ଜାତୀୟ |

ପାକିସ୍ତାନ ପ୍ରତାରକ ଦେଶ: ଟ୍ରମ୍ପ୍‌

ପାକିସ୍ତାନ ପ୍ରତାରକ ଦେଶ: ଟ୍ରମ୍ପ୍‌

ଓ୍ବାଶିଂଟନ,୧।୧(ପି.ଟି.): ଆତଙ୍କବାଦୀଙ୍କୁ ପ୍ରୋତ୍ସାହନ ଦେଉଥିବା ପାକିସ୍ତାନ ବିଗତ ୧୫ ବର୍ଷରେ ଛଳନା କରି ଆମେରିକାଠାରୁ ୩୩ ବିଲିୟନ୍‌ ଡଲାରରୁ ଊର୍ଦ୍ଧ୍ୱ ସହାୟତା ରାଶି ଠକି ନେଇଛି। ଏହା ବଦଳରେ ଓ୍ବାଶିଂଟନକୁ ପାକିସ୍ତାନ ମିଛ ଓ ପ୍ରତାରଣା ବ୍ୟତୀତ କିଛି ଦେଇନାହିଁ ବୋଲି ସୋମବାର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍‌ ଭର୍ତ୍ସନା କରିଛନ୍ତି। ଇସ୍‌ଲାମାବାଦ ଆତଙ୍କବାଦୀ ସଙ୍ଗଠନଗୁଡ଼ିକ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନ ନେଲେ ଆମେରିକା କୌଣସି ପ୍ରକାର ସହାୟତା ଦେବନାହିଁ ବୋଲି ଟ୍ରମ୍ପ୍‌ ସ୍ପଷ୍ଟ କରିଛନ୍ତି। ଫଳରେ ପାକିସ୍ତାନ ଉପରେ ଅକାଳ ଚଡ଼କ ପଡ଼ିଛି।
ଆତଙ୍କବାଦୀଙ୍କ ଭୂସ୍ବର୍ଗ ପାକିସ୍ତାନକୁ ଶକ୍ତ ଝଟକା ଦେଇ ନୂଆବର୍ଷ ଆରମ୍ଭ କରିଛନ୍ତି ଆମେରିକା ରାଷ୍ଟ୍ରମୁଖ୍ୟ ଡୋନାଲ୍ଡ ଟ୍ରମ୍ପ୍‌। ସେ କହିଛନ୍ତି, ପାକିସ୍ତାନ ଏକ ପ୍ରତାରକ ରାଷ୍ଟ୍ର। ଏହି ଦେଶ ଆମେରିକାର ନେତାମାନଙ୍କୁ ଭକୁଆ ବନେଇ ଗତ ୧୫ ବର୍ଷରେ ୩୩ ବିଲିୟନ ଡଲାରରୁ ଊର୍ଦ୍ଧ୍ୱ ସହାୟତା ରାଶି ଠକି ନେଇଛି। ଏହା ବଦଳରେ ପାକିସ୍ତାନ ଆମେରିକାକୁ କେବଳ ମିଛ ପ୍ରତିଶ୍ରୁତି ଓ ପ୍ରତାରଣା ଦେଇଛି। ଆଫଗାନିସ୍ତାନରେ ଆମେରିକା ସମର୍ଥିତ ସୁରକ୍ଷା ବଳ ଆତଙ୍କବାଦୀଙ୍କୁ ତଲାସ କରୁଥିବାବେଳେ ପାକିସ୍ତାନ ସେମାନଙ୍କୁ ସୁରକ୍ଷା ଦେଉଛି। ଏହାସତ୍ତ୍ୱେ ପାକିସ୍ତାନକୁ ସହଯୋଗୀ ରାଷ୍ଟ୍ର ମନେକରି ଓ୍ବାଶିଂଟନ ସହାୟତା ଦେଇଆସିଛି। କିନ୍ତୁ ଏବେ ଆଉ ତାହା ଚଳିବ ନାହିଁ। ପାକିସ୍ତାନ ନିଜ ଭୂଖଣ୍ଡରେ ସକ୍ରିୟ ଆତଙ୍କବାଦୀଙ୍କୁ ଶରଣ ଦେଇଛି। ଆତଙ୍କବାଦୀ ସଙ୍ଗଠନଗୁଡ଼ିକ ବିରୋଧରେ ଇସ୍‌ଲାମାବାଦ କଡ଼ା କାର୍ଯ୍ୟାନୁଷ୍ଠାନ ନ ନେଲେ ଆମେରିକା ତାକୁ ଆର୍ଥିକ ସହାୟତା ଦେବନାହିଁ ବୋଲି ଟ୍ରମ୍ପ୍‌ ଟୁଇଟ୍‌ କରିଛନ୍ତି। ଟୁଇଟ୍‌ ଶେଷରେ ଟ୍ରମ୍ପ୍‌ ‘ନୋ ମୋର୍‌’ ଅର୍ଥାତ ‘ଆଉ ନୁହେଁ’ ଲେଖି ଇସ୍‌ଲାମାବାଦକୁ କଡ଼ା ଚେତାବନୀ ଦେଇଛନ୍ତି। ପାକିସ୍ତାନ
ବହିର୍ବ୍ୟାପାର ମନ୍ତ୍ରୀ ଖଓ୍ବାଜା ଆସିଫ୍‌ କହିଛନ୍ତି, ଟ୍ରମ୍ପ୍‌ଙ୍କ ଟୁଇଟ୍‌ର ଉତ୍ତର ଦିଆଯିବ। ସତ୍ୟ ଓ ମିଥ୍ୟା ମଧ୍ୟରେ କ’ଣ ଫରକ୍‌ ଅଛି ପାକିସ୍ତାନ ତାହା ସାରା ବିଶ୍ୱକୁ ଜଣାଇବ। ସୂଚନାଯୋଗ୍ୟ, ଭାରତ ଓ ଆଫଗାନିସ୍ତାନରେ ଆତଙ୍କବାଦୀଙ୍କୁ ପ୍ରୋତ୍ସାହନ ଦେଉଥିବା ପାକିସ୍ତାନର ଶାହିଦ୍‌ ଖକାନ୍‌ ଅବ୍ବାସୀ ସରକାରଙ୍କୁ ଟ୍ରମ୍ପ୍‌ ଅକ୍ଟୋବର ୩ରେ କାର୍ଯ୍ୟାନୁଷ୍ଠାନ ପାଇଁ ଶେଷ ସୁଯୋଗ ଦେଇଥିଲେ। କିନ୍ତୁ ପାକିସ୍ତାନ ତାକୁ ହାତଛଡ଼ା କରିଦେଇଥିବାରୁ ଏବେ ଫଳ ଭୋଗିବାକୁ ଯାଉଛି।

All Right Reserved By

Model This Week

Model This Week

ଜାତୀୟ |

ବ୍ୟାଙ୍କ ଉପରେ ଟିକସ ଚାପ: ବନ୍ଦ ହେବ ମାଗଣା ସେବା

ବ୍ୟାଙ୍କ ଉପରେ ଟିକସ ଚାପ: ବନ୍ଦ ହେବ ମାଗଣା ସେବା

ନୂଆଦିଲ୍ଲୀ,୨୪।୪-ବ୍ୟାଙ୍କଗୁଡିକ ଏବେ ଚେକ୍‌ବୁକ୍‌, ଡେବିଟ୍‌ କାର୍ଡ, ନିର୍ଦ୍ଦିଷ୍ଟ ଥର ସକାଶେ ଏଟିଏମ୍‌ରୁ ଟଙ୍କା ଉଠାଣ, ଫୁଏଲ୍‌ ସର୍ଚାର୍ଜ ରିଫଣ୍ଡ୍‌ ଆଦି ସେବା ମାଗଣା ଯୋଗାଇ ଆସୁଛନ୍ତି। ଜମାଖାତାରେ ଯଦି ହାରାହାରି ସର୍ବନିମ୍ନ ରାଶି ଜମା ରହିଥାଏ ତେବେ ଗ୍ରାହକ ଏହି ସବୁ ସେବା ମାଗଣାରେ ଉପଲବ୍ଧ କରିପାରୁଛନ୍ତି। କିନ୍ତୁ ଆଗାମୀ ଦିନରେ ଏହି ସେବା ଆଉ ମାଗଣାରେ ମିଳିବ ନାହିଁ। ପ୍ରତ୍ୟେକ ସେବା ଉପଯୋଗ ସକାଶେ ଗ୍ରାହକଙ୍କୁ ଦେୟ ଦେବାକୁ ପଡିବ।

ଆତଙ୍କବାଦକୁ ଲଗାମ ଦିଅ

ଆତଙ୍କବାଦକୁ ଲଗାମ ଦିଅ

ବେଜିଂ/ନୂଆଦିଲ୍ଲୀ,୨୪।୪(ପି.ଟି.)- ଆତଙ୍କବାଦୀଙ୍କ ଭୂସ୍ବର୍ଗ ପାକିସ୍ତାନକୁ ଚାଇନାରେ ଚେତାବନୀ ଦେଇଛି ଭାରତ। ବେଜିଂରେ ଚାଲିଥିବା ସାଂଘାଇ ସହଯୋଗ ସଙ୍ଗଠନ (ଏସ୍‌ସିଓ) ସମ୍ମିଳନୀରେ ବହିର୍ବ୍ୟାପାର ମନ୍ତ୍ରୀ ସୁଷମା ସ୍ବରାଜ ଓ ପ୍ରତିରକ୍ଷା ମନ୍ତ୍ରୀ ନିର୍ମଳା ସୀଥାରାମନ୍‌ ମଙ୍ଗଳବାର ଯୋଗଦେଇ ଆତଙ୍କବାଦ ଉପରେ ଲଗାମ ଲଗାଇବା ପାଇଁ ଇସ୍‌ଲାମାବାଦ୍‌କୁ ତାଗିଦ୍‌ କରିଛନ୍ତି।

ପାର୍ଲାମେଣ୍ଟରେ ବି କାଷ୍ଟିଂ କାଉଚ୍‌

ପାର୍ଲାମେଣ୍ଟରେ ବି କାଷ୍ଟିଂ କାଉଚ୍‌

ନୂଆଦିଲ୍ଲୀ/ବମ୍ବେ,୨୪।୪(ପି.ଟି.) - ଫିଲ୍ମ ଜଗତରେ କାଷ୍ଟିଂ କାଉଚ୍‌ (ଯୌନ ଶୋଷଣ) ନୂଆ କଥା ନୁହେଁ। ହେଲେ ଏହା ଏବେ ସବୁ କ୍ଷେତ୍ରରେ ଦେଖିବାକୁ ମିଳୁଛି। ଏପରି କି ପାର୍ଲାମେଣ୍ଟ ମଧ୍ୟ କାଷ୍ଟିଂ କାଉଚ୍‌ରୁ ମୁକ୍ତ ନୁହେଁ। ଏହା ଏକ ଅପ୍ରିୟ ସତ୍ୟ ବୋଲି ମଙ୍ଗଳବାର କଂଗ୍ରେସ ନେତା ରେଣୁକା ଚୌଧୁରୀ କହିଛନ୍ତି। ରେଣୁକାଙ୍କ ଏହି ବିବାଦୀୟ ମନ୍ତବ୍ୟକୁ ନେଇ ଝଡ଼ ସୃଷ୍ଟି ହୋଇଛି।

ହସ୍ପିଟାଲରେ ଜର୍ଜ ଏଚ୍‌.ଡବ୍ଲ୍ୟୁ. ବୁଶ

ହସ୍ପିଟାଲରେ ଜର୍ଜ ଏଚ୍‌.ଡବ୍ଲ୍ୟୁ. ବୁଶ

ହ୍ୟୁଷ୍ଟନ୍‌: ସ୍ତ୍ରୀ ଆରପାରିକୁ ଯିବାର କିଛିଦିନ ବିତିଛି କି ନାହିଁ ଏବେ ହସ୍ପିଟାଲରେ ଶଯ୍ୟାଶାୟୀ ହୋଇଛନ୍ତି ଆମେରିକାର ପୂର୍ବତନ ରାଷ୍ଟ୍ରପତି ଜର୍ଜ ଏଚ୍‌.ଡବ୍ଲ୍ୟୁ. ବୁଶ୍‌। ସଂକ୍ରମଣଜନିତ ରୋଗରେ ସେ ପୀଡ଼ିତ ଅଛନ୍ତି।

ବୁଧବାର ଆଶାରାମଙ୍କ ବିଚାର: ୧୪୪ ଧାରା ଜାରି, ୩ ରାଜ୍ୟରେ ହାଇ ଆର୍ଲଟ

ବୁଧବାର ଆଶାରାମଙ୍କ ବିଚାର: ୧୪୪ ଧାରା ଜାରି, ୩ ରାଜ୍ୟରେ ହାଇ ଆର୍ଲଟ

ଯୋଧପୁର, ୨୪।୪ : ବଳାତ୍କାର ମାମଲାରେ ଅଭିଯୁକ୍ତ ଥିବା ଆଶାରାମ ବାପୁଙ୍କ ବିଚାର ବୁଧବାର ଯୋଧପୁର କାରାଗାର ପରିସରରେ ସମ୍ପନ୍ନ ହେବ। ସୁରକ୍ଷାକୁ ଦୃଷ୍ଟିରେ ରଖି ସହରରେ ଏପ୍ରିଲ୍‌ ୩୦ ତାରିଖ ପର୍ଯ୍ୟନ୍ତ ୧୪୪ ଧାରା ଲାଗୁହେବା ସହିତ ରାଜସ୍ଥାନ, ଗୁଜରାଟ ଓ ହରିୟାଣା ଆଦି ୩ ରାଜ୍ୟରେ ହାଇ ଆର୍ଲଟ ଜାରି କରାଯାଇଛି।

ଛତିଶଗଡ଼ରେ ୯ ମାଓବାଦୀ ଗିରଫ

ଛତିଶଗଡ଼ରେ ୯ ମାଓବାଦୀ ଗିରଫ

ସୁକୁମା, ୨୪।୪ : ଛତିଶଗଡ଼ ସୁକୁମା ଜିଲା କୋଣ୍ଟା ଅଞ୍ଚଳରେ ସର୍ଚ୍ଚ ଅପରେଶନ ସମୟରେ ୯ ମାଓବାଦୀଙ୍କୁ ଗିରଫ କରାଯାଇଛି। ମଙ୍ଗଳବାର ସୁରକ୍ଷାବଳଙ୍କୁ ଏହି ସଫଳତା ମିଳିଛି। ସେମାନଙ୍କ ମଧ୍ୟରେ ଜଣେ ପ୍ଲାଟୁନ କମାଣ୍ଡର ଅଛନ୍ତି। ତାଙ୍କ ମୁଣ୍ଡ ଉପରେ ୨ ଲକ୍ଷ ଟଙ୍କାର ପୁରସ୍କାର ଘୋଷଣା କରାଯାଇଥିଲା।

ଆସାମରେ ଭୂକମ୍ପ

ଆସାମରେ ଭୂକମ୍ପ

ନୂଆଦିଲ୍ଲୀ, ୨୪।୪ : ଆସାମ ସମେତ ଦେଶର କେତେକ ଉତ୍ତରପୂର୍ବ ଅଞ୍ଚଳରେ ମଙ୍ଗଳବାର ସକାଳ ୯ଟା ୪୨ରେ ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୫.୫ ଥିଲା ବୋଲି ଭାରତୀୟ ଭୂବିଜ୍ଞାନ ବିଭାଗ ପକ୍ଷରୁ ସୂଚିତ କରାଯାଇଛି।

ପାର୍ଲାମେଣ୍ଟ କାଷ୍ଟିଂ କାଉଚ୍‌ ମୁକ୍ତ ନୁହେଁ: ରେଣୁକା

ପାର୍ଲାମେଣ୍ଟ କାଷ୍ଟିଂ କାଉଚ୍‌ ମୁକ୍ତ ନୁହେଁ: ରେଣୁକା

ନୂଆଦିଲ୍ଲୀ, ୨୪।୪ : ପାର୍ଲାମେଣ୍ଟ କାଷ୍ଟିଂ କାଉଚ୍‌ ମାମଲାରୁ ମୁକ୍ତ ନୁହେଁ ବୋଲି କଂଗ୍ରେସ ନେତ୍ରୀ ରେଣୁକା ଚୌଧୁରୀ ମଙ୍ଗଳବାର ସୂଚିତ କରିଛନ୍ତି। ପୂର୍ବରୁ ବଲିଉଡ୍‌ କୋରିଓଗ୍ରାଫର ସରୋଜ ଖାଁ ଏନେଇ ଏକ ବିବାଦୀୟ ମନ୍ତବ୍ୟ ଦେଇଥିଲେ।

୫ ରାଜ୍ୟ ପାଇଁ ଭାରତ ରହିଛି ପଛୁଆ: ନୀତି ଆୟୋଗ

୫ ରାଜ୍ୟ ପାଇଁ ଭାରତ ରହିଛି ପଛୁଆ: ନୀତି ଆୟୋଗ

ନୂଆଦିଲ୍ଲୀ, ୨୪।୪ : ଦେଶର ବିହାର, ଉତ୍ତରପ୍ରଦେଶ, ଛତିଶଗଡ଼, ମଧ୍ୟପ୍ରଦେଶ ଓ ରାଜସ୍ଥାନ ଆଦି ୫ଟି ରାଜ୍ୟ ପାଇଁ ଭାରତର ଆର୍ଥିକ ସ୍ଥିତି ପଛୁଆ ରହିଛି। ଏନେଇ ନୀତି ଆୟୋଗ ସିଇଓ ଅମିତାଭ କାଣ୍ଟ୍‌ ମଙ୍ଗଳବାର ସୂଚିତ କରିଛନ୍ତି। ଏସବୁ ରାଜ୍ୟର ସାମାଜିକ ସୂଚକାଙ୍କ ସମଗ୍ର ଦେଶର ବିକାଶକୁ ପଛୁଆ କରୁଛି।

ମୃତ୍ୟୁଦଣ୍ଡ ପାଇଁ  ଫାଶୀ ହିଁ  ଉପଯୁକ୍ତ ବିକଳ୍ପ: ସୁପ୍ରିମ୍‌କୋର୍ଟଙ୍କ ସମ୍ମୁଖରେ ମତ ରଖିଲା କେନ୍ଦ୍ର

ମୃତ୍ୟୁଦଣ୍ଡ ପାଇଁ ଫାଶୀ ହିଁ ଉପଯୁକ୍ତ ବିକଳ୍ପ: ସୁପ୍ରିମ୍‌କୋର୍ଟଙ୍କ ସମ୍ମୁଖରେ ମତ ରଖିଲା କେନ୍ଦ୍ର

ନୂଆଦିଲ୍ଲୀ, ୨୪।୪ : ମୃତ୍ୟୁଦଣ୍ଡ କିପରି ହେବା ଆବଶ୍ୟକ ଏନେଇ ସୁପ୍ରିମ୍‌କୋର୍ଟ କେନ୍ଦ୍ର ସରକାରଙ୍କ ମତ ଲୋଡିଥିଲେ। ଏହି ମର୍ମରେ କେନ୍ଦ୍ର ସରକାର ମଙ୍ଗଳବାର ସୁପ୍ରିମ୍‌କୋର୍ଟରେ ମତ ଉପସ୍ଥାପନ କରିଛନ୍ତି। ଏଥିରେ କୁହାଯାଇଛି ଯେ, ଇଞ୍ଜେକସନ୍‌ ମାଧ୍ୟମରେ ମୃତ୍ୟୁଦଣ୍ଡ ଅଧିକ ନୃଶଂସ। ଏହା ତୁଳନାରେ ଫାଶୀଦଣ୍ଡ କମ୍‌ ନୃଶଂସ ଓ ସୁରକ୍ଷିତ ହୋଇଥିବାରୁ ଏହାକୁ ମୃତ୍ୟୁଦଣ୍ଡ କ୍ଷେତ୍ରରେ ଲାଗୁ କରାଯିବା ଉଚିତ ବୋଲି କେନ୍ଦ୍ର ସରକାର ସୂଚିତ କରିଛନ୍ତି।

ପୁଲଓ୍ବାମାରେ ସର୍ଚ୍ଚ ଅପରେଶନ: ୨ ଯବାନ ଶହୀଦ

ପୁଲଓ୍ବାମାରେ ସର୍ଚ୍ଚ ଅପରେଶନ: ୨ ଯବାନ ଶହୀଦ

ଶ୍ରୀନଗର, ୨୪।୪ : ଜମ୍ମୁ-କଶ୍ମୀର ପୁଲଓ୍ବାମା ଜିଲା ତ୍ରାଲ୍‌ ଉପଖଣ୍ଡ ଅଞ୍ଚଳ ଲାମ୍‌ ଗାଁରେ ମିଳିତ ସୁରକ୍ଷାବଳଙ୍କ ଆତଙ୍କବାଦୀ ବିରୋଧୀ ସର୍ଚ୍ଚ ଅପରେଶନ ଜାରି ରହିଛି। ଏଥିରେ ୨ ଜଣ ଯବାନ ଶହୀଦ ହୋଇଛନ୍ତି। ଏହି ଘଟଣାରେ ଅନ୍ୟ ଜଣେ ସେନା ଯବାନ ଆହତ ହୋଇଛନ୍ତି।

ଲାଲ୍‌ବାହିନୀଙ୍କ ଗଡ଼ରେ ଏନ୍‌କାଉଣ୍ଟର: ୨ ଦିନରେ ୩୭ ମାଓବାଦୀ ନିହତ

ଲାଲ୍‌ବାହିନୀଙ୍କ ଗଡ଼ରେ ଏନ୍‌କାଉଣ୍ଟର: ୨ ଦିନରେ ୩୭ ମାଓବାଦୀ ନିହତ

ବମ୍ବେ, ୨୪।୪ : ମହାରାଷ୍ଟ୍ରର ଲାଲ୍‌ବାହିନୀଙ୍କ ଗଡ଼ କୁହାଯାଉଥିବା ଗଡ଼ଚିରୋଲିରେ ମିଳିତ ସୁରକ୍ଷାବଳଙ୍କ ଏନ୍‌କାଉଣ୍ଟର ଜାରି ରହିଛି। ଗତ ୨ ଦିନ ମଧ୍ୟରେ ଏହି ଘଟଣାରେ ୩୭ ମାଓବାଦୀଙ୍କ ମୃତ୍ୟୁ ଘଟିଛି। ରବିବାର ୧୬ ଜଣ ମାଓବାଦୀ ନିହତ ହୋଇଥିବାବେଳେ ସୋମବାର ସନ୍ଧ୍ୟାରେ ଜିମଲଗ୍‌ ଟଟା-ରାମାରାମ ଖାନ୍ଦଲା ଜଙ୍ଗଲରେ ସୁରକ୍ଷାବଳଙ୍କ ଏନ୍‌କାଉଣ୍ଟରରରେ ୬ ଜଣ ମାଓବାଦୀଙ୍କ ମୃତ୍ୟୁ ଘଟିଛି।