ସମ୍ପାଦକୀୟ |

ତିନି ଶ୍ରେଣୀର ସମର୍ଥକ

ତିନି ଶ୍ରେଣୀର ସମର୍ଥକ

ଆକାର ପଟେଲ

ନରେନ୍ଦ୍ର ମୋଦି ଆମ ସମୟର ଜଣେ ବିଚକ୍ଷଣ ରାଜନେତା। କେବଳ ଭାରତରେ ନୁହେଁ ବାହାରେ ମଧ୍ୟ ତାଙ୍କର ଖ୍ୟାତି ରହିଛି। ବିଶ୍ୱସ୍ତରରେ କେଉଁ କେଉଁ ନିର୍ବାଚିତ ନେତା ଅତ୍ୟନ୍ତ ଲୋକପ୍ରିୟ ତାହା ଉଲ୍ଲେଖ କରିବା ଏକ ସହଜ କାମ ନୁହେଁ। ମୁଁ ଭାବୁଛି ରୁଷିଆର ପୁଟିନ ଏବଂ ତୁର୍କୀର ଏର୍ଡୋଗାନ୍‌ ଅତ୍ୟନ୍ତ ଲୋକପ୍ରିୟ। ସେ ସବୁ ଦେଶର ରାଜନୀତି ବିଷୟରେ ମୋତେ ମାଲୁମ ଅଛି। ସେମାନଙ୍କ ପ୍ରତି ତାଙ୍କ ଦେଶରେ ଯେପରି ଜନସମର୍ଥନ ଅଛି, ଭାରତରେ ମୋଦିଙ୍କ ପ୍ରତି ମଧ୍ୟ ସେପରି ସମର୍ଥନ ରହିଛି। ଉପରୋକ୍ତ ତିନୋଟି କ୍ଷେତ୍ରରେ ଦଳ ଅପେକ୍ଷା ସମ୍ପୃକ୍ତ ନେତା ଅଧିକ ଲୋକପ୍ରିୟ, କାରଣ ସେମାନେ ପାରମ୍ପରିକ ଭିତ୍ତିକୁ ସମ୍ପ୍ରସାରିତ କରିଛନ୍ତି।
ମୋଦିଙ୍କ ପ୍ରତି ଜନମତର ଅନୁମୋଦନ ହାର (ଆପ୍ରୁଭାଲ ରେଟିଂ) ସବୁବେଳେ ୭୦%ରୁ ଅଧିକ ରହୁଛି। ମୁଁ ଭାବୁଛି ଏଥିରେ କିଛି ଭୁଲ୍‌ତ୍ରୁଟି ଥାଇପାରେ। କିନ୍ତୁ ତଥାପି ଏହି ରେଟିଂ ସେ ହାସଲ କରିଛନ୍ତି, ଯେତେବେଳେ କି ତାଙ୍କ ଦଳ ୨୦୧୪ ନିର୍ବାଚନରେ ମାତ୍ର ୩୧% ଭୋଟ ପାଇଛି। ତେବେ କେଉଁ ଧରଣର ଲୋକ ମୋଦିଙ୍କ ପ୍ରତି ଓ ତାଙ୍କ ରାଜନୀତିର ଶୈଳୀ ପ୍ରତି ଆକୃଷ୍ଟ ସେ ବିଷୟରେ ଆମେ ଆଲୋଚନା କରିବା ଠିକ୍‌ ହେବ। ମୁଖ୍ୟତଃ ଉଚ୍ଚ ଜାତି, ମଧ୍ୟବିତ୍ତ ଓ ସହରୀ ଲୋକ ମୋଦିଙ୍କୁ ପସନ୍ଦ କରନ୍ତି। ଗୁଜରାଟର ସହରଗୁଡ଼ିକରେ ଭାଜପା ଅଧିକ ଭୋଟ ପାଇବା ଏହାକୁ ପ୍ରମାଣ କରେ। ଏପରି ସହର ଓ ଅର୍ଦ୍ଧସହରାଞ୍ଚଳଗୁଡ଼ିକରେ ଦଳର ନୀତି ଫେଲ ମାରିଲେ ମଧ୍ୟ ଲୋକେ ତାଙ୍କ ପ୍ରତି ସମର୍ଥନ ଜାରି ରଖିଛନ୍ତି। ଏହାର ଅନେକ କାରଣ ଅଛି। ମଧ୍ୟବିତ୍ତ ଗୋଷ୍ଠୀଙ୍କ ମନରେ ବିଶ୍ୱାସ ଜନ୍ମିଛି ଯେ, ଦେଶ ଠିକ୍‌ଭାବେ ଚାଲୁ ନାହିଁ ଏବଂ ଏହାକୁ ଠିକ୍‌ କରିବା ପାଇଁ ବୈପ୍ଳବିକ ପଦକ୍ଷେପ ଦରକାର। ଏଥିପାଇଁ ଜଣେ ଦୃଢ଼ମନା ବ୍ୟକ୍ତିଙ୍କ ନେତୃତ୍ୱ ଦରକାର। ମୋଦିଙ୍କୁ ସେମାନେ ସେହିଭଳି ବ୍ୟକ୍ତି ବୋଲି ଧରିନେଇଛନ୍ତି। ରାଷ୍ଟ୍ରୀୟ ସ୍ବୟଂସେବକ ସଂଘର ସଂରକ୍ଷଣବିରୋଧୀ ଆଭିମୁଖ୍ୟ ଏବଂ ବ୍ରାହ୍ମଣ୍ୟ ସଂସ୍କୃତିକୁ ସେମାନେ ପସନ୍ଦ କରିଥାନ୍ତି। ପୁଣି ଏହି ସମ୍ପ୍ରଦାୟ ଅତ୍ୟନ୍ତ ଜାତୀୟତାବାଦୀ, ଯେଉଁମାନଙ୍କୁ ଭାଜପାର ଅନୁରୂପ ନୀତି ଭଲ ଲାଗିଥାଏ। ପ୍ରବଳ ଜାତୀୟତାବାଦ ମାନେ ପାକିସ୍ତାନ ଓ ଚାଇନା ପ୍ରସଙ୍ଗରେ ସେମାନଙ୍କର ମଗଜ ପୂରା ଧୋଇ ହୋଇଯାଇଛି। ଏହା ପୂରାପୂରି ଭାଜପାର ଦୃଷ୍ଟିଭଙ୍ଗୀ ସହ ସମାନ।
ଅର୍ଥନୀତି ଦୃଷ୍ଟିରୁ ଦେଖିଲେ ଏହି ଜନସମୁଦାୟ ଉଚ୍ଚ ଅଭିବୃଦ୍ଧି (ଜିଡିପି) ଉପରେ ନିର୍ଭରଶୀଳ, ଯାହାଦ୍ୱାରା ଶାରୀରିକ ଶ୍ରମବିହୀନ ସରକାରୀ ଚାକିରିି, ଆଧୁନିକ ଭିତ୍ତିଭୂମି (ଯଥା ବୁଲେଟ୍‌ ଟ୍ରେନ୍‌, ବିମାନବନ୍ଦର) କ୍ଷେତ୍ରରେ ପୁଞ୍ଜିନିବେଶ ବୃଦ୍ଧି ପାଇବ। ସଂଖ୍ୟାଲଘୁ ଅଧିକାରକୁ ନେଇ ଏହାକୁ ସାଧାରଣୀକରଣ କରିବା ସହଜ ନୁହେଁ। ଭାଜପା ଧର୍ମନିରପେକ୍ଷ ଚିନ୍ତାଧାରାକୁ ସମ୍ପୂର୍ଣ୍ଣ ଗ୍ରହଣ କରେ ନାହିଁ ଏବଂ ଜାଣିଶୁଣି ଏପରି ଆଭିମୁଖ୍ୟ ଗ୍ରହଣ କରାଯାଇଛି। କାରଣ ଅନେକ ଭୋଟର ଧର୍ମନିରପେକ୍ଷତା ପାଇଁ ଭୋଟ ଦିଅନ୍ତି ନାହିଁ। ମଧ୍ୟବିତ୍ତ ଗୋଷ୍ଠୀ ହୋଇଥିବାରୁ ଏହି ଲୋକମାନେ ମୁଖ୍ୟତଃ ବେତନଭୋଗୀ କର୍ମଚାରୀ। ତେଣୁ ସେମାନେ ଯୋଗ୍ୟତା ଉପରେ ଗୁରୁତ୍ୱ ଦେଇଥାନ୍ତି। ସୁତରାଂ ବଂଶଗତ ଭାବେ କଂଗ୍ରେସ ଦଳର ମୁଖ୍ୟ ହୋଇଥିବା ରାହୁଲ ଗାନ୍ଧୀଙ୍କ ଅପେକ୍ଷା ସେମାନେ ନିଜ ଯୋଗ୍ୟତା ବଳରେ ରାଜନୀତିର ଶିଖରକୁ ଆସିଥିବା ମୋଦିଙ୍କୁ ଅଧିକ ପସନ୍ଦ କରନ୍ତି।
ଦ୍ୱତୀୟ ଶ୍ରେଣୀର ମୋଦି-ସମର୍ଥକ ହେଉଛନ୍ତି ନିୟମିତ ଭାଜପା ସମର୍ଥକ। କାରଣ ସେମାନେ ଉଚ୍ଚ ଜାତିର ଲୋକ ହିସାବରେ ଭାଜପାକୁ ସମର୍ଥନ କରନ୍ତି, ଯେପରି କର୍ନାଟକର ଲିଙ୍ଗାୟତ, ଗୁଜରାଟର ପଟିଦାର ଏବଂ ରାଜସ୍ଥାନର ରାଜପୁତ। ତୃତୀୟ ଶ୍ରେଣୀର ମୋଦି-ସମର୍ଥକ ହେଉଛନ୍ତି ହିନ୍ଦୁତ୍ୱବାଦୀ ନାଗରିକ। ସେମାନେ ଭାବନ୍ତି ଅଣହିନ୍ଦୁମାନେ ହେଉଛନ୍ତି ଦେଶର ଶତ୍ରୁ। ହିନ୍ଦୁ ସମ୍ପ୍ରଦାୟର ଉନ୍ନତି ତଥା ଦେଶର ଉନ୍ନତି ନିମନ୍ତେ ମୋଦିଙ୍କୁ ସମର୍ଥନ କରିବା ଦରକାର।
ତେବେ ମୁଁ ଶେଷ ଦୁଇ ଶ୍ରେଣୀର ଲୋକଙ୍କ ଉପରେ ଗୁରୁତ୍ୱ ଦେଉନାହିଁ, କାରଣ ମୋଦି ହୁଅନ୍ତୁ ବା ଆଉ ଯେ କେହି ଦଳର ନେତୃତ୍ୱ ନିଅନ୍ତୁ, ସେମାନେ ଭାଜପାକୁ ହିଁ ସମର୍ଥନ କରିବେ। ପ୍ରଥମ ଶ୍ରେଣୀର ସମର୍ଥକମାନେ ହିଁ ଗୁରୁତ୍ୱପୂର୍ଣ୍ଣ କାରଣ ସେମାନେ ମୋଦିଙ୍କ ଆକର୍ଷଣୀୟ ବ୍ୟକ୍ତିତ୍ୱ ଓ ଦକ୍ଷତା ପ୍ରତି ଆକୃଷ୍ଟ ହୋଇ ତାଙ୍କୁ ସମର୍ଥନ କରନ୍ତି।
ଆଗକୁ ୨୦୧୮ ମସିହା ଆସୁଛି, ପରବର୍ତ୍ତୀ ସାଧାରଣ ନିର୍ବାଚନ ପୂର୍ବରୁ ପୂରା ଗୋଟାଏ ବର୍ଷ। ବର୍ତ୍ତମାନ ମୋଦିଙ୍କ ଅର୍ଥନୀତି ବିଷୟ ବିଚାର କଲେ, ସେ ଏ କ୍ଷେତ୍ରରେ ପୂରା ବିଫଳ ହୋଇଛନ୍ତି ବୋଲି କହିବାକୁ ହେବ। ମନମୋହନ ସିଂ କହିଥିଲେ ଯେ, ତାଙ୍କର ୧୦ ବର୍ଷର ଶାସନ କାଳରେ ସେ ଯେଉଁ ହାରାହାରି ଅଭିବୃଦ୍ଧି ହାସଲ କରିଥିଲେ, ମୋଦି ତାହା କରିପାରିବେ ନାହିଁ। କର୍ପୋରେଟ୍‌ ଜଗତ (ଯାହା ମୋଦିଙ୍କୁ ଭଲ ପାଏ), ଯେଉଁଠି ମୁଖ୍ୟ କାର୍ଯ୍ୟନିର୍ବାହୀଙ୍କ ଦକ୍ଷତା ତ୍ରୈମାସିକ ଫଳାଫଳରୁ ବିଚାର କରାଯାଏ, ସେମାନେ ଅର୍ଥନୈତିକ ବିଫଳତା ଦେଖି ମୋଦିଙ୍କୁ ପସନ୍ଦ କରିବେ ନାହିଁ। ମୋ ମତରେ ୨୦୧୯ରେ ଆର୍ଥିକ ସଂକଟ ଯୋଗୁ ବିଶ୍ୱ ଅର୍ଥନୀତି ସଂକୁଚିତ ହେବ। ବର୍ତ୍ତମାନ ଏହା ୩% ହାରରେ ବୃଦ୍ଧି ପାଉଛି। ତଥାପି ଏ ପରିସ୍ଥିତିରେ ଭାରତର ଅର୍ଥନୀତି ଦୁର୍ବଳ ହେବାରେ ଲାଗିଛି। ବିମୁଦ୍ରୀକରଣ ଭଳି ପଦକ୍ଷେପ ଯୋଗୁ ଏଭଳି ଅବସ୍ଥା ସୃଷ୍ଟି ହୋଇଛି। ୨୦୧୯ ନିର୍ବାଚନ ବେଳକୁ ଏହି ବିଫଳତା ମୋଦି ଓ ଭାଜପାକୁ ବିଶେଷ ଭାବେ ପ୍ରଭାବିତ କରିବ। ସେତେବେଳେ ଭାଜପା ପାଖରେ କୌଣସି ଅର୍ଥନୈତିକ ସଫଳତା ନ ଥିବ ଯେଉଁ ବିଷୟରେ କହି ଭୋଟ ମାଗିହେବ। ୨୦୧୪ ପରିି ‘ଅଚ୍ଛେ ଦିନ’ ଭଳି ନାରା ମଧ୍ୟ ସେତେବେଳେ କାମ ଦେବ ନାହିଁ। ତେବେ ବର୍ତ୍ତମାନ ମୋଦିଙ୍କୁ ସମର୍ଥନ କରୁଥିବା ପ୍ରଥମ ଶ୍ରେଣୀର ଲୋକମାନେ ଏହା ପ୍ରତି କିପରି ପ୍ରତିକ୍ରିୟା ଦେଖାଇବେ ତାହା ହିଁ ଗୁରୁତ୍ୱପୂର୍ଣ୍ଣ।

Email: aakar.patel@gmail.com

All Right Reserved By

Model This Week

ସନ୍ତୋଷ

ସମ୍ପାଦକୀୟ |

ମେଳି ରହିବ ତ

ମେଳି ରହିବ ତ

ଆକାର ପଟେଲ କଂଗ୍ରେସ ସହ ମେଣ୍ଟ ଗଠନ କରି ଜେଡିଏସ୍‌ ନେତା କୁମାରସ୍ବାମୀ କର୍ନାଟକର ମୁଖ୍ୟମନ୍ତ୍ରୀ ଭାବେ ଶପଥ ନେବା ଅବସରରେ ବାଙ୍ଗାଲୋରରେ ବିରୋଧୀ ଦଳ ନେତାମାନେ ଏକାଠି ହେବା ଘଟଣା କ’ଣ ସୂଚାଉଛି? ସେମାନେ କାହିଁକି ଏକଜୁଟ ହେବାରେ ଲାଗିଛନ୍ତି ଏବଂ ସେମାନଙ୍କର ଏହି ମେଳି ଆଗାମୀ ନିର୍ବାଚନ ପର୍ଯ୍ୟନ୍ତ ରହିବ ତ? ଏ ବିଷୟରେ ତର୍ଜମା କରିବା ପୂର୍ବରୁ ଆଗ ଦେଖିନେବା କେଉଁ ନେତାମାନେ ବାଙ୍ଗାଲୋର ଆସି ନ ଥିଲେ। ଓଡ଼ିଶାର ମୁଖ୍ୟମନ୍ତ୍ରୀ ତଥା ବିଜେଡି ନେତା ନବୀନ ପଟ୍ଟନାୟକ ଆସି ନ ଥିଲେ। ୨୦୧୪ ସାଧାରଣ ନିର୍ବାଚନରେ ତାଙ୍କ ...

ସଚ୍ଚା ଦେଶପ୍ରେମୀ ଆଢୁଆଳରେ

ସଚ୍ଚା ଦେଶପ୍ରେମୀ ଆଢୁଆଳରେ

ପ୍ରକାଶ ତ୍ରିପାଠୀ ଗତ ରବିବାର ସାରେ ଆମେ କିଛି ବନ୍ଧୁ ଚିରାଚରିତ ଢଙ୍ଗରେ ଏକତ୍ରିତ ହୋଇଥିଲୁ ପୁରୀ ବେଳାଭୂମିର ଏକ ନିଛାଟିଆ ସ୍ଥାନରେ। ଜଣେ ବନ୍ଧୁ ପ୍ରଶ୍ନ ଛଳରେ ପଚାରିଥିଲେ, ଆପଣମାନେ ଅଭିନେତ୍ରୀ ଶ୍ରୀଦେବୀଙ୍କର ଅନ୍ତିମ ସଂସ୍କାରର ଦୃଶ୍ୟ ଟିଭିରେ ଦେଖିଛନ୍ତି? ତ୍ରିରଙ୍ଗା ପତାକା ଆବୃତ୍ତ ଶ୍ରୀଦେବୀଙ୍କ ମର ଶରୀରକୁ ଦେଖି ଆପଣମାନଙ୍କୁ କେମିତି ଲାଗିଲା? ଜାତୀୟ ପତାକାରେ ଏ ସଂସାରରୁ ବିଦାୟ ନେବା ଏକ ମହାନ୍‌ ଗୌରବ ଓ ସୌଭାଗ୍ୟର କଥା। ଭାରତ ମାତାର ସୁଯୋଗ୍ୟ ସନ୍ତାନମାନଙ୍କ ଭାଗ୍ୟରେ ଏଭଳି ବିରଳ ସୁଯୋଗ ସମ୍ଭବ ହୋଇଥାଏ। ଦେଶମାତୃକାର ସୁରକ୍ଷାରେ ଦିବାରାତ୍ର ନିୟୋଜିତ ବୀର ଯବାନଙ୍କ ମରଶରୀରରେ...

‘ଫ୍ଲାଇଟ୍‌ସ’ର ରୂପକାର

‘ଫ୍ଲାଇଟ୍‌ସ’ର ରୂପକାର

ବ୍ୟକ୍ତିତ୍ୱ/ଜିତେନ୍ଦ୍ର ଯାତ୍ରା ଓ ମଣିଷ ଶରୀରର ଗଠନ ବିଜ୍ଞାନ (ହ୍ୟୁମାନ ଆନାଟୋମି) ଉପରେ ଗଭୀର ଅନୁଶୀଳନ କରି ସେ ଭିନ୍ନ ଧରଣର ଏକ ପୁସ୍ତକ ରଚନା କରିଥିଲେ। ୨୦୦୮ରେ ‘ଫ୍ଲାଇଟ୍‌ସ’ ପ୍ରକାଶ ପାଇବା ପରେ ୨୦୧୮ରେ ଏହାର ଲେଖକ ଓଲ୍‌ଗା ତୋକାର୍କଜୁକ୍‌ଙ୍କୁ ମିଳିପାରିଛି ‘ମ୍ୟାନ୍‌ ବୁକର ଇଣ୍ଡରନ୍ୟାଶନାଲ ପୁରସ୍କାର’। ନିକଟରେ ପୁରସ୍କାର ଘୋଷଣା ହେବା ପରେ ଫ୍ଲାଇଟ୍‌ସ ଓ ଏହାର ଲେଖକଙ୍କ ବିଷୟରେ ଜାଣିବା ପାଇଁ ପାଠିକାପାଠକ ବିଶେଷ ଆଗ୍ରହ ଦେଖାଇଛନ୍ତି। ବିଶ୍ୱରେ ଆମେ ସମସ୍ତେ ଏକ ଯାଯାବର ଜୀବନ ଜିଉଛେ। ଆମର ଅବିରତ ଗତି ଓ କିଛି ପାଇବା ପାଇଁ ଅବିରତ ଇଚ୍ଛା ଆମକୁ ଅଗକୁ ନେଇଯାଉଛି। ମଣିଷ ଶରୀର ମରଣଶୀଳ ହେବା ପରେ ଭୂମିଆଡ଼କୁ ଟାଣି ହୋଇଯିବା ମଧ୍ୟ ଏକ ଗତିର ପ୍ରତୀକ। ତୋକାର୍କଜୁକ୍‌ ‘ଫ୍ଲାଇଟସ୍‌’ ମାଧ୍ୟମରେ ଏହିଭଳି ମନସ୍ତତ୍ତ୍ୱାତ୍ତିକ ଚିରନ୍ତନ ସତ୍ୟକୁ ପ୍ରକାଶ କରିବାକୁ ଚାହିଁ ସାହିତ୍ୟ କ୍ଷେତ୍ରରେ ନୂଆ ଧାରା ସୃଷ୍ଟି କରିଥିବାରୁ ଏବେ ତାଙ୍କ ବ୍ୟକ୍ତିତ୍ୱ ଚର୍ଚ୍ଚାକୁ ଆସିଛି। ...

ଏଇ ଭାରତରେ

ଏଇ ଭାରତରେ

ପ୍ରକୃତ ଅର୍ଥରେ ଦେଖିଲେ ସାହସ ହିଁ ଶକ୍ତି। ସେହିଭଳି ଅଦମ୍ୟ ସାହସିକତା ପ୍ରଦର୍ଶନ କରି ତାମିଲନାଡୁର ଜଣେ ମହିଳା ନିଜର ୧୧ବର୍ଷର ଝିଅକୁ ଚିତାବାଘ ମୁହଁରୁ ଉଦ୍ଧାର କରିପାରିଛନ୍ତି। ଘଟଣାଟି ଘଟିଛି ଶନିବାର ସାରେ ତାମିଲନାଡୁ କୋଏମ୍ବାଟୁର ଜିଲାର ଭାଲପରାଇ ଅଞ୍ଚଳରେ। ଏହି ଅଞ୍ଚଳରେ ପରିବାର ସହ ବାସ କରନ୍ତି ମୁଥୁଲକ୍ଷ୍ମୀ। ଶନିବାର ସାରେ ସେ ରୋଷେଇ ପାଇଁ ଘର ପଛପଟକୁ ଜାଳେଣି କାଠ ଆଣିବାକୁ ଯାଇଥିଲେ। ବାଡିପଟ ଅନ୍ଧାର ହୋଇଥିବାରୁ ଏକ ଡିବିରି ଧରି ଝିଅ ମଧ୍ୟ ତାଙ୍କ ସହ ଯାଇଥିଲେ। ମୁଥୁଲକ୍ଷ୍ମୀ ଭାଡିରୁ କାଠ ବାହାର କରୁଥିବା ବେଳେ ସେଠାରେ ଲୁଚି ରହିଥିବା ଏକ ଚିତାବାଘ ଝିଅକୁ ଆକ୍ରମଣ କରିଥିଲା। ଝିଅ ବେକଠାରୁ କାମୁଡିଧରି ଟାଣିନେବାକୁ ଉଦ୍ୟମ କରିଥିଲା ଏହି ବାଘ। ଝିଅର ଚିତ୍କାର ଶୁଣି ମୁଥୁଲକ୍ଷ୍ମୀ ତୁରନ୍ତ ଏକ କାଠଫାଳିଆରେ ଚିତାକୁ ଜୋରଦାର ପ୍ରହାର କରିଥିଲେ। ସମ୍ଭବତଃ ଆଘାତ ଜୋର ଲାଗିଥିଲା ଚିତାକୁ। ଏଥିରେ ଜନ୍ତୁଟି ଭୟଭୀତ ହୋଇ ଝିଅକୁ ଛାଡିଦେଇ ଜଙ୍ଗଲ ଆଡକୁ ଦୌଡି ପଳାଇଥିଲା। ଝିଅକୁ ଗୁରୁତର ଅବସ୍ଥାରେ ନିକଟବର୍ତ୍ତୀ ଚିକିତ୍ସାଳୟରେ ଭର୍ତ୍ତି କରାଯାଇଛି। ଖବର ପାଇ ବନ ବିଭାଗର କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ଚିତାକୁ ଧରିବାକୁ ଉଦ୍ୟମ ଚଳାଇଛନ୍ତି।

କାର୍ଯ୍ୟକାଳ ବୃଦ୍ଧି ସମ୍ଭାବନା

କାର୍ଯ୍ୟକାଳ ବୃଦ୍ଧି ସମ୍ଭାବନା

ଦିଲ୍ଲୀକା ବାବୁ/ ଦିଲୀପ ଚେରିଏନ୍‌ ଜମ୍ମୁ-କଶ୍ମୀରର ମୁଖ୍ୟ ଶାସନ ସଚିବ ବି.ବି. ବ୍ୟାସଙ୍କ କାର୍ଯ୍ୟକାଳ ତୃତୀୟ ଥର ପାଇଁଛଅ ମାସ ବୃଦ୍ଧି କରାଯିବାର ସମ୍ଭାବନା ଦେଖାଦେଇଛି। ବ୍ୟାସ ଗତବର୍ଷ ନଭେମ୍ବର ମାସରେ ଅବସର ନେବାର ଥିଲା। କିନ୍ତୁ ତାଙ୍କୁ ଦୁଇଥର ତିନିମାସିଆ ସମ୍ପ୍ରସାରଣ ଦିଆଗଲା। ତାଙ୍କର ଦ୍ୱିତୀୟ ସମ୍ପ୍ରସାରିତ ଅବଧି ଚଳିତ ମାସରେ ପୂରିବାକୁ ଯାଉଛି। ପ୍ରାପ୍ତ ସୂଚନା ଅନୁସାରେ, ମୁଖ୍ୟମନ୍ତ୍ରୀ ମେହବୁବା ମୁଫ୍‌ତିଙ୍କ ସୁପାରିସକ୍ରମେ ରାଜ୍ୟ ସରକାର ୧୯୮୬ ବ୍ୟାଚ୍‌ର ଏହି ରାଜସ୍ଥାନ କ୍ୟାଡର ଅଫିସରଙ୍କୁ ଆଉ କିଛି କାଳ ରଖିବା ପାଇଁ କେନ୍ଦ୍ର ସରକାରଙ୍କ ସହ ପରାମର୍ଶ କରୁଛନ୍ତି। ଏହା ପୂର୍ବରୁ ବ୍ୟାସ କେନ୍ଦ୍ରୀୟ ଓ ଅନ୍ତର୍ଜାତୀୟ ଡେପୁଟେଶନରେ କାର୍ଯ୍ୟ ...

କଶ୍ମୀର ସମସ୍ୟା

କଶ୍ମୀର ସମସ୍ୟା

ଶରତ ଚନ୍ଦ୍ର ମିଶ୍ର କଶ୍ମୀର ଭାରତର ଏକ ପୁରାତନ ସମସ୍ୟା। ସ୍ବାଧୀନତା ପରେ ପରେ ୧୯୪୭ ମସିହାରେ ବ୍ରିଟିଶ୍‌ ସେନା ଅଫିସରଙ୍କ ସହାୟତାରେ ମୁସଲମାନ ସୈନ୍ୟମାନେ ବଲ୍‌ଟିକ ସ୍ଥାନ ଓ ଗିଲ୍‌ଗିଟ ଅଞ୍ଚଳରେ କଶ୍ମୀର ମହାରାଜାଙ୍କ ବିରୁଦ୍ଧରେ ବିଦ୍ରୋହ କରି ସେଇ ଅଞ୍ଚଳ ଦୁଇଟିକୁ ପାକିସ୍ତାନରେ ମିଶାଇ ଦେଇଥିଲେ। ପାକିସ୍ତାନୀ ଲୋକ ୧୯୪୮ ମସିହାରେ କଶ୍ମୀର ଆକ୍ରମଣ କରି କିଛି ଅଂଶ ଦଖଲ କରିନେଲେ ଓ ମୁଜାଫରବାଦକୁ ରାଜଧାନୀ କରି ଆଜାଦ କଶ୍ମୀର ସରକାର ସ୍ଥାପନ ହୋଇଛି। କଶ୍ମୀର ମହାରାଜା ତାଙ୍କ ରାଜ୍ୟକୁ ଭାରତରେ ମିଶାଇଲା ପରେ ଭାରତୀୟ ସୈନ୍ୟ ପାକିସ୍ତାନୀ ଆକ୍ରମଣକାରୀଙ୍କୁ ପରାସ୍ତ କଲେ। କିନ୍ତୁ ପାକିସ୍ତାନୀମାନେ କଶ୍ମୀରରୁ ସମ୍ପୂର୍ଣ୍ଣ ବିତାଡିତ ହେବା ପୂର୍ବରୁ ଜାତିସଂଘରେ ଭାରତ ଫେରାଦ ହେଲାରୁ ସ୍ଥିତାବସ୍ଥା ଜାରି ରହିଲା ଓ କଶ୍ମୀରର କିଛି ଅଂଶ ...

ସଂକଳ୍ପ ଗଡ଼ ଜିଣେ

ସଂକଳ୍ପ ଗଡ଼ ଜିଣେ

ମନ-ମାନଚିତ୍ର/ ଡ. ନରହରି ବେହେରା ଚେତନାର ଜାଗରଣ ହିଁ ସଭ୍ୟତା ଅଭ୍ୟୁଦୟର ମୂଳମନ୍ତ୍ର। ଚେତନାର ଉତ୍ତରଣ ବିନା ନୂତନ ସର୍ଜନା ଅସମ୍ଭବ। ଆଜି ସମାଜରେ ଯେଉଁ ସବୁ ପରିବର୍ତ୍ତନ ଘଟିଛି, ତାହା କେବଳ ସମ୍ଭବ ହୋଇଛି ଏହି ଚେତନାର ସ୍ବତଃସ୍ଫୂର୍ତ୍ତ ପରିପ୍ରକାଶ ଯୋଗୁ। ଏ ସଂସାର ହେଉଛି ଚେତନାର ଗନ୍ତାଘର। ମାତ୍ର ଏହା ସବୁବେଳେ ସବୁ ବ୍ୟକ୍ତିସତ୍ତାକୁ ସ୍ପର୍ଶ କରେନାହିଁ। କେବଳ ମନନଶୀଳ ଏବଂ ନିଃସ୍ବାର୍ଥପର ବ୍ୟକ୍ତିବିଶେଷଙ୍କୁ ହିଁ ଏହି ମହାଜାଗତିକ ଶକ୍ତି ଛୁଇଁଥାଏ। ପ୍ରଜ୍ୱଳିତ ଅଗ୍ନିକୁ ଜଳ ପ୍ରଶମିତ କରିବାପରି ହୃଦୟରେ ଥିବା ସକଳ ...

ଏଇ ଭାରତରେ

ଏଇ ଭାରତରେ

ସରକାର କାହାକୁ କ’ଣ ଜୀବନସାଥୀ ଦେଇପାରିବେ? କିନ୍ତୁ ରାଜସ୍ଥାନ ଆଜମେର ଜିଲାର ଜଣେ ଯୁବକ ସେମିତି ଦାବି ଉଠାଇଲେ ସରକାରୀ ଭାବେ ଆୟୋଜିତ ଅଭିଯୋଗ ଶୁଣାଣି ଶିବିରରେ। ଯୁବକଙ୍କ ଏଭଳି ଦାବି ଶୁଣି ଶିବିରରେ ଉପସ୍ଥିତ ଲୋକେ ନ ହସି ରହିପାରି ନ ଥିଲେ। ବତୀତଲୋରା ପଞ୍ଚାୟତର ମୁକେଶ ଭଟ୍ଟି ଜଣେ ବିବାହିତ ଯୁବକ। ଦୁଇବର୍ଷ ପୂର୍ବରୁ ସ୍ତ୍ରୀ ତାଙ୍କୁ ଛାଡି ଅନ୍ୟ ଜଣଙ୍କ ସହ ଫେରାର ହୋଇଯାଇଛନ୍ତି। ଏତେଦିନ ବିତିଯାଇଥିଲେ ମଧ୍ୟ ମୁକେଶ ଦ୍ୱିତୀୟ ବିବାହ ପାଇଁ ମନ ବଳାଇ ନ ଥିଲେ। ଏବେ ବାହା ହେବାକୁ ଚାହୁଁଥିଲେ ମଧ୍ୟ ଝିଅ ମିଳୁନାହାନ୍ତି। ତେଣୁ ସେ ଚାହୁଁଛନ୍ତି ତାଙ୍କର ପ୍ରଥମ ସ୍ତ୍ରୀକୁ ଫେରାଇ ଅଣାଯାଉ ନଚେତ୍‌ ଦ୍ୱିତୀୟ ବିବାହ ପାଇଁ ଝିଅଟିଏ ଖୋଜି ଦିଆଯାଉ। ଏଥିପାଇଁ ସେ ପ୍ରଥମେ ପଞ୍ଚାୟତ ବୈଠକରେ କଥା ପକାଇ ଲିଖିତ ଆବେଦନ ...

ଆଜିର ଅର୍ଥନୀତି/ ତୈଳ ବୋମା

ଆଜିର ଅର୍ଥନୀତି/ ତୈଳ ବୋମା

ଦେଶରେ ତୈଳ ଦର କ୍ରମାଗତଭାବେ ବୃଦ୍ଧି ପାଇଚାଲିଛି। ଏହାଦ୍ୱାରା ସାଧାରଣ ଲୋକ ହଇରାଣ ହେଉଛନ୍ତି। ପେଟ୍ରୋଲ ପମ୍ପକୁ ପେଟ୍ରୋଲ ବା ଡିଜେଲ ପକାଇବାକୁ ଗଲାବେଳେ ସାଧାରଣ ଗାଡ଼ିଚାଳକ ମନରେ ଖୁବ୍‌ କ୍ରୋଧ ସୃଷ୍ଟି ହେଉଛି, କିନ୍ତୁ ସେ ନିରୁପାୟ। ଗୁରୁବାର ସୁଦ୍ଧା ତୈଳ କମ୍ପାନୀଗୁଡ଼ିକ କ୍ରମାଗତ ଭାବେ ୧୧ ଦିନ ଧରି ତୈଳ ଦର ବୃଦ୍ଧି କରିଛନ୍ତି। ଭୁବନେଶ୍ୱରରେ ପେଟ୍ରୋଲ ଦର ଲିଟର ପିଛା ପାଖାପାଖି ୭୭ ଓ ଡିଜେଲ ଦର ପ୍ରାୟ ୭୪ ଟଙ୍କା ହୋଇଛି। ପେଟ୍ରୋଲ ଓ ଡିଜେଲ ଦର ମଧ୍ୟରେ ବ୍ୟବଧାନ ହ୍ରାସ ପାଇଛି, ଯାହା କି ଆଗରୁ ନ ଥିଲା। ଏହା ବିରୋଧରେ ଦେଶ ସାରା ଗରିବ ଧନୀ ନିର୍ବିଶେଷରେ ଖାଉଟିମାନେ ବିକ୍ଷୋଭ ଓ ପ୍ରତିବାଦ କଲେ ମଧ୍ୟ ଆଶ୍ଚର୍ଯ୍ୟଜନକଭାବେ ସରକାର ନୀରବ ରହିଛନ୍ତି। ଯଦି ସରକାର ତୁରନ୍ତ ଦର ହ୍ରାସ ନ କରନ୍ତି, ତେବେ ...

କୁନ୍ଦୁଲିରୁ କାଠୁଆ

କୁନ୍ଦୁଲିରୁ କାଠୁଆ

ଡ. ପ୍ରଫୁଲ୍ଲ କୁମାର ସାହୁ ୨୦୧୨ ମସିହା ଡିସେମ୍ବର ମାସରେ ଦେଶର ସାମୂହିକ ଗଣବିବେକକୁ ଦୋହଲେଇ ଦେଇଥିଲା ରାଜଧାନୀ ଦିଲ୍ଲୀର ଲୋମହର୍ଷଣକାରୀ ନିର୍ଭୟା ଗଣଦୁଷ୍କର୍ମ ଘଟଣା। ମହିଳା ସୁରକ୍ଷା ଦାବିରେ ଆନ୍ଦୋଳନକୁ ଓହ୍ଲାଇଥିଲେ ସାରା ଦେଶର ଲୋକେ। ଏଭଳି ଜନ ଆକ୍ରୋଶର ତାତି ପୁଣି ଥରେ ଦେଖିବାକୁ ମିଳିଲା ଗତ ଏପ୍ରିଲ୍‌ ମାସରେ ଉତ୍ତରପ୍ରଦେଶର ଉନ୍ନାଓ ଓ ଜମ୍ମୁର କାଠୁଆ ଘଟଣା ଗଣମାଧ୍ୟମରେ ପ୍ରଘଟ ହେଲା ପରେ। ଏହାକୁ ନେଇ ରାଷ୍ଟ୍ରବ୍ୟାପୀ କ୍ରୋଧ ଓ ବିରୋଧ ପୃଷ୍ଠଭୂମିରେ ସରକାର ଆଣିଲେ ଶିଶୁ କନ୍ୟା ବଳାକତ୍ାରୀଙ୍କ ପାଇଁ ଫାଶୀ ଦଣ୍ଡବିଧାନର ଅଧ୍ୟାଦେଶ। ଏହି ଅଧ୍ୟାଦେଶ ଅନୁସାରେ ୧୨ବର୍ଷରୁ କମ୍‌ ବର୍ଷ ବୟସର ...

ପଞ୍ଚପୀର

ପଞ୍ଚପୀର

ଦେବଦତ୍ତ ପଟ୍ଟନାୟକ ଦକ୍ଷିଣ ଏସିଆରେ ଇସଲାମ ଧର୍ମରେ ଏକ ସ୍ବତନ୍ତ୍ର ଜିନିଷ ଦେଖିବାକୁ ମିଳେ। ତାହା ହେଉଛି ପାଞ୍ଚଜଣ ମହାପୁରୁଷ ବା ସନ୍ଥ (ଆଉଲିଆ) ଯାହାଙ୍କୁ କୁହାଯାଏ ପଞ୍ଚପୀର। ଅନେକ ସମୟରେ ପୀରବାବାଙ୍କ ସ୍ତୂପାକୃତି କବର ବା ମଜାର ଉପରେ ରଖାଯାଇଥିବା ହାତ ପାପୁଲି ଚିହ୍ନ ସେମାନଙ୍କର ପ୍ରତିନିଧିତ୍ୱ କରେ। ପଞ୍ଜାବ, ରାଜସ୍ଥାନ, ଉତ୍ତରପ୍ରଦେଶ ଓ ପଶ୍ଚିମବଙ୍ଗରେ ଆମେ ପଞ୍ଚ ପୀରବାବାଙ୍କ ମଜାର ବା ଦରଘା ଦେଖିବାକୁ ପାଉ। ଅନେକ ସମୟରେ ସେମାନଙ୍କୁ ଶିଆ ଇସଲାମ ସମ୍ପ୍ରଦାୟର ପାଞ୍ଚଜଣ ମହାତ୍ମା ବୋଲି ଚିହ୍ନଟ କରାଯାଏ: ରସୁଲ ମହମ୍ମଦ, ତାଙ୍କ ଝିଅ, ତାଙ୍କ ଜାମାତା ଓ ତାଙ୍କର ଦୁଇଜଣ ନାତି। ଅନ୍ୟମାନେ ସେମାନଙ୍କୁ ...

ଏଇ ଭାରତରେ

ଏଇ ଭାରତରେ

ସମ୍ଭବତଃ କିଛି ଭଲ କାମ ଲୋକଙ୍କ ଆଖିରେ ଯାଏନାହିଁ। ଏପରି କି ନିଜ ପରିବାର ପରିଜନ ସମାଲୋଚନା କରିବାକୁ ପଛାନ୍ତି ନାହିଁ। କେତେକେ ତ ପାଗଳର ଆଖ୍ୟା ଦେଇ ଦିଅନ୍ତି। ମଧ୍ୟପ୍ରଦେଶର ଭୋପାଳ ଅଞ୍ଚଳର ଡା. ଡି.ପି. କନୌଜିୟାଙ୍କ କ୍ଷେତ୍ରରେ ତାହା ହିଁ ଘଟିଛି। ମୋଟାଅଙ୍କର ଦରମାରେ ସରକାରୀ ଚାକିରିରେ ଥିବା କନୌଜିୟା ଦୀର୍ଘ ୩୦ବର୍ଷ ଧରି ଗଛର ଯତ୍ନ ପାଇଁ ଯେଉଁଭଳି କାର୍ଯ୍ୟ କରିଆସିଛନ୍ତି ତାହା ଯେ କେହି ବ୍ୟକ୍ତିକୁ ଆଶ୍ଚର୍ଯ୍ୟ କରିବ। କନୌଜିୟାଙ୍କୁ ଇତିମଧ୍ୟରେ ହେଲାଣି ୭୭ବର୍ଷ। ସେ ଯେତେବେଳେ ୪୭ ବର୍ଷର ହୋଇଥିଲେ ସେବେଠାରୁ ତାଙ୍କର ଗଛ ଲଗାଇବାର ନିଶା ଘାରିଲା। ସେ ଭୋପାଳ ନିକଟବର୍ତ୍ତୀ ଏକ ବା ଜମିରେ ଆରମ୍ଭ କଲେ ଚାରାରୋପଣ। ବିଭିନ୍ନ ପ୍ରଜାତିର ପ୍ରାୟ ୬୦ ଚାରା ଆଣି ସେ ସେଠାରେ ଲଗାଇଥିଲେ। ଗାଈଗୋରୁ, ...