ଉପକୂଳ ଓଡିଶା

ସରକାରୀ ଯୋଜନାରୁ ବଞ୍ଚିତ ବିଦ୍ୟାର୍ଥୀ

ସରକାରୀ ଯୋଜନାରୁ ବଞ୍ଚିତ ବିଦ୍ୟାର୍ଥୀ

ରସୁଲପୁର,୧।୧(ଡି.ଏନ୍‌.ଏ.)- ରସୁଲପୁର ବ୍ଲକର ଶତାଧିକ ବିଦ୍ୟାଳୟରେ ବିଜୁଳି ସଂଯୋଗ ହୋଇନାହିଁ। ଏନେଇ ବିଦ୍ୟୁତ୍‌ ଓ ଶିକ୍ଷା ବିଭାଗ ମଧ୍ୟରେ ତାଳମେଳ ରହୁନାହିଁ। ଫଳରେ ବିଦ୍ୟାର୍ଥୀମାନେ ସରକାରୀ ଯୋଜନାରୁ ବଞ୍ଚିତ ହେଉଛନ୍ତି। ଏହି ବ୍ଲକରେ ମୋଟ ୨୨୯ ବିଦ୍ୟାଳୟ ରହିଛି। ସେଥି ମଧ୍ୟରୁ ମାତ୍ର ୪୭ ବିଦ୍ୟାଳୟକୁ ବିଦ୍ୟୁତ ସଂଯୋଗ କରାଯାଇଛି ବୋଲି ବିଦ୍ୟୁତ ବିଭାଗ ରିପୋର୍ଟରୁ ଜଣାପଡ଼ିଛି। ଏ ନେଇ ବ୍ଲକ ଶିକ୍ଷା ବିଭାଗ ପକ୍ଷରୁ ମାତ୍ର ୩୦ଟି ବିଦ୍ୟାଳୟରେ ବିଦ୍ୟୁତ ଅଛି ବୋଲି ସରକାରଙ୍କୁ ରିପୋର୍ଟ କରାଯାଇଛି। ଏହି କ୍ରମରେ ୯୮ ପ୍ରାଥମିକ ବିଦ୍ୟାଳୟରୁ ୬, ୧୧ ୟୁଜିଏମଇ ବିଦ୍ୟାଳୟରୁ ୮, ୨୯ ନୋଡାଲ ୟୁପି ବିଦ୍ୟାଳୟରୁ ୯, ୨୩ ପ୍ରକଳ୍ପ ୟୁପି ବିଦ୍ୟାଳୟରୁ ୫, ୪୨ ଉଚ୍ଚ ବିଦ୍ୟାଳୟରୁ ୧୯ ବିଦ୍ୟାଳୟକୁ ବିଦ୍ୟୁତ ସଂଯୋଗ ରହିଛି ବୋଲି ଅନୁସନ୍ଧାନରୁ ଜଣାପଡିଛି। ଏଥିସହ ୧୦ ୟୁପି ,୧୭ ବ୍ଲକ ଗ୍ରାଣ୍ଟ ୟୁପି, ୭ ଏଡେଡ୍‌ ୟୁପି, ୩ ମଦରସା, ୨ ସଂସ୍କୃତ ଟୋଲ, ୩ ସେବାଶ୍ରମକୁ ଆଦୌ ବିଦ୍ୟୁତ ସଂଯୋଗ ହୋଇନାହିଁ। ବିଦ୍ୟୁତ ନ ଥିବା ବିଦ୍ୟାଳୟରେ ସରକାରଙ୍କର ସୁଲଭ ଶୌଚାଳୟ ଯୋଜନା, ପିଲାମାନେ ମଧ୍ୟାହ୍ନ ଭୋଜନ ଖାଇବା ପୂର୍ବରୁ ହାତଧୋଇବା, ଗରମ ଦାଉରୁ ରକ୍ଷା ପାଇବା ପାଇଁ ବିଜୁଳି ପଙ୍ଖା ସଂଯୋଗୀକରଣ, ପ୍ରତ୍ୟେକ ବିଦ୍ୟାଳୟକୁ କମ୍ପୁଟରୀକରଣ, ମଲ୍ଟି ଟ୍ୟାପ୍‌ ବ୍ୟବସ୍ଥା ଭଳି ଅନେକ ସରକାରୀ ବ୍ୟବସ୍ଥା କାର୍ଯ୍ୟକାରୀ ହେଉନାହିଁ। ଫଳରେ କୋମଳମତି ଛାତ୍ରୀଛାତ୍ରଙ୍କର ସ୍ବାସ୍ଥ୍ୟ ପ୍ରଭାବିତ ହେଉଛି। ବିଦ୍ୟୁତ୍‌ ନ ଥିବାରୁ ବିଦ୍ୟାଳୟର ପାଣି ମଟର ଗୁଡିକ ଅଚଳ ହୋଇଗଲାଣି। ବିଦ୍ୟୁତ୍‌ ବିଲ୍‌ ବାବଦକୁ ବିଦ୍ୟାଳୟକୁ ଆସୁଥିବା ଉନ୍ନତୀକରଣ ପାଣ୍ଠିରୁ ଭରଣା କରିବାରେ ବିଶେଷ ଅସୁବିଧା ନାହିଁ। ଏହାସତ୍ତ୍ୱେ ବି ପ୍ରତ୍ୟେକ ବିଦ୍ୟାଳୟକୁ ବିଦ୍ୟୁତ୍‌ ସଂଯୋଗ କରାଯିବା ଉପରେ ଗୁରୁତ୍ୱ ଦିଆଯାଉ ନାହିଁ। କେତେକ ବିଦ୍ୟାଳୟକୁ ବେଆଇନ ବିଦ୍ୟୁତ ସଂଯୋଗ ହୋଇଛି। ବିଦ୍ୟୁତ୍‌ ବିଭାଗ ପକ୍ଷରୁ ଏଥିପ୍ରତି ଦୃଷ୍ଟି ଦିଆଯାଉ ନାହିଁ। ଅନେକ ସ୍ଥାନରେ ବିଦ୍ୟାଳୟ ଆଳରେ ବିଜୁଳି ବାଟମାରଣା ହେଉଛି। ଏ ନେଇ ରସୁଲପୁର ବ୍ଲକ ସହକାରୀ ଶିକ୍ଷାଧିକାରୀ ଅକ୍ଷୟ କୁମାର ରାଉତରାଏଙ୍କୁ ପଚାରିବାରେ ସରକାରଙ୍କୁ ଅବଗତ କରାଯାଇଛି। ବିଦ୍ୟାଳୟକୁ ଅନୁଦାନ ମିଳିଲେ ପଦକ୍ଷେପ ନିଆଯିବ ବୋଲି କହିଛନ୍ତି। ନେସ୍କୋ ପକ୍ଷରୁ କୁଆଖିଆ ବିଦ୍ୟୁତ ସେକ୍ସନର କନିଷ୍ଠ ଯନ୍ତ୍ରୀ ସୟଦ ଇବ୍ରାଲ ଅଲ୍ଲିଙ୍କୁ ପଚାରିବାରେ ବିଭାଗ ଅବଗତ ନାହିଁ। ଯଦି ଅଭିଯୋଗ ଆସେ ତେବେ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି କହିଛନ୍ତି।

All Right Reserved By

Model This Week

ନିକିତା

ଉପକୂଳ ଓଡିଶା

ମା’ରାମଚଣ୍ଡୀ ପୀଠରେ ଝାମୁଯାତ୍ରା: ବିଭିନ୍ନ ଖାଇବା ଦୋକାନରେ ଚଢାଉ

ମା’ରାମଚଣ୍ଡୀ ପୀଠରେ ଝାମୁଯାତ୍ରା: ବିଭିନ୍ନ ଖାଇବା ଦୋକାନରେ ଚଢାଉ

ମହାକାଳପଡା, ୧୯ା୪ (ଡି.ଏନ.ଏ.)- ମହାକାଳପଡା ବ୍ଲକ ଅଞ୍ଚଳର ପ୍ରମୁଖ ଶକ୍ତିପୀଠ ରାମନଗରସ୍ଥିତ ମା’ଦରିଆ ରାମଚଣ୍ଡୀ ପୀଠରେ ଚାଲିଥିବା ଝାମୁଯାତ୍ରା ଅବସରରେ ପଡ଼ିଥିବା ବିଭିନ୍ନ ଖାଇବା ଦୋକାନରେ ଗୁରୁବାର ଜିଲା ଜନ ସ୍ବାସ୍ଥ୍ୟ ଟିମ୍‌ ପକ୍ଷରୁ ଚଢ଼ାଉ କରାଯାଇଥିଲା। ଚଢ଼ାଉ ବେଳେ ବହୁ ଦୋକାନରୁ ବାସୀ ଓ ଖାଇବା ଅନୁପଯୋଗୀ ବହୁ ଖାଦ୍ୟ ଟିମ୍‌ ସଦସ୍ୟ ଫିଙ୍ଗି ଦେଇଥିଲେ। ଏଥିସହ ଖାଦ୍ୟରେ ରାସାୟନିକ ରଙ୍ଗ ବ୍ୟବହାର ପାଇଁ ଦୋମାନୀମାନଙ୍କୁ ବାରଣ କରିଥିଲେ। ଏହି ଟିମ୍‌ରେ ଜିଲା ଖାଦ୍ୟ ସୁରକ୍ଷା ଅଧିକାରିଣୀ ସମୀତା ଦାସ, କର୍ମଚାରୀ ଦିନବନ୍ଧୁ ବେହେରା ଓ ଶଙ୍କର୍ଷଣ ଦାସ ସାମିଲ ଥିଲେ।

ମା’ ପଞ୍ଚୁବରାହୀଙ୍କ ସ୍ଥାନାନ୍ତରିତ ପ୍ରକ୍ରିୟା ଆରମ୍ଭ: ବଗପାଟିଆରେ ପହଞ୍ଚତ୍ଲା ଆଜ୍ଞାମାଳ

ମା’ ପଞ୍ଚୁବରାହୀଙ୍କ ସ୍ଥାନାନ୍ତରିତ ପ୍ରକ୍ରିୟା ଆରମ୍ଭ: ବଗପାଟିଆରେ ପହଞ୍ଚତ୍ଲା ଆଜ୍ଞାମାଳ

ରାଜନଗର, ୧୯।୪ (ଡି.ଏନ୍‌.ଏ.):ଶୁକବ୍ରାର ବଗପାଟିଆ ଆସିବେ ମା’ ପଞ୍ଚୁବରାହୀ। ଏ ନେଇ ସାତଭାୟାରେ ମା’ଙ୍କୁ ହଜାର ହଜାର ଶ୍ରଦ୍ଧାଳୁ ଶେଷ ଦର୍ଶନ କରିଛନ୍ତି। ମନ୍ଦିରରେ ଗୁରୁବାରଠାରୁ ନୀତି ନିର୍ଘଣ୍ଟ ଅନୁସାରେ ପୂଜାର୍ଚ୍ଚନା କରାଯାଇଥିଲା। ରାଜପୁରୋଧା ମନମୋହନ ତ୍ରିପାଠୀ ଓ ମା’ଙ୍କ ପୁରୋଧା ସଚ୍ଚିଦାନନ୍ଦ ଶତପଥୀଙ୍କ ଦ୍ୱାରା ଆଜ୍ଞାଯଜ୍ଞ କରାଯାଇଥିଲା। ଏଥିରେ ମନ୍ଦିର ପରିଚାଳନା ଦାୟିତ୍ୱରେ ଥିବା ଦେବୋତ୍ତର ବିଭାଗର ମଧ୍ୟବର୍ତ୍ତୀକାଳୀନ ଟ୍ରଷ୍ଟି କନିକା ରାଜାସାହେବ ଶିବେନ୍ଦ୍ର ନାରାୟଣ ଭଞ୍ଜଦେଓ ଓ ରାଣୀ ମୃଣାଳିନୀ ଦେବୀ କର୍ତ୍ତାଭାବେ ଯୋଗଦେଇ ଯଜ୍ଞ ପୂର୍ଣ୍ଣାହୁତି ଦେଇଥିଲେ। ପୂଜାପାଠ ପରେ ମା’ଙ୍କଠାରୁ ଆଜ୍ଞାମାଳ ଆଣି ରାଜଦମ୍ପତ୍ତି ନୂତନ ମନ୍ଦିରରେ ପହଞ୍ଚତ୍ଥିଲେ। ଏହାପରେ ସେଠାରେ ପୂର୍ବ କାର୍ଯ୍ୟସୂଚୀ ଅନୁସାରେ ମନ୍ଦିର ପ୍ରତିଷ୍ଠା ଓ ଅନ୍ୟାନ୍ୟ ପୂଜାବିଧି କରାଯାଇଥିଲା। ଶୁକ୍ରବାର ଭୋର ୫ଟାରେ ଠାକୁରାଣୀଙ୍କ ପୂଜକ ସାତଭାୟାରେ ମା’ଙ୍କୁ ଶେଷ ସ୍ନାନ ଓ ମାର୍ଜଣା କରିବା ସହ ସହ ବାଲ୍ୟ ଭୋଗ ଲାଗି କରିବେ। ଭୋର ୬ଟାରେ ମା’ଙ୍କ ସ୍ଥାନାନ୍ତରଣ ପ୍ରକ୍ରିୟା ଆରମ୍ଭ ହେବ। ଏଥିପାଇଁ ଗୁରୁବାର ପତ୍ନତତ୍ତ୍ୱ ବିଭାଗର ୫ଜଣ ସଦସ୍ୟ ସାତଭାୟାରେ ପହଞ୍ଚତ୍ଛନ୍ତି।

ଚୋରା ମଦ ବ୍ୟବସାୟୀ ଗିରଫ

କଳିଙ୍ଗନଗର,୧୯।୪(ଡି.ଏନ.ଏ)- ଚୋରା ମଦ ବ୍ୟବସାୟ ଅଭିଯୋଗରେ ଜିନ୍ଦଲ ୩ନଂ ଗେଟ୍‌ ନିକଟରେ ରହୁଥିବା ରଞ୍ଜନ ପାତ୍ର(୪୬)ଙ୍କୁ ଗୁରୁବାର ସନ୍ଧ୍ୟାରେ ଦାନଗଦୀ ପୋଲିସ ଗିରଫ କରିଛି।

ଗଣ୍ଡଗୋଳ କରି ଫେରାର ଥିବା ୬ ଅଭିଯୁକ୍ତ ଗିରଫ

କୋରେଇ,୧୯।୪(ସ୍ବ.ପ୍ର.)- କୋରେଇ ଥାନା ଅନ୍ତର୍ଗତ ଖମିଗାଁ ଗୋପାଳପୁର ଓ ପଛିକୋଟ ପଞ୍ଚାୟତରେ ପୂର୍ବରୁ ଗଣ୍ଡଗୋଳ କରି ଫେରାର ଥିବା ୬ ଅଭିଯୁକ୍ତଙ୍କୁ ବୁଧବାର ରାତିରେ କୋରେଇ ପୋଲିସ ଗିରଫ କରି ଗୁରୁବାର କୋର୍ଟ ଚାଲାଣ କରିଛି।

ମୃତ୍ୟୁ ସହ ସଂଗ୍ରାମ କରୁଛନ୍ତି ମା’: ଶିଶୁ ସୁରକ୍ଷା ୟୁନିଟକୁ ସ୍ଥାନାନ୍ତର ହେଲା ୩ମାସର ଶିଶୁପୁତ୍ର

ମୃତ୍ୟୁ ସହ ସଂଗ୍ରାମ କରୁଛନ୍ତି ମା’: ଶିଶୁ ସୁରକ୍ଷା ୟୁନିଟକୁ ସ୍ଥାନାନ୍ତର ହେଲା ୩ମାସର ଶିଶୁପୁତ୍ର

ଡୁବୁରୀ,୧୯।୪(ଡି.ଏନ.ଏ)- ଦାନଗଦୀ ବ୍ଲକ ଅନ୍ତର୍ଗତ ରଣାଗୁଣ୍ଡି ପଞ୍ଚାୟତର ଦକ୍ଷିଣପଶି ଗ୍ରାମର ମୋଚିରାମ ମୁଣ୍ଡାଙ୍କ ସ୍ତ୍ରୀ ଗୁମି(୪୫) ମାର୍ଚ୍ଚ ୨୩ରେ ରୋଷେଇ କରୁଥିବା ବେଳେ ପୋଡ଼ି ହୋଇ ଗୁରୁତର ହୋଇଥିଲେ। ଏବେ ସେ ମୃତ୍ୟୁ ସହ ସଂଗ୍ରାମ କରୁଥିବା ଜଣାପଡ଼ିଛି।

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ଭିଡିଓ କନ୍‌ଫରେନ୍ସିଂରେ କୋରଡା ସରପଞ୍ଚଙ୍କ ସହ ଆଲୋଚନା କଲେ ମୁଖ୍ୟମନ୍ତ୍ରୀ

ଆମ ଗାଁ ଆମ ବିକାଶ କାର୍ଯ୍ୟକ୍ରମ: ଭିଡିଓ କନ୍‌ଫରେନ୍ସିଂରେ କୋରଡା ସରପଞ୍ଚଙ୍କ ସହ ଆଲୋଚନା କଲେ ମୁଖ୍ୟମନ୍ତ୍ରୀ

ନୂଆଗାଁ,୧୯।୪(ଡି.ଏନ.ଏ.)- ନୟାଗଡ ଜିଲା ନୂଆଗାଁ ବ୍ଲକ କୋରଡା ପଞ୍ଚାୟତ ଠାରେ ଗୁରୁବାର ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ସିଧାସଳଖ ଭିଡିଓ କନଫରେନ୍ସିଂ ମାଧ୍ୟମରେ ଲୋକମାନଙ୍କ ସହ ଆଲୋଚନା କରିଥିଲେ । କୋରଡା ସରପଞ୍ଚ ଗୋଲାପ ନାୟକ ପଞ୍ଚାୟତରେ ହୋଇଥିବା ବିଭିନ୍ନ ପ୍ରକାର ଉନ୍ନତି ମୂଳକ କାର୍ଯ୍ୟ ବିଷୟରେ ସୂଚନା ଦେଇଥିଲେ ।

ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ରୂପାଲି ପ୍ରଥମ

ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ରୂପାଲି ପ୍ରଥମ

ଖଣ୍ଡପଡା,୧୯। ୪(ସ୍ବ.ପ୍ର.)- ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାରେ ନୟାଗଡ ଜିଲା ଭାପୁର ବ୍ଲକ ବିଜିପୁର ପଞ୍ଚାୟତର ୫ମ ଶ୍ରେଣୀ ଛାତ୍ରୀ ରୂପାଲି ସାହୁ ପ୍ରଥମ ହୋଇଛନ୍ତି । ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ୨୧ତମ ଶ୍ରାଦ୍ଧୋସତ୍ବ ପାଳନ ଉପଲକ୍ଷେ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଭୁବନେଶ୍ୱର ଜୟଦେବ ଭବନ ଗୀତଗୋବିନ୍ଦ ସଦନଠାରେ ଗତ ୧୭ ତାରିଖରେ ଏକ ରାଜ୍ୟ ସ୍ତରୀୟ ବକ୍ତୃତା ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ପ୍ରଥମ ବର୍ଗ(୫ମରୁ ୭ମ ଶ୍ରେଣୀ) ଛାତ୍ରୀଛାତ୍ରମାନଙ୍କ ପାଇଁ ବକ୍ତୃତା ପ୍ରତିଯୋଗିତାର ବିଷୟବସ୍ତୁ ଥିଲା ”କଳିଙ୍ଗପ୍ରେମୀ ସ୍ବାଭିମାନୀ ବିଜୁ ପଟ୍ଟନାୟକ“, ଦ୍ୱିତୀୟ ବର୍ଗ(୮ମରୁ ୧୦ମ) ପାଇଁ ବିଜୁବାବୁଙ୍କ ପଞ୍ଚାୟତ ସ୍ତରୀୟ ଶିଳ୍ପର ବିକାଶ ନୀତି ରାଜ୍ୟ ଅଭିବୃଦ୍ଧିର ସହାୟକ ଏବଂ ତୃତୀୟ ବର୍ଗ(ମହାବିଦ୍ୟାଳୟ ଓ ବିଶ୍ୱ ବିଦ୍ୟାଳୟ) ଛାତ୍ରୀଛାତ୍ରମାନଙ୍କ ପାଇଁ ବିଷୟ ଥିଲା ସଂଗ୍ରାମ, ସଂଘର୍ଷ ଓ ଦୁଃସାହସର ଅନ୍ୟନାମ ବିଜୁ ପଟ୍ଟନାୟକ ।

ଯୁବକଙ୍କ ସନ୍ଦେହଜନକ ମୃତ୍ୟୁ

ଯୁବକଙ୍କ ସନ୍ଦେହଜନକ ମୃତ୍ୟୁ

ଜଗତ୍‌ସିଂହପୁର, ଅଫିସ,୧୯ା୪- ଜଗତ୍‌ସିଂହପୁର ଜିଲା ମୁଖ୍ୟ ଚିକିତ୍ସାଳୟରୁ ଗୁରୁବାର ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି। କେହି ଅଜଣା ବ୍ୟକ୍ତି ଉକ୍ତ ଯୁବକଙ୍କର ମୃତଦେହକୁ ଆଣି ଡାକ୍ତରଖାନାରେ ଛାଡ଼ି ପଳାଇଛନ୍ତି। ତେବେ ଯୁବକଙ୍କର ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି।

ମାନସିକ ବିକୃତ ଯୁବକଙ୍କ ଉନ୍ମତ୍ତ କାଣ୍ଡ: ମେଡିକାଲ ଛାତରେ ଚଢ଼ି ଆତ୍ମହତ୍ୟା ଉଦ୍ୟମ

ମାନସିକ ବିକୃତ ଯୁବକଙ୍କ ଉନ୍ମତ୍ତ କାଣ୍ଡ: ମେଡିକାଲ ଛାତରେ ଚଢ଼ି ଆତ୍ମହତ୍ୟା ଉଦ୍ୟମ

କେନ୍ଦ୍ରାପଡ଼ା ଅଫିସ,୧୯।୪: ଜିଲା ମୁଖ୍ୟ ଚିକିତ୍ସାଳୟ ଛାତ ଉପରେ ଚଢ଼ି ଜଣେ ମାନସିକ ବିକୃତ ଯୁବକ ଗୁରୁବାର ଆତ୍ମହତ୍ୟା ଉଦ୍ୟମ କରିଛନ୍ତି। ପୂର୍ବତନ କାଉନ୍‌ସିଲର ହିରଣ୍ୟ କୁମାର ପଣ୍ଡାଙ୍କ ଉପସ୍ଥିତ ବୁଦ୍ଧି ଯୋଗୁ ତାଙ୍କୁ ଉଦ୍ଧାର କରାଯାଇ ପାରିଛି।

ବିଜୁଳି ବିଭ୍ରାଟ ପ୍ରତିବାଦରେ ଗଣଧାରଣା

ବିଜୁଳି ବିଭ୍ରାଟ ପ୍ରତିବାଦରେ ଗଣଧାରଣା

କେନ୍ଦ୍ରାପଡ଼ା ଅଫିସ,୧୯।୪: କେନ୍ଦ୍ରାପଡ଼ା ସହରର ୧୬ ନଂ. ଓ୍ବାର୍ଡ ଫକିରାବାଦର ୫୦୦ରୁ ଊର୍ଦ୍ଧ୍ୱ ଉପଭୋକ୍ତା ବିଜୁଳି ବିଭ୍ରାଟର ଶିକାର ହୋଇଗୁରୁବାର ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣଧାରଣା ଦେଇଥିଲେ। ଏହି ପରିପ୍ରେକ୍ଷୀରେ ଅନୁଷ୍ଠିତ ପ୍ରତିବାଦ ସଭାରେ ପୂର୍ବତନ ପୌରାଧ୍ୟକ୍ଷ ବିଜୟକୃଷ୍ଣ ସାହୁ ଅଧ୍ୟକ୍ଷତା କରିଥିଲେ।

ରାଜ୍ୟସ୍ତରୀୟ ବାସ୍କେଟବଲ ଚାମ୍ପିୟନସିପ ପାଇଁ ଜଗତସିଂହପୁର ଦଳ

ଜଗତସିଂହପୁର ଅଫିସ, ୧୯।୪-କଟକର ବାରବାଟୀ ଷ୍ଟାଡିୟମରେ ହେବାକୁ ଥିବା ୬୯ତମ ରାଜ୍ୟସ୍ତରୀୟ ବାସ୍କେଟବଲ୍‌ ଚାମ୍ପିୟନସିପ (କନିଷ୍ଠ) ପାଇଁ ଜଗତସିଂହପୁର ଜିଲା ଦଳ କଟକ ଯାତ୍ରା କରିଛି। ଏପ୍ରିଲ ୧୯ରୁ ୨୨ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେବାକୁ ଥିବା ଏହି ଚାମ୍ପିୟନଶିପ ପାଇଁ ଉଭୟ ବାଳିକା ଓ ବାଳକ ଦଳ ଚୟନ କରାଯାଇଥିଲା।

ଅଷ୍ଟଶମ୍ଭୁ ଫିଲିଂ ଷ୍ଟେଶନ ଉପରେ ଚଢ଼ାଉ

ଅଷ୍ଟଶମ୍ଭୁ ଫିଲିଂ ଷ୍ଟେଶନ ଉପରେ ଚଢ଼ାଉ

ଜଗତସିଂହପୁର ଅଫିସ, ୧୯।୪- ଗୁରୁବାର ବିରିଡି ବ୍ଲକ ଅନ୍ତର୍ଗତ ହାଜିପୁରଠାରେ ଥିବା ଅଷ୍ଟଶମ୍ଭୁ ଫିଲିଂ ଷ୍ଟେଶନ ଉପରେ ବିଡିଓ ପରେଶ କୁମାର ନାୟକ ଓ ଯୋଗାଣ ନିରୀକ୍ଷକ ମୋଟିରାମ ଦାସ ଚଢ଼ାଉ କରିଥିଲେ।