ରାଜ୍ୟ |

ଭାଓଲିନା ବୋରୋ କିଟ୍‌ ନହ୍ନିପରୀ

ଭାଓଲିନା ବୋରୋ କିଟ୍‌ ନହ୍ନିପରୀ
ଭୁବନେଶ୍ୱର, ୩୦।୧୨(ବ୍ୟୁରୋ): କିଟ୍‌ ଇଣ୍ଟରନ୍ୟାଶନାଲ୍‌ ସ୍କୁଲ୍‌ ପରିସରରେ ତିନି ଦିନ ଧରି ଚାଲିଥିବା ‘କିଟ୍‌ ନହ୍ନିପରୀ ଲିଟିଲ୍‌ ମିସ୍‌ ଇଣ୍ଡିଆ ୨୦୧୭’ର ଫାଇନାଲ୍‌ ତଥା ମେଗା ରାଉଣ୍ଡ ଶନିବାର ଶେଷ ହୋଇଛି। ଏଥିରେ ଗୁଆହାଟୀର ଭାଓଲିନା ବୋରୋ କିଟ୍‌ ନହ୍ନିପରୀ ଲିଟିଲ୍‌ ମିସ୍‌ ଇଣ୍ଡିଆ ୨୦୧୭ ଟାଇଟଲ୍‌ ହାସଲ୍‌ କରିଛନ୍ତି। କିଟ୍‌ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଦେଶର ୯ଜଣ ଫାଇନାଲିଷ୍ଟଙ୍କୁ ଭାଓଲିନା ପଛରେ ପକାଇ ବିଜେତା ହୋଇଛନ୍ତି। ସେ ନହ୍ନିପରୀ ମୁକୁଟ ସହ ୩ଲକ୍ଷ ଟଙ୍କାର ନଗଦ ଅର୍ଥରାଶି ଲାଭ କରିଛନ୍ତି। ଏହାଛଡ଼ା କିଟ୍‌ ବିଶ୍ୱବିଦ୍ୟାଳୟରେ ଯେକୌଣସି ପାଠ୍ୟକ୍ରମରେ ନାମ ଲେଖାଇବା ପାଇଁ ଶତ ପ୍ରତିଶତ ଫି (ସର୍ବାଧିକ ୧୮ଲକ୍ଷ ଟଙ୍କା) ଛାଡ଼ କରାଯିବ। ସେମିଫାଇନାଲ୍‌କୁ ୩୦ଜଣ ଉତ୍ତୀର୍ଣ୍ଣ ହୋଇଥିବା ବେଳେ ସେମାନଙ୍କ ମଧ୍ୟରୁ ୧୦ଜଣ ଫାଇନାଲ୍‌ ରାଉଣ୍ଡକୁ ଉତ୍ତୀର୍ଣ୍ଣ ହୋଇଥିଲେ। ମାଡ୍ରାସର ଓଡ଼ିଆ ଝିଅ ଜିତା ମହାପାତ୍ର ପ୍ରଥମ ରନର୍ସଅପ୍‌ ହୋଇଥିତ୍ବା ବେଳେ ପାଟନାର ଅନୁଷ୍କା ସିଂହ ଦ୍ୱିତୀୟ ରନର୍ସ ଅପ୍‌ ହୋଇଥିଲେ। ଏହି ଦୁଇ ରନର୍ସ ଅପ୍‌ଙ୍କୁ ଯଥାକ୍ରମେ ଏକ ଲକ୍ଷ ଓ ୫୦ହଜାର ଟଙ୍କାର ନଗଦ ଅର୍ଥରାଶି ପୁରସ୍କାର ପ୍ରଦାନ କରାଯାଇଥିଲା। ଏହାଛଡ଼ା ସେମାନେ କିଟ୍‌ରେ ନାମ ଲେଖାଇଲେ ସର୍ବାଧିକ ଯଥାକ୍ରମେ ୯.୫ ଲକ୍ଷ ଏବଂ ୯ ଲକ୍ଷ ଟଙ୍କାର ଫି ଛାଡ଼ ପାଇବେ। ପ୍ରତିଯୋଗିତାର ୧୦ଟି ବିଭାଗର କୃତୀମାନଙ୍କୁ ୧୦ହଜାର ଟଙ୍କା, ମୁକୁଟ ଓ ସାର୍ଟିଫିକେଟ୍‌ ପ୍ରଦାନ କରାଯାଇଥିଲା। ସେମାନେ ହେଲେ ମିସ୍‌ ରାପୁଞ୍ଜେଲ୍‌ (ସୁନ୍ଦର କେଶ) ପାଇଁ ବମ୍ବେର ଖ୍ୟାତି ସିଂହ, ଲିଟିଲ୍‌ ମିସ୍‌ ଫଟୋଜେନିକ ପାଇଁ ଭାଓଲିନା, ଲିଟିଲ୍‌ ମିସ୍‌ ସେଲ୍‌ଫି ପାଇଁ (ଫେସ୍‌ବୁକ୍‌ରେ ସର୍ବାଧିକ ଲାଇକ୍‌) ଦିଲ୍ଲୀର ଅନୁଜା ଚୌହାନ, ଲିଟିଲ୍‌ ମିସ୍‌ ଫ୍ୟାଶନ୍‌ ଗାର୍ଲ ପାଇଁ ଶ୍ରୀନଗରର ଆହାନା ନାକ୍‌ଭି, ଲିଟିଲ୍‌ ମିସ୍‌ ଉଇଜ୍‌କିଡ୍‌ (କୁଇଜ୍‌ରେ ସର୍ବାଧିକ ନମ୍ବର) ପାଇଁ ପାଟନାର ଅନୁଷ୍କା ସିଂହ, ମିସ୍‌ ସିଣ୍ଡ୍ରେଲା (ଶ୍ରେଷ୍ଠ ବ୍ୟକ୍ତିତ୍ୱ) ପାଇଁ ଭୁବନେଶ୍ୱରର ପ୍ରିୟା ସନ୍ତୋଷିନୀ, ମିସ୍‌ ଉର୍ବଶୀ (ଶ୍ରେଷ୍ଠ ଜ୍ଞାନର ଅଧିକାରିଣୀ) ହାଇଦ୍ରାବାଦ୍‌ର ଗୌତମୀ ମଦନ ଦେଶମୁଖ, ମିସ୍‌ କ୍ୟାଟ୍‌ୱାକ୍‌ ପାଇଁ ଗୁଆହାଟୀର ଚୟନିକା ଡେକା, ମିସ୍‌ ମୋନାଲିସା ପାଇଁ ଜିତା ମହାପାତ୍ର ଏବଂ ମିସ୍‌ ଆକ୍ଟିଭ୍‌ ପାଇଁ ଜାମସେଦପୁରର ଅକ୍ଷିତା ସାହୁ। ଫାଇନାଲ୍‌ ରାଉଣ୍ଡରେ ବିଚାରକ ଓ ଅତିଥିଭାବେ ଭୁବନେଶ୍ୱର ଉତ୍ତର ବିଧାୟକ ପ୍ରିୟଦର୍ଶୀ ମିଶ୍ର, ମହାମଣ୍ଡଳେଶ୍ୱର ଲକ୍ଷ୍ମୀନାରାୟଣ ତ୍ରିପାଠୀ, ମୀରା ପରିଡ଼ା, ସୋନିକା ରାୟ, ରେଖା ଖାନ୍‌, ସୁଚିତ୍ରା ଆୟାର, ବର୍ଷା ପ୍ରିୟଦର୍ଶିନୀ, ସୋହିନୀ ମିଶ୍ର, କାଦମ୍ବିନୀର ସମ୍ପାଦିକା ଡ. ଇତି ସାମନ୍ତ, ଆଶୁତୋଷ ମିଶ୍ର, ପୁନମ, ଉଦୟ, ଭୂମିକା, ସୁପ୍ରିୟା ପ୍ରମୁଖ ଯୋଗଦେଇଥିଲେ। ଅନ୍ୟମାନଙ୍କ ମଧ୍ୟରେ କିଟ୍‌ ନହ୍ନିପରୀର ମୁଖ୍ୟ ପୃଷ୍ଠପୋଷକ ଅଚ୍ୟୁତ ସାମନ୍ତ, ପୃଷ୍ଠପୋଷକ ମଳୟ ମହାପାତ୍ର ପ୍ରମୁଖ ଉପସ୍ଥିତ ଥିଲେ।
All Right Reserved By

ରାଜ୍ୟ |

ଆୟୁଷ୍ମାନ ଯୋଜନା: ରାଜ୍ୟପାଳଙ୍କୁ ୧ କୋଟି ଦସ୍ତଖତ ସମ୍ବଳିତ ଦାବିପତ୍ର

ଭୁବନେଶ୍ୱର,୧୫।୧୦(ବ୍ୟୁରୋ): କେନ୍ଦ୍ର ସରକାରଙ୍କ ଆୟୁଷ୍ମାନ ଭାରତ ଯୋଜନାକୁ ରାଜ୍ୟ ସରକାର ଗ୍ରହଣ କରି ନ ଥିଲେ। ରାଜ୍ୟ ସରକାର ନିଜସ୍ବ ବିଜୁ କଲ୍ୟାଣ ଯୋଜନା ଓଡ଼ିଶାରେ ଲାଗୁ କରିଛନ୍ତି।  ମାତ୍ର କେନ୍ଦ୍ର ସରକାରଙ୍କ ଆୟୁଷ୍ମାନ ଯୋଜନାକୁ ଶାସକ ଦଳ ଅଗ୍ରାହ୍ୟ କରିବା ପଛରେ ରାଜନୈତିକ ଉଦ୍ଦେଶ୍ୟ ଥିବା ଭାଜପା ଅଭିଯୋଗ କରିଥିଲା। 

ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି

ସରକାରୀ କର୍ମଚାରୀଙ୍କ ମହଙ୍ଗା ଭତ୍ତା ବୃଦ୍ଧି

ଭୁବନେଶ୍ୱର,୧୫।୧୦(ବ୍ୟୁରୋ): ସରକାରୀ କର୍ମଚାରୀଙ୍କୁ ରାଜ୍ୟ ସରକାର ପୂଜାଭେଟି ଦେଇଛନ୍ତି। କର୍ମଚାରୀଙ୍କ ମହଙ୍ଗା ଭତ୍ତାକୁ ସରକାର ୨ ପ୍ରତିଶତ ବୃଦ୍ଧି କରିଛନ୍ତି। ଏହାପରେ ମହଙ୍ଗା ଭତ୍ତାର ପରିମାଣ ୯ ପ୍ରତିଶତରେ ପହଞ୍ଚିଛି। 

କ୍ଷୟକ୍ଷତି ରିପୋର୍ଟ ଆସିଲେ କେନ୍ଦ୍ରକୁ ଅବଗତ କରାଯିବ

କ୍ଷୟକ୍ଷତି ରିପୋର୍ଟ ଆସିଲେ କେନ୍ଦ୍ରକୁ ଅବଗତ କରାଯିବ

ଭୁବନେଶ୍ୱର, ୧୫।୧୦(ବ୍ୟୁରୋ): ତିତ୍‌ଲି ପ୍ରଭାବରେ ରାଜ୍ୟରେ ହୋଇଥିବା କ୍ଷୟକ୍ଷତି ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ଯେ, ବାତ୍ୟା ଓ ବନ୍ୟା ଜନିତ କ୍ଷୟକ୍ଷତିର ଆକଳନ ଚାଲିଛି। ଏ ସମ୍ପର୍କରେ ରିପୋର୍ଟ ଆସିବା ପରେ କେନ୍ଦ୍ର ସରକାରଙ୍କୁ ଅବଗତ କରାଯିବ।

ଆଜି ମା’ମଙ୍ଗଳାଙ୍କ ସିଂହବାହିନୀ ବେଶ

ଆଜି ମା’ମଙ୍ଗଳାଙ୍କ ସିଂହବାହିନୀ ବେଶ

କାକଟପୁର, ୧୫।୧୦(ଡି.ଏନ୍‌.ଏ.): କାକଟପୁରର ଅଧିଷ୍ଠାତ୍ରୀ ଦେବୀ  ମା’ମଙ୍ଗଳାଙ୍କ ମନ୍ଦିରରେ ଚାଲୁ ରହିଛି ଶାରଦୀୟ ପାର୍ବଣ ପୂଜା। ସୋମବାର ପବିତ୍ର ସପ୍ତମୀ ତିଥି। ପାରମ୍ପରିକ ପ୍ରଥାନୁସାରେ ରାତିରେ ମା’ମଙ୍ଗଳାଙ୍କ ପ୍ରସିଦ୍ଧ ସିଂହବାହିନୀ ବେଶ ଅନୁଷ୍ଠିତ  ହେବ। ମନ୍ଦିର ଉତ୍ତର ଦ୍ୱାରରେ ଭଜନ ସମାରୋହ ଅନୁଷ୍ଠିତ ହେବ ବୋଲି ସେବକ ପ୍ରଦୀପ ପଣ୍ଡା ପ୍ରକାଶ କରିଛନ୍ତି। 

ନଭେମ୍ବର ୧ ରୁ ଡିଜିଟାଲ ପେମେଣ୍ଟ

ନଭେମ୍ବର ୧ ରୁ ଡିଜିଟାଲ ପେମେଣ୍ଟ

କଟକ ଅଫିସ, ୧୫।୧୦: ପରିବହନ ବିଭାଗ ପକ୍ଷରୁ ନଭେମ୍ବର ୧ରୁ ଆରମ୍ଭ ହେବାକୁ ଯାଉଛି ଡିଜିଟାଲ ପେମେଣ୍ଟ ବ୍ୟବସ୍ଥା। ଏ ନେଇ ସୋମବାର ରାଜ୍ୟ ସରକାର ଓ ଏଚ୍‌ଡିଏଫ୍‌ସି ବ୍ୟାଙ୍କ ମଧରେ ବୁଝାମଣାପତ୍ର ସ୍ବାକ୍ଷରିତ ହୋଇଛି।

ରାଜ୍ୟ ସରକାରୀ କର୍ମଚାରୀଙ୍କୁୁ ପୂଜା ଭେଟି: ବଢିଲା ଦୁଇ ପ୍ରତିଶତ ମହଙ୍ଗା ଭତ୍ତା

ରାଜ୍ୟ ସରକାରୀ କର୍ମଚାରୀଙ୍କୁୁ ପୂଜା ଭେଟି: ବଢିଲା ଦୁଇ ପ୍ରତିଶତ ମହଙ୍ଗା ଭତ୍ତା

ଭୁବନେଶ୍ୱର, ୧୫।୧୦(ବ୍ୟୁରୋ): ରାଜ୍ୟ ସରକାରୀ କର୍ମଚାରୀ ଓ ପେନସନ୍‌ଭୋଗୀ ଙ୍କ ପାଇଁ ରାଜ୍ୟ ସରକାର ଦୁଇ ପ୍ରତିଶତ ମହଙ୍ଗା ଭତ୍ତା ବୃଦ୍ଧି କରିଛନ୍ତି।

ପୁରୀ ହିଂସା, ଆଉ ୮ ଗିରଫ

ପୁରୀ ହିଂସା, ଆଉ ୮ ଗିରଫ

ପୁରୀ ଅଫିସ,୧୫|୧୦: ଶ୍ରୀମନ୍ଦିରରେ ଧାଡ଼ି ଦର୍ଶନକୁ ନେଇ ହୋଇଥିବା ପୁରୀ ହିଂସାରେ ଗିରଫଦାରି ସଂଖ୍ୟା ୭୭ରେ ପହଞ୍ଚତ୍ଛି। ପୂର୍ବରୁ ପୋଲିସ ୬୯ ଜଣଙ୍କୁ ଗିରଫ କରିଥିବା ବେଳେ ରବିବାର ଆଉ ୮ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ୍‌ ହାଜତକୁ ପଠାଇ ଦିଆଯାଇଛି। 

ପରମ୍ପରା ପଛର କାହାଣୀ : ଭଗବତୀ ପୀଠରେ ପ୍ରତୀକ ନରବଳି

ପରମ୍ପରା ପଛର କାହାଣୀ : ଭଗବତୀ ପୀଠରେ ପ୍ରତୀକ ନରବଳି

ଖୋର୍ଦ୍ଧା ଅଫିସ,୧୫।୧୦: ଖୋର୍ଦ୍ଧା ଜିଲା ବାଣପୁରର ଅଧିଷ୍ଠାତ୍ରୀ ଦେବୀ ଭଗବତୀ। ଏଠାରେ କାହିଁ କେଉଁ କାଳରୁ ଶାରଦୀୟ ଦୁର୍ଗାପୂଜାରେ ନରବଳି ଦିଆଯାଉଥିଲା। 

ଐଶ୍ୱର୍ଯ୍ୟା, ରମନ୍‌ଙ୍କୁ ‘ଟ୍ରେଣ୍ଡ୍‌ସ ଷ୍ଟାଇଲ ଆଇକନ ଆଓ୍ବାର୍ଡ

ଐଶ୍ୱର୍ଯ୍ୟା, ରମନ୍‌ଙ୍କୁ ‘ଟ୍ରେଣ୍ଡ୍‌ସ ଷ୍ଟାଇଲ ଆଇକନ ଆଓ୍ବାର୍ଡ

ଭୁବନେଶ୍ୱର, ୧୫।୧୦(ବ୍ୟୁରୋ)- ଅନ୍ତର୍ଜାତୀୟ ଫ୍ୟାଶନ ବ୍ରାଣ୍ଡ ‘ଟ୍ରେଣ୍ଡ୍‌ସ’ ପକ୍ଷରୁ ରବିବାର ‘ଷ୍ଟାଇଲ ଆଇକନ-୨୦୧୮’ ଗ୍ରାଣ୍ଡ ଫିନାଲେର ବିଜେତା ଘୋଷଣା କରାଯାଇଛି। 

ପ୍ରଫେସରଙ୍କଠାରୁ ୧.୩୫ ଲକ୍ଷ ଲୁଟ୍‌ ଘଟଣା: ଏତଲା ନକଲ ପାଇଁ ୪ଦିନ ଦୌଡ଼ିଲେଣି

ପ୍ରଫେସରଙ୍କଠାରୁ ୧.୩୫ ଲକ୍ଷ ଲୁଟ୍‌ ଘଟଣା: ଏତଲା ନକଲ ପାଇଁ ୪ଦିନ ଦୌଡ଼ିଲେଣି

ଭୁବନେଶ୍ୱର, ୧୫।୧୦(ବ୍ୟୁରୋ)- କୌଣସି ଘଟଣା ସଂକ୍ରାନ୍ତରେ ଥାନାରେ ଅଭିଯୋଗ କରିବାର ୨୪ ଘଣ୍ଟା ମଧ୍ୟରେ ଏତଲାର ନକଲ ଅଭିଯୋଗକାରୀଙ୍କୁ ପ୍ରଦାନ କରିବା ଲାଗି ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି।

ମାତିଲେ ଲୁଟେରା:୨୪ ଘଣ୍ଟାରେ ୬ ଲୁଟ୍‌

ମାତିଲେ ଲୁଟେରା:୨୪ ଘଣ୍ଟାରେ ୬ ଲୁଟ୍‌

ଭୁବନେଶ୍ୱର, ୧୫।୧୦(ବ୍ୟୁରୋ)- ପୂଜା ଘଡିରେ ରାଜଧାନୀରେ ମାତିଛନ୍ତି ଲୁଟେରା। ରାଜଧାନୀର ୟୁନିଟ୍‌-୧ ମାର୍କେଟ, ମାର୍କେଟ ବିଲ୍ଡିଂ ଅଞ୍ଚଳ ଏବଂ ନୟାପଲ୍ଲୀ ଅଞ୍ଚଳରେ ଶନିବାର ସନ୍ଧ୍ୟାରୁ ରବିବାର ସନ୍ଧ୍ୟା ମଧ୍ୟରେ ୬ଟି ଲୁଟ୍‌ ଘଟଣା ଘଟିଛି। ଲୁଟେରାମାନେ ପର୍ସ ଓ ମୋବାଇଲ୍‌ ଲୁଟି ନେଇଛନ୍ତି। 

ଟ୍ରେନ୍‌ରୁ ଖସି ମହିଳା ମୃତ

ଟ୍ରେନ୍‌ରୁ ଖସି ମହିଳା ମୃତ

ବାରଙ୍ଗ,୧୫।୧୦(ଡି.ଏନ୍‌.ଏ.)-ମଞ୍ଚେଶ୍ୱର ଜିଆର୍‌ପି ଫାଣ୍ଡି ଅଧୀନ କଳାରାହାଙ୍ଗ ଗ୍ରାମ ନିକଟ ରେଲଓ୍ବେ ଫାଟକଠାରେ ଟ୍ରେନ୍‌ରୁ ଖସି ଜଣେ ମହିଳାଙ୍କ ମୃତ୍ୟୁ ଘଟିଛି।