ଅନଗୁଳ-ଢେଙ୍କାନାଳ

ଦିବ୍ୟାଙ୍ଗଙ୍କୁ ଉପହାସ : କଷ୍ଟସହି ଆସିଲେ, ବିନା ସାର୍ଟିଫିକେଟରେ ଫେରିଲେ

ଦିବ୍ୟାଙ୍ଗଙ୍କୁ ଉପହାସ : କଷ୍ଟସହି ଆସିଲେ, ବିନା ସାର୍ଟିଫିକେଟରେ ଫେରିଲେ
ଢେଙ୍କାନାଳ ଅଫିସ, ୨। ୧-ଦିବ୍ୟାଙ୍ଗଙ୍କ ପ୍ରତି ସମ୍ବେଦନଶୀଳ ହୁଅ। ସେମାନଙ୍କୁ ସହାୟତାର ହାତ ବଢ଼ାଅ। ସରକାରୀ ଯୋଜନାରେ ଅନ୍ତର୍ଭୁକ୍ତ କରି ରୋଜଗାରର ବାଟ ଦେଖାଅ। ଦିବ୍ୟାଙ୍ଗ ଚିହ୍ନଟ ଏବଂ ପଞ୍ଜୀକରଣ ଶିବିରରେ ଏପରି ଲମ୍ବା ଚଉଡ଼ା ଭାଷଣ ଶୁଣିବାକୁ ମିଳେ। ହେଲେ ବାସ୍ତବଚିତ୍ର କିନ୍ତୁ ଭିନ୍ନ। ଅନେକ ସମୟରେ ଦିବ୍ୟାଙ୍ଗମାନେ ସରକାରୀ ଅବେହଳାର ଶିକାର ହେଉଥିବା ଅଭିଯୋଗ ଉଠେ। ମଙ୍ଗଳବାର ଢେଙ୍କାନାଳ ବସ୍‌ଷ୍ଟାଣ୍ଡ ନିକଟରେ ଥିବା ସାମର୍ଥ୍ୟ ଶିବିର କାର୍ଯ୍ୟାଳୟକୁ ୫୦ରୁ ଊର୍ଦ୍ଧ୍ୱ ଦିବ୍ୟାଙ୍ଗ ଆସି ବିନା ସାର୍ଟିଫିକେଟରେ ନିରାଶ ହୋଇ ଫେରିବା ପରେ ସେମାନଙ୍କ ପ୍ରତି ପ୍ରଶାସନ କେତେ ଦରଦୀ ତାହା ସ୍ପଷ୍ଟ ହୋଇଛି। ଜିଲାର ବିଭିନ୍ନ ବ୍ଲକରେ ଭିନ୍ନକ୍ଷମ ଚିହ୍ନଟ ଶିବିରରେ ଯୋଗ୍ୟ ବିବେଚିତ ହୋଇ ସାର୍ଟିଫିକେଟ ପାଇବା ଆଶାରେ ୫୦ରୁ ଊର୍ଦ୍ଧ୍ୱ ଦିବ୍ୟାଙ୍ଗ ଢେଙ୍କାନାଳ ସାମର୍ଥ୍ୟ ଶିବିର କାର୍ଯ୍ୟାଳୟକୁ ଆସିଥିଲେ। ସେମାନଙ୍କ ମଧ୍ୟରେ ସଦର ବ୍ଲକର ନୂଆଗାଁ, ତରଭା, ଚାଉଳିଆ, ମଣ୍ଡାପାଳ, କାମାକ୍ଷାନଗର ବ୍ଲକର ମହୁଲପାଳ ଓ ସୋଗର ଭଳି ଦୂର ସ୍ଥାନରୁ ଅନେକ ଆଶାୟୀ ରହିଥିଲେ। ଦିନ ୧୦ଟା ପୂର୍ବରୁ ଶିବିର କାର୍ଯ୍ୟାଳରେ ପହଞ୍ଚତ୍ଥିଲେ ମଧ୍ୟ ମଧ୍ୟାହ୍ନ ୧୨ଟା ଯାଏ କୌଣସି କର୍ମଚାରୀଙ୍କ ଦେଖା ମିଳି ନ ଥିଲା। ଫଳରେ ସେମାନେ ନିରାଶ ହୋଇ ଜିଲାପାଳଙ୍କୁ ଜଣାଇବା ପାଇଁ କାର୍ଯ୍ୟାଳୟକୁ ଆସିଥିଲେ। ଏହାକୁ ନେଇ ଦିବ୍ୟାଙ୍ଗଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଥିଲେ। ଟଙ୍କା ଖର୍ଚ୍ଚ କରି ବହୁ କଷ୍ଟରେ ଦୂରଦୂରାନ୍ତରୁ ଆସିବା ସତ୍ତ୍ୱେ ସାର୍ଟିଫିକେଟ ନ ମିଳିବା ବହୁତ ବାଧିଛି ବୋଲି ସେମାନେ ପ୍ରତିକ୍ରିୟାରେ କହିଛନ୍ତି। ଅଭିଯୋଗକାରୀଙ୍କ ପରିଚୟ ଜାଣିବାକୁ ଗଣମାଧ୍ୟମ ପ୍ରତିନିଧି ଚେଷ୍ଟା କରିଥିଲେ। ହେଲେ ଚିହ୍ନା ପଡ଼ିିଲେ ସରକାରୀ ବାବୁମାନେ ରାଗରଖି ସାର୍ଟିଫିକେଟ ଦେବେନାହିଁ ବୋଲି କେତେଜଣ ଭୟଭୀତ ହୋଇ କହିଥିଲେ। ଏ ସଂକ୍ରାନ୍ତରେ ଜିଲା ସମାଜ ମଙ୍ଗଳ ବିଭାଗ କାର୍ଯ୍ୟାଳୟର ସାମାଜିକ ସୁରକ୍ଷା ଦାୟିତ୍ୱରେ ଥିବା ଅଧିକାରୀ ଶୁଭେନ୍ଦୁ ଖୁଣ୍ଟିଆ କୁହନ୍ତି, କାହାରିକୁ ସାର୍ଟିଫିକେଟ ନେବା ପାଇଁ ଡକାଯାଇ ନ ଥିଲା। ସୂଚନା ଦେବା ପରେ ସେମାନେ ଆସିବା କଥା। ବିନା ସୂଚନାରେ ଦିବ୍ୟାଙ୍ଗମାନେ ଆସିଥିବାରୁ ଏପରି ସମସ୍ୟା ସୃଷ୍ଟି ହୋଇଥିବା ସେ କହିଛନ୍ତି।
All Right Reserved By

ଅନଗୁଳ-ଢେଙ୍କାନାଳ

୮ମ ଶ୍ରେଣୀ ଛାତ୍ରୀଙ୍କୁ ବଳାତ୍କାର ପରେ ହତ୍ୟା : ସାଇଣ୍ଟିଫିକ୍‌ ଟିମ୍‌ର ଅନୁସନ୍ଧାନ

୮ମ ଶ୍ରେଣୀ ଛାତ୍ରୀଙ୍କୁ ବଳାତ୍କାର ପରେ ହତ୍ୟା : ସାଇଣ୍ଟିଫିକ୍‌ ଟିମ୍‌ର ଅନୁସନ୍ଧାନ

ଅନୁଗୋଳ ଅଫିସ, ୨୨।୧: ଅନୁଗୋଳ ସହର ଉପକଣ୍ଠରେ ରବିବାର ଅପରାହ୍ନରେ ଘଟିଥିବା ୮ମ ଶ୍ରେଣୀ ଛାତ୍ରୀଙ୍କ ବଳାତ୍କାର ଓ ହତ୍ୟା ଘଟଣାର ତଦନ୍ତ ଜୋର୍‌ ଧରିଛି। ସୋମବାର ସକାଳୁ ପୋଲିସ, ସାଇଣ୍ଟିଫିକ୍‌ ଟିମ୍‌ ସନ୍ଧାନୀ କୁକୁର ସହ ଘଟଣାସ୍ଥଳରେ ଛାନଭିନ କରି ଅଭିଯୁକ୍ତଙ୍କ ବିରୋଧରେ ପ୍ରମାଣ ସଂଗ୍ରହ କରିଛି। 

ଆଇଆଇଏମ୍‌ସିରେ ଆଲୋଚନାଚକ୍ର : ନିରପେକ୍ଷତାକୁ ଗୁରୁତ୍ୱ ସମାଜର ହିତ କରିବ

ଆଇଆଇଏମ୍‌ସିରେ ଆଲୋଚନାଚକ୍ର : ନିରପେକ୍ଷତାକୁ ଗୁରୁତ୍ୱ ସମାଜର ହିତ କରିବ

ଢେଙ୍କାନାଳ ଅଫିସ,୨୨ା୧: ଢେଙ୍କାନାଳ ଭାରତୀୟ ଜନସଞ୍ଚାର ସଂସ୍ଥାନ ପରିସରରେ ସୋମବାର ଭାରତୀୟ ଲୋକ ପ୍ରଶାସନ ସଂସ୍ଥାନର ଓଡ଼ିଶା ଶାଖାର ମିଳିତ ଆନୁକୂଲ୍ୟରେ ‘ଗଣମାଧ୍ୟମ ସମାଜର ଦର୍ପଣ କି’ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି।

ଅଟକିଛି ୨୩ କୋଟିର ପାନୀୟ ଜଳ ପ୍ରକଳ୍ପ: ଧାରଣାରେ ଯୋରନ୍ଦା ସାଧୁସନ୍ନ୍ୟାସୀ

ଅଟକିଛି ୨୩ କୋଟିର ପାନୀୟ ଜଳ ପ୍ରକଳ୍ପ: ଧାରଣାରେ ଯୋରନ୍ଦା ସାଧୁସନ୍ନ୍ୟାସୀ

ଢେଙ୍କାନାଳ ଅଫିସ, ୨୨ା୧: ଢେଙ୍କାନାଳ ଜିଲାର ପ୍ରସିଦ୍ଧ ମହିମାପୀଠ ଯୋରନ୍ଦା ସମେତ ଆଖପାଖ ଅଞ୍ଚଳର ୧୩ଟି ଗ୍ରାମ ପାଇଁ ଏକ ପାନୀୟ ପ୍ରକଳ୍ପ ନିମନ୍ତେ କେନ୍ଦ୍ର ସରକାର ମଞ୍ଜୁର କରିଥିଲେ ୨୩ କୋଟି ୭୩ ଲକ୍ଷ ଟଙ୍କା। ହେଲେ ରାଜ୍ୟ ସରକାରଙ୍କ ପ୍ରଶାସନିକ ଅନୁମୋଦନ ମିଳୁ ନ ଥିବାରୁ ୩ ବର୍ଷ ହେଲା ଟଙ୍କା ପଡିରହିଛି। 

ପ୍ରକାଶ ପାଇଲା ଚୂଡ଼ାନ୍ତ ତାଲିକା: ଅନୁଗୋଳରେ ୯, ୫୬, ୭୬୧ ଭୋଟର

ପ୍ରକାଶ ପାଇଲା ଚୂଡ଼ାନ୍ତ ତାଲିକା: ଅନୁଗୋଳରେ ୯, ୫୬, ୭୬୧ ଭୋଟର

ଅନୁଗୋଳ ଅଫିସ, ୨୨।୧: ଅନୁଗୋଳ ଜିଲାର ସମସ୍ତ ୫ଟି ବିଧାନସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ୧୧୬୩ଟି ମତଦାନ କେନ୍ଦ୍ରର ଚୂଡ଼ାନ୍ତ ଭୋଟର ତାଲିକା ସୋମବାର ପ୍ରକାଶ ପାଇଛି। ଜିଲା କାର୍ଯ୍ୟାଳୟ କୋର୍ଟ ରୁମ୍‌ ଠାରେ ଆୟୋଜିତ କାର୍ଯ୍ୟକ୍ରମରେ ଜିଲାପାଳ ଅନିଲ କୁମାର ସାମଲ ଯୋଗଦେଇ ଉପସ୍ଥିତ ସମସ୍ତ ରାଜନୈତିକ ଦଳର ପ୍ରତିନିଧିମାନଙ୍କୁ ଚୂଡ଼ାନ୍ତ ଭୋଟର ତାଲିକା ପ୍ରଦାନ କରଥିଲେ।

ମାଙ୍କଡ଼ଚୁଆ ଗ୍ରାମରେ କଲରାପତରିଆ ବାଘ ଆତଙ୍କ

ମାଙ୍କଡ଼ଚୁଆ ଗ୍ରାମରେ କଲରାପତରିଆ ବାଘ ଆତଙ୍କ

ବଇଣ୍ଡା,୨୧।୧(ଡି.ଏନ.ଏ)- କିଶୋରନଗର ବ୍ଲକ ହଣ୍ଡପା ରେଞ୍ଜ ମାଙ୍କଡ଼ଚୁଆ ଗ୍ରାମରେ କଲରାପତରିଆ ବାଘ ଆତଙ୍କ ଦେଖାଦେଇଛି।  ସୋମବାର  ବିଶିକେଶନ ନାୟକଙ୍କ ଏକ ଛେଳିକୁ ବାଘ ଆକ୍ରମଣ କରିଛି।   ଏହାକୁ ନେଇ ଗ୍ରାମରେ ଆତଙ୍କ ଦେଖାଦେଇଛି। ଜଙ୍ଗଲରେ ଛେଳିମାନେ ଚରୁଥିବାବେଳେ ବାଘଟି ଗ୍ରାମାଭିମୁଖୀ ହୋଇ ଉକ୍ତ ଛେଳିକୁ ଆକ୍ରମଣ କରୁଥିବାବେଳେ  ଛେଳି ଚରାଳି  ବାଘକୁ ଦେଖି ପାଟି କରିଥିଲେ।

ଗ୍ରାମାଞ୍ଚଳ ଲୋକଙ୍କ ସମସ୍ୟା ସମାଧାନ ଉପରେ ଗୁରୁତ୍ୱ ଦିଆଯାଉ

ଗ୍ରାମାଞ୍ଚଳ ଲୋକଙ୍କ ସମସ୍ୟା ସମାଧାନ ଉପରେ ଗୁରୁତ୍ୱ ଦିଆଯାଉ

ବଇଣ୍ଡା,୨୧।୧(ଡି.ଏନ.ଏ)- ସାଧାରଣ ଲୋକ କିଭଳି ସହଜରେ ଜୀବନ ଯାପନ କରିପାରିବେ ସେ ନେଇ ସରକାର ଅନେକ ଯୋଜନା କାର୍ଯ୍ୟକାରୀ କରିଛନ୍ତି। ହେଲେ ଲୋକମାନେ ଠିକ୍‌ ଭାବେ ଏସବୁ ଯୋଜନାର ସୁଯୋଗ  ନେଇ ପାରୁନାହାନ୍ତି।

କିଶୋରନଗର ବ୍ଲକରେ ଭାଜପାର ଜନସମ୍ପର୍କ ପଦଯାତ୍ରା

କିଶୋରନଗର ବ୍ଲକରେ ଭାଜପାର ଜନସମ୍ପର୍କ ପଦଯାତ୍ରା

ବଇଣ୍ଡା,୨୧।୧(ଡି.ଏନ.ଏ.)- କିଶୋରନଗର ବ୍ଲକ ବିଲେଇନାଳୀ ପଞ୍ଚାୟତ ଭୋଜିଗୋଠ, ଧଉରାଗୋଠ, କରଡ଼ାବାହାଳୀ, ବିଲେଇନାଳୀ, ବଡ଼ବାହାଳ, ଗୋବିନ୍ଦପୁର, ଗରୁଡ଼ ଗ୍ରାମରେ ଭାଜପା ପକ୍ଷରୁ  ଜନସମ୍ପର୍କ ପଦଯାତ୍ରା ରବିବାର ଅନୁଷ୍ଠିତ ହୋଇଯାଇଛି। 

୫ ଦଫା ଦାବିରେ ବିଡ଼ିଓଙ୍କୁ ଘେରିଲେ  ଗୋଷ୍ଠୀ ସହାୟିକା ସଂଘ

୫ ଦଫା ଦାବିରେ ବିଡ଼ିଓଙ୍କୁ ଘେରିଲେ ଗୋଷ୍ଠୀ ସହାୟିକା ସଂଘ

ପାଲଲହଡା,୨୧।୧(ଡି.ଏନ.ଏ.)- ୫ ଦଫା ଦାବିରେ ସୋମବାର ଆଠମଲ୍ଲିକ ବିଡ଼ିଓ ଏବଂ ପ୍ରକଳ୍ପ ଅଧିକାରୀଙ୍କୁ ଓଡିଶା ଜୀବିକା ମିଶନର ବ୍ଲକ ନଥିପତ୍ର ପରିଚାଳିକା ଏବଂ ଗୋଷ୍ଠୀ ସହାୟିକା ସଂଘ ପକ୍ଷରୁ ଘେରାଉ କରାଯିବାସହ ଦାବିପତ୍ର ପ୍ରଦାନ କରାଯାଇଛି। ପ୍ରଥମେ ସଂଘର ସଭ୍ୟାମାନେ ସ୍ଥାନୀୟ ନିଜଗଡ଼ ପଞ୍ଚାୟତ କାର୍ଯ୍ୟାଳୟରୁ ଏକ ରାଲିରେ ବାହାରି  ପଞ୍ଚାୟତ ସମିତି କାର୍ଯ୍ୟାଳୟରେ ପହଞ୍ଚି ଥିଲେ। 

ଚକୋଲେଟ ଖାଇ ୧୫ ଜଣ ଛାତ୍ରୀଛାତ୍ର ଅସୁସ୍ଥ

ଚକୋଲେଟ ଖାଇ ୧୫ ଜଣ ଛାତ୍ରୀଛାତ୍ର ଅସୁସ୍ଥ

ଅନୁଗୋଳ ଅଫିସ୍‌, ୨୧।୧: ଅନୁଗୋଳ ଉପକଣ୍ଠରେ ଥିବା କୁମଣ୍ଡ ଚଣ୍ଡିବଜାର ସ୍ଥିତ ଅଲେଖପାଟଣା ପ୍ରାଥମିକ ବିଦ୍ୟାଳୟରେ ସୋମବାର ଚକୋଲେଟ ଖାଇ ୧୫ ଜଣ ଛାତ୍ରୀଛାତ୍ର ଅସୁସ୍ଥ ହୋଇଛନ୍ତି। 

ନାବାଳିକାଙ୍କୁ ବଳାତ୍କାର ପରେ ହତ୍ୟା ଘଟଣା:ରାଜରାସ୍ତାକୁ ଓହ୍ଲାଇଲେ  ଉତ୍ତ୍ୟକ୍ତ ଲୋକେ

ନାବାଳିକାଙ୍କୁ ବଳାତ୍କାର ପରେ ହତ୍ୟା ଘଟଣା:ରାଜରାସ୍ତାକୁ ଓହ୍ଲାଇଲେ ଉତ୍ତ୍ୟକ୍ତ ଲୋକେ

ଅନୁଗୋଳ ଅଫିସ୍‌, ୨୧।୧: ଅନୁଗୋଳ ସହର ଉପକଣ୍ଠରେ ନାବାଳିକାଙ୍କୁ ବଳାତ୍କାର ପରେ ହତ୍ୟା ଘଟଣାରେ ସ୍ଥାନୀୟ ଅଞ୍ଚଳବାସୀ ରାଜ୍ୟ ରାଜପଥକୁ ଓହ୍ଲାଇଛନ୍ତି। ଅନୁଗୋଳ-

୮ମ ଣ୍ରେଣୀ ଛାତ୍ରୀଙ୍କୁ ବଳାତ୍କାର ପରେ ହତ୍ୟା ଅଭିଯୋଗ ଘଟଣା : ସନ୍ଧାନୀ କୁକୁର  ସାହାଯ୍ୟରେ ଅଭିଯୁକ୍ତଙ୍କ ପ୍ୟାଣ୍ଟ, ସାର୍ଟ, ଚପଲ ଠାବ

୮ମ ଣ୍ରେଣୀ ଛାତ୍ରୀଙ୍କୁ ବଳାତ୍କାର ପରେ ହତ୍ୟା ଅଭିଯୋଗ ଘଟଣା : ସନ୍ଧାନୀ କୁକୁର ସାହାଯ୍ୟରେ ଅଭିଯୁକ୍ତଙ୍କ ପ୍ୟାଣ୍ଟ, ସାର୍ଟ, ଚପଲ ଠାବ

ଅନୁଗୋଳ ଅଫିସ,୨୧।୧: ଅନୁଗୋଳ ସହର ଉପକଣ୍ଠରେ ରବିବାର ଅଷ୍ଟମ ଶ୍ରେଣୀରେ ପଢ଼ୁଥିବା ଜଣେ ନାବାଳିକାଙ୍କୁ ବଳାତ୍କାର ପରେ ହତ୍ୟା କରାଯାଇଥିବା ଘଟଣାରେ ଆରମ୍ଭ ହୋଇଛି ତଦନ୍ତ। ସୋମବାର ଘଟଣାସ୍ଥଳରେ ସାଇଣ୍ଟିଫିକ ଟିମ, ସନ୍ଧାନୀ କୁକୁର ପହଞ୍ଚି ଛାନଭିନ୍‌ ଚଳାଇଛନ୍ତି। ଏହାସହିତ ମୁଣ୍ଡାସାହି ନାଳ କୂଳରୁ ଅଭିଯୁକ୍ତଙ୍କ ପ୍ୟାଣ୍ଟ, ସାର୍ଟ ଓ ଚପଲ ଠାବ କରାଯାଇଛି। 

ଦରପୋଡା ଅବସ୍ଥାରେ ମୃତଦେହ ଉଦ୍ଧାର

ଦରପୋଡା ଅବସ୍ଥାରେ ମୃତଦେହ ଉଦ୍ଧାର

ଛେଣ୍ଡିପଦା ,୨୧।୧(ସ୍ବ.ପ୍ର) ଅନୁଗୋଳ ଜିଲା ଛେଣ୍ଡିପଦା ଥାନା ମାଛକୁଟା ଗ୍ରାମ ଶିବ ମନ୍ଦିର ପଛପଟେ ଥିବା ଡିଗିନାଳି ବିଲମାଳ ମଝିରେ ଦରପୋଡା ଅବସ୍ଥାରେ ମୃତଦେହ ପଡିଥିବା ଦେଖିବାକୁ ମିଳିଛି।