ସମ୍ପାଦକୀୟ |

ନିଜେ ବଞ୍ଚିଲେ

ନିଜେ ବଞ୍ଚିଲେ

ଗ୍ରିଗୋରିଆନ୍‌ କ୍ୟାଲେଣ୍ଡରର ୨୦୧୭ ମସିହା ସରିଲା। ଆଜି ୧ ଜାନୁୟାରୀ ୨୦୧୮ ଅର୍ଥାତ୍‌ ଓଡ଼ିଆ କ୍ୟାଲେଣ୍ଡରରେ ୧୪୨୫ ସାଲ ପୌଷ (ଧନୁ) ୧୭ ଦିନ। ଦେଖିବାକୁ ଗଲେ ପ୍ରତ୍ୟେକ ଦିନ ଏକ ନୂଆ ବର୍ଷର ଆରମ୍ଭ ହୋଇଆସୁଛି। ଭାରତବର୍ଷରେ କେବଳ ନୁହେଁ, ସମଗ୍ର ବିଶ୍ୱରେ ଆଜି ନୂତନ ବର୍ଷର ଆରମ୍ଭ ଏକ ନୂଆ ଆଶା ସୃଷ୍ଟି କରିଥାଏ। ଆମ ଦେଶରେ ଗତବର୍ଷ ଏକ ମିଶ୍ରିତ ପରିସ୍ଥିତି ସୃଷ୍ଟି ହୋଇଥିଲା। ଅର୍ଥନୈତିକ କ୍ଷେତ୍ରରେ ବ୍ୟବସାୟୀମାନଙ୍କର ବଜାର ମାନ୍ଦା ହେବା ସହିତ ଅଣୁ, କ୍ଷୁଦ୍ର ଓ ମଧ୍ୟମ ଶିଳ୍ପର ପ୍ରବଳ କ୍ଷତି ଘଟିଥିଲା। ଦେଶବ୍ୟାପୀ ଚାଷୀଙ୍କ ଆତ୍ମହତ୍ୟା ସହିତ ବ୍ୟବସାୟର ଏଭଳି ପରିସ୍ଥିତି ଦେଶକୁ ଅନ୍ଧକାରମୟ ସ୍ଥିତିକୁ ଠେଲି ନେଉଥିବା ଭଳି ଅନୁଭବ ହୋଇଛି। ଅନ୍ୟପଟେ ରାଜନୈତିକ ସ୍ଥିତିରେ ୨୦୧୭ ମସିହା ଆରମ୍ଭଠାରୁ ଶେଷ ମଧ୍ୟରେ ଅନେକ ପରିବର୍ତ୍ତନ ଘଟିଯାଇଛି। ଓଡ଼ିଶାର ପଞ୍ଚାୟତ ନିର୍ବାଚନ ପରେ ଏବଂ ଜାତୀୟ ସ୍ତରରେ ଉତ୍ତରପ୍ରଦେଶ ନିର୍ବାଚନ ପରେ ଯେଉଁ ଉଦ୍ଭଟ ପରିସ୍ଥିତି ଉପୁଜିଲା ଭଳି ମନେହେଉଥିଲା, ବର୍ଷର ଶେଷ ଆଡ଼କୁ ଗୁଜରାଟ ନିର୍ବାଚନ ଫଳାଫଳ ତାହାର ମଙ୍ଗ ଭିନ୍ନ ଆଡ଼କୁ ମୋଡ଼ି ଦେଇଥିବା ପରି ସ୍ପଷ୍ଟ ବୁଝାପଡ଼ିଲା। ଗତବର୍ଷର ପ୍ରତ୍ୟେକ କାର୍ଯ୍ୟରୁ ମନେହେଉଥିଲା ଯେପରି ସରକାରଙ୍କର ହସ୍ତକ୍ଷେପ ଆମର ଶୋଇବା ଘରକୁ ପ୍ରବେଶ କରିସାରିଛି। ବ୍ୟାଙ୍କରେ ଝାଳବୁହା ଅର୍ଥ ସଞ୍ଚିତ ରଖିଥିବା ଜମାକାରୀର ଟଙ୍କାକୁ ସରକାର ବିନା ଦ୍ୱନ୍ଦ୍ୱରେ ନେଇଯାଇପାରିବେ। ସେଥିପାଇଁ ଗତବର୍ଷ ଜନ୍ମ ନେଇଥିବା ଫାଇନାନ୍ସିଆଲ ରିଜୋଲ୍ୟୁଶନ ଆଣ୍ଡ ଡିପୋଜିଟ୍‌ ଇନ୍‌ସ୍ୟୁରାନ୍ସ (ଏଫ୍‌ଆର୍‌ଡିଆଇ) ଆଇନ ଖୁବ୍‌ ନିକଟରେ ଲାଗୁ ହୋଇଯିବ। ତାହାର ପ୍ରଥମ ପର୍ଯ୍ୟାୟ ଗତ ଶୁକ୍ରବାର ୨୯ ଡିସେମ୍ବର ୨୦୧୭ରେ ଇନ୍‌ସଲଭେନ୍ସି ଆଣ୍ଡ୍‌ ବ୍ୟାଙ୍କର୍‌ପ୍ସି କୋଡ୍‌ ସଂଶୋଧନ ବିଲ୍‌ ୨୦୧୭ ଲୋକ ସଭାରେ ପାରିତ କରିଦିଆଯାଇସାରିଲାଣି। ଆଧାର ମାଧ୍ୟମରେ ସାଧାରଣ ନାଗରିକଙ୍କୁ ଅଦୃଶ୍ୟ କରିଦେବାର କ୍ଷମତା ରଖିନେଲାଣି କେନ୍ଦ୍ର ସରକାର। ଯେଉଁ ମୁହୂର୍ତ୍ତରେ କ୍ଷମତାସୀନ ବ୍ୟକ୍ତି ଚାହିଁବେ ତତ୍‌କ୍ଷଣାତ୍‌ ସାଧାରଣ ନାଗରିକର ଜମି, ବାସଗୃହ ସମେତ ସବୁକିଛି ଅଧିଗ୍ରହଣ କରିନେଇପାରିବେ। ଅନ୍ୟ ଭାଷାରେ କହିବାକୁ ଗଲେ ଆପଣଙ୍କ ବସ୍ତ୍ରହରଣ କରିବା ପରେ ଦରିଦ୍ର କରି ରାସ୍ତାରେ ଛାଡ଼ିଦେବାର କ୍ଷମତା ସରକାରଙ୍କ ପାଖରେ ରହିବ। ନାଗରିକର ଅନ୍ତରଙ୍ଗ ତଥ୍ୟ ଯଥା ତା’ର ସ୍ବାସ୍ଥ୍ୟାବସ୍ଥା ସମ୍ପର୍କିତ ସବୁ ସୂଚନା ସରକାର ଜାଣିପାରୁଛନ୍ତି। ସାଧାରଣରେ କୁଷ୍ଠରୋଗ, କର୍କଟ, ଏଚ୍‌ଆଇଭି ଏଡ୍‌ସ ଭଳି ମାରାତ୍ମକ ରୋଗ ଦ୍ୱାରା ପୀଡ଼ିତ ବ୍ୟକ୍ତି କେବେହେଲେ ନିଜ ରୋଗ ବିଷୟରେ କାହାରିକୁ ଜଣାଇବାକୁ ଚାହିଁ ନ ଥାଆନ୍ତି। ଆଧାର କାର୍ଡ ହାସଲ କରିବା ପାଇଁ ଏଭଳି ତଥ୍ୟସବୁ ସରକାରଙ୍କୁ ଜଣାଇବାକୁ ପଡ଼ିବ। ଏହିଭଳି ରୋଗର ନିରାକରଣ ପାଇଁ ଆବଶ୍ୟକ ଔଷଧ କିଣିଲା ବେଳକୁ ଆଧାର ଦେଖାଇବାକୁ ପଡ଼ିବ। ଏପରି ତଥ୍ୟ ସରକାରଙ୍କ ହସ୍ତଗତ ହେବାର ଅର୍ଥ ହେଉଛି କେତେକ କିରାଣି ଆପଣଙ୍କ ସବୁ ସମ୍ପତ୍ତି ସହିତ ସ୍ବାସ୍ଥ୍ୟାବସ୍ଥାର ମଧ୍ୟ ସୂଚନା ପାଇଯିବେ। ସେହି ତଥ୍ୟ ରଖିଥିବା ବ୍ୟକ୍ତି ସାଧାରଣ ନାଗରିକର ଜୀବନଯାପନରେ ବାଧା ସୃଷ୍ଟି କରିବାର ଆଶଙ୍କା ଯଥେଷ୍ଟ ରହିଛି। ବିଶେଷକରି ଭାରତ ଭଳି ଏକ ଦୁର୍ନୀତିଗ୍ରସ୍ତ ଦେଶରେ ଏତେ ପରିମାଣ ତଥ୍ୟର ଦୁରୁପଯୋଗ ହେବା ସ୍ବାଭାବିକ। ଅବୁଝା ବ୍ୟକ୍ତିଙ୍କ ଦ୍ୱାରା ପ୍ରଚାର କରାଯାଉଛି ଯେ ଆଧାର ମାଧ୍ୟମରେ ଦୁର୍ନୀତିର ବିଲୋପ ଘଟିବ। ବାସ୍ତବରେ ତାହା ସମ୍ପୂର୍ଣ୍ଣ ଅସତ୍ୟ।
୨୦୧୭ର ଅବାସ୍ତବ ସ୍ଥିତି ତୁଳନାରେ ୨୦୧୮ ମସିହା ଏକ ନୂତନ ସୂର୍ଯ୍ୟୋଦୟ କରାଇବ ବୋଲି ବିଶ୍ୱାସ ହେଉଛି। ଏହିବର୍ଷ ଭାରତୀୟମାନଙ୍କୁ ନିଜେ ବଞ୍ଚତ୍ବାର ଏକ କ୍ଷୁଦ୍ର ସୁଯୋଗ ଆଣିଦେଇପାରେ। ଦେଶରେ ସଚେତନତା ବୃଦ୍ଧି ହେଉଛି ବୋଲି କୌଣସି ସନ୍ଦେହ ନାହିଁ। ସମାଜକୁ ଭାଙ୍ଗିଦେଉଥିବା ଶକ୍ତିମାନଙ୍କୁ ସାଧାରଣ ନାଗରିକ ଚିହ୍ନିବାକୁ ଆରମ୍ଭ କଲେଣି। କେବଳ ବଡବଡ କଥା ଏବଂ ଅସତ୍ୟ ଜାତୀୟତାବାଦ ମାଧ୍ୟମରେ ଏହି ଦେଶକୁ କବଳିତ କରିବାରେ ଯେଉଁମାନେ ଚେଷ୍ଟା କରିଆସୁଛନ୍ତି ସେମାନଙ୍କ ଉଦ୍ଦେଶ୍ୟ ପଣ୍ଡ ହୋଇଯିବାର ସମ୍ଭାବନା ବୃଦ୍ଧି ପାଉଛି।
ଆଜିର ଭାରତରେ ଧନୀ ଗରିବର ପ୍ରଭେଦ ହ୍ରାସ ପାଇବାରେ ଲାଗିଛି। ଧନୀ ଗରିବ ହେଉଥିବା ବେଳେ ଗରିବ ଆହୁରି ଅଧିକ ଗରିବ ହେବାରେ ଲାଗିଛି। ଏହି ପରିସ୍ଥିତିକୁ ଜାତୀୟ ସ୍ତରରେ ବଦଳାଇପାରିଲେ ସବୁ ରାଜ୍ୟରେ ପରିବର୍ତ୍ତନ ଆସିପାରିବ। ଏହି ପରିବର୍ତ୍ତନ ଆଣିବାକୁ ହେଲେ ପ୍ରତ୍ୟେକ ଭାରତୀୟଙ୍କୁ ଆହୁରି ଅଧିକ ସଚେତନ ହେବାକୁ ପଡ଼ିବ, ନଚେତ୍‌ ନିଜେ ବଞ୍ଚିବା କଷ୍ଟକର।-ତଥାଗତ ସତପଥୀ

All Right Reserved By

ସମ୍ପାଦକୀୟ |

ନିଷ୍ଫଳ ଅନାସ୍ଥା

ନିଷ୍ଫଳ ଅନାସ୍ଥା

ଆକାର ପଟେଲ ମୋଦିଙ୍କ ବିରୋଧରେ ବିରୋଧୀଙ୍କ ଦ୍ୱାରା ଆଗତ ଅନାସ୍ଥା ପ୍ରସ୍ତାବ ସପକ୍ଷରେ ୧୨୬ ଓ ବିପକ୍ଷରେ ୩୨୫ଟି ଭୋଟ ପଡ଼ିବା ବାସ୍ତବରେ ବିରୋଧୀ ଦଳଗୁଡ଼ିକ ପ୍ରତି ଅନାସ୍ଥା ପ୍ରକଟ କରୁଛି। ଏହି ସଂଖ୍ୟାକୁ ଦେଖିଲେ ଏ ଅନାସ୍ଥା ପ୍ରସ୍ତାବରୁ ବିରୋଧୀଙ୍କୁ କି ଲାଭ ମିଳିଲା ଓ ପ୍ରସଙ୍ଗ କୁଆଡ଼କୁ ଗଲା କିଛି ସ୍ପଷ୍ଟ ହେଉ ନାହିଁ। ଭୋଟ୍‌ର ଫଳାଫଳକୁ ଦେଖି ବାସ୍ତବରେ କେହି ବିସ୍ମିତ ନୁହନ୍ତି। କେବଳ ଶିବସେନାର କାର୍ଯ୍ୟ ବ୍ୟତୀତ (ଏହାର ଉଦ୍ଦେଶ୍ୟ କ’ଣ ପରେ ଆମେ ଆଲୋଚନା କରିବା) ଗୃହରେ ଏପରି କିଛି ଘଟଣା ଘଟିଲା ...

ପର୍ବତ ଗୁମ୍ଫାରେ ସତର ଦିନ

ପର୍ବତ ଗୁମ୍ଫାରେ ସତର ଦିନ

ପ୍ରକାଶ ତ୍ରିପାଠୀ ସମ୍ପ୍ରତି ଥାଇଲାଣ୍ଡର ପ୍ରଖ୍ୟାତ କାର୍ଟୁନିଷ୍ଟ ସିସିଡିଆଙ୍କର ଗୋଟିଏ କାର୍ଟୁନ ସୋସିଆଲ ମିଡିଆରେ ଭାଇରାଲ ହୋଇଛି। ଏଥିରେ ଦେଖାଯାଇଛି, ୧୨ଟି ବଣୁଆ ବାର୍‌ହା ଛୁଆ, ଗୋଟିଏ ବଡ଼ ବାର୍‌ହା ଓ କିଛି ଅନ୍ୟ ଜୀବଜନ୍ତୁ ଏକ ଜଳଭର୍ତ୍ତି ଅଣଓସାରିଆ ସୁଡ଼ଙ୍ଗ ବାଟ ଦେଇ ପହଁରି ପହଁରି ଯାଉଛନ୍ତି। ସୂଚନାଯୋଗ୍ୟ ଯେ, କାର୍ଟୁନିଷ୍ଟ ସିସିଡିଆ ଏହି କାର୍ଟୁନ ମାଧ୍ୟମରେ ଥାଇଲାଣ୍ଡର ଥାମ୍‌ ଲୁଆଙ୍ଗ ପର୍ବତ ଗୁମ୍ଫାରେ ୧୭ଦିନ ଧରି ଫସି ରହିଥିବା ଥାଇଲାଣ୍ଡର ଏକ ଜୁନିୟର ଫୁଟବଲ ଟିମ୍‌ (ଓ୍ବାଇଲ୍‌ଡ ବୋର୍ସ)ର ୧୨ଜଣ ସ୍କୁଲ ...

ସେଲିବ୍ରିଟି ଉଦ୍ୟୋଗୀ

ସେଲିବ୍ରିଟି ଉଦ୍ୟୋଗୀ

ବ୍ୟକ୍ତିତ୍ୱ/ଜିତେନ୍ଦ୍ର ସମୟ ବଦଳିବା ସହ ଯୁବପିଢ଼ିର ରୁଚିରେ ପରିବର୍ତ୍ତନ ଲକ୍ଷ୍ୟ କରାଯାଉଛି। ପ୍ରଗତିଶୀଳ ଚିନ୍ତାଧାରା ପୋଷଣ କରୁଥିବା କେତେକ ଯୁବତୀଯୁବକ ଚାକିରି ଅପେକ୍ଷା ଉଦ୍ୟୋଗୀ ହେବାକୁ ପସନ୍ଦ କରୁଛନ୍ତି ଓ ସ୍ଥଳବିଶେଷରେ ସଫଳ ହେଉଛନ୍ତି। ପୂର୍ବରୁ ନିର୍ଦ୍ଦିଷ୍ଟ କେତୋଟି କ୍ଷେତ୍ର ଉପରେ ଆଧାରିତ ବ୍ୟବସାୟିକ ଚିନ୍ତାଧାରା ନେଇ ଜଣେ ଉଦ୍ୟୋଗୀ ହେଉଥିଲେ। ଏବେ ଏହାର ପରିସର ...

ଏଇ ଭାରତରେ

ଏଇ ଭାରତରେ

ସ୍କୁଲ୍‌ଛାତ୍ରଙ୍କୁ ସର୍ବସମ୍ମୁଖରେ ଅପମାନଜନକ ଦଣ୍ଡଦେବା ଭଳି ଘଟଣା ଜଣେ ଶିକ୍ଷକଙ୍କ ପାଇଁ ମହଙ୍ଗା ପଡ଼ିଛି। ଫଳ ସ୍ବରୂପ ତାଙ୍କୁ ଚାକିରିରୁ ନିଲମ୍ବିତ କରାଯାଇଛି। ପୁଣେସ୍ଥିତ ବିଶ୍ରାନ୍ତଓ୍ବାଡି ପୁଣେ ଇଣ୍ଟରନ୍ୟାଶନାଲ୍‌ ସ୍କୁଲ୍‌ରେ ଜୁଲାଇ ୧୭ରେ ଏପରି ଏକ ଘଟଣା ଘଟିଛି। ଆର୍ଯ୍ୟନ୍‌ ଅମିତ୍‌ ଓ୍ବଘ୍‌ମେୟାର ନାମକ ୧୦ବର୍ଷର ବାଳକ ଷଷ୍ଠ ଶ୍ରେଣୀରେ ପଢ଼ନ୍ତି। ଶିକ୍ଷକ ଶ୍ୱେତ ଗୁପ୍ତା ଛାତ୍ରମାନଙ୍କ ସମ୍ମୁଖରେ ତାଙ୍କୁ ଦଣ୍ଡଦେଇଥିଲେ। ଛାତ୍ରର ମା’ ଅଦିତିଙ୍କ କହିବାନୁଯାୟୀ, ଶିକ୍ଷକ ଜଣକ ଗୋଟିଏ କଇଁଚି ଧରି ଆର୍ଯ୍ୟନ୍‌ଙ୍କ ମୁଣ୍ଡବାଳ ସମ୍ମୁଖ ଭାଗରୁ କା...

ଅସହଯୋଗର ଦୁଃଖ

ଅସହଯୋଗର ଦୁଃଖ

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଦେଶର ସର୍ବୋଚ୍ଚ ଖାଉଟି ସମବାୟ ସଂସ୍ଥା ବୋର୍ଡ ଅଫ୍‌ ନ୍ୟାଶ୍‌ନାଲ କୋଅପରେଟିଭ୍ସ କଞ୍ଜ୍ୟୁମର୍ସ ଫେଡ଼େରେଶନ୍‌ (ଏନ୍‌ସିସିଏଫ୍‌ ବୋର୍ଡ)ର ପରିଚାଳନା ନିର୍ଦ୍ଦେଶକ (ଏମ୍‌ଡି)ଙ୍କୁ ନିଯୁକ୍ତି ଦେବା କାହାର ଅଧିକାରଭୁକ୍ତ ଏ ନେଇ ଉକ୍ତ ସଂସ୍ଥା ଏବଂ ଖାଉଟି ବ୍ୟାପାର, ଖାଦ୍ୟ ଓ ସାଧାରଣ ବଣ୍ଟନ ମନ୍ତ୍ରଣାଳୟ ମଧ୍ୟରେ ମତପାର୍ଥକ୍ୟ ଦେଖାଦେଇଛି। ମନ୍ତ୍ରଣାଳୟ ଜଣେ ଯୁଗ୍ମ ସଚିବ ଅନିଲ ବହୁଗୁଣାଙ୍କୁ ଏମ୍‌ଡି ଭାବେ ନିଯୁକ୍ତି ଦେବାବେଳେ ଏହି ମତଭେଦ ପଦାକୁ ଆସିଛି। ବିଶିଷ୍ଟ ସମବାୟ ନେତା ତଥା ପୂର୍ବତନ ବିଧାୟକ ବିଜେନ୍ଦର ...

ଗୁଜବର ବ୍ୟାପକତା

ଗୁଜବର ବ୍ୟାପକତା

ଶିବରାମ ଶତପଥୀ ପ୍ରାୟ ଷାଠିଏ ବର୍ଷ ପୂର୍ବର କଥା। ଲୋକେ ପଦବ୍ରଜରେ ଯିବା ଆସିବା କରୁଥିଲେ। ଦିନେ ମୁଁ ପଦିଆ ମାମୁଙ୍କୁ ପଚାରିଲି- ତୁମେ ପରା ଆଜି ଅମୁକ ଗାଁକୁ ଯିବାର ଥିଲା, ଯାଉନ। ସେ କହିଲେ ଖଙ୍ଗାର ମାତିଛି ପରା, ଏକୁଟିଆ କେମିତି ଯିବି? ପିଲାଙ୍କୁ ତାଗିଦ କରାଯାଉଥିଲା, ଏକା ଏକା ଦେଖିଲେ ପିଲାଙ୍କୁ ଖଙ୍ଗାର ବସ୍ତାରେ ପୂରାଇ ନେଇଯିବ। ଅମୁକଠାରେ ପୋଲ ତିଆରି ହେଉଛି ତ, ତା ନିଅଁରେ ପକାଇବା ପାଇଁ ପିଲାଙ୍କୁ ଧରି ନିଆଯାଉଛି। ପୋଲର ସ୍ଥାୟିତ୍ୱ ପାଇଁ ନରବଳି ଆବଶ୍ୟକ। ଏହା ଅବଶ୍ୟ ଏକ ଅନ୍ଧବିଶ୍ୱାସ।...

ଭକ୍ତ ଓ ଭଗବାନଙ୍କ ମହାମିଳନ

ଭକ୍ତ ଓ ଭଗବାନଙ୍କ ମହାମିଳନ

ବିମଳ ପ୍ରସନ୍ନ ଦାସ ଭକ୍ତ ଓ ଭଗବାନଙ୍କ ସମ୍ପର୍କ ଯୁଗେ ଯୁଗେ ଅନୁପମ ଓ ଅଲୌକିକ। ସେଥିପାଇଁ ଦାସିଆ ବାଉରିଙ୍କ ଅଧିକାର ଓ ଅଭିମାନ ଯୁଗ ଯୁଗକୁ ଅତୁଟ ରହିଛି ଓ ରହିଥିବ। କାରଣ ଲୀଳାମୟ, କାଳିଆ ସାଆନ୍ତ, ମହାବାହୁ ରାଜାଧିରାଜ ମଣିଷର ଠାକୁର। ଭକ୍ତର ଭାବରେ ବନ୍ଧା। ତା’ର ଜୀବନ ଧନ-ଅନ୍ଧ ଲଉଡି। କେତେ ବିଶ୍ୱାସ ଓ ନିର୍ଭରତା ଭକ୍ତର। ସାମାନ୍ୟ ଭରତିଆ ପକ୍ଷୀଟିର ଉଦାହରଣ ଯଥେଷ୍ଟ। କୁରୁକ୍ଷେତ୍ର ଯୁଦ୍ଧ ପ୍ରାରମ୍ଭରେ ପକ୍ଷୀଟି ବ୍ୟାକୁଳ ପ୍ରାର୍ଥନା କରିଛି ତା’ର ଅଣ୍ଡା ଦୁଇଟିକୁ ରକ୍ଷା କରିବାକୁ। ଭକ୍ତ ବଳରାମଙ୍କ କାଳଜ...

ଏଇ ଭାରତରେ

ଏଇ ଭାରତରେ

ନୀଚକୁଳରେ ଜନ୍ମ ହୋଇଥିବାରୁ ଜଣେ ମହିଳାଙ୍କ ହାତରନ୍ଧା ଖାଇବାକୁ କେତେକେ ନାକ ଟେକିଛନ୍ତି। ପରିଣାମ ସ୍ବରୂପ ଉକ୍ତ ମହିଳାଙ୍କୁ ସ୍କୁଲ୍‌ରୁ ହଟାଇ ଦେବାପାଇଁ ଉଚ୍ଚଜାତିର ଲୋକମାନେ ଦାବି ଉଠାଇଥିଲେ। ତାମିଲନାଡୁର ଏକ ସ୍କୁଲ୍‌ରେ ମଧ୍ୟାହ୍ନଭୋଜନ ରୋଷେଇ କରିବାରୁ ଉକ୍ତ ଦଳିତ ମହିଳାଙ୍କୁ ବଞ୍ଚତ୍ତ କରାଯାଇଛି। ତିରୁପୁର ଜିଲାର ଓକାମ୍‌ପଲାୟମ୍‌ ଗାଅଁାରେ ପି. ପାପଲ୍‌ ନାମ୍ନୀ ଏହି ମହିଳା ଗତ ୨ବର୍ଷ ହେଲା ମଧ୍ୟାହ୍ନଭୋଜନ ପାଚିକା ଭାବରେ ନିଯୁକ୍ତି ପାଇଥିଲେ। ସପ୍ତାହକ ତଳେ ନିଜ ଅନୁରୋଧ କ୍ରମେ ...

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଆଜିର ଅର୍ଥନୀତି/ ସ୍ବପ୍ନମୁଖା ଏଲ୍‌ଆଇସି

ଗତମାସରେ ବୀମା ନିୟାମକ ଓ ଉନ୍ନୟନ କର୍ତ୍ତୃପକ୍ଷ (ଆଇଆର୍‌ଡିଏ)ଠାରୁ ଅନୁମତି ପାଇବା ପରେ ଜୀବନବୀମା ନିଗମ (ଏଲ୍‌ଆଇସି) ବୋର୍ଡ କ୍ଷତିରେ ଚାଲୁଥିବା ଆଇଡିବିଆଇ ବ୍ୟାଙ୍କରେ ନିଜର ଅଂଶଧନ ୫୧ ପ୍ରତିଶତକୁ ବୃଦ୍ଧି କରିବା ଲାଗି ସରକାରଙ୍କୁ ପ୍ରସ୍ତାବ ଦେଇଛି। ଆଉ କେତେଟା ପ୍ରକ୍ରିୟା ଶେଷହେବା ପରେ ଉକ୍ତ ରାଷ୍ଟ୍ରାୟତ୍ତ ବ୍ୟାଙ୍କ ଏଲ୍‌ଆଇସିର ଅଧୀନ ହୋଇଯିବ। ଆଇଡିବିଆଇ ବ୍ୟାଙ୍କରେ ଜୀବନବୀମା ନିଗମର ବର୍ତ୍ତମାନ ୭.୯୮ ପ୍ରତିଶତ ଅଂଶଧନ ରହିଛି, ଯାହା ମାର୍ଚ୍ଚ ୨୦୧୮ ସୁଦ୍ଧା ୧୦.୮୨ ପ୍ରତିଶତ ଥିଲା। ରୁଗ୍ଣ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ସୁସ୍ଥ କରିତୋଳିବା ଦୀର୍ଘଦିନ ହେଲା ସରକାରଙ୍କର ଏକ ନୀତି ...

 ସଙ୍କଟରେ ଭବିଷ୍ୟତ

ସଙ୍କଟରେ ଭବିଷ୍ୟତ

ଉପେନ୍ଦ୍ର ବିଶ୍ୱାଳ ପାଗଳପ୍ରାୟ ଘୂରି ବୁଲୁଥାନ୍ତି ମହାମାନ୍ୟ ମଦନମୋହନ ମାଲବ୍ୟ। ନିଶା ଘାରିଥାଏ ବନାରସରେ ବିଶ୍ୱସ୍ତରୀୟ ହିନ୍ଦୁ ବିଶ୍ୱବିଦ୍ୟାଳୟଟିଏ ପ୍ରତିଷ୍ଠା କରିବାକୁ। ହାତ ପତଉଥାନ୍ତି ସମସ୍ତଙ୍କୁ। ଏପରିକି ମୃତଦେହ ଶୋଭାଯାତ୍ରାରେ ଫିଙ୍ଗାଯାଉଥିବା ପଇସା କଉଡ଼ିକୁ ମଧ୍ୟ ସାଉଁଟି ରଖୁଥାନ୍ତି। ବଡ଼ ଆଶା ନେଇ ପହଞ୍ଚତ୍ଲେ ଦିନେ ଘନଶ୍ୟାମ ଦାସ ବିର୍ଲାଙ୍କ ବାସଭବନରେ। ବୈଠକଖାନାରେ ଟିକିଏ ବସିବାକୁ କହି ଠାକୁର ପୂଜା ପାଇଁ ଗଲେ ସେ। ଦୀପଟି ଜଳାଇଲାବେଳେ ପ୍ରଥମ ପରେ ଦ୍ୱିତୀୟ ଦିଆସିଲିକାଠିଟି ଲିଭିଗଲା। ତୃତୀୟ କାଠିଟି ବି ଲିଭିଗଲା ସାମାନ୍ୟ ଅସାବଧାନତାବଶତଃ। ଗର୍ଜିଉଠି ବର୍ଷିଗଲେ ପୂଜକ ଉପରେ। ଆଚମ୍ବିତ ହେଲେ ...

ପ୍ରାଣବନ୍ତ, ପ୍ରଣବସ୍ବରୂପ

ପ୍ରାଣବନ୍ତ, ପ୍ରଣବସ୍ବରୂପ

ଡା. ଅଂଶୁମାନ୍‌ କର ଗତ ସ୍ନାନପୂର୍ଣ୍ଣିମା ଦିନ ଗଜପତି ମହାରାଜ ପ୍ରଭୁ ଜଗନ୍ନାଥଙ୍କ ଆଳତି କରିବା ସମୟରେ ପ୍ରଭୁଙ୍କ ଶିରରୁ ଫୁଲମାଳ ଖସିବାକୁ ନେଇ ଅନେକ ଚର୍ଚ୍ଚା ଚାଲିଛି। ଆଜିର ସୋସିଆଲ ମିଡିଆ ଯୁଗରେ ଏହି ଘଟଣାର ଭୂରି ଭୂରି ପ୍ରଚାର ଓ ପ୍ରସାର ଚାଲିଛି। ଜଗନ୍ନାଥ ଓ ପୁରୀ ଶ୍ରୀମନ୍ଦିରର ପ୍ରାଣବନ୍ତ ଅସ୍ତିତ୍ୱର ଏହା ଏକ ଦିବ୍ୟ ପ୍ରମାଣ ବୋଲି ଅନେକେ ମତ ବ୍ୟକ୍ତ କରୁଛନ୍ତି। କେତେଜଣ କହୁଛନ୍ତି, ଏହାଦ୍ୱାରା ପ୍ରଭୁ ନିଜ ପ୍ରତ୍ୟକ୍ଷ ଉପସ୍ଥିତିର ପ୍ରମାଣ ଦେଉଛନ୍ତି।...

ଏଇ ଭାରତରେ

ଏଇ ଭାରତରେ

ଜଣେ ନବଜାତ ଶିଶୁ କ୍ଷୀର ପାନ କରିବା ପରେ କୋମା ଅବସ୍ଥାରେ ଥିବା ତା’ ମା’ଙ୍କର ଚେତା ଫେରିଆସିଛି। ଏପରି ଏକ ଘଟଣା କେରଳରେ ଘଟିଛି। ବେଟିନା ନାମ୍ନୀ ଜଣେ ମହିଳା ଶିଶୁପୁତ୍ରର କାନ୍ଦ ଶୁଣି ଧୀରେ ଧୀରେ ପ୍ରତିକ୍ରିୟା ପ୍ରକାଶ କରିଥିଲେ। ଜୁନ୍‌ ୧୪ରେ ଶିଶୁଟି ଜନ୍ମଗ୍ରହଣ କରିଥିଲା। ଶିଶୁଟି ସ୍ତନ୍ୟପାନ କରିବା ପରେ ମହିଳାଙ୍କର ସ୍ନାୟୁଗତ ସମସ୍ୟା ଧୀରେ ଧୀରେ ସୁଧୁରିବାରେ ଲାଗିଥିଲା ବୋଲି ହସ୍ପିଟାଲ୍‌ର ଇଣ୍ଟେନ୍‌ସିଭ୍‌ କେୟାର ୟୁନିଟ୍‌ର ମୁଖ୍ୟ ଡକ୍ଟର ଆର. ବିବେକ ପ୍ରକାଶ କରିଛନ୍ତି। ...

Model This Week

ଚିଣ୍ଟୁ