ସମ୍ବଲପୁର

ବସ୍‌ରୁ ବେଆଇନ ଟଙ୍କା ଆଦାୟ ଅଭିଯୋଗ

ବସ୍‌ରୁ ବେଆଇନ ଟଙ୍କା ଆଦାୟ ଅଭିଯୋଗ
ବାମରା, ୨।୧ (ସ୍ବ.ପ୍ର)- ସମ୍ବଲପୁର ଜିଲା ବାମରା ଦେଇ ଯିବାଆସିବା କରୁଥିବା ବସ୍‌ ଗୁଡିକରୁ ବେଆଇନ ଭାବେ ଟଙ୍କା ଆଦାୟ କରାଯାଉଥିବା ନେଇ ଗୋବିନ୍ଦପୁର ଥାନାରେ ଅଭିଯୋଗ କରାଯାଇଛି। ଏହା ସହିତ ବସ୍‌ର ଷ୍ଟାଫ୍‌ମାନଙ୍କୁ ହଇରାଣ ହରକତ ମଧ୍ୟ କରାଯାଉଛି । ଅଭିଯୋଗ ଅନୁସାରେ, ବାମରା-କୁଚିଣ୍ଡା ରୁଟ୍‌ ବାମରାର ମୁଖ୍ୟଛକ ଭାବେ ପରିଗଣିତ ଥିବାବେଳେ ଏହି ରୁଟ୍‌ଦେଇ କୁଚିଣ୍ଡା, କେଶାଇବାହାଲ, ଜରାବଗା, ସୋଲ, ମହୁଲପାଲି, ବଡଗାଁ, ରାଜଗାଙ୍ଗପୁର, ରାଉରକେଲା, ବୀରମିତ୍ରପୁର, ସୁନ୍ଦରଗଡ, ସବଡେଗା ଆଦି ଅଞ୍ଚଳକୁ ପ୍ରାୟ ୨୫/୩୦ଟି ବସ୍‌ ପ୍ରତିଦିନ ଯାତାୟାତ କରିଥାଏ । ମାତ୍ର ପ୍ରତି ବସ୍‌ରୁ ପ୍ରତି ଦିନ ୫୦ ରୁ୬୦ ଟଙ୍କା ଏଣ୍ଟ୍ରି ଫି ନାଁରେ ଜୋରଜବରଦସ୍ତ ବେଆଇନ ଟଙ୍କା ଆଦାୟ କରାଯାଉଛି । ଗତ ୨ ଦିନ ତଳେ ସୁନ୍ଦରଗଡରୁ ବଣେଇ ଅଭିମୁଖେ ଯାଉଥିବା ମହାବୀର ଟ୍ରାଭେଲ୍ସ ନାମକ ଏକ ଘରୋଇ ବସ୍‌କୁ ଜଣେ ବ୍ୟକ୍ତି ଧମକାଇ ଟଙ୍କା ମାଗିଥିଲା । ଟଙ୍କା ନ ଦେବାରୁ ଉକ୍ତ ବସ୍‌କୁ ପ୍ରାୟ ୧ଘଣ୍ଟା ଅଟକାଇ ଗାଳିଗୁଲଜ କରିଥିଲେ। ଏ ନେଇ ଥାନାରେ ଅଭିଯୋଗ କରାଯାଇଛି । ତେବେ ଏ ବିଷୟରେ ବାମରା ବସ୍‌ ମାଲିକ ସଂଘ ସମ୍ପାଦକ ଶେଖର କୁମାର ବୋଷଙ୍କୁ ପଚାରିବାରୁ, ବାମରା ବସ୍‌ ମାଲିକ ସଂଘ ପକ୍ଷରୁ ଟଙ୍କା ପଇସା ଆଦାୟ କରାଯାଉ ନାହିଁ । ଯଦି ସଂଗ୍ରହ ହେଉଛି, ତେବେ ତାହା ସଂପୂର୍ଣ୍ଣ ବେଆଇନ ବୋଲି କହିଥିଲେ। ସଂଘର କୋଷାଧ୍ୟକ୍ଷ ଜୟନ୍ତ ଦାସ ମଧ୍ୟ ସେ ଅନୁରୂପ ମନ୍ତବ୍ୟ ଦେବା ସହିତ ପୋଲିସ ଉଚିତ କାର୍ଯ୍ୟାନୁଷ୍ଠାନ ଗ୍ରହଣ କରୁ ବୋଲି କହିଥିଲେ। ଅନ୍ୟପକ୍ଷେ ବାମରାସ୍ଥିତ ବିଜୁ ପଟ୍ଟନାୟକ ଛକଠାରେ ପ୍ରତିଦିନ କେତେକ ଅସାମାଜିକ ଲୋକ ମଦ ପିଇ ଗଣ୍ଡଗୋଳ କରୁଛନ୍ତି। ବସ୍‌ ଗୁଡିକରୁ ଟଙ୍କା ଆଦାୟ ହେଉଥିଲେ ସୁଦ୍ଧା କୌଣସି ପଦକ୍ଷେପ ଗ୍ରହଣ କରାଯାଉ ନଥିବାରୁ ବୁଦ୍ଧିଜୀବି ମହଳରେ କ୍ଷୋଭ ପ୍ରକାଶ ପାଇଛି।
All Right Reserved By

ସମ୍ବଲପୁର

ଭାଜପା ଯୁବମୋର୍ଚ୍ଚା ପକ୍ଷରୁ ବେରୋଜଗାର ପ୍ରତିବାଦ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବିପତ୍ର

ଭାଜପା ଯୁବମୋର୍ଚ୍ଚା ପକ୍ଷରୁ ବେରୋଜଗାର ପ୍ରତିବାଦ: ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବିପତ୍ର

ଜୁନାଗଡ,୨୩।୧୦(ଡି.ଏନ.ଏ.): କଳାହାଣ୍ଡି ଜିଲା ଜୁନାଗଡ ବ୍ଲକରେ ମଙ୍ଗଳବାର ଭାଜପା ଯୁବମୋର୍ଚ୍ଚା ପକ୍ଷରୁ ବେରୋଜଗାର ପ୍ରତିବାଦରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ଥାନୀୟ ତହସିଲଦାର ଉପେନ୍ଦ୍ର ଲୁହାଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି। 

କ୍ଷତିଗ୍ରସ୍ତ ଚାଷୀଙ୍କୁ ମାଗଣା କୁକୁଡା ଛୁଆ ବଣ୍ଟନ

କ୍ଷତିଗ୍ରସ୍ତ ଚାଷୀଙ୍କୁ ମାଗଣା କୁକୁଡା ଛୁଆ ବଣ୍ଟନ

ରିଷିଡା,୨୩।୧୦(ଡି.ଏନ.ଏ.): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକ ରିଷିଡା ପ୍ରାଣୀ ଚିକିତ୍ସା କେନ୍ଦ୍ର ପରିସରରେ ପ୍ରାଣୀ ଚିକିତ୍ସା ବିଭାଗ ପକ୍ଷରୁ ମରୁଡି ଏବଂ ଚକଡା ପୋକ ଦ୍ୱାରା କ୍ଷତିଗ୍ରସ୍ତ ଚାଷୀଙ୍କୁ ମଙ୍ଗଳବାର ମାଗଣା କୁକୁଡା ଛୁଆ ବଣ୍ଟନ କରାଯାଇଛି ।

ଭୂମିହୀନଙ୍କୁ ଜମି ପ୍ରଦାନ ଦାବି : ଆମ୍ବେଡ଼କ ରାଇଟ୍‌ ଅଫ୍‌ ଇଣ୍ଡିଆ ପକ୍ଷରୁ ଜନ ଆନ୍ଦୋଳନ

ଭୂମିହୀନଙ୍କୁ ଜମି ପ୍ରଦାନ ଦାବି : ଆମ୍ବେଡ଼କ ରାଇଟ୍‌ ଅଫ୍‌ ଇଣ୍ଡିଆ ପକ୍ଷରୁ ଜନ ଆନ୍ଦୋଳନ

କର୍ଲାମୁଣ୍ଡା,୨୩।୧୦(ଡି.ଏନ.ଏ.): କଳାହାଣ୍ଡି ବିଭିନ୍ନ ଗରିବ, ଦଳିତ ଶ୍ରେଣୀର ଭୂମିହୀନ ଲୋକଙ୍କୁ ରହିବା ପାଇଁ ଡିହ ଓ ଚାଷ କରି ବଞ୍ଚତ୍ବା ପାଇଁ ଜମି ଯୋଗାଇ ଦେବା ଦାବି ନେଇ କର୍ଲାମୁଣ୍ଡା ତହସିଲ ସମ୍ମୁଖରେ ଆମ୍ବେଡ଼କ ରାଇଟ୍‌ ପାର୍ଟି ଅଫ୍‌ ଇଣ୍ଡିଆ କଳାହାଣ୍ଡି ଶାଖା ପକ୍ଷରୁ ଏକ ଜନଆନ୍ଦୋଳନ କରାଯାଇଛି। 

ନୂଆଁଖାଇ ଭେଟ୍‌ଘାଟ: ୧୩ ବିଶିଷ୍ଟ ପ୍ରତିଭା ସମ୍ବର୍ଦ୍ଧିତ

ନୂଆଁଖାଇ ଭେଟ୍‌ଘାଟ: ୧୩ ବିଶିଷ୍ଟ ପ୍ରତିଭା ସମ୍ବର୍ଦ୍ଧିତ

ମୁରିବାହାଲ, ୨୩।୧୦(ଡି.ଏନ.ଏ.): ବଲାଙ୍ଗୀର ଜିଲା ମୁରିବାହାଲ ବ୍ଲକ ଗଁରେଇ ମଣ୍ଡଳ ଭାଜପା ପକ୍ଷରୁ  ସୋମବାର  ଗଁରେଇଠାରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ପୋଲିସ କବ୍‌ଜାରେ ୩ ଆନ୍ତଃ ଜିଲା ଡକାୟତ

ପୋଲିସ କବ୍‌ଜାରେ ୩ ଆନ୍ତଃ ଜିଲା ଡକାୟତ

ମୁରିବାହାଲ, ୨୩।୧୦(ଡି.ଏନ.ଏ.) ବଲାଙ୍ଗୀର ଜିଲା ମୁରିବାହାଲ ଥାନା ଅନ୍ତର୍ଗତ ଧାତୁକଯୁରୀ-କୁର୍ଲୁବାହାଲ ରାସ୍ତାରେ ରିଲାଏନ୍ସ ଫାଇନାନ୍ସର ଜଣେ କର୍ମଚାରୀଙ୍କୁ ଆକ୍ରମଣ କରି ଟଙ୍କା ଲୁଟ୍‌ ଘଟଣାରେ ସ୍ଥାନୀୟ ପୋଲିସ ୩ ଆନ୍ତଃ ଜିଲା ଡକାୟତଙ୍କୁ ପୋଲିସ ଗିରଫ କରିଛି।

ସମ୍ବଲପୁର ଅଇଁଠାପାଲି ଥାନା ଘେରାଉ

ସମ୍ବଲପୁର ଅଇଁଠାପାଲି ଥାନା ଘେରାଉ

ସମ୍ବଲପୁର,୨୩।୧୦(ବ୍ୟୁରୋ)- ସମ୍ବଲପୁର ସହରର ଅଇଁଠାପାଲି ଥାନା ବୁଢାରଜା ମନ୍ଦିର ରାସ୍ତା ନିକଟରେ ସୋମବାର ସନ୍ଧ୍ୟାରେ କରମଟୁଲି ଗ୍ରାମର ବିଶାଲ ଖଡିଆଙ୍କ ତଣ୍ଟି କାଟି ହତ୍ୟା କରାଯାଇଥିଲା ।

ଶକ୍ତି ସଂକଟ: କାମରେ ଆସୁନି ପାର୍ବତୀ ଗିରୀ ସେଚ ପ୍ରକଳ୍ପ

ଶକ୍ତି ସଂକଟ: କାମରେ ଆସୁନି ପାର୍ବତୀ ଗିରୀ ସେଚ ପ୍ରକଳ୍ପ

ଅମ୍ବାଭୋନା, ୨୩।୧୦ (ଡି.ଏନ.ଏ.)- ବରଗଡ ଜିଲା ଅମ୍ବାଭୋନା ବ୍ଲକର ଚିଖିଲି, ଜାମପାଲି (ଅନ୍ତରାଡି), ତାମଦେଇଠାରେ ଜଳ ସଂପଦ ବିଭାଗ ଦ୍ୱାରା ହୋଇଥିବା ବୃହତ ଉଠାଜଳସେଚନ ପ୍ରକଳ୍ପ ବିଜୁଳି ଶକ୍ତିର ନିଅଣ୍ଟ ଯୋଗୁଁ ଫେଲ ମାରିଛି । ପାର୍ବତୀଗିରୀ ସେଚ ପ୍ରକଳ୍ପ ମାଧ୍ୟମରେ ଅମ୍ବାଭୋନା ବ୍ଲକର ୪୧ଟି ଗ୍ରାମର ୪୭୨୦ ହେକ୍ଟର ଚାଷ ଜମିକୁ ପାଣି ଯୋଗାଇ ଦେବା ଲକ୍ଷ୍ୟ ନେଇ ୯୯.୬୯ କୋଟି ଟଙ୍କା ବ୍ୟୟରେ ନିର୍ମିତ ହୋଇଛି ପାଣି ଟାଙ୍କି, ପମ୍ପହାଉସ ଏବଂ ଗ୍ରୀଡା ସବଷ୍ଟେସନ । ଚାଷୀଙ୍କୁ ମହାନଦୀରୁ ଉଠା ଜଳସେଚନ ପ୍ରକଳ୍ପ ଜରିଆରେ ପର୍ଯ୍ୟାପ୍ତ ପାଣି ଯୋଗାଇଦେବାକୁ ଓଡିଶା ସରକାର ନିର୍ଭର ପ୍ରତିଶ୍ରୁତି ଦେଇ ଗତ ସେପ୍ଟେମ୍ବର ୯ ତାରିଖ ଦିନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭିଡିଓ କନଫରନସିଂ ଜରିଆରେ ଏହାର ଉଦ୍‌ଘାଟନ କରିଥିଲେ । 

 ବସ୍‌ ଉପରେ ବଜ୍ରପାତ: ଚକା ଲିକ୍‌, ହେଲପରଙ୍କ ଜୀବନ ଗଲା

ବସ୍‌ ଉପରେ ବଜ୍ରପାତ: ଚକା ଲିକ୍‌, ହେଲପରଙ୍କ ଜୀବନ ଗଲା

ବରଗଡ଼ ଅଫିସ୍‌,୨୩।୧୦-
ବରଗଡ଼ ସହର ଜିରା ନଦୀ ପୋଲ ଉପରେ ଏକ ଯାତ୍ରୀବାହୀ ବସ୍‌ ଉପରେ ମଙ୍ଗଳବାର ମଧ୍ୟାହ୍ନ ସାଢେ ୩ଟାରେ ବଜ୍ରପାତ ଘଟିଛି। ଏହା ଯୋଗୁ ହେଲପରଙ୍କ ମୃତ୍ୟୁ ଘଟିଛି।

ଦୁର୍ଘଟଣା ନେଲା ୨ ଜଣଙ୍କ ଜୀବନ

ଦୁର୍ଘଟଣା ନେଲା ୨ ଜଣଙ୍କ ଜୀବନ

ବରଗଡ଼ ଅଫିସ୍‌/ସୋହେଲା,୨୩।୧୦-
ବରଗଡ଼ ଜିଲା ସୋହେଲା ହାଇସ୍କୁଲ ନିକଟରେ ମଙ୍ଗଳବାର ଅପରାହ୍ନରେ ଏକ ସଡ଼କ ଦୁର୍ଘଟଣା ଘଟିଛି । ଦୁର୍ଘଟଣାରେ ୨ବାଇକ୍‌ ଆରୋହୀଙ୍କ ମୃତ୍ୟୁ ହୋଇଛି  । ମୃତକମାନେ ହେଲେ, ପେଟୁପାଲି ଗ୍ରାମର ଆକାଶ ମେହେର ଏବଂ ଖେରୁପାଲି ଗ୍ରାମର ସୁରେନ୍ଦ୍ର ମେହେର ।

ଜୁଗାର ଯାତ୍ରାରେ ସାମିଲ ହେଲେ ସହସ୍ରାଧିକ ଶ୍ରଦ୍ଧାଳୁ

ଜୁଗାର ଯାତ୍ରାରେ ସାମିଲ ହେଲେ ସହସ୍ରାଧିକ ଶ୍ରଦ୍ଧାଳୁ

ବରଗଡ଼ ଅଫିସ୍‌,୨୩।୧୦-
ବରଗଡ଼ ସହର ଉପକଣ୍ଠ ବରାହଗୋଡ଼ାସ୍ଥିତ ଶ୍ରୀ ଶ୍ରୀ ମାଁ ପଁର୍ରାପାଟ୍‌ ମନ୍ଦିରରେ ପାର୍ବଣ ମହୋତ୍ସବ ଉତ୍ସାହ ଉଦ୍ଦୀପନା ସହିତ ଚାଲିଛି । ଏହି କ୍ରମରେ ମଙ୍ଗଳବାର ପଁର୍ରାପାଟ୍‌ ଦେବୀଙ୍କ ଜୁଗାର ଯାତ୍ରା ଅନୁଷ୍ଠିତ ହୋଇଥିଲା । ବରାହଗୋଡ଼ା ଗ୍ରାମରୁ ସହସ୍ରାଧିକ ଶ୍ରଦ୍ଧାଳୁଙ୍କ ଗହଣରେ ଜୁଗାର ଯାତ୍ରା ବାହାରି ଗ୍ରାମ ପରିକ୍ରମା କରିବା ସହିତ ମନ୍ଦିରକୁ ପହଞ୍ଚିଥିଲା । 

ମଦୁଆକର କବ୍‌ଜାରେ ଡାକ୍‌ତରଖାନା

ମଦୁଆକର କବ୍‌ଜାରେ ଡାକ୍‌ତରଖାନା

ସଇଁତଲା,୨୩।୧୦ (ଡି.ଏନ.ଏ.): 
ଗଲା ୪ ବଛର ହେଲା କନ୍ଧକେଲ ଗଁାନେ ଗୁଟେ ଡାକ୍‌ତରଖାନା ତିଆର ହେଇଛେ। ଇ ଡାକ୍‌ତରଖାନା ବନାବାର ଲାଗି କେବିକେ ଫଣ୍ଡରୁ ଟଁକା ଦିଆଯାଇଥିଲା। ସମକିରି ସୁବିଧା ଲାଗି କନ୍ଧକେଲ ଗଁା ଆର ବଡ଼ମୁଣ୍ଡା ଗଁାର ମଝାନେ ଇ ଡାକ୍‌ତରଖାନା ତିଆର ହେବାର ସଂଗେ ଷ୍ଟାଫ୍‌ କ୍ୱାଟର ବି ବନା ହେଇଛେ। ଇ ଡାକ୍‌ତରଖାନାକେ ଗଲା ୨୩ ଜାନୁୟାରୀ, ୨୦୧୮ରେ ଓଡ଼ିଶାର ଖାଦ୍ୟ ଯୋଗାଣ, ଖାଉଟି କଲ୍ୟାଣ ଆଉର ସମବାୟ ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର, ବଲାଙ୍ଗୀର ଏମପି କଳିକେଶ ନାରାୟଣ ସିଂ ଦେଓ, ଟିଟିଲାଗଡ ଏମଏଲଏ ଟୁକୁନି ସାହୁ ଆସି ଉଦ୍‌ଘାଟନ କରିଥିଲେ।  

ଭତା ଲାଗି ଆବେଦନ କରି ନିରାଶ

ଭତା ଲାଗି ଆବେଦନ କରି ନିରାଶ

ଅତାବିରା, ୨୩।୧୦ (ଡି.ଏନ.ଏ)- 
ବଏସ୍‌ ୭୦ ଡେଗ୍‌ଲାନ, ୪ ଥର ଭତା ଲାଗି ଆବେଦନ କରି ନିରାଶ ହେଇଛନ୍‌।