ଅନ୍ତର୍ଜାତୀୟ |

ବୋକୋ ହରାମ୍‌ ବର୍ବରତା: ୪ ବର୍ଷରେ ୫,୨୪୭ଜଣଙ୍କୁ ହତ୍ୟା

ବୋକୋ ହରାମ୍‌ ବର୍ବରତା: ୪ ବର୍ଷରେ ୫,୨୪୭ଜଣଙ୍କୁ ହତ୍ୟା

ଆବୁଜା,୧।୧: ନାଇଜେରିଆରେ କାର୍ଯ୍ୟ କରୁଥିବା ଆତଙ୍କବାଦୀ ସଂଗଠନ ବୋକୋ ହରାମ୍‌ର ବର୍ବରତା ନେଇ ଅନ୍ତର୍ଜାତୀୟ ସମୁଦାୟଙ୍କ ଚିନ୍ତା ବଢ଼ିବାରେ ଲାଗିଛି। ଗତ ୪ ବର୍ଷ ମଧ୍ୟରେ ଏହି ଆତଙ୍କବାଦୀ ସଂଗଠନ ୫,୨୪୭ ଜଣଙ୍କୁ ହତ୍ୟା କରିଥିବା ରିପୋର୍ଟ ପ୍ରକାଶ ପାଇଛି। ନାଇଜେରିଆ ଉତ୍ତର ଅଞ୍ଚଳରେ ଥିତ୍ବା ଆଦାମାଓ୍ବା ସହର ପ୍ରଶାସନ ପକ୍ଷରୁ ଏହି ରିପୋର୍ଟ ପ୍ରସ୍ତୁତ କରାଯାଇଛି। ୨୦୧୩ରୁ ୨୦୧୭ ମଧ୍ୟରେ ବୋକୋ ହରାମ୍‌ ମାଦାଗାଲି, ମିଚିକା, ମାଇହ୍ବା, ମୁବିର ଉତ୍ତର ଓ ଦକ୍ଷିଣ ଅଞ୍ଚଳ, ହଙ୍ଗ ତଥା ଗୋମ୍ବି ଆଦି ଅଞ୍ଚଳରେ ଅମାନୁଷିକ ଭାବେ ହତ୍ୟାକାଣ୍ଡ କରାଯାଇଥିବା ରିପୋର୍ଟରେ ଦର୍ଶାଯାଇଛି। ଏହି ଘଟଣାରେ ୫,୧୬୧ ଜଣ ଆହତ ହୋଇଥିବା ଆଦାମାଓ୍ବା ପରିଷଦର ଅଧ୍ୟକ୍ଷ ଆବୁବେକର ମାଗାଜି ଓ ସାଧାରଣ ସମ୍ପାଦକ ଇସମାଇଲ୍‌ ଉମାରୁ ସୂଚିତ କରିଛନ୍ତି। ବୋକୋ ହରାମ୍‌ ଦ୍ୱାରା ହୋଇଥିବା ଆକ୍ରମଣରେ ୧୨,୭୩୨ ବାସସ୍ଥାନ, ଶିକ୍ଷାନୁଷ୍ଠାନ ସମେତ ଅନେକ ମସଜିଦ୍‌ ଧ୍ୱଂସ ହୋଇଥିବା ରିପୋର୍ଟରେ କୁହାଯାଇଛି। ମୋଟ୍‌ ୮୧.୬ ବିଲିୟନ୍‌ ଡଲାରର କ୍ଷୟକ୍ଷତି ହୋଇଥିବା ଆକଳନ କରାଯାଉଛି। ଏହି ଆତଙ୍କବାଦୀ ସଂଗଠନ ନାଇଜେରିଆର ଆଦାମାଓ୍ବା, ର୍ବୋନୋ, ୟୋବୋ ଆଦି ରାଜ୍ୟରେ ଅତ୍ୟାଚାର ଜାରି ରଖିଥିବା ରିପୋର୍ଟରେ କୁହାଯାଇଛି। ବୋକୋ ହାରାମ୍‌ର ଏଭଳି କାର୍ଯ୍ୟକଳାପ ନେଇ ଜାତିସଂଘ ପକ୍ଷରୁ ଉଦ୍‌ବେଗ ପ୍ରକାଶ ପାଇଛି।

All Right Reserved By

Model This Week

ନିକିତା

ଅନ୍ତର୍ଜାତୀୟ |

ଉତ୍ତରକୋରିଆ-ଦକ୍ଷିଣକୋରିଆ ହଟ୍‌ଲାଇନ୍‌ ଆରମ୍ଭ

ଉତ୍ତରକୋରିଆ-ଦକ୍ଷିଣକୋରିଆ ହଟ୍‌ଲାଇନ୍‌ ଆରମ୍ଭ

ସିଓଲ, ୨୦।୪ : ଉତ୍ତରକୋରିଆ-ଦକ୍ଷିଣକୋରିଆ ମଧ୍ୟରେ ଶୁକ୍ରବାର ହଟ୍‌ଲାଇନ୍‌ ସେବା ଆରମ୍ଭ ହୋଇଛି। ଦୁଇଦେଶର ରାଷ୍ଟ୍ରପତି କିମ୍‌ ଜୋଙ୍ଗ୍‌-ଉନ୍‌ ଓ ମୁନ୍‌ ଜେ-ଇନ୍‌ ଏହାକୁ ଆରମ୍ଭ କରିଛନ୍ତି। ଦୁଇନେତାଙ୍କ ମଧ୍ୟରେ କେବେ ସାକ୍ଷାତ ହେବ ସେନେଇ କୌଣସି ଦିନ ଧାର୍ଯ୍ୟ କରାଯାଇ ନାହିଁ।

ଶତ୍ରୁ ହେବେ ମିତ୍ର: କିମ୍‌ଙ୍କୁ ସାକ୍ଷାତ କରିବେ ଟ୍ରମ୍ପ୍‌

ଶତ୍ରୁ ହେବେ ମିତ୍ର: କିମ୍‌ଙ୍କୁ ସାକ୍ଷାତ କରିବେ ଟ୍ରମ୍ପ୍‌

ଓ୍ବାଶିଂଟନ, ୨୦।୪ : ରାଷ୍ଟ୍ରପ୍ରତି କିମ୍‌ ଜୋଙ୍ଗ୍‌-ଉନ୍‌ଙ୍କୁ ସାକ୍ଷାତ କରିବା ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ୍‌ ଟ୍ରମ୍ପ୍‌ ବିଶେଷ ଦୂତଙ୍କୁ ଉତ୍ତରକୋରିଆ ପଠାଇଛନ୍ତି। ଏହାକୁ ନେଇ ଅନ୍ତର୍ଜାତୀୟ ସମୁଦାୟ ମଧ୍ୟରେ ସକାରାତ୍ମକ ପ୍ରତିକ୍ରିୟା ସୃଷ୍ଟି ହୋଇଛି। ଏନେକ ଏହାଦ୍ୱାରା ବିଶ୍ୱଶାନ୍ତିର ପଥ ଉନ୍ମୁକ୍ତ ହେବ ବୋଲି କହୁଥିବା ଜଣାପଡିଛି।

ପୂର୍ଣ୍ଣ ଆଣବିକ ନିରସ୍ତ୍ରୀକରଣ ଚାହେଁ ଦକ୍ଷିଣକୋରିଆ: ମୁନ୍‌

ପୂର୍ଣ୍ଣ ଆଣବିକ ନିରସ୍ତ୍ରୀକରଣ ଚାହେଁ ଦକ୍ଷିଣକୋରିଆ: ମୁନ୍‌

ସିଓଲ, ୧୯।୪ : ଦକ୍ଷିଣକୋରିଆ ପୂର୍ଣ୍ଣ ଆଣବିକ ନିରସ୍ତ୍ରୀକରଣ ଚାହେଁ ବୋଲି ରାଷ୍ଟ୍ରପ୍ରତି ମୁନ୍‌ ଜେ-ଇନ୍‌ ଗୁରୁବାର ସୂଚିତ କରିଛନ୍ତି। ଉତ୍ତରକୋରିଆ ସହିତ ସମ୍ପର୍କରେ କ୍ରମଶଃ ସୁଧାର ହେଉଛି ଏବଂ ତାହାର ସୁଫଳ ଆଗାମୀ ଦିନରେ ମିଳିବ। ଦୁଇ କୋରିଆ ରାଷ୍ଟ୍ରଙ୍କ ମଧ୍ୟରେ ଏନେଇ ମିଳିତ ବୈଠକ ଊଦ୍ୟମ କରାଯାଉଥିବା ମୁନ୍‌ କହିଛନ୍ତି।

ପବନରେ ଜହର: ପ୍ରଦୂଷିତ ବାୟୁ ଦ୍ୱାରା ବ୍ୟତିବ୍ୟସ୍ତ ୯୫ ପ୍ରତିଶତ ଜନସଂଖ୍ୟା

ପବନରେ ଜହର: ପ୍ରଦୂଷିତ ବାୟୁ ଦ୍ୱାରା ବ୍ୟତିବ୍ୟସ୍ତ ୯୫ ପ୍ରତିଶତ ଜନସଂଖ୍ୟା

ନୂଆଦିଲ୍ଲୀ/ଓ୍ବାଶିଂଟନ, ୧୯।୪ : ବିଶ୍ୱର ୯୫ ପ୍ରତିଶତ ଜନସଂଖ୍ୟା ପ୍ରଦୂଷିତ ବାୟୁ ଦ୍ୱାରା ବ୍ୟତିବ୍ୟସ୍ତ। ଏନେଇ ଆମେରିକା ହେଲଥ୍‌ ଇଫେକ୍ଟସ୍‌ ପ୍ରତିଷ୍ଠାନ ପକ୍ଷରୁ ସମ୍ପନ୍ନ ହୋଇଥିବା ଏକ ସର୍ଭେ ରିପୋର୍ଟରେ ସୂଚିତ କରାଯାଇଛି। ୨୦୧୬ରେ ପ୍ରଦୂଷିତ ବାୟୁ ଯୋଗୁ ପ୍ରାୟ ୬୦ ଲକ୍ଷ ଲୋକଙ୍କର ମୃତ୍ୟୁ ହୋଇଥିବା ଏହି ରିପୋର୍ଟରେ ଦର୍ଶାଯାଇଛି।

ମଲାଲାଙ୍କ ନାଁରେ ନାମିତ ହେଲା ପାକିସ୍ତାନର ଗାଁ

ମଲାଲାଙ୍କ ନାଁରେ ନାମିତ ହେଲା ପାକିସ୍ତାନର ଗାଁ

ରାଓ୍ବଲପିଣ୍ଡି,୧୯।୪: ପାକିସ୍ତାନର ରାଓ୍ବଲପିଣ୍ଡି ଜିଲାର ଏକ ଗାଁ ଏବେ ନୋବେଲ ବିଜେତା ମଲାଲା ୟୁସୁଫ ଜଇଙ୍କ ନାଁରେ ନାମିତ କରାଯାଇଛି। ସମାଜସେବୀ ବସିର ମଲ୍ଲିକ ଟୁଇଟର ମାଧ୍ୟମରେ ଏହି ସୂଚନା ଦେଇଛନ୍ତି। ସୂଚନାଯୋଗ୍ୟ, ୬ ବର୍ଷ ବିଦେଶରେ ରହିବା ପରେ ଗତ ମାସରେ ମଲାଲା ପାକିସ୍ତାନ ଭ୍ରମଣରେ ଆସିଥିଲେ।

୩୨ ହଜାର ଫୁଟରେ ରହି ସାହସ ଦେଖାଇଲେ ମହିଳା ପାଇଲଟ

୩୨ ହଜାର ଫୁଟରେ ରହି ସାହସ ଦେଖାଇଲେ ମହିଳା ପାଇଲଟ

ଓ୍ବାଶିଂଟନ,୧୯।୪: ନ୍ୟୁୟର୍କରୁ ଡେଲାସ୍‌ ଅଭିମୁଖେ ଯାଉଥିବା ସାଉଥ୍‌ଓ୍ବେଷ୍ଟ ଏୟାର ଲାଇନ୍ସର ଏକ ବିମାନରେ ବିସ୍ଫୋରଣ ଘଟିଥିବା ବେଳେ ମହିଳା ପାଇଲଟଙ୍କ ସାହସିକତା ଯୋଗୁ ଯାତ୍ରୀମାନେ ସୁରକ୍ଷିତ ଥିବା ଜଣାପଡିଛି।

୬ ଦଶକ ପରେ କାସ୍ତ୍ରୋ ଯୁଗ ସମାପ୍ତି: ମିଗେଲ ଡିୟାଜ୍‌ଙ୍କ ହାତରେ ଶାସନ ଡୋର

୬ ଦଶକ ପରେ କାସ୍ତ୍ରୋ ଯୁଗ ସମାପ୍ତି: ମିଗେଲ ଡିୟାଜ୍‌ଙ୍କ ହାତରେ ଶାସନ ଡୋର

ଜାମାଇକା, ୧୯।୪ : ଦୀର୍ଘ ୬ ଦଶକ ଧରି କ୍ୟୁବାରେ କାସ୍ତ୍ରୋ ପରିବାରର ଏକଚାଟିଆ ଶାସନ ଶେଷ ହୋଇଛି। ରାଷ୍ଟ୍ରପତି ପଦରୁ ରାଉଲ କାସ୍ତ୍ରୋ ଇସ୍ତଫା ଦେଇଛନ୍ତି। ତାଙ୍କର ବିଶ୍ୱସ୍ତ ସହକର୍ମୀ ମିଗେଲ୍‌ ଡିୟାଜ୍‌ କନେଲ ନୂଆ ରାଷ୍ଟ୍ରପତି ଭାବେ ଦାୟିତ୍ୱ ଗ୍ରହଣ କରିଛନ୍ତି। କ୍ୟୁବା ସଂସଦ ମିଗେଲଙ୍କ ନାମକୁ ସମର୍ଥନ କରିଛି।

୩୫ ବର୍ଷ ପରେ ସୌଦୀରେ ଖୋଲିବ ସିନେମା ହଲ: ଶୁକ୍ରବାର ପ୍ରଥମ ଶୋ’

୩୫ ବର୍ଷ ପରେ ସୌଦୀରେ ଖୋଲିବ ସିନେମା ହଲ: ଶୁକ୍ରବାର ପ୍ରଥମ ଶୋ’

ରିୟାଦ୍‌, ୧୯।୪ : ସୌଦୀରେ ଦୀର୍ଘ ୩୫ ବର୍ଷ ପରେ ଶୁକ୍ରବାର ପ୍ରଥମ ସିନେମା ହଲ୍‌ ଉଦ୍‌ଘାଟିତ ହେବ। ଏହା ସହିତ ପ୍ରଥମ ଶୋ’ ପ୍ରଦର୍ଶିତ ହେବ। ସୌଦୀର ମୌଳବାଦୀ ଶାସକ ସିନେମା ହଲ୍‌ ସ୍ଥାପନ ଉପରେ ଦୀର୍ଘଦିନର ନିଷେଦ୍ଧାଜ୍ଞା ହଟାଇବା ପରେ ଏହା ସମ୍ଭବ ହୋଇଛି। ଏହି ସିନେମା ହଲ୍‌କୁ ଆମେରିକା କମ୍ପାନୀ ଏଏମ୍‌ସି ନିର୍ମାଣ କରିଛି।

ଇଣ୍ଡୋନେସିଆରେ ଭୂକମ୍ପ

ଇଣ୍ଡୋନେସିଆରେ ଭୂକମ୍ପ

ଜାକର୍ତ୍ତା, ୧୯।୪ : ଇଣ୍ଡୋନେସିଆ କେନ୍ଦ୍ରୀୟ ଜାଭାର ବଞ୍ଜରନେଗର ଜିଲାରେ ଭୂକମ୍ପ ଅନୁଭୁତ ହୋଇଛି। ରିକ୍ଟର ସ୍କେଲରେ ଏହାର ତୀବ୍ରତା ୪.୪ ଥିଲା ବୋଲି ଆମେରିକା ଭୂବିଜ୍ଞାନ ସଂସ୍ଥା ପକ୍ଷରୁ ସୂଚିତ କରାଯାଇଛି। ଏହି ଘଟଣାରେ ୨ ଜଣଙ୍କ ମୃତ୍ୟୁ ଘଟିଥିବାବେଳେ ୨୦ରୁ ଅଧିକ ଲୋକ ଆହତ ହୋଇଛନ୍ତି।

ଦିନକୁ ୨ କିଲୋ ଗାଳି ଖାଉଥିବାରୁ ମୋଦି ଫିଟ୍‌

ଦିନକୁ ୨ କିଲୋ ଗାଳି ଖାଉଥିବାରୁ ମୋଦି ଫିଟ୍‌

ନୂଆଦିଲ୍ଲୀ/ଓ୍ବାଶିଂଟନ,୧୯।୪: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫିଟ୍‌ନେସ୍‌କୁ ନେଇ ଅନେକ ସମୟରେ ଉଠିଛି ପ୍ରଶ୍ନ। ନିୟମିତ ଯୋଗ କରି ସେ ଫିଟ୍‌ ଥିବା ଆଲୋଚନା ହେଉଥିବା ବେଳେ ଏବେ ଏହାର ରାଜ୍‌ ଖୋଲିଛନ୍ତି ନିଜେ ପ୍ରଧାନମନ୍ତ୍ରୀ।

ଏସିଡ୍‌ ଆକ୍ରମଣ: ୩ ଯୁବତୀ ଆହତ

ଏସିଡ୍‌ ଆକ୍ରମଣ: ୩ ଯୁବତୀ ଆହତ

ଇସଲାମାବାଦ୍‌, ୧୯।୪ : ପାକିସ୍ତାନ ପଞ୍ଜାବ ପ୍ରଦେଶ ଡାଙ୍ଗ୍‌ ଜିଲା ଗୁଜରାଟରେ ଏସିଡ୍‌ ଆକ୍ରମଣରେ ୩ ଯୁବତୀ ଆହତ ହୋଇଛନ୍ତି। ରାସ୍ତାରେ ଯାଉଥିବା ୩ ଯୁବତୀଙ୍କ ଉପରେ କିଛି ଯୁବକ ମୋଟରସାଇକେଲରେ ଆସି ଏସିଡ୍‌ ଆକ୍ରମଣ କରିଥିଲେ। ଆହତ ଯୁବତୀଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି।

ଭାରତ ସପକ୍ଷରେ ମତ ଦେଲେ ଆମେରିକା ଆଡମିରାଲ

ଭାରତ ସପକ୍ଷରେ ମତ ଦେଲେ ଆମେରିକା ଆଡମିରାଲ

ନୂଆଦିଲ୍ଲୀ/ଓ୍ବାଶିଂଟନ, ୧୯।୪ : ରୁଷିଆଠାରୁ ସାମରିକ ଉପକରଣ କିଣିବା ନେଇ ଭାରତ ସପକ୍ଷରେ ମତ ଦେଇଛନ୍ତି ଆମେରିକା ଆଡମିରାଲ ଫିଲିପ୍‌ ଏସ୍‌. ଡାଭିଡ୍‌ସନ୍‌। ରୁଷିଆଠାରୁ ଦୀର୍ଘଦିନ ଧରି ଭାରତ ବିଭିନ୍ନ ପ୍ରତିରକ୍ଷା ସରଞ୍ଜାମ କିଣୁଛି। ଆମେରିକା ସହିତ ରୁଷିଆର ସମ୍ପର୍କ ଭଲ ନାହିଁ। ତେବେ ରୁଷିଆଠାରୁ ଆସ୍ତ୍ରଶସ୍ତ୍ର କିଣୁଥିବା ଇଣ୍ଡୋନେସିଆ ଏବଂ ଭାରତ ଭଳି ଦେଶ ଉପରେ କୌଣସି କଟକଣା ଲାଗୁ କରାଗଲେ ଏହା ଆମେରିକା ପାଇଁ ଉପଯୋଗୀ ହେବନାହିଁ ବୋଲି ଡାଭିଡ୍‌ସନ୍‌ ସୂଚିତ କରିଛନ୍ତି।