ରାଜ୍ୟ |

ରଥଯାତ୍ରା-୨୦୧୮: ପ୍ରଥମଥର ବୌଦ୍ଧରୁ ଆସିବ ରଥକାଠ

ରଥଯାତ୍ରା-୨୦୧୮: ପ୍ରଥମଥର ବୌଦ୍ଧରୁ ଆସିବ ରଥକାଠ
ପୁରୀ ଅଫିସ, ୨୯।୧୨: ଗତବର୍ଷ ରଥଯାତ୍ରା ସୁରୁଖୁରରେ ସମ୍ପନ୍ନ ହୋଇଥିଲେ ହେଁ ରଥ ନିର୍ମାଣରେ ତ୍ରୁଟିକୁ ନେଇ ବଦନାମ ହୋଇଥିଲା ଶ୍ରୀମନ୍ଦିର ପ୍ରଶାସନ। ସୁଭଦ୍ରାଙ୍କ ରଥ ଅଖ ଭାଙ୍ଗିବା ଏବଂ ବଡ଼ଠାକୁରଙ୍କ ରଥର ଚାରିନାହାକା କାଟି ଦିଆଯିବାକୁ ନେଇ ଆରମ୍ଭରୁ ସୃଷ୍ଟି ହୋଇଥିଲା ବିଶୃଙ୍ଖଳା। ଏପରି କି ରଥଚକ ଭାଙ୍ଗିଯିବାରୁ ବଡ଼ଦାଣ୍ଡରେ ଅଟକିଥିଲା ତିନିରଥ। ତେଣୁ ଚଳିତବର୍ଷ କାଠ ସଂଗ୍ରହ ଏବଂ ରଥ ନିର୍ମାଣ ଉପରେ ଫୋକସ ରଖିଛି ଶ୍ରୀମନ୍ଦିର ପ୍ରଶାସନ। ୨୦୧୮ ଜୁଲାଇ ୧୪ରେ ରଥଯାତ୍ରା ପଡ଼ୁଥିବା ବେଳେ ଏହାର ଢେର ପୂର୍ବରୁ ପ୍ରସ୍ତୁତି ଆରମ୍ଭ କରିଛି ଶ୍ରୀମନ୍ଦିର ପ୍ରଶାସନ। ରଥଯାତ୍ରାର ପ୍ରଥମ ପ୍ରସ୍ତୁତି ବୈଠକ ଶୁକ୍ରବାର ସନ୍ଧ୍ୟାରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ ଜେନାଙ୍କ ଅଧ୍ୟକ୍ଷତାରେ ଶ୍ରୀମନ୍ଦିର ପ୍ରଶାସନ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ପୂର୍ବରୁ ନୟାଗଡ଼, ଖୋର୍ଦ୍ଧା ବନମଣ୍ଡଳରୁ ରଥକାଠ ଆସୁଥିବା ବେଳେ ପ୍ରଥମଥର ଲାଗି ବୌଦ୍ଧ ବନମଣ୍ଡଳରୁ ରଥ କାଠ ଆସିବ। ରଥ ନିର୍ମାଣ ଲାଗି ନୟାଗଡ଼ରେ ଉପଯୁକ୍ତ ଅସନ ଓ ଧଉରା ମିଳୁ ନ ଥିବାରୁ ବୌଦ୍ଧରୁ ଅଣାଯିବାକୁ ନିଷ୍ପତ୍ତି ହୋଇଛି। ଗତ ୧୯ ତାରିଖରେ ନୟାଗଡ଼ ବଡମୂଳସ୍ଥିତ ବଡରାଉଳ ଠାକୁରାଣୀଙ୍କ ପୀଠରେ ପୂଜାର୍ଚ୍ଚନା ପରେ କାଠ ସଂଗ୍ରହ ପ୍ରକ୍ରିୟା ଆରମ୍ଭ ହୋଇଛି। ରଥର ଅଖ, ଦଣ୍ଡା, ଚାରିନାହାକା ଆଦି ଗୁରୁତ୍ୱପୂର୍ଣ୍ଣ କାଠ ପାଇଁ ଆସନ୍ତା ଜାନୁୟାରୀ ୧୦ରୁ ୧୫ ତାରିଖ ମଧ୍ୟରେ ଶ୍ରୀମନ୍ଦିର ପ୍ରଶାସନ ଭୋଇ ସେବାୟତ, ମହାରଣା ଏବଂ ତତ୍ତ୍ବାବଧାରକଙ୍କୁ ନେଇ ଏକ ଟିମ୍‌ ନୟାଗଡ଼, ବୌଦ୍ଧ ଯିବ। ଚଳିତବର୍ଷ ଯୋଡା ଜ୍ୟେଷ୍ଠ ମାସ ପଡୁଛି। ତେଣୁ ରଥ ନିର୍ମାଣ ପାଇଁ ୧ ମାସ ଅଧିକ ସମୟ ମିଳିବ। ରଥ ନିର୍ମାଣ ଲାଗି ପର୍ଯ୍ୟାପ୍ତ ସମୟ ମିଳିଥିବାରୁ ଏଥର ମହାରଣାମାନଙ୍କୁ ଦେଢା ମଜୁରି ଦିଆଯିବ ନାହିଁ ବୋଲି ଆଲୋଚନା ହୋଇଛି। ପ୍ରତିବର୍ଷ ରଥ ନିର୍ମାଣରେ ସମୟ ଅଭାବ ରହୁଥିବାରୁ ବିଶ୍ୱକର୍ମା, ମହାରଣା ସେବକ, ଭୋଇ ସେବକଙ୍କୁ ଦେଢା ମଜୁରି ଦିଆଯାଇଥାଏ। ପୂର୍ବରୁ ରଥ କନା ଅହମ୍ମଦାବାଦରୁ ଅଣାଯାଉଥିବା ବେଳେ ବାସୁଙ୍ଗାପାଟ କଟକର ନୂଆପାଟଣା ଅଞ୍ଚଳରୁ ଅଣାଯାଉଥିଲା। ଚଳିତବର୍ଷ କନା ସାମଗ୍ରୀ କିଣିବା ପୂର୍ବରୁ ହସ୍ତତନ୍ତ ଓ ବୟନ ଶିଳ୍ପ ବିଭାଗର ବୟନିକା, ସେରିଫେଡ୍‌ ଆଦି ସଂସ୍ଥା ସହିତ ଆଲୋଚନା କରାଯିବା ପରେ ନିଷ୍ପତ୍ତି ନିଆଯିବାକୁ ସ୍ଥିର ହୋଇଛି। କିଛି ବର୍ଷ ଧରି ପ୍ରତି ରଥ ସମନ୍ବୟ ବୈଠକରେ ପୁରୀଠାରେ କରତ କଳ ସ୍ଥାପନ କରାଯିବାକୁ ଆଲୋଚନା ହେଉଛି। ଅଧିକାରୀମାନେ ହଁ ମାରୁଛନ୍ତି। ହେଲେ କରତକଳ ପ୍ରତିଷ୍ଠା ହୋଇପାରୁ ନ ଥିବାରୁ ବୈଠକରେ ହୋ ହଲ୍ଲା ହେଉଛି। ଚଳିତବର୍ଷ ମଧ୍ୟ ପୁରୀରେ କରତ କଳ ସମ୍ଭବ ହୋଇପାରୁ ନାହିଁ। ପୂର୍ବ ବର୍ଷମାନଙ୍କ ଭଳି ଚଳିତ ବର୍ଷ ମଧ୍ୟ କଟକ ଖପୁରିଆସ୍ଥିତ ସରକାରୀ କରତ କଳରେ କାଠ ଚିରଟ କରାଯିବ ବୋଲି ବୈଠକରେ ଆଲୋଚନା ହୋଇଛି। ବୈଠକରେ ନୀତି ପ୍ରଶାସକ ପ୍ରଦୀପ ଦାଶ, ସୁରକ୍ଷା ପ୍ରଶାସକ ପ୍ରଫୁଲ୍ଲ କୁମାର ମିଶ୍ର, ଖୋର୍ଦ୍ଧା ଡିଏଫ୍‌ଓ ମନୋଜ ମହାପାତ୍ର, ପୁରୀ ଡିଏଫ୍‌ଓ ହର୍ଷବର୍ଦ୍ଧନ ଉଦ୍‌ଗାତା, ନୟାଗଡ଼ ଡିଏଫ୍‌ଓ ଗୋଦାବରୀଶ ପଣ୍ଡା, ବୌଦ୍ଧ ଡିଏଫ୍‌ଓ, ସହକାରୀ ପ୍ରଶାସକ ସରୋଜ ରାୟ, ତିନିବାଡ଼ର ବିଶ୍ୱକର୍ମା, ଶ୍ରୀମନ୍ଦିର ପ୍ରଶାସନର ବିଭିନ୍ନ ବିଭାଗର ଅଧିକାରୀ ଉପସ୍ଥିତ ଥିଲେ।
All Right Reserved By

ରାଜ୍ୟ |

ଟ୍ରକ୍‌ ଧକ୍କାରେ ବାଇକ୍‌ ଚାଳକ ମୃତ

ଟ୍ରକ୍‌ ଧକ୍କାରେ ବାଇକ୍‌ ଚାଳକ ମୃତ

ଜମନକିରା,୨୩।୧(ଡି.ଏନ୍‌.ଏ):ସମ୍ବଲପୁର ଜିଲା ଜମନକିରା ଥାନା ଅଧୀନ ଟିକିଲିପଡ଼ା ନିକଟରେ ବୁଧବାର ଅପରାହ୍ନ ସାଢ଼େ ୨ଟାରେ ଦୁର୍ଘଟଣା ଘଟି ଜଣକର ମୃତ୍ୟୁ ଘଟିଛି। ଏକ ଟ୍ରକ୍‌ ଜଣେ ବାଇକ୍‌ ଚାଳକଙ୍କୁ ଧକ୍କା ଦେଇ ଖସି ପଳାଇଛି। 

କାନଭାସରେ ‘କନ୍ୟା ସନ୍ତାନ ବଞ୍ଚାଅ’

କାନଭାସରେ ‘କନ୍ୟା ସନ୍ତାନ ବଞ୍ଚାଅ’

ବାରିପଦା ଅଫିସ,୨୩।୧- ବାରିପଦା ସ୍ଥିତ ଚିତ୍ରକଳା ଅନୁଷ୍ଠାନ ସ୍କୁଲ ଅଫ ଆର୍ଟ ଆଣ୍ଡ କ୍ରାଫ୍ଟ ପକ୍ଷରୁ ନେତାଜୀ ସୁବାଷ ଚନ୍ଦ୍ର ବୋଷ ଜୟନ୍ତୀ ଅବସରରେ ଏକ ମିଳିତ ଚିତ୍ରକଳା କର୍ମଶାଳା ଓ ପ୍ରଦର୍ଶନୀ ଆୟୋଜିତ ହୋଇଯାଇଛି।

କଟକଣା ପ୍ରହସନ, ସହରରେ ମାଳ ମାଳ ପଲିଥିନ:ପୁଣି ଚିଠି ଲେଖିଲା ପରିବେଶ ବିଭାଗ

କଟକଣା ପ୍ରହସନ, ସହରରେ ମାଳ ମାଳ ପଲିଥିନ:ପୁଣି ଚିଠି ଲେଖିଲା ପରିବେଶ ବିଭାଗ

ଭୁବନେଶ୍ୱର,୨୩।୧(ବ୍ୟୁରୋ)-ରାଜ୍ୟ ସରକାର ୫ ମହାନଗର ନିଗମ ସମେତ ପୁରୀ ସହରରେ ପଲିଥିନ ବ୍ୟବହାରକୁ ୨୦୧୮ ଅକ୍ଟୋବର ୨ ଗାନ୍ଧୀ ଜୟନ୍ତୀ ଠାରୁ ନିଷେଧ କରିଛନ୍ତି। ପ୍ରଥମ ପର୍ଯ୍ୟାୟରେ ଭୁବନେଶ୍ୱର ସମେତ କଟକ, ବ୍ରହ୍ମପୁର,  ସମ୍ବଲପୁର, ରାଉରକେଲା ଏବଂ ପୁରୀ ସହରେ ଏହି କଟକଣା ଲାଗୁ କରାଯାଇଛି। ତେବେ କିଛି ଦିନ ଲୋକ ଦେଖାଣିଆ ଚଢାଉ ପରେ ମହାନଗର ନିଗମ କର୍ତ୍ତୃପକ୍ଷମାନେ ଶୋଇ ପଡିଛନ୍ତି । ସହର ସାରା ପଲିଥିନ ମୟ ହେବାରେ ଲାଗିଛି।

ସେଲଫି ୱିଥ୍‌ ସିଏମ୍‌ କାର୍ଯ୍ୟକ୍ରମ ଶୁଭାରମ୍ଭ କଲେ  ମୁଖ୍ୟମନ୍ତ୍ରୀ

ସେଲଫି ୱିଥ୍‌ ସିଏମ୍‌ କାର୍ଯ୍ୟକ୍ରମ ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୩।୧(ବ୍ୟୁରୋ)- ରାଜ୍ୟରେ ୫ ଲକ୍ଷ ନୂଆ ଭୋଟର । ଏମାନେ ସମସ୍ତେ ଯୁବବର୍ଗର। ଏଥିସହିତ ବିଭିନ୍ନ ସାମାଜିକ ଗଣମାଧ୍ୟମରେ ସକ୍ରିୟ ରହୁଥିବା ସମାଜର ଏକ ବଡ ଅଂଶ। ଏମାନଙ୍କୁ ଟାର୍ଗେଟ କରିଛି ବିଜେଡି।

ଲୁଟ୍‌ବେଳେ ବାଇକରୁ ଖସିପଡ଼ିଲେ ୨ ଲୁଟେରା

ଲୁଟ୍‌ବେଳେ ବାଇକରୁ ଖସିପଡ଼ିଲେ ୨ ଲୁଟେରା

ଭୁବନେଶ୍ୱର, ୨୩ା୧(ବ୍ୟୁରୋ)- ଚନ୍ଦ୍ରଶେଖରପୁର ଥାନା ଅଧୀନ ଡମଣା ଛକରେ ଜଣେ ଯୁବକଙ୍କଠାରୁ ମୋବାଇଲ ଏବଂ ବ୍ୟାଗ ଲୁଟ୍‌ କରିବାବେଳେ ବାଇକ୍‌ରୁ ଖସି ଦୁର୍ଘଟଣାର ଶିକାର ହୋଇଛନ୍ତି ୨ ଲୁଟେରା। 

ପଟ୍ଟନାୟକ ପରିବାର ଯୋଗୁ ରାହୁଲ ଅପଦସ୍ଥ: ଶ୍ରୀକାନ୍ତ

ପଟ୍ଟନାୟକ ପରିବାର ଯୋଗୁ ରାହୁଲ ଅପଦସ୍ଥ: ଶ୍ରୀକାନ୍ତ

ଭୁବନେଶ୍ୱର,୨୩।୧(ବ୍ୟୁରୋ)- ପିସିସି ସଭାପତି ନିଜର ଖଣି କାରବାର ପାଇଁ ମ୍ୟାନେଜର ଜରିଆରେ ଲାଞ୍ଛ ଦେଉଥିଲେ। ଏକଥା ସିଏ ସ୍ବୟଂ ସତ୍ୟପାଠ ଦାଖଲ କରି ସ୍ବୀକାର କରିଛନ୍ତି। ଏଥିପାଇଁ ଓଡ଼ିଶା ହାଇକୋର୍ଟ ତାଙ୍କୁ ଅଭ୍ୟାସଗତ ଲାଞ୍ଚଦାତା ବୋଲି ଅଭିହିତ କରିଥିଲେ। ତେଣୁ ଯେଉଁ ପ୍ରଦେଶ କଂଗ୍ରେସର ନେତୃତ୍ୱ ଏକଦା ଗୋପବନ୍ଧୁ ଦାସ, ନୀଳକଣ୍ଠ ଦାସଙ୍କ ଭଳି ବ୍ୟକ୍ତି ହାତରେ ରହିସାରିଛି। ସେହି କଂଗ୍ରେସର ନେତୃତ୍ୱ ଜଣେ ଅଭ୍ୟାସଗତ ଲାଞ୍ଚଦାତା ହାତରେ କିପରି ରହିବ ବୋଲି ପୂର୍ବତନ କେନ୍ଦ୍ରମନ୍ତ୍ରୀ ଶ୍ରୀକାନ୍ତ ଜେନା କହିଛନ୍ତି। 

ନେତାଜୀ ଜୟନ୍ତୀରେ ସ୍ବତନ୍ତ୍ର ଲଫାପା ଉନ୍ମୋଚିତ

ନେତାଜୀ ଜୟନ୍ତୀରେ ସ୍ବତନ୍ତ୍ର ଲଫାପା ଉନ୍ମୋଚିତ

କଟକ ଅଫିସ୍‌, ୨୩।୧: ନେତାଜୀ ଜୟନ୍ତୀ ଅବସରରେ କଟକ ଜିପିଓ ଡାକ ଘରେ ସାଇକେଲ ରିକ୍ସା ବାହିତ ସ୍ବତନ୍ତ୍ର ଲଫାପା ଉନ୍ମୋଚିତ ହୋଇଛି।

ବିଧାୟକଙ୍କୁ ଗିରଫ ଦାବି: ବେଗୁନିଆ ଥାନାରେ ଭଙ୍ଗାରୁଜା

ବିଧାୟକଙ୍କୁ ଗିରଫ ଦାବି: ବେଗୁନିଆ ଥାନାରେ ଭଙ୍ଗାରୁଜା

ଖୋର୍ଦ୍ଧା ଅଫିସ/ବେଗୁନିଆ, ୨୩।୧(ଡି.ଏନ୍‌.ଏ.): ବେଗୁନିଆ ବିଧାୟକ ପ୍ରଶାନ୍ତ କୁମାର ଜଗଦେବଙ୍କୁ ଗିରଫ ଦାବିରେ ବୁଧବାର ବେଗୁନିଆ ଥାନାରେ ପଶି ଲୋକେ ଭଙ୍ଗାରୁଜା କରିଛନ୍ତି।  ଏଥିସହ ସେମାନେ ବେଗୁନିଆ ଦେଇ ଯାଇଥିବା ୫୭ ନଂ. ଜାତୀୟ ରାଜପଥକୁ ଅବରୋଧ କରିଥିବା ଜଣାପଡ଼ିଛି। ଦାବି ପୂରଣ ନ ହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ସେମାନେ ଚେନାବନୀ ଦେଇଛନ୍ତି।

ଅନୁଗୋଳରେ ନାବାଳିକାଙ୍କୁ ବଳାତ୍କାର ଓ ହତ୍ୟା ଘଟଣା: ମୃତକଙ୍କ ପରିବାରକୁ ଭେଟିଲେ ଭାଜପା ମହିଳା ମୋର୍ଚ୍ଚା ଟିମ୍‌

ଅନୁଗୋଳରେ ନାବାଳିକାଙ୍କୁ ବଳାତ୍କାର ଓ ହତ୍ୟା ଘଟଣା: ମୃତକଙ୍କ ପରିବାରକୁ ଭେଟିଲେ ଭାଜପା ମହିଳା ମୋର୍ଚ୍ଚା ଟିମ୍‌

ଅନୁଗୋଳ ଅଫିସ,୨୩।୧: ଅନୁଗୋଳ ଉପକଣ୍ଠରେ ଜଣେ ନାବାଳିକାଙ୍କୁ ବଳାତ୍କାର ଓ ପଥରରେ ଛେଚି ହତ୍ୟା କରାଯିବା ଘଟଣାରେ ରାଜ୍ୟ ଭାଜପା ମହିଳା ମୋର୍ଚ୍ଚାର ଏକ ଟିମ୍‌ ବୁଧବାର ମୃତକଙ୍କ ପରିବାରକୁ ଭେଟି ସମବେଦନା ଜଣାଇଛନ୍ତି।

ନାବାଳିକାଙ୍କ ସହ ପ୍ରେମସମ୍ପର୍କ ରଖିବା ଯୋଗୁ ଜୀବନ ଗଲା, ଧରାକୋଟରେ ବ୍ୟାଙ୍କ କ୍ୟାଶିୟରଙ୍କୁ ହତ୍ୟା

ନାବାଳିକାଙ୍କ ସହ ପ୍ରେମସମ୍ପର୍କ ରଖିବା ଯୋଗୁ ଜୀବନ ଗଲା, ଧରାକୋଟରେ ବ୍ୟାଙ୍କ କ୍ୟାଶିୟରଙ୍କୁ ହତ୍ୟା

ଧରାକୋଟ,୨୩।୧(ଡି.ଏନ୍‌.ଏ.): ଗଞ୍ଜାମ ଜିଲା ଧରାକୋଟ ଥାନା ଅଧୀନ ମୁଣ୍ଡମରାଇ ଗ୍ରାମରେ ଥିବା ଆନ୍ଧ୍ରା ବ୍ୟାଙ୍କରେ କାର୍ଯ୍ୟରତ କ୍ୟାଶିୟର ବିନୟ କୁମାର ବେହେରାଙ୍କ ରକ୍ତ ଜୁଡ଼ୁବୁଡ଼ୁ ମୃତଦେହକୁ ବୁଧବାର ଉଦ୍ଧାର କରାଯାଇଛି। ବିନୟଙ୍କୁ ହତ୍ୟା କରାଯାଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। 

ସଂଗ୍ରହାଳୟରେ ନେତାଜୀ ଜୟନ୍ତୀ

ସଂଗ୍ରହାଳୟରେ ନେତାଜୀ ଜୟନ୍ତୀ

ପୁରୀ ଅଫିସ,୨୩ା୧: ନେତାଜୀ ସୁଭାଷ ବୋଷଙ୍କ ୧୨୨ତମ ଜୟନ୍ତୀ ବୁଧବାର ସ୍ଥାନୀୟ ନେତାଜୀ ସଂଗ୍ରହାଳୟ ପରିସରରେ ପାଳିତ ହୋଇଯାଇଛି । ଏଥିରେ ଜିଲାପାଳ ଜ୍ୟୋତିପ୍ରକାଶ ଦାସ ମୁଖ୍ୟଅତିଥି ଭାବେ ଯୋଗଦେଇ ନେତାଜୀଙ୍କ ସଂଗ୍ରାମୀ ଜୀବନୀ ଉପରେ ଆଲୋକପାତ କରିଥିଲେ । 

ନଡ଼ା ବୋହିବା ବେଳେ ଟ୍ରାକ୍ଟରରେ ଲାଗିଲା ନିଆଁ, ଲିଭାଇବା ଲାଗି ଗାଡ଼ିକୁ ପୋଖରୀରେ ପଶାଇଲେ ଡ୍ରାଇଭର

ନଡ଼ା ବୋହିବା ବେଳେ ଟ୍ରାକ୍ଟରରେ ଲାଗିଲା ନିଆଁ, ଲିଭାଇବା ଲାଗି ଗାଡ଼ିକୁ ପୋଖରୀରେ ପଶାଇଲେ ଡ୍ରାଇଭର

ମହାକାଳପଡ଼ା,୨୩।୧(ଡି.ଏନ୍‌.ଏ.): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଅଧୀନ ସ୍ଥାନୀୟ ବାରଡ଼ାଙ୍ଗ ପଞ୍ଚାୟତର ନନ୍ତାର ଗ୍ରାମରେ ବିଦ୍ୟୁତ ତାର ଲାଗି ଏକ ନଡ଼ା ବୋଝେଇ ଟ୍ରାକ୍ଟରରେ ନିଆଁ ଲାଗିଯାଇଥିଲା। ମାତ୍ର ଟ୍ରାକ୍ଟର ଡ୍ରାଇଭର ଟିଟୁ ଜେନାଙ୍କ ଯୋଗୁ ଗାଡ଼ିଟି ଜଳିବାରୁ ରକ୍ଷା ପାଇଯାଇଛି।