ଖେଳ |

ରଣଜୀ ଟ୍ରଫି: ବିଦର୍ଭକୁ ପ୍ରଥମ ଟାଇଟଲ

ରଣଜୀ ଟ୍ରଫି: ବିଦର୍ଭକୁ ପ୍ରଥମ ଟାଇଟଲ
ଇନ୍ଦୋର,୧ା୧(ପି.ଟି.)- ଫଏଜ ଫଜଲଙ୍କ ନେତୃତ୍ୱରେ ବିଦର୍ଭ ପ୍ରଥମଥର ପାଇଁ ରଣଜୀ ଟ୍ରଫି ଟାଇଟଲ ହାସଲ କରି ଇତିହାସ ସୃଷ୍ଟି କରିଛି। ସ୍ଥାନୀୟ ହୋଲକର ଷ୍ଟାଡିୟମରେ ଅନୁଷ୍ଠିତ ଦିଲ୍ଲୀ ବିପକ୍ଷ ଫାଇନାଲ ମ୍ୟାଚରେ ବୋଲିଂ ଓ ବ୍ୟାଟିଂରେ ଦମ୍‌ଦାର ପ୍ରଦର୍ଶନ କରି ବିଦର୍ଭ ୯ ଉଇକେଟରେ ଫେଭରାଇଟ୍‌ ଦିଲ୍ଲୀକୁ ପରାସ୍ତ କରି ଏହି ସଫଳତା ହାସଲ କରିଛି। ପ୍ରଥମ ଇନିଂସରେ ୨୫୨ ରନ ପଛରେ ପଡିଥିବା ଦିଲ୍ଲୀ ଦ୍ୱିତୀୟ ଇନିଂସରେ ୭୬ ଓଭରରେ ମାତ୍ର ୨୮୦ ରନ କରି ଅଲଆଉଟ ହୋଇଥିଲା। ଫଳରେ ବିଦର୍ଭ ସମ୍ମୁଖରେ ୨୯ ରନର ଛୋଟିଆ ବିଜୟଲକ୍ଷ୍ୟ ଧାର୍ଯ୍ୟ ହୋଇଥିଲା। ଜବାବରେ ମ୍ୟାଚର ଚତୁର୍ଥ ଦିନରେ ଦ୍ୱିତୀୟ ଇନିଂସ ଆରମ୍ଭ କରି ବିଦର୍ଭ ଗୋଟିଏ ଉଇକେଟ ହରାଇ ୫ ଓଭରରେ ୩୨ ରନ କରି ବିଜୟ ହାସଲ କରିଥିଲା। ଏକମାତ୍ର ଆଉଟ ହୋଇଥିବା ବ୍ୟାଟ୍ସମ୍ୟାନ ତଥା ଅଧିନାୟକ ଫଏଜ ଫଜଲ ୨ ରନ କରିଥିବା ବେଳେ କୁଲଓ୍ବନ୍ତ ଖେଜ୍ରୋଲିୟାଙ୍କ ବଲରେ ଏଲବିଡବ୍ଲ୍ୟୁ ହୋଇ ପ୍ୟାଭିଲିୟନ ଫେରିଥିଲେ। ସଞ୍ଜୟ ରାମାସ୍ବାମୀ ଓ ଅଭିଜ୍ଞ ଓ୍ବାସିମ ଜାଫର ଯାଥାକ୍ରମେ ୯ ଓ ୧୭ ରନ କରି ଅପରାଜିତ ରହିବା ସହ ଦଳକୁ ଜିତାଇଥିଲେ। ବିଦର୍ଭର ଦ୍ରୁତ ବୋଲର ରଜନୀଶ ଗୁର୍ବାନୀ ମ୍ୟାଚରେ ମୋଟ ୮ ଉଇକେଟ ହାସଲ କରି ବିଜୟରେ ମୁଖ୍ୟ ଭୂମିକା ଗ୍ରହଣ କରିବା ସହ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଛନ୍ତି। ଟସ୍‌ ହାରି ବ୍ୟାଟିଂ ପାଇଁ ଆମନ୍ତ୍ରଣ ପାଇଥିବା ଦିଲ୍ଲୀ ପ୍ରଥମ ଇନିଂସରେ ୨୯୫ ରନ କରି ଅଲଆଉଟ ହୋଇଥିଲା। ଅସମାପ୍ତ ପ୍ରଥମ ଇନିଂସ ସ୍କୋର ୫୨୮/୭ରୁ ଖେଳ ଆରମ୍ଭ କରି ବିଦର୍ଭ ୫୪୭ ରନ କରି ଅଲଆଉଟ ହେବା ସହ ୨୫୨ରନର ମହତ୍ତ୍ୱପୂର୍ଣ୍ଣ ଅଗ୍ରଣୀ ହାସଲ କରିଥିଲା। ଓଭରନାଇଟ ବ୍ୟାଟ୍ସମ୍ୟାନ ଅକ୍ଷୟ ଓ୍ବାଦକର ୧୩୩ରୁ ଖେଳ ଆରମ୍ଭ କରି ଅଧିକ ରନ ସଂଗ୍ରହ କରି ନ ପାରି ପ୍ୟାଭିଲିୟନ ଫେରିଥିଲେ। ସେହିପରି ସିଦ୍ଧେଶ ନେରାଲ ୫୬ ରନରୁ ଖେଳ ଆରମ୍ଭ କରି ଯଥାକ୍ରମେ ୭୪ ରନ କରି ଆଉଟ ହୋଇଥିଲେ। ଆଦିତ୍ୟ ଠାକରେ ବିନାସ୍କୋରରେ ଆଉଟ ହୋଇଥିବା ବେଳେ ରଜନୀଶ ଗୁର୍ବାନୀ କୌଣସି ରନ ସଂଗ୍ରହ ନ କରି ଅପରାଜିତ ରହିଥିଲେ। ବୋଲିଂରେ ଦିଲ୍ଲୀ ତରଫରୁ ନବଦୀପ ସଇନି ସର୍ବାଧିକ ୫, ଆକାଶ ସୁଦାନ ଓ କୁଲଓ୍ବନ୍ତ ଖେଜ୍ରୋଲିୟା ଦୁଇଟି ଲେଖାଏ, ନୀତିଶ ରାଣା ଗୋଟିଏ ଉଇକେଟ ହାସଲ କରିଥିଲେ। ଏହା ପରେ ଦ୍ୱିତୀୟ ଇନିଂସ ଆରମ୍ଭ କରିଥିବା ଦିଲ୍ଲୀ ପ୍ରାରମ୍ଭିକ ଝଟକା ଖାଇଥିଲା। ଏକଦା ୧୮୯ ରନରେ ୩ ଉଇକେଟ ହରାଇ ଦୃଢ ସ୍ଥିତିରେ ଥିବା ଦିଲ୍ଲୀ ଶେଷରେ ୨୮୦ ରନ କରି ଅଲଆଉଟ ହୋଇଥିଲା। ଦଳପକ୍ଷରୁ ନୀତୀଶ ସର୍ବାଧିକ ୬୪, ପ୍ରଥମ ଇନିଂସରେ ଶତକ ହାସଲ କରିଥିବା ଧ୍ରୁବ ଶୋରେ ୬୨, ଅଭିଜ୍ଞ ଗୌତମ ଗମ୍ଭୀର ୩୬, ଅଧିନାୟକ ରିଷଭ ପନ୍ତ ୩୨, ବିକାଶ ମିଶ୍ର ୩୪ ରନ କରିଥିବା ବେଳେ ଅନ୍ୟମାନେ ବିଫଳ ହୋଇଥିଲେ। ବୋଲିଂରେ ବିଦର୍ଭ ତରଫରୁ ଅକ୍ଷୟ ଓ୍ବାଖରେ ସର୍ବାଧିକ ୪, ଆଦିତ୍ୟ ସରଓ୍ବାତେ ୩, ଗୁର୍ବାନୀ ୨ ଓ ସିଦ୍ଧେଶ ନେରାଲ ଗୋଟିଏ ଉଇକେଟ ହାସଲ କରିଥିଲେ। ସଂକ୍ଷିପ୍ତ ସ୍କୋର: ଦିଲ୍ଲୀ ପ୍ରଥମ ଇନିଂସ: ୧୦୨.୫ ଓଭରରେ ୨୯୫। ବିଦର୍ଭ ପ୍ରଥମ ଇନିଂସ: ୧୬୩.୪ଓଭରରେ ୫୪୭। ଦିଲ୍ଲୀ ଦ୍ୱିତୀୟ ଇନିଂସ: ୭୬ ଓଭରରେ ୨୮୦। (ରାଣା-୬୪, ଧ୍ରୁବ- ୬୨,ଗମ୍ଭୀର-୩୬,ବିକାଶ-୩୪, ପନ୍ତ-୩୨, ଓ୍ବାଖରେ- ୪/୯୫, ସରଓ୍ବାତେ-୩/୩୦, ଗୁର୍ବାନୀ- ୨/୯୨)। ବିଦର୍ଭ ଦ୍ୱିତୀୟ ଇନିଂସ: ୫ ଓଭରରେ ୩୨/୧। (ଜାଫର- ୧୭, ସଞ୍ଜୟ-୯, ଖେଜ୍ରୋଲିୟା-୧/୨୧)।
All Right Reserved By

ଖେଳ |

ଭାରତ-ଏ’କୁ ବିଜୟ ଦେଲେ ମନ୍ଧାନା

ଭାରତ-ଏ’କୁ ବିଜୟ ଦେଲେ ମନ୍ଧାନା

ମୁମ୍ବାଇ, ୨୨।୧୦- ସ୍ଥାନୀୟ ବାନ୍ଦ୍ରା କୁର୍ଲା କମ୍ପ୍ଲେକ୍ସଠାରେ ସୋମବାରଠାରୁ ଭ୍ରମଣକାରୀ ଅଷ୍ଟ୍ରେଲିଆ-ଏ ବିପକ୍ଷରେ ଆରମ୍ଭ ହୋଇଥିବା ମହିଳା ଟି୨୦ କ୍ରିକେଟ ସିରିଜର ପ୍ରଥମ ମ୍ୟାଚ୍‌କୁ ଭାରତ-ଏ’ ଦଳ ୪ ଉଇକେଟ୍‌ରେ ଜିତିନେଇଛି। 

ରୋହିତ୍‌ ପ୍ରଥମ ଭାରତୀୟ

ରୋହିତ୍‌ ପ୍ରଥମ ଭାରତୀୟ

ଗୁଆହାଟୀ, ୨୨।୧୦- ସ୍ଥାନୀୟ ବର୍ଷାପରା କ୍ରିକେଟ ଷ୍ଟାଡିୟମରେ ରବିବାର ଭ୍ରମଣକାରୀ ଓ୍ବେଷ୍ଟଇଣ୍ଡିଜ ବିପକ୍ଷରେ ଖେଳାଯାଇଥିବା ପ୍ରଥମ ଦିନିକିଆକୁ ଭାରତୀୟ କ୍ରିକେଟ ଦଳ ୮ ଉଇକେଟ୍‌ରେ ଜିତିନେଇଥିଲା।

ଡିଫେଣ୍ଡିଂ ଚାମ୍ପିୟନ ଓ୍ବଜନିଆକିଙ୍କୁ ହରାଇଲେ ପ୍ଲିସ୍କୋଭା

ଡିଫେଣ୍ଡିଂ ଚାମ୍ପିୟନ ଓ୍ବଜନିଆକିଙ୍କୁ ହରାଇଲେ ପ୍ଲିସ୍କୋଭା

କାଲାଙ୍ଗ(ସିଙ୍ଗାପୁର), ୨୨।୧୦- ଏଠାରେ ଆରମ୍ଭ ହୋଇଥିବା ଡବ୍ଲ୍ୟୁଟିଏ ଫାଇନାଲ୍ସର ଉଦ୍‌ଘାଟନୀ ଦିବସରେ ବିପର୍ଯ୍ୟୟ ଦେଖିବାକୁ ମିଳିଛି। ଡିଫେଣ୍ଡିଂ ଚାମ୍ପିୟନ ତଥା ଡେନମାର୍କର ତାରକା ମହିଳା ଟେନିସ ଖେଳାଳି କାରୋଲିନ ଓ୍ବଜନିଆକି ପରାଜୟର ସାମ୍ନା କରିଛନ୍ତି। 

ଅବସର ନେବେ ହେରାଥ୍‌

ଅବସର ନେବେ ହେରାଥ୍‌

କଲମ୍ବୋ, ୨୨।୧୦- ଭେଟେରାନ ଶ୍ରୀଲଙ୍କା ବାମହାତୀ ସ୍ପିନର ରଙ୍ଗନା ହେରାଥ୍‌ ତାଙ୍କ ସ୍ବର୍ଣ୍ଣିମ କ୍ରିକେଟ କ୍ୟାରିୟରରୁ ଅବସର ନେବାକୁ ନିଷ୍ପତ୍ତି ନେଇଛନ୍ତି। ଭ୍ରମଣକାରୀ ଦକ୍ଷିଣ ଆଫ୍ରିକା ବିପକ୍ଷରେ ନଭେମ୍ବର ୬ରୁ ଗାଲେରେ ଆରମ୍ଭ ହେବାକୁ ଥିବା ଟେଷ୍ଟ ସିରିଜର ପ୍ରଥମ ମ୍ୟାଚ୍‌ପରେ କ୍ରିକେଟରୁ ସନ୍ନ୍ୟାସ ନେବାକୁ ହେରାଥ୍‌ ଘୋଷଣା କରିଛନ୍ତି। 

ପ୍ରଥମ ଦିନିକିଆରେ ବାଂଲାଦେଶ ବିଜୟୀ

ପ୍ରଥମ ଦିନିକିଆରେ ବାଂଲାଦେଶ ବିଜୟୀ

ଢାକା, ୨୨।୧୦- ଓପନର୍‌ ଇମ୍ରୁଲ କାଏସ୍‌ଙ୍କ ଶତକ ବଳରେ ଘରୋଇ ବାଂଲାଦେଶ ଏଠାରେ ଅନୁଷ୍ଠିତ ପ୍ରଥମ ଦିନିକିଆ ମ୍ୟାଚ୍‌ରେ ଜିମ୍ବାଓ୍ବେକୁ ୨୮ ରନରେ ପରାସ୍ତ କରିଦେଇଛି। ବାଂଲାଦେଶ ପକ୍ଷରୁ ଧାର୍ଯ୍ୟ ୨୭୨ ରନର ଟାର୍ଗେଟ୍‌କୁ ପିଛା କରି ଭ୍ରମଣକାରୀ ଜିମ୍ବାଓ୍ବେ ଦଳ ନିର୍ଦ୍ଧାରିତ ଓଭରରେ ୯ ଉଇକେଟ୍‌ ହରାଇ ୨୪୩ ରନ କରିବାକୁ ସକ୍ଷମ ହୋଇଥିଲା। 

ରାଇକୋନେନ ଜିତିଲେ ୟୁଏସ୍‌ ଗ୍ରାଁ ପ୍ରି

ରାଇକୋନେନ ଜିତିଲେ ୟୁଏସ୍‌ ଗ୍ରାଁ ପ୍ରି

ଅଷ୍ଟିନ୍‌, ୨୨ା୧୦- ଫେରାରିର କିମି ରାଇକୋନେନ ୟୁଏସ୍‌ ଓପନ ଗ୍ରାଁ ପ୍ରି ଟାଇଟଲ ଜିତିଛନ୍ତି। ରବିବାର ଅନୁଷ୍ଠିତ ଏହି ଫର୍ମୁଲା ଓ୍ବାନ ମୋଟର ରେସ୍‌ରେ ରେଡ୍‌ ବୁଲ୍‌ର ମାକ୍ସ ଭର୍ଷ୍ଟାପେନ ଦ୍ୱିତୀୟ ହୋଇଥିବାବେଳେ ମର୍ସିଡିଜର ଲୁଇସ୍‌ ହାମିଲଟନଙ୍କୁ ତୃତୀୟ ସ୍ଥାନରେ ସନ୍ତୁଷ୍ଟ ହେବାକୁ ପଡ଼ିଛି। 

ଦବଙ୍ଗ ଦିଲ୍ଲୀ ବିଜୟୀ

ଦବଙ୍ଗ ଦିଲ୍ଲୀ ବିଜୟୀ

ପୁଣେ, ୨୨ା୧୦ (ପି.ଟି.)-ଚଳିତ ଭିଭୋ ପ୍ରୋ-କବାଡ଼ି  ସିଜନ -୬ ଇଣ୍ଟର ଜୋନାଲ ଚ୍ୟାଲେଞ୍ଜର ପ୍ରଥମ ମ୍ୟାଚରେ ଦବଙ୍ଗ ଦିଲ୍ଲୀ ୩୯-୩୦ରେ ବେଙ୍ଗଲ  ଓ୍ବାରିୟର୍ସକୁ ପରାସ୍ତ କରିଛି। ସ୍ଥାନୀୟ ଶ୍ରୀ ଶିବ ଛତ୍ରପତି ସ୍ପୋଟର୍‌ସ କମ୍ପ୍ଲେକ୍ସଠାରେ ଅନୁଷ୍ଠିତ ଏହି ମ୍ୟାଚରେ ଦିଲ୍ଲୀ ତରଫରୁ ନବୀନ କୁମାର ୧୧ ରେଡ୍‌ ପଏଣ୍ଟ ସ୍କୋର କରିଥିବାବେଳେ ରବିନ୍ଦର ପାହାଲଙ୍କ ୪ ଟାକଲ ପଏଣ୍ଟ ଅବଦାନ ରହିଥିଲା।

ସାନି ସ୍ପଟ୍‌ ଫିକ୍ସିଂ ଦାବି, ଫୁଟେଜ ମାଗିଲା ଆଇସିସି

ସାନି ସ୍ପଟ୍‌ ଫିକ୍ସିଂ ଦାବି, ଫୁଟେଜ ମାଗିଲା ଆଇସିସି

ନୂଆଦିଲ୍ଲୀ, ୨୨|୧୦ (ପି.ଟି.)- ଅନ୍ତର୍ଜାତୀୟ କ୍ରିକେଟରେ ସ୍ପଟ୍‌ ଫିକ୍ସିଂ ନେଇ ରବିବାର ରିଲିଜ କରାଯାଇଥିବା ଏକ ଡକୁମେଣ୍ଟାରୀ କ୍ରିକେଟ ମହଲରେ ଚହଳ ସୃଷ୍ଟି କରିଛି। ପ୍ରସାରଣକାରୀ ସଂସ୍ଥା ପ୍ରାମାଣିକ  ଫୁଟେଜ ଦେବାକୁ ରାଜି ହେଉ  ନାହିଁ।  

ବିପ୍ଳବ ଅଧିନାୟକ, ୪ ନୂଆମୁହଁ

ବିପ୍ଳବ ଅଧିନାୟକ, ୪ ନୂଆମୁହଁ

କଟକ ଅଫିସ,୨୨ା୧୦- ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ) ଆନୁକୂଲ୍ୟରେ ଘରୋଇ କ୍ରିକେଟର ଶ୍ରେଷ୍ଠ ପ୍ରତିଯୋଗିତା ରଣ୍‌ଜୀଟ୍ରଫି ଆସନ୍ତା ନଭେମ୍ବର ୧ ତାରିଖରୁ ଆରମ୍ଭ ହେବ ।

ଜାପାନକୁ ୯-୦ରେ ହରାଇଲା ଭାରତ

ଜାପାନକୁ ୯-୦ରେ ହରାଇଲା ଭାରତ

ମସ୍କଟ, ୨୨।୧୦- ମନଦୀପ ସିଂଙ୍କ ହ୍ୟାଟ୍ରିକ ଗୋଲ ବଳରେ ଭାରତ ଏସିଆନ ଚାମ୍ପିୟନ୍ସ ଟ୍ରଫି ହକିର ରବିବାର ଅନୁଷ୍ଠିତ ଲିଗ୍‌ ମ୍ୟାଚରେ ଜାପାନକୁ ୯-୦ ଗୋଲରେ ପରାସ୍ତ କରିଛି। ଚଳିତ ଟୁର୍ନାମେଣ୍ଟରେ ଭାରତର ଏହାଥିଲା କ୍ରମାଗତ ତୃତୀୟ ବିଜୟ। 

ବିରାଟ, ରୋହିତ ରାଜ

ବିରାଟ, ରୋହିତ ରାଜ

ଗୁଆହାଟୀ, ୨୨।୧୦- ଗୁଆହାଟୀର ବର୍ଷାପରା କ୍ରିକେଟ ଷ୍ଟାଡିୟମରେ ରବିବାର ବିରାଟ କୋହଲି ଓ ରୋହିତ ଶର୍ମାଙ୍କ ରାଜ୍‌ ଦେଖିବାକୁ ମିଳିଛି। ବିରାଟ ଓ ରୋହିତଙ୍କ ଶତକୀୟ ଇନିଂସ ଏବଂ ଦ୍ୱିତୀୟ ଉଇକେଟରେ ୨୪୬ ରନର ଭାଗୀଦାରି ବଳରେ ଭାରତ ପ୍ରଥମ ଦିନିକିଆ କ୍ରିକେଟ ମ୍ୟାଚରେ ଓ୍ବେଷ୍ଟଇଣ୍ଡିଜକୁ ୮ ଉଇକେଟରେ ପରାସ୍ତ କରିଛି। 

ବନମାଳୀପୁର ଟି ୨୦: ସାରୁଅ ଚାମ୍ପିୟନ

ବନମାଳୀପୁର ଟି ୨୦: ସାରୁଅ ଚାମ୍ପିୟନ

ଭାପୁର,୨୨ା୧୦(ଡି.ଏନ୍‌.ଏ.)- ଖଣ୍ଡପଡ଼ା ବ୍ଲକ ବନମାଳୀପୁର ଆଞ୍ଚଳିକ ସ୍ପୋର୍ଟସ ଆସୋସିଏଶନ ଆନୁକୂଲ୍ୟରେ ଚାଲିଥିବା ୩୧ତମ ଟି ୨୦ କ୍ରିକେଟ ଟୁର୍ନାମେଣ୍ଟ ରବିବାର ଉଦ୍‌ଯାପିତ ହୋଇଯାଇଛି। ଫାଇନାଲ ଖେଳରେ କଣ୍ଟିଲୋର ବରୁଣେଇ କ୍ରିକେଟ୍‌ କ୍ଲବକୁ ୩୩ ରନରେ ହରାଇ ଖୋର୍ଦ୍ଧା ସାରୁଅର ଇଲେଭେନ ଷ୍ଟାର ସ୍ପୋର୍ଟସ କ୍ଲବ ଚାମ୍ପିୟନ ଆଖ୍ୟା ଅର୍ଜନ କରିଛି।