Dharitri News
ଉପକୂଳ ଓଡିଶା

ଅଙ୍ଗନଓ୍ବାଡ଼ି କେନ୍ଦ୍ରରୁ ଚାଉଳ ବିକ୍ରି ଘଟଣା:ତଦନ୍ତ କଲେ ସିଡିପିଓ

ଅଙ୍ଗନଓ୍ବାଡ଼ି କେନ୍ଦ୍ରରୁ ଚାଉଳ ବିକ୍ରି ଘଟଣା:ତଦନ୍ତ  କଲେ ସିଡିପିଓ ଚଣ୍ଡିଖୋଲ,୩୦।୧୨(ଡି.ଏନ୍‌.ଏ.)- ବଡ଼ଚଣା ବ୍ଲକ ରାଧାଦେଇପୁର ପଞ୍ଚାୟତ ବିଦ୍ୟାଧରପୁର ଗ୍ରାମ ନୋଡାଲ ସ୍କୁଲ ପରିସରରେ ଚାଲିଥିବା ଅଙ୍ଗନଓ୍ବାଡି କେନ୍ଦ୍ରରୁ ଚାଉଳ ବିକ୍ରିହେବା ଘଟଣାରେ ଶନିବାର ସିଡିପିଓ ପ୍ରଣତି ଦାସ ତଦନ୍ତ କରି ଗ୍ରାମବାସୀଙ୍କଠାରୁ ମତାମତ ସଂଗ୍ରହ କରିଛନ୍ତି। ଏଥିସହ ସମ୍ପୃକ୍ତ ଅଙ୍ଗନଓ୍ବାଡି କେନ୍ଦ୍ରର କର୍ମୀ ଓ ସହାୟିକାଙ୍କୁ ପଚାରି ବୁଝିଥିଲେ। ବିଦ୍ୟାଳୟ ପରିସରରୁ ଚାଉଳ ନେଉଥିବା ୨ ବ୍ୟବସାୟୀଙ୍କଠାରୁ ଏ ସମ୍ପର୍କରେ ପଚରାଉଚରା କରାଯାଇଛି। ଏହି ଘଟଣାର ତଦନ୍ତ ରିପୋର୍ଟ ଜିଲାପାଳଙ୍କୁ ପ୍ରଦାନ କରିବେ ବୋଲି ସିଡିପିଓ ଦାସ ସୂଚନା ଦେଇଛନ୍ତି। ପ୍ରକାଶ ଯେ, ୨୭ତାରିଖରେ ଉକ୍ତ ବିଦ୍ୟାଳୟ ପରିସର ଫାଟକ ନିକଟରେ ୨ ଜଣ ବ୍ୟବସାୟୀ ଚାଉଳ ନେଉଥିବା ସମୟରେ ଗ୍ରାମବାସୀ ବିରୋଧ କରିଥିଲେ। ଏହାର ଏକ ଭିଡିଓ ସୋସିଆଲ ମିଡିଆରେ ଶେୟାର ହେବାପରେ ଚର୍ଚ୍ଚାର ବିଷୟ ପାଲଟିଥିଲା। ସରପଞ୍ଚ ଆଶିଷ ରଞ୍ଜନ ଚୌଧୁରୀ ବଡ଼ଚଣା ବିଡିଓଙ୍କୁ ଏ ସମ୍ପର୍କରେ କହିଥିଲେ। ଏହାପରେ ସିଡିପିଓ ଘଟଣାର ତଦନ୍ତ କରିଛନ୍ତି।

ଉପକୂଳ ଓଡିଶା

ପେଣ୍ଠପାଳ ପଞ୍ଚାୟତ ସମିତିସଭ୍ୟା ଉପନିର୍ବାଚନରେ ୫୪ ପ୍ରତିଶତ ମତଦାନ

ପଟାମୁଣ୍ଡାଇ,୧୯।୧(ସ୍ବ.ପ୍ର.)-କେନ୍ଦ୍ରାପଡା ଜିଲା ପଟ୍ଟାମୁଣ୍ଡାଇ ବ୍ଲକ ପେଣ୍ଠପାଳ ପଞ୍ଚାୟତ ସମିତିସଭ୍ୟା ଉପନିର୍ବାଚନ ଶୁକ୍ରବାର ୧୮ଟି ବୁଥ୍‌ରେ ଶାନ୍ତିଶୃଙ୍ଖଳାର ସହ ଶେଷ ହୋଇଛି।

ଶାନ୍ତିଶୃଙ୍ଖଳାର ସହ ନିଜାମପୁର ସମିତିସଭ୍ୟ ଉପନିର୍ବାଚନ ଶେଷ

ଯାଜପୁର ଅଫିସ,୧୯।୧-ଯାଜପୁର ଜିଲା ଦଶରଥପୁର ବ୍ଲକ ନିଜାମପୁର ପଞ୍ଚାୟତର ସମିତିସଭ୍ୟ ଉପନିର୍ବାଚନ ଶୁକ୍ରବାର ଶାନ୍ତିଶୃଙ୍ଖଳାର ସହ ଶେଷ ହୋଇଛି। ଏଥିରେ ବିଜେଡି ସମର୍ଥତ୍ତ ପ୍ରାର୍ଥୀ ରୁକ୍ମଣୀ ଦାସ ବିଜୟୀ ହୋଇଥିବା ବେସରକାରୀ ସୂତ୍ରରୁ ଜଣାପଡିଛି।

ଶାନ୍ତିଶୃଙ୍ଖଳାର ସହ ୫୦ ଓ୍ବାର୍ଡର ମତଦାନ ଶେଷ

ଶାନ୍ତିଶୃଙ୍ଖଳାର ସହ ୫୦ ଓ୍ବାର୍ଡର ମତଦାନ ଶେଷ

ନୟାଗଡ ଅଫିସ,୧୯।୧-ଜିଲାର ୫୦ଓ୍ବାର୍ଡର ଓ୍ବାର୍ଡମେମ୍ବର ପଦବୀ ପାଇଁ ଶୁକ୍ରବାର ୫୦ଟି ବୁଥ୍‌ରେ ଶାନ୍ତିଶୃଙ୍ଖଳାର ସହ ମତଦାନ ଶେଷ ହୋଇଛି।

କୂଅରୁ ଯୁବକଙ୍କ ମୃତଦେହ ଉଦ୍ଧାର

କୂଅରୁ ଯୁବକଙ୍କ ମୃତଦେହ ଉଦ୍ଧାର

ଯାଜପୁର ଅଫିସ, ୧୯।୧: ଧର୍ମଶାଳା ଥାନା ଅନ୍ତର୍ଗତ ହରିଦାସପୁର ପଞ୍ଚାୟତ ପଦଳା ଗ୍ରାମର ଏକ କୂଅରୁ ଶୁକ୍ରବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି।

ବନ୍ଦର ଲେବର ଟ୍ରଷ୍ଟି ନିର୍ବାଚନ: ୪ ବୁଥ୍‌ରେ ଚାଲିଛି ମତଦାନ

ବନ୍ଦର ଲେବର ଟ୍ରଷ୍ଟି ନିର୍ବାଚନ: ୪ ବୁଥ୍‌ରେ ଚାଲିଛି ମତଦାନ

ପାରାଦୀପ, ୧୯।୧(ସ୍ବ.ପ୍ର.): ପାରାଦୀପ ବନ୍ଦର ଲେବର ଟ୍ରଷ୍ଟି ନିର୍ବାଚନ ପାଇଁ ଶୁକ୍ରବାର ୪ ବୁଥ୍‌ରେ ମତଦାନ ପ୍ରକ୍ରିୟା ଆରମ୍ଭ ହୋଇଛି। ଏହା ଅପରାହ୍ନ ୪.୧୫ ଯାଏ ଚାଲୁ ରହିବ।

ଠାକୁରଙ୍କ ପାଇଁ ଫୁଲ ତୋଳିବା ହେଲା କାଳ

ଠାକୁରଙ୍କ ପାଇଁ ଫୁଲ ତୋଳିବା ହେଲା କାଳ

ପାରାଦୀପ, ୧୯।୧(ସ୍ବ.ପ୍ର.): ଠାକୁରଙ୍କ ପାଇଁ ଫୁଲ ତୋଳିବା ଜଣେ ବ୍ୟକ୍ତିଙ୍କ ପାଇଁ ମହଙ୍ଗା ପଡ଼ିଛି। ଘଟଣାଟି ଘଟିଛି ଚଣ୍ଡିଖୋଲ-ପାରାଦୀପ ୫ ନଂ.(କ) ଜାତୀୟ ରାଜପଥର ଭୂତମୁଣ୍ଡାଇଠାରେ।

ନିମ୍ନମାନର ଚାଉଳ ଯୋଗାଣ ଘଟଣାର ତଦନ୍ତ ଜାରି

ବିରଜାକ୍ଷେତ୍ର,୧୯।୧(ଡି.ଏନ୍‌.ଏ) ହିତାଧିକାରୀଙ୍କୁ ନିମ୍ନମାନର ଚାଉଳ ଯୋଗାଣ ହେଉଥିବା ଅଭିଯୋଗ ଉପରେ ବୁଧବାରଠାରୁ ତଦନ୍ତ ଆରମ୍ଭ ହୋଇଛି। ଫଳରେ ଏହି ଦୁର୍ନୀତିରେ ସାମିଲ ଥିବା ଅସାଧୁ କର୍ମଚାରୀମାନେ ଭୟଭୀତ ହୋଇପଡ଼ିଥିବା ଜଣାପଡ଼ିଛି। ପ୍ରକାଶ ଯେ, ଚଳିତମାସ ୫ ଓ ୬ ତାରିଖ ରାଜ୍ୟ ଖାଦ୍ୟ ଓ ଯୋଗାଣ ବିଭାଗ ସଚିବ ଯାଜପୁର ଜିଲାକୁ ଦୁଇଦିନିଆ ଗସ୍ତରେ ଆସି ଜିଲାର ବିଭିନ୍ନ ଅଞ୍ଚଳ ପରିଦର୍ଶନ କରିଥିଲେ। ଏହି ସମୟରେ ହିତାଧିକାରୀଙ୍କୁ ନିମ୍ନମାନର ଚାଉଳ ବଣ୍ଟନ କରାଯାଇଥିବା ଅଭିଯୋଗ ପାଇଥିଲେ।

ପାଣି ପାଇଁ ହନ୍ତସନ୍ତ ହେବେ ୨୦ ଓ୍ବାର୍ଡବାସୀ

ପାଣି ପାଇଁ ହନ୍ତସନ୍ତ ହେବେ ୨୦ ଓ୍ବାର୍ଡବାସୀ

ଯାଜପୁର ଅଫିସ,୧୯।୧ ଯାଜପୁର ଜିଲାର ବ୍ୟାସନଗର ଓ ଯାଜପୁର ଟାଉନର ୨୦ଟି ୱାର୍ଡର ବାସିନ୍ଦା ଆସନ୍ତା ଗ୍ରୀଷ୍ମ ଋତୁରେ ପାଇପ୍‌ ଯୋଗେ ବିଶୁଦ୍ଧ ପାନୀୟ ଜଳ ପାଇବାରୁ ବଞ୍ଚିତ ହେବେ। ଖରା ମାସ ପୂର୍ବରୁ ପାଇପ୍‌ଲାଇନ ସଂଯୋଗ କରାଯିବ ବୋଲି ଆଶା କରାଯାଉଥିଲା। କିନ୍ତୁ ସଂଯୋଗ ହୋଇ ନ ଥିବା ଅଞ୍ଚଳକୁ ପାଇପ୍‌ ବିଛା କାର୍ଯ୍ୟ ୪ମାସ ପରେ ସମ୍ପୂର୍ଣ୍ଣ ହେବ ବୋଲି ଜନସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ମିଳିଛି। ଏହିକ୍ରମରେ ବ୍ୟାସନଗର ପୌରାଞ୍ଚଳର ୧୪ଟି ୱାର୍ଡ ପାଇଁ ପ୍ରଥମଶ୍ରେଣୀ ଠିକାଦାର ଶରତଚନ୍ଦ୍ର ପ୍ରଧାନଙ୍କ ନାମରେ ୨କୋଟି ୯୮ଲକ୍ଷ ୪୪ହଜାର ୪୦ଟଙ୍କାର ଟେଣ୍ଡର ଗ୍ରହଣ କରାଯାଇଛି ।

ସରପଞ୍ଚଙ୍କ ନାଁରେ ଥାନାରେ ଅଭିଯୋଗ

ଚଣ୍ଡିଖୋଲ,୧୯।୧(ଡି.ଏନ୍‌.ଏ.)- ବ୍ଲକ ଏବଂ ପଞ୍ଚାୟତ କାର୍ଯ୍ୟାଳୟରୁ କାର୍ଯ୍ୟାଦେଶ ପାଇ କାମ କରୁଥିବା ହିତାଧିକାରୀଙ୍କୁ ଧମକ ଦେବା ଏବଂ କାମ ବନ୍ଦ କରିବାକୁ ନେଇ ମଙ୍ଗଳବାର ସିହା ପଞ୍ଚାୟତର ସରପଞ୍ଚଙ୍କ ନାମରେ ବଡ଼ଚଣା ଥାନାରେ ଅଭିଯୋଗ ହୋଇଛି । ପ୍ରକାଶ ଯେ, ଚତୁର୍ଦ୍ଦଶ ଅର୍ଥ କମିଶନ ଏବଂ ଗ୍ରାମୀଣ ଗୋପବନ୍ଧୁ ଯୋଜନାରେ ସିହା ପଞ୍ଚାୟତର ଦୁଇଟି କାମ ପାଇଁ ବ୍ଲକ ଏବଂ ପଞ୍ଚାୟତ କାର୍ଯ୍ୟାଳୟ ପକ୍ଷରୁ ପିତାମ୍ବର ବଳ ଏବଂ ଅମୃତ କୁମାର ଦାସଙ୍କୁ ୨୦୧୫-୧୬ ଆର୍ଥିକ ବର୍ଷରେ ୨ଟି କାଯର୍‌ୟାଦେଶ ଦିଆଯାଇଥିଲା । କାର୍ଯ୍ୟାଦେଶ ପାଇବା ପରେ ଉଭୟ ହିତାଧିକାରୀ ଆବଶ୍ୟକ ସାମଗ୍ରୀ ଓ ସିମେଣ୍ଟ ପକାଇ ମଙ୍ଗଳବାର କାମ ଆରମ୍ଭ କରିବା ସମୟରେ ସିହା ପଞ୍ଚାୟତ ସରପଞ୍ଚ ଏବଂ ଅନ୍ୟ ଜଣେ ବ୍ୟକ୍ତି କାର୍ଯ୍ୟକରୁଥିବା ୨ ବ୍ୟକ୍ତିଙ୍କୁ ଧମକଚମକ ଦେବା ସହ କାମ ବନ୍ଦ କରି ପଞ୍ଚାୟତ କାର୍ଯ୍ୟାଳୟରେ ତାଲା ପକାଇ ଦେଇଥିବା ସମ୍ପୃକ୍ତ ୨ ବ୍ୟକ୍ତି ଲିଖିତ ଅଭିଯୋଗ କରିଥିଲେ। ଅଭିଯୋଗ ଅନୁସାରେ, କାମ କରିବା ପୂର୍ବରୁ ସମ୍ପୃକ୍ତ ସରପଞ୍ଚ ୨୦ ହଜାର ଟଙ୍କା ଲାଞ୍ଚ ମାଗିଥିଲେ ଏବଂ ସେମାନେ ଏହା ଦେଇ ନ ପାରିବାରୁ କାମ ବନ୍ଦ କରିବା ସହ ଗାଳିଗୁଲଜ କରି ଧମକ ଦେଇଥିଲେ ।

ଯୁବକଙ୍କୁ ମରଣାନ୍ତକ ଆକ୍ରମଣ: ୨୪ଘଣ୍ଟା ବିତିଯାଇଥିଲେ ବି ରୁଜୁ ହୋଇନି ମାମଲା

ଚଣ୍ଡିଖୋଲ,୧୯।୧(ଡି.ଏନ୍‌.ଏ.)- ଚଣ୍ଡିଖୋଲ ଆରଟିଓ ଅଫିସ ସମ୍ମୁଖରେ ବୁଧବାର ଦ୍ୱିପ୍ରହରରେ ଜଣେ ଯୁବକଙ୍କୁ ଗୋଡେଇ ଗୋଡେଇ ମରଣାନ୍ତକ ଆକ୍ରମଣ ହୋଇଥିବା ଘଟଣା ଚର୍ଚ୍ଚାର ବିଷୟ ପାଲଟିଛି। ଏହି ଘଟଣାକୁ ନେଇ ୨୪ ଘଣ୍ଟା ବିତି ଯାଇଥିଲେ ମଧ୍ୟ ଥାନାରେ କୌଣସି ମାମଲା ରୁଜୁ ହୋଇ ନ ଥିବା ସନ୍ଦେହ ସୃଷ୍ଟି ହେଉଛି। ପ୍ରକାଶ ଯେ, ଆରଟିଓ ଅଫିସରେ ଦଲାଲି କାମ କରୁଥିବା ଜଣେ ଯୁବକ ବୁଧବାର ୩ଟା ବେଳେ ଅଫିସ ଭିତରୁ ଗେଟ ବାହାରକୁ ଆସିବା ପରେ ଗେଟ୍‌ ବାହାରେ ଅପେକ୍ଷା କରିଥିବା ୩ଜଣ ଯୁବକ ଶହ ଶହ ଲୋକଙ୍କ ସମ୍ମୁଖରେ ମାଡ଼ ମାରିଥିଲେ। ମାଡ଼ ମାରିବା ପରେ ଥାନାରେ ଅଭିଯୋଗ କଲେ ଜୀବନରୁ ମାରିଦେବେ ବୋଲି ଧମକ ଦେଇଥିଲେ। ଏହି ଘଟଣା ସମସ୍ତଙ୍କ ଆଖି ସାମ୍ନାରେ ଘଟି ଯାଉଥିଲେ ମଧ୍ୟ ଲୋକେ ଚୁପ୍‌ ହୋଇ ସବୁ ଦେଖୁଥିଲେ। ଚଣ୍ଡିଖୋଲଫାଣ୍ଡି ଠାରୁ ମାତ୍ର ୧୦୦ମିଟର ଦୂରରେ ଏଭଳି ଘଟଣା ଘଟିଥିଲେ ମଧ୍ୟ ପୋଲିସ ଘଟଣାସ୍ଥଳକୁ ଆସି ନ ଥିଲା। ୩ ଜଣ ଯୁବକଙ୍କ ମାଡ଼ରେ ରକ୍ତାକ୍ତ ହୋଇ ଯୁବକ ଜଣକ ଛଟପଟ ହେଉଥିଲାବେଳେ ଜଣେ ରଙ୍ଗ ବ୍ୟବସାୟୀ ଏକ କାର ଯୋଗେ ପ୍ରଥମେ ବଡ଼ଚଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ କଟକ ବଡ ମେଡିକାଲକୁ ସ୍ଥାନାନ୍ତରିତ କରିଥିଲେ। ମାଡ଼ ଖାଇଥିବା ଯୁବକ ଜଣକ ବଡ଼ଚଣା ଥାନା ରାଧାଦେଈପୁର ଗ୍ରାମର ଜଗଦୀଶ ବଳ ବୋଲି ଜଣାପଡିଛି।

ମଧ୍ୟାହ୍ନ ଭୋଜନରେ ଅନିୟମିତତା

ମହାକାଳପଡ଼ା,୧୯।୧ (ଡି.ଏନ୍‌.ଏ.)-ସର୍ବଶିକ୍ଷା ଅଭିଯାନ ଯୋଜନା ମାଧ୍ୟମରେ ପ୍ରଥମରୁ ଅଷ୍ଟମ ପର୍ଯ୍ୟନ୍ତ ପିଲାଙ୍କୁ ମଧ୍ୟାହ୍ନ ଭୋଜନ ଦିଆଯିବା ପାଇଁ ନିୟମ ରହିଛି। କିନ୍ତୁ ଅଧିକାଂଶ ସ୍କୁଲରେ ମଧ୍ୟାହ୍ନ ଭୋଜନ ଦାୟିତ୍ୱରେ ରହୁଥିବା ଶିକ୍ଷୟିତ୍ରୀ, ଶିକ୍ଷକମାନେ ଏଥିରେ ଚଞ୍ଚକତା କରୁଥିବା ଅଭିଯୋଗ ହେଉଛି। ଗତ ନଭେମ୍ବରରେ ମହାକାଳପଡ଼ା ବ୍ଲକ କରଞ୍ଜ ପଞ୍ଚାୟତସ୍ଥିତ କରଞ୍ଜ ୟୁପି ସ୍କୁଲରେ ଛାତ୍ରୀଛାତ୍ରଙ୍କ ଉପସ୍ଥାନ ବଢ଼ାଯାଇ ମଧ୍ୟାହ୍ନ ଭୋଜନ ପୋର୍ଟାଲରେ ତଥ୍ୟ ଉପସ୍ଥାପନ କରାଯାଇଥିଲା। ଏ ନେଇ ଜଣାପଡିବା ପରେ ମଧ୍ୟାହ୍ନ ଭୋଜନ ଦାୟିତ୍ୱରେ ଥିବା ସ୍କୁଲର ପ୍ରଧାନ ଶିକ୍ଷୟିତ୍ରୀ ରଞ୍ଜିତା ବେହେରାଙ୍କୁ କାର୍ଯ୍ୟରୁ ନିଳମ୍ବିତ କରାଯାଇଥିଲା। ଘଟଣାକୁ ୨ ମାସ ନପୂରୁଣୁ ଏହି ବ୍ଲକ ଅଞ୍ଚଳରେ ପୁଣି ଏଭଳି ଏକ ଘଟଣା ପଦାକୁ ଆସିଛି।

ସାଇବର ଅପରାଧରେ ୩ ଯୁବକ ଗିରଫ

ମହାକାଳପଡ଼ା, ୧୯।୧ (ଡି.ଏନ୍‌.ଏ.)- ସାଇବର ଅପରାଧରେ ମହାକାଳପଡ଼ା ଥାନା ଦେଉଳିପଡ଼ା ପଞ୍ଚାୟତର ସ୍ଥାନୀୟ ଓଳିଆ ଗ୍ରାମର ୩ ଯୁବକ ଗୁରୁବାର ଗିରଫ ହୋଇଛନ୍ତି।