେଲା, ତାକୁ ସମ୍ପୃକ୍ତ ଅନୁଷ୍ଠାନ ତରଫରୁ ପରିଷ୍କାର କରାଗଲା ନାହିଁ। ଜାତୀୟ ଗ୍ରୀନ୍‌ ଟ୍ରିବ୍ୟୁନାଲ (ଏନ୍‌ଜିଟି) ଏଥିରେ ଘୋର ଅସନ୍ତୋଷ ପ୍ରକାଶ କରି ଉକ୍ତ ସଂସ୍ଥା ଉପରେ ୫ କୋଟି ଟଙ୍କା ଜରିମାନା କରିଥିଲେ, ଯାହା ଅଦ୍ୟାବଧି ପୈଠ କରାଯାଇନାହିଁ। କଟକର ବାଲିଯାତ୍ରା ମଧ୍ୟ ଏନ୍‌ଜିଟିଙ୍କ ରୋଷର ଶିକାର ହୋଇଛି। ଏହାଦ୍ୱାରା ମହାନଦୀ ପ୍ରଦୂଷିତ ହେବାରୁ ଓ ସର୍ବାଧିକ ପାରିବେଶିକ ଅସନ୍ତୁଳନ ଦେଖାଦେବାରୁ ବାଲିଯାତ୍ରା ଉପରେ କଟକଣା ଲଗାଯାଇଥିଲା। ଜିଲା ପ୍ରଶାସନର ଅନୁରୋଧ ଓ ଏନ୍‌ଜିଟିଙ୍କ ଧାର୍ଯ୍ୟ ସର୍ତ୍ତ ପାଳନର ଅଙ୍ଗୀକାରବଦ୍ଧତା ପରେ ୨୦୧୭ ବାଲିଯାତ୍ରା ପାଇଁ ଅନୁମତି ମିଳିଥିଲା। ସର୍ତ୍ତଗୁଡିକ ମଧ୍ୟରେ ପଲିଥିନ ବ୍ୟବହାର ନିଷେଧ, ବର୍ଜ୍ୟବସ୍ତୁ ପରିଚାଳନା ଓ ନଦୀଜଳଠାରୁ ୫୦ ମିଟର ଦୂରରେ ମେଳା ଅନୁଷ୍ଠାନ ଇତ୍ୟାଦି। ବିଶୁଦ୍ଧତା ଦୃଷ୍ଟିରୁ ନଦୀଗୁଡିକୁ କ, ଖ ଓ ଗ ଶ୍ରେଣୀଭୁକ୍ତ କରାଯାଇଛି। ବିଧାନସଭାରେ ଜଙ୍ଗଲ ଓ ପରିବେଶ ମନ୍ତ୍ରୀଙ୍କର ବିବୃତି ଅନୁସାରେ ଓଡ଼ିଶାର କୌଣସି ନଦୀ କ କିମ୍ବା ଖ ଶ୍ରେଣୀଭୁକ୍ତ ନୁହନ୍ତି। ସମସ୍ତ ନଦୀଜଳ ପ୍ରଦୂଷିତ। ମହାନଦୀ ପରେ ବ୍ରାହ୍ମଣୀ ସର୍ବାଧିକ ପ୍ରଦୂଷିତ ନଦୀ। ଯୁଦ୍ଧ, ହିଂସା ଓ ସଂକ୍ରାମକ ରୋଗରେ ଯେତେ ଲୋକ ମୃତ୍ୟୁବରଣ କରନ୍ତି, ତା’ଠାରୁ ଢେର୍‌ ଅଧିକ ଲୋକ ପ୍ରଦୂଷଣ ଯୋଗୁ ମୃତ୍ୟୁମୁଖରେ ପଡୁଛନ୍ତି। ୨୦୧୫ରେ ଉଭୟ ଜଳ ଓ ବାୟୁ ପ୍ରଦୂଷଣ ଭାରତରେ ୨୫ଲକ୍ଷ ଲୋକଙ୍କର ମୃତ୍ୟୁର କାରଣ ସାଜିଥିଲା। ସେହିବର୍ଷ ଚାଇନାର ପ୍ରଦୂଷଣଜନିତ ମୃତ୍ୟୁସଂଖ୍ୟା ଥିଲା ୨୨ଲକ୍ଷ। ଲାନ୍‌ସେଟ୍‌ ମେଡିକାଲ ଜର୍ନାଲରେ ପ୍ରକାଶିତ ଏକ ଆନ୍ତର୍ଜାତିକ ଅଧ୍ୟୟନ ଅନୁଯାୟୀ ପ୍ରଦୂଷଣରେ ଭାରତର ସ୍ଥାନ ବିଶ୍ୱରେ ପ୍ରଥମ। ପ୍ରଦୂଷଣ ଯୋଗୁ ଭାରତରେ ପ୍ରତି ୫ ମିନିଟ୍‌ରେ ଜଣେ ମୃତ୍ୟୁବରଣ କରୁଛି। ଜଳ ପ୍ରଦୂଷଣଠାରୁ ବାୟୁ ପ୍ରଦୂଷଣଜନିତ କ୍ଷତି ଅଧିକ। ବାୟୁ ପ୍ରଦୂଷଣର ପ୍ରମୁଖ ଉତ୍ସଗୁଡିକ ହେଉଛି ବାଣଫୁଟା, ଯାନବାହନରୁ ନିର୍ଗତ ବିଷାକ୍ତ ବାଷ୍ପ, କୋଇଲା ଧୂଆଁ ଇତ୍ୟାଦି। ଗତ କିଛିବର୍ଷ ହେଲା ଦୀପାବଳିରେ ବାଣଫୁଟା ଯୋଗୁ ଦିଲ୍ଲୀର ଆକାଶ ଘନ ତମସାଚ୍ଛନ୍ନ ରହୁଛି। ତେଣୁ ୨୦୧୭ ଦୀପାବଳିରେ ଦିଲ୍ଲୀରେ ବାଣଫୁଟାକୁ ସର୍ବୋଚ୍ଚ ନ୍ୟାୟାଳୟ ନିଷିଦ୍ଧ କରିଥିଲେ। କିନ୍ତୁ ସା ପରେ ନ୍ୟାୟାଳୟଙ୍କ ସମସ୍ତ ପ୍ରତିବନ୍ଧକ ପାଣିଫୋଟକା ପରି ମିଳାଇଗଲା। କେନ୍ଦ୍ରୀୟ ପ୍ରଦୂଷଣ ବୋର୍ଡର ୨୦୧୭ ଅକ୍ଟୋବର ୨୦ର ଅନୁଧ୍ୟାନ ଅନୁଯାୟୀ ଦିଲ୍ଲୀର ବାୟୁମଣ୍ଡଳ ଗୁଣବତ୍ତା ସୂଚକାଙ୍କ ୩୧୯, ଯାହା ଅତ୍ୟନ୍ତ ଉଦ୍‌ବେଗଜନକ। ଏହା ସାଧାରଣତଃ ୬୦ରୁ ୧୦୦ ମାଇକ୍ରୋଗ୍ରାମ୍‌ ପର୍‌ କ୍ୟୁବିକ୍‌ ମିଟର ରହିବା କଥା। ଆମେରିକା ହେଲ୍‌ଥ ଇଫେକ୍ଟସ ଇନ୍‌ଷ୍ଟିଚ୍ୟୁଟ ଏବଂ ଇନ୍‌ଷ୍ଟିଚ୍ୟୁଟ ଅଫ୍‌ ହେଲ୍‌ଥ ମେଟ୍ରିକ୍ସ ଆଣ୍ଡ ଇଭାଲ୍ୟୁଶନ ପକ୍ଷରୁ ସଦ୍ୟ ପ୍ରକାଶିତ ‘ବାୟୁମଣ୍ଡଳ ସ୍ଥିତି ୨୦୧୭’ରେ ବିଶେଷଜ୍ଞମାନେ ସୂଚାଇଦେଇଛନ୍ତି ଯେ ବାୟୁ ପ୍ରଦୂଷଣ ପୃଥିବୀର ୬.୫ ନିୟୁତ ଲୋକଙ୍କ ମୃତ୍ୟୁ ଘଟାଇଲାଣି। ଏହାକୁ ରୋକା ନ ଗଲେ ମଣିଷର ସ୍ଥିତି ଘୋର ବିପଜ୍ଜନକ ହେବ। ଏହି ରିପୋର୍ଟ ଅନୁସାରେ ଭାରତ ଓ ଚାଇନାର ବାୟୁ ପ୍ରଦୂଷଣ ଉଦ୍‌ବେଗଜନକ ବୋଲି ଦର୍ଶାଯାଇଛି। ଜଙ୍ଗଲ କ୍ଷୟ, ଖଣିଖନନ, ଶିଳ୍ପାୟନ, ସହରୀକରଣ, ଗୃହନିର୍ମାଣ ଓ ବ୍ୟାପକ ଯାନବାହନ ଚଳାଚଳ ପ୍ରଦୂଷଣ ପାଇଁ ଦାୟୀ ବୋଲି କୁହାଯାଇଛି। ଏହାବ୍ୟତୀତ ବର୍ତ୍ତମାନ ଭାରତର ସବୁ ରାଜ୍ୟରେ ଫସଲ ଅମଳ ପରେ ନଡା, କୁଟା ଇତ୍ୟାଦିକୁ କ୍ଷେତରେ ପୋଡିଦିଆଯାଉଛି। ଏହାଦ୍ୱାରା ବାୟୁ ପ୍ରଦୂଷିତ ହେଉଛି। ଭାରତରେ ବର୍ଷକୁ ପ୍ରାୟ ୫୦୦ ଟନ୍‌ କୃଷିକ୍ଷେତ୍ରର ବର୍ଜ୍ୟ ପୋଡାଯାଉଛି। ଏହାଦ୍ୱାରା ପ୍ରଦୂଷଣର ମାତ୍ରା ବୃଦ୍ଧି ପାଉଛି। ଫଳରେ ଫୁସ୍‌ଫୁସ୍‌ ସଂକ୍ରମଣ, ହୃଦ୍‌ଘାତ, ଯକ୍ଷ୍ମା, ଶ୍ୱାସ ଓ କର୍କଟ ଭଳି ଘାତକ ରୋଗ ସୃଷ୍ଟି ହେଉଛି। ଆଧୁନିକ ଜୀବନଶୈଳୀ ପ୍ରଦୂଷଣର ଅନ୍ୟତମ କାରଣ। ପରିବାରର ବର୍ଜ୍ୟବସ୍ତୁ ନିଷ୍କାସନ କିମ୍ବା ପରିଚାଳନା ପ୍ରତି ଆମେ ଧ୍ୟାନ ଦେଉନାହୁଁ। ଡ୍ରେନ୍‌ଗୁଡିକରେ ଜଳ ପ୍ରବାହ ହୋଇ ନ ପାରି ପୂତିଗନ୍ଧମୟ ପରିବେଶ ସୃଷ୍ଟି ହେଉଛି। ନିକଟରେ କାଲିଫର୍ନିଆର ବୈଜ୍ଞାନିକମାନେ ଏକ ପତଳା, ନମନୀୟ ତଥା ହାଲ୍‌କା ପଦାର୍ଥ ଉଦ୍ଭାବନ କରିଛନ୍ତି, ଯାହା ତାପ ଓ ଆଲୋକ ଅବଶୋଷଣ କରି ଗ୍ରୀଷ୍ମଋତୁରେ ଘର ଓ ଗାଡି ଥଣ୍ଡା ରଖିପାରିବ। ପ୍ରଫେସର ଝାଓଓ୍ବି ଏବଂ ଡୋନାଲ୍‌ଡ ସିର୍‌ବୁଲିଙ୍କ ଦ୍ୱାରା ଉଦ୍ଭାବିତ ଏହି ବ୍ରଡ୍‌ବ୍ୟାଣ୍ଡ ଅବଶୋଷକର ନାମ ‘ସରଫେସ୍‌ ପ୍ଲାଜ୍‌ମନ ରିଜୋନାନ୍ସ’। ଏଥିରେ ଜିଙ୍କ୍‌ ଅକ୍ସାଇଡ୍‌ ପରି ସେମି କଣ୍ଡକ୍ଟର ବ୍ୟବହାର କରାଯାଇ ଆଲୋକ ଏବଂ ଉତ୍ତାପକୁ ପ୍ରତିହତ କରାଯାଇପାରୁଛି। ତେବେ ବ୍ୟାପକ ବୃକ୍ଷରୋପଣ ଓ ମୋଟରଯାନ ବ୍ୟବହାର ସଙ୍କୋଚନ ପ୍ରଦୂଷଣ ନିୟନ୍ତ୍ରଣର ସର୍ବୋତ୍ତମ ଉପାୟ। (ସିଦ୍ଧଳ, ଜଗତ୍‌ସିଂହପୁର, ମୋ-୯୯୩୭୪୫୦୫୪୦)
All Right Reserved By

ସମ୍ପାଦକୀୟ |

ସମ୍ପାଦକୀୟ/କୃଷି ଆଗ

ସମ୍ପାଦକୀୟ/କୃଷି ଆଗ

ଆଜିର ସ୍ଥିତି ଦେଖିଲେ ୨୦୧୪ରେ କ୍ଷମତାକୁ ଆସିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଦେଇଥିବା ପ୍ରତିଶ୍ରୁତି ଆଦୌ ପୂରଣ କରିନାହାନ୍ତି। ଉଚ୍ଚାଙ୍ଗ ସ୍ବରରେ ‘ସମସ୍ତଙ୍କୁ ସାଙ୍ଗରେ ନେଇ ବିକାଶ’ କଥା କହୁଥିଲେ ମଧ୍ୟ ତା’ର ଫଳ ଶୂନ ହୋଇଛି। ବିଶେଷକରି ସାମାଜିକ ଓ ଅର୍ଥନୈତିକ ଦିଗରୁ ତାଙ୍କ ଶାସନ ସମୟରେ ଦେଶର ଅଧିକ କ୍ଷତି ଘଟିଛି। ଅସହିଷ୍ଣୁତା, ମିଛିମିଛିକା ଦେଶପ୍ରେମ ଓ ବିଭାଜନ ରାଜନୀତି ସାମାଜିକ ବାତାବରଣକୁ ଘୋର ପ୍ରଭାବିତ କରିଛି। ଏକ ଉତ୍ତମ ଶାସନ ଜରିଆରେ ଭାରତୀୟ ଅର୍ଥନୀତିକୁ ନୂଆ ଦିଗ ଦେଖାଇଦିଆଯିବ ବୋଲି କୁହାଯାଇଥିଲେ ମଧ୍ୟ ତା’ର ସୁଫଳ ଲୋକେ ପାଇପାରିନାହାନ୍ତି। ଏହା ଜଣାଶୁଣା ଯେ, ମୋଦିଙ୍କ ଶାସନ ସମୟରେ କର୍ପୋରେଟ ପ୍ରୀତି ବଢ଼ିଛି..

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

କ୍ଷୁଧା ଓ କୁପୁଷ୍ଟି: ସୁଶାସନ ହିଁ ସମାଧାନ

ସହଦେବ ସାହୁ

ଜାତିସଂଘର ଖାଦ୍ୟ ଓ କୃଷି ସଂସ୍ଥା (ଏଫ୍‌ଏଓ) ସହିତ କାର୍ଯ୍ୟ କରୁଥିବା କ୍ଷୁଧା ଓ କୁପୁଷ୍ଟି ବିରୋଧୀ ଅନ୍ତର୍ଜାତୀୟ ସଂଗୋଷ୍ଠୀ (ଇଣ୍ଟରନ୍ୟାଶନାଲ ଆଲାଏନ୍ସ ଏଗେଁଷ୍ଟ ହଙ୍ଗର ଆଣ୍ଡ ମାଲନ୍ୟୁଟ୍ରିଶନ୍‌) କୃଷି କ୍ଷେତ୍ରରେ ଭାରତର ଅଭୂତପୂର୍ବ ବିକାଶକୁ ପ୍ରଶଂସା କରିଛି। ୧୯୫୦-୫୧ରେ ଭାରତରେ ଖାଦ୍ୟଶସ୍ୟ ଉପତ୍ାଦନ ପରିମାଣ ୫ କୋଟି ଟନ୍‌ ଥିବାବେଳେ ୨୦୧୬-୧୭ରେ ୨୭ କୋଟି ୨୦ ଲକ୍ଷ ଟନ୍‌ ହୋଇଛି, ପ୍ରାୟ ୫ଗୁଣ। ଲୋକସଂଖ୍ୟା ବଢ଼ିଛି ୪ ଗୁଣ। ତେଣୁ ଖାଦ୍ୟ-ଅଭାବୀ ପରିସ୍ଥିତିକୁ ପଛରେ ପକାଇ ଭାରତ ଏକ ଖାଦ୍ୟ ରପ୍ତାନିକାରୀ ରାଷ୍ଟ୍ର ହୋଇଗଲାଣି। ତଥାପି ଭାରତରେ କ୍ଷୁଧା ଓ କୁପୁଷ୍ଟି କାରଣରୁ ଏକଚତୁର୍ଥାଂଶ ଲୋକ କାର୍ଯ୍ୟକ୍ଷମ ହୋଇପାରୁ ନାହା..

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ଆଜିର ଶିକ୍ଷା ଓ ପ୍ରାଚୀନ ସଂସ୍କୃତି

ବ୍ରହ୍ମାନନ୍ଦ ପଣ୍ଡା

ଆଜିକାଲି ଭାରତୀୟ ଶିକ୍ଷା ବ୍ୟବସ୍ଥାର ଏଭଳି ଅଧୋଗତି ହୋଇଛି ଯେ, ପ୍ରାୟ ୬୦% ମାଧ୍ୟମିକ ଛାତ୍ରୀଛାତ୍ର ଦରଖାସ୍ତଟିଏ ଲେଖିବାକୁ ବା ସାଧାରଣ ହିସାବଟିଏ କରିବାକୁ ଅସମର୍ଥ। ଭାରତର ୭୫% ଯାନ୍ତ୍ରିକ ଓ କାରିଗରି ଶିକ୍ଷାପ୍ରାପ୍ତ ସ୍ନାତକ ଚାକିରି ପାଇବାକୁ ଅଯୋଗ୍ୟ ବୋଲି ନିକଟ ଅତୀତରେ ପ୍ରକାଶ ପାଇଥିବା ତଥ୍ୟ ସାରା ଭାରତରେ ଆଲୋଡ଼ନ ସୃଷ୍ଟି କରିଥିଲା। ଖାଲି ସେତିକି ନୁହେଁ ଛାତ୍ରସମାଜର ଆଜି ନୈତିକ ସ୍ଖଳନ ଘଟିଛି। ଭାରତୀୟ ସଂସ୍କୃତିର ଅବକ୍ଷୟ ହେଉଛି। ମାନବିକ ମୂଲ୍ୟବୋଧ ଲୋପ ପାଉଛି। ଆଜିର ଶିକ୍ଷା ବ୍ୟୟବହୁଳ ଏବଂ ଚାକିରିସର୍ବସ୍ବ ହୋଇଛି। ଜ୍ଞାନ ଓ ଗବେଷଣା ଅର୍ଥସର୍ବସ୍ବ ହୋଇଛି। ସମାଜସେବା ପ୍ରଚାରସର୍ବସ୍ବ ହୋଇଛି। ଯଦି ସ୍ନାତକ ଓ ସ୍ନାତକୋତ୍ତର ଛାତ୍ରୀଛାତ୍ର ପିଅନ ..

ଏଇ ଭାରତରେ

ଏଇ ଭାରତରେ

କାହିଁ କେଉଁ ଆଦିମ କାଳରୁ କୁକୁର ହେଉଛି ମଣିଷର ସାଥୀ। ଏହି ପ୍ରାଣୀ ମଣିଷର ଅତ୍ୟନ୍ତ ବିଶ୍ୱସ୍ତ ଭୃତ୍ୟ ଭାବରେ କାର୍ଯ୍ୟ କରେ। ଏପରି କି ମାଲିକର ଲୁଣ ଖାଇବାରୁ ତା’ର ଗୁଣ ଗାଏ। ମାଲିକର ଜୀବନ ବଞ୍ଚାଇବାକୁ ଯାଇ ଦରକାର ପଡ଼ିଲେ ନିଜ ଜୀବନ ହାରିଦିଏ। ଏପରି ଏକ ଘଟଣା ଘଟିଛି ଜୟପୁରରେ। ରାଜସ୍ଥାନର ଜୟପୁରରେ ବାସ କରୁଥିବା ପୂର୍ବତନ ରଣଜୀ ଖେଳାଳି ସଞ୍ଜୀବ ଓହଲାନ୍‌ଙ୍କ ବାସଭବନରେ ନିଆଁ ଲାଗିଯାଇଥିଲା। ତଳ ମହଲାରେ ତାଙ୍କ ସ୍ତ୍ରୀ, ପୁଅ ଓ ଚାକରକୁ ଉଦ୍ଧାର କରାଯାଇଥିଲେ ମଧ୍ୟ ନିଆଁ ଲାଗିବା ଯୋଗୁ ସଞ୍ଜୀବ..

ମୋଦି: ସବୁଥିରେ ଆଙ୍ଗୁଠି

ମୋଦି: ସବୁଥିରେ ଆଙ୍ଗୁଠି

ସ।ଧାରଣ ନିର୍ବାଚନ ଯେତେ ନିକଟତର ହେଉଛି, ରାଜନୈତିକ ଉଷ୍ମତା ସେତେ ବଢ଼ିବାରେ ଲାଗିଲାଣି। ଜାନୁୟାରୀ ୧୯ରେ କୋଲକାତାରେ  ବିରୋଧୀଙ୍କ ରାଲିର କଳେବର ଦେଖିଲେ ମହାଗଠବନ୍ଧନ ଶକ୍ତିଶାଳୀ ହେଉଥିବା ମନେହେଉଛି। 

ସବୁଜ ପରିବହନ ବ୍ୟବସ୍ଥା

ସବୁଜ ପରିବହନ ବ୍ୟବସ୍ଥା

 ବିଶ୍ୱ ସ୍ବାସ୍ଥ୍ୟ ସଂସ୍ଥାର ଏକ ରିପୋର୍ଟରୁ ଜଣାଯାଏ ଯେ, ଭାରତରେ ଅଧିକାଂଶ ସହର ବାୟୁ ପ୍ରଦୂଷଣ ଦ୍ୱାରା ଆକ୍ରାନ୍ତ। ଏପରି କି ପୃଥିବୀର ସବୁଠାରୁ ଅଧିକ ପନ୍ଦରଟି ସହର ମଧ୍ୟରେ ଭାରତର ଚଉଦଟି ସହର ଅଛି। ସବୁଠାରୁ ପ୍ରଦୂଷିତ ସହର ହେଉଛି କାନପୁର। 

ବାସିପାଣିରେ ପଚରା

ବାସିପାଣିରେ ପଚରା

ହଇରେ ମୋତେ କ’ଣ ଆଉ ବାସିପାଣିରେ ପଚାରୁନୁ? ଚିହ୍ନା ଲୋକଟିଏ, ଆପଣାର ମଣିଷଟିଏ ଆମକୁ ପୂର୍ବାପେକ୍ଷା ହତାଦର କରିବାର ଅନୁଭବ କଲେ ଆମେ ଏ ରୂଢିଟିର ପ୍ରୟୋଗ କରିଥାଉ! ଏଠାରେ ବାସିପାଣିକୁ ନିକୃଷ୍ଟ ଅର୍ଥରେ ବ୍ୟବହାର କରାଯାଇଛି। ନଚେତ୍‌ ଆମେ କହୁଥାନ୍ତେ- ହଇରେ ମୋତେ କ’ଣ ଆଉ ସଜପାଣିରେ ପଚାରୁନୁ? ନଚେତ୍‌ କହିଥାନ୍ତେ- କିରେ ମୋତେ କ’ଣ ଆଉ ମଦପାଣିରେ ପଚାରୁନୁ? ମାନେ ବାସିପାଣିଟି ପଚାରିବା ବା ବନ୍ଧୁ ଚର୍ଚ୍ଚା କରିବା ଯୋଗ୍ୟ ନୁହେଁ।

ଏଇ ଭାରତରେ

ଏଇ ଭାରତରେ

ଭଲ ପାଇବାର ହୃଦୟଟିଏ ଥିଲେ କେତେକ ପୁରୁଷ ଓ ମହିଳା ଅତିକ୍ରାନ୍ତ ବୟସରେ ବି ଭଲପାଇ ବସନ୍ତି। ତେବେ ଭଲ ପାଇବା ପାଇଁ ଜଣେ ବିବାହିତା ମହିଳା ଏକ ଅଭିନବ ପନ୍ଥା ଆପଣାଇଥିଲେ। 

ଡ୍ୟାନ୍ସ ବାର୍‌ ସଂସ୍କୃତି

ଡ୍ୟାନ୍ସ ବାର୍‌ ସଂସ୍କୃତି

ଆକାର ପଟେଲ

ଡ୍ୟାନ୍ସ ବାର୍‌ ସଂସ୍କୃତି ମୁମ୍ବାଇରୁ, ବିଶେଷତଃ କେନ୍ଦ୍ରୀୟ ମୁମ୍ବାଇ ଅଞ୍ଚଳରୁ ଆରମ୍ଭ ହୋଇଥିଲା। ଏହି ପରମ୍ପରା ସହ ସମ୍ଭବତଃ ଲାଓ୍ବଣୀର ସମ୍ପର୍କ ଅଛି। ଢୋଲକୀ ବାଜାର ତାଳେ ତାଳେ ନାଚ-ଗୀତକୁ ଲାଓ୍ବଣୀ କହନ୍ତି, ଯାହା ହେଉଛି ମହାରାଷ୍ଟ୍ରର ଏକ ପ୍ରାଚୀନ ଲୋକନୃତ୍ୟ। ପୁରୁଷମାନଙ୍କର ଛୋଟ ଛୋଟ ଦଳ ଏବଂ ବେଳେବେଳେ ସେମାନଙ୍କ ପରିବାର ଟେବୁଲରେ ବସି ଏକ ଖୋଲା ସ୍ଥାନ ଆଡ଼କୁ ଚାହିଁଥାନ୍ତି, ଯେଉଁଠି ଅଧ ଡଜନ ମହିଳା ହିନ୍ଦୀ ଗୀତର ତାଳେ ତାଳେ ନୃତ୍ୟ କରୁଥାନ୍ତି। ନୃତ୍ୟାଙ୍ଗନାମାନେ ସମ୍ପୂର୍ଣ୍ଣ ଦେହକୁ ଆବୃତ କଲାଭଳି ବସ୍ତ୍ର ପନ୍ଧିଥାନ୍ତି। ପରିଚାରିକାମାନେ ଦର୍ଶକମାନଙ୍କ ଟେବୁଲ ଉପରେ ମଦ ପରଷନ୍ତି। ଏଠାରେ ଏପରି କି ମୃଦୁ ପାନୀୟ ପାଇଁ ମଧ୍ୟ ବିୟର ଭଳି ମୂଲ୍ୟ ନିଆଯାଏ। କିଛି ପୁ..

ଅସତ୍ୟ ସହରର ରାତି

ଅସତ୍ୟ ସହରର ରାତି

ଚିତ୍ର ଚରିତ୍ର/ ନିରଞ୍ଜନ ପାଢ଼ୀ

କେଇଦିନ ପୂର୍ବରୁ ଆମ ରାଜଧାନୀ ସହରର ଚେହେରା ଦେଖିଥିବା ଲୋକ ଏ ସହରର ବାସିନ୍ଦା ହୋଇ ନ ପାରିଥିବାର ଦୁଃଖରେ ନିଜ ଭାଗ୍ୟକୁ ନିନ୍ଦିବାର କାରଣ ଥିଲା ବେଶ୍‌ ଯୁକ୍ତିଯୁକ୍ତ। ବିଶ୍ୱକପ୍‌ ହକି ଅନୁଷ୍ଠିତ  ହେଉଥିବାର ବିରଳ ଗୌରବବୋଧ ନେଇ ଏ ସ୍ମାର୍ଟ ସହର ଯେମିତି ସୁସଜ୍ଜିତ ତୋରଣ ଓ ରଙ୍ଗ ବେରଙ୍ଗର ଆଲୋକମାଳାରେ ଆକର୍ଷଣୀୟ ରୂପରେ ସଜେଇ ହୋଇଥିଲା, ତହିଁରେ ଏଠାରେ ରହୁ ନ ଥିବା ଯେ କୌଣସି ଲୋକ ମନରେ ଈର୍ଷାର ଅସୁରଟିଏ ମୁଣ୍ଡ ଟେକିବା ସ୍ବାଭାବିକ। ମାତ୍ର ସ୍ମାର୍ଟ..

କୁଷ୍ଠରୋଗୀଙ୍କ ସାହାରା

କୁଷ୍ଠରୋଗୀଙ୍କ ସାହାରା

ବ୍ୟକ୍ତିତ୍ୱ/ ଜିତେନ୍ଦ୍ର କୁମାର ନାୟକ

ବିଶ୍ୱକୁ ମହାତ୍ମା ଗାନ୍ଧୀଙ୍କ ଅବଦାନ ଅତୁଳନୀୟ। ତାଙ୍କ ଆଦର୍ଶକୁ ସ୍ମରଣୀୟ ରଖିବା ଲାଗି ଭାରତ ସରକାରଙ୍କ ପକ୍ଷରୁ ୧୯୯୫ରୁ ପ୍ରତିବର୍ଷ ଅନ୍ତର୍ଜାତୀୟ ଗାନ୍ଧୀ ଶାନ୍ତି ପୁରସ୍କାର ପ୍ରଦାନ କରାଯାଇଆସୁଛି। ମହାତ୍ମାଙ୍କ ୧୨୫ତମ ଜନ୍ମବାର୍ଷିକୀରୁ ସଂସ୍ଥାପିତ ଏହି ସମ୍ମାନ ଅହିଂସା ଓ ଗାନ୍ଧୀବାଦ ଜରିଆରେ ସାମାଜିକ, ଅର୍ଥନୈତିକ ଓ ରାଜନୈତିକ କ୍ଷେତ୍ରରେ ରୂପାନ୍ତରଣ ଆଣିପାରୁଥିବା ବ୍ୟକ୍ତି ଓ ସଙ୍ଗଠନକୁ ଦିଆଯାଉଛି। ଦକ୍ଷିଣ ଆଫ୍ରିକାର ବର୍ଣ୍ଣବୈଷମ୍ୟ ବିରୋଧୀ ବିପ୍ଳବୀ ନେଲ୍‌ସନ ମଣ୍ଡେଲା, ଭାରତର ‘ଚିପ୍‌କୋ’ ଆନ୍ଦୋଳନର ପୁରୋଧା ଚଣ୍ଡିପ୍ରସାଦ ଭଟ୍ଟଙ୍କଠାରୁ ଆରମ୍ଭ କରି ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ଭଳି ସଙ୍ଗଠନ ଏଭଳି ସମ୍ମାନର ଅଧିକାରୀ ହୋଇପାରିଛନ୍ତି। ୨୦୧୯ ଜା..

ଏଇ ଭାରତରେ

ଏଇ ଭାରତରେ

ଭାରତୀୟ ସମାଜ ପିତୃକୈନ୍ଦ୍ରିକ ପରିବାରକୁ ନେଇ ଗଢ଼ିଉଠିଛି। କାରଣ ଆମ ଦେଶର ପରିବାରରେ ପୁରୁଷ ହେଉଛି ମୁଖ୍ୟ ବ୍ୟକ୍ତି। ତାଙ୍କ ନାମରେ ମୁଖ୍ୟତଃ ସମ୍ପତ୍ତିର ମାଲିକାନା ରହିଥାଏ। ପରିବାରର ଅନ୍ୟ ସଦସ୍ୟମାନେ ତାଙ୍କୁ ମାନି ଚଳିଥାଆନ୍ତି। ତେଣୁ ଭାରତୀୟ ସମାଜ ଏକ ପୁରୁଷପ୍ରଧାନ ସମାଜ ଭାବରେ ଗଣ୍ୟ ହୋଇଥାଏ। ନିକଟରେ ଝିଅ ନାମରେ ସମ୍ପତ୍ତି କରିବାରୁ ଖାପ୍‌ ପଞ୍ଚାୟତରେ ବାପାଙ୍କ ପ୍ରତି ଦଣ୍ଡାଦେଶ ହୋଇଛି। ଏପରି ଏକ ଘଟଣା ଘଟିଛି ରାଜସ୍ଥାନ ରାଜ୍ୟର ଯୋଧପୁର ଅଞ୍ଚଳରେ। ସ୍ଥାନୀୟ ବିଲାଡା ତହସିଲ ଖେଜଡଲାରେ ଜଣେ ପିତା ତାଙ୍କ ସମ୍ପତ୍ତିର କିଛି ଅଂଶ ଝିଅ ନାମରେ କରିଥିଲେ। ତେବେ ଏହାକୁ ତାଙ୍କର ସରଗରା ସମାଜ ପକ୍ଷରୁ ପସନ୍ଦ କରାଯାଇ ନ ଥିଲା। କାରଣ ସମାଜରେ ପ୍ରଚଳିତ ପୁରୁଣା..