ବାଲେଶ୍ୱର

ଚୋରାମଦ କାରବାର ବିରୋଧରେ ତେଜିଲେ ମହିଳା

ଚୋରାମଦ କାରବାର ବିରୋଧରେ ତେଜିଲେ ମହିଳା
ଖନ୍ତାପଡ଼ା, ୩୦।୧୨(ଡି.ଏନ୍‌.ଏ.)-ବାଲେଶ୍ୱର ଜିଲା ଖନ୍ତାପଡ଼ା ଥାନା ଆରୁହାବାଡ଼ ପଞ୍ଚାୟତ ଦୋଳପୁର ଗ୍ରାମରେ ଦୀର୍ଘବର୍ଷ ହେଲା ଦେଶୀମଦ କାରବାର ହୋଇଆସୁଥିବା ଅଭିଯୋଗ ହୋଇଛି। ଏନେଇ ବାରମ୍ବାର ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ ଅବକାରୀ ବିଭାଗ ନୀରବଦ୍ରଷ୍ଟା ପାଲଟିଛି। ଏଥିରେ ଅସନ୍ତୋଷ ପ୍ରକାଶ କରି ମହିଳାମାନେ ଏକଜୁଟ ହୋଇ ଚୋରା ମଦ କାରବାର ରୋକିବା ପାଇଁ ଅଣ୍ଟା ଭିଡିଛନ୍ତି। ଗ୍ରାମରେ ଦୀର୍ଘ ୨୦ବର୍ଷରୁ ଊର୍ଦ୍ଧ୍ୱ ସମୟ ହେଲା କୁସୁମ ସାହୁ ଏବଂ ଉଷାମଣି ସାହୁ ନାମ୍ନୀ ୨ଜଣ ମହିଳା ଦେଶୀ ମଦ ବେପାର କରିଆସୁଛନ୍ତି। ଏନେଇ ଅବକାରୀ ଥାନାରେ ମଧ୍ୟ ବହୁ ମାମଲା ରହିଛି। ହେଲେ ଏହାକୁ ବନ୍ଦ କରାଯାଉ ନ ଥିବାରୁ ଗ୍ରାମର ଯୁବକମାନେ ଦେଶୀ ମଦ ପିଇ ପ୍ରତିଦିନ ପରିବାରରେ ବିଶୃଙ୍ଖଳା ଘଟାଉଛନ୍ତି। ଏଥିରେ ଉତ୍‌କ୍ଷିପ୍ତ ହୋଇ ଗତ ୨୮ ତାରିଖ ସନ୍ଧ୍ୟାରେ ମଦ ବେପାରୀ କୁସୁମ ସାହୁଙ୍କ ଘର ଉପରକୁ ୫୦ରୁ ଊର୍ଦ୍ଧ୍ୱ ମହିଳା ଏକାଠି ହୋଇ ଆକ୍ରମଣ କରିବା ସହ ଗଁାରେ ମଦ ବିକ୍ରି ବନ୍ଦ କରିବା ପାଇଁ କହିଥିଲେ। ଏନେଇ କୁସୁମ ଗୋପାଳପୁର ଫାଣ୍ଡିରେ ଅଭିଯୋଗ କରିଥିଲେ ଯେ, ଦୋକାନର ବାକି ଟଙ୍କା ମାଗିବାରୁ ତ୍ରିଲୋଚନ ଜେନାଙ୍କ ପରିବାର ପକ୍ଷରୁ ଆକ୍ରମଣ କରାଯାଇଛି। ଅଭିଯୋଗ ପାଇ ଗୋପାଳପୁର ଫାଣ୍ଡି ଅଧିକାରୀ ବନମାଳୀ ପରିଡ଼ା ଘଟଣାସ୍ଥଳରେ ପହଞ୍ଚତ୍ ତଦନ୍ତ କରିବା ସହ ଶନିବାର ମଦ ବେପାରୀ ସାହୁ ଏବଂ ତ୍ରିଲୋଚନ ଜେନାଙ୍କ ପରିବାରକୁ ଗୋପାଳପୁର ଫାଣ୍ଡିକୁ ଡ଼କାଇଥିଲେ। ଏହା ଘଟଣା ଜଣାପଡିବା ପରେ ଗ୍ରାମର ୩୦ରୁ ଊର୍ଦ୍ଧ୍ୱ ମହିଳାଙ୍କ ସହ ତ୍ରିଲୋଚନ ଜେନାଙ୍କ ପରିବାର ଗୋପାଳପୁର ଫାଣ୍ଡିରେ ପହଞ୍ଚତ୍ବା ସହ ଗ୍ରାମରେ ମଦବେପାର ବନ୍ଦ କରିବା ପାଇଁ ଯୁକ୍ତି ବାଢ଼଼ିଥିଲେ। ଏହି ସମୟରେ କୁସୁମ ସାହୁଙ୍କ ଦିଅର ପୂର୍ଣ୍ଣଚନ୍ଦ୍ର ସାହୁ ଉପସ୍ଥିତ ଜଣେ ମହିଳାଙ୍କୁ ଦୁର୍ବ୍ୟବହାର କରିବା ପରେ କୁସୁମ ସାହୁ ଏବଂ ତାଙ୍କ ଦିଅର ପୂର୍ଣ୍ଣଚନ୍ଦ୍ର ସାହୁଙ୍କୁ ଫାଣ୍ଡିରେ ଅଟକ ରଖାଯାଇଛି। ସେହିପରି ଗ୍ରାମରେ ମଦ କାରବାରରେ ସହାୟତା କରୁଥିବା ହରିହର ସାହୁ ଏବଂ ସୂର୍ଯ୍ୟକାନ୍ତ ସାହୁଙ୍କ ନାମରେ ମଧ୍ୟ ଗୋପାଳପୁର ଫାଣ୍ଡିରେ ମହିଳାମାନେ ଅଭିଯୋଗ କରିଛନ୍ତି। ଶନିବାର ଫାଣ୍ଡି ଘେରାଉ ସମୟରେ ସାବିତ୍ରୀ ଜେନା, ଲକ୍ଷ୍ମୀପ୍ରିୟା ଜେନା, ରଶ୍ମିତା ଜେନା, ସୁଲୋଚନା ମହାନ୍ତି, ମଲ୍ଲିକା ମହାନ୍ତି, ଶକୁନ୍ତଳା ମହାନ୍ତି, ସରସ୍ବତୀ ଘଡ଼େଇ, ଲକ୍ଷ୍ମୀ ବେହେରା ସହ ଗ୍ରାମର ୩୦ରୁ ଊର୍ଦ୍ଧ୍ୱ ମହିଳା ଉପସ୍ଥିତ ଥିଲେ। ଅନ୍ୟପକ୍ଷରେ ମଦ ବେପାରୀଙ୍କୁ ଆକ୍ରମଣର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିବା ଜଣାପଡିଛି।
All Right Reserved By

ବାଲେଶ୍ୱର

ଦୁଇଟି ଟ୍ରକ ମଧ୍ୟରେ ଧକ୍କା: ଦୁଇ ମୃତ, ଜଣେ ଗୁରୁତର

ଦୁଇଟି ଟ୍ରକ ମଧ୍ୟରେ ଧକ୍କା: ଦୁଇ ମୃତ, ଜଣେ ଗୁରୁତର

ସୋର, ୧୬।୧୦(ଡି.ଏନ.ଏ.): ସୋର ଥାନା ଅଧିନସ୍ଥ ୧୬ନଂ ଜାତୀୟ ରାଜପଥ ଛଅପୋଲିଆ ନିକଟରେ ମଙ୍ଗବାର ଦୁଇଟି ଟ୍ରକ୍‌ ମୁହଁାମୁହିଁ ଧକ୍କା ହେବା ଫଳରେ ଘଟଣାସ୍ଥଳରେ ଦୁଇଜଣଙ୍କ ମୃତ୍ୟୁ ହୋଇଥିବାବେଳେ ଜଣେ ଗୁରୁତର ଆହତ ହୋଇଛନ୍ତି।

ବକେୟା ଦରମା ଦାବିରେ ଝାଡୁଦାର ଓ ଡ୍ରାଇଭର୍‌ଙ୍କ ଆନ୍ଦୋଳନ

ବକେୟା ଦରମା ଦାବିରେ ଝାଡୁଦାର ଓ ଡ୍ରାଇଭର୍‌ଙ୍କ ଆନ୍ଦୋଳନ

ଭଦ୍ରକଅଫିସ, ୧୬।୧୦: ଭଦ୍ରକ ପୋରପାଳିକା ଅଧୀନରେ କାର୍ଯ୍ୟରତ ପ୍ରାୟ ୧୮୦ଜଣ ଝାଡୁଦାର ଓ  ଡ୍ରାଇଭରଙ୍କ ଦରମା  ଦିଆଯାଇ ନ ଥିବାରୁ ଏହାର ପ୍ରତିବାଦରେ ମଙ୍ଗଳବାର ସକାଳୁ କାମ ବନ୍ଦ କରି ପୌରପାଳିକା ଅଫିସ ସମୁଖରେ ଧାରଣା  ଦେଇଛନ୍ତି l

ଆସୁଛନ୍ତି ମା’: ଝୁମ୍ପୁରା ଚଳଚଞ୍ଚଳ

ଆସୁଛନ୍ତି ମା’: ଝୁମ୍ପୁରା ଚଳଚଞ୍ଚଳ

ଝୁମ୍ପୁରା, ୧୬।୧୦(ଡି.ଏନ.ଏ.): ଆସୁଛନ୍ତି  ମା’। ଏ ନେଇ ଝୁମ୍ପୁରା ଅଞ୍ଚଳ ଚଳଚଞ୍ଚଳ ହୋଇପଡ଼ିଛି। ମଙ୍ଗଳବାର ମା’ଙ୍କର ମହାସପ୍ତମୀ ସହ ପଣାପୂଜା ହେବ। ସେଠାରେ ଆଖୁ ବଳିର ପରମ୍ପରା ନିଆରା। ମା’ଙ୍କର ପୂଜା ଝୁମ୍ପୁରା ବଜାରରେ ଅନୁଷ୍ଠିତ ହୋଇ ଆସୁଛି। 

ବୈତରଣୀ ସେତୁ ଦୁର୍ବଳ: ବିପଦ ମୁହଁରେ ଜୀବନ

ବୈତରଣୀ ସେତୁ ଦୁର୍ବଳ: ବିପଦ ମୁହଁରେ ଜୀବନ

ଆନନ୍ଦପୁର,୧୬।୧୦(ସ୍ବ.ପ୍ର.): ଆନନ୍ଦପୁରର ବୈତରଣୀ ସେତୁ ୪ ମାସ ହେଲା ବିପଦସଙ୍କୁଳ ଅବସ୍ଥାରେ ରହିଛି। ସେତୁର ଗୋଟିଏ ପାର୍ଶ୍ୱର ପିଲାରରୁ ବ୍ୟରିଂ ଖସିବା ପରେ  ଗୋଟିଏ ସ୍ପାନ୍‌ ଦବି ଯାଇଛି। ଘଟଣା ସମ୍ପର୍କରେ ବିଭାଗୀୟ ଉଚ୍ଚ ପଦାଧିକାରୀ  ସେତୁର ସ୍ଥିତି ଅନୁଧ୍ୟାନ କରିଥିବା ବେଳେ ସେତୁ ପ୍ରତି ବିପଦ ରହିଥିବା ଅନୁଭବ କରିଥିଲେ। 

ନକଲି ଜର୍ଦ୍ଦା କାରଖାନା ଠାବ

ନକଲି ଜର୍ଦ୍ଦା କାରଖାନା ଠାବ

ଭଦ୍ରକ ଅଫିସ, ୧୬।୧୦- ଭଦ୍ରକ ଟାଉନ ପୋଲିସ ସହରର ବଙ୍କସାହିରେ ଚଢ଼ାଉ କରି ନକଲି ଜର୍ଦ୍ଦା କାରଖାନା ଠାବ କରିଛି। ଏହି କାରଖାନାରୁ ଲକ୍ଷାଧିକ ଟଙ୍କାର ନକଲି ଜର୍ଦ୍ଦା ପ୍ରସ୍ତୁତ ସାମଗ୍ରୀ ଜବତ କରାଯାଇଛି। 

ବଧୂହତ୍ୟା ମାମଲା: ଶ୍ୱଶୁର ଗିରଫ

ପଦ୍ମପୁର,୧୬।୧୦(ଡି.ଏନ.ଏ.)-ଭଦ୍ରକ ଜିଲା ବାସୁଦେବପୁର ବ୍ଲକ ଅଧୀନ ନାୟକାଣିଡିହୀ ଥାନା ପୋଲିସ ବଧୂହତ୍ୟା ମାମଲାରେ ଶ୍ୱଶୁର ବାଲିମୁଣ୍ଡା ଗ୍ରାମର ହରିପଦ ମଣ୍ଡଳଙ୍କୁ ଗିରଫ କରିଛି। 

ରିଲିଫ ଅର୍ଥ ହଡ଼ପ ଅଭିଯୋଗ: କାର୍ଯ୍ୟାନୁଷ୍ଠାନ ନ ହେଲେ ଆନ୍ଦୋଳନ

ରିଲିଫ ଅର୍ଥ ହଡ଼ପ ଅଭିଯୋଗ: କାର୍ଯ୍ୟାନୁଷ୍ଠାନ ନ ହେଲେ ଆନ୍ଦୋଳନ

ଭଦ୍ରକ ଅଫିସ,୧୬।୧୦-ଭଦ୍ରକ ଜିଲା ସଦର ବ୍ଲକ ଅଧୀନ ଦୈସିଂ ପଞ୍ଚାୟତର ୪ ନମ୍ବର ୱାର୍ଡର କୁସୁନନଗର ଓ ତେଲିସାହିର ହିତାଧିକାରୀଙ୍କ ଆକାଉଣ୍ଟକୁ ଆସିଥିବା ରିଲିଫ ଟଙ୍କାକୁ ଗଁାର କେତେକ ନେତା ହଡ଼ପ କରିନେଇଥିବା ସୋମବାର ହିତାଧିକାରୀମାନେ ଜିଲାପାଳଙ୍କୁ ଭେଟି ଅଭିଯୋଗ କରିଛନ୍ତି। 

‘ପଟ୍ଟା ନାହିଁ ତ ଭୋଟ ନାହିଁ ’

‘ପଟ୍ଟା ନାହିଁ ତ ଭୋଟ ନାହିଁ ’

ବାରିପଦା ଅଫିସ,୧୬।୧୦- ଆସନ୍ତା ୨୧ ତାରିଖରେ ବାରିପଦାସ୍ଥିତ ଛଉପଡ଼ିଆଠାରେ ହେବାକୁ ଥିବା  ଦୁର୍ନୀତି ଭ୍ରଷ୍ଟାଚାର ବିରୋଧି ମହାସମାବେଶକୁ ସଫଳ କରିବା ପାଇଁ ବାରିପଦା ପୌରାଞ୍ଚଳ ପଟ୍ଟା ବିହୀନ ବାସିନ୍ଦା ସଂଘ ପକ୍ଷରୁ ପାଲବଣିଠାରେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। 

ମା’ ଅମ୍ବିକା ମନ୍ଦିର: ନବ ରାତ୍ରରେ ଜମୁଛି ଭିଡ

ମା’ ଅମ୍ବିକା ମନ୍ଦିର: ନବ ରାତ୍ରରେ ଜମୁଛି ଭିଡ

ବାରିପଦା ଅଫିସ,୧୬।୧୦- ବାରିପଦା ରାଧାମୋହନ ମନ୍ଦିର ନିକଟରେ ଅବସ୍ଥିତ ଇଷ୍ଟାଦେବୀ ମା’ ଅମ୍ବିକାଙ୍କ ମନ୍ଦିରରେ  ନବରାତ୍ର ସମୟରେ   ଦେବୀ  ଦୁର୍ଗା ୯ ବେଶରେ ପୂଜା ପାଇଥାନ୍ତି। 

ପୂଜା ପାଇଁ ପୋଲିସ ପକ୍ଷରୁ ସ୍ବତନ୍ତ୍ର ଟ୍ରାଫିକ୍‌ ବ୍ୟବସ୍ଥା: ୨୦ ପ୍ଲାଟୁନ ଫୋର୍ସଙ୍କ ଫ୍ଲାଗ୍‌ମାର୍ଚ୍ଚ

ପୂଜା ପାଇଁ ପୋଲିସ ପକ୍ଷରୁ ସ୍ବତନ୍ତ୍ର ଟ୍ରାଫିକ୍‌ ବ୍ୟବସ୍ଥା: ୨୦ ପ୍ଲାଟୁନ ଫୋର୍ସଙ୍କ ଫ୍ଲାଗ୍‌ମାର୍ଚ୍ଚ

ବାଲେଶ୍ୱର ଅଫିସ,୧୫।୧୦-ବାଲେଶ୍ୱର ସହର ଦୁର୍ଗା ପୂଜା ପାଇଁ ଚଳଚଞ୍ଚଳ ହୋଇପଡିଛି। ଚଳିତବର୍ଷ ସହରରେ ୭୦ ମେଢ଼ରେ ଦୁର୍ଗତୀନାଶିନୀ ମା’ ଦୁର୍ଗା ପୂଜା ପାଉଛନ୍ତି।

କାନ୍ଥ ପଡ଼ି ବୃଦ୍ଧ ମୃତ

କାନ୍ଥ ପଡ଼ି ବୃଦ୍ଧ ମୃତ

ବାଲେଶ୍ୱର ଅଫିସ, ୧୫।୧୦-ରବିବାର ବିଳମ୍ବିତ ରାତିରେ ବାଲେଶ୍ୱର ଜିଲା ସଦର ବ୍ଲକ ଅନ୍ତର୍ଗତ ପାଖରାବାଡ଼ ଗାଁର ଗୋକୁଳି ବେହେରା (୬୦) ନାମକ ବୃଦ୍ଧଙ୍କ କାନ୍ଥ ପଡ଼ି ମୃତ୍ୟୁ ଘଟିଛି। 

ଯୁବକଙ୍କ ମାଡ଼ରେ ବୃଦ୍ଧାଙ୍କ ଜୀବନ ଗଲା

ଯୁବକଙ୍କ ମାଡ଼ରେ ବୃଦ୍ଧାଙ୍କ ଜୀବନ ଗଲା

ତିହିଡ଼ି, ୧୫ା୧୦(ଡି.ଏନ.ଏ.)-ଭଦ୍ରକ ଜିଲା ତିହିଡି ଥାନା ଗୋବିନ୍ଦପୁର ପଞ୍ଚାୟତ ଅଧୀନ ତଳହଂସପାଟ ଗ୍ରାମର ଜଣେ ଯୁବକଙ୍କ ମାଡ଼ରେ ସେହି ଗ୍ରାମର ଲକ୍ଷ୍ମୀ ନାୟକ (୭୫) ନାମ୍ନୀ ଜଣେ ବୃଦ୍ଧାଙ୍କର ଜୀବନ ଯିବା ଘଟଣା ସେଠାରେ ଆଲୋଡ଼ନ ସୃଷ୍ଟି କରିଛି।