ବ୍ରହ୍ମପୁର

ଅଘଟଣରୁ ବନ୍ଦ ରହିଲା ଆଦିବାସୀଙ୍କ ନୂଆଖାଇ

ଅଘଟଣରୁ ବନ୍ଦ ରହିଲା ଆଦିବାସୀଙ୍କ ନୂଆଖାଇ

ପାତ୍ରପୁର,୨୯।୧୨(ଡି.ଏନ୍‌.ଏ.) - ଗଞ୍ଜାମ ଜିଲା ପାତ୍ରପୁର ବ୍ଲକର ଆଦିବାସୀ ଅଧ୍ୟୁଷିତ ଆଙ୍କୁଲି ପଞ୍ଚାୟତ କରଡ଼ାବାଡ଼ ଗ୍ରାମରେ ଗୁରୁବାର ନୂଆଖାଇ ପର୍ବର ପ୍ରଥମ ଦିନରେ ଅଘଟଣ ଘଟିଛି । ଦିନସାରା ଉପବାସ ରହି ସନ୍ଧ୍ୟାରେ ଖାଦ୍ୟ ଓ ପୂଜାରେ ଲାଗିଥିବା ରନ୍ଧା ମଦ ପିଇ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୪ ଅସୁସ୍ଥ ହୋଇଛନ୍ତି। ମୃତକମାନେ ହେଲେ ଧନୁ ବେହେରା (୬୦) ଓ ଶିବ ବେହେରା (୫୭)। ହରିଶ୍ଚନ୍ଦ୍ର ବେହେରା, ଟାଙ୍ଗୁରୁ ବେହେରା, ଗୁରୁବାରୁ ବେହେରା ଓ ଦଣ୍ଡ ବେହେରା ଝାଡ଼ାବାନ୍ତିରେ ଆକ୍ରାନ୍ତ ହୋଇ ପ୍ରଥମେ ପାତ୍ରପୁର ଡାକ୍ତରଖାନାରେ ଭର୍ତ୍ତି ହୋଇଥିଲେ। ହରିଶ୍ଚନ୍ଦ୍ର ଓ ଟାଙ୍ଗୁରୁଙ୍କ ଅବସ୍ଥା ଗୁରୁତର ଥିବାରୁ ବ୍ରହ୍ମପୁର ବଡ଼ ମେଡିକାଲକୁ ପଠାଯାଇଥିଲା। ଶୁକ୍ରବାର ଜରଡ଼ା ଥାନାଧିକାରୀ ଭବାନୀ ଶଙ୍କର ଖୁଣ୍ଟିଆ, ଅବକାରୀ ବିଭାଗ ସବ୍‌ ଇନ୍ସପେକ୍ଟର ରୋଷନ ଇସୁ ହାଂସଦା, ସୁଶାନ୍ତ କୁମାର ପାଢ଼ୀ, ଧିରେନ୍‌ କୁମାର ବେହେରା, ପ୍ରଦୀପ କୁମାର ପଟ୍ଟନାୟକ, ଏଚ୍‌ଆର୍‌ପିସି ସେଲ୍‌ର ଡିିଏସ୍‌ପି କେ.ପି. ଦାସ ଓ ସାଇଣ୍ଟିଫିକ୍‌ ଟିମ ଗ୍ରାମରେ ପହଞ୍ଚି ତଦନ୍ତ ଚଳାଇଛନ୍ତି। ଗୁରୁବାର ରନ୍ଧା ଯାଇଥିବା ଖାଦ୍ୟ ଓ ମଦର ନମୁନା ଯାଞ୍ଚ ପାଇଁ ପଠାଯାଇଛି। ମୃତଦେହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଯାଇଛି। କରଡ଼ାବାଡ଼ ଗାଁର ଆଦିବାସୀମାନେ ୩ ଦିନିଆ ନୂଆଖାଇ ପର୍ବ ପାଳନ କରିବାକୁ ସମସ୍ତ ପ୍ରସ୍ତୁତି ସାରିଥିଲେ। ଗୁରୁବାର ବନଦେବୀଙ୍କୁ ମାଜଣା କରି ଗ୍ରାମକୁ ଅଣାଯାଇ ପୂଜା ଆରମ୍ଭ ହୋଇଥିଲା। ଗ୍ରାମର ପ୍ରାୟ ୨୦ ବୟଜ୍ୟେଷ୍ଠ ବ୍ୟକ୍ତି ଉପବାସ ରହିଥିଲେ। ସନ୍ଧ୍ୟାରେ ପୂଜା ପାଇଁ ପ୍ରତ୍ୟେକ ଘରୁ ଖାଦ୍ୟ ଓ ରନ୍ଧା ମଦ ଆସିଥିଲା। ପୂଜା ସାରି ଏହାକୁ ଖାଇବା ପରେ କେତେଜଣଙ୍କର ଝାଡ଼ାବାନ୍ତି ହୋଇଥିଲା। ଝାଡ଼ାବାନ୍ତିରେ ଆକ୍ରାନ୍ତ ଧନୁଙ୍କର ଗାଁରେ ମୃତ୍ୟୁ ଘଟିଥିଲା। ଅନ୍ୟ ୫ ଆକ୍ରାନ୍ତ ପାତ୍ରପୁର ମେଡ଼ିକାଲରେ ଭର୍ତ୍ତି ହୋଇଥିଲେ। ସେମାନଙ୍କ ମଧ୍ୟରୁ ଶିବଙ୍କୁ ଡାକ୍ତର ମୃତ ଘୋଷଣା କରିଥିଲେ। ଏଭଳି ଅଘଟଣ ପରେ ଗ୍ରାମରେ ନୂଆଖାଇ ପର୍ବ ବନ୍ଦ ରହିଛି।

All Right Reserved By

Model This Week

Model This Week

ବ୍ରହ୍ମପୁର

ମଦ ବ୍ୟବସାୟୀଙ୍କୁ ହତ୍ୟା ଷଡ଼ଯନ୍ତ୍ର ପଣ୍ଡ, ୧୧ ଗିରଫ

ମଦ ବ୍ୟବସାୟୀଙ୍କୁ ହତ୍ୟା ଷଡ଼ଯନ୍ତ୍ର ପଣ୍ଡ, ୧୧ ଗିରଫ

ଆସିକା,୨୫।୪ (ଡି.ଏନ୍‌.ଏ.)- ଆସିକା ଅଞ୍ଚଳର ମଦ ବ୍ୟବସାୟୀଙ୍କୁ ହତ୍ୟା କରି ତାଙ୍କ ସାମ୍ରାଜ୍ୟ ହାତେଇବାକୁ ଚାଲିଥିବା ଏକ ଷଡ଼ଯନ୍ତ୍ରକୁ ପୋଲିସ ପଣ୍ଡ କରିଛି ା ହତ୍ୟା ଷଡ଼ଯନ୍ତ୍ର ଅଭିଯୋଗରେ ମଙ୍ଗଳବାର ଅପରାହ୍ନରେ ଆସିକା ସହର ଉପକଣ୍ଠ ଝଗଡେଇ ଗୁମ୍ଫା ନିକଟରୁ ୬ ଜଣଙ୍କୁ ପୋଲିସ କାବୁ କରିଥିଲା।

ପୃଥକ୍‌ ଦୁର୍ଘଟଣା: ୨ ମୃତ, ଜଣେ ଗୁରୁତର

ହିଞ୍ଜିଳିକାଟୁ,୨୫।୪(ଡି.ଏନ୍‌.ଏ.): ହିଞ୍ଜିଳି ଥାନା ଅଞ୍ଚଳରେ ପୃଥକ୍‌ ଦୁର୍ଘଟଣାରେ ମଙ୍ଗଳବାର ବିଳମ୍ବିତ ରାତିରେ ୨ ଜଣଙ୍କ ମୃତ୍ୟୁ ଘଟିଥିବାବେଳେ ଜଣେ ଗୁରୁତର ହୋଇଛନ୍ତି। ମୃତକମାନେ ହେଲେ ହିଞ୍ଜିଳି ଥାନା ନରେନ୍ଦ୍ରପୁର ଗ୍ରାମର ସୂର୍ଯ୍ୟ ନାରାୟଣ ପ୍ରଧାନ (୪୫) ଓ ହିଞ୍ଜିଳିକାଟୁ ପାଟଣାସାହିର ଗଙ୍ଗା ଦାସ (୩୦)। ଗୁରୁତର ଆହତ ଜଣକ ହେଲେ ଛତ୍ରପୁରର ଧର୍ମେନ୍ଦ୍ର ଦାସ (୨୬)।

ଟିଟିଇଙ୍କୁ ମାଡ଼ ଘଟଣା: ଜିଆରପି ଥାନାଧିକାରୀଙ୍କୁ ମିଳିଲା ସର୍ତ୍ତମୂଳକ ଜାମିନ

ବ୍ରହ୍ମପୁର ଅଫିସ,୨୫।୪- ଟିଟିଇଙ୍କୁ ମାଡ଼ ମାରିବା ଅଭିଯୋଗରେ ଗିରଫ ହୋଇଥିବା ବ୍ରହ୍ମପୁର ଜିଆରପି ଥାନାଧିକାରୀ ରାଜେନ୍ଦ୍ର କୁମାର ମୁଣ୍ଡାଙ୍କୁ ବୁଧବାର ଏଡିଜେ-୧ କୋର୍ଟରୁ ସର୍ତ୍ତ ମୂଳକ ଜାମିନ ମିଳିଛି। ୨୦ ହଜାର ଟଙ୍କା ଓ ଦୁଇ ଜାମିନଦାରଙ୍କ ସହିତ ମାମଲାରେ ପୋଲିସକୁ ସହାୟତା କରିବା ଓ ଥାନାରେ ହାଜର ହେବାକୁ ଏଡିଜେ-୧ ଜଜ୍‌ ରେଖାପ୍ରସାଦ ରାୟ ପ୍ରକାଶ କରିଛନ୍ତି।

ବାସବୀ କନ୍ୟକା ପରମେଶ୍ୱରୀଙ୍କ ଜନ୍ମୋତ୍ସବ

ବାସବୀ କନ୍ୟକା ପରମେଶ୍ୱରୀଙ୍କ ଜନ୍ମୋତ୍ସବ

ହିଞ୍ଜିଳିକାଟୁ,୨୫।୪(ଡି.ଏନ୍‌.ଏ.)- ହିଞ୍ଜିଳିକାଟୁ ରାଜାସାହି କଳିଙ୍ଗ ବୈଶ୍ୟ ସମାଜ ସଂଘ ଗୃହରେ ପୋଚିଲିମା ମହିଳା ସଂଘ ପକ୍ଷରୁ ଜାତିର ଆରାଧ୍ୟ ଦେବୀ ମା’ ବାସବୀ କନ୍ୟକା ପରମେଶ୍ୱରୀଙ୍କ ଜନ୍ମୋତ୍ସବ ବୁଧବାର ପୂର୍ବାହ୍ନରେ ପାଳିତ ହୋଇଯାଇଛି।

ଗଞ୍ଜେଇ ଜବତ, ଜଣେ ଗିରଫ

ଫିରିଙ୍ଗିଆ,୨୫।୪-କନ୍ଧମାଳ ଜିଲା ଫିରିଙ୍ଗିଆ ପୋଲିସ ବୁଧବାର ସକାଳେ ମାଶ୍ରିପଡା ଛକରେ ଚଢ଼ାଉ କରି ଏକ କାର୍‌ ସହ ଗଞ୍ଜେଇ ଜବତ କରିଛି। ଏହି ଘଟଣାରେ ଜଣେ ଯୁବକଙ୍କୁ ଗିରଫ କରାଯାଇଛି। ସେ ହେଲେ ଜି.ଉଦୟଗିରିର ତୁମୁସିଙ୍ଗିଆର ଲଛମନ ନାୟକ। କାର ନଂ(ଓଆର ୦୨ ବିୱାଇ ୭୨୪୮)ରେ ଗଞ୍ଜେଇ ଭର୍ତ୍ତି ହୋଇ ଯାଉଥିବା ନେଇ ପୋଲିସକୁ ଖବର ମିଳିଥିଲା। ସକାଳ ପ୍ରାୟ ୬.୧୫ ମିନିଟରେ ପୋଲିସ ମାଶ୍ରିପଡା-କେଲାପଡା ରାସ୍ତା ମାଶ୍ରିପଡା ଛକରେ ଏକ କାରକୁ ଅଟକାଇଥିଲା। ଯାଞ୍ଚ ବେଳେ ସେଥିରୁ ୪୫ କେଜି ୪୦୦ଗ୍ରାମ ଗଞ୍ଜେଇ ମିଳିଥିଲା। ପୋଲିସ ଗଞ୍ଜେଇ ସହ ଗାଡି ଏବଂ ଗୋଟିଏ ମୋବାଇଲ ଫୋନ ଜବତ କରି ନଂ. ୩୪/୧୮ରେ ମାମଲା ରୁଜୁ କରିଛି।

ସଡ଼କ ସୁରକ୍ଷା ସଚେତନତା ରଥ ପରିକ୍ରମା

ଆର.ଉଦୟଗିରି,୨୫।୪(ଡି.ଏନ.ଏ.)-ଜାତୀୟ ସଡ଼କ ସୁରକ୍ଷା ସପ୍ତାହ ପାଳନ ଅବସରରେ ଜିଲା ସଡ଼କ ପରିବହନ ଦ୍ୱାରା ପ୍ରସ୍ତୁତ ସଚେତନତା ରଥ ଗଜପତି ଜିଲା ଆର.ଉଦୟଗିରି ଥାନାରେ ବୁଧବାର ଶୁଭାରମ୍ଭ କରାଯାଇ ଗ୍ରାମ ପରିକ୍ରମା କରାଯାଇଥିଲା । ସ୍ଥାନୀୟ ନୋଡାଲ ଏବଂ ହାଇସ୍କୁଲ ଛାତ୍ରୀ ସଡ଼କ ସୁରକ୍ଷା ନିମନ୍ତେ ସ୍ଲୋଗାନ ଦେଇଥିଲେ । କାର୍ଯ୍ୟକ୍ରମରେ ବିଭିନ୍ନ ପ୍ରଚାର ପତ୍ର ଓ ବ୍ୟାନଜର ଲଗାଇ ସଚେତନତା କରାଯାଇଥିଲା। ଏହି କାର୍ଯ୍ୟକ୍ରମକୁ ତହସିଲଦାର ସୋମନାଥ ମାଝି ଉଦ୍‌ଘାଟନ କରିଥିଲେ । ଆଇଆଇସି ପ୍ରଭାକର ପଣ୍ଡାଙ୍କ ତତ୍ତ୍ବାବଧାନରେ କାର୍ଯ୍ୟକ୍ରମ ପରିଚାଳିତ ହୋଇଥିଲା । ନିଶା ସେବନ କରି ଗାଡ଼ି ଚାଳନା ନ କରିବା, ହେଲମେଟ ପିନ୍ଧିବା, ଦ୍ରୁତ ଗତିରେ ଗାଡ଼ି ନ ଚଳାଇବା ଏବଂ ଟ୍ରାଫିକ ନିୟମ ପାଳନ ଆଦି ସମ୍ପର୍କରେ ବୁଝାଇଥିଲେ । ଥାନାର ସମସ୍ତ କର୍ମଚାରୀ ଓ ଶିକ୍ଷକମାନେ ସହଯୋଗ କରିଥିଲେ ।

ଉତ୍‌ଥାନ ପ୍ରଶିକ୍ଷଣ ଶିବିର ଉଦ୍‌ଯାପିତ

ଜି.ଉଦୟଗିରି,୨୫।୪(ଡି.ଏନ.ଏ.)-ଜି.ଉଦୟଗିରି ହବାକ୍‌ ହାଇସ୍କୁଲରେ ଗତ ୧୭ ତାରିଖରୁ ଚାଲିଥିବା ଉତ୍‌ଥାନ ପ୍ରଶିକ୍ଷଣ ଶିବିର ବୁଧବାର ଉଦ୍‌ଯାପିତ ହୋଇଯାଇଛି। ୩ଟି ପର୍ଯ୍ୟାୟରେ ଚାଲିଥିବା ଏହି ପ୍ରଶିକ୍ଷଣ ଶିବିରରେ ୬ଷ୍ଠରୁ ଅଷ୍ଟମ ଶ୍ରେଣୀରେ ପଢ଼ୁଥିବା ଛାତ୍ରୀଛାତ୍ରମାନେ ଯେପରି ତୃତୀୟ ଓ ଚତୁର୍ଥ ଶ୍ରେଣୀ ପାଠକୁ ଠିକ୍‌ ଭାବେ ହାସଲ କରିବେ ସେ ସମ୍ପର୍କରେ ଏକ ପ୍ରତିକାରମୂଳକ ତାଲିମ ଦିଆଯାଇଥିଲା।

ବି.କରଡ଼ାବାଡି ପଞ୍ଚାୟତ: ନୂଆ ସରପଞ୍ଚଙ୍କ ଦାୟିତ୍ୱ ଗ୍ରହଣ

ବି.କରଡ଼ାବାଡି ପଞ୍ଚାୟତ: ନୂଆ ସରପଞ୍ଚଙ୍କ ଦାୟିତ୍ୱ ଗ୍ରହଣ

ବୁଗୁଡ଼ା,୨୫।୪(ଡି.ଏନ.ଏ.)-ବୁଗୁଡ଼ା ବ୍ଲକ ବି.କରଡ଼ାବାଡି ପଞ୍ଚାୟତର ନୂତନ ସରପଞ୍ଚ ଭାବେ ବିଷ୍ଣୁପ୍ରିୟା ନାୟକ ବୁଧବାର ଦାୟିତ୍ୱ ଗ୍ରହଣ କରିଛନ୍ତି। ବୁଗୁଡ଼ା ପ୍ରଥମଶ୍ରେଣୀ ଅଦାଲତର ଆଦେଶ ଏବଂ ଗଞ୍ଜାମ ଜିଲାପାଳଙ୍କ ଚିଠି (ନଂ.୬୯୪/ଜିପି୨୪.୪.୧୮) ଓ ବୁଗୁଡ଼ା ବିଡିଓଙ୍କ ଚିଠି (ନଂ.୯୮୬/୨୪.୪.୧୮) ପ୍ରକାରେ ବିଷ୍ଣୁପ୍ରିୟା ସରପଞ୍ଚ ହୋଇଛନ୍ତି। ଅଦାଲତ ସୋମବାର ବି. କରଡ଼ାବାଡ଼ିର ପୂର୍ବତନ ସରପଞ୍ଚ ସୀମାଞ୍ଚଳ ପ୍ରଧାନଙ୍କ ପଦବୀକୁ ଅସିଦ୍ଧ ଘୋଷଣା କରିବା ସହ ସର୍ବାଧିକ ଭୋଟ ପାଇ ଦ୍ୱିତୀୟ ସ୍ଥାନରେ ଥିବା ବିଷ୍ଣୁପ୍ରିୟାଙ୍କୁ ସରପଞ୍ଚ ଦାୟିତ୍ୱ ଦେବାକୁ ଆଦେଶ ଦେଇଥିଲେ।

ବିଶ୍ୱ ମ୍ୟାଲେରିଆ ଦିବସ

ବିଶ୍ୱ ମ୍ୟାଲେରିଆ ଦିବସ

ତୁମୁଡିବନ୍ଧ,୨୫।୪(ଡି.ଏନ୍‌.ଏ.)- କନ୍ଧମାଳ ଜିଲା ତୁମୁଡିବନ୍ଧ ବ୍ଲକର କୁର୍ତ୍ତୁମଗଡ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ବିଶ୍ୱ ମ୍ୟାଲେରିଆ ଦିବସ ବୁଧବାର ପାଳିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ କୁର୍ତ୍ତୁମଗଡ ସରପଞ୍ଚ ବିସନ୍ତି ମଳିକ, ସମ୍ମାନୀତ ଅତିଥିଭାବେ ବରିଷ୍ଠ ନାଗରୀକ ତଥା ଅବସରପ୍ରାପ୍ତ ଶିକ୍ଷକ ସଦାନନ୍ଦ ମଳିକ, ହାଇହୋପ୍‌ ସୋସାଇଟର ସମ୍ପାଦକ ଲିଙ୍ଗରାଜ ପ୍ରଧାନ ଓ ନ୍ୟୁ ଭିଜନ ଅଫ୍‌ ଇଣ୍ଡିଆର ସଭାପତି ବରଦା ପ୍ରସନ୍ନ ନାୟକ ପ୍ରମୁଖ ଯୋଗ ଦେଇଥିଲେ।

ସ୍ତ୍ରୀ ହତ୍ୟା ଅଭିଯୋଗରେ ସ୍ବାମୀ ଅଟକ

ବେଗୁନିଆପଡ଼ା,୨୫।୪(ଡି.ଏନ.ଏ.)- ବେଗୁନିଆପଡ଼ା ଫାଣ୍ଡି ଅନ୍ତର୍ଗତ ଚିଙ୍ଗୁଡ଼ିଖୋଲ ପଞ୍ଚାୟତ ଉସ୍ତାଳି ଗ୍ରାମରେ ସ୍ତ୍ରୀଙ୍କୁ ହତ୍ୟା କରିଥିବା ଅଭିଯୋଗରେ ପୋଲିସ ଜନୈକ ସ୍ବାମୀଙ୍କୁ ଅଟକ ରଖିଛି। ମଙ୍ଗଳବାର ଉସ୍ତାଳି ଗ୍ରାମରେ ବାହା ହୋଇଥିବା ତିରିଡ଼ା ଗ୍ରାମର ପ୍ରହଲ୍ଲାଦ ସ୍ବାଇଁଙ୍କ ଝିଅ ସୁଜ୍ଞାନୀଙ୍କର ମୃତ୍ୟୁ ହୋଇଥିଲା।

ଚନ୍ଦ୍ରଗିରି ପଞ୍ଚାୟତରେ ଆମ ଗଁ। ଆମ ବିକାଶ କାର୍ଯ୍ୟକ୍ରମ

ଚନ୍ଦ୍ରଗିରି ପଞ୍ଚାୟତରେ ଆମ ଗଁ। ଆମ ବିକାଶ କାର୍ଯ୍ୟକ୍ରମ

ଚନ୍ଦ୍ରଗିରି,୨୫।୪(ଡି.ଏନ୍‌.ଏ.)- ଗଜପତି ଜିଲା ମୋହନା ବ୍ଲକ ଚନ୍ଦ୍ରଗିରି ପଞ୍ଚାୟତରେ ଆମ ଗଁା ଆମ ବିକାଶ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଚନ୍ଦ୍ରଗିରି ପଞ୍ଚାୟତର ସମସ୍ତ ଜନପ୍ରତିନିଧି ଏବଂ ଜନସାଧାରଣଙ୍କ ସହ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସଚିବାଳୟରୁ ଭିଡିଓ କନ୍‌ଫରେନ୍ସିଂ ମାଧ୍ୟମରେ ବିଭିନ୍ନ ଉନ୍ନୟନମୂଳକ କାର୍ଯ୍ୟ ବିଷୟରେ ଆଲୋଚନା କରିଥିଲେ।

ରାଜସ୍ବ ସମୀକ୍ଷା ବୈଠକ

ରାଜସ୍ବ ସମୀକ୍ଷା ବୈଠକ

ଛତ୍ରପୁର,୨୫।୪(ଡି.ଏନ୍‌.ଏ.)- ଗଞ୍ଜାମ ଜିଲା ରାଜସ୍ବ ସମୀକ୍ଷା ବୈଠକ ବୁଧବାର ଛତ୍ରପୁରସ୍ଥିତ ଜିଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଥିଲା। ଏଥିରେ ଜିଲାପାଳ ପ୍ରେମଚନ୍ଦ୍ର ଚୌଧୁରୀ ଅଧ୍ୟକ୍ଷତା କରିଥିଲେ। ରାଜସ୍ବ ଲକ୍ଷ୍ୟ ପୂରଣ ଉପରେ ଗୁରୁତ୍ୱାରୋପ କରାଯାଇଥିଲା।