ବ୍ରହ୍ମପୁର

ଧାନ କିଣିବାକୁ ସରକାର ଅନାଗ୍ରହୀ

ଧାନ କିଣିବାକୁ ସରକାର ଅନାଗ୍ରହୀ
ବ୍ରହ୍ମପୁର ଅଫିସ,୩୧।୧୨- କୃଷି ପ୍ରଧାନ ଗଞ୍ଜାମ ଜିଲାରେ ଚାଷୀମାନେ ଉପତ୍ାଦିତ ଧାନ ବିକ୍ରି କରି ନ ପାରି ହନ୍ତସନ୍ତ ହେଉଛନ୍ତି। ଆର୍ଥିକ କ୍ଷତି ସହୁଛନ୍ତି, ଅଭାବୀ ବିକ୍ରିର ଶିକାର ହେଉଛନ୍ତି। କିନ୍ତୁ ଚାଷୀଙ୍କଠାରୁ ଧାନ କିଣିବା ଦିଗରେ ସରକାର ଆଗ୍ରହ ଦେଖାଉ ନାହାନ୍ତି। ଯାହାକୁ ନେଇ ଚାଷୀ ମହଲରେ ଅସନ୍ତୋଷ ଦେଖାଦେଉଛି। ଆଗାମୀ ଦିନରେ ଏହି ସମସ୍ୟାକୁ ନେଇ ଆନ୍ଦୋଳନ କରିବ ବୋଲି ଋଷିକୁଲ୍ୟା ରୟତ ମହାସଭା ଚେତାବନୀ ଦେଇଛି। ଲୋକଶକ୍ତି ଅଭିଯାନ ସଭାପତି ତଥା ଓଡ଼ିଶା କୃଷକ ସଂଗଠନ ସମନ୍ବୟ ସମିତି ନେତା ପ୍ରଫୁଲ୍ଲ ସାମନ୍ତରା ଏକ ଖବରଦାତା ସମ୍ମିଳନୀରେ କହିଛନ୍ତି ଯେ, ଗଞ୍ଜାମ ଜିଲାର ଚାଷୀଙ୍କ ମୁଖ୍ୟ ଫସଲ ହେଉଛି ଧାନ। କିନ୍ତୁ ପ୍ରତିବର୍ଷ ସରକାର ଆଦାୟ ଧାନର ମାତ୍ର ୩୫ଭାଗ କିଣୁଛନ୍ତି। ଗରିବ ଚାଷୀ ଓ ଭାଗ ଚାଷୀମାନେ ତାଙ୍କ ଧାନ ବିକ୍ରି କରି ନ ପାରି ଦଲାଲ୍‌ମାନଙ୍କୁ କମ୍‌ ଦରରେ ବିକ୍ରି କରୁଛନ୍ତି। ପ୍ରତି ବର୍ଷ ଚାଷୀଙ୍କର ଏଥି ଯୋଗୁ ୨୦କୋଟି ଟଙ୍କା କ୍ଷତି ହେଉଛି। ଚଳିତ ବର୍ଷ ଉପତ୍ାଦନର ଏକ ମାସ ବିତି ଯାଇଥିଲେ ମଧ୍ୟ ନାମକୁ ମାତ୍ର ଗତ ୨୧ତାରିଖରେ ମଣ୍ଡି ଖୋଲାଯାଇଥିଲା। ପରବର୍ତ୍ତୀ ସମୟରେ ମଣ୍ଡି ବନ୍ଦ ହୋଇଯାଇଛି। ଦଲାଲ୍‌ଙ୍କ ଜରିଆରେ ପ୍ରତିଦିନ ଶହଶହ ଟ୍ରକ ଧାନ ଆନ୍ଧ୍ରକୁ ଚାଲାଣ ହେଉଛି। ଗରୀବ ଓ ଭାଗ ଚାଷୀମାନେ ୭୭କିଲୋକୁ ୯୫୦ଟଙ୍କାରେ ବିକ୍ରି କରୁଛନ୍ତି। ଅଦିନିଆ ବର୍ଷା ଏବଂ ପୋକ ସତ୍ତ୍ବେ ଚଳିତ ବର୍ଷ ଧାନ ଉପତ୍ାଦନ ଭଲ ହୋଇଛି। ଅନ୍ୟପଟେ ଧାନ କିଣିବା ପାଇଁ ମିଲର୍‌ମାନେ ଏକପର୍ଯ୍ୟନ୍ତ ଚୁକ୍ତି କରିନାହାନ୍ତି। ଫଳରେ ସୋସାଇଟିଗୁଡ଼ିକରେ ଧାନ କିଣା ହୋଇପାରୁନି। ଜିଲା ପ୍ରଶାନ କିମ୍ବା ରାଜନେତାମାନେ ଚାଷୀଙ୍କ ପ୍ରତି ଦରଦ ଦେଖାଉନାହାନ୍ତି। ଏଭଳି ସ୍ଥଳରେ ଚାଷୀଙ୍କଠାରୁ ସରକାର ସିଧାସଳଖ ଧାନ କିଣନ୍ତୁ ବୋଲି ସଂଗଠନ ଦାବି କରିଛି। ଆଗାମୀ ଦିନରେ ଧାନ କିଣା ବ୍ୟବସ୍ଥିତ ନ ହେଲେ ମୁଖ୍ୟମନ୍ତ୍ରୀଙ୍କ ବାସଭବନ ସମ୍ମୁଖରେ ଧାରଣା ଦେବା ସହ ଜାତୀୟ ରାଜପଥ ଅବରୋଧ କରାଯିବ ବୋଲି ସଂଗଠନ ଚେତାବନୀ ଦେଇଛି। ଚାଷୀଙ୍କ ସୁବିଧା ଅନୁଯାୟୀ ପ୍ରତି ଗ୍ରାମରେ ମଣ୍ଡି ଖୋଲାଯାଉ ଓ ମଣ୍ଡିକୁ ଧାନ ଆଣିବା ପାଇଁ ଚାଷୀଙ୍କୁ ଗାଡ଼ି ଭଡ଼ା ଦିଆଯାଉ। ଧାନର ଏଫ୍‌ଏକ୍ୟୁ ମାନ ବାହାନାରେ ୫ କିଲୋରୁ ୮କିଲୋ ପର୍ଯ୍ୟନ୍ତ ଧାନ ଅଧିକ ନେବା ବନ୍ଦ ହେବା ଆବଶ୍ୟକ। ସରକାରଙ୍କ ତରଫରୁ ଖାଉଟି କାର୍ଡ଼ରେ ୯୦ଭାଗ ଚାଷୀଙ୍କୁ ଚାଉଳ ଦିଆଯାଉ। ମୁଣ୍ଡ ପିଚ୍ଛା ୩ କୁଇଣ୍ଟାଲ୍‌ ଧାନ କଟା ଯାଉଥିବାରୁ ଗରିବ ଓ ଭାଗ ଚାଷୀମାନେ ଧାନ ବିକ୍ରି କରିପାରୁ ନାହାନ୍ତି। କମ୍‌ ଦରରେ ବିକି ଗରିବ ଚାଷୀମାନେ କ୍ଷତି ସହୁଛନ୍ତି ବୋଲି ଖବରଦାତା ସମ୍ମିଳନୀରେ ମହାସଭାର ସଭାପତି ତ୍ରିନାଥ ବିଶ୍ୱାଳ, ସମ୍ପାଦକ ସୀମାଞ୍ଚଳ ନାହାକ ଓ ବିଜୟ ସ୍ବାଇଁ ପ୍ରମୁଖ ସୂଚନା ଦେଇଛନ୍ତି।
All Right Reserved By

ବ୍ରହ୍ମପୁର

ବ୍ଲକ ଅଧ୍ୟକ୍ଷାଙ୍କ ଦୁର୍ବ୍ୟବହାର ପ୍ରତିବାଦରେ କର୍ମଚାରୀଙ୍କ ଆନ୍ଦୋଳନ

ବ୍ଲକ ଅଧ୍ୟକ୍ଷାଙ୍କ ଦୁର୍ବ୍ୟବହାର ପ୍ରତିବାଦରେ କର୍ମଚାରୀଙ୍କ ଆନ୍ଦୋଳନ

ଜି.ଉଦୟଗିରି, ୧୬।୧୦(ଡି.ଏନ୍‌.ଏ.): ଜି.ଉଦୟଗିରି ବିଡିଓଙ୍କ ସମେତ କର୍ମଚାରୀମାନେ ମଙ୍ଗଳବାର ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି। ବ୍ଲକ ଅଧ୍ୟକ୍ଷା ଦୀପ୍ତି ରେଖା ପ୍ରଧାନ ତାଙ୍କ ସ୍ବାମୀ ଓ ସମର୍ଥକଙ୍କ ସହ ସୋମବାର ବ୍ଲକ କାର୍ଯ୍ୟାଳୟରେ ବିଡିଓଙ୍କୁ ଗାଳିଗୁଲଜ କରିବା ସହ କର୍ମଚାରୀଙ୍କୁ ଦୁର୍ବ୍ୟବହାର କରିବା ପ୍ରତିବାଦରେ ଏହି ଧାରଣା ଦିଆଯାଇଛି। 

ବାତ୍ୟା ଓ ବନ୍ୟା କ୍ଷୟକ୍ଷତି ଆକଳନ ପାଇଁ ତାଲିମ

ବାତ୍ୟା ଓ ବନ୍ୟା କ୍ଷୟକ୍ଷତି ଆକଳନ ପାଇଁ ତାଲିମ

ଶେରଗଡ, ୧୬।୧୦(ଡି.ଏନ.ଏ.): ଶେରଗଡ ବ୍ଲକର ତିନି ପଞ୍ଚାୟତରେ ତିତ୍‌ଲି ବାତ୍ୟା ଓ ତା’ ପରେ ଆସିଥିବା ବନ୍ୟା କ୍ଷୟକ୍ଷତିର ଆକଳନ କରିବା ପାଇଁ ମଙ୍ଗଳବାର ଏକ ତାଲିମ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। 

ଜୁଆ ଆଡ୍ଡା ଉପରେ ଚଢ଼ାଉ: ୫ ଗିରଫ

ଜୁଆ ଆଡ୍ଡା ଉପରେ ଚଢ଼ାଉ: ୫ ଗିରଫ

ଦିଗପହଣ୍ଡି, ୧୬।୧୦(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ପୋଲିସ ବଡ଼ଡ଼ୁମ୍ବୁଳା ଗ୍ରାମରେ ସୋମବାର ରାତିରେ ଚଢ଼ାଉ କରି ୫ ଜୁଆଡ଼ିଙ୍କୁ ଗିରଫ କରିଛି। ସେମାନଙ୍କ ନିକଟରୁ ୩,୫୦୦ ଟଙ୍କା, ତାସ୍‌ ମୁଠା ଓ ଜରିପାଲ ଜବତ କରାଯାଇଛି। 

ଦୁର୍ଗମ ଅଞ୍ଚଳରେ ଅଗ୍ନିଶମ ବାହିନୀର ଜନସେବା :ଖଟିଆରେ ପ୍ରସୂତୀଙ୍କୁ ଧରି ୨ କି.ମି. ଚାଲିଲେ

ଦୁର୍ଗମ ଅଞ୍ଚଳରେ ଅଗ୍ନିଶମ ବାହିନୀର ଜନସେବା :ଖଟିଆରେ ପ୍ରସୂତୀଙ୍କୁ ଧରି ୨ କି.ମି. ଚାଲିଲେ

ବ୍ରହ୍ମ୍ମପୁର ଅଫିସ,୧୬ା୧୦-ଗଞ୍ଜାମ ଜିଲା ପାତ୍ରପୁର ବ୍ଲକ ଦୁର୍ଗମ ଅଞ୍ଚଳଭାବେ ପରିଚିତ ବୁରୁତାଲ ପଞ୍ଚାୟତ କମଳଖାତ ଗଁାରେ ଅଗ୍ନିଶମ କର୍ମଚାରୀମାନେ ସୋମବାର ପହଞ୍ଚି  ସେବା ଯୋଗାଇଥିବା ଦେଖିବାକୁ ମିଳିଛି ା

କଳିଙ୍ଗା ଘାଟିରେ ଦୁର୍ଘଟଣା: ଜଣଙ୍କ ମୃତଦେହ ଉଦ୍ଧାର

କଳିଙ୍ଗା ଘାଟିରେ ଦୁର୍ଘଟଣା: ଜଣଙ୍କ ମୃତଦେହ ଉଦ୍ଧାର

ଜି.ଉଦୟଗିରି,୧୬ା୧୦(ଡି.ଏନ.ଏ.)-କନ୍ଧମାଳ ଜିଲା କଳିଙ୍ଗା ଘାଟିରେ ସୋମବାର ଅପରାହ୍ନ ୨ଟାରେ ଏକ ଲୁହାଖୁଣ୍ଟ ବୋଝେଇ ଟ୍ରକ ଘାଟିରୁ ୧୦୦ ଫୁଟ ତଳକୁ ଖସି ଦୁର୍ଘଟଣାଗ୍ରସ୍ତ ହୋଇଛି।

ବନ୍ୟାରେ ଭିଜିଥିବା ଜିନିଷ କିଣିବାକୁ ଭିଡ଼

ବନ୍ୟାରେ ଭିଜିଥିବା ଜିନିଷ କିଣିବାକୁ ଭିଡ଼

ଆସିକା,୧୬ା୧୦(ଡି.ଏନ୍‌.ଏ)-ଆସିକା ସହରର କଳିଙ୍ଗା ରୋଡ, ଲକ୍ଷ୍ମୀ ବଜାର, ବିନାୟକ ବଜାର ଆଦି ଅଞ୍ଚଳରେ ଥିବା ଦୋକାନଗୁଡ଼ିକରେ ପ୍ରାୟ ୧୦ ଫୁଟ ଉଚ୍ଚରେ ବନ୍ୟାଜଳ ଜମି ରହିଥିଲା। 

୧୭ରେ ମିନି ମାରାଥନ

୧୭ରେ ମିନି ମାରାଥନ

ଛତ୍ରପୁର,୧୬ା୧୦(ଡି.ଏନ.ଏ)-
ଗଞ୍ଜାମ ପୋଲିସ ଜିଲା ପକ୍ଷରୁ ୨୧ ତାରିଖରେ ପୋଲିସ ଶହୀଦ ଦିବସକୁ ସ୍ବତନ୍ତ୍ର ଭାବେ ପାଳନ କରାଯିବ। ଉକ୍ତ ଦିନ ଜିଲାର ୩ ଶହୀଦଙ୍କ ସ୍ମୃତିଚାରଣ ସହ ସମ୍ମାନ ଜଣାଇବା ବ୍ୟବସ୍ଥା କରାଯାଇଛି।

ଆସିକା ଗଲେ ଆଇଟିଆଇର ୨୦ ଜଣିଆ ଟିମ୍‌

ଆସିକା ଗଲେ ଆଇଟିଆଇର ୨୦ ଜଣିଆ ଟିମ୍‌

ବ୍ରହ୍ମପୁର ଅଫିସ, ୧୬ା୧୦-ତିତ୍‌ଲି ପରବର୍ତ୍ତୀ ବାନ୍ୟାରେ କ୍ଷତିଗ୍ରସ୍ତ ହୋଇଥିବା ଆସିକା ଅଞ୍ଚଳକୁ ବ୍ରହ୍ମୁପୁର ଆଇଟିଆଇର ଏକ ୨୦ ଜଣିଆ ଟିମ୍‌ ସୋମବାର ଗସ୍ତ କରିଛନ୍ତି ା ଗଞ୍ଜାମ ଆଇଟିଆଇର ଇଲେକ୍ଟ୍ରିକାଲ, ପ୍ଲମ୍ବର, ଆଟୋମୋବାଇଲ ଟ୍ରେଡର ଛାତ୍ର ଓ ଶିକ୍ଷକଙ୍କୁ ନେଇ ଗଠିତ ଏହି ଟିମ୍‌ ଆସିକା ଏନ୍‌ଏସି ଅଞ୍ଚଳରେ ପହଞ୍ଚିଥିଲେ ା 

୫ ଦଫା ଦାବି ନେଇ ସ୍ବାସ୍ଥ୍ୟମନ୍ତ୍ରୀଙ୍କୁ ସ୍ମାରକପତ୍ର

୫ ଦଫା ଦାବି ନେଇ ସ୍ବାସ୍ଥ୍ୟମନ୍ତ୍ରୀଙ୍କୁ ସ୍ମାରକପତ୍ର

ବ୍ରହ୍ମପୁର ଅଫିସ,୧୬ା୧୦-ବ୍ରହ୍ମପୁରସ୍ଥିତ ଜିଲା ମୁଖ୍ୟ ଚିକିତ୍ସାଧାରୀଙ୍କ କାର୍ଯ୍ୟାଳୟ ସମ୍ମୁଖରେ ସୋମବାର ମାନବ ଅଧିକାର ସୁରକ୍ଷା  ମଞ୍ଚ ପକ୍ଷରୁ ୬୪ ତମ ଘଣ୍ଟ ଯାତ୍ରା ଅନୁଷ୍ଠିତ ହୋଇଯାଇଛି ା 

ସିପିଆଇ (ଏମ-ଏଲ) ରେଡଷ୍ଟାର ଶୋଭାଯାତ୍ରା, ବିକ୍ଷୋଭ

ସିପିଆଇ (ଏମ-ଏଲ) ରେଡଷ୍ଟାର ଶୋଭାଯାତ୍ରା, ବିକ୍ଷୋଭ

ବ୍ରହ୍ମପୁର ଅଫିସ,୧୬ା୧୦-
ବାମପନ୍ଥୀ ଦଳ ସିପିଆଇ (ଏମ-ଏଲ) ରେଡଷ୍ଟାର ଗଞ୍ଜାମ ଜିଲା କମିଟି ଓ ଆଦିବାସୀ ଭାରତ ମହାସଭା  ମିଳିତ ଆନୁକୂଲ୍ୟରେ ସୋମବାର ବ୍ରହ୍ମପୁରରେ ଶୋଭାଯାତ୍ରା ସହ ଦକ୍ଷିଣାଞ୍ଚଳ ଆରଡିସିଙ୍କ ଅଫିସ ଆଗରେ ବିକ୍ଷୋଭ କରାଯାଇଥିଲା । 

ବିଦ୍ୟୁତ ସଂସ୍ପର୍ଶରେ ଆସି କଲେଜ ଛାତ୍ର ମୃତ

ବିଦ୍ୟୁତ ସଂସ୍ପର୍ଶରେ ଆସି କଲେଜ ଛାତ୍ର ମୃତ

କବିସୂର୍ଯ୍ୟନଗର,୧୫ା୧୦-କବିସୂର୍ଯ୍ୟନଗର ଥାନା ବୋଲସର ଗ୍ରାମର ଜଣେ ଛାତ୍ରଙ୍କ ଅସାବଧାନତାରୁ ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ଘଟିଛି। ସେ ହେଲେ ସଦାଶିବ ସେଠୀ (୧୮)।

ଧୋଇଗଲା ପୋଲ, ୧୫ ଗ୍ରାମବାସୀ ହଇରାଣ

ଧୋଇଗଲା ପୋଲ, ୧୫ ଗ୍ରାମବାସୀ ହଇରାଣ

ଖଜୁରିପଡ଼ା,୧୫।୧୦(ଡି.ଏନ୍‌.ଏ): ଖଜୁରିପଡ଼ା ବ୍ଲକ ବଲସକୁମ୍ପା ପଞ୍ଚାୟତର ବଲସକୁମ୍ପାଠାରୁ ଆର୍‌ ନୂଆଗାଁ ପଞ୍ଚାୟତକୁ ସଂଯୋଗ ହୋଇଥିବା ପ୍ରଧାନମନ୍ତ୍ରୀ ସଡ଼କର ଗାରଡ଼ାପାଜୁ ଓ ଛନ୍ଦୁପଦର ମଝିରେ ଥିବା ପିଲାସାଲୁଙ୍କି ଡ୍ୟାମ ନାଳର ପୋଲ ତିତଲି ପ୍ରଭାବ ହୋଇଥିବା ବର୍ଷାରେ ଧୋଇଯାଇଛି।