ଜାତୀୟ |

ଶିଶୁ ନିଖୋଜକୁ ନେଇ ପୁଣି ଚର୍ଚ୍ଚାରେ ନନ୍ଦନକାନନ: ପାୟଲ ପରେ ରୋହନ

ଶିଶୁ ନିଖୋଜକୁ ନେଇ ପୁଣି ଚର୍ଚ୍ଚାରେ ନନ୍ଦନକାନନ: ପାୟଲ ପରେ ରୋହନ
ବାରଙ୍ଗ,୧।୧(ଡି.ଏନ୍‌.ଏ.): ନନ୍ଦନକାନନରେ ପୁଣି ଶିଶୁ ନିଖୋଜ ଭଳି ଘଟଣା ପଦାକୁ ଆସିଛି, ଯାହାକୁ ନେଇ ଏବେ ଚର୍ଚ୍ଚା ଜୋର୍‌ ଧରିଛି। ସୋମବାର ନୂଆବର୍ଷରେ ନିଜ ସମ୍ପର୍କୀୟଙ୍କ ସହିତ ଚିଡ଼ିଆଖାନା ବୁଲିବାକୁ ଆସିଥିବା ୩ ବର୍ଷର ବାଳକ ରୋହନ ନାୟକ ଏଠାରୁ ନିଖୋଜ ହୋଇଯାଇଛନ୍ତି। ସେ ତାଙ୍କ ମାମୁ ଖୋର୍ଦ୍ଧା ଜିଲା ବେଗୁନିଆ ଥାନା ଅନ୍ତର୍ଗତ ଚଟୁଆ ଗ୍ରାମର ଚକ୍ରଧର ନାୟକଙ୍କ ପରିବାର ସହିତ ବୁଲିବାକୁ ଆସିଥିଲେ। ପରିସରରେ ସମସ୍ତେ ବୁଲୁଥିବା ବେଳେ ଏହି ଅଘଟଣ ଘଟିଥିଲା। ରୋହନଙ୍କ ନିଜ ଘର ଏହି ଥାନା ଅନ୍ତର୍ଗତ ଭିଁପୁର ଗ୍ରାମରେ ବୋଲି ଜଣାପଡ଼ିଛି। ଅପରପକ୍ଷେ ଏ ସମ୍ପର୍କରେ ତାଙ୍କ ମାମୁଘର ଲୋକେ ନନ୍ଦନକାନନ ଥାନାରେ ଅଭିଯୋଗ କରିଛନ୍ତି। ୨୦୧୫ରେ କୁନିଝିଅ ପାୟଲ ନିଖୋଜ ଘଟଣାର ୨ବର୍ଷ ପରେ ରୋହନ ନିଖୋଜ ଘଟଣାକୁ ନେଇ ପୁଣିଥରେ ଚର୍ଚ୍ଚା ପରିସରକୁ ଆସିଛି ନନ୍ଦନକାନନ। ମିଳିଥିବା ସୂଚନାନୁଯାୟୀ, ନୂଆବର୍ଷ ଛୁଟି କାଟିବାକୁ ଚକ୍ରଧର ନାୟକ ସପରିବାର ନନ୍ଦନକାନନ ପରିଭ୍ରମଣରେ ଆସିଥିଲେ। ତାଙ୍କ ସହିତ ୩ ବର୍ଷର ଭଣଜା ରୋହନ ଥିଲେ। ଏହି ପରିବାର ନନ୍ଦନକାନନ ଭିତରକୁ ପ୍ରବେଶ କରି ପ୍ରଥମେ ଭାଲୁ, ବାଘ ଏବଂ ସିଂହ ଦେଖିଥିଲେ। ଏହାପରେ ସରୀସୃପ ଉଦ୍ୟାନ ଛକ ପାଖରେ ବାହାରିଥିଲେ। ସମସ୍ତେ ବୋଟ୍‌ଘାଟ ପାର୍ଶ୍ୱରେ ହରିଣ ଦେଖୁଥିବା ବେଳେ ଚକ୍ରଧର ରୋହନଙ୍କୁ ଧରି ଚଢ଼େଇ ଦେଖିବାକୁ ଯାଇଥିଲେ। ଅପରାହ୍ନ ୪ଟା ପାଖାପାଖି ବିହଙ୍ଗ ସରଣୀଠାରେ ସମସ୍ତେ ଏକାଠି ହୋଇଥିଲେ ମଧ୍ୟ ରୋହନ ମିଳି ନ ଥିଲେ। ସେଠାରୁ ସଙ୍ଗେସଙ୍ଗେ ଚକ୍ରଧରଙ୍କ ପରିବାର ଲୋକେ ସାଢ଼େ ୪ଟାରେ ଗେଟ୍‌ ନିକଟରେ ପହଞ୍ଚି ଶିଶୁ ନିଖୋଜ ସମ୍ପର୍କରେ ଜଣେ ରେଞ୍ଜରଙ୍କୁ ଜଣାଇଥିଲେ। କିନ୍ତୁ ରେଞ୍ଜର ଜଣକ ନିଜେ ଖୋଜ ବୋଲି କହି ଘଟଣାକୁ ଏତେ ଗୁରୁତ୍ୱ ଦେଇ ନ ଥିଲେ। ସନ୍ଧ୍ୟା ହେବା ପରେ ସମସ୍ତ ପର୍ଯ୍ୟଟକ ବାହାରି ଯିବାପରେ ରେଞ୍ଜରଙ୍କର ପତ୍ତା ମିଳି ନ ଥିଲା। ଏହି ଖବର ସେଠାରେ ଉପସ୍ଥିତ ଥିବା ସ୍ଥାନୀୟ କେତେଜଣ ଖବରଦାତା ଜାଣିବା ପରେ ନନ୍ଦନକାନନ ଉପନିର୍ଦ୍ଦେଶକଙ୍କ ପାଖକୁ ଉକ୍ତ ପରିବାରକୁ ନେଇ କି ଯାଇଥିଲେ। ଏହାପରେ କର୍ମଚାରୀମାନେ ତତ୍ପର ହୋଇ ଉଠିବା ସହ ପାଟ୍ରୋଲିଂ କରି ଖୋଜାଖୋଜି କରିଥିଲେ। ହେଲେ ଶିଶୁଟିର କୌଣସି ପତ୍ତା ମିଳି ନ ଥିଲା। ଶେଷରେ ନିରାଶ ହୋଇ ଚକ୍ରଧର ନନ୍ଦନକାନନ ଥାନାରେ ଏ ନେଇ ଅଭିଯୋଗ କରିଥିଲେ। ଅଭିଯୋଗ ପାଇ ପୋଲିସ ଖୋଜାଖୋଜି ଆରମ୍ଭ କରିଛି। ଏ ସମ୍ପର୍କରେ ଥାନା ଅଧିକାରୀ ରବୀନ୍ଦ୍ର ନାଥ ମେହେରଙ୍କୁ ପଚାରିବାରୁ ସେ କହିଥିଲେ, ଅଭିଯୋଗ ପରେ ଘଟଣାର ତଦନ୍ତ ଆରମ୍ଭ ହୋଇଛି। ଅପରପକ୍ଷେ ଏଭଳି ଏକ ଗୁରୁତର ଘଟଣାକୁ ନେଇ ଏବେ ନନ୍ଦନକାନନର ସୁରକ୍ଷା ବ୍ୟବସ୍ଥା ଉପରେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। ରେଞ୍ଜରଙ୍କ ଖାମଖିଆଲ ମନୋଭାବ ଯୋଗୁ ଏପରି ଘଟିଲା ବୋଲି କୁହାଯାଉଛି। ସୂଚନାଥାଉ କି, ୨୦୧୫ ଅକ୍ଟୋବରରେ ହସ୍ତୀ ଦିବସ ପାଳନ ବେଳେ ଗଞ୍ଜାମରୁ ସପରିବାର ବୁଲିବାକୁ ଆସିଥିବା କୁନିଝିଅ ପାୟଲ ନିଖୋଜ ହୋଇଯାଇଥିଲା।
All Right Reserved By

ଜାତୀୟ |

ସିଦ୍ଧଗଙ୍ଗା ମଠର ମୁଖ୍ୟ ମହନ୍ତ ଶିବକୁମାର ସ୍ବାମୀଙ୍କ ପରଲୋକ

ସିଦ୍ଧଗଙ୍ଗା ମଠର ମୁଖ୍ୟ ମହନ୍ତ ଶିବକୁମାର ସ୍ବାମୀଙ୍କ ପରଲୋକ

ନୂଆଦିଲ୍ଲୀ,୨୧।୧: କର୍ନାଟକର ତୁମକୁରୁସ୍ଥିତ ସିଦ୍ଧଗଙ୍ଗା ମଠର ମୁଖ୍ୟ ମହନ୍ତ ଡା.ଶିବକୁମାର ସ୍ବାମୀଙ୍କର ୧୧୧ ବର୍ଷ ବୟସରେ ପରଲୋକ ହୋଇଛି। ଦୀର୍ଘଦିନ ହେବ ସେ ଅସୁସ୍ଥ ଥିଲେ ଓ ତାଙ୍କର ମଠରେ ହିଁ ଚିକିତ୍ସା ଚାଲୁଥିଲା। 

୧୦ ଦିନରେ ୪ ଭାଜପା ନେତାଙ୍କୁ ହତ୍ୟା: କର୍ମୀଙ୍କ ବିକ୍ଷୋଭ ଆରମ୍ଭ

୧୦ ଦିନରେ ୪ ଭାଜପା ନେତାଙ୍କୁ ହତ୍ୟା: କର୍ମୀଙ୍କ ବିକ୍ଷୋଭ ଆରମ୍ଭ

ଭୋପାଳ,୨୧।୧: ମଧ୍ୟପ୍ରଦେଶରେ ଶାସନ ଡୋର ବଦଳିବା ପରେ ମାତ୍ର ୧୦ ଦିନରେ ୪ ଜଣ ଭାଜପା ନେତାଙ୍କୁ ହତ୍ୟା କରାଗଲାଣି। ଏନେଇ ଭାଜପା କର୍ମୀ ଆରମ୍ଭ କରିଛନ୍ତି ସରକାର ବିରୋଧରେ ବିକ୍ଷୋଭ ପ୍ରଦର୍ଶନ। 

ଘରେ ଲାଗିଲା ନିଆଁ: ମାଲିକଙ୍କୁ ବଞ୍ଚାଇବା ପାଇଁ କୁକୁର ଦେଲା ଜୀବନ

ଘରେ ଲାଗିଲା ନିଆଁ: ମାଲିକଙ୍କୁ ବଞ୍ଚାଇବା ପାଇଁ କୁକୁର ଦେଲା ଜୀବନ

ଜୟପୁର,୨୧।୧: କୁକୁର ମଣିଷର ଅତି ବିଶ୍ୱସ୍ତ। ଏହାର ଅନେକ ଉଦାହରଣ ମିଳିଥାଏ ଇତିହାସ ପୃଷ୍ଠାରୁ। ପୁଣି ଏହାର  ଘଟିଛି ପୁନରାବୃତ୍ତି।

ଉଦ୍‌ଘାଟନ ପୂର୍ବରୁ ଦୁର୍ଘଟଣା

ଉଦ୍‌ଘାଟନ ପୂର୍ବରୁ ଦୁର୍ଘଟଣା

ନୂଆଦିଲ୍ଲୀ,୨୧।୧: ଜମ୍ମୁରେ ନିର୍ମାଣ କରାଯାଇଥିବା କେବଲ୍‌ ରୋପଓ୍ବେ ପରିଯୋଜନା ଆରମ୍ଭ ହେବା ପୂର୍ବରୁ ଏକ ବଡ ଦୁର୍ଘଟଣା ଘଟିଛି। ରବିବାର କେବଲ କାର୍‌କୁ କିପରି ସୁରକ୍ଷା ଦିଆଯିବ ସେ ସମ୍ପର୍କରେ ଅଭ୍ୟାସ କରିବା ସମୟରେ ଘଟିଥିଲା ଏହି ଦୁର୍ଘଟଣା। 

ଭାରତ ଫ୍ରାନ୍ସରୁ କିଣିବ ୩ ହଜାର ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର

ଭାରତ ଫ୍ରାନ୍ସରୁ କିଣିବ ୩ ହଜାର ଆଣ୍ଟି ଟ୍ୟାଙ୍କ କ୍ଷେପଣାସ୍ତ୍ର

ନୂଆଦିଲ୍ଲୀ,୨୧।୧: ଭାରତ ଫ୍ରାନ୍ସରୁ ୩ ହଜାର ଆଣ୍ଟିଟ୍ୟାଙ୍କ କ୍ଷେପଣାସ୍ତ୍ର କିଣିବ। ଏଥିପାଇଁ ଦୁଇ ଦେଶ ମଧ୍ୟରେ ଚୁକ୍ତି ହୋଇଛି। ଏଥିଲାଗି ଏକ ହଜାର କୋଟି ଟଙ୍କା ଖର୍ଚ୍ଚ ହେବ। 

ଜୀବନ ନେଲା ଜାଲିକାଟୁ

ଜୀବନ ନେଲା ଜାଲିକାଟୁ

ଚେନ୍ନାଇ,୨୧।୧: ତାମିଲନାଡୁର ପୁଡୁକୋଟାଇ ଜିଲାରେ ଚାଲିଥିବା ଜାଲିକାଟୁ ଉତ୍ସବରେ ୨ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି। ମକର ସଂକ୍ରାନ୍ତି ଅବସରରେ ଆରମ୍ଭ ହୋଇଥିବା ଏହି ବିପଜ୍ଜନକ ଖେଳ ଖେଳିବାକୁ ସରକାରଙ୍କ ତରଫରୁ କେତୋଟି ନିୟମ ପ୍ରଣୟନ କରାଯାଇଥିଲେ ସୁଦ୍ଧା ଏଥର ପୁଣିଥରେ ଏହି ଖେଳରେ ଲୋକଙ୍କ ମୃତ୍ୟୁ ହୋଇଛି।

ଜମ୍ମୁ-କଶ୍ମୀରରେ ଏନକାଉଣ୍ଟର

ଜମ୍ମୁ-କଶ୍ମୀରରେ ଏନକାଉଣ୍ଟର

ବୁଡଗାମ,୨୧।୧: ଜମ୍ମୁ-କଶ୍ମୀରର ଜିନପଞ୍ଚାଲ ଅଞ୍ଚଳରେ ରବିବାର ଆରମ୍ଭ ହୋଇଥିବା ଏନକାଉଣ୍ଟରରେ ୨ ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଥିବା ଜଣାପଡିଛି। 

ବିରୋଧୀଙ୍କୁ ଜବାବ ଦେବାକୁ ନୀତୀଶଙ୍କ ସହ ରାଲି କରିବେ ମୋଦି

ବିରୋଧୀଙ୍କୁ ଜବାବ ଦେବାକୁ ନୀତୀଶଙ୍କ ସହ ରାଲି କରିବେ ମୋଦି

ନୂଆଦିଲ୍ଲୀ,୨୧।୧: ବିରୋଧୀଙ୍କୁ ଜବାବ ଦେବାକୁ ଯାଇ ଏକାଠି ହେବାକୁ ଯାଉଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର। ଯଦିଓ ଏହି ରାଲିର କୌଣସି ତାରିଖ ଘୋଷଣା କରାଯାଇନାହିଁ ତଥାପି ଏହା ଫେବୃୟାରୀ ଶେଷ ସପ୍ତାହ ଅବା ମାର୍ଚ୍ଚ ପ୍ରଥମ ସପ୍ତାହରେ ଆୟୋଜିତ ହୋଇପାରେ ବୋଲି କୁହାଯାଉଛି। 

 ମାୟାବତୀ ବି ନାରୀ, ସେ ୫୬ ଇଞ୍ଚ ଜଣେ ପୁରୁଷଙ୍କଠାରୁ ମଧ୍ୟ ଅଧିକ ପ୍ରଭାବଶାଳୀ: ଅଳକା ଲାମ୍ବା

ମାୟାବତୀ ବି ନାରୀ, ସେ ୫୬ ଇଞ୍ଚ ଜଣେ ପୁରୁଷଙ୍କଠାରୁ ମଧ୍ୟ ଅଧିକ ପ୍ରଭାବଶାଳୀ: ଅଳକା ଲାମ୍ବା

ନୂଆଦିଲ୍ଲୀ,୨୧।୧: ଭାଜପାର ମୋଗଲସରାଇ ବିଧାନସଭା ଆସନର ବିଧାୟିକା ସାଧନା ସିଂ ବିଏସ୍‌ପି ଅଧ୍ୟକ୍ଷା ମାୟାବତୀଙ୍କ ବିରୋଧରେ ଦୁଇ ଦିନ ତଳେ ବିବାୟଦୀୟ ମନ୍ତବ୍ୟ ଦେଇଥିଲେ।

ବାହାହେବେ ହାର୍ଦ୍ଦିକ

ବାହାହେବେ ହାର୍ଦ୍ଦିକ

ସୁରଟ,୨୧।୧: ପାଟିଦାର ସଂରକ୍ଷଣ ଆନ୍ଦୋଳନର ନେତା ହାର୍ଦ୍ଦିକ ପଟେଲ ଖୁବ୍‌ଶୀଘ୍ର ବାହା ହେବାକୁ ଯାଉଛନ୍ତି। ଯଦିଓ ତାଙ୍କ ପରିବାର ତରଫରୁ ଏହା ସ୍ପଷ୍ଟ କରାଯାଇ ନାହିଁ। ତାଙ୍କ ପିତା ଭରତଭାଇ ପଟେଲ କିନ୍ତୁ କହିଛନ୍ତି ଜାନୁୟାରୀ ୨୭ରେ ହାର୍ଦ୍ଦିକ-କିଞ୍ଜଲ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି।

 ଏପ୍ରିଲ୍‌ରୁ ଆରମ୍ଭ ହେବ ଦବଙ୍ଗ-୩ର ଶୁଟିଂ; ସୋନାକ୍ଷୀ ଦେଲେ ସୂଚନା

ଏପ୍ରିଲ୍‌ରୁ ଆରମ୍ଭ ହେବ ଦବଙ୍ଗ-୩ର ଶୁଟିଂ; ସୋନାକ୍ଷୀ ଦେଲେ ସୂଚନା

ମୁମ୍ବାଇ, ୨୧।୧: ଅରବାଜ୍‌ ଖାଁଙ୍କ ହୋମ୍‌ ପ୍ରଡକସନ୍‌ରେ ଖୁବ୍‌ ଶୀଘ୍ର ଦବଙ୍ଗ-୩ର ଶୁଟିଂ ଆରମ୍ଭ ହେବ। ଏନେଇ ଅଭିନେତ୍ରୀ ସୋନାକ୍ଷୀ ସିହ୍ନା ଦେଇଛନ୍ତି ସୂଚନା। 

ଅଙ୍କିତାଙ୍କ ପରେ କୃତି ସେନନ୍‌ଙ୍କ ସହ ଡେଟିଂ କରୁଥିଲେ ସୁଶାନ୍ତ ସିଂ

ଅଙ୍କିତାଙ୍କ ପରେ କୃତି ସେନନ୍‌ଙ୍କ ସହ ଡେଟିଂ କରୁଥିଲେ ସୁଶାନ୍ତ ସିଂ

ମୁମ୍ବାଇ,୨୧।୧: ବଲିଉଡ୍‌ ଅଭିନେତା ସୁଶାନ୍ତ ସିଂ ରାଜପୁତ ସୋମବାର ୩୩ ବର୍ଷରେ ପଦାର୍ପଣ କରିଛନ୍ତି। ୧୯୮୬ ଜାନୁୟାରୀ ୨୧ରେ ସେ ବିହାର ପାଟନାଠାରେ ଜନ୍ମଗ୍ରହଣ କରିଥିଲେ।