ବ୍ରହ୍ମପୁର

ବିଦେଶୀ ପକ୍ଷୀଙ୍କ ପସନ୍ଦ ଉଷ୍ଣ ଆଦ୍ରଭୂମି

ବିଦେଶୀ ପକ୍ଷୀଙ୍କ ପସନ୍ଦ ଉଷ୍ଣ ଆଦ୍ରଭୂମି
ବ୍ରହ୍ମପୁର ଅଫିସ,୧।୧ -ବ୍ରହ୍ମପୁର ଆଞ୍ଚଳିକ ବନଖଣ୍ଡ ଅନ୍ତର୍ଗତ ୪ଟି ରେଞ୍ଜରେ ଆସନ୍ତା ୩ତାରିଖରେ ପକ୍ଷୀଗଣନା କରାଯିବ। ଦିଗପହଣ୍ଡି, ବ୍ରହ୍ମପୁର, ଖଲ୍ଲିକୋଟ ଏବଂ ସାମନ୍ତିଆପଲ୍ଲୀ ରେଞ୍ଜ ଅଧୀନରେ ଜଳ ସହ ସଂଶ୍ଳିଷ୍ଟ ପକ୍ଷୀଙ୍କ ଗଣନା ହେବ। ବର୍ତ୍ତମାନ ଶୀତ ପଡ଼ୁଥିବା ବେଳେ ଗଞ୍ଜାମ ଜିଲାର ଉପକୂଳ ଅଞ୍ଚଳଗୁଡ଼ିକରେ ବିଦେଶୀ ପକ୍ଷୀଙ୍କ ଆଗମନ ହୋଇସାରିଲାଣି। ମୁଖ୍ୟତଃ ଉପକୂଳ ଅଞ୍ଚଳରେ ଉଷ୍ଣ ଆଦ୍ରଭୂମି ରହୁଥିବା ଯୋଗୁ ଏହି ପରିବେଶ ବିଦେଶୀ ପକ୍ଷୀଙ୍କୁ ବେଶ୍‌ ସୁହାଉଛି। ତରଫରୁ ମିଳିଥିବା ସୂଚନା ଅନୁଯାୟୀ, ଖଲ୍ଲିକୋଟ ରେଞ୍ଜ ଅଧୀନରେ ୮ ସ୍ଥାନରେ ପକ୍ଷୀ ଗଣନା ହେବାକୁ ଥିବା ବେଳେ ବ୍ରହ୍ମପୁର ରେଞ୍ଜ ଅଧୀନରେ ୮, ଦିଗପହଣ୍ଡି ରେଞ୍ଜ ଅଧୀନରେ ୧୧ ଏବଂ ସାମନ୍ତିଆପଲ୍ଲୀ ରେଞ୍ଜ ଅଧୀନରେ ୪ ସ୍ଥାନକୁ ଚିହ୍ନଟ କରାଯାଇଛି। ଖଲ୍ଲିକୋଟ ରେଞ୍ଜ ଅଧୀନ କଲରାବାଡ଼ି, ହୁମା ଲୁଣ ଫାର୍ମ, ଋଷିକୁଲ୍ୟା ମୁହାଣ, ରାଜଘାଇ, ଖଇରଖମା, ପଥୁରୀନାଳ, ଚମ୍ପେଇଘାଇ ଏବଂ କେନ୍ଦୁଆଘାକୁ ଚିହ୍ନଟ କରାଯାଇଛି। ସେହିଭଳି ଦିଗପହଣ୍ଡି ରେଞ୍ଜ ଅଧୀନ ଓଡ଼ାସିଙ୍ଗି ସାଗର, ଘୋଡ଼ାହାଡ଼, ତଳସାଗର, ଖଇରବାଙ୍କ, ପଲାସପୁର, ଆମ୍ବଡ଼ା ପୋଖରୀ, କଳିଙ୍ଗଦଳା ଡ୍ୟାମ୍‌, ଚକ୍ରବର୍ତ୍ତୀ ସାଗର, ଖଣିଖଳା, ମଦନମୋହନ ସାଗର ଏବଂ ବଗଳା ପୋଖରୀରେ ପକ୍ଷୀ ଗଣନା ହେବ। ବ୍ରହ୍ମପୁର ରେଞ୍ଜ ଅଧୀନ ତାମ୍ପରା ହ୍ରଦ, ରାଉତରାୟ ପୋଖରୀ, ବ୍ରହ୍ମପୁର ବିଶ୍ୱବିଦ୍ୟାଳୟ ପୋଖରୀ, ଗୋବିନ୍ଦପୁର ପୋଖରୀ, ପାତ୍ରପୁର ପୋଖରୀ, ଚୈତନ୍ୟପଡ଼ା ପୋଖରୀ, ସମରଝୋଳ ପୋଖରୀ ଏବଂ ଅନ୍ତେଇ ପୋଖରୀକୁ ଚିହ୍ନଟ କରାଯାଇଛି। ସେହିଭଳି ସାମନ୍ତିଆପଲ୍ଲୀ ରେଞ୍ଜ ଅଧୀନ ପଣ୍ଡା ସାଗର, କଳିଙ୍ଗଦଳା, ମୁକୁନ୍ଦପୁର ସାଗର ଏବଂ ବାଘଲଟି ଆଦି ରହିଛି। ପ୍ରତ୍ୟେକ ଜାଗାରେ ୨ଜଣ ବନ କର୍ମଚାରୀ ପକ୍ଷୀ ଗଣନାରେ ନିୟୋଜିତ ହେବେ। ଗଣନା ସରିବା ପରେ ବିଭାଗକୁ ରିପୋର୍ଟ ପ୍ରଦାନ କରାଯିବ ବୋଲି ବିଭାଗୀୟ ସୂତ୍ରରୁ ସୂଚନା ଦିଆଯାଇଛି। ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଜିଲାରେ ପକ୍ଷୀଙ୍କ ସଂଖ୍ୟା କମୁଛି। ୨୦୧୭ରେ ଏହି ୪ ରେଞ୍ଜରେ ପକ୍ଷୀଗଣନା ହୋଇଥିଲା। ବିଭିନ୍ନ ପ୍ରଜାତିର ୮୨ଟି ପକ୍ଷୀ ଚିହ୍ନଟ ହୋଇଥିବା ବେଳେ ସେମାନଙ୍କ ସଂଖ୍ୟା ଥିଲା ୧୩ହଜାର ୫୧। ଖଲ୍ଲିକୋଟ ରେଞ୍ଜରେ ସର୍ବାଧିକ ୬ହଜାର ୪୬୦ ପକ୍ଷୀ ଥିବା ବେଳେ ବ୍ରହ୍ମପୁର ରେଞ୍ଜ ଅଞ୍ଚଳରେ ୪ହଜାର ୪୦୩, ଦିଗପହଣ୍ଡି ରେଞ୍ଜରେ ୧ ହଜାର ୯ ଏବଂ ସାମନ୍ତିଆପଲ୍ଲୀ ରେଞ୍ଜ ଅଧୀନରେ ୧ହଜାର ୧୭୯ ପକ୍ଷୀ ରହିଲେ। ଏମାନଙ୍କ ମଧ୍ୟରେ ଚନ୍ଦନ ହଂସଙ୍କ ସଂଖ୍ୟା ଥିଲା ସର୍ବାଧିକ ଅର୍ଥାତ୍‌ ୮ଶହ। ସେହିଭଳି ପାଣିକୁଆଙ୍କ ସଂଖ୍ୟା ୭୨୫, ପାଣି ହଂସଙ୍କ ସଂଖ୍ୟା ୬ଶହ ଏବଂ ଗେଣ୍ଡାଳିଆଙ୍କ ସଂଖ୍ୟା ୨୧୦ ରହିଥିଲା। ୨୦୧୬ରେ ମୋଟ ପକ୍ଷୀଙ୍କ ସଂଖ୍ୟା ଥିଲା ୧୩ହଜାର ୯୬୦। ଖଲ୍ଲିକୋଟ ରେଞ୍ଜ ଅଞ୍ଚଳରେ ୭ହଜାର ୬୩୨ ପକ୍ଷୀ ରହିଥିବା ବେଳେ ଦିଗପହଣ୍ଡି ରେଞ୍ଜ ଅଞ୍ଚଳରେ ୬୯୨, ସାମନ୍ତିଆପଲ୍ଲୀ ରେଞ୍ଜ ଅଞ୍ଚଳରେ ୧ ହଜାର ୧୯୭ ଏବଂ ବ୍ରହ୍ମପୁର ରେଞ୍ଜ ଅଧୀନରେ ୪ହଜାର ୪୩୯ ରହିଥିଲା। ଏହି ବର୍ଷ କାଦମ୍ବ ହଂସଙ୍କ ସଂଖ୍ୟା ସର୍ବାଧିକ ୭ଶହ ରହିଥିବା ବେଳେ ସାମୁଦ୍ରିକ କୁଆଙ୍କ ସଂଖ୍ୟା ୫ଶହ, ଗେଣ୍ଡାଳିଆଙ୍କ ସଂଖ୍ୟା ୫ଶହ ରହିଥିଲା। ୨୦୧୫ରେ ଗଣନା ବେଳେ ପକ୍ଷୀଙ୍କ ସଂଖ୍ୟା ରହିଥିଲା ୧୩ହଜାର ୮୩୪। ଗଞ୍ଜାମ ଜିଲାର ସମୁଦ୍ର ଉପକୂଳ ଅଞ୍ଚଳରେ ବିଦେଶୀ ପକ୍ଷୀ ଯଥା ଚନ୍ଦନ ହଂସ, କାଦମ୍ବ ହଂସ, କଳା ହଂସ ଏବଂ ସାମୁଦ୍ରିକ କୁଆଙ୍କ ସଂଖ୍ୟା ଅଧିକ ଦେଖାଦିଏ। କାରଣ ଉକକୂଳ ଅଞ୍ଚଳ ଉଷ୍ଣ ଆଦ୍ରଭୂମି ହୋଇଥିବାରୁ ଜଳବାୟୁ ସାମାନ୍ୟ ଉଷ୍ମ ହୋଇଥାଏ। ଏହି ଜଳବାୟୁ ବିଦେଶୀ ପକ୍ଷୀଙ୍କୁ ସୁହାଉଥିବା ଯୋଗୁ ଏହି ଅଞ୍ଚଳଟି ସେମାନଙ୍କ ପସନ୍ଦ ଜାଗା ହୋଇଥାଏ ବୋଲି ବିଭାଗ ତରଫରୁ କୁହାଯାଇଛି।
All Right Reserved By

ବ୍ରହ୍ମପୁର

ପ୍ରେମ ବ୍ୟାପାରରୁ  ହତ୍ୟା ସନ୍ଦେହ, ଯୁବକଙ୍କ ମୃତଦେହ ଉଦ୍ଧାର

ପ୍ରେମ ବ୍ୟାପାରରୁ ହତ୍ୟା ସନ୍ଦେହ, ଯୁବକଙ୍କ ମୃତଦେହ ଉଦ୍ଧାର

ବ୍ରହ୍ମପୁର ଅଫିସ,୨୦।୧୦: ଗଞ୍ଜାମ ଜିଲା ଗୋଷାଣୀନୂଆଗାଁ ଥାନାଞ୍ଚଳ ହଳଦିଆପଦର ରେଲୱେ ଫ୍ଲାଏଓଭର ବ୍ରିଜ ନିକଟରେ ଥିବା ଏକ ନାଳରୁ ଶୁକ୍ରବାର ପୋଲିସ ଏକ ମୃତଦେହ ଉଦ୍ଧାର କରିଛି। ମୃତକହେଲେ ବଡବଜାର ଥାନା ଅଧୀନ ଧାନମେରା ସାହିର ସୋନୁ ଘଡେଇ ଓରଫ ଯଦୁ ।

ଷ୍ଟୋଭ ଫାଟି ନାବାଳିକା ଗୁରୁତର

ଷ୍ଟୋଭ ଫାଟି ନାବାଳିକା ଗୁରୁତର

ବ୍ରହ୍ମପୁର ଅଫିସ, ୧୯।୧୦-ବ୍ରହ୍ମପୁର ଲାଞ୍ଜିପଲ୍ଲୀ ଅଞ୍ଚଳର ଏକ ସାହିରେ ଶୁକ୍ରବାର ଷ୍ଟୋଭ ଫାଟି ଜଣେ ନାବାଳିକା ଗୁରୁତର ହୋଇଛନ୍ତି । ଘରେ ରୋଷେଇ ଚାଲିଥିବା ସମୟରେ ଷ୍ଟୋଭ ଫାଟିଯାଇଥିଲା ବୋଲି ପରିବାର ଲୋକେ କହିଛନ୍ତି। 

କୃଷ୍ଣସାର ମୃଗ ମୃତଦେହ ଉଦ୍ଧାର

କୃଷ୍ଣସାର ମୃଗ ମୃତଦେହ ଉଦ୍ଧାର

ଗଞ୍ଜାମ, ୧୯ା୧୦(ଡି.ଏନ.ଏ.)-ଗଞ୍ଜାମ ବ୍ଲକ ଖଣ୍ଡଦେଉଳି ପଞ୍ଚାୟତ ବାଟିମାଳ  ଗହୀରମଥା  ଅଞ୍ଚଳରେ ଏକ କୃଷ୍ଣସାର ମୃଗ ମୃତଦେହ ପଡିଥିବା ଶୁକ୍ରବାର ଦେଖିବାକୁ ମିଳିଥିଲା । ଗତ ତିତ୍‌ଲି ବାତ୍ୟା ଓ ପରବର୍ତ୍ତୀ ବନ୍ୟାରେ ମୃତ କୃଷ୍ଣସାର  ମୃଗଟି କାଦୁଅରେ ପୋତିହୋଇ ମୃତ୍ୟୁ ହୋଇଥିବା ଅନୁମାନ କରାଯାଉଛି ।

ଦୁର୍ଗାପୂଜା, ଉତ୍ସବମୁଖର ଚନ୍ଦ୍ରଗିିରି

ଦୁର୍ଗାପୂଜା, ଉତ୍ସବମୁଖର ଚନ୍ଦ୍ରଗିିରି

ଚନ୍ଦ୍ରଗିରି, ୧୯ା୧୦(ଡି.ଏନ.ଏ.)-ଦୁର୍ଗାପୂଜା ଉପଲକ୍ଷେ ଗଜପତି ଜିଲା ଚନ୍ଦ୍ରଗିରି ଅଞ୍ଚଳ ଉତ୍ସବମୁଖର ହୋଇଉଠିଛି ।  ଆଖପାଖ ଅଞ୍ଚଳରୁ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳୁଛି ।  ଏହା ବ୍ୟତୀତ ଚନ୍ଦ୍ରଗିରି, ମହେନ୍ଦ୍ରଗଡ, ଚାନ୍ଦିପୁଟ ଓ ବାଘମାରି ଅଞ୍ଚଳ ମଧ୍ୟ ମା’ଙ୍କ ପୂଜା ଲାଗି ଉତ୍ସବ ମୁଖର ହୋଇଛି ।

ଆସିକାରେ ଭ୍ରାମ୍ୟମାଣ ଏଟିଏମ୍‌ ସେବା ବ୍ୟବସ୍ଥା

ଆସିକାରେ ଭ୍ରାମ୍ୟମାଣ ଏଟିଏମ୍‌ ସେବା ବ୍ୟବସ୍ଥା

ଆସିକା, ୧୯ା୧୦(ଡି.ଏନ.ଏ.)-ଗଞ୍ଜାମ ଜିଲା ଆସିକା ଅଞ୍ଚଳରେ ଘଟି ଯାଇଥିବା ତିତ୍‌ଲି ବାତ୍ୟା ଓ ଏହା ପରବର୍ତ୍ତୀ ବନ୍ୟାରେ ବିଭିନ୍ନ ବ୍ୟାଙ୍କ ଶାଖାରେ ପାଣି ପଶି ବହୁ ଟଙ୍କା ଓ କାଗଜପତ୍ର ନଷ୍ଟ ହୋଇଯାଇଛି ।

ରମଣୀସାହିରେ ଓଷାକୋଠି ଯାତ୍ରା ଆରମ୍ଭ

ରମଣୀସାହିରେ ଓଷାକୋଠି ଯାତ୍ରା ଆରମ୍ଭ

ଶେରଗଡ, ୧୯ା୧୦(ଡି.ଏନ.ଏ.)-ଗଞ୍ଜାମ ଜିଲା ଶେରଗଡ ଗ୍ରାମସ୍ଥିତ ରମଣୀସାହିରେ ଶୁକ୍ରବାର ଓଷାକୋଠି ଯାତ୍ରା ଆରମ୍ଭ ହୋଇଛି।  ରମଣୀସାହିର ଗ୍ରାମବାସୀ ବାଦ୍ୟବାଜଣା ସହ ବିରାଟ ପଟୁଆରରେ ରାମଚଣ୍ଡୀ ଠାକୁରାଣୀଙ୍କ ପୀଠକୁ ଯାଇଥିଲେ। 

ରାଜସ୍ବ କୃଷି ବିଭାଗର କ୍ଷୟକ୍ଷତି ଆକଳନ

ରାଜସ୍ବ କୃଷି ବିଭାଗର କ୍ଷୟକ୍ଷତି ଆକଳନ

ଶେରଗଡ, ୧୯ା୧୦-ଗଞ୍ଜାମ ଜିଲା ଶେରଗଡ ବ୍ଲକ ଅନ୍ତର୍ଗତ ୨୨ ପଞ୍ଚାୟତର ୯୫ ଗ୍ରାମରେ ୯ ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ଜରିଆରେ ଗୁରୁବାର ସନ୍ଧ୍ୟାରୁ ବାତ୍ୟା ଓ ବନ୍ୟା କ୍ଷୟକ୍ଷତି ଆକଳନ କରାଯାଇଛି  । ଉକ୍ତ ଟିମ୍‌ରେ ରାଜସ୍ବ ବିଭାଗ ଓ କୃଷି ବିଭାଗ ଏବଂ ଉଦ୍ୟାନ ବିଭାଗ କର୍ମଚାରୀ ମିଳିତଭାବେ କ୍ଷୟକ୍ଷତି ଆକଳନ କରୁଛନ୍ତି  । 

ତିତ୍‌ଲି କ୍ଷତିଗ୍ରସ୍ତ ଅଞ୍ଚଳବାସୀଙ୍କୁ  ସହାୟତା, ଆଇଟିଆଇର ହେଲ୍‌ପିଙ୍ଗ ହ୍ୟାଣ୍ଡ କାର୍ଯ୍ୟକ୍ରମ

ତିତ୍‌ଲି କ୍ଷତିଗ୍ରସ୍ତ ଅଞ୍ଚଳବାସୀଙ୍କୁ ସହାୟତା, ଆଇଟିଆଇର ହେଲ୍‌ପିଙ୍ଗ ହ୍ୟାଣ୍ଡ କାର୍ଯ୍ୟକ୍ରମ

ବ୍ରହ୍ମପୁର ଅଫିସ, ୧୯ା୧୦-ତିତ୍‌ଲି ବାତ୍ୟା ଓ ଏହାର ପରବର୍ତ୍ତୀ ବନ୍ୟାରେ କ୍ଷତିଗ୍ରସ୍ତ ହୋଇଥିବା ଅଞ୍ଚଳବାସୀଙ୍କୁ ସହାୟତା କରିବା ପାଇଁ ରାଜ୍ୟ ବୈଷୟିକ ଶିକ୍ଷା ଓ ତାଲିମ ନିର୍ଦ୍ଦେଶାଳୟ ପକ୍ଷରୁ ଶୁକ୍ରବାର ହେଲ୍‌ପ୍‌ ହ୍ୟାଣ୍ଡ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।  ରାଜ୍ୟର ୧୭ ଆଇଟିଆଇର ଛାତ୍ର ଓ ଶିକ୍ଷକଙ୍କୁ ନେଇ ଏକ ୫୦ ଜଣିଆ ଟିମ୍‌ ଶୁକ୍ରବାର ଗଜପତି ଅଭିମୁଖେ ଯାତ୍ରା ଆରମ୍ଭ କରିଛନ୍ତି । 

ରାଇକିଆରେ ବିଜୟା ଦଶମୀ, ଶ୍ରଦ୍ଧାଳୁଙ୍କ ଭିଡ

ରାଇକିଆରେ ବିଜୟା ଦଶମୀ, ଶ୍ରଦ୍ଧାଳୁଙ୍କ ଭିଡ

ରାଇକିଆ, ୧୯ା୧୦(ଡି.ଏନ.ଏ.)-କନ୍ଧମାଳ ଜିଲା ରାଇକିଆ ଅଞ୍ଚଳରେ ବିଜୟା ଦଶମୀ ମହା ସମାରୋହରେ ପାଳନ କରାଯାଉଛି ।  ରାଇକିଆରେ ହୋଇଥିବା ମା’ଙ୍କ ମୃଣ୍ମୟ ମୂର୍ତ୍ତି ଦେଖିବାକୁ ଶ୍ରଦ୍ଧାଳୁଙ୍କ ଭିଡ ଦେଖିବାକୁ ମିଳିଛି ।  ଶନିବାର ମା’ଙ୍କ ବିସର୍ଜନ ଅନୁଷ୍ଠିତ ହେବ ବୋଲି ଜଣାପଡିଛି । 

ବ୍ରହ୍ମପୁର ରେଳ ଷ୍ଟେଶନ୍‌ରେ ଅଭାବନୀୟ ଘଟଣା: ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ରେଳ ଷ୍ଟେଶନ୍‌ରେ ଅଭାବନୀୟ ଘଟଣା: ବ୍ଲେଡରେ ବେକ କାଟିଲେ ବୃଦ୍ଧ

ବ୍ରହ୍ମପୁର ଅଫିସ,୧୯ା୧୦-ବ୍ରହ୍ମପୁର ରେଳ ଷ୍ଟେଶନ୍‌ରେ ଶୁକ୍ରବାର ସକାଳେ ଏକ ଅଭାବନୀୟ ଘଟଣା ଘଟିଛି । ଜଣେ ବୃଦ୍ଧା ଏକ ବ୍ଲେଡ୍‌ରେ ନିଜ ବେକକୁ କାଟି ଦେଇଥିଲେ । ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ବଡ଼ ମେଡ଼ିକାଲରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁଯାୟୀ, ଆସିକା ବ୍ଲକ ସିଦ୍ଧନଇ ପଞ୍ଚାୟତ ମହାରାଜା ଗ୍ରାମର ଟୁଙ୍ଗୁରୁ ବେହେରା ସୁରତ୍‌ରେ କାମ କରୁଛନ୍ତି । 

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦଶହରାରେ ଦାରିଙ୍ଗବାଡ଼ି ଉତ୍ସବ ମୁଖର, ମା’ ପାଟଖଣ୍ଡାଙ୍କ ପୀଠରେ ଶ୍ରଦ୍ଧାଳୁଙ୍କ ଭିଡ଼

ଦାରିଙ୍ଗବାଡ଼ି,୧୯।୧୦(ଡି.ଏନ.ଏ.)- କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଳକ ଅଞ୍ଚଳରେ ଶୁକ୍ରବାର  ଦଶହରା ପର୍ବ ବା ବିଜୟା ଦଶମୀ ବଡ଼ ଧୁମ୍‌ଧାମ୍‌ରେ ପାଳିତ ହୋଇଯାଇଛି। ଉକ୍ତ ବ୍ଳକର ଦାରିଙ୍ଗବାଡ଼ି ସମେତ ସିମନବାଡ଼ିଠାରେ ମା’ ଦୁର୍ଗାଙ୍କ ମୃଣ୍ମୟୀ ମୁର୍ତ୍ତି ସ୍ଥାପନ କରାଯାଇ ପୁଜାର୍ଚ୍ଚନା କରାଯାଉଛି। ଦଶମୀ ଦର୍ଶନ ପାଇଁ ଶ୍ରଦ୍ଧାଳୁ ମାନେ ଭିଡ଼ ଜମାଇଥିଲେ ।

ହଳଦିଆପଦରଠାରେ ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

ହଳଦିଆପଦରଠାରେ ମାଲ୍‌ବାହୀ ଟ୍ରେନ୍‌ ଲାଇନଚ୍ୟୁତ

ବ୍ରହ୍ମପୁର ଅଫିସ,୧୯।୧୦: ବ୍ରହ୍ମପୁର ଷ୍ଟେଶନ ନିକଟ ହଳଦିଆପଦର ପାଖରେ ଗୁରୁବାର ବିଳମ୍ବିତ ରାତିରେ ଏକ ମାଲ୍‌ବାହୀ ଟ୍ରେନ ଲାଇନ୍‌ଚ୍ୟୁତ ହୋଇଯାଇଛି । ଫଳରେ ବ୍ରହ୍ମପୁର ଠାରୁ ବିଶାଖାପାଟଣା ମଧ୍ୟରେ ଟ୍ର୍ରେନ ଚଳାଚଳ ପ୍ରଭାବିତ ହୋଇଛି।