ଉପକୂଳ ଓଡିଶା

ବରୀ ବିଧାନସଭା ନିର୍ବାଚନ ମଣ୍ଡଳୀ:ଦୁର୍ବଳ ହେଉଛି ଭାଜପା

ବରୀ ବିଧାନସଭା ନିର୍ବାଚନ ମଣ୍ଡଳୀ:ଦୁର୍ବଳ ହେଉଛି ଭାଜପା
ଯାଜପୁର ଅଫିସ,୧।୧- ବିକାଶ ନାଁରେ କେନ୍ଦ୍ରରେ କ୍ଷମତା ହାସଲ କରିଥିବା ଭାଜପା ଦିନକୁ ଦିନ ଏହାର ଲୋକପ୍ରିୟତା ହରାଉଥିବା ବିଭିନ୍ନ ଅଞ୍ଚଳର ରାଜନୈତିକ ସ୍ଥିତିକୁ ଦେଖିଲେ ଅନୁଭବ ହେଉଛି। ଯାଜପୁର ଜିଲା ବରୀ ବିଧାନସଭା ନିର୍ବାଚନ ମଣ୍ଡଳିରେ ଏଭଳି ଘଟଣାର କିଛି ଆଭାସ ଦେଖିବାକୁ ମିଳିଲାଣି। ଫଳରେ ଗତ ପଞ୍ଚାୟତ ନିର୍ବାଚନରେ ବିଜେଡିକୁ ଟକ୍କର ଦେଇ ଭାଜପା ଯେଉଁ ସଫଳତା ପାଇଥିଲା ତାହା ଏବେ ହାତଛଡ଼ା ହେବାକୁ ଯାଉଛି। ପୂର୍ବତନ ଭାଜପା ଜିଲା ସଭାପତି ଆଶୁତୋଷ ପରିଡାଙ୍କ ସମର୍ଥକମାନେ ସଂପ୍ରତି ଅଞ୍ଚଳରେ ସେତେଟା ସକ୍ରିୟ ଦେଖାଯାଉ ନାହାନ୍ତି। ଏପରି କି ଭାଜପାରେ ଯୋଗଦେବା ପରେ ସ୍ବାଧୀନ ନେତା ବିଶ୍ୱରଞ୍ଜନ ମଲ୍ଲିକଙ୍କ ସହିତ ପୂର୍ବରୁ ଭିତିରିଆ ଗଠବନ୍ଧନ ଥିବା କଂଗ୍ରେସ ନେତା ଓ କର୍ମୀମାନେ ମଧ୍ୟ ଦୂରେଇବାକୁ ଲାଗିଲେଣି। ୨୦୧୭ର ଶେଷ ଦିନରେ କଳାମାଟିଆ ପଞ୍ଚାୟତର କାଇପଡ଼ା ଗୋଲା ପଡ଼ିଆଠାରେ ବିଜେଡ଼ିର ମିଶ୍ରଣ ସଭା ଭାଜପା ନେତାଙ୍କୁ ବିଚଳିତ କରିଛି। ଏହାସହ ବରୀ ବ୍ଲକ କଂଗ୍ରେସ ସଭାପତିଙ୍କ ବିଜେଡିରେ ଯୋଗଦାନ ବିଧାୟକ ଦେବାଶିଷ ନାୟକଙ୍କୁ ଆଶ୍ୱସ୍ତ କରିଛି। ଅନ୍ୟପକ୍ଷେ ଭାଜପା ସମର୍ଥିତ ସମିତିସଭ୍ୟ ବିଜେଡିରେ ମିଶିବା ଭାଜପା ନେତା ବିଶ୍ୱରଞ୍ଜନ ମଲ୍ଲିକଙ୍କୁ ମଧ୍ୟ ଶକ୍ତ ଧକ୍କା ଲାଗିଛି ା ଗତ ପଞ୍ଚାୟତ ନିର୍ବାଚନରେ ସ୍ବାଧୀନ ସଂଗଠନରେ ବିଜୟୀ ହୋଇଥିବା ଅନେକ ସମିତି ସଭ୍ୟ ଓ ସରପଞ୍ଚ ବିଜେଡିରେ ଯୋଗ ଦେବାକୁ ଯୋଜନା ରଖିଥିବାରୁ ବରୀ ଭାଜପା ପାଇଁ ଚିନ୍ତାର ବିଷୟ ପାଲଟିଥିବା କୁହାଯାଉଛି। କଂଗ୍ରେସ ଛାଡ଼ି ସ୍ବାଧୀନ ସଂଗଠନ କରି ବରୀ ବ୍ଲକରେ ଦବଦବା ରଖିଥିବା ମଲ୍ଲିକ ଭାଜପାରେ ଯୋଗଦେବା ପରେ ଲୋକ ସମର୍ଥନ ହରାଉଥିବା ଦେଖିବାକୁ ମିଳିଛି। ଯାହାକି ଆସନ୍ତା ବିଧାନସଭା ନିର୍ବାଚନରେ ଭାଜପାକୁ ମାତ୍‌ ଦେବାକୁ ବିଜେଡିକୁ ସହଜ ହେବ ଏବଂ କଂଗ୍ରେସକୁ ତିଷ୍ଠି ରହିବା ପାଇଁ ଅଧିକ ସଂଘର୍ଷ କରିବାକୁ ପଡ଼ିବ ବୋଲି ରାଜନୈତିକ ସମୀକ୍ଷକଙ୍କ ମହଲରେ ଚର୍ଚ୍ଚା ଜୋର ଧରିଛି। ୨୦୧୭ଜିଲା ପରିଷଦ ନିର୍ବାଚନରେ ବରୀରେ ଭାଜପା ଆଗୁଆ ରହିଥିଲା। ୧୭ ବର୍ଷ ତଳେ ଏଠାରେ ବିଜେଡି ୫୬ପ୍ରତିଶତ ଭୋଟ ହାତେଇଥିଲା । ୨୦୧୨ରେ ବିଜେଡିର ଭୋଟହାର ଖସି ୫୪ ପ୍ରତିଶତରେ ରହିଥିଲା । ତେବେ ୨୦୧୪ ବିଧାନସଭା ନିର୍ବାଚନରେ ବିଜେଡି ୪୫ପ୍ରତିଶତକୁ ଖସିଥିଲା। କଂଗ୍ରେସ ଛାଡ଼ି ସ୍ବାଧୀନ ସଂଗଠନରେ ବିଧାୟକ ପ୍ରାର୍ଥୀ ମଲ୍ଲିକ ଜୋରଦାର ଟକ୍କର ଦେଇଥିଲେ। ବିଧାୟକ ନାୟକ ପ୍ରାୟ ୭ହଜାର ଭୋଟ ବ୍ୟବଧାନରେ ବିଜୟୀ ହୋଇଥିଲେ। ୨୦୧୭ ଜିଲା ପରିଷଦ ନିର୍ବାଚନରେ ବିଜେଡିର ଭୋଟହାର ୪୫.୨୬ ପ୍ରତିଶତରେ ରହିଛି। ଅନ୍ୟପକ୍ଷେ ବିଶ୍ୱ ମଲ୍ଲିକଙ୍କ ଭୋଟ ସହ ଭାଜପା ୪୬.୫୪ ପ୍ରତିଶତ ପାଇଛି। ଗତ ପଞ୍ଚାୟତ ନିର୍ବାଚନ ସମୟରେ ସ୍ବାଧୀନ ନେତା ବିଶ୍ୱ ସହିତ କଂଗ୍ରେସର ଭିତିରିଆ ମୂଲଚାଲ ରହିଥିଲା। ବିଶ୍ୱ ଭାଜପାରେ ଯୋଗଦେବା ପରେ କଂଗ୍ରେସ ସମଦୂରତା ବଜାୟ ରଖିଛି। ଏବେ ୪୪ବର୍ଷର ରାଜନୈତିକ ଜୀବନ ତଥା ବିଜେଡିକୁ ବିରୋଧ କରି ଆସୁଥିବା କଂଗ୍ରେସର ବରିଷ୍ଠ ନେତା ଗିରିଶ ରାୟଙ୍କ ବିଜେଡିରେ ଯୋଗଦେବା ବିଶ୍ୱଙ୍କୁ ଅଡୁଆରେ ପକାଇଛି। ସେହିପରି ବୋଦୁଅ ପଞ୍ଚାୟତର ଭାଜପା ସମର୍ଥକ ସମିତି ସଭ୍ୟ ଖଗେଶ୍ୱର ଜେନା ବିଜେଡିରେ ମିଶିବା ଏବେ ବରୀ ଭାଜପା ପାଇଁ ଚ୍ୟାଲେଞ୍ଜ ସୃଷ୍ଟି ହୋଇଛି ା ଅନ୍ୟପକ୍ଷେ ସାରାଦେଶରେ ଭାଜପା ହାୱା ପୂର୍ବଭଳି ଆଉ ନାହିଁ । ବିମୁଦ୍ରୀକରଣ, ଜିଏସ୍‌ଟି, କଳାଧନ ଫେରାଇ ଆଣିବାରେ ଭାଜପାର ଧୁଆଁବାଣ ଆଦି ଲୋକଙ୍କୁ ହତାଶ କରିଛି। ତେଣୁ ରାଜ୍ୟ ତଥା ଜିଲାରେ ଶକ୍ତିଶାଳୀ ଥିବା ବିଜେଡି ସହ ମୁକାବିଲା କରିବାକୁ ଭାଜପାକୁ ଅଧିକ ସଂଘର୍ଷ କରିବାକୁ ପଡିବ ବୋଲି ମତପ୍ରକାଶ ପାଉଛି । ବରୀ ବ୍ଲକରେ ବିଜେଡିର ଭୋଟହାରକୁ ଦେଖି ପୂର୍ବରୁ ଭାଜପାକୁ ସହଜ ହେବ ବୋଲି କୁହାଯାଉଥିଲା। କିନ୍ତୁ ଗତ କିଛି ଦିନ ହେଲା ଭାଜପା ନୀରବି ଯାଇ ଲୋକଙ୍କ ମୌଳିକ ସମସ୍ୟାକୁ ଭୁଲି ଯାଇଛି। ବରୀ ବିଡିଓଙ୍କୁ ଆକ୍ରମଣ ଘଟଣା, ରନତ୍ଗିରି ଓ ହଳଦିବସନ୍ତରେ ଗଣ୍ଡଗୋଳ, ଇନ୍ଦିରା ଆବାସ ଓ ପ୍ରଧାନମନ୍ତ୍ରୀ ଆବାସ ଯୋଜନାରେ ଉପଯୁକ୍ତ ହିତାଧିକାରୀଙ୍କୁ ଘର ନ ମିଳିବା ଇତ୍ୟାଦି ଭାଜପା ନେତୃତ୍ୱାଧୀନ ପଞ୍ଚାୟତ ସମିତିକୁ ବଦନାମ ହେବାକୁ ପଡିଛି। କଂଗ୍ରେସ ପତାକା ତଳେ ନିଜର ରାଜନୈତିକ କ୍ୟାରିୟର ଆରମ୍ଭ କରିଥିବା ବିଶ୍ୱ ମଲ୍ଲିକ ପରବର୍ତ୍ତି ସମୟରେ ସ୍ବାଧୀନ ଓ ଏବେ ଭାଜପାରେ ମିଶିବା ପରେ ଭାଜପାର ମୂଳନେତା ବିଶ୍ୱଙ୍କ ଖାପଛଡ଼ା ଦେଉଛନ୍ତି। ଏଭଳିସ୍ଥିତିରେ ବିଜେଡି ବରୀରେ ପୁଣିଥରେ ଆଧିପତ୍ୟ ବିସ୍ଥାର କରିବାକୁ ଯୋଜନାବଦ୍ଧ ରଣନୀତି ଆରମ୍ଭ କରିଥିବା ଦେଖିବାକୁ ମିଳିଛି।
All Right Reserved By

ଉପକୂଳ ଓଡିଶା

ପାରାଦୀପ ରାଜନୀତିରେ ଭିନ୍ନ ସମୀକରଣ

ପାରାଦୀପ,୧୯।୧୦(ସ୍ବ.ପ୍ର.)- ପାରାଦୀପ ନିର୍ବାଚନମଣ୍ଡଳୀର ୩ ରାଜନୈତିକ ଦଳ ମଧ୍ୟରେ ଭିନ୍ନ ସମୀକରଣ ହେବାରେ ଲାଗିଛି। ଗତ ସେପ୍ଟେମ୍ବର ୧୨ରେ ବିଜେଡି ନେତା ଦାମୋଦର ରାଉତ ବହିଷ୍କାର ହେବା ପରେ ଏପରି ହୋଇଛି। ତେବେ ୨୦୧୯ ନିର୍ବାଚନ ପାଇଁ କିଏ ବିଜେଡି ପ୍ରାର୍ଥୀ ହେବ, ସେ ନେଇ ଚର୍ଚ୍ଚା ହେଉଥିଲା।

ରାବଣ ପୋଡ଼ିକୁ ନେଇ ବିବାଦ, ପ୍ରଶାସନ ଭାଙ୍ଗିଲା ଦାମଙ୍କ ମଞ୍ଚ

ରାବଣ ପୋଡ଼ିକୁ ନେଇ ବିବାଦ, ପ୍ରଶାସନ ଭାଙ୍ଗିଲା ଦାମଙ୍କ ମଞ୍ଚ

ଏରସମା,୧୯।୧୦(ସ୍ବ.ପ୍ର.)- ଏରସମାରେ ରାବଣ ପୋଡ଼ିକୁ ନେଇ ସୃଷ୍ଟି ହୋଇଥିବା ବିବାଦ ଏକ ଭିନ୍ନ ମୋଡ଼ ନେଇଛି। ଏ ନେଇ ପ୍ରଶାସନ ଶୁକ୍ରବାର ପାରାଦୀପ ବିଧାୟକ ଦାମୋଦର ରାଉତଙ୍କ ସ୍ବାଭିମାନ ସମାବେଶର ମଞ୍ଚକୁ ଭାଙ୍ଗିଦେଇଛି। ଏହା ଏକ ବିଶାଳ ଗୋଷ୍ଠୀ ସଂଘର୍ଷର ରୂପ ନେବାକୁ ଯାଉଛି। ଗୁରୁବାର ବିଳମ୍ବିତ ରାତିରେ ଏରସମା ଥାନା ପରିସରରେ ବସିଥିବା ଶାନ୍ତି କମିଟି ଦ୍ୱାରା ଏହି ବିବାଦର ସମାଧାନ ହୋଇପାରିଲା ନାହଁି।

ଯୁବକଙ୍କ ଆତ୍ମହତ୍ୟା

ଯୁବକଙ୍କ ଆତ୍ମହତ୍ୟା

ଓଡ଼ଗଁ। ,୧୯। ୧୦(ସ୍ବ.ପ୍ର.)- ବିଜ୍ଞାପିତ ଅଞ୍ଚଳ ପରିଷଦ ଅନ୍ତର୍ଭୁକ୍ତ ଜାରିଙ୍ଗି ମୌଜାରେ ଗୁରୁବାର ସନ୍ଧ୍ୟାରେ ଜଣେ ଯୁବକ ମାନସିକ ଭାରସାମ୍ୟ ହରାଇ ବେକରେ ଲୁଗା ଦେଇ ଆତ୍ମହତ୍ୟା କରିଥିବା ଜଣାପଡ଼ିଛି। ମୃତକ ହେଲେ ଦୁତିକୃଷ୍ଣ ସାହୁ(୨୭)।

ଦଶମୀ ଅବସରରେ ଅପରାଜିତା ପୂଜା

ଦଶମୀ ଅବସରରେ ଅପରାଜିତା ପୂଜା

ମାର୍ଶାଘାଇ,୧୯।୧୦(ଡି.ଏନ୍‌.ଏ)- କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ ଅନ୍ତର୍ଗତ ବଜାର ଦୁର୍ଗା ମଣ୍ଡପରେ ଶୁକ୍ରବାର ଦଶମୀ ଅବସରରେ ଅପରାଜିତା ପୂଜା ଓ ପୂର୍ଣ୍ଣାହୁତୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।

ଟ୍ରକ୍‌-ବାଇକ ଧକ୍କା, ଜଣେ ମୃତ

ଟ୍ରକ୍‌-ବାଇକ ଧକ୍କା, ଜଣେ ମୃତ

ଯାଜପୁରରୋଡ,୧୯। ୧୦(ନି.ପ୍ର.)- ୨୦ନଂ. ଜାତୀୟ ରାଜପଥର ଏକ ବାଇକ୍‌ ଶୋ’ରୁମ୍‌ ନିକଟରେ ଗୁରୁବାର ବିଳମ୍ବିତ ରାତିରେ ଏକ ମୋଟର ସାଇକେଲ ଭାରସାମ୍ୟ ହରାଇ ଟ୍ରକ୍‌ ପଛକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ହଁି ବାଇକ୍‌ ଅରୋହୀଙ୍କର ମୃତ୍ୟୁ ହୋଇଥିଲା।

ଖଣ୍ଡାପୂଜା ଉତ୍ସବ

ଖଣ୍ଡାପୂଜା ଉତ୍ସବ

ମାର୍ଶାଘାଇ,୧୯।୧୦(ଡି.ଏନ୍‌.ଏ)- କେନ୍ଦ୍ରାପଡ଼ା ଜିଲା ମାର୍ଶାଘାଇ ବ୍ଲକ କୁସୁନପୁର ଆଖଣ୍ଡଳମଣୀ ମନ୍ଦିର ପରିସରରେ ଶୁକ୍ରବାର ବିଜୟା ଦଶମୀ ଅବସରରେ ଖଣ୍ଡାୟତ ସମାଜ ପକ୍ଷରୁ ଖଣ୍ଡାପୂଜା ଉତ୍ସବ ଅନୁଷ୍ଠିତ ହୋଇଯାଇଛି। 

ଖସିଲା ଅତଡ଼ା, ୩୦ରୁ ଊର୍ଦ୍ଧ୍ୱ ପରିବାର ଆତଙ୍କିତ

ଖସିଲା ଅତଡ଼ା, ୩୦ରୁ ଊର୍ଦ୍ଧ୍ୱ ପରିବାର ଆତଙ୍କିତ

ଆଳି,୧୯।୧୦(ଡି.ଏନ୍‌.ଏ)- କେନ୍ଦ୍ରାପଡ଼ା ଜିଲା ଆଳି ଧୋୟାଞ୍ଚଳରେ ପ୍ରବାହିତ ଖରସ୍ରୋତା ନଦୀରୁ ଶୁକ୍ରବାର ଅତଡ଼ା ଖସିବା ଯୋଗୁ ନଦୀକୂଳରେ ଥିବା ମଧୁସୂଦନ ଗ୍ରାମର ୩୦ରୁ ଊର୍ଦ୍ଧ୍ୱ ପରିବାର ଆତଙ୍କିତ ହୋଇପଡ଼ିଛନ୍ତି। ଗ୍ରାମର ଅଭିଳାଷ ଦାସ, କୁନି ସାହୁ, ଜୟୀରାମ ରାଉତ, ଶ୍ରୀନିବାସ ରାଉତଙ୍କ ସମେତ ଅନେକ ପରିବାର ଭୟଭୀତ ହୋଇପଡ଼ିଛନ୍ତି।

ଶାନ୍ତିମୈତ୍ରୀ ସ୍ବେଚ୍ଛାସେବୀ ସଙ୍ଗଠନ ପକ୍ଷରୁ ପୋଖରୀ ସଫା

ଶାନ୍ତିମୈତ୍ରୀ ସ୍ବେଚ୍ଛାସେବୀ ସଙ୍ଗଠନ ପକ୍ଷରୁ ପୋଖରୀ ସଫା

ପାଟକୁରା,୧୯।୧୦(ଡି.ଏନ୍‌.ଏ)- ଗରଦପୁର ବ୍ଲକ ବଧୀନ ବେଡ଼ାରୀ ପଞ୍ଚାୟତ ଦଳୁଆଣି ବାୟାଣି ପୋଖରୀରୁ ଶାନ୍ତିମୈତ୍ରୀ ସ୍ବେଚ୍ଛାସେବୀ ସଙ୍ଗଠନ ସହାୟତାରେ ଶୁକ୍ରବାର ଦଳ ସଫା କରାଯାଇଛି।

ମା’ଙ୍କ ମଣ୍ଡପରେ ମାଲକାନଗିରି ପୂର୍ବତନ ବିଧାୟକଙ୍କ ପୂଜାର୍ଚ୍ଚନା

ମା’ଙ୍କ ମଣ୍ଡପରେ ମାଲକାନଗିରି ପୂର୍ବତନ ବିଧାୟକଙ୍କ ପୂଜାର୍ଚ୍ଚନା

ମହାକାଳପଡ଼ା,୧୯।୧୦(ଡି.ଏନ୍‌.ଏ)- ମହାକାଳପଡ଼ା ବ୍ଲକର ବିଭିନ୍ନ ସ୍ଥାନରେ ଶ୍ରଦ୍ଧାଳୁମାନେ ମା’ ଦୁର୍ଗାଙ୍କ ପୂଜାର୍ଚ୍ଚନା କରୁଥିବା ଦେଖିବାକୁ ମିଳିଛି। ଏହି ପୂଜା ମଣ୍ଡପରେ ବିଭିନ୍ନ ରାଜନେତା ମା’ଙ୍କ ଦର୍ଶନ କରିଛନ୍ତି।

ଆଳିରେ ବିଜୟାଦଶମୀ

ଆଳିରେ ବିଜୟାଦଶମୀ

ଆଳି,୧୯।୧୦(ଡି.ଏନ୍‌.ଏ. ): କେନ୍ଦ୍ରାପଡ଼ା ଜିଲା ଆଳିରେ ରାଷ୍ଟ୍ରୀୟ ସ୍ବଂୟ ସେବକ ସଂଘ ପକ୍ଷରୁ ନିଆଳ ହାଟଠାରେ ଥିବା ହେଲିପ୍ୟାଡ୍‌ ପଡ଼ିଆରେ ଶୁକ୍ରବାର ବିଜୟାଦଶମୀ ଉତ୍ସବ ପାଳିତ ହୋଇଯାଇଛି। 

ପୋଖରୀରେ ବୁଡ଼ି ଜଣେ ମୃତ

ପୋଖରୀରେ ବୁଡ଼ି ଜଣେ ମୃତ

ଚଣ୍ଡୀଖୋଲ, ୧୮।୧୦(ଡି.ଏନ.ଏ.)-ବାଲିକନ୍ଦରପୁର ଥାନା ଅନ୍ତର୍ଗତ ପତରାଜପୁର ଗାଁର ସୁରେନ୍ଦ୍ର ସେନାପତିଙ୍କ ପୁଅ ସୂର୍ଯ୍ୟକାନ୍ତ ପୋଖରୀରେ ବୁଡ଼ି ପ୍ରାଣ ହରାଇଛନ୍ତି। 

ପୁରାତନ ଛାତ୍ର ସଂସଦର ବାର୍ଷିକ ଉତ୍ସବ

ମାର୍ଶାଘାଇ, ୧୮।୧୦(ଡି.ଏନ୍‌.ଏ.)- କେନ୍ଦ୍ରାପଡା ଜିଲା ମାର୍ଶାଘାଇ ବ୍ଲକ ଅନ୍ତର୍ଗତ ମାର୍ଶଘାଇ ସ୍କୁଲ ପରିସରରେ ଗୁରୁବାର ପୁରାତନ ଛାତ୍ର ସଂସଦର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି। ପ୍ରତି ବର୍ଷ ପରି ଚଳିତ ବର୍ଷ ନବମୀ ତଥିରେ ନିରଞ୍ଜନ ବସ୍ତିଆଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା।