ଢେଙ୍କାନାଳ ଅଫିସ, ୩୦।୧୨- ଢେଙ୍କାନାଳ ଜିଲା ସଦର ବ୍ଲକ ପରିସରରେ ଆସନ୍ତା ଜାନୁଆରୀ ୧ ତାରିଖରେ ଜନ ଅଭିଯୋଗ ଶୁଣାଣି ଶିବିର ପୂର୍ବାହ୍ନ ୧୦ଟାରେ ଅନୁଷ୍ଠିତ ହେବ।
ଢେଙ୍କାନାଳ ଅଫିସ, ୩୦।୧୨- ଢେଙ୍କାନାଳ ଜିଲା ସଦର ବ୍ଲକ ପରିସରରେ ଆସନ୍ତା ଜାନୁଆରୀ ୧ ତାରିଖରେ ଜନ ଅଭିଯୋଗ ଶୁଣାଣି ଶିବିର ପୂର୍ବାହ୍ନ ୧୦ଟାରେ ଅନୁଷ୍ଠିତ ହେବ। ଏହି ଶିବିରରେ ଜିଲାପାଳ ଭୂପେନ୍ଦ୍ର ସିଂ ପୁନିଆ ଓ ଏସ୍ପି ବସନ୍ତ କୁମାର ପାଣିଗ୍ରାହୀ ଏବଂ ବିଭିନ୍ନ ବିଭାଗୀୟ ଅଧିକାରୀମାନେ ଯୋଗ ଦେବେ। ଶିବିରରେ ଜନସାଧାରଣଙ୍କ ଆପତ୍ତି ଅଭିଯୋଗର ସମାଧାନ ଦିଗରେ ପଦକ୍ଷେପ ନିଆଯିବ। ତେଣୁ ସମ୍ପୃକ୍ତ ଅଞ୍ଚଳବାସୀ ସେମାନଙ୍କର ସମସ୍ୟା ସମ୍ପର୍କରେ ଜଣାଇପାରିବେ ବୋଲି ଜିଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
କାମାକ୍ଷାନଗର,୧୮।୭(ଡି.ଏନ.ଏ.)-କାମାକ୍ଷାନଗର ମହାବିଦ୍ୟାଳୟର ଏନ୍ସିସି ଶାଖା ପକ୍ଷରୁ ବୁଧବାର କଲେଜ ପରିସର ଏବଂ ପୋଷ୍ୟ ଗ୍ରାମ ଶରଧାପୁରରେ ଚାରାରୋପଣ କରାଯାଇଛି। କଲେଜ ଅଧ୍ୟକ୍ଷ ଅରବିନ୍ଦକାନ୍ତ ରାୟ ଅତିଥି ଭାବେ ଯୋଗଦେଇ ଏହାକୁ ଉଦ୍ଘାଟନ କରିଥିଲେ। କ୍ୟାଡେଟ୍ମାନେ ଅନ୍ୟନ୍ତ ଗୋଟିଏ ଲେଖାଏ ଚାରା ରୋପଣ କରିବାକୁ ସେ ଆହ୍ବାନ ଦେଇଥିଲେ।
ପରଜଙ୍ଗ, ୧୮।୭(ଡି.ଏନ୍.ଏ.)-ପରଜଙ୍ଗ ବ୍ଲକ ଲୋଧଣୀ ପଞ୍ଚାୟତ ମେଣ୍ଢାପଦା ଗ୍ରାମରେ ୧୫ଦିନ ହେଲା ଆତଙ୍କ ସୃଷ୍ଟି କରିଥିବା ଉନ୍ମତ୍ତ ହନୁ ମାଙ୍କଡ଼କୁ ଧରିବାକୁ ବନ ବିଭାଗ ଉଦ୍ୟମ ଚଳାଇଛି। ଏଥିପାଇଁ ମହାବିରୋଡ ରେଞ୍ଜର ସୁରେଶ ଚନ୍ଦ୍ର ବେହେରା, ଫରେଷ୍ଟର ଅଜିତ କୁମାର ଦଳେଇ, ସାଆନ୍ଦା ବିଟ୍ ଗାର୍ଡ ମାନସ ପ୍ରଧାନ, କପିଳାସ ଚିଡ଼ିଆଖାନାର ତାଲିମପ୍ରାପ୍ତ ୪ କର୍ମଚାରୀଙ୍କ ସମେତ ହାତୀ ସ୍କ୍ବାଡ୍କୁ ନେଇ ଏକ ଟିମ୍ ଗଠନ କରାଯାଇଛି।
ବଇଣ୍ଡା, ୧୮।୭(ଡି.ଏନ.ଏ.)- କିଶୋରନଗର ବ୍ଲକ ହଣ୍ଡପା ଥାନା କଣ୍ଟେଇକୁଳିଆ ଗ୍ରାମର ଅପି ସାହୁ(୩୬) ଭାଲୁ ଆକ୍ରମଣରେ ବୁଧବାର ଗୁରୁତର ହୋଇଛନ୍ତି। ତାଙ୍କୁ ସ୍ଥାନୀୟ ଗ୍ରାମବାସୀ ଓ ପରିବାର ଲୋକେ ଉଦ୍ଧାର କରି ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି।
ବନ୍ତଳା, ୧୮।୭(ଡି.ଏନ.ଏ.)- ଅନୁଗୋଳ ଜିଲା ଦୌରାଜଜ ସଞ୍ଜୟ କେଶରୀ ସ୍ବାଇଁ ବୁଧବାର ଏକ ହତ୍ୟା ମାମଲାର ବିଚାର କରି ଅନୁଗୋଳ ଥାନା ମଦନମୋହନପଡାର ସିଦ୍ଧେଶ ମୁଖି ଓରଫ୍ ସିଦ୍ଧେ(୨୯)ଙ୍କୁ ଦୋଷୀ ସାବ୍ୟସ୍ତ କରିବା ସହ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି।
ଛେଣ୍ଡିପଦା,୧୮।୭ (ଡି.ଏନ.ଏ.)- ଅନୁଗୋଳ ଜିଲା ଛେଣ୍ଡିପଦା ବ୍ଲକ ଜରପଡା ରାଜସ୍ବ ସର୍କଲ ଅଧୀନରେ ଥିବା ଜରପଡା, ପରା, ଜେରେଙ୍ଗ ଦେହୁରୀସାହି, ଦୁର୍ଗାପୁର, କତଡା, ତୁକୁଡା, ଓଗୀ ପଞ୍ଚାୟତ ଅଞ୍ଚଳରେ ସ୍ବଳ୍ପ ବୃଷ୍ଟିପାତ ଯୋଗୁ ୨୦୧୭ରେ ଖରିଫ ଧାନ ଏବଂ ଅଣଧାନ ଫସଲ ଉଜୁଡି ଯାଇଥିଲା। ପରେ କୃଷି, ପରିସଂଖ୍ୟାନ ଓ ରାଜସ୍ବ ବିଭାଗ, ଫସଲ ବୀମା କମ୍ପାନୀ ପକ୍ଷରୁ ମରୁଡ଼ି ଅଞ୍ଚଳରେ ସର୍ଭେ କରାଯାଇ ଫସଲ ହାନି ବାବଦରେ କ୍ଷୟକ୍ଷତି ଆକଳନ କରାଯାଇଥିଲା। ଏପରି କି ପ୍ରତି ଗ୍ରାମ ଏବଂ ପଞ୍ଚାୟତସ୍ତରରେ ଫସଲ ଅମଳ ସହ କ୍ଷୟକ୍ଷତି ରିପୋର୍ଟ ସଂଗ୍ରହ କରାଯାଇଥିଲା। ଏ ନେଇ ଜିଲା ପ୍ରଶାସନ, ରାଜ୍ୟ ସରକାର ଏବଂ କେନ୍ଦ୍ର ସରକାରଙ୍କୁ ରିପୋର୍ଟ ପ୍ରଦାନ କରାଯାଇଥିଲା। ମାତ୍ର ବର୍ଷେ ହେବ ଉକ୍ତ ଅଞ୍ଚଳର ମରୁଡି କ୍ଷତିଗ୍ରସ୍ତ ଚାଷୀମାନଙ୍କୁ ସରକାରଙ୍କ ପକ୍ଷରୁ ଫସଲ ବୀମା ସହାୟତା ମିଳିପାରି ନାହିଁ।
ଭୁବନ, ୧୮ା୭(ଡି.ଏନ.ଏ.)- ଢେଙ୍କାନାଳ ଜିଲା ଭୁବନ ପୋଲିସ ବୁଧବାର ନକଲି ବିଦ୍ୟୁତ୍ ତାର ଗୋଦାମ ଠାବ କରିଛି। ଭୁବନ କାଳୀ ବଜାରରେ ଥିବା ଅଜନବୀ ଇଲେକ୍ଟ୍ରୋନିକସ୍ ଓ କାଚରାସାହି ଗୋଦାମ ଘରେ ପୋଲିସ ଚଢ଼ାଉ କରିଥିଲା।
ଅନୁଗୋଳ ଅଫିସ,୧୮।୭: ଅନୁଗୋଳ ଜିଲା ସାତକୋଶିଆ ଅଭୟାରଣ୍ୟ ଆଖପାଖରେ ଥିବା ୧୦ଟି ପଞ୍ଚାୟତର ଅଧିବାସୀ ବୁଧବାର ୯ ଦଫା ଦାବିରେ ଷ୍ଟାଡିୟମଠାରୁ ଏକ ଶୋଭାଯାତ୍ରାରେ ବାହାରି ଜିଲାପାଳଙ୍କ ଅଫିସ ଘେରାଉ କରିଛନ୍ତି।
ବଅଁରପାଳ, ୧୮।୭(ଡି.ଏନ୍.ଏ.): ଅନୁଗୋଳ ଜିଲା ନାଲ୍କୋ ଟ୍ରକ ମାଲିକ ସଙ୍ଘର ଏକ ବୈଠକ ବୁଧବାର ଅନୁଷ୍ଠିତ ହୋଇଯାଇଛି। ସଙ୍ଘ ସଭାପତି ରାଜୀବ ଜେନା ଏଥିରେ ସଭାପତିତ୍ୱ କରିଥିଲେ। ଏହି ଅବସରରେ ଆସନ୍ତା ୨୦ ତାରିଖରେ ସର୍ବଭାରତୀୟସ୍ତରରେ ହେବାକୁ ଥିବା ଧର୍ମଘଟକୁ ସମର୍ଥନ କରି ନାଲ୍କୋରେ କିଭଳି ଧର୍ମଘଟ କରାଯିବ ସେ ନେଇ ଆଲୋଚନା କରାଯାଇଥିଲା।
ବଅଁରପାଳ, ୧୮।୭(ଡି.ଏନ୍.ଏ.): ଅନୁଗୋଳ ଜିଲା ବଅଁରପାଳ ଥାନାଠାରୁ ପ୍ରାୟ ୫ଶହ ମିଟର ଦୂରରେ ଥିବା ଏକ ଇଲେକ୍ଟ୍ରି ଦୋକାନରୁ ମଙ୍ଗଳବାର ବିଳମ୍ବିତ ରାତିରେ ଚୋରି ହୋଇଛି। କେହି ଦୁର୍ବତ୍ତ ଦୋକାନର ତାଲା ଭାଙ୍ଗି ଏସି, କୁଲର ଏବଂ ଅନ୍ୟାନ୍ୟ ସାମଗ୍ରୀ ନେଇ ଯାଇଛନ୍ତି।
ପରଜଙ୍ଗ, ୧୮।୭(ଡି.ଏନ.ଏ.): ଢେଙ୍କାନାଳ ଜିଲା ପରଜଙ୍ଗ ଥାନା ଅଞ୍ଚଳରେ ଜୁଆ ଖେଳ ବଢ଼ିବାରେ ଲାଗିଛି। ବିଭିନ୍ନ ସ୍ଥାନରେ ଆଡ୍ଡା ଖୋଲି ଲକ୍ଷାଧିକ ଟଙ୍କାର ଖେଳ ହେଉଛି।
ଅନୁଗୋଳ ଅଫିସ,୧୮ା୭- ଅନୁଗୋଳସ୍ଥିତ ଆନ୍ଧ୍ର ଓ ଇଣ୍ଡିଆନ ବ୍ୟାଙ୍କ ଲୁଟ୍ ଘଟଣାରେ ବିହାରର ଗୟାରୁ ଗିରଫ ହୋଇଥିବା ଦୁଇ ଡକାୟତ ଓମ୍ ପ୍ରକାଶ ଦାସ ଓ ରାଜେଶ ଦାସଙ୍କୁ ମଙ୍ଗଳବାର ରିମାଣ୍ଡରେ ନେଇଛି ଅନୁଗୋଳ ପୋଲିସ। ଏ ନେଇ କୋର୍ଟରେ ୧୫ ଦିନ ପାଇଁ ଆବେଦନ କରାଯାଇଥିଲା।
ଭୁବନ, ୧୮ା୭(ଡି.ଏନ୍.ଏ.)-ଭୁବନ ବ୍ଲକ ଶିକ୍ଷାଧିକାରୀ (ବିଇଓ) ଭାବେ ସୋମବାର ଶ୍ରୀହର୍ଷ ନାୟକ କାର୍ଯ୍ୟରେ ଯୋଗଦେଇଛନ୍ତି। ସେ ଚିଲିକା ବ୍ଲକ ଲକ୍ଷ୍ମୀଧର ନୋଡାଲ ବିଦ୍ୟାପୀଠରେ ପ୍ରଧାନ ଶିକ୍ଷକ ଭାବେ କାର୍ଯ୍ୟ କରୁଥିଲେ। ଏଥିପୂର୍ବରୁ ବିଇଓ ଅଜୟ କୁମାର ପାତ୍ର ଭୁବନ ଏବଂ କାମାକ୍ଷାନଗର ବ୍ଲକର ଯୁଗ୍ମ ଦାୟିତ୍ୱରେ ଥିଲେ। କାର୍ଯ୍ୟରେ ଯୋଗଦେବା ପରେ ବିଭାଗୀୟ କର୍ମଚାରୀମାନେ ତାଙ୍କୁ ସ୍ବାଗତ ଜଣାଇଛନ୍ତି।
