ଉପକୂଳ ଓଡିଶା

ରୋଗୀଙ୍କ ସହ ଅସଦାଚରଣ ଅଭିଯୋଗ

ରୋଗୀଙ୍କ ସହ ଅସଦାଚରଣ ଅଭିଯୋଗ

ନୟାଗଡ ଅଫିସ,୨।୧- ନୟାଗଡ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଥିବା ଜଣେ ମହିଳାଙ୍କ ସହ ମଙ୍ଗଳବାର ଅସଦାଚରଣ ହୋଇଛି। ନୟାଗଡ ଉପକାରାଗାର ଜଣେ କର୍ମଚାରୀ ଏଥିରେ ସମ୍ପୃକ୍ତି ଥିବା ଅଭିଯୋଗ ହୋଇଛି। ଏ ନେଇ ମହିଳାଙ୍କ ସ୍ବାମୀ ମଙ୍ଗଳବାର ଟାଉନ୍‌ ଥାନାରେ ଅଭିଯୋଗ କରିଛନ୍ତି। ଅଭିଯୋଗ ଅନୁଯାୟୀ, ସୋମବାର ରାତିରେ ନୟାଗଡ ବ୍ଲକର ଜଣେ ମହିଳାଙ୍କ ଦେହ ଖରାପ ହେବାରୁ ତାଙ୍କୁ ନୟାଗଡ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ରାତି ପ୍ରାୟ ୧୧.୩୦ ବେଳେ ନୟାଗଡ ଉପକାରାଗାରର ଜଣେ କର୍ମଚାରୀ ଓ ରାଜାବଗିଚା ଗ୍ରାମର ଜଣେ ବ୍ୟକ୍ତି ଚିକିତ୍ସାଳୟକୁ ଯାଇ ତାଙ୍କ ସହ ଅସଦାଚରଣ କରିଥିଲେ। ମହିଳା ଜଣକ ଏହାର ପ୍ରତିବାଦ କରିବାରୁ ତାଙ୍କୁ ମାଡ ମରାଯାଇଥିଲା ବୋଲି ସ୍ବାମୀ ଅଭିଯୋଗ ପତ୍ରରେ ଦର୍ଶାଇଛନ୍ତି। ଏନେଇ ଟାଉନ ଥାନା ଅଧିକାରୀ ରଶ୍ମୀରଞ୍ଜନ ପଟ୍ଟନାୟକ କହିଛନ୍ତି ଯେ, ଅଭିଯୋଗକୁ ଭିତ୍ତି କରି ଖୁବ୍‌ଶ୍ରୀଘ୍ର ଏକ ମାମଲା ରୁଜୁ କରାଯିବ।



All Right Reserved By

Model This Week

Model This Week

ଉପକୂଳ ଓଡିଶା

ଡେରାବିଶ: ସରକାରୀ ଜମିରୁ ଜବରଦଖଲ ଉଚ୍ଛେଦ

ଡେରାବିଶ: ସରକାରୀ ଜମିରୁ ଜବରଦଖଲ ଉଚ୍ଛେଦ

ଡେରାବିଶ,୨୫।୪(ସ୍ବ.ପ୍ର.): କେନ୍ଦ୍ରାପଡା ଜିଲାପାଳ ରେଘୁଜୀଙ୍କ ନିର୍ଦ୍ଦେଶ କ୍ରମେ ଡେରାବିଶ ତହସିଲ ଅଧୀନ ଛତାଠାରେ ଥିବା ସରକାରୀ ଜମିରୁ ବୁଧବାର ଜବରଦଖଲ ଉଚ୍ଛେଦ କରାଯାଇଛି। ତହସିଲଦାର କାହ୍ନୁଚରଣ ଲେଙ୍କାଙ୍କ ଉପସ୍ଥିତିରେ ଉକ୍ତ ଜମିରେ ନିର୍ମିତ ଘରଗୁଡିକୁ ଭଙ୍ଗାଯାଇଛି।

ସାଲେପୁର ମହୋତ୍ସବ, ଉତ୍କଳ ଦିବସ ପାଳିତ

ସାଲେପୁର ମହୋତ୍ସବ, ଉତ୍କଳ ଦିବସ ପାଳିତ

ସାଲେପୁର,୨୫।୪(ଡି.ଏନ୍‌.ଏ.): ସ୍ଥାନୀୟ ହାଇସ୍କୁଲ ପଡିଆରେ ବୁଧବାର ୪ ଦିନ ବ୍ୟାପି ସାଲେପୁର ମହୋତ୍ସବ ଓ ଉତ୍କଳ ଦିବସ ପାଳିତ ହୋଇଯାଇଛି। ସାଲେପୁର ମଧୁଜୟନ୍ତୀ କମିଟିର ସଭାପତି ତଥା ସାଲେପୁର ବିଧାୟକ ପ୍ରକାଶ ଚନ୍ଦ୍ର ବେହେରାଙ୍କ ତତ୍ତ୍ୱାବଧାନରେ ଏହି ଉତ୍ସବ ଅନୁଷ୍ଠିତ ହୋଇଛି।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧୩ ପ୍ରକଳ୍ପ ପାଇଁ ୩୫ ଲକ୍ଷ ଅନୁଦାନ

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ୧୩ ପ୍ରକଳ୍ପ ପାଇଁ ୩୫ ଲକ୍ଷ ଅନୁଦାନ

ଜଗତ୍‌ସିଂହପୁର ଅଫିସ,୨୫।୪: ଜଗତ୍‌ସିଂହପୁର ଜିଲା ଏରସମା ବ୍ଲକ ଅନ୍ତର୍ଗତ ଗୋଡ଼ା ପଞ୍ଚାୟତ ବୁଧବାର ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ସାମିଲ ହୋଇଛି। ପଞ୍ଚାୟତ କାର୍ଯ୍ୟାଳୟ ସମ୍ମୁଖ ପଡ଼ିଆରେ ଭିଡିଓ କନ୍‌ଫରେନ୍ସିଂ ଜରିୟାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉକ୍ତ ପଞ୍ଚାୟତବାସୀଙ୍କ ସମସ୍ୟା ବୁଝିଥିଲେ।

୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ

୨୯ତମ ଜାତୀୟ ସଡ଼କ ସୁରକ୍ଷା ସପ୍ତାହ ପାଳିତ

ଯାଜପୁର ରୋଡ,୨୫।୪(ନି.ପ୍ର.): ଯାଜପୁର ରୋଡ ପୋଲିସ ଓ ଯାଜପୁର ରୋଡ ଟ୍ରକ୍‌ ଆସୋସିଏଶନର ମିଳିତ ଆନୁକୂଲ୍ୟରେ ପୁରୁଣା ଥାନା ପରିସରରେ ବୁଧବାର ୨୯ତମ ଜାତୀୟ ସଡକ ସୁରକ୍ଷା ସପ୍ତାହ ପାଳିତ ହୋଇଯାଇଛି।

ରାଜନଗରରେ ବ୍ଲକ ସ୍ତରୀୟ ଜନଶୁଣାଣି ଶିବିର

ରାଜନଗରରେ ବ୍ଲକ ସ୍ତରୀୟ ଜନଶୁଣାଣି ଶିବିର

ରାଜନଗର,୨୫।୪(ଡି.ଏନ୍‌.ଏ.): କେନ୍ଦ୍ରାପଡା ଜିଲା ରାଜନଗର ବ୍ଲକ ସମ୍ମିଳନୀ କକ୍ଷରେ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିନ୍ତ କର୍ମ ନିଯୁକ୍ତି ଯୋଜନାର ବ୍ଲକ ସ୍ତରୀୟ ଜନଶୁଣାଣି ଶିବିର ବୁଧବାର ଅନୁଷ୍ଠିତ ହୋଇଛି।

ବଢ଼ିବାରେ ଲାଗିଛି ଶିଶୁ ଶ୍ରମିକଙ୍କ ସଂଖ୍ୟା

ଯାଜପୁରରୋଡ,୨୫।୪(ନି.ପ୍ର.) :ସରକାରଙ୍କ ସର୍ବଶିକ୍ଷା ଅଭିଯାନ ‘ସମସ୍ତେ ପଢ଼ନ୍ତୁ, ସମସ୍ତେ ଗଢ଼ନ୍ତୁ’ ଜରିଆରେ ପିଲାମାନଙ୍କୁ ଉଚ୍ଚଶିକ୍ଷା ଦେବା ପାଇଁ ଏହି ନିୟମ ପ୍ରଣୟନ କରାଯାଇଛି। ଏହା ବ୍ୟତୀତ ପିଲାମଙ୍କ ମଧ୍ୟାହ୍ନ ଭୋଜନ ଓ ପୋଷାକ ବଣ୍ଟନ ପ୍ରକ୍ରିୟା କରାଯାଉଛି। ଯାହା ପିଲାମାନଙ୍କୁ ପାଠ ପଢ଼ିବା ପାଇଁ ମୌଳିକ ସୁବିଧା ପାଇପାରିବେ। ଫଳରେ ସେମାନେ ଉଚ୍ଚଶିକ୍ଷାର ଲାଭ ଉଠାଇପାରିବେ। ମାତ୍ର ବହୁ ସ୍ଥାନରେ ସରକାରଙ୍କ ଏହି ଯୋଜନା ଦିଗହରା ହେଉଥିବା ଦେଖିବାକୁ ମିଳୁଛି। ଯାହାଫଳରେ ସରକାରଙ୍କ ଯୋଜନା କେବଳ କାଗଜକଲମରେ ସୀମିତ ଥିବା ପରିଲକ୍ଷିତ ହେଉଛି। ଏଭଳି ଦୃଷ୍ଟାନ୍ତ ଯାଜପୁର ଜିଲାରେ ଦେଖିବାକୁ ମିଳୁଛି।

ମାନପୁର ଓଭର ବ୍ରିଜ୍‌,ମାର୍ଥାପୁର ହାଇଲେଭଲ ବ୍ରିଜ୍‌ ଉଦ୍‌ଘାଟିତ

ମାନପୁର ଓଭର ବ୍ରିଜ୍‌,ମାର୍ଥାପୁର ହାଇଲେଭଲ ବ୍ରିଜ୍‌ ଉଦ୍‌ଘାଟିତ

କଳିଙ୍ଗନଗର,୨୫।୪(ଡି.ଏନ୍‌.ଏ.):୧୭କୋଟି ୭୪ଲକ୍ଷ ଟଙ୍କା ବ୍ୟୟରେ ନିର୍ମାଣ କରାଯାଇଥିବା ଚୋରଦା-ଡୁବୁରୀ ୨ଲେନ୍‌ ବିଶିଷ୍ଟ ରାସ୍ତାର ମାନପୁର ରେଳ ଓଭରବ୍ରିଜ୍‌କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦ୍‌ଘାଟନ କରିଛନ୍ତି। ମଙ୍ଗଳବାର ଅପରାହ୍ନରେ ମୁଖ୍ୟମନ୍ତ୍ରୀ ଭିଡିଓ କନ୍‌ଫରେନ୍ସିଂ ମାଧ୍ୟମରେ ଏହି ଓରଭବ୍ରିଜର ଲୋକାର୍ପଣ କରିଛନ୍ତି। ଏଥିସହିତ ସୁକିନ୍ଦା ନିର୍ବାଚନ ମଣ୍ଡଳୀର ମାର୍ଥାପୁର ନିକଟରେ ୨କୋଟି ୪୨ଲକ୍ଷ ଟଙ୍କାରେ ନିର୍ମିତ ହାଇଲେବଲ ବ୍ରିଜ୍‌ର ମଧ୍ୟ ଲୋକାର୍ପଣ ହୋଇଛି। ସେହିପରି ସୁକିନ୍ଦାଠାରୁ ଅଶୋକଝର ପର୍ଯ୍ୟନ୍ତ ଦୁଇ ଲେନ ବିଶିଷ୍ଟ ୧୦.୭ କି.ମି ଲମ୍ବ ରାସ୍ତାର ପ୍ରଶସ୍ତିକରଣ ନିମନ୍ତେ ଶିଳାନ୍ୟାସ, ୧୧୫ କୋଟି ୨ ଲକ୍ଷ ବ୍ୟୟରେ ଏନଏଚ-୫୩ ଡାକବଙ୍ଗଳାଠାରୁ ହାତୀବାରୀ ପର୍ଯ୍ୟନ୍ତ ୧୬ କି.ମି ରାସ୍ତାର ପ୍ରଶସ୍ତିକରଣ ଶିଳାନ୍ୟାସ କରାଯାଇଛି।

ନିଆରା ଢଙ୍ଗରେ ପୁତ୍ର ପାଳିଲେ ପିତାଙ୍କ ଜନ୍ମଦିନ

ଡେରାବିଶ,୨୫।୪(ସ୍ବ.ପ୍ର.): ବର୍ତ୍ତମାନ ସମୟରେ ବିଭିନ୍ନ କାରଣରୁ ସମାଜ ଅବକ୍ଷୟ ଆଡକୁ ଗତି କରୁଥିବା ବେଳେ ଡେରାବିଶ ବ୍ଲକ ଅଞ୍ଚଳରେ ଏକ ପରିବାରର ପୁଅମାନେ ମିଶି ପିତାଙ୍କ ଜନ୍ମଦିନ ନିଆରା ଢଙ୍ଗରେ ପାଳନ କରି ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛନ୍ତି । ଏହି ବ୍ଲକ ଅଧୀନସ୍ଥ ହରିଅଙ୍କ ପଞ୍ଚାୟତ ମୁଣ୍ଡଳ ଗ୍ରାମରେ ଅବସରପ୍ରାପ୍ତ ଶିକ୍ଷକ ରତ୍ନାକର ନାୟକଙ୍କ ଘର । ଶିକ୍ଷକତା ସହ ବିଭିନ୍ନ ଶିକ୍ଷାନୁଷ୍ଠାନ ଗଢିବା ଓ ସମାଜ ସେବାରେ ଅଧିକାଂଶ ସମୟ ନିଜକୁ ନିୟୋଜିତ କରି ଅଞ୍ଚଳରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି ।

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

ପେଟ୍ରୋଲ ଢାଳି ଘର ଜାଳିଦେଲେ ଦୁର୍ବୃତ୍ତ

କୁଜଙ୍ଗ,୨୫।୪(ସ୍ବ.ପ୍ର.): ସୋମବାର ବିଳମ୍ବିତ ରାତିରେ କୁଜଙ୍ଗ ଥାନା ଗୋପିଆକୁଦ (ତାଳଦଣ୍ଡା) ଗ୍ରାମରେ କେତେଜଣ ଦୁର୍ବୃତ୍ତ ଗ୍ରାମର ଯଜ୍ଞେଶ୍ୱର ପଣ୍ଡାଙ୍କ ଘରକୁ ପେଟ୍ରୋଲ୍‌ ଢାଳି ନିଅଁ। ଲଗାଇ ଦେଇଛନ୍ତି। ମାତ୍ର ପରିବାର ଲୋକେ ଅଳ୍ପକେ ବର୍ତ୍ତି ଯାଇଛନ୍ତି। ତେବେ ଘରର ସମସ୍ତ ଆସବାବପତ୍ର ପୋଡ଼ି ପାଉଁଶ ହୋଇଯାଇଛି। ଏ ନେଇ କ୍ଷତିଗ୍ରସ୍ତ ପରିବାର ଥାନାର ଦ୍ୱାରସ୍ଥ ହୋଇଛନ୍ତି। ହେଲେ ପୋଲିସ ଏ ପର୍ଯ୍ୟନ୍ତ କାହାରିକୁ ଗିରଫ କରି ପାରିନାହିଁ। ସୂଚନା ଅନୁସାରେ, ଯଜ୍ଞେଶ୍ୱରଙ୍କ ପରିବାରଲୋକେ ଶୋଇଥିବାବେଳେ ଦୁର୍ବୃତ୍ତ ତାଙ୍କ ଘରେ ନିଅଁ। ଲଗାଇ ଦେଇଥିଲେ। ଏହାଦେଖି ପରିବାରର ସମସ୍ତ ସଦସ୍ୟ ଉଠି ପଡ଼ିଥିଲେ। ଏହି ସମୟରେ ସ୍ଥାନୀୟ ଅଞ୍ଚଳର ଜଣେ ବ୍ୟକ୍ତି ଓ ତାଙ୍କ ସହଯୋଗୀ ନିଅଁ। ଲଗାଉଥିବା ଯଜ୍ଞେଶ୍ୱରଙ୍କ ଝିଅ ଦେଖିଥିଲେ। ପରେ ସେମାନଙ୍କୁ ଯଜ୍ଞେଶ୍ୱରଙ୍କ ପରିବାର ଲୋକେ କାବୁ କରିବାକୁ ଚେଷ୍ଟା କରିଥିଲେ। ହେଲେ ତାହା ସମ୍ଭବ ହୋଇ ପାରି ନ ଥିଲା। ଦୁର୍ବୃତ୍ତ ଏମାନଙ୍କୁ ଆକ୍ରମଣ କରି ଘଟଣାସ୍ଥଳରୁ ଫେରାର ହୋଇ ଯାଇଥିଲେ। ଏ ସମ୍ପର୍କରେ କୁଜଙ୍ଗ ଥାନା ଅଧିକାରୀ ଦିଲୀପ କୁମାର ସାହୁ କହିଛନ୍ତି, ଆମ ନିକଟରେ ଅଭିଯୋଗ ହୋଇଛି। ଘଟଣାର ତଦନ୍ତ ଚାଲିଛି। ତୁରନ୍ତ ଦୋଷୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।

କାମରେ ଲାଗୁନି ମାର୍କେଟ କମ୍ପ୍ଲେକ୍ସ

କାମରେ ଲାଗୁନି ମାର୍କେଟ କମ୍ପ୍ଲେକ୍ସ

ନାଉଗଁ।,୨୫।୪(ସ୍ବ.ପ୍ର.): ବେକାର ଯୁବତୀ ଯୁବକଙ୍କୁ ରୋଜଗାରକ୍ଷମ କରିବା ପାଇଁ ସରକାର ବିଭିନ୍ନ ଯୋଜନା କରୁଥିବାବେଳେ ତାହା ପ୍ରକୃତରେ କାର୍ଯ୍ୟକାରୀ ହେଉଛି କି ନାହିଁ, ତାହାର ତଦାରଖ କରାଯାଉନାହିଁ। ଫଳରେ ଅନେକ ଯୋଜନାରେ ଖର୍ଚ୍ଚ ହେଉଥିବା ଲକ୍ଷାଧିକ ଟଙ୍କା ପାଣିରେ ପଡୁଛି, ଯାହାର ସ୍ପଷ୍ଟ ଉଦାହରଣ ହେଉଛି ନାଉଗାଁ ବ୍ଲକ ଜାମୁଗଁ। ପଞ୍ଚାୟତର କଣ୍ଟୁଣିଆ ବଜାରଠାରେ ନିର୍ମିତ ମାର୍କେଟ କମ୍ପ୍ଲେକ୍ସ। ଏହି ମାର୍କେଟ କମ୍ପ୍ଲେକ୍ସ ୨.୫ ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଥିଲା। ଜାମୁଗାଁ ପଞ୍ଚାୟତ ଓ ନାଉଗାଁ ବ୍ଲକର ମିଳିତ ପାଣ୍ଠିରେ ୨୦୦୬ ମସିହାରେ କଣ୍ଟୁଣିଆ ବଜାରର ପୂର୍ବ ଦିଗକୁ ଏହି ମାର୍କେଟ କମ୍ପ୍ଲେକ୍ସ ଗୃହ ନିର୍ମାଣ କରାଯାଇଥିଲ। ଗୃହ ନିର୍ମାଣ ପରେ ଏହାର ଆବଣ୍ଟନ କରାଯିବା ପୂର୍ବରୁ ପଞ୍ଚାୟତ ସମିତି ଭାଙ୍ଗି ନୂତନ ପଞ୍ଚାୟତ ସମିତି ପାଇଁ ନିର୍ବାଚନ ହୋଇଥିଲା। ୨୦୦୭ ନିର୍ବାଚନ ପରେ ଉକ୍ତ ପଞ୍ଚାୟତର ନୂତନ ସରପଞ୍ଚ ଏଥିପ୍ରତି ଦୃଷ୍ଟି ଦେଲେନାହିଁ କିମ୍ବା ବ୍ଲକ କାର୍ଯ୍ୟାଳୟ ତରଫରୁ କୌଣସି ବ୍ୟବସ୍ଥା କରାଗଲା ନାହିଁ।

ମୌଳିକ ଅଧିକାର ଦାବି କରି ଆଦିବାସୀଙ୍କ ତହସିଲ ଘେରାଉ

ମୌଳିକ ଅଧିକାର ଦାବି କରି ଆଦିବାସୀଙ୍କ ତହସିଲ ଘେରାଉ

ନୂଆଗାଁ,୨୫।୪ (ଡି.ଏନ.ଏ.)-ନୟାଗଡ ଜିଲା ନୂଆଗାଁ ବ୍ଲକର ଆଦିବାସୀମାନେ ମୌଳିକ ସୁବଧା ପାଇବାରୁ ବଞ୍ଚତ୍ତ ହେଉଥିବା ନେଇ ରାଜନେତାଙ୍କଠାରୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କ ଯାଏ ବାରମ୍ବାର ଗୁହାରି କରି ଆସୁଥିଲେ ମଧ୍ୟ କେହି ସେମାନଙ୍କ କଥା ଶୁଣୁ ନାହାନ୍ତି। ସେମାନଙ୍କ ଦୁଃଖ ଅସହ୍ୟ ହେବାରୁ ଭାଜପା କର୍ମୀଙ୍କ ସହାୟତାରେ ମଙ୍ଗଳବାର ତିନି ଶହରୁ ଅଧିକ ଆଦିବାସୀ ମହିଳାପୁରୁଷ ଏକତ୍ରିତ ହୋଇ ନୂଆଗାଁ ଡାକ ବଙ୍ଗଳାରୁ ଧନୁତୀର, ଭୁଷା,ବର୍ଛା ଆଦି ଧରି ଶୋଭାଯାତ୍ରାରେ ବାହାରି ନୂଆଗାଁ ତହସିଲ କାର୍ଯ୍ୟାଳୟ ଘେରାଉ କରିଥିଲେ ।

ଖୋଲିପାରୁନି ଜେଏମଏଫସି କୋର୍ଟ

ତିର୍ତ୍ତୋଲ,୨୫।୪(ଡି.ଏନ.ଏ.): ତିର୍ତ୍ତୋଲରେ ଜୁଡିସିଆଲ ମାଜିଷ୍ଟ୍ରେଟ୍‌ ଫାଷ୍ଟ କ୍ଲାସ(ଜେଏମଏଫସି)କୋର୍ଟ ଖୋଲିବା ପାଇଁ ଗତ ବର୍ଷ ଅକ୍ଟୋବର ମାସରେ ଆଇନ ବିଭାଗ ତରଫରୁ ନିର୍ଦ୍ଦେଶନାମା ପ୍ରକାଶ ପାଇଥିଲା। ଇତିମଧ୍ୟରେ ୬ମାସ ବିତିଯାଇଥିଲେ ମଧ୍ୟ ଏ ପର୍ଯ୍ୟନ୍ତ ଏହି କୋର୍ଟ ଏଠାରେ ଖୋଲିପାରିନାହିଁ। ଏହାକୁ ନେଇ ସ୍ଥାନୀୟ ଓକିଲ ସଂଘ ସମେତ ଅନ୍ୟାନ୍ୟ ବର୍ଗର ଲୋକମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ସରକାରୀ ନିର୍ଦ୍ଦେଶ ପାଳନ କରିବାରେ ଅଧିକାରୀମାନେ ଆନ୍ତରିକତା ଦେଖାଉ ନ ଥିବାରୁ ଏହି ବିଳମ୍ବ ହେଉଥିବା ସାଧାରଣରେ ଅଭିଯୋଗ ହେଉଛି।