ଅନଗୁଳ-ଢେଙ୍କାନାଳ

ନୂଆ ରୂପ ନେବ ବାଜିଚୌକ ଶହୀଦ ମିନାର

ନୂଆ ରୂପ ନେବ ବାଜିଚୌକ ଶହୀଦ ମିନାର
ଢେଙ୍କାନାଳ ଅଫିସ, ୨। ୧- ୭୯ତମ ସାଧାରଣତନ୍ତ୍ର ଦିବସକୁ ଶୃଙ୍ଖଳିତ ଭାବେ ପାଳନ କରିବାକୁ ଅଣ୍ଟା ଭିଡ଼ିଛି ଢେଙ୍କାନାଳ ଜିଲା ପ୍ରଶାସନ। ଏ ସଂକ୍ରାନ୍ତରେ ଏକ ପ୍ରସ୍ତୁତି ବୈଠକ ମଙ୍ଗଳବାର ଅପରାହ୍ନ ସାଢ଼େ ୩ଟାରେ ଜିଲା କାର୍ଯ୍ୟାଳୟର ସଦ୍‌ଭାବନା ଗୃହରେ ଅନୁଷ୍ଠିତ ହୋଇଯାଇଛି। ଅତିରିକ୍ତ ଜିଲାପାଳ ଜ୍ୟୋତିରଞ୍ଜନ ପ୍ରଧାନଙ୍କ ଅଧ୍ୟକ୍ଷତାରେ ଆୟୋଜିତ ଉକ୍ତ ବୈଠକରେ ଜାତୀୟ ଦିବସ ପାଳନର ବିଭିନ୍ନ କାର୍ଯ୍ୟକ୍ରମ ସ୍ଥିରୀକୃତ ହୋଇଛି। ଜାନୁୟାରୀ ୨୬ଉପଲକ୍ଷେ ପ୍ରତ୍ୟୁଷରୁ ରାମଧୁନ ଏବଂ ସକାଳ ୬ଟାରେ ଛାତ୍ରୀଛାତ୍ରମାନେ ପ୍ରଭାତ ଫେରିରେ ନଗର ବୁଲିବେ। ସକାଳ ସାଢ଼େ ୭ଟାରେ ସମସ୍ତ କାର୍ଯ୍ୟାଳୟ, ଶିକ୍ଷାନୁଷ୍ଠାନ ଓ ଶିଳ୍ପାନୁଷ୍ଠାନରେ ଜାତୀୟ ପତାକା ଉତ୍ତୋଳନ କରାଯିବ। ୮ଟାରେ ମହାପୁରୁଷ ଓ ବରପୁତ୍ରମାନଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରାଯିବା ପରେ ସାଢ଼େ ୮ଟାରେ ରିଜର୍ଭ ପୋଲିସ ପଡ଼ିଆରେ ଜିଲାସ୍ତରୀୟ ଉତ୍ସବରେ ଜାତୀୟ ପତାକା ଉତ୍ତୋଳନ କରାଯିବ। ଜରାଜୀର୍ଣ୍ଣ ହୋଇପଡ଼ିଥିବା ବାଜିଚୌକସ୍ଥିତ ଶହୀଦ ମିନାରର ଉନ୍ନତୀକରଣ କାର୍ଯ୍ୟ ଶେଷ ପର୍ଯ୍ୟାୟରେ ପହଞ୍ଚତ୍ଥିବାବେଳେ ସାଧାରଣତନ୍ତ୍ର ଦିବସରେ ଏହାକୁ ଉଦ୍‌ଘାଟନ କରାଯିବାକୁ ନିଷ୍ପତ୍ତି ହୋଇଛି। ଜାନୁୟାରୀ ୧୧ ଏବଂ ୧୨ରେ ବିବି ହାଇସ୍କୁଲରେ ଯଥାକ୍ରମେ ବିଦ୍ୟାଳୟସ୍ତରୀୟ ବକ୍ତୃତା ଓ ଦେଶାତ୍ମବୋଧକ ସଙ୍ଗୀତ ପ୍ରତିଯୋଗିତା ହେବ। ସେହିପରି ସୂଚନାକେନ୍ଦ୍ରରେ ମହାବିଦ୍ୟାଳୟସ୍ତରୀୟ ବକ୍ତୃତା ଓ ଦେଶାତ୍ମବୋଧକ ସଙ୍ଗୀତ ପ୍ରତିଯୋଗିତା ୧୧ ଓ ୧୨ ତାରିଖରେ ଅନୁଷ୍ଠିତ ହେବ। ୧୫ ତାରିଖରେ ସେଣ୍ଟ୍‌ ଜାଭିୟର୍ସ ହାଇସ୍କୁଲରେ ଚିତ୍ରାଙ୍କନ ପ୍ରତିଯୋଗିତା ହେବ। ୨୨, ୨୩ ଓ ୨୪ ତାରିଖ ପୂର୍ବାହ୍ନ ୮ଟାରେ ରିଜର୍ଭ ପୋଲିସ ପଡ଼ିଆରେ ପରେଡ୍‌ ପୂର୍ବାଭ୍ୟାସ କରାଯିବ। ଗଣତନ୍ତ୍ର ଦିବସରେ ଷ୍ଟାଡିୟମ୍‌ରେ ଭୁବନେଶ୍ୱର କିଟ୍‌ ଏବଂ ଢେଙ୍କାନାଳ ମଧ୍ୟରେ ପ୍ରଦର୍ଶନୀ ହକି ମ୍ୟାଚ୍‌ ଖେଳାଯିବ ବୋଲି ଜିଲା କ୍ରୀଡ଼ା ଅଧିକାରୀ ପ୍ରଦୀପ ମହାନ୍ତି ସୂଚନା ଦେଇଛନ୍ତି। ସନ୍ଧ୍ୟାରେ ଗୋପବନ୍ଧୁ ଟାଉନହଲ୍‌ରେ ସାଂସ୍କୃତିକ କାର୍ଯ୍ୟକ୍ରମ ସହ ବିଭିନ୍ନ ପ୍ରତିଯୋଗିତାର କୃତୀ ପ୍ରତିଯୋଗୀଙ୍କୁ ପୁରସ୍କୃତ କରାଯିବ। ବିଭିନ୍ନ ସରକାରୀ କାର୍ଯ୍ୟାଳୟ, ବାଣିଜ୍ୟ ପ୍ରତିଷ୍ଠାନ ଓ ବିଭିନ୍ନ ଅନୁଷ୍ଠାନରେ ଆଲୋକ ସାଜସଜ୍ଜା କରିବାକୁ ନିଷ୍ପତ୍ତି ହୋଇଛି। ଏଥିସହ ଜିଲା ମୁଖ୍ୟ ଚିକିତ୍ସାଳୟରେ ଶିଳ୍ପ ଓ ବାଣିଜ୍ୟ ପ୍ରତିଷ୍ଠାନ ପକ୍ଷରୁ ଫଳବଣ୍ଟନ, ରୋଟାରି କ୍ଲବରେ ରକ୍ତଦାନ ଶିବିର, ଜରାଶ୍ରମ, ଅନାଥାଶ୍ରମ, ଶିଶୁଗୃହ ଏବଂ ଜେଲ ଅନ୍ତେବାସୀଙ୍କୁ ମିଷ୍ଠାନ୍ନ ବଣ୍ଟନ କରାଯିବ। ବୈଠକରେ ନଗରପାଳ ସୁଧାଂଶୁ କୁମାର ଦଳେଇ, ଜିଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ପ୍ରଭାତ କୁମାର ଭୋଇ, ଉପଜିଲାପାଳ ଶିଳ୍ପା ଶର୍ମା, ଅତିରିକ୍ତ ଏସ୍‌ପି ହରେକୃଷ୍ଣ ପ୍ରଧାନ, ଗୋଇନ୍ଦା ବିଭାଗ ଡିଏସ୍‌ପି ପ୍ରଶାନ୍ତ କୁମାର ବିଷୋୟୀ, ପୂର୍ବତନ ମନ୍ତ୍ରୀ ନବୀନଚନ୍ଦ୍ର ନାରାୟଣ ଦାସ, ପୂର୍ବତନ ନଗରପାଳ ଶ୍ରୀଧର ସାହୁ, ବିଡିଓ ସରୋଜ କୁମାର ଦତ୍ତ, ଜିଲା ସଂସ୍କୃତି ଅଧିକାରୀ ସରୋଜ କୁମାର ପଣ୍ଡା, ଜିଲା ପର୍ଯ୍ୟଟନ ଅଧିକାରୀ ନଟବର ନାୟକ, ରୋଟାରି କ୍ଲବର ବିରଞ୍ଚତ୍ ନାରାୟଣ ପାଣି, ଗ୍ରାମ୍ୟ ଜଳଯୋଗାଣ ଓ ପରିମଳ ନିର୍ବାହୀଯନ୍ତ୍ରୀ ବିଜୟାନନ୍ଦ ସାହୁ, ଟାଉନ ଥାନାଧିକାରୀ ଅଭିନବ ଡାଳୁଆଙ୍କ ସମେତ ବିଭିନ୍ନ ଅନୁଷ୍ଠାନର କର୍ମକର୍ତ୍ତା ଉପସ୍ଥିତ ଥିଲେ। ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ହେମନ୍ତ କୁମାର ନାୟକ ବିବରଣୀ ପାଠ କରିବା ସହିତ ଧନ୍ୟବାଦ ପ୍ରଦାନ କରିଥିଲେ ।
All Right Reserved By

ଅନଗୁଳ-ଢେଙ୍କାନାଳ

ବିନା ସଂଯୋଗରେ ବିଦ୍ୟୁତ୍‌ ବିଲ୍‌:କାର୍ଯ୍ୟାଳୟରେ ପ୍ରତିବାଦ କଲେ ଉପଭୋକ୍ତା

ବିନା ସଂଯୋଗରେ ବିଦ୍ୟୁତ୍‌ ବିଲ୍‌:କାର୍ଯ୍ୟାଳୟରେ ପ୍ରତିବାଦ କଲେ ଉପଭୋକ୍ତା

ପରଜଙ୍ଗ, ୧୭।୧୦(ଡି.ଏନ.ଏ.):ଘରକୁ ବିଦ୍ୟୁତ୍‌ ସଂଯୋଗ ଦିଆଯାଇନି। ଅଥଚ ଆସିଛି ବିଲ୍‌। ଏହାର ପ୍ରତିବାଦ କରିଛନ୍ତି ପରଜଙ୍ଗ ବ୍ଲକ ଜୟପୁରାକାଟେଣୀ ପଞ୍ଚାୟତ ଅଧୀନ ଶୁଣ୍ଢିକାଟେଣୀ ଗ୍ରାମରେ ୩୦ରୁ ଊର୍ଦ୍ଧ୍ୱ ଉପଭୋକ୍ତା। ତୁରନ୍ତ ବିଦ୍ୟୁତ୍‌ ସଂଯୋଗ ପ୍ରଦାନ ଏବଂ ବିଲ୍‌ ସଂଶୋଧନ କରିବାକୁ ଦାବି କରି ସେମାନେ  ମଙ୍ଗଳବାର ବିଭାଗୀୟ କାର୍ଯ୍ୟାଳୟ ଆଗରେ ପ୍ରତିବାଦ କରିଥିଲେ।

ବଳଦଯାତ୍ରାକୁ ଆଉ ଦୁଇଦିନ:ଝଲସୁଛି ଭୁବନ, ସୁରକ୍ଷା କଡ଼ାକଡ଼ି

ବଳଦଯାତ୍ରାକୁ ଆଉ ଦୁଇଦିନ:ଝଲସୁଛି ଭୁବନ, ସୁରକ୍ଷା କଡ଼ାକଡ଼ି

ଭୁବନ, ୧୭।୧୦(ଡି.ଏନ.ଏ.):ଐତିହାସିକ ବଳଦଯାତ୍ରାକୁ ଆଉ ଦୁଇଦିନ।  ବାଣିଜ୍ୟ ପରମ୍ପରାକୁ ନେଇ ସମୃଦ୍ଧ ଏହି ଯାତ୍ରା ପାଇଁ ଉତ୍ସବମୁଖର ହୋଇଉଠିଛି ଭୁବନ। ଉଜ୍ଜ୍ୱଳ ଆଲୋକମାଳା, ସୁଉଚ୍ଚ ତୋରଣରେ ନୂଆବୋହୂ ପରି ଅଞ୍ଚଳ ସଜେଇ ହେଉଥିବାବେଳେ  ଘରେ ଘରେ ଆରମ୍ଭ ହେଲାଣି ବନ୍ଧୁବାନ୍ଧବଙ୍କ ଭିଡ଼। ଚଳିତବର୍ଷ ଭୁବନରେ ୧୧ଟି ମଣ୍ଡପରେ ମା’ ଦୁର୍ଗତିନାଶିନୀଙ୍କ ଦୁର୍ଗାଙ୍କ ଆବାହନ କରାଯାଉଛି। ଅନ୍ୟପଟେ ମଙ୍ଗଳବାର ଆନନ୍ଦଉଲ୍ଲାସର ସହ ଶେଷହୋଇଛି ମା’ଙ୍କ ସପ୍ତମୀ ପୂଜା । ଏଥର ଯାତ୍ରାର ଶୋଭାବର୍ଦ୍ଧନ କରିବେ ୩୧ ବଳଦ। ସେମାନଙ୍କୁ ବାଜାବାଣ ସହ ଅଭ୍ୟସ୍ତ କରିବାକୁ ମାସେ ପୂର୍ବରୁ ଆରମ୍ଭ ହୋଇଥିବା ଅଭ୍ୟାସ ଯାତ୍ରା ଶେଷହୋଇଛି।

କୋଇଲା ମନ୍ତ୍ରୀଙ୍କୁ ଦାବିପତ୍ର ପ୍ରଦାନ

କୋଇଲା ମନ୍ତ୍ରୀଙ୍କୁ ଦାବିପତ୍ର ପ୍ରଦାନ

ତାଳଚେର,୧୭ା୧୦(ନି.ପ୍ର.):ତାଳଚେର ଗ୍ରସ୍ତରେ ଆସିଥିବା କୋଇଲା ମନ୍ତ୍ରୀ ପୀୟୂସ ଗୋଏଲଙ୍କୁ ତାଳଚେର ବାର ଆସୋସିଏଶନ ପକ୍ଷରୁ ଏକ ଦାବିପତ୍ର ପ୍ରଦାନ କରାଯାଇଛି। ଏମ୍‌ସିଏଲ ଅଧୀନରେ ଥିବା ତାଳଚେର କୋଲ୍‌ ଫିଲଡ୍ସରେ କୋଇଲା ଉପତ୍ାଦନ ବୃଦ୍ଧି ପାଇବାରେ ଲାଗିଛି। ତେଣୁ ତାଳଚେରବାସୀଙ୍କ ସମୂହ ସ୍ବାର୍ଥ ଓ କ୍ଷତିଗ୍ରସ୍ତଙ୍କୁ ନ୍ୟାୟ ପ୍ରଦାନ ନିମନ୍ତେ ତାଳଚେର ଠାରେ ବ୍ରାହ୍ମଣୀ କୋଲ୍‌ଫିଲ୍ଡସ ନାମକ ନୂତନ କୋଇଲା କମ୍ପାନୀ ପ୍ରତିଷ୍ଠା  କରାଯିବାକୁ ଦାବି କରାଯାଇଛି। ଏହାବ୍ୟତୀତ ତାଳଚେର ଷ୍ଟେଶନରୁ ଅନୁଗୋଳ ଷ୍ଟେଶନ ପର୍ଯ୍ୟନ୍ତ ରୁଫ୍‌ଲାଇନ୍‌ ନିର୍ମାଣ, ପ୍ରଦୂଷଣ ମୁକ୍ତ କୋଲ କରିଡର ରାସ୍ତା ନିର୍ମାଣ ପାଇଁ ଦାବି କରାଯାଇଛି। ଆସୋସିଏଶନ ସଭାପତି ଦୟାସାଗର ମିଶ୍ର ଓ ଏକ୍‌ଜିକ୍ୟୁଟିଭ୍‌ ବଡି ପକ୍ଷରୁ ୩ ଦଫା ସମ୍ବଳିତ ଏହି ଦାବିପତ୍ର ପ୍ରଦାନ କରାଯାଇଛି।

ସାତକୋଶିଆରେ ୮ ହଜାର ଗୋରୁ, ଛେଳି ରୋଗାକ୍ରାନ୍ତ:ବିଶ୍ୱାସ ଅନୁଯାୟୀ ଫାଟୁଆ ବାଟେଇଲେ ବନବାସୀ

ସାତକୋଶିଆରେ ୮ ହଜାର ଗୋରୁ, ଛେଳି ରୋଗାକ୍ରାନ୍ତ:ବିଶ୍ୱାସ ଅନୁଯାୟୀ ଫାଟୁଆ ବାଟେଇଲେ ବନବାସୀ

ବନ୍ତଳା, ୧୭।୧୦ (ଡି.ଏନ.ଏ.):ଫାଟୁଆ ରୋଗରେ ଗୋରୁ ଓ ଛେଳି ଆକ୍ରାନ୍ତ ହେଲେ ଗଁାକୁ ଶନି ଆସିଥିବା ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟବାସୀଙ୍କ ବିଶ୍ୱାସ ରହିଛି। ତେଣୁ ଶନିଙ୍କ କୋପ ସହ ରୋଗ ଦୂର କରିବାକୁ ସେମାନେ ପରମ୍ପରା ଅନୁଯାୟୀ ବିଭିନ୍ନ ଠାକୁରାଣୀଙ୍କ ନିକଟରେ ପଣାପାଣି ଲଗାଇ ରୋଗାକ୍ରାନ୍ତ ଗୋରୁ ଓ ଛେଳିଙ୍କୁ ମନ୍ଦିର ବେଡ଼ା ଚାରିପଟେ ବୁଲାଇଥାନ୍ତି। ଏହାଦ୍ୱାରା ଫାଟୁଆ ରୋଗ ଗଁାରୁ ଦୂର ହୋଇଯାଇଥାଏ ବୋଲି ସେମାନଙ୍କ ଧାରଣା ରହିଆସିଛି। ଏପରି ବିଶ୍ୱାସର ପୂଜା ମଙ୍ଗଳବାର ଅଭୟାରଣ୍ୟ ଅଞ୍ଚଳରେ ଦେଖିବାକୁ ମିଳିଛି।   

ତଳଗଡ, ବଲାସିଂହା କ୍ଷତିଗ୍ରସ୍ତଙ୍କୁ ଭେଟିଲେ ଏମ୍‌ପିଙ୍କ ପ୍ରତିନିଧି ଦଳ

ତଳଗଡ, ବଲାସିଂହା କ୍ଷତିଗ୍ରସ୍ତଙ୍କୁ ଭେଟିଲେ ଏମ୍‌ପିଙ୍କ ପ୍ରତିନିଧି ଦଳ

ଅନୁଗୋଳ ଅଫିସ,୧୭ା୧୦:ଅନୁଗୋଳ ବ୍ଲକ ତଳଗଡ ଓ ବଲାସିଂହା ପଞ୍ଚାୟତର ତିତ୍‌ଲି କ୍ଷତିଗ୍ରସ୍ତଙ୍କୁ ମଙ୍ଗଳବାର ଢେଙ୍କାନାଳ-ଅନୁଗୋଳ ଏମ୍‌ପି ତଥାଗତ ସତପଥୀଙ୍କ ଏକ ପ୍ରତିନିଧି ଦଳ ଭେଟି ଆଲୋଚନା କରିଛନ୍ତି। ବର୍ଷା ଜନିତ କ୍ଷୟକ୍ଷତି ସମ୍ପର୍କରେ ସେମାନେ ପଚାରି ବୁଝିବା ସହ ତୁରନ୍ତ ସରକାରୀ ସହାୟତା କିପରି ମିଳିପାରିବ ସେ ନେଇ ଜିଲା ସହଯୋଗ କରିବେ ବୋଲି ପ୍ରତିଶ୍ରୁତି ଦେଇଛନ୍ତି। ଏଥିସହ ତଳଗଡ ଗାଁର କ୍ଷତିଗ୍ରସ୍ତ ମୁଖ୍ୟ ରାସ୍ତା ମରାମତି କାର୍ଯ୍ୟର ତଦାରଖ କରିଥିଲେ। ବିଦ୍ୟୁତ୍‌ ସଂଯୋଗ, ପାନୀୟ ଜଳ, ଓ କ୍ଷତିଗ୍ରସ୍ତଙ୍କୁ ପଲିଥିନ ଯୋଗାଣ ସମ୍ପର୍କରେ ବିଭାଗୀୟ ଅଧିକାରୀଙ୍କ ସହ ଆଲୋଚନା କରାଯିବ ବୋଲି ପ୍ରତିନିଧି ଦଳର ସଦସ୍ୟମାନେ କହିଥିଲେ। ସେହିପରି ତଳଗଡରେ ନିର୍ମାଣ ହେବାକୁ ଥିବା ବିଭିନ୍ନ ପ୍ରକଳ୍ପ ସମ୍ପର୍କରେ ତଦାରଖ କରି ଏହି ପ୍ରତିନିଧି ଦଳ ଫେରିଥିଲେ। 

ବିଭିନ୍ନ ସ୍ଥାନରେ ଦୁର୍ଗାପୂଜା, ଗ୍ରାମାଞ୍ଚଳ ଚଳଚଞ୍ଚଳ

ବିଭିନ୍ନ ସ୍ଥାନରେ ଦୁର୍ଗାପୂଜା, ଗ୍ରାମାଞ୍ଚଳ ଚଳଚଞ୍ଚଳ


ବଇଣ୍ଡା,୧୬।୧୦(ଡି.ଏନ.ଏ.)- କିଶୋରନଗର ବ୍ଲକ ବଇଣ୍ଡା, ଡେବେରାପାଲି, ବାମୁର ଆଦି ଗ୍ରାମ ଗୁଡ଼ିକରେ ଦୁର୍ଗାପୂଜା ଆରମ୍ଭ ହୋଇଛି। ପ୍ରଥମେ କଳସରୁ ପାଣି ଆଣିବା ପରେ ଯଥାରୀତିରେ ପୂଜାର୍ଚ୍ଚନା କରାଯାଇଥିଲା। 

ଭୁଲ ଇନ୍‌ଜେକ୍ସନରୁ  ରୋଗୀ ମୃତ୍ୟୁ ଅଭିଯୋଗ:  ଘଟଣାସ୍ଥଳରେ  ଉତ୍ତେଜନା

ଭୁଲ ଇନ୍‌ଜେକ୍ସନରୁ ରୋଗୀ ମୃତ୍ୟୁ ଅଭିଯୋଗ: ଘଟଣାସ୍ଥଳରେ ଉତ୍ତେଜନା


ଅନୁଗୋଳ ଅଫିସ, ୧୬।୧୦- ଅନୁଗୋଳ ହୁଲୁରିସିହାଂ ଅଞ୍ଚଳରେ ଥିବା ଏକ ଘରୋଇ ନର୍ସିଂହୋମରେ ମଙ୍ଗଳବାର ଜଣେ ରୋଗୀଙ୍କ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଛି।

ଭାଙ୍ଗିଲା ରେଙ୍ଗାଳି ଶାଖା କେନାଲ: ଗ୍ରାମ ଭିତରକୁ ପଶିଲା ପାଣି

ଭାଙ୍ଗିଲା ରେଙ୍ଗାଳି ଶାଖା କେନାଲ: ଗ୍ରାମ ଭିତରକୁ ପଶିଲା ପାଣି


କାମାକ୍ଷାନଗର,୧୬।୧୦(ଡି.ଏନ.ଏ.)- ଢେଙ୍କାନାଳ ଜିଲା  କାମାକ୍ଷାନଗର ସୋଗର ପଞ୍ଚାୟତ ବାଇସିଙ୍ଘା ଗ୍ରାମରେ ମଙ୍ଗଳବାର ପାଣି ପଶିଯାଇଛି। 

ବେଆଇନ ପଥର ଖାଦାନ ଉପରେ ଚଢାଉ

ବେଆଇନ ପଥର ଖାଦାନ ଉପରେ ଚଢାଉ


ଢେଙ୍କାନାଳ ଅଫିସ,୧୬।୧୦- ଢେଙ୍କାନାଳ ସଦର ଥାନା ପାରିଖେଦା ଅଞ୍ଚଳରେ ଥିବା ବେଆଇନ ପଥର ଖାଦାନ ଉପରେ ମଙ୍ଗଳବାର ଚଢାଉ କରାଯାଇଛି। 

ଭାରସାମ୍ୟ ହରାଇ ବିଲକୁ ଓଲଟିଲା କାର୍‌

ଭାରସାମ୍ୟ ହରାଇ ବିଲକୁ ଓଲଟିଲା କାର୍‌

ଭାପୁର, ୧୬।୧୦ (ଡି.ଏନ୍‌.ଏ.): ଢେଙ୍କାନାଳ ଜିଲା ସଦର ଥାନା ଭାପୁର ଫାଣ୍ଡି ଅନ୍ତର୍ଗତ ପୁରୁଣା କଟକ ସମ୍ବଲପୁର ରାସ୍ତାର ଭାପୁର ନୁଆ ସାହି ନିକଟରେ ମଙ୍ଗଳବାର ସକାଳେ ଭାରସାମ୍ୟ ହରାଇ ଏକ କାର(ଓଡି୧୩ବି ୬୧୯୧) ବିଦ୍ୟୁତ୍‌ ଖୁଣ୍ଟରେ ପିଟି ହୋଇ ବିଲ ମଧ୍ୟକୁ ଓଲଟି ପଡ଼ିଛି। ଫଳରେ କାରରେ ଥିବା ୪ ଜଣ ଆହତ ହୋଇଛନ୍ତି।

ମା’ ଦୁର୍ଗାଙ୍କ ସପ୍ତମୀ ପୂଜା

ମା’ ଦୁର୍ଗାଙ୍କ ସପ୍ତମୀ ପୂଜା

ବଅଁରପାଳ, ୧୬ା୧୦(ଡି.ଏନ.ଏ.): ନାଲକୋ ସିପିପି ନିକଟସ୍ଥ ଆଦର୍ଶ ବିହାରରେ ସୋମବାର ମା’ଙ୍କ ସପ୍ତମୀ ପୂଜା ଅନୁଷ୍ଠିତ ହୋଇଯାଇଛିି। 

ପାର୍ବଣ ଆଗମନରେ ତାଳଚେର ଚଳଚଞ୍ଚଳ

ପାର୍ବଣ ଆଗମନରେ ତାଳଚେର ଚଳଚଞ୍ଚଳ

ତାଳଚେର୧୬ା୧୦(ନି.ପ୍ର.)ପାର୍ବଣ ଆଗମନରେ ଚଳଚଞ୍ଚଳ ହୋଇ ଉଠିଛି କୋଇଲା ନଗରୀ ତାଳଚେର। ମା’ ଦୁର୍ଗାଙ୍କ ଧରାବତରଣକୁ ନେଇ ଶ୍ରଦ୍ଧାଳୁ ଉତ୍ସାହିତ ହୋଇଥିବାବେଳେ ଦୁର୍ଗାପୂଜାକୁ ଅଧିକ ଆକର୍ଷଣୀୟ ଢଙ୍ଗରେ ପାଳନ ପାଇଁ ବିଭିନ୍ନ ପୂଜା ମଣ୍ଡପ, ଶକ୍ତି ପୀଠରେ ସମସ୍ତ ପ୍ରସ୍ତୁତି ଚୂଡାନ୍ତ ହୋଇଛି।