ସମ୍ପାଦକୀୟ |

ଭାରତର ଅନ୍ନ, ପାକିସ୍ତାନର ଗୁଣଗାନ

ଭାରତର ଅନ୍ନ, ପାକିସ୍ତାନର ଗୁଣଗାନ
ନାରାୟଣ ପଣ୍ଡା କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲା ନିକଟ ଅତୀତରେ-ପାକିସ୍ତାନ ଅଧିକୃତ କାଶ୍ମୀର (ପିଓକେ) ପାକିସ୍ତାନର, ତାହା ଭାରତ ଦାବି କରିପାରିବନାହିଁ ବୋଲି କହିବାର କେତେଦିନ ପରେ ଶ୍ରୀନଗରର ଲାଲଚଉକଠାରେ ଭାରତ ତ୍ରିରଙ୍ଗା ଉତ୍ତୋଳନ କରି ଦେଖୁ ବୋଲି ଆହ୍ବାନ ଦେଇଥିଲେ। ଜଣେ ଭାରତୀୟଙ୍କ ମୁଖରୁ ଏଭଳି ବିଚ୍ଛିନ୍ନତାବାଦୀ ସ୍ବର ଶୁଣାଯିବା ଅତ୍ୟନ୍ତ ଦୁର୍ଭାଗ୍ୟଜନକ। ସ୍ବାଧୀନତା ପ୍ରାପ୍ତିର ୭୦ବର୍ଷ ପରେ କଶ୍ମୀରର ଜଣେ ଦାୟିତ୍ୱସମ୍ପନ୍ନ ରାଜନେତାଙ୍କ ମୁହଁରେ ଏହା ଶୋଭା ପାଏନାହିଁ। ସ୍ବାଧୀନତାପ୍ରାପ୍ତିର ୨ମାସ ପରେ ପାକିସ୍ତାନ କଶ୍ମୀର ବିରୋଧରେ ଅଚାନକ ଅଘୋଷିତ ଯୁଦ୍ଧ ଆରମ୍ଭକରି ଏହାର ଗିଲଗିଟ ଓ ବାଲଟିସ୍ଥାନ ସହିତ ୯୦ହଜାର ବର୍ଗ କି.ମି. ପରିମିତ ଏକ ବିରାଟ ଭୂଖଣ୍ଡକୁ ଅଧିକାର କରିନେଲା। କଶ୍ମୀରର ଅବଦୁଲ୍ଲା ପରିବାର ହୁଏତ ଏହା ହିଁ ଚାହିଁଥିଲେ। ଏହି ପରିବାର ଦୀର୍ଘ ୩୦ବର୍ଷ ରାଜ୍ୟ ଶାସନରେ ରହିଥିଲେ ମଧ୍ୟ ଏଯାବତ୍‌ ପାକିସ୍ତାନ ଅଧିକୃତ ଅଞ୍ଚଳର ପୁନରୁଦ୍ଧାର ପାଇଁ ସ୍ବର ଉତ୍ତୋଳନ କରିନାହିଁ। ସେଠାକାର ହିନ୍ଦୁଶାସକ ନିଜ ରାଜ୍ୟର ପ୍ରଜାମାନଙ୍କ ସୁରକ୍ଷା ଓ ନିରାପତ୍ତା ପାଇଁ ପୂର୍ବରୁ ପାକିସ୍ତାନ ସହିତ ୧ବର୍ଷ ସ୍ଥିତାବସ୍ଥା ଚୁକ୍ତି କରିଥିଲେ ମଧ୍ୟ ପାକିସ୍ତାନ ତାଙ୍କ ସହିତ ଭୟଙ୍କର ପ୍ରତାରଣାର ଖେଳ ଖେଳିଲା। ଅଗତ୍ୟା ଭାରତ ସହିତ କଶ୍ମୀରକୁ ମିଶ୍ରଣ ପ୍ରସ୍ତାବ ଦେବା ବ୍ୟତୀତ ରାଜାଙ୍କ ପାଖରେ ଅନ୍ୟ ଚାରା ନ ଥିଲା। ପୂର୍ବରୁ ଶେଖ ଅବଦୁଲ୍ଲା, ହରି ସିଂ କଶ୍ମୀର ଛାଡ଼ ନାରାବାଜିରେ ଉପତ୍ୟକାକୁ ପ୍ରକମ୍ପିତ କରୁଥିଲେ। ଆନ୍ତରିକ ଭାବରେ ସେ ଚାହୁଁ ନ ଥିଲେ କଶ୍ମୀର ପାକିସ୍ତାନ ସହିତ ମିଶୁ କାରଣ ଏହାଦ୍ୱାରା ତାଙ୍କର କ୍ଷମତା ସଙ୍କୁଚିତ ହେବ। ତତ୍କାଳୀନ ସ୍ବରାଷ୍ଟ୍ରମନ୍ତ୍ରୀ ସର୍ଦ୍ଦାର ବଲ୍ଲଭଭାଇ ପଟେଲଙ୍କୁ କଶ୍ମୀର ଘଟଣା ଅବଶ୍ୟ ଏକ ଶିକ୍ଷା ଦେଲା। ତେଣୁ ଜୁନାଗଡ ଓ ହାଇଦ୍ରାବାଦରେ ସେ ତାଙ୍କର କାର୍ଯ୍ୟପଦ୍ଧତିରେ ପରିବର୍ତ୍ତନ ଆଣି ଭବିଷ୍ୟତରେ ଭାରତକୁ ଅନ୍ୟ ୨ଟି କଶ୍ମୀର ସମସ୍ୟାରୁ ରକ୍ଷା କରିପାରିଥିଲେ। ଜୁନାଗଡର ନବାବ ମହମ୍ମଦ ମହବତ ଖାନ୍‌ଜୀ ମହମ୍ମଦ ଜିନ୍ନାଙ୍କ ପ୍ରଲୋଭନରେ ପଡି ତାଙ୍କ ରାଜ୍ୟକୁ ପାକିସ୍ତାନ ହାତରେ ଟେକି ଦେଇଥିଲେ। ସେହିପରି ହାଇଦ୍ରାବାଦର ନିଜାମ ମୀର ଉସ୍‌ମାନ ଅଲ୍ଲି ଖାନ୍‌ ଭାରତ ସହିତ ଏକବର୍ଷ ସ୍ଥିତାବସ୍ଥା ଚୁକ୍ତିକରି ଏକ ସ୍ବତନ୍ତ୍ର ରାଷ୍ଟ୍ରରୂପେ ରହିବାକୁ ଗୋପନରେ ପାକିସ୍ତାନ ଓ ଜାତିସଂଘ ସହିତ ସମ୍ପର୍କ ରଖୁଥିଲେ। ଭାରତ ଭିତରେ ଅନ୍ୟ ଏକ ପାକିସ୍ତାନ-ଉସମାନାସ୍ଥାନ ସୃଷ୍ଟିକରି ନିଜାମ ନିଜେ ଶାସକ ରୂପେ ରହିବାକୁ ଚାହୁଁଥିଲେ। ଦୂରଦ୍ରଷ୍ଟା ସର୍ଦ୍ଦାର ବଲ୍ଲଭଭାଇ ପଟେଲ ସେମାନଙ୍କର ସମସ୍ତ ଦୂରଭିସନ୍ଧିକୁ ପଣ୍ଡ କରିଥିଲେ। ରାଜ୍ୟପାଳ କରଣ ସିଂଙ୍କ ଦ୍ୱାରା ଶେଖ ଅବଦୁଲ୍ଲା ପଦଚ୍ୟୁତ ହୋଇ ଦୀର୍ଘ ୧୧ବର୍ଷ ନିର୍ବାସନ ଭୋଗିଥିଲେ ମଧ୍ୟ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କର ତାଙ୍କ ପ୍ରତି ଅହେତୁକ କୃପା ଯୋଗୁଁ ସେ ମୁକ୍ତ ହୋଇ ପୁନଶ୍ଚ ଶାସନଭାର ଗ୍ରହଣ କଲେ। ହାଇଦ୍ରାବାଦ ଓ ଜୁନାଗଡ ପରି ଅବଦୁଲ୍ଲାଙ୍କୁ ଯଦି ସେହି ସମୟରେ ନିର୍ବାସିତ କରାଯାଇଥାନ୍ତା, ସେ କିମ୍ବା ତାଙ୍କ ପରିବାର କଶ୍ମୀରରେ ଅଶାନ୍ତି ଓ ଅସ୍ଥିରତା ସୃଷ୍ଟି କରିବାକୁ ସୁଯୋଗ ପାଇ ନ ଥାନ୍ତେ। ଚାଇନା ଭାରତର ରାଜନୈତିକ ଅସ୍ଥିରତା ଓ ଶାସକମାନଙ୍କର ଦୁର୍ବଳ ମାନସିକତାର ସୁଯୋଗ ନେଇ ସ୍ବାଧୀନତା ପରଠାରୁ ଭାରତକୁ ନାଲି ଆଖି ଦେଖାଇ ଆସିଛି। ଭାରତର ପିଓକେ ଦାବି ଦିଲ୍ଲୀରେ ଗୁଞ୍ଜରିତ ହେଲେ ଇସ୍‌ଲାମାବାଦ ଓ ବେଜିଂରେ ପ୍ରତିକମ୍ପନ ସୃଷ୍ଟିହୁଏ। ବ୍ରିଟିଶ-ଭାରତ ସମୟରୁ ଅରୁଣାଚଳ ପ୍ରଦେଶ ଭାରତର ଅବିଚ୍ଛେଦ୍ୟ ଅଙ୍ଗ, କିନ୍ତୁ ଚାଇନା ଏହାକୁ ଦକ୍ଷିଣ ତିବ୍ବତର ଅଂଶରୂପେ ଦାବି କରୁଛି। ବିଭିନ୍ନ ସମୟରେ ଭାରତ ସମେତ ଅନ୍ୟ ପଡୋଶୀ ଦେଶକୁ ଧମକଦେବା ପଛରେ ତା’ର ବିପୁଳ ସାମରିକ ଶକ୍ତି ଆଦୌ ଏକମାତ୍ର କାରଣ ନୁହେଁ। ଭାରତ ଓ ଜାପାନ ଆଦି ପଡୋଶୀ ଦେଶଗୁଡିକ ମଧ୍ୟ ଚାଇନା ପରି ପରମାଣୁ ଅସ୍ତ୍ରରେ ଶକ୍ତିମାନ। ତା’ର ଏକମାତ୍ର ସାମର୍ଥ୍ୟ ଭେଟୋ- ଯାହାକୁ ଅସ୍ତ୍ରକରି ସେ ଶକ୍ତିଶାଳୀ ଭାରତ ଓ ଜାପାନକୁ ମଧ୍ୟ ଆନ୍ତର୍ଜାତିକ ସ୍ତରରେ ଆହାନ ଦେଇପାରୁଛି। ଭାରତକୁ ଭିତରେ ଭୟ କରୁଥିଲେ ମଧ୍ୟ ପାକିସ୍ତାନ ଓ ଭାରତର କତିପୟ ପ୍ରଭାବଶାଳୀ ମୁସଲମାନ ନେତାଙ୍କ ବିଭିନ୍ନ ସମୟରେ ଭାରତବିରୋଧୀ ବକ୍ତବ୍ୟ, ପାକିସ୍ତାନ ଓ ଚାଇନାକୁ ଭାରତ ପ୍ରତି ଅଧିକ ଆକ୍ରମଣାତ୍ମକ ପଦକ୍ଷେପ ନେବା ପାଇଁ ପ୍ରେରିତ କରୁଛି। କେବଳ ଶାସନରେ ରହିବା ପାଇଁ ଏହି ମୁସଲମାନ ନେତାଗଣ ବିଭିନ୍ନ ସମୟରେ କୁମ୍ଭୀର କାନ୍ଦଣା କାନ୍ଦନ୍ତି। କଶ୍ମୀର ଜାତୀୟ ସମ୍ମିଳନୀର ପ୍ରତିଷ୍ଠାତା-ନେତା ଶେଖ ଅବଦୁଲ୍ଲା ଭାରତୀୟ ଜାତୀୟ କଂଗ୍ରେସ କୃପାରୁ କଶ୍ମୀରରେ ତିନିତିନି ଥର ଶାସନଡୋର ହାତେଇଛନ୍ତି। ଜବାହରଲାଲ ନେହେରୁ ଓ ଇନ୍ଦିରା ଗାନ୍ଧୀଙ୍କ ଅନୁଗ୍ରହରୁ ଏହା ହୋଇପାରିଛି। ତାଙ୍କ ପୁତ୍ର ଫାରୁକ ଅବଦୁଲ୍ଲା ମଧ୍ୟ ୩ଥର କଶ୍ମୀରରେ ମୁଖ୍ୟମନ୍ତ୍ରୀ ହୋଇଥିଲେ। ଫାରୁକ ପୁତ୍ର ଓମାର ଅବଦୁଲ୍ଲା ମଧ୍ୟ କଶ୍ମୀରର ମୁଖ୍ୟମନ୍ତ୍ରୀ ରହିଛନ୍ତି। ସ୍ବାଧୀନ ଭାରତରେ ପ୍ରାୟ ୨୮ବର୍ଷରୁ ଅଧିକ କଶ୍ମୀରକୁ ନିଜ ନିୟନ୍ତ୍ରଣରେ ରଖିଛନ୍ତି ଅବଦୁଲ୍ଲା ପରିବାର। ପ୍ରତ୍ୟେକଥର କଂଗ୍ରେସର ବିପୁଳ ସମର୍ଥନ ଏହି ପିତାମହ-ପୁତ୍ର-ପୌତ୍ରଙ୍କ ପାଇଁ ରହିଛି। କେନ୍ଦ୍ରରେ ମନ୍ତ୍ରୀ ମଧ୍ୟ ରହିଛନ୍ତି ଏମାନେ। ତଥାପି ଏହି ଅକୃତଜ୍ଞ ପରିବାର ଭାରତ ପ୍ରତି ବିମୁଖ। ଅବଦୁଲ୍ଲାଙ୍କ ପୂର୍ବପୁରୁଷ କଶ୍ମୀର ପଣ୍ଡିତ ରଘୁରାମ କାଉଲ ୧୭୭୨ରେ ଇସ୍‌ଲାମ ଧର୍ମ ଗ୍ରହଣକରି ଶେଖ ମହମ୍ମଦ ଅବଦୁଲ୍ଲା ନାମରେ ପରିଚିତ ହୁଅନ୍ତି। ଶେଖ ଅବଦୁଲ୍ଲାଙ୍କ ପିତା ଶେଖ ମହମ୍ମଦ ଇବ୍ରାହିମ ଏହି ରଘୁରାମ କାଉଲଙ୍କ ବଂଶଧର। ବିଭିନ୍ନ ସମୟରେ ଅର୍ଥ ଓ କ୍ଷମତାରେ ପ୍ରଲୁବ୍ଧ ହୋଇ ଅନେକ ମୁସଲମାନ ଏହି ଅଞ୍ଚଳରେ ଧର୍ମାନ୍ତରିତ ହୋଇଛନ୍ତି। କଶ୍ମୀରର ମୂଳ-ହିନ୍ଦୁ ଏମାନେ, କିନ୍ତୁ ବର୍ତ୍ତମାନ ପାକିସ୍ତାନର ନକ୍ଷତ୍ର-ଧ୍ୱଜକୁ ଛାତିତଳେ ଲୁଚାଇରଖି କଶ୍ମୀରର ରକ୍ଷାକର୍ତ୍ତା ସାଜିଛନ୍ତି ଏମାନେ। ସେହିପରି ପାକିସ୍ତାନରେ ଭୂମିପୁତ୍ର ବୋଲାଉଥିବା ଭୁଟୋ ପରିବାରଙ୍କ ମୂଳ ପରିବାର ମଧ୍ୟ ଭାରତୀୟ ହିନ୍ଦୁ ରାଜପୁତ। ଅଷ୍ଟାଦଶ ଶତାବ୍ଦୀର ଆରମ୍ଭରେ ରାଜପୁତାନାର ସେତୋ ନାମକ ହିନ୍ଦୁ ରାଜପୁତ ମୁସଲମାନ ଧର୍ମ ଗ୍ରହଣ କରି ନିଜକୁ ସେତୋ ଖାଁ ଭୁଟୋ ନାମରେ ପରିଚିତ ହେଲେ। ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ତଥା ରାଷ୍ଟ୍ରପତି ଜୁଲଫିକର ଅଲ୍ଲି ଭୁଟୋ ହେଉଛନ୍ତି ଏହି ସେତୋ ଖାନ୍‌ ଭୁଟୋଙ୍କ ବଂଶଧର ସାହାନୱାଜ ଖାନ୍‌ଙ୍କ ହିନ୍ଦୁପତ୍ନୀ ଲକ୍ଷ୍ମୀବାଈ ଓରଫ ଖୁରସିତ ବେଗମଙ୍କ ସନ୍ତାନ। ଏହି ସାହାନୱାଜ ଖାନ୍‌ ସ୍ବାଧୀନତାର ପ୍ରାକ୍‌କାଳରେ ଜୁନାଗଡର ନବାବଙ୍କ କ୍ୟାବିନେଟରେ ଯୋଗଦେଇ ଉକ୍ତ ରାଜ୍ୟକୁ ପାକିସ୍ତାନ ସହିତ ମିଶ୍ରଣ କରିବାରେ ମୁଖ୍ୟଭୂମିକା ଗ୍ରହଣ କରିଥିଲେ। ସର୍ଦ୍ଦାର ବଲ୍ଲଭଭାଇ ପଟେଲଙ୍କ କାର୍ଯ୍ୟାନୁଷ୍ଠାନରେ ଭୟଭୀତ ହୋଇ ନବାବ ପାକିସ୍ତାନକୁ ଚାଲିଗଲେ। ପରିଶେଷରେ ଏହି ସାହାନୱାଜ ଖାନ ମଧ୍ୟ ପୁନର୍ବାର ଭାରତ ସହିତ ଜୁନାଗଡର ମିଶ୍ରଣପଥ ପରିଷ୍କାର କରି ପାକିସ୍ତାନ ପ୍ରତ୍ୟାବର୍ତ୍ତନ କରିବାକୁ ବାଧ୍ୟହେଲେ। ଇତିହାସରେ ଏମିତି ଅନେକ ଦୃଷ୍ଟାନ୍ତ ରହିଛି, ଭାରତର ଧର୍ମାନ୍ତରିତ ମୁସଲମାନମାନେ ହିଁ ଭାରତର ବିରୁଦ୍ଧାଚରଣ କରନ୍ତି। ମୁସଲିମ ଶାସନ ଆରମ୍ଭରୁ ମୁସଲମାନମାନଙ୍କ ପାଇଁ ରହିଥିବା ରିହାତି, ସଂରକ୍ଷଣ, ଅର୍ଥ ଓ କ୍ଷମତାରେ ମୋହଗ୍ରସ୍ତ ହୋଇ ଅନେକ ହିନ୍ଦୁ ମୁସଲମାନ ଧର୍ମ ଗ୍ରହଣ କରିଛନ୍ତି। ଆଲ୍ଲାଉଦ୍ଦିନ ଖିଲିଜୀଙ୍କ ଦୁର୍ଦ୍ଦର୍ଷ ସେନାପତି ମାଲିକକଫୁର ଜଣେ ହିନ୍ଦୁ କିନ୍ନର ହୋଇଥିଲେ ହେଁ ଇସଲାମଧର୍ମ ଗ୍ରହଣକରି ଭାରତକୁ କ୍ଷତବିକ୍ଷତ କରିବାକୁ ଭୁଲିନାହାନ୍ତି। ପାକିସ୍ତାନର ଦୀନ ମହମ୍ମଦ ଶେଖର, ବଙ୍ଗଳାର ଜଲାଲୁଦ୍ଦିନ ମହମ୍ମଦ ସାହ ଓ କଶ୍ମୀରର ବାବା ସାଦୀ ସାହିଦ ମଧ୍ୟ ଦିନେ ହିନ୍ଦୁ ଥାଇ ନିଜର ସ୍ବାର୍ଥସାଧନ ପାଇଁ ପଟପରିବର୍ତ୍ତନ କରିଥିଲେ, ତାହା ଆଜି ଇତିହାସ। ଉତ୍କଳୀୟ ସେନାପତି ରାଜୀବ ଲୋଚନ ରାୟ ବଙ୍ଗ ନବାବଙ୍କ କଳାପାହାଡ ସାଜି ରାଜ୍ୟରେ ଧ୍ୱଂସର ତାଣ୍ଡବ ସୃଷ୍ଟି କରିଥିଲେ। ବାରମ୍ବାର ଭାରତର ଗୌରବକୁ ଭୂଲୁଣ୍ଠିତ କରିଥିବା ଏହି ଧର୍ମାନ୍ତରିତ ମୁସଲମାନମାନେ କିମ୍ବା ତାଙ୍କର କେହି ପୂର୍ବପୁରୁଷ କସ୍ମିନ୍‌କାଳେ ମକ୍କା କିମ୍ବା ମଦିନାରୁ ଆସିନାହାନ୍ତି। ବର୍ତ୍ତମାନ ସେମାନେ ଉଭୟ ପାକିସ୍ତାନ ଓ ଭାରତରେ କାୟାବିସ୍ତାର କରିଛନ୍ତି। କଶ୍ମୀର ପାକିସ୍ତାନର ହେଲେ ତିବ୍ବତ ଓ ବେଲୁଚିସ୍ଥାନକୁ କିଭଳି ଚାଇନା ଓ ପାକିସ୍ତାନର ବୋଲି କୁହାଯାଇ ପାରିବ, ଏହାର ଉତ୍ତର ସେମାନଙ୍କ ପାଖରେ ଅବଶ୍ୟ ରହିଛି। ମୋ-୯୪୩୭୧୧୮୯୬୨, narayanpanda.k@gmail.com
All Right Reserved By

ସମ୍ପାଦକୀୟ |

ସମ୍ପାଦକୀୟ/ #ମିଟୂ ସପକ୍ଷରେ

ସମ୍ପାଦକୀୟ/ #ମିଟୂ ସପକ୍ଷରେ

ଆମେରିକୀୟ ଅଭିନେତ୍ରୀ ଆଲିସା ମିଲାନୋ ୨୦୧୭ ଅକ୍ଟୋବରରେ  ସୋସିଆଲ ମିଡିଆରେ #ମିଟୂ ନାମରେ ଯେଉଁ ଅଭିଯାନ ଆରମ୍ଭ କରିଥିଲେ ତାହା ଏବେ ଆନ୍ଦୋଳନର ରୂପ ନେଇଛି। କର୍ମସ୍ଥଳୀ ବା ଅତୀତରେ ଯେକୌଣସି ସ୍ଥାନରେ ଯଦି ଜଣେ ମହିଳା ଯୌନ ଶୋଷଣର ଶିକାର ହୋଇଥିବେ, ସେଥିରେ ନିର୍ଯାତନା ଦେଇଥିବା ପୁରୁଷଙ୍କ ମୁଖା ଖୋଲିଦେବା ହେଉଛି ଏହି ଅଭିଯାନର ମୂଳ ଲକ୍ଷ୍ୟ। ଇତିମଧ୍ୟରେ ଶହ ଶହ ଭାରତୀୟ ମହିଳା ସେମାନଙ୍କ ପ୍ରତି ହୋଇଥିବା ଦୁର୍ବ୍ୟବହାରକୁ ସାଧାରଣରେ ପ୍ରକାଶ କରି ରାଜନୀତି, ଗଣମାଧ୍ୟମ ଓ ମନୋରଞ୍ଜନ ଶିଳ୍ପ ସହ ଜଡ଼ିତ  ବିଶିଷ୍ଟ ବ୍ୟକ୍ତିଙ୍କ ଅସଲ ଚେହେରା ଖୋଲିଦେଲେଣି। ସେମାନଙ୍କ ମଧ୍ୟରେ ସାମ୍ବାଦିକରୁ ରାଜନେତା ପାଲଟିଥିବା ବହିର୍ବ୍ୟାପାର ରାଷ୍ଟ୍ରମନ୍ତ୍ରୀ ଏମ୍‌.ଜେ. ଆକବର, ସିନେମା ଦୁନିଆର ନାମକରା ବ୍ୟକ୍ତିତ୍ୱ ନାନା ପାଟେକର, ଆଲୋକ ନାଥଙ୍କ...

ନବୀନ ଆହ୍ବାନ

ନବୀନ ଆହ୍ବାନ

ଜିତେନ୍ଦ୍ର କୁମାର ନାୟକ

ନବୀନ ଏକ ଆହ୍ବାନ। ତାଙ୍କୁ ମାପିବା କଷ୍ଟକର। ଅଳ୍ପ କହୁଥିବାରୁ ଭୁଲ ବାଛି ହେଉନି। ସରଳ ଜୀବନ ବିତାଉଥିବାରୁ ବିବାଦରୁ ଦୂରରେ ଅଛନ୍ତି। ରାଜନୀତିରେ ନବୀନ ଭାବେ ପ୍ରବେଶ କରିଥିଲେ ମଧ୍ୟ ଏକନିଷ୍ଠ କର୍ମ ତାଙ୍କୁ କରିଦେଇଛି ପ୍ରବୀଣ। ପୋଖତ ଓ ପୁରୁଖା ରାଜନେତା ତାଙ୍କ ସଫଳତା ଦେଖି ତଟସ୍ଥ। ପିତା ବିଜୁ ପଟ୍ଟନାୟକଙ୍କଠାରୁ ରାଜନୀତି ଶିକ୍ଷା ପାଇବାର ସୁଯୋଗ ପାଇ ନ ଥିଲେ। ତଥାପି କେମିତି ବିରୋଧୀଙ୍କ ଆଖିରୁ ନିଦ ହଜେଇ ଦେଇପାରୁଛନ୍ତି, ତାହା ଏବେ ଓଡ଼ିଶାବାସୀଙ୍କ ମନରେ ପ୍ରଶ୍ନ ସୃଷ୍ଟି କରିଛି। ଦିନେ ଓଡ଼ିଆ ଓ ଓଡ଼ିଶାର ଲୋକଙ୍କୁ ଜାତୀୟ ଗଣମାଧ୍ୟମରେ ସେଭଳି ଦେଖିବାକୁ ମିଳୁ ନ ଥିଲା। ଆଜି ଅଧିକାଂଶ ସର୍ଭେରେ ସଫଳ ରାଜନେତା, ଶ୍ରେଷ୍ଠ ପ୍ରଶାସ...

ଓଡ଼ିଶାରେ ଶକ୍ତିପୂଜା

ଓଡ଼ିଶାରେ ଶକ୍ତିପୂଜା

ଡ. କିଶୋର ମହାନ୍ତି

ଓଡ଼ିଶା ସର୍ବଧର୍ମ ଓ ସଂସ୍କୃତିର ମହାମିଳନ ପୀଠ।  କିନ୍ତୁ ନିଜସ୍ବ ସଂସ୍କୃତି ଓ ପରମ୍ପରାକୁ ଓଡ଼ିଆ ଜାତି କେବେ ଭୁଲି ଯାଇନାହିଁ। ଓଡ଼ିଶାର ଶାକ୍ତ ପରମ୍ପରା ସୁପ୍ରାଚୀନ। ଓଡ଼ିଶାରେ ରହିଥିବା ଶକ୍ତିପୀଠଗୁଡିକ ତା’ର ଜ୍ୱଳନ୍ତ ପ୍ରମାଣ। ମାତୃକା ପୂଜା ମାନବ ସମାଜ ଯୁଗେ ଯୁଗେ କରିଆସିଛି। ‘ଜନନୀ ଜନ୍ମଭୂମିଶ୍ଚ ସ୍ବର୍ଗାଦପି ଗରୀୟସୀ’କୁ ମୂଳମନ୍ତ୍ର କରି ନିଜ ଜୀବନଧାରାରେ ମା’ର ଅମାପ ସ୍ନେହ ଓ ଶ୍ରଦ୍ଧାଳୁ ...

ଏଇ ଭାରତରେ

ଏଇ ଭାରତରେ

ପକେଟମାରଙ୍କର ବି ପରୋପକାରୀ ଗୁଣ ରହିଛି। ଟଙ୍କାପଇସା ହାତେଇବା ପରେ ଅନ୍ୟ ସାମଗ୍ରୀରେ କୌଣସି ଆବଶ୍ୟକତା ନ ଥିବାରୁ କେତେକେ ସମ୍ପୃକ୍ତ ଲୋକଙ୍କୁ ଏ ସବୁ ଫେରାଇ ଦିଅନ୍ତି। ଏଥିପାଇଁ ସେମାନେ ସିଧାସଳଖ ଯୋଗାଯୋଗ କରନ୍ତି ନାହିଁ। ବରଂ ବିଭିନ୍ନ ମାଧ୍ୟମ ଖୋଜିଥାଆନ୍ତି। ଆଉ ସବୁ ଅପେକ୍ଷା ଡାକବାକ୍ସ ହେଉଛି ସହଜ ଓ ସରଳ ମାଧ୍ୟମ। ଚେନ୍ନାଇର ପକେଟମାରମାନେ ଏହି ସହଜ ମାଧ୍ୟମକୁ...

ଇଣ୍ଡୋନେସିଆରେ ସୁନାମି, ଭାରତରେ ଭୟ

ଇଣ୍ଡୋନେସିଆରେ ସୁନାମି, ଭାରତରେ ଭୟ

୨୦୧୮ ଜୁଲାଇ ଓ ଅଗଷ୍ଟ ମାସର ଭୂକମ୍ପ ପରେ ସେପ୍ଟେମ୍ବର ୨୮ ତାରିଖର ଭୂକମ୍ପ ଥିଲା ଇଣ୍ଡୋନେସିଆରେ ଏ ବର୍ଷର ତୃତୀୟ ତଥା ଶକ୍ତିଶାଳୀ। ଇଣ୍ଡୋନେସିଆରେ ଛୋଟ-ବଡ଼ ଭୂକମ୍ପ ସାଧାରଣ କଥା।

ସମ୍ଭ୍ରାନ୍ତ ଠାଣି

ସମ୍ଭ୍ରାନ୍ତ ଠାଣି

ଅକ୍ଟୋବର ୧୩ ଅପରାହ୍ଣ ୪ଟା ୪୫ ମିନିଟ୍‌ରେ ଦିଲ୍ଲୀ ନିକଟସ୍ଥ ଗୁଡ୍‌ଗାଓଁର ଜିଲା କୋର୍ଟ ଭିତରେ ଅତିରିକ୍ତ ଦୌରା ଜଜ୍‌ କ୍ରିଷ୍ଣକାନ୍ତ ଶର୍ମା ଅନ୍ୟ ଜଣେ ବିଚାରପତିଙ୍କ ସହ କଥା ହେଉଥିବା ବେଳେ ତାଙ୍କ ମୋବାଇଲ୍‌ ଫୋନ୍‌କୁ ଏକ କଲ୍‌ ଆସିଲା। ଫୋନ୍‌ କରିଥିବା ବ୍ୟକ୍ତି ଥିଲେ କ୍ରିଷ୍ଣକାନ୍ତଙ୍କ ବ୍ୟକ୍ତିଗତ ସୁରକ୍ଷାକର୍ମୀ ମହିପାଲ ସିଂ।

 ବିବାଦରେ ଆକବର

ବିବାଦରେ ଆକବର

ଆକାର ପଟେଲ

ପ୍ରାୟ ୨୫ ବର୍ଷ ତଳେ ମୁଁ କାର୍ଯ୍ୟ ଅନ୍ବେଷଣରେ ସୁରତରୁ ବମ୍ବେ (ସେତେବେଳେ ମୁମ୍ବାଇ ନାଁ ହୋଇ ନ ଥିଲା) ଆସିଲି। ଆମ ପାରିବାରିକ ବ୍ୟବସାୟ ‘ପଲିଷ୍ଟର ପୋଷାକ ତିଆରି’ ଆଉ ଚାଲିଲା ନାହିଁ। ମୁଁ ଟେକ୍ସଟାଇଲ ବିଦ୍ୟାରେ ଡିପ୍ଲୋମା କରିଥିଲି। ବିଦ୍ୟାଳୟ ଶିକ୍ଷା ପରେ ଏହି ଡିପ୍ଲୋମା କରିବାରେ ମୋର ଦୁଇବର୍ଷ ଚାଲିଗଲା। ସୁତରାଂ କୌଣସି ଅଫିସ ଚାକିରି ପାଇଁ ମୋର ଶିକ୍ଷାଗତ ଯୋଗ୍ୟତା ନ ଥିଲା। ଜଣେ ...

ଶ୍ୱେତକେତୁ, ବିଛୁଆତି ଓ ଧାରା-୪୯୭

ଶ୍ୱେତକେତୁ, ବିଛୁଆତି ଓ ଧାରା-୪୯୭

ପ୍ରକାଶ ତ୍ରିପାଠୀ

ଶୁଣିଥିବା ଏକ ପୌରାଣିକ କଥାବସ୍ତୁରୁ ଆଲେଖ୍ୟଟିକୁ ଆରମ୍ଭ କରୁଛୁ। ଋଷି ଉଦ୍ଦାଳକ ଓ ତାଙ୍କ ପୁତ୍ର ଶ୍ୱେତକେତୁ ନିଜ ଆଶ୍ରମ ସନ୍ନିକଟରେ ବସି କୌଣସି ଏକ କାର୍ଯ୍ୟ ସମ୍ପାଦନ କରୁଥିଲେ। ଆଶ୍ରମରେ ସେତେବେଳେ ଉଦ୍ଦାଳକଙ୍କ ପତ୍ନୀ ଏକୁଟିଆ ଥିଲେ। ଏହି ସମୟରେ ଜଣେ ବ୍ୟକ୍ତି ଆଶ୍ରମ ଭିତରକୁ ପ୍ରବେଶ କରି ଉଦ୍ଦାଳକଙ୍କ ପତ୍ନୀଙ୍କୁ ଧରି ପଳାୟନ କଲେ। ଉଭୟ ପିତା ଓ ପୁତ୍ରଙ୍କ ଆଖି ସାମ୍ନାରେ ଘଟଣାଟି ...

ମୁଖ୍ୟ ଅର୍ଥନୀତିଜ୍ଞ

ମୁଖ୍ୟ ଅର୍ଥନୀତିଜ୍ଞ

ବ୍ୟକ୍ତିତ୍ୱ/ଜିତେନ୍ଦ୍ର

ବିଶ୍ୱର ୧୮୯ ଦେଶ ମଧ୍ୟରେ ଆର୍ଥିକ ସହଯୋଗ ବୃଦ୍ଧି, ବାଣିଜ୍ୟକୁ ସୁଗମ କରିବା, ଉଚ୍ଚ ନିଯୁକ୍ତି ସୁଯୋଗ ସୃଷ୍ଟି ଓ ନିରନ୍ତର ଅର୍ଥନୈତିକ ଅଭିବୃଦ୍ଧି ଏବଂ ବିଶ୍ୱରୁ ଦାରିଦ୍ର୍ୟ ହ୍ରାସ ଦିଗରେ କାର୍ଯ୍ୟ କରିବା ହେଉଛି ଅନ୍ତର୍ଜାତୀୟ ମୁଦ୍ରା ପାଣ୍ଠି (ଆଇଏମ୍‌ଏଫ୍‌)ର ମୁଖ୍ୟ ଉଦ୍ଦେଶ୍ୟ। ୧୯୪୫ରେ ଗଠିତ ଏହି ବିଶ୍ୱ ସଂସ୍ଥାର ମୁଖ୍ୟାଳୟ ଆମେରିକା ରାଜଧାନୀ ଓ୍ବାଶିଂଟନ ଡି.ସି.ରେ ଅବସ୍ଥିତ। ଅନ୍ତର୍ଜାତୀୟ ସ୍ତରରେ ...

ଏଇ ଭାରତରେ

ଏଇ ଭାରତରେ

କେତେକ ବ୍ୟକ୍ତି ଉଚ୍ଚ ପଦପଦବୀରେ ଅଧିଷ୍ଠିତ ହୋଇଥିଲେ ବି ସେମାନଙ୍କ ମନକୁ ଅହଂକାର ଛୁଇଁ ନ ଥାଏ। ସେମାନେ ସମାଜ ପାଇଁ କିଛି ନୂଆ ବାର୍ତ୍ତା ଦେବାକୁ ପ୍ରୟାସ କରିଥାଆନ୍ତି। ଏପରି ଏକ ଘଟଣାକ୍ରମରେ ମହାରାଷ୍ଟ୍ର ନାସିକ ଅଞ୍ଚଳର ଡାକ୍ତର ଦୁଇଭାଇ ଆସନ୍ତା ମାସରେ ଶ୍ରୀନଗରରୁ କନ୍ୟାକୁମାରୀ ଯାତ୍ରା କରି ‘ସୁସ୍ଥ ଜୀବନଶୈଳୀ’ର ବାର୍ତ୍ତା ପ୍ରଚାର କରିବେ। ସେମାନେ ହେଉଛନ୍ତି ଡା. ମହେନ୍ଦ୍ର ମହାଜନ ...

ସୁରକ୍ଷା ରଣନୀତି

ସୁରକ୍ଷା ରଣନୀତି


ଦିଲ୍ଲୀକା ବାବୁ/ ଦିଲୀପ ଚେରିଏନ୍‌

୨୦୧୯ ସାଧାରଣ ନିର୍ବାଚନ ପୂର୍ବରୁ କେନ୍ଦ୍ର ସରକାର ଜାତୀୟ ସୁରକ୍ଷା ବ୍ୟବସ୍ଥାରେ ଉନ୍ନତି ଆଣିବାକୁ ଚେଷ୍ଟା କରିଛନ୍ତି। ଗତ କିଛିମାସ ଭିତରେ ସରକାର ପ୍ରତିରକ୍ଷା ଯୋଜନା କମିଟି (ଡିପିସି) ଗଠନ କରିଛନ୍ତି, ଜାତୀୟ ସୁରକ୍ଷା କାଉନ୍‌ସିଲ ସେକ୍ରେଟାରିଏଟ୍‌ ପାଇଁ ବଜେଟ୍‌ ବୃଦ୍ଧି କରିଛନ୍ତି ଏବଂ ଜାତୀୟ ସୁରକ୍ଷା ପରିଷଦକୁ ସହାୟତା କରିବା ପାଇଁ ଷ୍ଟ୍ରାଟେଜିକ୍‌ ପଲିସି ଗ୍ରୁପ୍‌ (ଏସ୍‌ପିଜି)ର ପୁନର୍ଗଠନ କ...

ସର୍ବୋଚ୍ଚ ଅଦାଲତଙ୍କ ଗୁରୁତ୍ୱପୂର୍ଣ୍ଣ ରାୟ

ସର୍ବୋଚ୍ଚ ଅଦାଲତଙ୍କ ଗୁରୁତ୍ୱପୂର୍ଣ୍ଣ ରାୟ

ମନ-ମାନଚିତ୍ର/ ଡ. ନରହରି ବେହେରା

ଆମ ଦେଶରେ ସର୍ବୋଚ୍ଚ ନ୍ୟାୟାଳୟର ସ୍ଥାନ କୌଣସି ପବିତ୍ର ଦେବାଳୟଠାରୁ କମ୍‌ ନୁହେଁ। ଯେକୌଣସି ବିବଦମାନ ବିଷୟରେ ନ୍ୟାୟାଳୟର ନିର୍ଣ୍ଣାୟକ ମନ୍ତବ୍ୟକୁ ଉକତ୍ଣ୍ଠାର ସହିତ ଅପେକ୍ଷା କରିଥାନ୍ତି ଜନସାଧାରଣ। ଏବେ ସର୍ବୋଚ୍ଚ ନ୍ୟାୟାଳୟ ଯେଉଁ କେତୋଟି ରାୟ ଶୁଣାଇଛନ୍ତି, ସେଗୁଡ଼ିକ ରାଜନୀତିକ, ସାମାଜିକ ଏବଂ ପାରମ୍ପରିକ ଦୃଷ୍ଟିକୋଣରୁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ତେଣୁ ଏହି ରାୟ ଉପରେ ବିତର୍କ ହେବା ସ୍ବାଭାବିକ।...