ଖେଳ |

ରାଜ୍ୟ ଆଥ୍‌ଲେଟିକ୍‌ ମିଟ୍‌ ଉଦ୍‌ଯାପିତ: କଟକ ଚାମ୍ପିୟନ

ରାଜ୍ୟ ଆଥ୍‌ଲେଟିକ୍‌ ମିଟ୍‌ ଉଦ୍‌ଯାପିତ: କଟକ ଚାମ୍ପିୟନ
କଟକ ଅଫିସ,୩୦ା୧୨- ଓଡ଼ିଶା ଆଥ୍‌ଲେଟିକ ଆସୋସିଏଶନ ଆନୁକୂଲ୍ୟରେ ବାରବାଟୀ ଷ୍ଟାଡିୟମରେ ୬୫ତମ ଓଡ଼ିଶା ରାଜ୍ୟ ଆଥ୍‌ଲେଟିକ ମିଟ୍‌ ଶନିବାର ଉଦ୍‌ଯାପିତ ହୋଇଯାଇଛି। ପ୍ରତିଯୋଗିତାରେ ମୋଟ୍‌ ୧୨ଟି ନୂଆ ମିଟ୍‌ ରେକର୍ଡ ସୃଷ୍ଟି ହୋଇଛି। ୩ୟ ତଥା ଅନ୍ତିମ ଦିବସରେ ୪ଟି ନୂଆ ମିଟ୍‌ ରେକର୍ଡ ହୋଇଛି। ମହିଳା ୧୦ହଜାର ମିଟର ଦୌଡ଼ରେ ସମ୍‌ସାଦ ଆରା ବେଗମ୍‌, ୧୮ ବର୍ଷରୁ କମ୍‌ ବାଳିକା ହାମରରେ ଶ୍ୱେତାଲିନା ନାୟକ, ମହିଳା ହାମରରେ ଦିବ୍ୟା ସାନ୍ଧିଲ୍ୟ ଓ ୨୦ ବର୍ଷରୁ କମ୍‌ ବାଳକ ହାଇଜମ୍ପ୍‌ରେ ସ୍ବାଧୀନ କୁମାର ମାଝି ନୂତନ ରେକର୍ଡ ସୃଷ୍ଟି କରିଛନ୍ତି। ପ୍ରତିଯୋଗିତାରେ କଟକ ଜିଲା ୬୪୧ ପଏଣ୍ଟ ହାସଲ କରି ଦଳଗତ ଚାମ୍ପିୟନ ହୋଇଥିବା ବେଳେ ସୁନ୍ଦରଗଡ଼ ୩୬୧ ପଏଣ୍ଟ ପାଇ ରନର୍ସଅପ୍‌ ହୋଇଛି। ପ୍ରତିଯୋଗିତାରେ ୨ଟି ନୂଆ ମିଟ୍‌ ରେକର୍ଡ ସୃଷ୍ଟି କରିଥିବା ସମ୍‌ସାଦ ଆରା ବେଗମ୍‌ଙ୍କୁ ଶଶିକାନ୍ତ ମହାପାତ୍ର ମେମୋରିଆଲ ଟ୍ରଫି ତଥା ଶ୍ରେଷ୍ଠ ମହିଳା ଆଥ୍‌ଲେଟ୍‌ ଭାବେ ପୁରସ୍କୃତ କରାଯାଇଛି। ଶ୍ରେଷ୍ଠ ପୁରୁଷ ଆଥ୍‌ଲେଟ୍‌ ଭାବେ ପୁଙ୍ଗା ସୋରେନ ପୁରସ୍କୃତ ହୋଇଛନ୍ତି। ବୟସ ବର୍ଗ ଅନୁଯାୟୀ ୧୪ ବର୍ଷରୁ କମ୍‌ ବାଳିକାରେ ସୁନ୍ଦରଗଡ଼, ବାଳକରେ କୋରାପୁଟ, ୧୬ ବର୍ଷରୁ କମ୍‌ ବାଳିକାରେ ମୟୂରଭଞ୍ଜ, ବାଳକରେ କୋରାପୁଟ, ୧୮ ବର୍ଷରୁ କମ୍‌ ଉଭୟ ବାଳକ ଓ ବାଳିକାରେ ସୁନ୍ଦରଗଡ, ୨୦ ବର୍ଷରୁ କମ୍‌ ଉଭୟ ବାଳିକା ଓ ବାଳକରେ ଏବଂ ମହିଳା ଓ ପୁରୁଷରେ କଟକ ଚାମ୍ପିୟନ ହୋଇଛି। ଉଦ୍‌ଯାପନୀ ଉତ୍ସବରେ ଆଥ୍‌ଲେଟିକ ଫେଡେରେଶନ ଅଫ୍‌ ଇଣ୍ଡିଆର ଯୁଗ୍ମ ସମ୍ପାଦକ ଅଧୀପ ଦାସ ମୁଖ୍ୟଅତିଥି, ଆମେଚର ବେସ୍‌ବଲ ଫେଡେରେଶନ ଅଫ୍‌ ଇଣ୍ଡିଆର ସଭାପତି ପଙ୍କଜ ଲୋଚନ ମହାନ୍ତି, ଓଡ଼ିଶା ଆଥ୍‌ଲେଟିକ ଆସୋସିଏଶନ ସଭାପତି ଜଗମୋହନ ପଟ୍ଟନାୟକ, ସମ୍ପାଦକ ଆଶୀର୍ବାଦ ବେହେରା ସମ୍ମାନିତ ଅତିଥି ଭାବେ ଯୋଗଦେଇଥିଲେ। ଶନିବାର ଅନୁଷ୍ଠିତ ପ୍ରତିଯୋଗିତାର ୧୬ ବର୍ଷରୁ କମ୍‌ ବାଳକ ୨୦୦ ମିଟର ଦୌଡ଼ରେ ମହେନ୍ଦ୍ର ମୁଣ୍ଡା, ୨ହଜାର ମିଟର ଦୌଡ଼ରେ ଅଭି ସିସା, ହାମରରେ ମୋହିତ ନାରାୟଣ ସାନ୍ଧିଲ୍ୟ, ୧୮ ବର୍ଷରୁ କମ୍‌ ବାଳକ ୩ ହଜାର ମିଟର ଦୌଡ଼ରେ ରଶ୍ମି ରଞ୍ଜନ ନାୟକ, ୨ହଜାର ମିଟର ଷ୍ଟିପଲ ଦୌଡ଼ରେ ରଞ୍ଜନ ଏକ୍କା, ୪୦୦ ମିଟର ହର୍ଡଲ୍ସରେ ପୁଙ୍ଗା ସୋରେନ, ୧୬ ବର୍ଷରୁ କମ୍‌ ବାଳିକା ୨୦୦ମିଟର ଦୌଡ଼ରେ ବୈଷ୍ଣବୀ ହାତୀ, ୨ହଜାର ମିଟର ଦୌଡ଼ରେ ସୁସ୍ମିତା ମହାପାତ୍ର, ହାଇଜମ୍ପ୍‌ରେ ସଲ୍‌ମା ମାରାଣ୍ଡି, ପେଣ୍ଟାଥଲନରେ ଧନମତୀ ଖେସ୍‌, ୧୮ ବର୍ଷରୁ କମ୍‌ ବାଳିକା ୨୦୦ମିଟର ଦୌଡ଼ରେ ସୁଖୀ ବସ୍‌କି, ୩ହଜାର ମିଟର ଦୌଡ଼ରେ ଶ୍ୱେତା କୁଜୁର, ୪୦୦ମିଟର ହର୍ଡଲ୍ସରେ ଜ୍ୟୋତ୍ସ୍ନା ଶବର, ଟ୍ରିପଲ ଜମ୍ପ୍‌ରେ ବିଷ୍ଣୁପ୍ରିୟା ନାୟକ, ହାମରରେ ଶ୍ୱେତାଲିନା ନାୟକ, ହେପ୍ଟାଥଲନ୍‌ରେ ସବିତା ହେମ୍ବ୍ରମ୍‌, ପୁରୁଷ ୩ହଜାର ମିଟର ଟ୍ରିପଲ ଦୌଡ଼ରେ ଜୟ କିଶନ, ୪୦୦ମିଟର ହର୍ଡଲ୍ସରେ ରଜତ କୁମାର ଭୈଇଁସାଲ, ପୋଲ ଭଲ୍ଟରେ ହର ଚରଣ ଦାସ, ହାମରରେ ମଳୟ ରଞ୍ଜନ ପତି, ମହିଳା ୨୦୦ମିଟର ଦୌଡ଼ରେ ଦୂତୀ ଚାନ୍ଦ, ୧୦ହଜାର ମିଟର ଦୌଡ଼ରେ ସମ୍‌ସାଦ ଆରା ବେଗମ୍‌, ୩ହଜାର ମିଟର ଷ୍ଟିପଲ ଦୌଡ଼ରେ ବିଜୟଲକ୍ଷ୍ମୀ ପାତ୍ର, ୪୦୦ମିଟର ହର୍ଡଲ୍ସରେ ଜସ୍‌ମୀ କିସ୍‌କୁ, ଟ୍ରିପଲ ଜମ୍ପ୍‌ରେ ସୁରସ୍ମିତା ବାଗର ସ୍ବର୍ଣ୍ଣ ବିଜୟୀ ହୋଇଛନ୍ତି। ସେହିପରି ୧୮ବର୍ଷରୁ କମ୍‌ ବାଳକ ପୋଲ ଭଲ୍ଟରେ ମୋହନ ବେନିୟା, ହାମରରେ ରାହୁଲ ମାରାଣ୍ଡି, ୨୦ ବର୍ଷରୁ କମ୍‌ ବାଳକ ୨୦୦ମିଟର ଦୌଡ଼ରେ ପ୍ରସନ୍ନଜିତ କୁଜୁର, ୧୦ହଜାର ମିଟର ଦୌଡ଼ରେ ରମେଶ ମେହନ୍ତା, ୩ହଜାର ମିଟର ଷ୍ଟିପଲ ଦୌଡ଼ରେ ଶୁକଲାଲ ମାରାଣ୍ଡି, ୪୦୦ମିଟର ହର୍ଡଲ୍ସରେ ପ୍ରସନ୍ନଜିତ ଖାଖା, ହାଇଜମ୍ପରେ ସ୍ବାଧୀନ କୁମାର ମାଝି, ପୋଲ ଭଲ୍ଟରେ ପର୍ଶୁରାମ ସାମଲ, ହାମରରେ ଅଭିଷେକ ପଣ୍ଡା, ୧୪ ବର୍ଷରୁ କମ୍‌ ବାଳିକା ହାଇଜମ୍ପରେ ସବିତା ଟପ୍ପୋ, ୨୦ ବର୍ଷରୁ କମ୍‌ ବାଳିକା ୨୦୦ମିଟର ଦୌଡ଼ରେ ପ୍ରଜ୍ଞା ପ୍ରଶାନ୍ତି ସାହୁ, ୩ହଜାର ମିଟର ଦୌଡ଼ରେ ଅମ୍ବିକା ଡିଲା, ୩ହଜାର ମିଟର ଷ୍ଟିପଲ ଦୌଡ଼ରେ ପ୍ରଭାତୀ ମାଝି, ୪୦୦ମିଟର ହର୍ଡଲ୍ସରେ ଅଞ୍ଜଳି ବାର୍ଲା, ଟ୍ରିପଲ ଜମ୍ପରେ କର୍ମି ସିଂ, ହାମରରେ ଉତ୍କଳିକା ପ୍ରିୟଦର୍ଶିନୀ, ହେପ୍ଟାଥଲନ୍‌ରେ ସଂଯୁକ୍ତା ମିଞ୍ଜ, ପୁରୁଷ ୨୦୦ ମିଟର ଦୌଡ଼ରେ ନିରଞ୍ଜନ ମହାନ୍ତି, ୧୦ ହଜାର ମିଟର ଦୌଡ଼ରେ ଯୋଗେନ୍ଦ୍ର ତିରିଆ, ମହିଳା ହାମରରେ ଦିବ୍ୟା ସାନ୍ଧିଲ୍ୟ ଓ ହେପ୍ଟାଥଲନ୍‌ରେ ଲତିକା ବାସରା ସ୍ବର୍ଣ୍ଣ ପଦକ ଜିତିଛନ୍ତି। ୧୯ ବର୍ଷର ରେକର୍ଡ ଭାଙ୍ଗିଲେ ସମ୍‌ସାଦ: ୧୯ ବର୍ଷ ତଳେ ଗୁରୁବାରୀ ବେଉରା ମହିଳା ୫ହଜାର ମିଟର ଦୌଡ଼କୁ ୧୮ମିନିଟ୍‌ ୧୮.୨ ସେକେଣ୍ଡରେ ଅତିକ୍ରମ କରି ରାଜ୍ୟ ପାଇଁ ନୂତନ ରେକର୍ଡ ପ୍ରତିଷ୍ଠା କରିଥିଲେ। ସେହି ରେକର୍ଡକୁ ଚଳିତ ବର୍ଷ ସମ୍‌ସାଦ ଆରା ବେଗମ୍‌ ଭାଙ୍ଗିଛନ୍ତି। ସମ୍‌ସାଦ ୧୮ମିନିଟ୍‌ ୧୪.୯ ସେକେଣ୍ଡରେ ଅତିକ୍ରମ କରି ନୂତନ ରାଜ୍ୟ ରେକର୍ଡ ସୃଷ୍ଟି କରିଛନ୍ତି। ସମ୍‌ସାଦ ଏହି ପ୍ରତିଯୋଗିତାର ୧୦ହଜାର ମିଟର ଦୌଡ଼ରେ ମଧ୍ୟ ଏକ ନୂଆ ମିଟ୍‌ ରେକର୍ଡ ସୃଷ୍ଟି କରିଛନ୍ତି।
All Right Reserved By

ଖେଳ |

ବ୍ଲକସ୍ତରୀୟ ଭଲିବଲ ପ୍ରତିଯୋଗିତା: ନଗ୍ରମ ଟିମ୍‌ ଜିଲାସ୍ତରକୁ ଉନ୍ନୀତ

ବ୍ଲକସ୍ତରୀୟ ଭଲିବଲ ପ୍ରତିଯୋଗିତା: ନଗ୍ରମ ଟିମ୍‌ ଜିଲାସ୍ତରକୁ ଉନ୍ନୀତ

ବାଲେଶ୍ୱର ଅଫିସ,୧୨।୧୨- ବାଲେଶ୍ୱର ଖ୍ରୀଷ୍ଟିଆନ୍‌ ପଡ଼ିଆରେ ବିଜୁ ଯୁବ ବାହିନୀର ବ୍ଲକସ୍ତରୀୟ କ୍ରୀଡ଼ା ପ୍ରତିଯୋଗୀତା ବୁଧବାର ପୂର୍ବାହ୍ନ ୧୧ଟା ସମୟରେ ଅନୁଷ୍ଠିତ ହୋଇଥିଲା। ଦୁଇଦିନ ବ୍ୟାପୀ ହେବାକୁ ଥିବା ଏହି କ୍ରୀଡ଼ା ଉତ୍ସବରେ ପ୍ରଥମ ଦିନରେ ଭଲିବଲ୍‌ ପ୍ରତିଯୋଗିତା ହୋଇଥିବା ବେଳେ ଗୁରୁବାର ୧୦୦, ୨୦୦ ଓ ୪୦୦ ମିଟର ଦୌଡ଼ ପ୍ରତିଯୋଗିତା ହେବାର କାର୍ଯ୍ୟକ୍ରମ ରହିଛି। 

‘ଖାଲି ହାତରେ ଫେରିବୁ ନାହିଁ’

‘ଖାଲି ହାତରେ ଫେରିବୁ ନାହିଁ’

ଭୁବନେଶ୍ୱର,୧୨।୧୨- ହମ୍‌ ଖାଲି ହାତ ନାହି ଜାୟେଙ୍ଗେ। ଅର୍ଥାଥ ଆମେ ଖାଲି ହାତରେ ଫେରିବୁ ନାହିଁ। ଏଭଳି ମନ୍ତବ୍ୟ ଦେଇଛନ୍ତି ଭାରତୀୟ ହକି ଦଳର ଷ୍ଟ୍ରାଇକର ମନଦୀପ ସିଂ

ଭାରତୀୟଙ୍କ ମଧ୍ୟରେ ଉନାଡ୍‌କଟଙ୍କୁ ସର୍ବାଧିକ ଦାମ୍‌

ଭାରତୀୟଙ୍କ ମଧ୍ୟରେ ଉନାଡ୍‌କଟଙ୍କୁ ସର୍ବାଧିକ ଦାମ୍‌

ନୂଆଦିଲ୍ଲୀ,୧୨।୧୨- ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ)ର ୧୨ତମ ସଂସ୍କରଣ ଲାଗି ଖେଳାଳିଙ୍କ ନିଲାମ ପ୍ରକ୍ରିୟାରେ ଅଂଶଗ୍ରହଣ କରୁଥିବା ଭାରତୀୟଙ୍କ ମଧ୍ୟରେ ଜୟଦେବ ଉନାଡ୍‌କଟଙ୍କ ବେସ୍‌ ଫ୍ରାଇସ ସର୍ବାଧିକ। ଆସନ୍ତା

ଟେଷ୍ଟ ଦଳରେ ସ୍ଥାନ ପାଇଁ ଆଇପିଏଲରୁ ଓହରିଛି- ମ୍ୟାକ୍ସଓ୍ବେଲ

ଟେଷ୍ଟ ଦଳରେ ସ୍ଥାନ ପାଇଁ ଆଇପିଏଲରୁ ଓହରିଛି- ମ୍ୟାକ୍ସଓ୍ବେଲ

ମେଲବୋର୍ନ,୧୨।୧୨- ଅଲ୍‌ରାଉଣ୍ଡର ଗ୍ଲେନ୍‌ ମ୍ୟାକ୍ସଓ୍ବେଲ ବିତ୍ତଶାଳୀ କ୍ରିକେଟ ଟୁର୍ନାମେଣ୍ଟ ଆଇପିଏଲ୍‌ର ପରବର୍ତ୍ତୀ ସଂସ୍କରଣରେ ଖେଳିବେ ନାହିଁ। ଏହା ବଦଳରେ ସେ ଆଗାମୀ ଇଂଲିଶ କାଉଣ୍ଟି କ୍ରିକେଟର ସମ୍ପୂର୍ଣ୍ଣ ସିଜନ ଖେଳିବେ। 

କୋଚ୍‌ ପଦ ଲାଗି ପାଓ୍ବାରଙ୍କ ଆବେଦନ

କୋଚ୍‌ ପଦ ଲାଗି ପାଓ୍ବାରଙ୍କ ଆବେଦନ

ମୁମ୍ବାଇ,୧୨।୧୨- ଭାରତୀୟ ମହିଳା ଦଳର ମୁଖ୍ୟ କୋଚ୍‌ ପଦ ନେଇ ଦୁଇ ସପ୍ତାହ ଧରି ଅନିଶ୍ଚିତତା ଲାଗି ରହିବା ପରେ ରମେଶ ପାଓ୍ବାର ପୁନଃ ଆବେଦନ କରିଛନ୍ତି। 

ଇନିଂସ୍‌ରେ ୧୦ ଉଇକେଟ ନେଲେ ଭାରତୀୟ ବୋଲର

ଇନିଂସ୍‌ରେ ୧୦ ଉଇକେଟ ନେଲେ ଭାରତୀୟ ବୋଲର

ନୂଆଦିଲ୍ଲୀ,୧୨।୧୨- ମଣିପୁରର ୧୮ ବର୍ଷୀୟ ବୋଲର ରେକ୍ସ ରାଜକୁମାର ସିଂ ଇନିଂସ୍‌ରେ ସମସ୍ତ ୧୦ ଉଇକେଟ ନେବାର କୃତିତ୍ୱ ହାସଲ କରିଛନ୍ତି। 

ୟାମାଗୁଚିଙ୍କୁ ହରାଇଲେ ସିନ୍ଧୁ

ୟାମାଗୁଚିଙ୍କୁ ହରାଇଲେ ସିନ୍ଧୁ

ଗୁଆଙ୍ଗଝୋ,୧୨।୧୨- ଅଲିମ୍ପିକ୍‌ ରୌପ୍ୟ ପଦକଧାରୀ ପି. ଭି. ସିନ୍ଧୁ ସିଜନର ଅନ୍ତିମ ଟୁର୍ନାମେଣ୍ଟ ଓ୍ବାଲର୍‌ଡ ଟୁର ଫାଇନାଲ୍ସରେ ବିଜୟ ସହ ଅଭିଯାନ ଆରମ୍ଭ କରିଛନ୍ତି। 

୬ ବଲରେ ୬ଟି ଛକ୍କା ମାରି ଇଂଲଣ୍ଡ ଟିମ୍‌କୁ କନ୍ଦାଇ ଦେଇଥିଲେ ଯୁବରାଜ

୬ ବଲରେ ୬ଟି ଛକ୍କା ମାରି ଇଂଲଣ୍ଡ ଟିମ୍‌କୁ କନ୍ଦାଇ ଦେଇଥିଲେ ଯୁବରାଜ

ନୂଆଦିଲ୍ଲୀ, ୧୨।୧୨: ଭାରତୀୟ କ୍ରିକେଟର ଯୁବରାଜ ସିଂ ବୁଧବାର ୩୭ ବର୍ଷରେ ପଦାର୍ପଣ କରିଛନ୍ତି। ସେ ୧୯୮୧ ଡିସେମ୍ବର ୧୨ରେ ଚଣ୍ଡିଗଡ଼ଠାରେ ଜନ୍ମଗ୍ରହଣ କରିଥିଲେ। 

ସିରିଜ ବରାବର୍‌ କଲା ଓ୍ବେଷ୍ଟଇଣ୍ଡିଜ

ସିରିଜ ବରାବର୍‌ କଲା ଓ୍ବେଷ୍ଟଇଣ୍ଡିଜ

ଢାକା, ୧୨।୧୨(ଏଏଫ୍‌ପି)- ଓପନିଂ ବ୍ୟାଟ୍ସ୍‌ମ୍ୟାନ ସାଇ ହୋପ୍‌ଙ୍କ ଦମ୍‌ଦାର ଅପରାଜିତ ଶତକ ବଳରେ ଓ୍ବେଷ୍ଟଇଣ୍ଡିଜ ଦଳ ମଙ୍ଗଳବାର ଏଠାରେ ଅନୁଷ୍ଠିତ ୨ୟ ଦିନିକିଆ କ୍ରିକେଟ ମ୍ୟାଚ୍‌ରେ ଘରୋଇ ବାଂଲାଦେଶକୁ ୪ ଉଇକେଟ୍‌ରେ ପରାସ୍ତ କରିଛି। 

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌: ଶୀର୍ଷରେ କୋହଲି ସ୍ଥିର, ଟପ୍‌-୫ରେ ପୂଜାରା

ଆଇସିସି ଟେଷ୍ଟ ର଼୍ୟାଙ୍କିଙ୍ଗ୍‌: ଶୀର୍ଷରେ କୋହଲି ସ୍ଥିର, ଟପ୍‌-୫ରେ ପୂଜାରା

ଦୁବାଇ, ୧୨।୧୨(ପି.ଟି.)- ଅନ୍ତର୍ଜାତୀୟ କ୍ରିକେଟ୍‌ ପରିଷଦ (ଆଇସିସି) ପକ୍ଷରୁ ସଦ୍ୟ ପ୍ରକାଶିତ ଟେଷ୍ଟ ର଼୍ୟାଙ୍କିଙ୍ଗ୍‌ ବ୍ୟାଟିଂ ତାଲିକାରେ ଭାରତୀୟ ଅଧିନାୟକ ବିରାଟ କୋହଲି ଶୀର୍ଷ ସ୍ଥାନ ବଜାୟ ରଖିଛନ୍ତି। ସେହିଭଳି ସଦ୍ୟ ସମାପ୍ତ ଆଡିଲେଡ୍‌ ଟେଷ୍ଟର ଉଭୟ ଇନିଂସରେ ଯଥାକ୍ରମେ ୧୨୩ ଓ ୭୧ ରନର ମ୍ୟାଚ ବିଜୟୀ ଇନିଂସ ଖେଳିଥିବା ଚେତେଶ୍ୱର ପୂଜାରା ଟପ୍‌-୫କୁ ପ୍ରତ୍ୟାବର୍ତ୍ତନ କରିଛନ୍ତି। 

୨୩ ବର୍ଷରୁ କମ୍‌ ସିକେ ନାଇଡୁ ଟ୍ରଫି: ରେଲ୍‌ୱେ- ଓଡିଶା ମ୍ୟାଚ ଡ୍ର

୨୩ ବର୍ଷରୁ କମ୍‌ ସିକେ ନାଇଡୁ ଟ୍ରଫି: ରେଲ୍‌ୱେ- ଓଡିଶା ମ୍ୟାଚ ଡ୍ର

ସମ୍ବଲପୁର,୧୨।୧୨ (ବ୍ୟୁରୋ)- ସମ୍ବଲପୁର ବୀରସୁରେନ୍ଦ୍ର ସାଏ ଷ୍ଟାଡିୟମରେ ଚାଲିଥିବା ୨୩ ବର୍ଷରୁ କମ୍‌ କର୍ନେଲ ସିକେ ନାଇଡୁ ରେଲ୍‌ୱେ ବନାମ ଓଡିଶା କ୍ରିକେଟ ମ୍ୟାଚ ମଙ୍ଗଳବାର ଡ୍ର’ ହୋଇଛି। ଫଳରେ ପ୍ରଥମ ଇନିଂସ ରନ ଅଗ୍ରଣୀ ହେତୁ ଓଡିଶା ୩ ପଏଣ୍ଟ ହାସଲ କରିଥିବା ବେଳେ  ରେଲ୍‌ୱେ ଗୋଟିଏ ପଏଣ୍ଟରେ ସନ୍ତୁଷ୍ଟ ହୋଇଛି। ରେଳୱେ ପ୍ରଥମ ଇନିଂସରେ ସମସ୍ତ ଉଇକେଟ ହରାଇ ୧୧୩ ରନ କରିଥିଲା ।

ସ୍ବଦେଶ ଫେରିଲେ ଚାଇନା, ସ୍ପେନ

ସ୍ବଦେଶ ଫେରିଲେ ଚାଇନା, ସ୍ପେନ

ଭୁବନେଶ୍ୱର, ୧୨।୧୨(କ୍ରୀଡ଼ା ପ୍ରତିନିଧି)-ଭୁବନେଶ୍ୱରରେ ଚାଲିଥିବା ହକିି ବିଶ୍ୱକପରେ ଭାଗ ନେଇଥିବା ୧୬ ଦଳ ମଧ୍ୟରୁ ମଙ୍ଗଳବାର ପ୍ରଥମ ପର୍ଯ୍ୟାୟରେ ସ୍ବଦେଶ ଫେରିଛନ୍ତି ସ୍ପେନ ଓ ଚାଇନା। ସ୍ପେନ ଦକ୍ଷତା ଅନୁସାରେ ପ୍ରଦର୍ଶନ କରି ନ ପାରି ପୁଲ୍‌ ପର୍ଯ୍ୟାୟରୁ ବିଦାୟ ନେଇଥିଲା।