ଅନଗୁଳ-ଢେଙ୍କାନାଳ

ପିସିପିଏନ୍‌ଡିଟି ପରାମର୍ଶଦାତା କମିଟି ବୈଠକ: କଡ଼ାକଡ଼ି ପାଳନ ହେବ ପିଏନ୍‌ଡିଟି ଆଇନ

ପିସିପିଏନ୍‌ଡିଟି ପରାମର୍ଶଦାତା କମିଟି ବୈଠକ: କଡ଼ାକଡ଼ି ପାଳନ ହେବ ପିଏନ୍‌ଡିଟି ଆଇନ
ଢେଙ୍କାନାଳ ଅଫିସ,୩୦।୧୨- ଢେଙ୍କାନାଳ ଜିଲା କାର୍ଯ୍ୟାଳୟର ସଦ୍‌ଭାବନା ଗୃହଠାରେ ଜିଲାପାଳ ଭୂପେନ୍ଦ୍ର ସିଂ ପୁନିଆଙ୍କ ଅଧ୍ୟକ୍ଷତାରେ ଜିଲା ପରାମର୍ଶଦାତା କମିଟି ଏବଂ ଜିଲା ଟାସ୍କଫୋର୍ସ କମିଟି ବୈଠକ ଶନିବାର ଅନୁଷ୍ଠିତ ହୋଇଯାଇଛି। ଜିଲାରେ ଚାଲୁଥିବା ବିଭିନ୍ନ ଅଲଟ୍ରାସାଉଣ୍ଡ୍‌ କ୍ଲିନିକଗୁଡିକରେ ପିଏନ୍‌ଡିଟି ଆଇନକୁ କଡାକଡି ପାଳନ କରାଯିବା ସହ ଜିଲାସ୍ତରୀୟ ପରାମର୍ଶଦାତା କମିଟିକୁ ଅଧିକ କ୍ରିୟାଶୀଳ କରିବାକୁ ଜିଲାପାଳ ନିର୍ଦ୍ଦେଶ ଦେଇଥିଲେ। ଜିଲାରେ ମୋଟ ୧୫ଟି ଅଲଟ୍ରାସାଉଣ୍ଡ୍‌ ମେଶିନ ପଞ୍ଜୀକୃତ ହୋଇଥିବା ବେଳେ ବର୍ତ୍ତମାନ ୮ଟି କାର୍ଯ୍ୟକ୍ଷମ ଅଛି। ସେଥିମଧ୍ୟରୁ ଭୁବନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର, କାମାକ୍ଷାନଗର ଉପଖଣ୍ଡ ଚିକିତ୍ସାଳୟ, ଜିଲା ମୁଖ୍ୟ ଚିକିତ୍ସାଳୟରେ ଏହି ମେଶିନ୍‌ ରହିଛି । ସରକାରୀ ଡାକ୍ତରଖାନାଗୁଡିକରେ ଗର୍ଭବତୀ ମହିଳାଙ୍କ ପାଇ ମାଗଣାରେ ଅଲଟ୍ରାସାଉଣ୍ଡ୍‌ ବ୍ୟବସ୍ଥା ରହିଛି। ୨୦୧୧ ଜନଗଣନା ଅନୁଯାୟୀ ଢେଙ୍କାନାଳ ଜିଲାର ପ୍ରତି ୧୦୦୦ଜଣ ପୁଅରେ ୮୭୭ ଝିଅ ଥିବା ବେଳେ ନିକଟରେ ହୋଇଥିବା ଏକ ସର୍ଭେ ଅନୁଯାୟୀ ଏହା ୯୨୧ ଥିବା ବୈଠକରେ ସୂଚନା ଦିଆଯାଇଥିଲା। ଜିଲାରେ କନ୍ୟା ସନ୍ତାନଙ୍କ ସଂଖ୍ୟା ବୃଦ୍ଧି ପାଇଁ ବ୍ୟାପକ ଜନସଚେତନତା ଜରୁରୀ ବୋଲି ବୈଠକରେ ମତପ୍ରକାଶ ପାଇଥିଲା । ଶିଶୁ କନ୍ୟାଙ୍କ ଶିକ୍ଷା, ସ୍ବାସ୍ଥ୍ୟ, ସୁରକ୍ଷା ବ୍ୟବସ୍ଥାରେ ଉନ୍ନତି ଅଣାଯିବା ଏବଂ ଉତ୍ତମ ପରିବେଶ ସୃଷ୍ଟି କରିବା ନିମନ୍ତେ ସମସ୍ତଙ୍କ ସହଯୋଗ ଆବଶ୍ୟକ ବୋଲି ବୈଠକରେ ମତପ୍ରକାଶ ପାଇଥିଲା। ଜିଲା ମୁଖ୍ୟ ଚିକିତ୍ସାଧିକାରୀ ଡା. ବାସୁଦେବ ବେହେରା ସ୍ବାଗତ ଭାଷଣ ପ୍ରଦାନ କରିଥିବାବେଳେ ଅତିରିକ୍ତ ଜିଲା ଚିକିତ୍ସାଧିକାରୀ ଡା. କ୍ଷେତ୍ରବାସୀ ଦାସ, ଶିଶୁ ବିଭାଗର ଡା. ମିନତି ଶତପଥୀ, ଜିଲା ସମାଜ ମଙ୍ଗଳ ଅଧିକାରୀ ସ୍ବର୍ଣ୍ଣପ୍ରଭା ମିଶ୍ର, ସୁସ୍ମିତା ଦେବତା, ଭାରତୀ ପଟ୍ଟନାୟକ, ବିରଞ୍ଚି ନାରାୟଣ ପାଣି ଓ ବିଭିନ୍ନ ସ୍ବେଚ୍ଛାସେବୀ ସଂଗଠନର କର୍ମକର୍ତ୍ତା ଯୋଗ ଦେଇଥିଲେ। ପିଏନ୍‌ଡିଟି ସହ ପରିଚାଳକ ନୀରୋଦ କୁମାର ପ୍ରଧାନ ପାୱାର ପଏଣ୍ଟ ପ୍ରେଜେଣ୍ଟେଶନ ମାଧ୍ୟମରେ ଆଇନ ସମ୍ପର୍କିତ ତଥ୍ୟ ରଖିଥିଲେ। ଶେଷରେ ଜିଲା କାର୍ଯ୍ୟକ୍ରମ ପରିଚାଳକ ରୂପକ କୁମାର ମହାପାତ୍ର ଧନ୍ୟବାଦ ପ୍ରଦାନ କରିଥିଲେ।
All Right Reserved By

ଅନଗୁଳ-ଢେଙ୍କାନାଳ

କେନ୍ଦ୍ରୀୟ ବିଦ୍ୟାଳୟର ବାର୍ଷିକ ଉତ୍ସବ:   ଶିଖିଲେ, ଶିଖାଇଲ ଜ୍ଞାନ ବଢ଼େ

କେନ୍ଦ୍ରୀୟ ବିଦ୍ୟାଳୟର ବାର୍ଷିକ ଉତ୍ସବ: ଶିଖିଲେ, ଶିଖାଇଲ ଜ୍ଞାନ ବଢ଼େ

ଢେଙ୍କାନାଳ ଅଫିସ, ୧୩ା୧୨-ଢେଙ୍କାନାଳ ସହର ଉପକଣ୍ଠ ବନମାଳୀପ୍ରସାଦସ୍ଥିତ କେନ୍ଦ୍ରୀୟ ବିଦ୍ୟାଳୟର ୨୩ତମ ବାର୍ଷିକ ଉତ୍ସବ ଗୁରୁବାର ମହାସମାରୋହରେ ପାଳିତ ହୋଇଯାଇଛି ା ମୁଖ୍ୟଅତିଥି ଭାବେ ଜିଲାପାଳ ନିଖିଲ ପଓ୍ବନ କଲ୍ୟାଣ ଯୋଗଦେଇ କାର୍ଯ୍ୟକ୍ରମକୁ ଉଦ୍‌ଘାଟନ କରି କହିଲେ, ପିଲାଙ୍କ ମଧ୍ୟରେ ଆଗ୍ରହ ଶକ୍ତି ବଢ଼ାଇବା ଦରକାର। ଶିଖିବା ସହ ଅନ୍ୟକୁ ଶିଖାଇଲେ ଜ୍ଞାନ ବଢ଼େ। ଆଜିକାର ପିଲାମାନେ ମୋବାଇଲରେ ଅଧିକ ସମୟ ବିତାଉଛନ୍ତି। ଫଳରେ ସାମାଜିକସ୍ତରରେ ଭାବର ଆଦାନପ୍ରଦାନ କମିଗଲାଣି। 

ମଠକରଗୋଳାରେ ମଣ୍ଡି ଆରମ୍ଭ:  ପ୍ରଥମ ଦିନ ଧାନ ବିକିଲେ ୮ ଚାଷୀ

ମଠକରଗୋଳାରେ ମଣ୍ଡି ଆରମ୍ଭ: ପ୍ରଥମ ଦିନ ଧାନ ବିକିଲେ ୮ ଚାଷୀ

ଭୁବନ, ୧୩।୧୨(ଡି.ଏନ୍‌.ଏ.)-ଢେଙ୍କାନାଳ ଜିଲା ଭୁବନ ବ୍ଲକ ମଠକରଗୋଳା ସେବା ସମବାୟ ସମିତି ପକ୍ଷରୁ ଗୁରୁବାର ଧାନମଣ୍ଡି ଆରମ୍ଭ ହୋଇଛି। ଅନୁଗୋଳ କେନ୍ଦ୍ରୀୟ ସମବାୟ ବ୍ୟାଙ୍କ ନିର୍ଦ୍ଦେଶକ ଅଭିମନ୍ୟୁ ବେହେରା, ସେବା ସମବାୟ ସମିତି ସଭାପତି ନିରଞ୍ଜନ ବେହେରା ଅତିଥି ଭାବେ ଯୋଗଦେଇ ଏହାକୁ ଉଦ୍‌ଘାଟନ କରିଥିଲେ। ପ୍ରଥମ ପର୍ଯ୍ୟାୟରେ ୧୧,୦୦୦ କୁଇଣ୍ଟାଲ ଧାନ କିଣିବାକୁ ଅନୁମତି ମିଳିଛି। ପ୍ରଥମ ଦିନରେ ୮ଚାଷୀଙ୍କଠାରୁ ୨୨୦.୫୬ କୁଇଣ୍ଟାଲ ଧାନ କିଣାଯାଇଛି। ହେଲେ ଧାନକ୍ରୟ ଦାୟିତ୍ୱ ନେଇଥିବା ମା’ କାମାକ୍ଷୀ ଫୁଡ଼ ପ୍ରୋସେଶର ମିଲର କୁଇଣ୍ଟାଲ ପିଛା ୪କେଜି ଧାନ କାଟିବାକୁ ନେଇ ଅସନ୍ତୋଷ ଦେଖାଦେଇଥିଲା।

ପୁଣେରେ ଓଡ଼ିଆ ଯୁବକଙ୍କ ମୃତ୍ୟୁ

ପୁଣେରେ ଓଡ଼ିଆ ଯୁବକଙ୍କ ମୃତ୍ୟୁ

ପରଜଙ୍ଗ, ୧୩।୧୨(ଡି.ଏନ୍‌.ଏ.)-ଢେଙ୍କାନାଳ ଜିଲା ପରଜଙ୍ଗ ବ୍ଲକ ରୋଡ଼ ଗ୍ରାମର ପରମାନନ୍ଦ ନାୟକଙ୍କ ପୁଅ ଚନ୍ଦନ ନାୟକ(୧୯)ଙ୍କ ଗୁରୁବାର ପୁଣେରେ ମୃତ୍ୟୁ ଘଟିଛି। ଚନ୍ଦନ କିଛିଦିନ ହେଲା ମାନସିକ ଚାପରେ ଥିଲେ। ସେ ରଶି ଲଗାଇ ଆତ୍ମହତ୍ୟା କରିଥିବା ତାଙ୍କ ସାଙ୍ଗମାନେ କହିଛନ୍ତି। 

‘କ୍ରୀଡ଼ା ଶିକ୍ଷାର ଏକ ଅଙ୍ଗ’

‘କ୍ରୀଡ଼ା ଶିକ୍ଷାର ଏକ ଅଙ୍ଗ’

ପରଜଙ୍ଗ, ୧୩।୧୨(ଡି.ଏନ୍‌.ଏ.)-ପରଜଙ୍ଗ ମହାବିଦ୍ୟାଳୟ ପକ୍ଷରୁ ଭାରତୀ ଷ୍ଟାଡିୟମ୍‌ରେ ଦୁଇଦିନ ଧରି ଚାଲିଥିବା ୩୯ତମ ବାର୍ଷିକ କ୍ରୀଡ଼ା ଗୁରୁବାର ଉଦ୍‌ଯାପିତ ହୋଇଯାଇଛି। ଉଦ୍‌ଯାପନୀ ସମାରୋହରେ ମୁଖ୍ୟଅତିଥିଭାବେ ବାଣିଜ୍ୟ ଓ ପରିବହନ ମନ୍ତ୍ରୀ ଡା. ନୃସିଂହ ଚରଣ ସାହୁ ଯୋଗଦେଇ କହିଲେ, କ୍ରୀଡ଼ା ହେଉଛି ଶିକ୍ଷାର ଏକ ଅଙ୍ଗ। ଖେଳକୁ ନେଇ ଅନେକ ସମ୍ଭାବନା ସୃଷ୍ଟି ହୋଇଛି। ଆଜିର ସମୟରେ ଶିକ୍ଷା ସହ କ୍ରୀଡ଼ା ମଧ୍ୟ ସେତିକି ଜରୁରୀ।

ପିସିସି ସଭାପତିଙ୍କୁ  ସ୍ବାଗତ ସମ୍ବର୍ଦ୍ଧନା

ପିସିସି ସଭାପତିଙ୍କୁ ସ୍ବାଗତ ସମ୍ବର୍ଦ୍ଧନା

ବନ୍ତଳା,୧୩।୧୨(ଡି.ଏନ.ଏ.)- ପିସିସି(ପ୍ରଦେଶ କଂଗ୍ରେସ କମିଟି)ସଭାପତି ନିରଞ୍ଜନ ପଟ୍ଟନାୟକ ଗୁରୁବାର ଅନୁଗୋଳ ଜିଲା ଗସ୍ତ କରିଛନ୍ତି। 

ଶେଲଟର ହୋମ ଯୌନଶୋଷଣ ମାମଲା: ତଦନ୍ତ ପାଇଁ ଢେଙ୍କାନାଳରେ ପହଞ୍ଚିଲା ଏନ୍‌ସିପିସିଆର  ପ୍ରତିନିଧି ଦଳ

ଶେଲଟର ହୋମ ଯୌନଶୋଷଣ ମାମଲା: ତଦନ୍ତ ପାଇଁ ଢେଙ୍କାନାଳରେ ପହଞ୍ଚିଲା ଏନ୍‌ସିପିସିଆର ପ୍ରତିନିଧି ଦଳ

ଢେଙ୍କାନାଳ ଅଫିସ, ୧୩।୧୨- ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ ଇଣ୍ଡିଆ ଡ୍ରିମ ସେଣ୍ଟର’ ଶେଲଟର ହୋମ ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାର ତଦନ୍ତ ପାଇଁ କେନ୍ଦ୍ର ଶିଶୁ  ଅଧିକାର ସୁରକ୍ଷା ଆୟୋଗର(ଏନ୍‌ସିପିସିଆର) ପ୍ରତିନିଧି ଦଳ ଗୁରୁବାର  ଢେଙ୍କାନାଳରେ ପହଞ୍ଚିଛନ୍ତି।  

ବାଇକରୁ ପଡି ୩ ଗୁରୁତର

ବାଇକରୁ ପଡି ୩ ଗୁରୁତର

ପରଜଙ୍ଗ, ୧୩।୧୨(ଡି.ଏନ.ଏ):ଢ଼େଙ୍କାନାଳ ଜିଲା ପରଜଙ୍ଗ ଥାନା ମହାବିରୋଡ଼ ଫାଣ୍ଡି ଅଧିନ ମହାବିରୋଡ଼ ଛକଠାରୁ ଅଳ୍ପ ଦୂରରେ ଗୁରୁବାର ସକାଳେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣା ଘଟିବାରୁ ସେଥିରେ ଯାଉଥିବା ମହାବିରୋଡ଼ ଗ୍ରାମର ନୀତିଆ ମୁଣ୍ଡା, ଶ୍ୟାମ ମୁଣ୍ଡା ଓ ଦଶୀପୁର ଗ୍ରାମର ପଦିଆ ମୁଣ୍ଡା ଗୁରୁତର ଆହତ ହୋଇଛନ୍ତି।

ଘର ଭାଙ୍ଗିଲା ଦନ୍ତା: ଅଳ୍ପକେ ବର୍ତ୍ତିଲେ ପରିବାର

ଘର ଭାଙ୍ଗିଲା ଦନ୍ତା: ଅଳ୍ପକେ ବର୍ତ୍ତିଲେ ପରିବାର

ପରଜଙ୍ଗ, ୧୩।୧୨(ଡି.ଏନ.ଏ): ଢ଼େଙ୍କାନାଳ ବନଖଣ୍ଡ ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନ ଅଧିନ ଲୋଧଣୀ ପଞ୍ଚାୟତ ଦଳିତ ବସ୍ତିରେ ବୁଧବାର ବିଳମ୍ବିତ ରାତିରେ ରବି ନାଏକ ଓ ବିରଞ୍ଚି ନାଏକଙ୍କ ଘର ଦନ୍ତା ଭାଙ୍ଗି ଦେଇଛି। ତେବେ ଦୁଇ ପରିବାର ଘରେ ଶୋଇଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି।

ବିଦ୍ୟୁତ ତାର ଲାଗି ଜଳିଗଲା ଧାନ ବୋଝେଇ ଟ୍ରାକ୍ଟର

ବିଦ୍ୟୁତ ତାର ଲାଗି ଜଳିଗଲା ଧାନ ବୋଝେଇ ଟ୍ରାକ୍ଟର

ଛେଣ୍ଡିପଦା,୧୩।୧୨(ଡି.ଏନ୍‌.ଏ./ସ୍ବ.ପ୍ର.): ଅନୁଗୋଳ ଜିଲା ଛେଣ୍ଡିପଦା ବ୍ଲକ ଅନ୍ତର୍ଗତ ବରପଦା ଗ୍ରାମରେ ଗୁରୁବାର ବିଦ୍ୟୁତ୍‌ ତାର ସସ୍ପର୍ଶରେ ଆସି ଏକ ଧାନ ବୋଝେଇ ଟ୍ରାକ୍ଟର ପୋଡ଼ି ଯାଇଛି। ଉକ୍ତ ଗ୍ରାମର ନେଙ୍କୁରୀ ସାହୁ ଟ୍ରାକ୍ଟର ଯୋଗେ ବିଲରୁ ଧାନ ଖଳାକୁ ଆଣୁଥିଲେ। ବରପଦା କେନ୍ଦୁପଶି ସାହି ନିକଟରେ ଗାଡ଼ିର ଡାଲାଟି ବିଦ୍ୟୁତ ତାରରେ ଲାଗି ଯାଇଥିଲା।

ମୂଲ୍ୟବୋଧଭିତ୍ତିକ ଆଧ୍ୟାତ୍ମିକ ସଶକ୍ତୀକରଣ କାର୍ଯ୍ୟକ୍ରମ: ‘ସକାରାତ୍ମକ ଭାବନା ସୁସ୍ଥ ସମାଜ ଗଢ଼ିବ’

ମୂଲ୍ୟବୋଧଭିତ୍ତିକ ଆଧ୍ୟାତ୍ମିକ ସଶକ୍ତୀକରଣ କାର୍ଯ୍ୟକ୍ରମ: ‘ସକାରାତ୍ମକ ଭାବନା ସୁସ୍ଥ ସମାଜ ଗଢ଼ିବ’

ଢେଙ୍କାନାଳ ଅଫିସ, ୧୩ା୧୨: ପିଲାଙ୍କୁ କେବଳ ପାଠକ୍ରମ ଅନୁଯାୟୀ ଶିକ୍ଷା ଦେଲେ ପରିବର୍ତ୍ତନ ଆସେନାହିଁ। ସେମାନଙ୍କୁ ଭଲ ମଣିଷ ଭାବେ ଗଢ଼ି ତୋଳିବାକୁ ହେଲେ ମୂଲ୍ୟବୋଧଭିତ୍ତିକ ଶିକ୍ଷା, ଚିନ୍ତାମୁକ୍ତ ଜୀବନ, ବ୍ୟକ୍ତିତ୍ୱ ବିକାଶ, ରାଜଯୋଗ ଅଭ୍ୟାସ, ନିଶାମୁକ୍ତ ସମାଜ ଗଠନ ସମ୍ପର୍କରେ ସଚେତନ କରାଯିବା ଜରୁରୀ। 

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅଣ-ଅର୍ଦ୍ଧକୁଶଳୀକୁ ନେଇ କେଁ: ଅସନା ଦିଶିଲାଣି ଅନୁଗୋଳ ସହର

ଅନୁଗୋଳ ଅଫିସ, ୧୩।୧୨: ଅନୁଗୋଳ ସହରର ଅଳିଆ କେଉଁଠି ପଡ଼ିବ ତାହାକୁ ନେଇ ଦୀର୍ଘ ବର୍ଷ ହେଲା ବାଦ ବିବାଦ ଚାଲିଥିବା ବେଳେ ସଫେଇ କର୍ମଚାରୀଙ୍କ ଘନ ଘନ କାର୍ଯ୍ୟବନ୍ଦ ଆନ୍ଦୋଳନ ପୌର ପ୍ରଶାସନ ପାଇଁ ଏବେ ନୂଆ ଅଡ଼ୁଆ ସୃଷ୍ଟି କରିଛି। 

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଶେଲଟର ହୋମ୍‌ ଯୌନଶୋଷଣ ମାମଲା; ଫୟାଜ୍‌ଙ୍କ ଜାମିନ ଆବେଦନ ଖାରଜ

ଢେଙ୍କାନାଳ ଅଫିସ, ୧୨ା୧୨-ଢେଙ୍କାନାଳ ସଦର ଥାନା ବେଲଟିକିରିସ୍ଥିତ ‘ଗୁଡ୍‌ ନ୍ୟୁଜ୍‌ ଇଣ୍ଡିଆ ଡ୍ରିମ୍‌ ସେଣ୍ଟର’ ଶେଲ୍‌ଟର ହୋମ୍‌  ଯୌନଶୋଷଣ ଏବଂ ଶିଶୁ ନିର୍ଯାତନା ମାମଲାରେ ଗିରଫ ହୋଇଥିବା ଅନୁଷ୍ଠାନର ଚେୟାରମ୍ୟାନ ଫୟାଜ୍‌ ରେହମାନଙ୍କର ଜାମିନ ଆବେଦନ ଖାରଜ ହୋଇଯାଇଛି। ସ୍ବତନ୍ତ୍ର ପୋକ୍‌ସୋ ଅଦାଲତ ବିଚାରପତି ଦାୟିତ୍ୱରେ ଥିବା ଅତିରିକ୍ତ ଜିଲା ଦୌରାଜଜ୍‌ କ୍ଷୀରୋଦ କୁମାର ଦାସ ଜାମିନ ଆବେଦନକୁ ଖାରଜ କରିଦେଇଛନ୍ତି।