ବ୍ରହ୍ମପୁର

ନୂଆବର୍ଷ ଆଜି: ଚାହିଦାରେ ନିରାମିଷ କେକ୍‌

ନୂଆବର୍ଷ ଆଜି: ଚାହିଦାରେ ନିରାମିଷ କେକ୍‌

ବ୍ରହ୍ମପୁର ଅଫିସ,୩୧।୧୨- ନୂଆବର୍ଷକୁ ସ୍ବାଗତ କରିବା ପାଇଁ ବ୍ରହ୍ମପୁର ସହର ଉତ୍ସବମୁଖର ହୋଇପଡ଼ିଛି।
ସବୁଆଡ଼େ ଚାଲିଛି ପାର୍ଟି ଏବଂ ସେଲିବ୍ରେସନ୍‌। କିଏ ହୋଟେଲ୍‌ରେ ତ ପୁଣି କିଏ କ୍ଲବରେ। ଆଉ କେତେକ ନିଜ ଘରେ।
ସାଙ୍ଗସାଥୀଙ୍କ ସହ ବୁଲିଯିବାକୁ ଆଉ କେହି କେହି ପସନ୍ଦ କରିଥାନ୍ତି। ତେବେ ତାହା ଯେଭଳି କାର୍ଯ୍ୟକ୍ରମ ହେଉନା କାହିଁକି, ସବୁଠି କିନ୍ତୁ ରହିଛି କେକ୍‌ର ଚାହିଦା। ନୂତନ ବର୍ଷର ପ୍ରଥମ ଦିନରେ କେକ୍‌ ଟିଏ କାଟି ପରିଜନଙ୍କୁ ଶୁଭେଚ୍ଛା ଜଣାଇବାର ପରମ୍ପରା ପୁରୁଣା। ଲୋକଙ୍କ ଚାହିଦାକୁ ଦେଖି ଏବେ କେକ୍‌ ପ୍ରସ୍ତୁତିରେ ବ୍ୟସ୍ତ ଅଛନ୍ତି କାରିଗର। ସବୁ ବେକେରି ଚଳଚଞ୍ଚଳ। ଭିନ୍ନ ଡିଜାଇନ୍‌ ଏବଂ ଭିନ୍ନ ସ୍ବାଦର କେକ୍‌ ପ୍ରସ୍ତୁତ କରି ଗ୍ରାହକଙ୍କୁ ଆକର୍ଷିତ କରିବା ପାଇଁ ବେକେରିଗୁଡ଼ିକ ମଧ୍ୟରେ ଚାଲିିଛି ପ୍ରତିଯୋଗିତା। ସୋମବାର ନୂଆବର୍ଷ ପଡ଼ୁଥିବାରୁ ନିରାମିଷ କେକ୍‌ର ଚାହିଦା ଅଧିକ ଦେଖାଦେଇଛି। ୨୦୦୫ ସୁଦ୍ଧା ସହରରେ ଥିଲା ୩ ବେକେରୀ। ୨୦୧୭ରେ ଏହି ସଂଖ୍ୟା ୩୫ରେ ପହଞ୍ଚିଛି। ପ୍ରାୟ ୧୫କେକ୍‌ ଦୋକାନ ରହିଛି। ସମସ୍ତ ଦୋକାନରେ ଏବେ ବଡ଼ଦିନଠାରୁ ନୂଆବର୍ଷ ପର୍ଯ୍ୟନ୍ତ ବହୁ ପରିମାଣରେ କେକ୍‌ ବିକ୍ରି ପାଇଁ ରଖାଯାଇଛି। ଦୀର୍ଘ ୧୯ବର୍ଷ ହେଲା କେକ୍‌ ପ୍ରସ୍ତୁତ କରୁଥିବା କାରିଗର ଏ. ରାମୁ ରାଓ କୁହନ୍ତି, ସହରବାସୀ କେକ୍‌ର ସ୍ବାଦ ଏବଂ ସାଜସଜାକୁ ପସନ୍ଦ କରିଥାନ୍ତି। ବର୍ତ୍ତମାନ ବୁଲ୍‌ବେରି, ମ୍ୟାଙ୍ଗୋ, ମ୍ୟାଙ୍ଗୋ କ୍ରସ୍‌, ଷ୍ଟ୍ରବେରି କ୍ରସ୍‌, ଚକଲେଟ୍‌, ପାଇନ୍‌ଆପଲ୍‌, ଷ୍ଟ୍ରବେରି ଏବଂ ଭାନିଲା ଫ୍ଳେଭର୍‌ର କେକ୍‌ ପ୍ରସ୍ତୁତ କରାଯାଉଛି। ସବୁଠୁ ଅଧିକ ଆଗ୍ରହ ଚକୋଲେଟ୍‌ କେକ୍‌ ପ୍ରତି ଦେଖାଦେଉଛି। କ୍ରିମ୍‌ ସହ ସାଧାରଣ କେକ୍‌ର କିଲୋ ପିଛା ଦାମ୍‌ ୨୦୬ଟଙ୍କା ରହିଥିବା ବେଳେ ଏହାକୁ ସଜାଇ ବିକ୍ରି କରାଗଲେ ଦାମ୍‌ ୩୫୦ଟଙ୍କା ରହୁଛି। ସାଧାରଣ ଆଇସ୍‌ କେକ୍‌ର ଦାମ୍‌ କିଲୋ ପିଛା ୪୮୦ଟଙ୍କା ରହିଥିବା ବେଳେ ଏହାକୁ ସଜାଇଲେ କିଲୋ ପିଛା ଦାମ୍‌ ରହିଛି ୫୫୦ଟଙ୍କା। କ୍ରିମ୍‌ କେକ୍‌ଗୁଡ଼ିକ ୧୫ଦିନ ଏବଂ ଆଇସ୍‌ କେକ୍‌ଗୁଡ଼ିକ ୧୮ଦିନ ଯାଏ ରହିପାରିବ। ନୂଆବର୍ଷ ସୋମବାର ପଡ଼ୁଛି। ସେଥି ପାଇଁ ନିରାମିଷ କେକ୍‌ର ଚାହିଦା ଅଧିକ ରହିଛି। ୮୦ପ୍ରତିଶତ କେକ୍‌ ନିରାମିଷ ପାଇଁ ବରାଦ ରହିଥିବା ବେଳେ ଆମିଷ କେକ୍‌ର ବରାଦ ମାତ୍ର ୨୦ପ୍ରତିଶତ ରହିଛି ବୋଲି ସେ ପ୍ରକାଶ କରିଛନ୍ତି।

All Right Reserved By

ବ୍ରହ୍ମପୁର

ପୋଲିସ ପକ୍ଷରୁ ଗାଡିମୋଟର ଯାଞ୍ଚ

ଆସିକା,୧୬ା୭ (ଡି.ଏନ୍‌.ଏ) ଗାଙ୍ଗପୁର ଥାନା ଇଲାକାରେ ଅପରାଧୀ ଧରପଗଡ ଅଭିଯାନକୁ ଜୋରଦାର କରାଯାଇଛି। ସୋମବାର ଅପରାହ୍ନରେ ଆସିକା-ଭଞ୍ଜନଗର ମୁଖ୍ୟରାସ୍ତାର କଣ୍ଟେଇପଲ୍ଲୀ ଛକଠାରେ ପୋଲିସ ପକ୍ଷରୁ ରୋଡ ବ୍ଲକିଂ କରାଯାଇଥିଲା।

ସାଉଥ୍‌କୋ ଅସ୍ଥାୟୀ କର୍ମଚାରୀଙ୍କ ଧାରଣା

ସାଉଥ୍‌କୋ ଅସ୍ଥାୟୀ କର୍ମଚାରୀଙ୍କ ଧାରଣା

ଭଞ୍ଜନଗର,୧୬।୭(ଡି.ଏନ.ଏ)-ଭଞ୍ଜନଗର ସାଉଥ୍‌କୋର ୩୩/୧୧ କେଭି ଷ୍ଟ୍ରକ୍ଚର ଗୁଡ଼ିକରେ ଆଉଟସୋର୍ସିଂ ମାଧ୍ୟମରେ କାମ କରୁଥିବା ୨୮ ଜଣ କର୍ମଚାରୀ ୫ ମାସ ହେଲା ଦରମା ପାାଇନାହାନ୍ତି।

ଚୋରା ମଦ କାରବାର,୨ ଗିରଫ

ଭଞ୍ଜନଗର,୧୬।୭(ଡି.ଏନ.ଏ.)-ଚୋରା ଦେଶୀ ମଦ କାରବାର ଅଭିଯୋଗରେ ତାରସିଂ ପୋଲିସ ସୋମବାର୨ ଜଣଙ୍କୁ ଗିରଫ କରିଛି। ସେମାନେ ହେଲେ ଖପରାପାଲ୍ଲୀର ବୁଲୁ ନାୟକ ଓ ବେରୁଆବାଡ଼ିର ଲକ୍ଷ୍ମୀକାନ୍ତ ପ୍ରଧାନ।

ଉଜୁଡ଼ି ଗଲା ବାଇଗଣ ଫସଲ, ଚିନ୍ତାରେ ଚାଷୀ

ଉଜୁଡ଼ି ଗଲା ବାଇଗଣ ଫସଲ, ଚିନ୍ତାରେ ଚାଷୀ

କବିସୂର୍ଯ୍ୟନଗର,୧୬ା୭: ଲଘୁଚାପଜନିତ ଲଗାଣ ବର୍ଷାରେ ଗଞ୍ଜାମ ଜିଲାର ହଜାର ହଜାର ହେକ୍ଟର ଜମି ଏବେ ଜଳ ମଗ୍ନ ହୋଇପଡିଛି। କବିସୂର୍ଯ୍ୟନଗର ବ୍ଲକରେ ଏହାର ପ୍ରଭାବ ବେଶୀ ପଡିଛି।

କେନାଲରେ ଭାସି ଜଣଙ୍କ ମୃତ୍ୟୁ

ପୁରୁଷୋତ୍ତମପୁର,୧୬।୭(ଡି.ଏନ୍‌.ଡି):ପୁରୁଷୋତ୍ତମପୁର ଥାନା ସମା ଗ୍ରାମ ପାଲଣା କେନାଲରେ ଭାସି ସୋମବାର ଜଣଙ୍କର ମୃତ୍ୟୁ ଘଟିଛି। ସେ ହେଲେ ଭରତ ପ୍ରଧାନ (୬୮)। ପୁରୁଷୋତ୍ତମପୁର ଅଞ୍ଚଳରେ ୩ଦିନ ଧରି ଲଗାଣ ବର୍ଷା ଯୋଗୁଁ ବ୍ୟାପକ ଅଞ୍ଚଳ ଜଳମଗ୍ନ ହୋଇଛି। ବର୍ଷା ପାଣିର ପ୍ରଖର ସ୍ରୋତରେ ସମା, ଫାସିପଡ଼ା, ପୁରୁଷୋତ୍ତମ ଅଞ୍ଚଳରେ ଥିବା ଅନେକ କେନାଲ ହିଡ଼ ଭାଙ୍ଗିଯାଇଛି।

ଅଲାରିଗଡ଼ରେ ପ୍ରବଚନ କାର୍ଯ୍ୟକ୍ରମ

ଅଲାରିଗଡ଼ରେ ପ୍ରବଚନ କାର୍ଯ୍ୟକ୍ରମ

ଶେରଗଡ଼,୧୬।୭(ଡି.ଏନ୍‌.ଏ.): ଗଞ୍ଜାମ ଜିଲା ଶେରଗଡ଼ ବ୍ଲକ ଅନ୍ତର୍ଗତ ଅଲାରିଗଡ଼ ଗ୍ରାମରେ ରଥଯାତ୍ରା ଉପଲକ୍ଷେ ପ୍ରବଚନ ଏବଂ ମନୋରଞ୍ଜନ କାର୍ଯ୍ୟକ୍ରମ ଅନୁଷ୍ଠିତ ହେଉଛି। ଏହି ଅବସରରେ ରବିବାର ପ୍ରବଚକ ଜିତୁଦାସ ଯୋଗ ଦେଇଥିଲେ। ଭକ୍ତ ଏବଂ ଭଗବାନ କିପରି ନିକଟତର ହୁଅନ୍ତି ସେ ସମ୍ପର୍କରେ ପ୍ରବଚନ ଶୁଣାଇଥିଲେ।

ଲଗାଣ ବର୍ଷାରେ ଘର ଭାଙ୍ଗିଲା: ଜଣେ ଆହତ

ଲଗାଣ ବର୍ଷାରେ ଘର ଭାଙ୍ଗିଲା: ଜଣେ ଆହତ

ଗଞ୍ଜାମ,୧୬।୭(ଡି.ଏନ୍‌.ଏ.): ଗଞ୍ଜାମ ବ୍ଲକ ଅଞ୍ଚଳରେ ଗତ ୨ ଦିନ ଧରି ଲଗାଣ ବର୍ଷା ଜାରି ରହିଛି। ଏଥିରେ ଖଣ୍ଡଦେଉଳୀ ଗ୍ରାମର ବସନ୍ତ ବିଶ୍ୱାଳଙ୍କ ପୁଅ ସୀମାଞ୍ଚଳଙ୍କ ଘର ସମ୍ପୂର୍ଣ୍ଣ ଭାଙ୍ଗିଯାଇଛି। ଏଥିରେ ସୀମାଞ୍ଚଳ ଆହତ ହୋଇଛନ୍ତି। ତାଙ୍କ ଗୋଡ଼ରେ ଆଘାତ ଲାଗିଥିବା ଜଣାପଡ଼ିଛି।

ପଥରରେ ଛେଚି ରାଜମିସ୍ତ୍ରିଙ୍କୁ ହତ୍ୟା

ପଥରରେ ଛେଚି ରାଜମିସ୍ତ୍ରିଙ୍କୁ ହତ୍ୟା

ଛତ୍ରପୁର,୧୬।୭(ଡି.ଏନ.ଏ)-ଗଞ୍ଜାମ ଜିଲା ଗୋପାଳପୁର ଥାନା ଶୀତଳାପଲ୍ଲୀ ଗାଁର ଜଣେ ରାଜମିସ୍ତ୍ରିଙ୍କୁ ପଥରରେ ଛେଚି ହତ୍ୟା କରାଯାଇଛି। ସେ ହେଲେ ଏଙ୍କା ରେଡ୍ଡୀ। ରବିବାର ସକାଳେ ଚମାଖଣ୍ଡି ଥାନା ଟାଙ୍ଗଣାପଲ୍ଲୀ ପଞ୍ଚାୟତ ନୂଆ ନଗରଡ଼ିହର ଏକ ଗୋଚର ଜମିରୁ ତାଙ୍କ ମୃତଦେହକୁ ପୋଲିସ ଉଦ୍ଧାର କରିଛି ।

କୁଲାଡ଼-ଗାଲେରି ରାସ୍ତା ବନ୍ଦ

କୁଲାଡ଼-ଗାଲେରି ରାସ୍ତା ବନ୍ଦ

ଭଞ୍ଜନଗର,୧୬।୭(ଡି.ଏନ.ଏ.)- ଭଞ୍ଜନଗର ଅଞ୍ଚଳରେ ଶନିବାର ଓ ରବିବାର ତୁହାକୁ ତୁହା ବର୍ଷା ହେଉଛି । ଏଥିଯୋଗୁ ଭଞ୍ଜନଗର ବ୍ଲକ ସୋରିଷମୂଳିଠାରେ ବଡ଼ ନଦୀରେ ଥିବା ଅସ୍ଥାୟୀ ସେତୁ ରବିବାର ସମ୍ପୂର୍ଣ୍ଣ ଧୋଇଯାଇଛି। ଫଳରେ କୁଲାଡ଼ ଭାୟା ତୁରୁମୁ ଗାଲେରି ରାସ୍ତା ବନ୍ଦ ହୋଇଯାଇଛି।

ଘର ଦେଇ ପ୍ରବାହିତ ହେଲା ବର୍ଷାଜଳ

ଘର ଦେଇ ପ୍ରବାହିତ ହେଲା ବର୍ଷାଜଳ

ଶେରଗଡ, ୧୬ା୭ (ଡି.ଏନ୍‌.ଏ.) -ଶେରଗଡ ବ୍ଲକରେ ଶନିବାର ଠାରୁ ଲଗାଣ ବର୍ଷା ଲାଗି ରହିଛି। ରୈବତ ପାହାଡରେ ବର୍ଷା ହେବାରୁ ରାମଗିରି ଗ୍ରାମର ୭ ପରିବାର ଘର ଦେଇ ବର୍ଷାଜଳ ପ୍ରବାହିତ ହୋଇଛି। ଫଳରେ ବହୁ ସାମଗ୍ରୀ ନଷ୍ଟ ହୋଇଥିବା ଦେଖିବାକୁ ମିଳିଛି।

ଜୁଆ ଆଡ୍ଡାରେ ଚଢାଉ, ୪ ଗିରଫ

ଆସିକା,୧୬ା୭ (ଡି.ଏନ୍‌.ଏ.)-ଗାଙ୍ଗପୁର ଥାନା ବାଙ୍କଲଡି ଗ୍ରାମରେ ଚାଲିଥିବା ଏକ ଜୁଆ ଆଡ୍ଡା ଉପରେ ଶନିବାର ରାତିରେ ପୋଲିସ ଚଢାଉ କରିଥିଲା । ସେଠାରୁ ପୋଲିସ ୪ଜଣଙ୍କୁ ଗିରଫ କରିବା ସହ ୩୬ ହଜାର ୮ଶହ ଟଙ୍କା, ୪ଟି ମୋବାଇଲ ଫୋନ ଓ ଗୋଟିଏ ତାସ ମୁଠା ଜବତ କରିଛି ।

ଏଟିଏମ୍‌ କାର୍ଡ ଚୋରି କରି ଟଙ୍କା ହଡପ, ଅଭିଯୁକ୍ତ ଗିରଫ

ହିଞ୍ଜିଳିକାଟୁ, ୧୬।୭(ଡି.ଏନ୍‌.ଏ.)- ଜଣେ ବ୍ୟକ୍ତିଙ୍କ ଏଟିଏମ୍‌ କାର୍ଡ ଚୋରି କରି ବିଭିନ୍ନ କିସ୍ତିରେ ୧୮ ହଜାର ୬ ଶହ ଟଙ୍କା ଉଠାଣ ଅଭିଯୋଗରେ ହିଞ୍ଜିଳି ପୋଲିସ ରବିବାର ଜଣଙ୍କୁ ଗିରଫ କରିଛି। ଗିରଫ ଯୁବକ ଜଣକ ହିଞ୍ଜିଳି ଥାନା କୋଳିଦାସପୁର ଗ୍ରାମର ଅଗାଧୁ ରାଉତ(୨୯)।

Model This Week

ରୂପେଶ