ରାଜ୍ୟ |

ଯାତ୍ରା ମଞ୍ଚରେ ଅନନ୍ତ ଅନ୍ଧାର

ଯାତ୍ରା ମଞ୍ଚରେ ଅନନ୍ତ ଅନ୍ଧାର

କେନ୍ଦ୍ରାପଡ଼ା ଅଫିସ/ଡେରାବିଶ(ସ୍ବ.ପ୍ର.), ୩୧।୧୨- ଓଡ଼ିଆ ଅପେରା ଓ ରଙ୍ଗମଞ୍ଚର ନିଷ୍ଠାପର କଳାସାଧକ, ଯାତ୍ରା କାହାଣୀର କୃତୀ ବିନ୍ଧାଣୀ, ସଫଳ ମଞ୍ଚର ଜଣେ ସଫଳ ସ୍ରଷ୍ଟା ନାଟ୍ୟକାର ଅନନ୍ତ ଓଝା ଆଉନାହାନ୍ତି। ଦୀର୍ଘଦିନ ଧରି କର୍କଟ ରୋଗରେ ଆକ୍ରାନ୍ତ ହୋଇ ବାଙ୍ଗାଲୋରସ୍ଥିତ ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ଓଝା ରବିବାର ସନ୍ଧ୍ୟାରେ ୬୦ବର୍ଷ ବୟସରେ ଇହଧାମ ତ୍ୟାଗ କରିଛନ୍ତି।
୧୯୫୭ରେ କେନ୍ଦ୍ରାପଡ଼ା ଜିଲା ଡେରାବିଶ ବ୍ଲକ ବୀରନୀଳକଣ୍ଠପୁରଠାରେ ଜନ୍ମଗ୍ରହଣ କରିଥିବା ଅନନ୍ତ ଓଝା ଜଣେ ସୁପ୍ରସିଦ୍ଧ କାହାଣୀକାର ଥିଲେ। ୧୯୭୩ରେ ଡେରାବିଶସ୍ଥିତ ସନ୍ଥପୁରା କୃଷ୍ଣଚନ୍ଦ୍ର ଉଚ୍ଚ ବିଦ୍ୟାଳୟରେ ମାଟ୍ରିକ ପାସ କରିବା ପରେ ଗଣନାଟ୍ୟର ପରିବେଷଣ ଶୈଳୀ ଓ କାହାଣୀ ପ୍ରତି ଆକୃଷ୍ଟ ହୋଇ ସେ ନାଟ୍ୟ ଜଗତରେ ପ୍ରବେଶ କରିଥିଲେ। ମାତ୍ର ୧୫ ବର୍ଷ ବୟସରେ ଏକ ସାମାଜିକ ବିପ୍ଳବଧର୍ମୀ ନାଟକ ‘ଗାନ୍ଧୀବାଦ ଆଜି କବର ତଳେ’ର ରଚନା କରି ସେ ନାଟ୍ୟ ଜଗତରେ ଉଦାହରଣ ସୃଷ୍ଟି କରିଥିଲେ। ପରେ ତାଙ୍କ ରଚିତ ‘ଖଜୁରି ଗଛର କି ଗୁଣ ଗାଇବି’, ‘ମୋ ପେଁକାଳି ବଜାଇ ଦେ’, ‘ଭଲ ମଣିଷ ଖୋଜା ଚାଲିଛି’, ‘ହରେକୃଷ୍ଣ ହରେରାମ’, ‘ନର୍କରୁ ନିର୍ମାଲ୍ୟ’, ‘ଡିମିରଫୁଲ’, ‘ମୁଇଁ ସମ୍ବଲପୁରୀ ନନୀ’, ‘ଜୀବନ ଯଜ୍ଞ’, ‘ବାଇଶି ପାହାଚେ ଖେଳିବ ମୀନ’ ଭଳି କାହାଣୀ ଯାତ୍ରା ଜଗତରେ ଚହଳ ସୃଷ୍ଟି କରିଥିଲା। ତାଙ୍କ ନାଟକ ରଚନା କାଳରେ ୫୯ ନାଟକ ପ୍ରଦର୍ଶିତ ଓ ପ୍ରକାଶିତ ହୋଇଥିବା ବେଳେ ୫୪ଟି ନାଟକ ଯାତ୍ରାମଞ୍ଚରେ ପ୍ରଦର୍ଶିତ ହୋଇଛି। ଏପରି କି କର୍କଟ ରୋଗରେ ଆକ୍ରାନ୍ତ ହେବା ପରେ ମଧ୍ୟ ସେ ୮ଟି ନାଟକ ରଚନା କରିଥିଲେ। ଯାତ୍ରା ଓ ନାଟକ ପ୍ରତି ତାଙ୍କର ଏହି ଉତ୍ସର୍ଗୀକୃତ ଅବଦାନ ଲାଗି ଜୀବନକାଳ ମଧ୍ୟରେ ସେ ୩୭ଟି ଅନୁଷ୍ଠାନ ତରଫରୁ ସମ୍ବର୍ଦ୍ଧିତ ଓ ପୁରସ୍କୃତ ହୋଇଥିଲେ। ତାଙ୍କ ବିୟୋଗରେ କଳା ଜଗତରେ ଏକ ଅପୂରଣୀୟ କ୍ଷତି ଘଟିଥିବା ଅପେରା ଓ ମଞ୍ଚ ଜଗତର ବରିଷ୍ଠ ବ୍ୟକ୍ତିତ୍ୱମାନେ କହିଛନ୍ତି। ମୃତ୍ୟୁ ଖବର ପ୍ରଚାରିତ ହେବା ପରେ କେନ୍ଦ୍ରାପଡ଼ା ଜିଲା ସହ ସମଗ୍ର ରାଜ୍ୟରେ ଶୋକର ଛାୟା ଖେଳିଯାଇଛି। ଜିଲା ଓ ବାହାର ଜିଲାର ମଞ୍ଚ କଳାକାର, କଳାପ୍ରେମୀ, ବୁଦ୍ଧିଜୀବୀ ଏବଂ ରାଜନେତାମାନେ ନାଟ୍ୟକାର ଓଝାଙ୍କ ବାସଭବନ ନିକଟରେ ଏକାଠି ହୋଇ ଶେଷ ଦର୍ଶନ କରିଛନ୍ତି। ସେହିପରି ଡେରାବିଶ ମହୋତ୍ସବରେ ସ୍ବର୍ଗତ ଓଝାଙ୍କ ପାଇଁ ଏକ ମିନିଟ ନୀରବ ପ୍ରାର୍ଥନା କରାଯାଇଛି। ସାମାଜିକ ଗଣମାଧ୍ୟମରେ ମଧ୍ୟ ବହୁ ବ୍ୟକ୍ତି ତାଙ୍କ ପରିବାର ସଦସ୍ୟଙ୍କୁ ସମବେଦନା ଜଣାଇବା ସହିତ ଅମର ଆତ୍ମାର ସଦ୍‌ଗତି କାମନା କରିଛନ୍ତି। ସୋମବାର ଅନନ୍ତଙ୍କ ମୃତଦେହକୁ ତାଙ୍କ ଜନ୍ମସ୍ଥାନକୁ ଅଣାଯିବ ବୋଲି ତାଙ୍କ ପରିବାର ସୂତ୍ରରୁ ଜଣାପଡିଛି। ଓଝାଙ୍କ ବିୟୋଗରେ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ଚନ୍ଦ୍ର ପଣ୍ଡା ଗଭୀର ଶୋକପ୍ରକାଶ କରିବା ସହିତ ଓଡ଼ିଆ ଯାତ୍ରା ଓ ନାଟ୍ୟ ଜଗତରେ ବିଶାଳ ଶୂନ୍ୟସ୍ଥାନ ସୃଷ୍ଟି ହୋଇଥିବା କହିଛନ୍ତି। ସଂସ୍କୃତି ଓ ସଂସ୍କୃତି ଅନୁଷ୍ଠାନ, ଓଡ଼ିଶା ଯାତ୍ରା କଳାକାର ସଂଘ, ଓଡ଼ିଶା ସିନେକ୍ରିଟିକ୍‌ ଆସୋସିଏଶନ ପକ୍ଷରୁ ମଧ୍ୟ ଶୋକପ୍ରକାଶ କରାଯାଇଛି।

All Right Reserved By

Model This Week

ନିକିତା

ରାଜ୍ୟ |

ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲା, ଅଧ୍ୟାପକଙ୍କ ସହ ୪ ସନ୍ଦିଗ୍ଧଙ୍କୁ ଉଠାଇଲା କ୍ରାଇମବ୍ରାଞ୍ଚ

ବଲାଙ୍ଗୀର ଅଫିସ,୨୨।୪- ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ଘଟଣା ନୂଆ ମୋଡ଼ ନେଇଛି। ରବିବାର ସକାଳ ୫ଟାରେ କ୍ରାଇମବ୍ରାଞ୍ଚ ଟିମ୍‌ ପାଟଣାଗଡ଼ ମେହେରପଡ଼ାସ୍ଥିତ ଅଧ୍ୟାପକ ପୁଞ୍ଜିଲାଲ ମେହେରଙ୍କ ଘରେ ଚଢ଼ାଉ କରି ତାଙ୍କ ଲାପଟପ୍‌, ଡାଏରୀ ଜବତ କରିବା ସହ ତାଙ୍କୁ ଉଠାଇ ନେଇଛି। ସୂଚନାଯୋଗ୍ୟ, ମେହେର ଭଇଁଷା କଲେଜରେ ଅଧ୍ୟାପକ ଭାବେ

ପଦାରେ ପଡ଼ିଲା ଷଡ଼ଯନ୍ତ୍ର ଦୋଛକିରେ ପ୍ରଶାସନ, ସେବାୟତ

ପଦାରେ ପଡ଼ିଲା ଷଡ଼ଯନ୍ତ୍ର ଦୋଛକିରେ ପ୍ରଶାସନ, ସେବାୟତ

ପୁରୀ ଅଫିସ, ୨୨।୪: ନୀତି ବିଭ୍ରାଟକୁ ନେଇ ହାଇକୋର୍ଟରେ ଶ୍ରୀମନ୍ଦିର ପ୍ରଶାସନ ଯେଉଁ ସତ୍ୟପାଠ ଦାଖଲ କରିଛି ତାହାକୁ ନେଇ ଏବେ ଅଡୁଆ ବଢିବାରେ ଲାଗିଛି। ସତ୍ୟପାଠରେ ନୀତି ବିଭ୍ରାଟ ପାଇଁ ଭିତରଚ୍ଛ ଭବାନୀ ଶଙ୍କର ମହାପାତ୍ର, ସୁଆର ମହାସୁଆର ନିଯୋଗ ସଭାପତି ଦାମୋଦର ମହାସୁଆର, ପୂଜାପଣ୍ଡା ନିଯୋଗ ସମ୍ପାଦକ ତଥା ପରିଚାଳନା କମିଟି ସଦସ୍ୟ ମାଧବ ପୂଜାପଣ୍ଡା ସାମନ୍ତଙ୍କୁ ଦାୟୀ କରାଯାଇଛି। ପଧାନୀ ନିଯୋଗ ଏବଂ ମହାଜନ ନିଯୋଗର ଅସହଯୋଗରୁ ନୀତି ବିଳମ୍ବ ହୋଇଥିବା ଦର୍ଶାଯାଇଛି।

ନବୋଦୟ ପରୀକ୍ଷା ଦେଲେ ୫୧୯ ପରୀକ୍ଷାର୍ଥୀ

ନବୋଦୟ ପରୀକ୍ଷା ଦେଲେ ୫୧୯ ପରୀକ୍ଷାର୍ଥୀ

ଭଣ୍ଡାରିପୋଖରୀ,୨୨।୪(ଡି.ଏନ.ଏ.)-ଭଦ୍ରକ ଜିଲା ଭଣ୍ଡାରିପୋଖରୀ ବ୍ଲକର ୨ଟି କେନ୍ଦ୍ର ଭଣ୍ଡାରିପୋଖରୀ ନୋଡାଲ ଉଚ୍ଚ ବିଦ୍ୟାଳୟ ଏବଂ ସରସଦା ନୋଡାଲ ଉଚ୍ଚ ବିଦ୍ୟାଳୟଠାରେ ଶନିବାର ନବୋଦୟ ପରୀକ୍ଷା ଅନୁଷ୍ଠିତ ହୋଇଥିଲା। ସରସଦା କେନ୍ଦ୍ରରେ ୩୦୯ ଏବଂ ଭଣ୍ଡାରିପୋଖରୀ କେନ୍ଦ୍ରରେ ୨୧୦ ପରୀକ୍ଷାର୍ଥୀ ପରୀକ୍ଷା ଦେଇଥିଲେ। ଦୁଇ ସେଣ୍ଟରରୁ ମୋଟ ୫୩ ପରୀକ୍ଷାର୍ଥୀ ଅନୁପସ୍ଥିତ ଥିଲେ।

‘ତାଙ୍କ କବିତା ଥିଲା ଅଗ୍ନିବାଣୀ’

‘ତାଙ୍କ କବିତା ଥିଲା ଅଗ୍ନିବାଣୀ’

ଭଦ୍ରକ ଅଫିସ,୨୨।୪- ବିଶିଷ୍ଟ କବି ବାଞ୍ଛାନିଧି ମହାନ୍ତି ଥିଲେ ଭାରତୀୟ ମୁକ୍ତି ଆନ୍ଦୋଳନର ଜଣେ ଅଗ୍ରଣୀ ଯୋଦ୍ଧା। କବିତା ଓ ସଙ୍ଗୀତ ରଚନା କରି ସୁପ୍ତ ଜାତିର ହୃଦୟରେ ସେ ଦେଶାତ୍ମବୋଧ ଭାବନା ସୃଷ୍ଟି କରି ଜାତୀୟତାର ଶଙ୍ଖନାଦ କରିଥିଲେ। ଗୋପବନ୍ଧୁ ଦାସ, ମହାତ୍ମା ଗାନ୍ଧୀ ଓ ସୁଭାଷ ବୋଷଙ୍କ ବ୍ୟକ୍ତିତ୍ୱର ଆଦର୍ଶରେ ଅନୁପ୍ରାଣିତ ହୋଇ ସେ ଉତ୍କଳୀୟ ଚେତନା ସହ ଜାତୀୟ ଚେତନାର ମଞ୍ଜି ବୁଣିଥିଲେ। ତାଙ୍କ ସାରସ୍ବତ ସୃଷ୍ଟିରେ ଏହି ଚେତନାର ମିଶ୍ରରାଗ ବାରି ହୋଇ ପଡ଼େ ବୋଲି ଭଦ୍ରକ ଶହୀଦ ସ୍ମୃତି ଭବନଠାରେ ଅନୁଷ୍ଠିତ ୧୨୧ତମ ଜୟନ୍ତୀ ଉତ୍ସବରେ ଅତିଥିମାନେ ମତବ୍ୟକ୍ତ କରିଛନ୍ତି।

କାଳବୈଶାଖୀ ଉଜାଡ଼ିଲା ଫସଲ

କାଳବୈଶାଖୀ ଉଜାଡ଼ିଲା ଫସଲ

ବନ୍ତ,୨୨।୪(ସ୍ବ.ପ୍ର.)-ଦୀର୍ଘ ଏକ ସପ୍ତାହ ଧରି ଅପରାହ୍ନ ସମୟରେ କାଳବୈଶାଖୀର ତାଣ୍ଡବ ଲାଗି ରହିଛି। ଭଦ୍ରକ ଜିଲାର ବନ୍ତ ଅଞ୍ଚଳରେ ଝଡ଼ବର୍ଷା ଓ କୁଆପଥର ମାଡ଼ ଯୋଗୁ ୬ହଜାର ହେକ୍ଟରରୁ ଅଧିକ ଚାଷଜମିର ରବି ଓ ପନିପରିବା ଫସଲ ନଷ୍ଟ ହୋଇଛି। ଡାଳୁଅ ଧାନ ମଧ୍ୟ ପ୍ରଭାବିତ ହୋଇଛି। ଝଡ଼ ପବନ ଯୋଗୁ ବିଭିନ୍ନ ସ୍ଥାନରେ ଗଛ, ବିଦ୍ୟୁତ୍‌ ଖୁଣ୍ଟ ଭାଙ୍ଗିବାରୁ ବିଦ୍ୟୁତ୍‌ ସେବା ବାଧାପ୍ରାପ୍ତ ହୋଇଛି। ଅନେକ ସ୍ଥାନରେ ଘର ଛପର ଉଡ଼ିଯିବାରୁ ଗରିବ ଲୋକେ ବେସାହାରା ହୋଇପଡ଼ିଛନ୍ତି।

ଶିକ୍ଷାଧିକାରୀଙ୍କ ଅଫିସରେ ତାଲା ପକାଇଲେ ଅଭିଭାବକ

ଶିକ୍ଷାଧିକାରୀଙ୍କ ଅଫିସରେ ତାଲା ପକାଇଲେ ଅଭିଭାବକ

ପାଟଣା, ୨୨।୪ (ସ୍ବ.ପ୍ର.) -କେନ୍ଦୁଝର ଜିଲା ପାଟଣା ଥାନା ସାହାରପଡା ବ୍ଲକ ଗୋଷ୍ଠୀ ଶିକ୍ଷାଧିକାରୀଙ୍କ କାର୍ଯ୍ୟାଳୟ ଓ ଗୌରାଙ୍ଗଯୋଡ଼ିସ୍ଥିତ ଆଦର୍ଶ ବିଦ୍ୟାଳୟର ମୁଖ୍ୟ ଫାଟକରେ ଶନିବାର ଉତ୍ତ୍ୟକ୍ତ ଅଭିଭାବକମାନେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିଥିଲେ। ଏଥର ଆଦର୍ଶ ବିଦ୍ୟାଳୟରେ ପାଠ ପଢ଼ିବା ପାଇଁ ଘରୋଇ ଶିକ୍ଷାନୁଷ୍ଠାନର ଛାତ୍ରୀଛାତ୍ରଙ୍କୁ ପ୍ରବେଶିକା ପରୀକ୍ଷାଦେବା ଲାଗି ସୁଯୋଗ ଦିଆଯାଇଥିଲା। କିନ୍ତୁ ଶୁକ୍ରବାର ପ୍ରକାଶିତ ମେରିଟ୍‌ ଲିଷ୍ଟରେ ଘରୋଇ ଶିକ୍ଷାନୁଷ୍ଠାନ ଛାତ୍ରୀଛାତ୍ରଙ୍କ ନାମ ସ୍ଥାନ ପାଇ ନ ଥିଲା ।

ମାଓବାଦୀ ପରିଚୟ ଦେଇ କାରଖାନାକୁ ପଶିିଲେ ୮ ସଶସ୍ତ୍ର ବ୍ୟକ୍ତି

ରାଇସୁଆଁ,୨୨।୪(ଡି.ଏନ.ଏ.)-କେନ୍ଦୁଝର ଜିଲାରେ ମାଓବାଦୀଙ୍କ କାର୍ଯ୍ୟକଳାପ ସମ୍ପୂର୍ଣ୍ଣ ଥମି ଯାଇଥିବା ବେଳେ ବାଂଶପାଳ ଅଞ୍ଚଳରେ ପୁଣି ସେମାନଙ୍କ ଆବିର୍ଭାବ ଘଟିବା ନେଇ ଚର୍ଚ୍ଚା ଜମିଛି। ଶୁକ୍ରବାର ରାତି ପ୍ରାୟ ଗୋଟାଏ ବେଳେ ୮ଜଣ ସଶସ୍ତ୍ର ବ୍ୟକ୍ତି ନିଜକୁ ମାଓବାଦୀ ବୋଲି ପରିଚୟ ଦେଇ ବାଂଶପାଳ ବ୍ଲକ ଅନ୍ତର୍ଗତ ଫୁଲଝର ଗ୍ରାମ ନିକଟରେ ଥିବା ଏକ କାରଖାନା ନିକଟକୁ ଆସିଥିଲେ।

ବୀମା ଟଙ୍କା ନ ପାଇ ଆଖି ବୁଜିଲେଣି ୪୦ ଚାଷୀ

ବୀମା ଟଙ୍କା ନ ପାଇ ଆଖି ବୁଜିଲେଣି ୪୦ ଚାଷୀ

ବାରିପଦା ଅଫିସ,୨୨।୪-ମରୁଡି ପ୍ରପିଡିତ ଅଞ୍ଚଳ ଘୋଷଣା ସତ୍ତ୍ୱେ ୩ ବର୍ଷ ହେଲା ଚାଷୀଙ୍କୁ ମିଳିପାରିନି ବୀମା ସହାୟତା। ମୟୂରଭଞ୍ଜ ଜିଲା ସେଣ୍ଟ୍ରାଲ କୋ-ଅପରେଟିଭ ବ୍ୟାଙ୍କ କର୍ତ୍ତୃପକ୍ଷଙ୍କ ଅବହେଳା କାରଣରୁ ଏଭଳି ସମସ୍ୟା ହୋଇଥିବା ଅଭିଯୋଗ ହୋଇଛି। ଏହି ଘଟଣାର ଉଚ୍ଚସ୍ତରୀୟ ତଦନ୍ତ ଆରମ୍ଭ ହୋଇଛି। ବୀମା ସହାୟତା ଅପେକ୍ଷାରେ ଥିବା ମୋଟ ୭୬୦ ଚାଷୀଙ୍କ ମଧ୍ୟରୁ ୪୦ ଜଣଙ୍କର ମୃତ୍ୟୁ ଘଟିଥିବା ଭଳି ସମ୍ବେଦନଶୀଳ ଘଟଣା ପଦାକୁ ଆସିଛି। ଏ ସଂକ୍ରାନ୍ତରେ ଅଭିଯୋଗକୁ ଗୁରୁତ୍ୱ ଦେଇ ରାଜ୍ୟ ସମବାୟ ବିଭାଗ ଅଧୀନରେ ଥିବା ମୟୂରଭଞ୍ଜ ଜିଲା ସେଣ୍ଟ୍ରାଲ କୋ-ଅପରେଟିଭ ବ୍ୟାଙ୍କ (ସିସିବି)ଚାଷୀଙ୍କୁ ବୀମା ଟଙ୍କା ଦେବା ଲାଗି ଏବେ ତତ୍ପର ହୋଇଉଠିଛି।

ଅଟୋରିକ୍ସାରେ ଲାଗିବ ଚାଳକ ଓ ଯାନର ସବିଶେଷ ତଥ୍ୟ

ଅଟୋରିକ୍ସାରେ ଲାଗିବ ଚାଳକ ଓ ଯାନର ସବିଶେଷ ତଥ୍ୟ

ବାଲେଶ୍ୱର ଅଫିସ, ୨୨ା୪-ବାଲେଶ୍ୱର ଆଞ୍ଚଳିକ ପରିବହନ ଅଫିସ୍‌ରେ ଶନିବାର ପୂର୍ବାହ୍ନରେ ବାଲେଶ୍ୱର ଅଟୋ ଆସୋସିଏଶନ, ଆଞ୍ଚଳିକ ପରିବହନ ଅଧିକାରୀଙ୍କ ଏବଂ ଜିଲାପାଳଙ୍କର ସମନ୍ବୟ ବୈଠକ ଅନୁଷ୍ଠିତ ହୋଇଯାଇଛି। ଅଟୋରିକ୍ସାରେ ଚାଳକ ଓ ଯାନର ସବିଶେଷ ତଥ୍ୟ ଲାଗିବ ବୋଲି ନିଷ୍ପତ୍ତି ହୋଇଛି।

ଅଚଳ ପ୍ରକଳ୍ପ ସଚଳ ହେଲା

ରାଇସୁଆଁ,୨୨।୪(ଡି.ଏନ.ଏ.)-ଜଳକଷ୍ଟ ଭୋଗୁଥିବା କେନ୍ଦୁଝର ଜିଲା ବରଦାପାଳ ଗ୍ରାମର ଗୋପାଳସାହି, ଶିମିଳିସାହି, ଭୂୟାଁ ସାହି, ପାତ୍ର ସାହି, କେଲ ସାହି, ହସ୍ପିଟାଲ ସାହି ଗ୍ରାମର ଲୋକଙ୍କୁ ପାନୀୟଜଳ ଯୋଗାଇ ଦେବା ଲାଗି ପ୍ରଶାସନ ତତ୍ପର ହୋଇ ଉଠିଛି। ସେଠାରେ ଅଚଳ ହୋଇ ପଡିଥିବା ପ୍ରକଳ୍ପକୁ କାର୍ଯ୍ୟକ୍ଷମ କରିବା ସକାଶେ ନୂଆ ବୋର୍‌ଓ୍ବେଲ ଖୋଳାଯାଇଛି। ଖୁବ୍‌ ଶୀଘ୍ର ଲୋକଙ୍କୁ ପାନୀୟଜଳ ଯୋଗାଇ ଦିଆଯିବ ବୋଲି ବିଭାଗ ପକ୍ଷରୁ କୁହାଯାଇଛି।

ପାନୀୟ ଜଳ ସମସ୍ୟା ନେଇ ପ୍ରଶାସନର ଦ୍ୱାରସ୍ଥ ହେଲେ ମହିଳା

ପାନୀୟ ଜଳ ସମସ୍ୟା ନେଇ ପ୍ରଶାସନର ଦ୍ୱାରସ୍ଥ ହେଲେ ମହିଳା

ଚମ୍ପୁଆ,୨୨।୪(ଡି.ଏନ.ଏ.)- କେନ୍ଦୁଝର ଜିଲା ଚମ୍ପୁଆ ବ୍ଲକ କୋଦଗାଡିଆ ହନୁମାନ ସାହି ଓ ଏହା ଆଖପାଖ ଅଞ୍ଚଳରେ ପାନୀୟ ଜଳାଭାବ ସମସ୍ୟା ଗୁରୁତର ରୂପ ନେଇଛି । ପ୍ରଶାସନ ପକ୍ଷରୁ କୌଣସି ପ୍ରତିକାର କରା ନ ଯିବାରୁ ଅଞ୍ଚଳର ମହିଳାମାନେ ଏକତ୍ରିତ ହୋଇ ଶନିବାର ଉପଜିଲାପାଳ ପାରୁଲ ପଟାୱରିଙ୍କୁ ଭେଟି ଏ ନେଇ ଲିଖିତ ଅଭିଯୋଗ କରିଛନ୍ତି।

କଳାକାରଙ୍କୁ ମିଳୁନି ଉଚିତ ପ୍ରୋତ୍ସାହନ

କଳାକାରଙ୍କୁ ମିଳୁନି ଉଚିତ ପ୍ରୋତ୍ସାହନ

କେନ୍ଦୁଝର ୨୨।୪( ସ୍ବ.ପ୍ର.)- ‘ଥରେ କରିଆ କଲେଜକୁ ଯାଇଥିଲି । ଛାତ୍ରୀଛାତ୍ର ସେଠାରେ ବଂଶୀ ବଜାଇକୁ ଅନୁରୋଧ କଲେ। ମୁଁ ବଂଶୀରେ କେତେକ ଧୂନ୍‌ ପରିବେଷଣ କରିଥିଲି। ପିଲାମାନେ ଘଣ୍ଟାଏ ଧରି ବଇଁଶୀ ବାଦନ ଧୂନ୍‌ର ତାଳେ ତାଳେ ନାଚିଥିଲେ । ସେ ଅନୁଭୂତି ଥିଲା ନିଆରା। ବାରିପଦା କୋର୍ଟରେ ଚାକିରି କରୁଥିବା ବେଳେ ବିଦେଶ ଯାଇ ଛଉନୃତ୍ୟ ଲାଗି ବଂଶୀ ବାଦନର ସୁଯୋଗ ପାଇଥିଲି। ବଦଳି ହୋଇଯିବାରୁ ବିଦେଶ ଗସ୍ତରୁ ବଞ୍ଚିତ ହୋଇଥିଲି।’ ଏଭଳି ସୁଖ ଓ ଦୁଃଖ ମିଶ୍ରିତ ଅନୁଭୂତିର କଥା କହି ବସନ୍ତି ବର୍ଷିୟାନ ବଂଶୀ ବାଦକ ଦିବାକର ଚାୈଧୁରୀ (୭୭) ।