ବ୍ରହ୍ମପୁର

ନୂଆବର୍ଷରେ ଦାରିଙ୍ଗବାଡ଼ିରେ ପର୍ଯ୍ୟଟକଙ୍କ ଭିଡ଼

ନୂଆବର୍ଷରେ ଦାରିଙ୍ଗବାଡ଼ିରେ ପର୍ଯ୍ୟଟକଙ୍କ ଭିଡ଼

ଦାରିଙ୍ଗବାଡ଼ି,୧।୧(ଡି.ଏନ.ଏ.)- ଦାରିଙ୍ଗବାଡ଼ି ବ୍ଲକ ଅଞ୍ଚଳରେ ନୂତନବର୍ଷ ଉପଲକ୍ଷେ ପର୍ଯ୍ୟଟକଙ୍କ ଭିଡ଼ ଜମିଥିଲା । ସରକାରୀ ରେକର୍ଡ଼ ଅନୁସାରେ କେବଳ ୩ ସ୍ଥାନରେ ମୋଟ ୬ହଜାର ୭ଶହ ପର୍ଯ୍ୟଟକ ଦାରିଙ୍ଗବାଡ଼ିକୁ ଆସିଥିବା ରେକର୍ଡ଼ ସଂଗ୍ରହ କରାଯାଇଛି । ତେବେ ଚଳିତ ବର୍ଷ ଏହି ରେକର୍ଡ଼ ଗତ ବର୍ଷଠାରୁ କମ୍‌ ରହିଥିବା ଜଣାପଡ଼ିଛି। ୨୦୧୭ ନୂତନ ବର୍ଷରେ ପ୍ରାୟ ୨୦ହଜାର ପର୍ଯ୍ୟଟକ ଦାରିଙ୍ଗବାଡ଼ିକୁ ଆସିଥିବା ବେଳେ ବର୍ଷର ଶେଷ ଡିସେମ୍ବର ୨୪ ରେ ୨୦ ହଜାରରୁ ଉର୍ଦ୍ଧ୍ୱ ପର୍ଯ୍ୟଟକଙ୍କ ସମାଗମ ହୋଇଥିଲା। ଚଳିତ ନୂତନ ବର୍ଷରେ ପାଖାପାଖି ୧୧ ହଜାର ପର୍ଯ୍ୟଟକ ଦାରିଙ୍ଗବାଡ଼ି ବୁଲି ଆସିଥିବା କୁହାଯାଉଛି। ଯାହାକି ଡୁଲୁରୀ, ଦାସିଂବାଡ଼ିର ମିଡ଼ିୟୁବାନ୍ଦା ଜଳପ୍ରପାତ ଓ କିରିକୁଟିରେ ଥିବା ଲଭର୍ସପଏଣ୍ଟ, ସାଇଲେଣ୍ଟ ଭ୍ୟାଲି ଆଦିକୁ ଆସିଥିବା ପର୍ଯ୍ୟଟକଙ୍କ ସଂଖ୍ୟା ପ୍ରାୟ ୫ ହଜାର ହେବ ବୋଲି ଆଶା କରାଯାଉଛି । ସେହିପରି କଫି ବଗିଚା ଦେଖିବା ପାଇଁ ମୋଟ ୧୬ଶହ ପର୍ଯ୍ୟଟକ ଆସିଥିବା ବେଳେ ନେଚରପାର୍କକୁ ମୋଟ ୨୯୫୦ ଜଣ ଓ ହିଲଭିୟୁ ପାର୍କକୁ ମୋଟ ୨୧୪୮ଜଣ ପର୍ଯ୍ୟଟକ ଆସିଥିବା ରେକର୍ଡ଼ ସଂଗ୍ରହ କରାଯାଇଛି । ସବୁଠି ନୂତନ ବର୍ଷ ପାଇଁ ଭିଡ଼ ଜମିଥିବା ସହ ବଣ ଭୋଜି କରି ପର୍ଯ୍ୟଟକ ମାନେ ମଜା ନେଇଥିଲେ। ପାଗ ମେଘୁଆ ଯୋଗୁ ଶୀତ ପ୍ରକୋପ ପୂରାପୂରି କମିଯାଇଛି । କିନ୍ତୁ କୋହଲା ପାଗ ଯୋଗୁ ଅପରାହ୍ନରେ କିଛି ସମୟ ଶୀତ ଅନୁଭୂତ ହୋଇଥିଲା। ଶୀତ ପ୍ରକୋପ କମିଥିବାରୁ ଅନେକ ପର୍ଯ୍ୟଟକ ନିରାଶ ହୋଇଥିବା ଜଣାପଡ଼ିଛି ।

All Right Reserved By

Model This Week

ନିକିତା

ବ୍ରହ୍ମପୁର

ଗୋଟିଏ ରାତିରେ ୮ ହଜାରରୁ ଊର୍ଦ୍ଧ୍ୱ କଇଁଛଙ୍କ ଗଣ ଅଣ୍ଡାଦାନ

ଗୋଟିଏ ରାତିରେ ୮ ହଜାରରୁ ଊର୍ଦ୍ଧ୍ୱ କଇଁଛଙ୍କ ଗଣ ଅଣ୍ଡାଦାନ

ବ୍ରହ୍ମପୁର ଅଫିସ,୨୨। ୪ଓଡିଶାରେ ଦେବୀ ନଦୀ ମୁହାଣ, ଗହୀରମଥା ଓ ଋଷିକୁଲ୍ୟା ମୁହାଣ କଇଁଛଙ୍କ ଅଣ୍ଡାଦାନର ପ୍ରକୃଷ୍ଟ ସ୍ଥାନ ହୋଇଥିବା ବେଳେ ଗଞ୍ଜାମ ଜିଲା ଋଷିକୁଲ୍ୟା ମୁହାଣ ବିରଳ ଅଲିଭ ରିଡଲେ କଇଁଛଙ୍କ ପାଇଁ ଉପଯୁକ୍ତ ସ୍ଥାନ ହୋଇଛି। ତେଣୁ ଚଳିତବର୍ଷ ଏଠାରେ ଅଲିଭ୍‌ ରିଡ୍‌ଲେଙ୍କ ଅଣ୍ଡାଦାନ ମାତ୍ରାଧିକଭାବେ ବୃଦ୍ଧି ପାଇଛି। ସାଧାରଣତଃ ଫେବୃୟାରୀ ମାସରେ କଇଁଛଙ୍କ ଅଣ୍ଡାଦାନ ସମୟ ରହିଥିବା ବେଳେ ଏବେ ଋଷିକୁଲ୍ୟା ମୁହାଣରେ ହଜାର ହଜାର ସଂଖ୍ୟାର କଇଁଛ ଅଣ୍ଡାଦାନ ପାଇଁ ପହଞ୍ଚୁଛନ୍ତି। ଯାହା ରାଜ୍ୟରେ ଏପରି ଘଟଣା ରେକର୍ଡ ବୋଲି କୁହାଯାଉଛି।

ଚାକିରି ଲୋଭ ଦେଖାଇ ୨ ଛାତ୍ରଙ୍କୁ ରାଜ୍ୟ ବାହାରକୁ ଚାଲାଣ ଅଭିଯୋଗ

ଆର.ଉଦୟଗିରି,୨୧।୪(ଡି.ଏନ.ଏ)- ଗଜପତି ଜିଲା ଆର.ଉଦୟଗିରି ଥାନା ଅନ୍ତର୍ଗତ ସୁମାଡ଼ ଗ୍ରାମର ବୀରେନ କରାଡ଼ଙ୍କ ପୁଅ ବୁଲୁ ଏବଂ ସଞ୍ଜୀବଙ୍କୁ ସେହି ଗ୍ରାମର ଜଣେ ଯୁବକ ଚାକିରି ଲୋଭ ଦେଖାଇ ବାହାର ରାଜ୍ୟକୁ ପଠାଇ ଦେଇଥିବା ତାଙ୍କ ବାପା ବିରେନ୍‌ ଆର.ଉଦୟଗିରି ଥାନାରେ ଅଭିଯୋଗ କରିଛନ୍ତି।

ବନରକ୍ଷୀ ଆକ୍ରମଣ ମାମଲା, ୩ଗିରଫ

ଭଞ୍ଜନଗର,୨୧।୪(ଡି.ଏନ.ଏ)- ଗାଲେରୀ ଫାଣ୍ଡି ଅନ୍ତର୍ଗତ ହରିଗଡ଼ ବନରକ୍ଷୀ ପ୍ରଦୀପ ଭୂୟଁାଙ୍କୁ ଆକ୍ରମଣ ମାମଲାରେ ପୋଲିସ ଶନିବାର ୩ଜଣଙ୍କୁ ଗିରଫ କରିଛି। ସେମାନେ ହେଲେ ନୂଆପଲ୍ଲୀର ପ୍ରସନ୍ନ ଗୌଡ଼ ଓ ଚାହାଳିର ପ୍ରଶାନ୍ତ ମଳିକ ଏବଂ ସୁଦର୍ଶନ ମଳିକ। ଶନିବାର ରାତିରେ ଗିରଫ ୩ଜଣଙ୍କୁ ଭଞ୍ଜନଗର କୋର୍ଟକୁ ଚାଲାଣ କରାଯାଇଛି।

ଇଶାଣେଶ୍ୱର ମହାଦେବଙ୍କୁ ଦର୍ଶନ କଲେ ଶଙ୍କରାଚାର୍ଯ୍ୟ ନରେନ୍ଦ୍ରାନନ୍ଦ ସରସ୍ବତୀ

ଇଶାଣେଶ୍ୱର ମହାଦେବଙ୍କୁ ଦର୍ଶନ କଲେ ଶଙ୍କରାଚାର୍ଯ୍ୟ ନରେନ୍ଦ୍ରାନନ୍ଦ ସରସ୍ବତୀ

କନିଷି,୨୧।୪(ଡି.ଏନ.ଏ)- ରଙ୍ଗେଇଲୁଣ୍ଡା ବ୍ଲକ ଗୋଳନ୍ଥରା ଗ୍ରାମସ୍ଥିତ ଅଷ୍ଟଶମ୍ବୁ ଶ୍ରୀ ଇଶାଣେଶ୍ୱର ମହାଦେବଙ୍କୁ କାଶୀ ସୁମେରୁ ପୀଠାଧିଶ୍ୱର ଶଙ୍କରାଚାର୍ଯ୍ୟ ନରେନ୍ଦ୍ରାନନ୍ଦ ସରସ୍ବତୀ ମହାରାଜ ଶୁକ୍ରବାର ସନ୍ଧ୍ୟାରେ ଦର୍ଶନ କରିଥିଲେ। ଶତାଧିକ ମହିଳା ପୁରୁଷ ତାଙ୍କୁ ପଟୁଆରରେ ମନ୍ଦିରକୁ ପାଛୋଟି ନେଇଥିଲେ।

ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର

ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର

ଆସିକା,୨୧।୪(ଡି.ଏନ୍‌.ଏ.)- ଆସିକା ସରକାରୀ ଡାକ୍ତରଖାନା ସଂଲଗ୍ନ ଓଭର ବ୍ରିଜ୍‌ ତଳୁ ଶନିବାର ଅପରାହ୍ନ ପ୍ରାୟ ୩ଟାବେଳେ ଜଣେ ବୃଦ୍ଧଙ୍କ ମୃତଦେହ ଉଦ୍ଧାର କରାଯାଇଛି। ମୃତକଙ୍କର ପରିଚୟ ମିଳିପାରିନାହିଁ। ପୋଲିସ ମୃତଦେହ ଜବତ କରି ଆସିକା ସରକାରୀ ଡାକ୍ତରଖାନାରେ ବ୍ୟବଚ୍ଛେଦ କରାଇଛନ୍ତି। କେଉଁ ପରିସ୍ଥିତିରେ ବୃଦ୍ଧଙ୍କ ମୃତ୍ୟୁ ଘଟିଲା ଓ ତାଙ୍କ ପରିଚୟ ସ୍ପଷ୍ଟ ହୋଇନାହିଁ।

ରୋଗୀ କଲ୍ୟାଣ ସମିତି ବୈଠକ

ରୋଗୀ କଲ୍ୟାଣ ସମିତି ବୈଠକ

ଶେରଗଡ,୨୧।୪(ଡି.ଏନ୍‌.ଏ.)- ଶେରଗଡ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ରୋଗୀ କଲ୍ୟାଣ ସମିତି ବୈଠକ ଶନିବାର ଡାକ୍ତରଖାନା ପରିସରରେ ମୁଖ୍ୟମନ୍ତ୍ରୀଙ୍କ ପ୍ରତିନିଧି ଶରତ ଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ବ୍ଲକ ଅଧକ୍ଷା ସାରସ ସ୍ବାଇଁ ଉପସ୍ଥିତି ଥିଲେ।

ସରସ୍ବତୀ ବିଦ୍ୟା ମନ୍ଦିରର ବାର୍ଷିକୋତ୍ସବ

ସରସ୍ବତୀ ବିଦ୍ୟା ମନ୍ଦିରର ବାର୍ଷିକୋତ୍ସବ

ପୋଲସରା,୨୧।୪(ଡି.ଏନ.ଏ)- ପୋଲସରା ସହର ତୋଟାସାହିସ୍ଥିତ ମା ସରସ୍ବତୀ ବିଦ୍ୟା ମନ୍ଦିରର ବାର୍ଷିକୋତ୍ସବ ଶୁକ୍ରବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି। ଭାରତୀୟ ଶିକ୍ଷା ବିକାଶ ସଂସ୍ଥାନ ଓଡ଼ିଶା ପୁରୀର ସଂଯୋଜକ କମଳାକାନ୍ତ ମହାରାଜ ମୁଖ୍ୟବକ୍ତା ଭାବେ ଯୋଗଦେଇ ଆଜିର ସମାଜରେ ଶିକ୍ଷା ହେଉଛି ମଣିଷର ବଳ, ଶିକ୍ଷା ଦ୍ୱାରା ହିଁ ମଣିଷ ଆଗକୁ ବଢ଼ିପାରିବ ବୋଲି କହିଥିଲେ।

କୂଅରୁ ମହିଳାଙ୍କୁ ଉଦ୍ଧାର କଲା ଅଗ୍ନିଶମ ବିଭାଗ

କୂଅରୁ ମହିଳାଙ୍କୁ ଉଦ୍ଧାର କଲା ଅଗ୍ନିଶମ ବିଭାଗ

ପୋଲସରା,୨୧।୪(ଡି.ଏନ.ଏ)- ପୋଲସରା ସହରସ୍ଥିତ ରତନେଇ ସାହିରେ ଶନିବାର ପୂର୍ବାହ୍ନରେ କୂଅରେ ପଡିଯାଇଥିବା ଜଣେ ମହିଳାଙ୍କୁ ଅଗ୍ନିଶମ ବିଭାଗ ଉଦ୍ଧାର କରିଛି। ସେ ହେଲେ ରତନେଇ ସାହିର ବନିତା ପ୍ରଧାନ। ବନିତା କୂଅରୁ ପାଣି କାଢ଼ୁଥିବାବେଳେ ଅସାବଧାନତା ବଶତଃ ଖସି ପଡ଼ିଥିଲେ।

ଶ୍ରୀରାମ ମନ୍ଦିର ପ୍ରତିଷ୍ଠା ମହାଯଜ୍ଞ ପୁର୍ଣ୍ଣାହୁତି

ଦିଗପହଣ୍ଡି,୨୧।୪(ଡି.ଏନ.ଏ)-ଦିଗପହଣ୍ଡି-ପୋଡ଼ାମାରି ମୁଖ୍ୟରାସ୍ତାର ବିଦ୍ୟୁତ ସବଷ୍ଟେଶନ ନିକଟରେ ଥିବା ପଞ୍ଚଗୁରୁ ସେବାଶ୍ରମ ପରିସରରେ ଶ୍ରୀରାମ ମନ୍ଦିର ପ୍ରତିଷ୍ଠା ଉତ୍ସବ ଅବସରରେ ଚାଲିଥିବା ମହାଯଜ୍ଞ ଶୁକ୍ରବାର ସନ୍ଧ୍ୟାରେ ପୂର୍ଣ୍ଣାହୁତି ହୋଇଯାଇଛି। ସୋମବାର ଠାରୁ ଶୁକ୍ରବାର ୫ ଦିନ ବ୍ୟାପୀ ପ୍ରତିଷ୍ଠା ମହୋତ୍ସବରେ ଗଞ୍ଜାମ-ଗଜପତି ଜିଲାର ବିଭିନ୍ନ ଅଞ୍ଚଳରୁ ବହୁ ସାଧୁସନ୍ଥ ବିଦ୍ୱାନ ଯୋଗ ଦେଇଥିଲେ।

ଆମ ପୋଲିସ ସମିତି ପକ୍ଷରୁ ଜଳଛତ୍ର ଉଦ୍‌ଘାଟିତ

ଆମ ପୋଲିସ ସମିତି ପକ୍ଷରୁ ଜଳଛତ୍ର ଉଦ୍‌ଘାଟିତ

ପାଟପୁର,୨୧।୪(ଡି.ଏନ.ଏ)- ପାଟପୁର ଥାନା ଆମ ପୋଲିସ ସମିତି ପକ୍ଷରୁ ଶୁକ୍ରବାର ଥାନା ସମ୍ମୁଖରେ ଜଳଛତ୍ର ଉଦ୍‌ଘାଟିତ ହୋଇଯାଇଛି। ସାନଖେମୁଣ୍ଡି ତହସିଲଦାର ପ୍ରଜ୍ଞାଶ୍ରୀ ପ୍ରିୟମ୍ବଦା ଉଦ୍‌ଘାଟନ କରିଥିବାବେଳେ ଥାନା ଆଇଆଇସି ରମେଶ କୁମାର ପ୍ରଧାନଙ୍କ ସମେତ ଆମ ପୋଲିସ ସମିତିର ସମସ୍ତ ସଦସ୍ୟ ଉପସ୍ଥିତ ରହି ସହଯୋଗ କରିଥିଲେ।

୩ ବାଲ୍ୟ ବିବାହ ରୋକିଲା ପ୍ରଶାସନ

୩ ବାଲ୍ୟ ବିବାହ ରୋକିଲା ପ୍ରଶାସନ

ଆସିକା,୨୧।୪(ଡି.ଏନ୍‌.ଏ.)- ଆସିକା ବ୍ଲକ ମହିଳା ଓ ଶିଶୁ ବିକାଶ ପ୍ରକଳ୍ପ ଦ୍ୱାରା ଶନିବାର ଆସିକା ବ୍ଲକର ବାଲିସିରା ଗ୍ରାମରେ ୩ଟି ବାଲ୍ୟ ବିବାହକୁ ରୋକାଯାଇଛି।

ଦାରିଙ୍ଗବାଡ଼ିରେ ଉଜ୍ଜଳ ଏବଂ ଉତ୍ଥାନ ତାଲିମ ଶିବିର

ଦାରିଙ୍ଗବାଡ଼ିରେ ଉଜ୍ଜଳ ଏବଂ ଉତ୍ଥାନ ତାଲିମ ଶିବିର

ଦାରିଙ୍ଗବାଡ଼ି,୨୧।୪(ଡି.ଏନ.ଏ)- ଦାରିଙ୍ଗବାଡ଼ିରେ ସ୍କୁଲ ଓ ଗଣଶିକ୍ଷା ବିଭାଗ ପକ୍ଷରୁ ବ୍ଲକର ଶିକ୍ଷୟିତ୍ରୀଶିକ୍ଷକମାନଙ୍କୁ ନେଇ ଉଜ୍ଜଳ ଏବଂ ଉତ୍ଥାନ ତାଲିମ ଶିବିର ଅନୁଷ୍ଠିତ ହୋଇଯାଇଛି। ପ୍ରଥମରୁ ପଞ୍ଚମ ପର୍ଯ୍ୟନ୍ତ ପାଠ ପଢ଼ାଉଥିବା ସମସ୍ତ ଶିକ୍ଷୟିତ୍ରୀ ଶିକ୍ଷକ ଏହି ତାଲି ନେଉଥିବା ବେଳେ ଷଷ୍ଠରୁ ଅଷ୍ଟମ ପର୍ଯ୍ୟନ୍ତ ପାଠ ପଢ଼ାଉଥିବା ଶିକ୍ଷୟିତ୍ରୀଶିକ୍ଷକ ମାନଙ୍କୁ ଉତ୍ଥାନ ଜରିଆରେ ତାଲିମ ପ୍ରଦାନ କରାଯାଉଛି।