ରାୟଗଡା

ନବବର୍ଷରେ ବଣଭୋଜି, ବୋଟିଂର ମଜା ଉଠାଇଲେ ପର୍ଯ୍ୟଟକ

ନବବର୍ଷରେ ବଣଭୋଜି, ବୋଟିଂର ମଜା ଉଠାଇଲେ ପର୍ଯ୍ୟଟକ

ମାଲକାନଗିରି,୧।୧(ଡି.ଏନ୍‌.ଏ.)- ମାଲକାନଗିରି ଜିଲାରେ ଥିବା ୩ଟି ପ୍ରାକୃତିକ ପର୍ଯ୍ୟଟନ ସ୍ଥଳୀରେ ନୂତନ ବର୍ଷ ଉପଲକ୍ଷେ ସୋମବାର ପ୍ରବଳ ଭିଡ଼ ଦେଖିବାକୁ ମିଳିଛି। ପ୍ରାୟ ୪୦ ହଜାରରୁ ଊର୍ଦ୍ଧ୍ୱ ପର୍ଯ୍ୟଟକ ବଣଭୋଜି ଏବଂ ନୌ ବିହାରର ମଜା ଉଠାଇଛନ୍ତି। ମାଲକାନଗିରି ସଦରଠାରୁ ୫ କିଲୋମିଟର ଦୂରରେ ଥିବା ସତୀଗୁଡ଼ା ଜଳଭଣ୍ଡାର ନିକଟରେ ଅଛି ପ୍ରାକୃତିକ ପର୍ଯ୍ୟଟନ ସ୍ଥଳୀ। ଯେଉଁଠି ସୀମାନ୍ତ ଛତିଶଗଡ଼, ଆନ୍ଧ୍ର ଓ ତେଲେଙ୍ଗାନା ରାଜ୍ୟ ସମେତ ମାଲକାନଗିରି ଜିଲା ଓ ଅନ୍ୟାନ୍ୟ ଜିଲାରୁ ପ୍ରାୟ ୧୫ ହଜାରରୁ ଊର୍ଦ୍ଧ୍ୱ ପର୍ଯ୍ୟଟକ ନିଜ ନିଜର ପରିବାର ସହ ନବ ବର୍ଷ ପାଳନ କରିଥିଲେ। ସେହିପରି ସଦର ବ୍ଲକ ଅନ୍ତର୍ଗତ ଜଦୁଗୁଡ଼ା ନିକଟସ୍ଥ ଜଉପାହାଡ଼ ପ୍ରାକୃତିକ ପର୍ଯ୍ୟଟନ ସ୍ଥଳୀ ଯାହାକି ଛତିଶଗଡ଼ ରାଜ୍ୟର ସୀମାକୁ ଲାଗି ରହିଛି । ନୂଆ ବର୍ଷ ଉପଲକ୍ଷେ ୧୦ ହଜାରରୁ ଊର୍ଦ୍ଧ୍ୱ ପର୍ଯ୍ୟଟକ ଜଦୁପାହାଡ଼, ଶୈବ ପୀଠ ପରିଦର୍ଶନ ଏବଂ ପର୍ଯ୍ୟଟନ ସ୍ଥଳୀର ମନୋରମ ଦୃଶ୍ୟ ଉପଭୋଗ କରିବା ସହ ବଣଭୋଜିର ମଜା ନେଇଥିଲେ ା ଏହି ଅବସରରେ ଜଦୁଗୁଡ଼ା ବନ ସଂରକ୍ଷଣ ସମିତି ଏବଂ ବନ ବିଭାଗର ମିଳିତ ଉଦ୍ୟମରେ ୪ଟି ପଞ୍ଚାୟତର ୬୦ରୁ ଊର୍ଦ୍ଧ୍ୱ ଯୁବକମାନେ ଶାନ୍ତିଶୃଙ୍ଗଳା ଓ ଯାନବାହନ ନିୟନ୍ତ୍ରଣ କରିଥିଲେ ା ସେହିପରି ଚିତ୍ରକୋଣ୍ଡାସ୍ଥିତ ବାଲିମେଳା ଜଳଭଣ୍ଡାରକୁ ଲାଗି ରହିଥିବା ପ୍ରାକୃତିକ ପର୍ଯ୍ୟଟନ ସ୍ଥଳୀକୁ ୧୫ ହଜାରରୁ ଊର୍ଦ୍ଧ୍ୱ ପର୍ଯ୍ୟଟକମାନେ ବଣଭୋଜି କରିବା ସହ ନୌ ବିହାରର ମଜା ଉଠାଇଛନ୍ତି ।ପ୍ରକାଶ ଥାଉ କି, ସତୀଗୁଡ଼ା ଓ ଚିତ୍ରକୋଣ୍ଡା ପ୍ରାକୃତିକ ପର୍ଯ୍ୟଟନ ସ୍ଥଳୀରେ ନୌ-ବିହାର ପାଇଁ ବନ ବିଭାଗ ପକ୍ଷରୁ ୧୬ ଟି ସ୍କୁଟର ବୋଟ, ମୋଟର ବୋଟ, ମୋଟର ଲଞ୍ଚ ଓ ପେଡେଲ ବୋଟ ଯୋଗାଇ ଦିଆଯାଇଛି । ଏହି ୩ ଗୋଟି ପର୍ଯ୍ୟଟନ ସ୍ଥଳୀରୁ ଲକ୍ଷାଧିକ ଟଙ୍କା ପର୍ଯ୍ୟଟକଙ୍କଠାରୁ ରାଜସ୍ବ ଆଦାୟ ହୋଇଥିବା ବନ ବିଭାଗ ଦାୟିତ୍ୱରେ ଥିବା କର୍ମଚାରୀଙ୍କଠାରୁ ଜଣାପଡ଼ିଛି ।



All Right Reserved By

Model This Week

ନିକିତା

ରାୟଗଡା

କୋର୍ଟରେ ଆତ୍ମସମର୍ପଣ କଲେ କୋରାପୁଟ ଏସ୍‌ସି ସେଲ୍‌ ସଭାପତି

ମାଲକାନଗିରି,୨୦।୪(ଡି.ଏନ୍‌.ଏ.): କୋରାପୁଟ ଜିଲା ବିଜେଡି ଏସ୍‌ସି ସେଲ୍‌ ସଭାପତି ରଣଜିତ ବାଘ ଶୁକ୍ରବାର ମାଲକାନଗିରି ଜିଲା ଏସ୍‌ଡିଜେଏମ୍‌ଙ୍କ କୋର୍ଟରେ ଆତ୍ମସର୍ମପଣ କରିଛନ୍ତି। ତାଙ୍କ ନାଁରେ ଓ୍ବାରେଣ୍ଟ ରହିଥିଲା। ସେ ୧୦ରୁ ଅଧିକ ଅପରାଧିକ ମାମଲାରେ ସମ୍ପୃକ୍ତ ରହିଥିବା ଜଣାପଡ଼ିଛି।

ବିପଦ ସଙ୍କୁଳ ଅବସ୍ଥାରେ ରାଜସ୍ବ ନିରିକ୍ଷକଙ୍କ କାର୍ଯ୍ୟାଳୟ

ବିପଦ ସଙ୍କୁଳ ଅବସ୍ଥାରେ ରାଜସ୍ବ ନିରିକ୍ଷକଙ୍କ କାର୍ଯ୍ୟାଳୟ

ନବରଙ୍ଗପୁର,୨୦।୪(ବି.ପ୍ର.): ନବରଙ୍ଗପୁର ଜିଲା କଳାହାଣ୍ଡି ବ୍ଲକ ଝାଡବନ୍ଧଗୁଡା ରାଜସ୍ବ ନିରୀକ୍ଷକଙ୍କ କାର୍ଯ୍ୟାଳୟ ଓ ଆବାସ ଏବେ ବିପଦ ସଙ୍କୁଳ ଅବସ୍ଥାରେ ରହିଛି। ଘର ନିର୍ମାଣର ୫ ବର୍ଷ ମଧ୍ୟରେ କାନ୍ଥ ଓ ଛାତ ଫାଟି ଆଁ କରିଛି। ରାଜସ୍ବ ବିଭାଗ ପକ୍ଷରୁ ଏହି କୋଠରିରେ ବସିବା ଓ ଅଫିସ କାର୍ଯ୍ୟ କରିବାପାଇଁ ମନା କରାଯାଇଛି।

ଦଦରା କୋଠରୀରେ ଶିଶୁଙ୍କ ଭାଗ୍ୟ

ଦଦରା କୋଠରୀରେ ଶିଶୁଙ୍କ ଭାଗ୍ୟ

ନବରଙ୍ଗପୁର,୨୦।୪(ବି.ପ୍ର.): ନବରଙ୍ଗପୁର ଜିଲା ନନ୍ଦାହାଣ୍ଡି ବ୍ଲକ ଉସୁରୀ ପଦର ଗାଁରେ ନିର୍ମାଣାଧୀନ ଅଙ୍ଗନବାଡି କେନ୍ଦ୍ର ହସ୍ତାନ୍ତର ପୂର୍ବରୁ କାନ୍ଥରେ ଫାଟ ହେବା ସହ ମୂଳଦୁଆ ଓ ପିଲାରରୁ ସିମେଣ୍ଟ ଖସି ଯାଇଛି।

କାଜୁ ବଗିଚାକୁ ନେଇ ୨ ଗାଁ ମଧ୍ୟରେ  ବିବାଦ

କାଜୁ ବଗିଚାକୁ ନେଇ ୨ ଗାଁ ମଧ୍ୟରେ ବିବାଦ

ନବରଙ୍ଗପୁର,୨୦।୪(ବି.ପ୍ର.): ଏବେ କାଜୁ ଅମଳ ସମୟ । କାଜୁ ବଗିଚାକୁ ନେଇ ଗାଁ ମଧ୍ୟରେ ବିବାଦ ଲାଗି ରହୁଛି । ଜମିଜମାକୁ ନେଇ ଅଭିଯୋଗ ହେବା ପରେ ରାଜସ୍ବ ବିଭାଗ ପକ୍ଷରୁ ସମାଧାନ କରାଯାଉ ନଥିବାରୁ ବିବାଦ ବୃଦ୍ଧି ପାଇବାରେ ଲାଗୁଛି । ଏପରକି କାଜୁ ବଗିଚାକୁ ନେଇ ୨ ଗାଁ ମଧ୍ୟରେ ଗଣ୍ଡଗୋଳ ମଧ୍ୟ ହେଉଛି। ଏଭଳି ଘଟଣା ଘଟିଛି ନବରଙ୍ଗପୁର ଜିଲା ତେନ୍ତୁଳିଖୁଣ୍ଟି ବ୍ଲକ ଅଞ୍ଚଳଗୁମ୍ମା ପଞ୍ଚାୟତ ଅଧିନ ଉମରି ଗାଁରେ । ଘଟଣାର ସମାଧାନ ପାଇଁ ଉମରି ଗ୍ରାମବାସୀ ଜିଲାପାଳଙ୍କୁ ଭେଟିବାକୁ ଗୁରୁବାର ଆସିଥିଲେ। ଜିଲାପାଳ ଝରିଗାଁ ଠାରେ ଆମ ଗାଁ ଆମ ବିକାଶ କାର୍ଯ୍ୟକ୍ରମକୁ ଯାଇଥିବାରୁ ଗ୍ରାମବାସୀ ସାକ୍ଷାତ କରି ନ ପାରି ଗାଁକୁ ଫେରି ଯାଇଥିଲେ।

୩ ଦିନ ହେଲା ବିଶାଖାପାଟଣାରୁ ଆସିପାରୁନି ମୃତଦେହ

ନବରଙ୍ଗପୁର,୨୦। ୪(ବି.ପ୍ର.): ନବରଙ୍ଗପୁର ଜିଲା କୋଷାଗମୁଡା ବ୍ଲକ ଚଟାହାଣ୍ଡି ଗାଁର ମିତାଇ ଚଣ୍ଡାଳଙ୍କ ବିଶାଖାପାଟଣାରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି। ତେବେ ସେଠାରୁ ମୃତଦେହ ଆସି ପାରୁ ନାହିଁ। ୩ ଦିନ ହେବ ମୃତଦେହ ପଡି ରହିଛି । ବିଶାଖାପାଟଣା ସ୍ଥିତ ଡାକ୍ତରଖାନା କର୍ତ୍ତୃପକ୍ଷ ଓ ପୋଲିସ ନବରଙ୍ଗପୁର ପ୍ରଶାସନ କିମ୍ବା ପୋଲିସର ଅପେକ୍ଷାରେ ରହିଛନ୍ତି । ତେବେ ଆନ୍ଧ୍ର ଓ ନବରଙ୍ଗପୁର ଜିଲା ପ୍ରଶାସନ ପକ୍ଷରୁ କୌଣସି ସହାୟତା ପରିବାର ଲୋକଙ୍କୁ ମିଳୁ ପାରୁନାହିଁ । ଏଭଳି ସ୍ଥିତିରେ ୩ ଦିନ ହେବ ବିଶାଖାପାଟଣାରେ ମୃତଦେହ ପଡି ରହିଥିବା ବେଳେ ପରିବାର ଲୋକ ଚିନ୍ତାରେ ରହିଛନ୍ତି।

ଆବାସ ଘରେ ଲକ୍ଷ୍ମୀପାଦ ରଖିଲେ କମଳା

ଆବାସ ଘରେ ଲକ୍ଷ୍ମୀପାଦ ରଖିଲେ କମଳା

ଜୟପୁର,୨୦।୪(ନି.ପ୍ର./ଡି.ଏନ୍‌.ଏ.): ଦୁର୍ଲଭ ଦେଶୀଧାନର ଜଣେ ସଂଗ୍ରାହକ ଓ ସଂରକ୍ଷଣକାରୀ ଭାବେ ପରିଚିତ ଥିବା କମଳା ପୂଜାରୀ ଦୀର୍ଘଦିନ ହେଲା ଚାଳଛପର ଘରେ ରହିଆସୁଥିଲେ। ତେଣୁ ଆବାସ ଘରଟିଏ ପାଇଁ ସେ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଥିଲେ। ସରକାର ତାଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରିବା ପରେ ନୂତନ ଗୃହରେ ଗୁରୁବାର ପାଦ ରଖିଛନ୍ତି କମଳା। ପୂଜାବିଧି ସହ ସେ ଗୃହ ପ୍ରବେଶ କରିଛନ୍ତି। ତାଙ୍କର ଏହି ଖୁସିରେ ଜିଲା ପ୍ରଶାସନର ଅଧିକାରୀ ମଧ୍ୟ ସାମିଲ ହୋଇଥିଲେ।

ଜାତୀୟ ସବ୍‌ଜୁନିୟର କରାଟେରେ ଭାଗନେବେ ଉତ୍କଳ କରାଟେ ସ୍କୁଲର ୭ ଖେଳାଳି

ଜାତୀୟ ସବ୍‌ଜୁନିୟର କରାଟେରେ ଭାଗନେବେ ଉତ୍କଳ କରାଟେ ସ୍କୁଲର ୭ ଖେଳାଳି

ସେମିଳିଗୁଡ଼ା,୨୦।୪(ସ୍ବ.ପ୍ର.): କୋରାପୁଟ ଜିଲା ସୁନାବେଡ଼ା ଓ ସେମିଳିଗୁଡ଼ା ଉତ୍କଳ କରାଟେ ସ୍କୁଲର ୭ ଜଣ ଓଡ଼ିଶା ଦଳରେ ସ୍ଥାନ ପାଇ ଦିଲ୍ଲୀରେ ହେବାକୁ ଥିବା ଜାତୀୟ ସବ୍‌ଜୁନିୟର କରାଟେ ପ୍ରତିଯୋଗିତାରେ ଖେଳିବାକୁ ମନୋନୀତ ହୋଇଛନ୍ତି। ଏମାନେ ହେଲେ ଶୁଭ୍ରାଂଶୁ ଦାସ, ଦୀପ୍ତିନାମ ଦେବ, ଆରିୟନ ପଟ୍ଟନାୟକ, ପ୍ରତୀକ ଦାଶ, ଚନ୍ଦକା ଯୁବରାଜ, ଆଦିତି ସହିତା। ଏଥିପାଇଁ ସେମାନଙ୍କୁ ଗୁରୁବାର ଭବ୍ୟ ସମ୍ବର୍ଦ୍ଧନା ଦିଆଯାଇଛି। ଏହି କାର୍ଯ୍ୟକ୍ରମରେ ହାଲ୍‌ ପ୍ରଭାଗର ପ୍ରଣତି ଦେବୀ ମୁଖ୍ୟ ଅତିଥି, ଏଡିଏଭି ହାଇସ୍କୁଲର ପ୍ରଧାନଶିକ୍ଷକ ସମ୍ମାନିତ ଅତିଥି, ଉତ୍କଳ କରାଟେ ସ୍କୁଲର ସଭାପତି ଯୋଗ ଦେଇଥିଲେ। ପ୍ରତିଯୋଗିତା ଆସନ୍ତା ୨୦ରୁ ୨୩ ପର୍ଯ୍ୟନ୍ତ ଅନୁଷ୍ଠିତ ହେବ। କୋଚ ରାଜେନ୍ଦ୍ର ସାମଲ, ଆନନ୍ଦ ଚନ୍ଦ୍ର ବିହାରୀ ମଧ୍ୟ ଶୁଭେଚ୍ଛା ଜଣାଇଛନ୍ତି। ଖେଳାଳିଙ୍କ ସହ ଜାତୀୟ ରେଫ୍‌ରି ମହେଶ ବରାଳ ଗସ୍ତ କରିବେ।

ବିପଦସଙ୍କୁଳ ଅବସ୍ଥାରେ ସ୍କୁଲ ଯାଉଛନ୍ତି ପିଲା

ଜେକେପୁର/ରାୟଗଡା ଅଫିସ୍‌, ୨୦।୪(ଡି.ଏନ୍‌.ଏ): ଛାତ୍ରୀଛାତ୍ରଙ୍କୁ ଗୁଣାତ୍ମକ ଶିକ୍ଷା ଦେବାପାଇଁ ପ୍ରତି ବ୍ଲକ୍‌ରେ ଖୋଲାଯାଇଛି ଆଦର୍ଶ ବିଦ୍ୟାଳୟ। ତେବେ ଆବଶ୍ୟକୀୟ ଭିତ୍ତିଭୂମିର ଅଭାବ ଯୋଗୁ ନା ନା ସମସ୍ୟା ଦେଇ ଏହା ଗତି କରୁଛି । କେଉଁଠି ଆବଶ୍ୟକୀୟ ସଂଖ୍ୟକ ଶିକ୍ଷକ ନାହାନ୍ତି ତ ଅନେକ ସ୍ଥାନରେ ହଷ୍ଟେଲ ନଥିବାରୁ ହନ୍ତସନ୍ତ ହେଉଛନ୍ତି ଛାତ୍ରୀଛାତ୍ର। ସେହିପରି ଏକ ଚିତ୍ର ଦେଖିବାକୁ ମିଳିଛି କୋଲନରା ବ୍ଲକ୍‌ ସଦର ଆଦର୍ଶ ବିଦ୍ୟାଳୟରେ। ଏଠାରେ ଛାତ୍ରୀଛାତ୍ରଙ୍କ ରହିବା ପାଇଁ ଏଯାଏଁ ହଷ୍ଟେଲ ବ୍ୟବସ୍ଥା ହୋଇ ନଥିବାରୁ ପିଲାମାନେ ନିଜ ନିଜ ଗଁ।କୁ ଯିବା ଆସିବା କରୁଛନ୍ତି। କେହି ୫କି.ମି ଦୂରରୁ ତ ଆଉ କିଏ ୨୦କି.ମି ଦୂରରୁ ନିଜ ନିଜ ଖର୍ଚ୍ଚରେ ପାଠ ପଢ଼ିବା ପାଇଁ ଯିବା ଆସିବା କରୁଛନ୍ତି। ଖର୍ଚ୍ଚ କମ୍‌ କରିବା ଆଶାରେ ଅଭିଭାବକମାନେ ଗୋଟିଏ ଅଟୋରେ ଆବଶ୍ୟକତା ଠାରୁ ଅଧିକ ପିଲାଙ୍କୁ ବସାଇ ସ୍କୁଲକୁ ପଠାଉଛନ୍ତି।

ଅଧାରୁ ପାଠ ଛାଡିଥିବା ପିଲା ପୁଣିଥରେ ପଢ଼ିବେ

କାଲିମେଳା,୨୦।୪(ଡି.ଏନ.ଏ): ମାଲକାନଗିରି ଜିଲା କାଲିମେଳା ବ୍ଲକର ବିଭିନ୍ନ ପଞ୍ଚାୟତରେ ଅଧାରୁ ପାଠପଢା ଛାଡିଥିବା ୮ ଜଣ ଆଦିବାସୀ ଛାତ୍ରୀଛାତ୍ରଙ୍କୁ କାଲିମେଳା ଚାଇଲ୍ଡ ଲାଇନ ପକ୍ଷରୁ ଉଦ୍ଧାର କରାଯାଇ ଜିଲ୍ଲା ଶିଶୁ ସୁରକ୍ଷା ସମିତି ନିକଟରେ ହାଜର କରାଯାଇଥିଲା। ସେମାନଙ୍କୁ ପୁଣି ଥରେ ପାଠ ପଢିବା ପାଇଁ ବ୍ୟବସ୍ଥା କରାଯାଇଥିବା ଜଣାପଡିଛି । ସୂଚନା ଅନୁଯାୟୀ କାଲିମେଳା ବ୍ଲକ ଅନ୍ତର୍ଗତ ଗୁମୁକା ପଞ୍ଚାୟତର ତାଟିଗୁଡା ଗ୍ରାମର ଗଙ୍ଗା ପଡିଆମିଙ୍କ ପୁଅ ରବି ପଡିଆମି(୧୦)ଭୀମା ମାଡକାମିଙ୍କ ଝିଅ ରଶ୍ମିତା ମାଡକାମି (୭)ରାମଗୁଡା ଗ୍ରାମର ପଦିଆ ସୋଡିର ବାଦଲ (୧୧)ଓ ମଣ୍ଟୁ (୭) ଗୁମ୍ଫାକୋଣ୍ଡା ପଞ୍ଚାୟତ ଏମଭି-୬୬ ଗ୍ରାମର ମହାଦେବ ସରକାରଙ୍କ ପୁଅ ପ୍ରତାପ (୧୨) ଓ ଝିଅ ସୁଜାତା ସରକାର (୯) ଓଡିଶିଗୁଡା ଗ୍ରାମର ଇର୍ମା ସୋଡି ପୁଅ ମଙ୍ଗଲୁ ସୋଡି (୬) ଓ ଗଙ୍ଗା ସୋଡିଙ୍କ ପୁଅ ସୁବାଷ ସୋଡି (୭)।

କୋଡିଙ୍ଗାମାଳି ରାସ୍ତାରୁ ହଟୁନି ଅବରୋଧ

କୋଡିଙ୍ଗାମାଳି ରାସ୍ତାରୁ ହଟୁନି ଅବରୋଧ

ଲକ୍ଷ୍ମୀପୁର,୨୦।୪(ଡି.ଏନ୍‌.ଏ.): ରାଜ୍ୟ ସରକାର ଲକ୍ଷ୍ମୀପୁର ଥାନା ଅଧୀନସ୍ଥ କୋଡିଙ୍ଗାମାଳି ବକ୍ସାଇଟ୍‌ ଖଣି ଖନନ ପାଇଁ ଓଏମ୍‌ସି ମାଧ୍ୟମରେ ଏକ କମ୍ପାନିକୁ ଦାୟିତ୍ୱ ଦେଇଥିଲେ। କିଛିଦିନ ତଳେ ଖଣି ଖୋଳୁଥିବା କମ୍ପାନିର ଏକ ଭଲଭୋ ଗାଡ଼ିକୁ କେହି ଦୁର୍ବୃତ୍ତ ପୋଡ଼ି ଦେଇଥିଲେ। ଏଥିପାଇଁ ଚମ୍ପି ସମିତିସଭ୍ୟ ବଳଭଦ୍ର ମୁଦୁଲିଙ୍କୁ ଦାୟୀକରି ପୋଲିସ ତାଙ୍କୁ ଘରେ ଶୋଇଥିବା ଅବସ୍ଥାରେ ଉଠାଇନେଇ ଗତ ସୋମବାର କୋର୍ଟ ଚାଲାଣ କରିଥିଲା।

କାର୍ଯ୍ୟକାରୀ ହେବ ସପ୍ତଧାରା ପ୍ରକଳ୍ପ: ୧୮ ହଜାର ହେକ୍ଟର ଜମିରେ ଜଳସେଚନ ସୁବିଧା

ମାଥିଲି,୨୦। ୪ (ଡି.ଏନ.ଏ): ଚିତ୍ରକୋଣ୍ତା ବିଧାୟକ ଡମ୍ବରୁ ଶିଶା ରାଜ୍ୟ ଜଳ ସମ୍ପଦ ବିଭାଗ ମନ୍ତ୍ରୀଙ୍କୁ କିଛି ଦିନ ତଳେ ସପ୍ତଧାରା ପ୍ରକଳ୍ପ ସ୍ଥିତି ସମ୍ପର୍କରେ ଜାଣିବା ପାଇଁ ଚିଠି ଲେଖିଥିଲେ । ମାଲକାନଗିରି ଜିଲା ଗୋବିନ୍ଦପାଲି ପଞ୍ଚାୟତରେ ଏହି ପ୍ରକଳ୍ପ କାର୍ଯ୍ୟକାରୀ ହେଲେ ଜିଲାର ୪ ବ୍ଲକରେ ୧୮ ହଜାର ହେକ୍ଟର ଚାଷ ଜମିରେ ଜଳସେଚନର ବ୍ୟବସ୍ଥା ହୋଇପାରିବ ବୋଲି ଚିଠିର ଉତ୍ତରରେ ମତ ରଖିଛନ୍ତି ଜଳ ସମ୍ପଦ ମନ୍ତ୍ରୀ ନିରଞ୍ଜନ ପୂଜାରୀ।

ପୁଅକୁ ଖୋଜିବାକୁ ଯାଇ ବାପା ୮ ବର୍ଷ ତଳୁ ନିଖୋଜ

ରାୟଗଡା ଅଫିସ୍‌, ୨୦।୪: ରାୟଗଡା ଜିଲାରେ ଅଧିକାଂଶ ଲୋକ ଦାଦନ ଖଟିବାକୁ ବାହାର ରାଜ୍ୟକୁ ଯାଉଛନ୍ତି ।ଏମିତି କି ଅନେକ ଲୋକ ଦାଦନ ଖଟିବାକୁ ଯାଇ ନିର୍ଯାତନାର ଶିକାର ହେଉଛନ୍ତି । ଆଉ ବର୍ଷ ବର୍ଷ ଧରି ଅନେକଙ୍କ ଖୋଜ ଖବର ମଧ୍ୟ ମିଳୁନି। ସେହିପରି ଦାଦନ ଖଟିବାକୁ ଯାଇଥିବା କାଶୀପୁର ବ୍ଲକର ଜଣେ ଯୁବକଙ୍କୁ ତାଙ୍କ ବାପା ଖୋଜିବାକୁ ଯାଇ ଆଉ ପତ୍ତା ମିଳୁନି। ଫଳରେ ପରିବାର ଲୋକେ ୮ ବର୍ଷ ହେଲାଣି ଚିନ୍ତାରେ ରହିଛନ୍ତି । ହେଲେ ଏ ସମ୍ପର୍କରେ ଶ୍ରମ ବିଭାଗ ନିକଟରେ କୌଣସି ସୂଚନା ନ ଥିବା ଜଣାଯାଇଛି ।